#ذئاب_الجسد
ثاني عشر
بقلمي فردوس عبد اللطيف
~~
عجيبون هم البشر كل الأمور ظلم عندما لا تصب في مصلحتهم، وعدل إن كانت لهم حتّى وإن كانت ظلم لغيرهم.

أحيانًا تتمنى أنّك لم تخلق على وجه الأرض؛ لأن ظلم البشر يجعلك تتمنى الموت.
~~~
جنه ولج تينه فضحتينا وخزيتينا اليوم اموتج تاليتهه تتهمين
احمد تاج راسج
سناء يمه ع كيفج ويه اختج خلينا نفتهم شو اخذتينا بالصياح
والهوسه
تينه يمه جاي تفتري علي بنتج
ركضت وكفت وره ماما واخوي مصدك كلام اختي
هو اصلا يكرهني وميحبني ويتمنى يخلص مني باي طريقه
واحمد هو الي مربي وعلمه عالسياقه وشرب الخمر
فيعتبره القدوه مالته ميكدر يرزله بس نكر احمد
اخوي هدأ واعتبروني اني المذنبة
اخذتني امي لغرفتها بقيت ابجي واكول ليش بابا عفتني ؟
ليش ماخذتني وياك
وامي تمسد على راسي وتقرى آيات قرآنيه
لان شافتني اختنكت حتى الكلام ميطلع ماكدر احجي

~~
حسن العصر ارجع اخذج سلميلي ع كرار
رغد الله يسلمك

كرار هلو رغوده شلونج شخبارج ؟
رغد شخباري البارحه علكت عركه قويه بيت عيالي
كرار تعالي احجيلي شكو شصاير ؟

كرار وليش يسكتون لاحمد ؟
رغد هو ومرته مسيطرين عالبيت
لان جنه أختهم الجبيره وشخصيتها قويه وعدها امكانيه اذا تريد تطلك وحده من خواتها تكدر
مرات اشوفها رجال مو انثى
حتى احمد يكوللهه اني متزوج عريف جابر
جسمها كوله شعر ماتحف ولا تعتني بنفسها
ملابس ماتشتري زوجها ينطيها فلوس بس هي دومها
لابسه بنطرون وتيشيرت
عطور ماتشتري مرات تصيح ع تينه دكوللهه انت مبعثره
الفلوس على خرابيط عطور وملابس وشامبوات
كرار وتينه موافقه ع ابن عمها محمد
رغد لا مموافقه دكول شايب ومن راد يعتدي عليها
كرهته من يجي لبيتهم تبقى بالغرفه ماتطلع
~~~~
تينه اليوم هم لكيت دهن ع ملابسي وعندي بنطرون مكصوص بالمكص
ماما الى متى ابقى هيج هدومي خربت ولو اعرف منو
سناء عبالك احد متقصد
تينه جتني رساله واني كاعده يم ماما
( مشتاق لعيونج الحلوه شوكت تطلعين للسوك اريد اشوفج )

تينه منو حضرتك ؟؟؟؟؟؟
اني العاشق الولهان انت سامعه بالحب من اول نظره
اني حبيتج من اول نظره عشكتج ودخلتي بعقلي وروحي

تينه شو جنك مجنون اذا مدكولي منو انت راح احضرك

حتى لو حضرتيني ادزلج من غير تلفون
اني مجنون تينه
مراح اكولج منو اني بس حاتشوفيني اذا دكوليلي شوكت تطلعين للسوك
تينه اوك باجر اروح للسوك اشتري مكياجات وأصباغ شعر

تقصدين لمحل خلدون ابو الكماليات ؟
تينه شمعرفك بي ؟
اني اعرف كولشي عنج باجر تشوفيني وتعرفيني

تينه هذا بطران الا يشوفني شيريد مني


رغد ولج تينه عرفت منو يدهن ملابسج ويكصكصهم
تينه عفيه كوليلي
رغد بنات اختج خلود سمعتهن يحجون بيناتهن ودكوللهه
همزين محد شافنا من كصيت البنطرون ودهنت ملابسها
وأختهم الثالثه دكوللهم ليش دمرتو البنطرون جان احنا ناخذه
اشو كل ملابسها تنطينياها

تينه معقوله الغيره تخليهن يسون هيج
ولا فكرت هن يسونها اشو كل ملابسي انطيها الهن
وفلوس انطيهم واشتري لامهم
كوله صوج ابوهم مخليهم بحسرة الفلس
لايشتريلهم ولا لامهم
شلون قهر اذا احجي راح ينكرون واذا اسكت يستمرون
يخربون هدومي
باجر عندي روحه للسوك راح اشتريلهم كل وحده تراك
رغد شو انت مدللتهم بدل ماتتعاركين وياهن تردين تشتريلهن
تينه تعتقدين من سون هيج عمل بدافع الحقد ؟
رغد اكيد حاقدات لو اني منج اروح املخهن انت شكد فطيره
تينه خطيه ذني بنات مراهقات
راح اخلي ماما تحجي وياهن ودكوللهم تينه عرفت بيكم

رغد شكد شايفه فطر بس بفطارتج مشايفه
روحي فضحيهن وهوسي عليهن تريد تشتريلهم
انت اكيد مو طبيعيه
تينه اني طبيعيه بس الي حوليني يشوفون تصرفاتي مو طبيعيه
مشكلتي كلبي يسامح وماكدر احقد
رغد. اوي انت ورمتي كلبي خل اروح اغسل هدوم

~~
تينه بالليل جتني رساله من العاشق الولهان
الكمر باچر شوكت يروح للسوك ؟
تينه باجر بالخمسه العصر
دزلي اغنيه هيثم يوسف
شيجيب باجر واصبر اشلون باجر التقي بأجمل انسان كل لحضه التمر تسألني لعيون شضل من الوقت مو صبر خلصان حرت شلبسله باجر اني اي لون .....

تينه هسه لو اعرفه منو يسوى افكر بي لو واحد تعبان
باجر مو بعيد

اليوم الثاني
كملت يومي بثلاث زبونات والحمد لله الوارد يشجع
سجلت النواقص الي عندي أصباغ وشغلات التسريح
ماما تردين شي من السوك ؟
سناء ‏تريدين اعوفج وحدج ترحين رجلي على رجلج
تينه يووو ماما تأخريني كوه تمشين بالسوك
سناء ولج غير حسن يذبحج
‏مو تدرين حسن ميقبل ترحين وحدج ليش تعاندين ،،،،

تينه اخذت ماما ورحت لخلدون
اتلفت ماكو احد واكف
دخلنا للمحل واخذت الاغراض وطلعنا نتمشى كملنا مسواكنا ورجعت للبيت اتلفت لا العاشق ولا الولهان

نطيت لبنات اختي تراكاتهم هوايه فرحن بيها كلبي مينطيني
احجي عليهن واكولهم انتو الي تدهنون ملابسي
بس كتلهن ياريت تديرون بالكم على ملابسي
اكو احد هنا ويانا بالبيت حاقد علي ودا يمزقهم لو يخلي دهن

عليهن ويخربهن
اني خالتكم حبيبتكم واي شي تحتاجون اني حاضره تعالو كولولي
~~~~
رتبت اغراضي الي شتريتهم ورحت عالتلفون لان نسيته بالشنطه ولكيت عشرين مكالمه ومسجات
المسج الاول
ماتوقعت تجيبين الوالده وياج مكدرت احجي وياج
بس اليوم طالعه كمر باللون الأزرق
اريد فد لون ميرهم عليج
الووو وينج وينج
والباقي مكالمات
من قريت المسجات اتصل
ياربي ارد لو لا
رحت بغرفة ماما وسديت الباب وجاوبت
الوووووو
العاشق مساء الورد عالورد
تينه هلا بيك انت منو وشتريد مني ؟
اني معجب واحب وعاشق ولهان
منين تعرفني ؟
شايفج اكثر من مره ومحاجيج وجها لوجه
تينه اذا مادكول منو انت راح اغلق التلفون واحضرك
على كيفج حياتي اني كرار ،،،،،،،
تينه. ياكرار ؟
كرار اخو رغد
تينه صفنت وسكتت لحضة صمت
من اول لحظه شفتج بيها واني كلبي نسرق ،،،
مو حرام عليج تسرقين كلبي وتلوعيني هيج ؟
لج حبيتج من اول نظره حبيت عيونج الحلوه
تينه وانت شلون تتجرأ وتراسلني وأختك تعرف بتصرفاتك ؟
كرار. لا ترى اختي ماتعرف والأفضل يبقى الموضوع بينا اني وياج
انت ليش تحجين وياي بقساوه وعيونج تلمع من تشوفني
تينه انت متوهم ترى اني لا اعرف بهالسوالف ولا محاجيه
اي ولد ،،،
كرار اعرف بيج صارلي فتره مراقبج وماشفت غير اخلاق راقيه وبنت ممكن اكمل حياتي وياها
تينه جتي ماما دخلت للغرفه ارتبكت
وكتله اوك حبيبتي اني باجر موجوده شوكت ماتردين تعالي

امي اشرتلي منو ؟
تينه كتلهه زبونه تريد تشوفني موجوده
الام عبالي وحده من خواتج
~~~~

تينه جتني رساله
مجاوبتيني كلبي يكول انت تبادليني نفس الشعور

تينه شجاوبه هو اني من اشوفه تتخربط احوالي
شعور غريب ينتابني لما اخلي عيني بعينه
هل هو هذا الحب ؟؟؟؟؟
اسئله كثيره بداخلي تحتاج اجابه
والمن احجي اذا خواتي ميحبوني ورغد اعتبرهه اختي
وكرار ميقبل احجيلها

خل اجاوبه
( بصراحه اني مو من النوع الي متعرفه ع ولد وعلاقات
ماعندي تجربه بهالموضوع
راح احاول اكون صديقه وياك حتمال بمرور الايام تتغير مشاعري )

كرار الله الله احلى خبر واليوم اجمل يوم من عمري
كل الي اريده منج تنطيني فرصة
واني وحظي !!!!!
ولو حظي طول عمره نايم 😢

~~~
من ذاك اليوم وكرار صار المنفذ الوحيد الي
مرات تلكي شخص تفتحله كلبك وهذا الشخص بعيد
لكن اكو كيميا تقربنا لذاك الشخص
شكد ارتاح من اسولفله ع الاذيه الي شفتها من طفولتي لليوم
وهو نفس الشي
متأذي بحياته لان ام رغد زوجة ابو وتفضل بناتها وابنها على كرار ومزوجي غصب
فتحلي كلبه وحجالي على الالم الي بداخله

كل شخص من عدنا اكو بداخله قصة ميكدر يرويها لاي انسان الا للشخص المقرب لقلبك

~
رغد تغيرت علي من تشوفني اشتري ملابس واصرف
على عطورات ومكياج
صارت مشاكل بينها وبين اخوي حسن
وبيوم

حسن يمه وينج هاي بنتج شنو يوميه تشتري ملابس
منيلها فلوس
فتح كنتوري وطلع ملابسي
بيش هذا الكوستم وهذا بيش
شمرهن عالسرير وجاب المقص وكصكص كم فستان
وامي تدفع بي ودكوله من شغلهه جاي تشتغل من الصبح لليل
نسوان يجوهه وتحفلهن وتصبغ شعرهن
بقى يصيح ويكسر بالاغراض
وحجه حجايه وكال واني منين اجيب حتى اشتري لمرتي ؟
ولزمني من شعري وكال ولج شوكت اخلص منج ومن مشاكلج

~~~
ام حسن يمه تينه بعد من تشترين ملابس لا تراويهم لمرت اخوج مبين جاي تضغط عليه يشتريلهه هدوم وهذا ماعنده
تينه يمه اني معتبرتها اختي دايما انطيها من اشوف شي يعجبها راسا اكوللهه اخذي اني اشتري غيره
وتاليتها تحرض حسن
ام حسن. ماتشوفيها غياره مبين عليها من تكعد تحجي على صديقاتها وتنطي بيهن
من اليوم بعد لاتراويها اشتري وضمي
تينه يمه ومن البسه شكول اذا سالوني
ام حسن كولي من اختي
تينه يا اخت منهم تنطيني اشو كلهن ياخذن مني

~~~~
من يوم انكشفت غيرة رغد واني بديت ابتعد عنها
عدهه وجهين كدامي احسها تحبني وتريد مصلحتي
ومن وراي تحرض حسن علي

تينه جتني رساله من كرار حبي مشتاقلج اريد اشوفج
تينه تلفوني كامرته عاطله
كرار ولج يا كاميرا شوكت ترحين للسوك ؟
تينه ههههه اليوم العصر بالخمسه
كرار انتظرج مشتاق مشتاق ياعمري
تينه ماما تجين وياي ؟
الام ماتشوفيني معصبه راسي ونايمه
تينه حروح للسوك محتاجه شغلات
مجاوبتني ماما عدهه صداع الشقيقه من يلزمها تنام بغرفتها وتطفي الضوه لازم الغرفه ظلمه
طلعت للسوك واني امشي لحكني واحد وبس يحجي
واني حاكرته وامشي بطريقي
ماشوف الا كرار مدري منين طلع ولزمه وراسا بوكس بوجهه ويضرب بالولد
واني اصيح لا عفيه كرار حايموت بايدك
ذاك الولد فرفح بايده وكاله عمي اسف اعتذر
خلى الدم يطلع من خشمه
بس اني كل جسمي يرجف
اقترب مني وابتسم وكال اليوم الكمر نازل يتمشى عالارض
ونظرلي نظره حب واشتياق خلاني اذوب بسحر عيونه
مشينا للمحل بقى هو واكف بره ينتظرني اكمل مسواكي
وطلعت شفته يدخن جكاره وضايج

كرار هذا ابو المحل مو مريح نظراته عليج مامرتاحلهه

تينه الصدك ترى الرجال انسان محترم مافد يوم تجاوز
الحدود واني مستفاده كلما أسدده ارجع اخذ منه بالدين
كرار امشي اوصلج بالسياره مخليها بالكراج
صعدنا بالسياره شغل تبريد
واندار علي
نطيني ايدج
تينه لا عفيه
كرار لا تخافين مني
لزم ايديه اثنينهم وعينه بعيني
راح اعترفلج وأعاهد ج
حركت راسي يعني شنو
كرار بصراحه بالبدايه كنت ناوي اضحك عليج
نيتي جانت انتقم من حسن اخوج لان هو غدر بي
اني اعتبرته صديقي واخوي ودخلته بيتي ورايح مسوي علاقه ويه اختي رغد من وراي
وبكل صلافه يحجيلي وره ما خطبها من يومها عاهدت نفسي انتقم من حسن واصادق اخته واضحك عليها
من تعرفت عليج وشفت طيبه كلبج وشكد حسن مأذيج وأزواج خواتج
ماكولج حبي الج عطف لا انت دخلتي كلبي من اول لحظه
شفتج بيها
واعاهدج امام الله تكونين الي واني مسؤل عنج طول عمري
وان فرقنا الزمن ابقى مسؤل عنج واهتم بيج
انت خسرتي ابوج اعتبريني حبيبج وابوج
واليوم راح احجي ويه اهلي يجون يخطبوج

تينه من ذكر سيرة بابا طفرت الدمعه من عيني
وبنفس الوقت صفنت عليه زين لو باقي صدك يضحك علي
شجان سويت ؟
تينه ها تخطبني من منو ؟
كرار راح احجي ويه حسن اول شي

تينه رجعت للبيت فرحانه ممصدكه الدنيا ضحكتلي وراح انخطب لشخص يحبني ويخاف علي من الهوى الطاير

~~
كرار شلونك حسن شخبارك ؟
حسن الحمد لله شعجب اليوم جاي لبيتنا حاصيح اختك
رغد هلا بيك خوي شلونك
كرار اسأل عنج شلونج بالحمل
رغد ابني وكح مثل ابوه
كرار اريد استكان چاي من ايدج الحلوه
رغد تدلل خوي
كرار خوي حسن اني اليوم جاي اخطب ايد اختك تينه واذا توافق حتى اجيب اهلي رسمي يجون
انت صديقي وآمون عليك وكلت احجي وياك قبل ما أجيبهم

حسن انت صديقي وعزيز علي
خل اسأل اهلي الموضوع مو بس اني اكدر اقرر
وراح اجاوبك باسرع وقت
كرار استأذنت وطلعت بس وجه حسن مايتفسر
من حجيت بخطوبه واخته وجهه صار احمر ونبرة صوته تغيرت

حسن بصوت هز البيت ولج تينه شعندج ويه كرار؟
تينه ها شنو ؟
لزمني من شعري وضربني احجي ولج
بقى يكفخ بي جتي ماما وخواتي
شبيك ليش تضربها
دخل احمد جره وأخذه للصاله حجو اثنينهم وحسن طلع
اجاني احمد واني ابجي ومقهوره
احمد تينه حبيبتي لاتبجين حرامات هالعيون الحلوه تذبل
تينه وخرت ايده
احمد تردين تتزوجين كرار ؟ سهله تينه
ماكو مانع اكدر اقنعه اخوج بس بشرط !!!
تينه شنو شرطك ؟
احمد تخليني انام وياج وشوكت ما اريدج تجيني واشبع رغبتي منج وانت تاخذين كرار وتعيشين وياه
وعلاقتنا تبقى سريه بيني وبينج
اخليج ملكه وتحكمين اهلج كولهم وهذا حسن اخلي يخضع
لكل طلباتج
لاتجاوبيني هسه فكري وباجر اريد ردج
فكري بمصلحتج وسعادتج
كرصني من خدي وباس ايده وطلع

شتعتقدون تينه شراح تسوي مقابل هالذيب ؟

ترقبوا البارت القادم
~ بقلمي فردوس عبد اللطيف ~~~~

#ذئاب_الجسد
ثالث عشر
بقلمي فردوس عبد اللطيف
. في البداية لم يكن هناك سوى قدر ضئيل من الظلم في العالم، لكن كل شخص جاء إلى هذا العالم أضاف جزءاً بسيطاً من الظلم ظانّاً أنّه لن يؤثر بشكل كبير، وهكذا انتهى بنا الأمر بعالم مليء بالظلم.
تينه
طلع احمد ومن كلامه فهمت مصيري ومستقبلي بيده
اخوي حسن ماعنده شخصيه ويسمع كلام احمد
ورغد الي اعتبرتها اخت وفضلتها ع خواتي
اذا اشتري ملابس تلبسهم هي قبلي من تطلع تتكشخ بهدومي
الغيره خلتها تبث سمومها وتحرض حسن علي
من ذاك اليوم وبدت المضايقات من كل الجهات
~
هديل الووو تينه ليش ماتردين ؟
تينه ماسمعتي بالي صار ؟ اخوج ميقبل اتزوج كرار
هديل اختي حبيبتي اولا بعدج صغيره وكرار اكبر منج ب 11سنه ومطلق
اهلي يعرفون مصلحتج اكثر منج والي سمعته مو بس حسن رافض حتى جنه واحمد رافضينه
تينه سكتت شحجي
هديل حبيبتي تينه من جنت عدكم اخذت رصيد من ابو الاسواق جاسم عفيه روحي انطي ٢٥ الف
هسه اذا اكول لزوجي يطلكني ماعندي غيرج حبيبتي انت
تينه اوك حروح
غيرت ملابسي لبست بنطرون وقميص طويل وطلعت رحتله نطيته الفلوس
واعتذرت منه عن اختي الي أخرت المبلغ
رجعت للبيت لكيت جنه واكفه بالحديقه
جنه ولج وين جنتي ؟ شو انتي بكيفج تطلعين وتطبين
اجه حسن ورغد جانو يمها بالمشتمل والكل وكفو بالحديقه
حسن هجم علي لزمني من شعري وضربني راشدي
حسن اني مانعج تطلعين بره البيت وين جنتي ؟
جنه ولك مصادقه ابو الاسواق وشوف بيدهه چبس وببسي ينطيها بلاش

تينه الكل يصيح ويضرب واني اريد ادافع عن نفسي
عطت بيهم ولكم الله واكبر عليكم ......موتوني كلكم علي ؟ياظلام بس نطوني مجال احجي ،،،،،
أ سألو هديل طلبت مني انطي جاسم فلوس الرصيد الي اخذته من عنده من جتي يمنا وتخاف من رجلها
وبقيت الطم ع وجهي واصرخ
جتي ماما ولكم شتردون من هاليتيمه ولكم شسويتو بيهه
حرام عليكم كلكم عليها
جنه انت مشجعتها انت مخليتها تتمادى ،،،،
بنتج كح مصادقه ابو المحل ومصادقه ابو الكماليات
تضحك عالكل وتسحب منهم فلوس ويصرفون عليها
الام خافي ربج ولج هاي اختج دمج ولحمج
مو جاي تشتغل وبعيني دا اشوف النسوان يجون تحفلهن
والي تصبغ والي تسرح والي تميش
حسن ولج اليوم انتقم منج كلبه حقيره

سناء وخر ولك الله ينتقم منكم
احمد ام الولد دشوف مكياجها عبالك رايحه حفله
تينه جرتني ماما واخذتني للغرفه وقفلت الباب بقى حسن يحاول يفتح الباب ويصيح فتحي خل ابرد كلبي واموتها واخلص من هالعار الساقطه
ولج ياتينه الا يجي يوم اذبحج واذبج بالبالوعه
وراها سمعت صوت احمد اخذ حسن لبيتهم
وجنه وياهم صوتها عالي
بقيت ابجي والطم
ولج يمه خلصيني من هالضيم لايخليني اتزوج ولا يخليني
اشتغل ولا يخليني اعيش مثل باقي البنات
صارت عندي حاله نفسيه اكرط باظافيري لو اهلس بشعري
وكلسع تصير بي فزه
اذا امي مدت ايدهه يمي اخترع من مكاني افز
تركت الصلاه وبس كاعده وابجي
حبست نفسي بالغرفه اخاف اطلع امتنعت عن الاكل
ضعفت بالليل ماكدر انام للصبح ابقى سهرانه
والزبونات يجون اكولهم تعبانه ماكدر
هملت نفسي وشغلي
اباوع لنفسي بالمرايه وجهي اصفر وضعفان

فتحت تلفوني بعد ماغالقته مده اسبوع
لكيت الف مكالمه ومسجات كومه من كرار
لايكدر يجي يسال علي ولا اخته تنطي اي معلومات عني

جاوبته هلو كرار شلونك
كرار بعد وكت ليش هيج ياعمري ؟
مافكرتي بي ماكلتي راح يتأذى من اكطع بي
منا اخوج رفضني ومنا انت غلقتي تلفونج
احجي جاوبيني ،،،،،،
تينه بقيت اشهك وابجي راح اموت الحكني كلهم علي
خواتي واخوي وزوج اختي تعبت
المن اواجه كلهم ضدي وين انطي وجهي
اخوي يريد يذبحني مانعني من الطلعه
شلون اكدر استمر بشغلي شلون راح اشتري الأصباغ
كرار واني اريد اشوفج شنو راح انحرم منج ؟
تينه حجيتله ع وظعي
كرار انت لازم تراجعين طبيب ميصير تبقين هيج مكظيتها نوم بالنهار وسهر وبجي بالليل
لازم ترجعين تينه الوردة المفتحه الي احبها
تينه الالم بطني رجع وخايفه
كرار احجي ويه امج خل نوديج اني وياها للطبيب

~~
حجيت ويه ماما واخذوني للطبيب وكال مرضها نفسي
راجعو طبيب نفسي
ماما اعترضت ماقبلت وكالت بنتي مو مخبله حتى اوديهه
طبيب نفساني شدكول علينا الناس
رجعت للبيت ونفس الالم ميروح والليل كوله ابجي
وكرار يبجي وياي
لما استمر وظعي كدر كرار يقنع ماما تاخذني لطبيب نفساني
كرار حجزلي ولكيته كدامنا
بقينا كاعدين لحد ما وصل سراي ودخلت اني وماما

الطبيب طلب منها تطلع وابقى اني والممرضة مساعدة الدكتور
حجيت وحجيت وبجيت وبجيت والطبيب يسمع
كل موقف اتذكره واحجي تفاصيله وهو يسجل كلامي بمسجل
بقيت تقريبا ساعه
دز ع ماما
الطبيب حجيه انتو شمسوين بيها ؟
ليش هيج مأذين هالطفله ؟
الام والله يايمه هي الصغيره وصارت تحت ايد الباقين
الطبيب من اليوم تحاولين تغيرين حياتها ترى انتو جاي
تاذوهه نفسيا اني راح اكتبلها علاج
والعلاج وحده موكافي انت امها ولازم تحاولين تغيرين

حياتها حتى لو تطلعيها من البيت
ترى نصيحه مني بنتج لو تتخبل لو تنتحر
وظعها صعب يمكن العلاج راح يخليها تهدأ وترتاح
واريد اشوفها بعد شهر

تينه من طلعت من الدكتور ركض كرار جابلي العلاج
وميقبل ياخذ من ماما فلوس الكشفيه الي دفعها وفلوس العلاج
واخذنا وصلنا بالسياره
اني كعدت وره وماما بالصدر
وجه المرايه علي وكلسع يدزلي بوسه لو يغمزلي
واني اضحك ،،،
هموم الدنيا ع راسي وكلبي موجوع لكن من التقي بكرار
اشعر بالامان بالراحه
رجعت للبيت وكرار كلسع يتصل
اخذتي العلاج واكو اوقات انسى اخذ علاجي هو يدزلي مسج
فديته الانسان الوحيد الي كلبه علي ذكرني بابا لما يخاف علي من الهوى نفس الكلمه سمعتها من كرار وبابا
رحت على جهات الاتصال وكتبت ع اسمه بابا غيرت
اسم كرار الى بابا
الانسان الوحيد الي خايف علي ومهتم بي وبراحتي
لما بديت آخذ العلاج تغير وظعي تحسنت صحتي
رجعت آكل واشتغل

وعلاقتي بكرار مستمره ما انام الا على صوته

كرار حبيبتي توتو اريد اشوفج كاميرا ميصير نبقى هيج
تينه اني جمعت فلوس اريد اشتري موبايل
كرار شكد مبلغ جمعتي ؟
تينه جمعت ٧٥٠ الف
كرار اوك باجر نلتقي واخذج ع محل موبايلات عنده خوش
اسعار والولد صديقي

تينه خل اشوف ماما
سناء ولج اخاف حسن يسوي مشكله باجر مرته تروح لاهلهه
وانت روحي اشتري موبايل بس لا تخليهم يشوفو ترى حسن يلعب بيج طوبه
تينه اعرف ماما غير الحربايه ام وجهين دكوله جيبلي مثله
سناء وهذا اخوج اخذ مني رواتبنا اني وياج
يكول مبدل سيارته وخسران
تينه كوله منج كلما يكولج فلوس تركضين تنطي وهو شوفي لسانه شطوله ياخذ راتبي ويضربني واني حسره علي آخذ
من الراتب هو الدوله تنطي الي من راتب بابا
وانت بكيفج تنطي لحسن
سناء شعندي غيره هو هالواحد ماعندي غير حسن
دللته وماكدر اكوله لا تعرفيني ضعيفه كدامه
تينه وهاي النتيجه بكل وقاحه ياخذ رواتبي باليمنى ويضربني
بيده الثانيه هو ابنج ناكر للجميل
انوب يصرفهن على مرته الكوبره الصفره
سناء يمه مثل ماوصيتج لاتخلين احد يعرف

تينه طلعت للسوك اول شي اشتريت من خلدون حاجياتي للصالون وراها رحت لمحل الموبايلات ويه كرار
وچملني من عنده واشترالي گڤر للتلفون
كرار حتى تذكريني من تلزمين التلفون

اليوم اريد آخذج لكوفي نشرب كهوه
تينه لا عفيه كرار تالي تصير ظلمه وماريد تجيني حجايه
مادام اختك يم بيتكم وحسن طالع
اليوم كدرت اطلع
كرار شوكت اشبع منج
تينه اليوم نفتح كام ونسولف

بالليل فتحت الكاميرا ونسولف اني وكرار
محد يعرف بتلفوني لان اخذتله شريحه جديده وجهازي القديم
استخدمه كدام رغد وحسن وخواتي

رغد عيني تينه اريدج تصبغيلي شعري قبل الولاده
تينه. اوك تعالي
كعدت يمي وتسولف عن كرار
انت لاتصدكين كل حجايه تنحجي كدامج مو كل الناس صادقه
تينه ممكن توضحين وتحجين مباشرة
رغد ترى كرار عنده صديقه يحبها ودا يخونج واني سمعته
يخابر مرته يتوسل بيها يكوللهه بس رجعيلي اعيشج ملكه
واني من خطبت تينه ردت اغورج بلكي ترجعيلي

تينه رِن تلفوني واني دموعي تجري وايدي ترجف
من غير شعور طلعته اريد اشوف منو
ورغد انتبهت عالتلفون الجديد
رحت ع صفحه احجي ويه كرار
كلبي مشتعل ناراريد اصيح اريد انفجر
انت خاين تضحك علي الله ينتقم منك وغلقته

رجعت كملت شعرهه وراحت لغرفتها

رغد انت ياحسن كولشي ماتعرف بهالبيت
اختك مشتريه موبايل جديد وضامته محد يعرف بي وعدهه علاقه ويه كرار انت تسنط عليها وشوف

تينه بيومها بالليل اني بغرفتي ودا اتعارك ويه كرار
دخل اخوي راسا سديت الخط
حسن منيلج هالموبايل ؟
تينه. من شغلي
جتي ماما شكو هاي شبيك حسن صوتك عالي
حسن بنتج ياحجيه تحجي ويه ولد بموبايل جديد وهالنوعيه
سعرهه غالي شتشتغل حتى تجيب تلفون بهالسعر ؟
اليوم اموتها بقى يضرب بي وماما تدفع بي
طلعته من الغرفه
حسن اذا تبقى بالبيت اذبحها لو أشوه وجهه
اخذيها من وجهي خل تطلع جابتلي العار والسمعة الزفره
تينه طلعت شنطة ملابسي
جرهه من ايدي ما اسمحلج تاخذين اي ملابس
تطلعين بالجبه والربطه فقط
راح جاب المكص ومزق ملابسي
امي ماتحملت منظره كلتله الله ينتقم منك مراح تشوف الخير
مادام تظلم اختك حرام عليك الي دا تسوي
الحجي وياه ميفيد تهوره وتصرفاته جانت مو طبيعيه
لان اذا ابقى ذيج الليله يمكن يذبحني من صدك
لبست عبايتها وطلعنا لبيت خالتي.
اخذت بس علاجاتي
ذيج الليله مانمت للصبح
من صبح الصبح طلعنا الى السليمانيه لبيت اختي
امي تمرضت من القهر شكل عدهه سكر وضغط
اخذتها اختي للدكتور

اختي لمى من سمعت اتصلت بماما وبقت تبجي وماما تحجيلها وهي هم تبجي وكالت لازم تجون يمي
تينه ماما ما اروح يم سعد الحقير كافي الاذيه الي شفتها منه
هديل انت ويانا ومحد يكدر ياذيج
من الصبح طلعنا لاربيل
واستغربت من تصرف اختي لمى تلكتني حضنتني وتبجي
سامحيني تينه اني ظلمتج فدوه لا تدلغمين بوجه الدكتور

ترى اني ماقصرت تعاركت وياه هواي وكتله انت ظلمت اختي وخليتني اني اعذبها وهي طفله
تينه دموع اختي مامسحت جروحي
لكن مرات نضطر نمشي الامور لان اكو هموم اكبر
ماردت ادوخ نفسي بالعتاب
شفت الدكتور مكسوره عينه ومدنك ميكدر يباوع بعيوني
سلمت عليه
ولمى جابتلي ملابس مشتريتهم الي
لمى باوعي تينه شوفي هاي البدي وهذا القميص كلت يلوك لتينه ومشتريتلي تراك
وجابت فلوس ماعرف شكد وخلتهم بشنطتي
واني صافنه ماعرف شحجي
شنو هالتغيير يمكن لان صار عدهه اطفال من بعد ما جانت محرومه
كلسع دكول لجهالهه هذه خالتكم تينه شوفوهه روحو بوسوهه
صبت الغده
لمى لج تينه لما عرفت بيج جايه اليوم
سويتلج دولمه لان تحبيها وسويتلج دجاج محشي
ماما تينه جانت دكولي يوميه سوي دجاج محشي ماتمل منه

بقينا يومين اخذونا بالليل للحديقه ورحنا للمول
ولمى كلسع دكولي كولي تينه شيعجبج اني اشتريلج
كولي حبيبتي
تينه اني ساكته لان المفاجئة خلتني ماعرف اعلق
وراها رجعنا لاربيل
ماما خابرت حسن كالتله نريد نرجع
كالهه ترجعين وحدج بنتج اذا رجعت اذبحها
حسب ما سمعت من بنات اختي مزق كل ملابسي ممبقي
شي
امي قررت ترجع وبقيت بيت اختي
اختي هديل تحبني وتعاملني مثل بناتهه وزوجها مدرس انسان محترم ميرفع عينه
واذا اختي طلعت للطبيب يبقى محبوس بالخطار ميطلع
لحد ماترجع
ارتحت بيت اختي بس يبقى الانسان يحن لبيته ومكانه

~
ام رغد تعال كرار اسمع رغد عدهه حجي وياك
كرار خير شكو ؟
رغد ترى انت غلطان من خطبت تينه لان بصراحه
تينه تحجي عليك كدام اهلهه دكول انت جاي بالليل يمها وهي فاتحتلك الباب ومغتصبها
ومره كالت انت ماخذهه لشقة صديقك ومعتدي عليها
انت اخوي واني خايفه عليك ترى هاي توكعك بمصيبه
واخاف تالي يشتكون عليك هي وامها ويذبوك جوه
كرار منين سمعتي هالكلام ؟
بعدين ليش حسن ما حجه وياي بهالموضوع
ام رغد يمه غير لخاطر مرته سكت واكتفى بطرد اخته
هي هاي اخته كح ساقطه اشو خواتها يحجون عليها
كل يوم تبلي واحد من أزواج خواتها ودكول تحرش
بي
رغد اكولك خوي خو ما تورطت وياها وصدك ماخذهه للشقه ؟ احجي اني خيتك ستر وغطا عليك
كرار كافي رغد ترى هذا عرض وشرف وحرام تطعنيها
رغد مو حرام تتبلى عالعالم
المهم اني نصحتك وانت لازم ترجع مرتك ترى خطيه
كل يوم تخابرني تسال عليك

~~
تينه مرت فترة شهرين وعلاقتي بكرار مقطوعه
اني وصلني كلام عليه وهو وصله كلام علي
خلونا نكره بعض
كرار ماكدر يتحمل وبضغوطات من زوجة ابوه رجع زوجته
اني من سمعت بي رجع زوجته
حاولت انساه
وبيوم تذكرت خلدون يطلبني فلوس
اتصلت بي واعتذرت منه وكتله اضطريت اسافر وان شاء الله ادز المبلغ بيد ماما
وتفاجئت بي يكولي اني احبج واريد اتزوجج وشطلبين مني
اني حاضر
اعتذرت منه وسديت المكالمه
وره يومين ماما راحت تسدد المبلغ
لما رجعت خابرتني فرحانه ودكولي خلدون طلب ايدج
وكال مستعد يكتب بيت باسمج ومئة مليون حاضر ومئة مليون غايب
تينه ماما ترى خلدون متزوج !!!!
سناء واذا متزوج لا هو عيب ولا حرام اشو راح يأمنلج مستقبلج وتعيشين ملكه طول عمرج
تينه يمه عمره ٣٨سنه اكبر مني بهواي
الام يمه لخاطري وافقي وانستري احسن من هالذله
تحت ايد اخوج ومرته وخواتج الي يركضن وره حجي رجولتهن ،،،،
اني تعبت اريدج تستقرين
تينه يمه مو كرار هم جان متزوج ليش رفضتو ؟
الام رجعنا لكرار ولج كرار رجع مرته وهسه حامل
تينه مرته حامل !!!!!
ترقبو البارت القادم
~ بقلمي فردوس عبد اللطيف ~~~~

#ذئاب_الجسد
ثالث عشر
بقلمي فردوس عبد اللطيف
. في البداية لم يكن هناك سوى قدر ضئيل من الظلم في العالم، لكن كل شخص جاء إلى هذا العالم أضاف جزءاً بسيطاً من الظلم ظانّاً أنّه لن يؤثر بشكل كبير، وهكذا انتهى بنا الأمر بعالم مليء بالظلم.
تينه
طلع احمد ومن كلامه فهمت مصيري ومستقبلي بيده
اخوي حسن ماعنده شخصيه ويسمع كلام احمد
ورغد الي اعتبرتها اخت وفضلتها ع خواتي
اذا اشتري ملابس تلبسهم هي قبلي من تطلع تتكشخ بهدومي
الغيره خلتها تبث سمومها وتحرض حسن علي
من ذاك اليوم وبدت المضايقات من كل الجهات
~
هديل الووو تينه ليش ماتردين ؟
تينه ماسمعتي بالي صار ؟ اخوج ميقبل اتزوج كرار
هديل اختي حبيبتي اولا بعدج صغيره وكرار اكبر منج ب 11سنه ومطلق
اهلي يعرفون مصلحتج اكثر منج والي سمعته مو بس حسن رافض حتى جنه واحمد رافضينه
تينه سكتت شحجي
هديل حبيبتي تينه من جنت عدكم اخذت رصيد من ابو الاسواق جاسم عفيه روحي انطي ٢٥ الف
هسه اذا اكول لزوجي يطلكني ماعندي غيرج حبيبتي انت
تينه اوك حروح
غيرت ملابسي لبست بنطرون وقميص طويل وطلعت رحتله نطيته الفلوس
واعتذرت منه عن اختي الي أخرت المبلغ
رجعت للبيت لكيت جنه واكفه بالحديقه
جنه ولج وين جنتي ؟ شو انتي بكيفج تطلعين وتطبين
اجه حسن ورغد جانو يمها بالمشتمل والكل وكفو بالحديقه
حسن هجم علي لزمني من شعري وضربني راشدي
حسن اني مانعج تطلعين بره البيت وين جنتي ؟
جنه ولك مصادقه ابو الاسواق وشوف بيدهه چبس وببسي ينطيها بلاش

تينه الكل يصيح ويضرب واني اريد ادافع عن نفسي
عطت بيهم ولكم الله واكبر عليكم ......موتوني كلكم علي ؟ياظلام بس نطوني مجال احجي ،،،،،
أ سألو هديل طلبت مني انطي جاسم فلوس الرصيد الي اخذته من عنده من جتي يمنا وتخاف من رجلها
وبقيت الطم ع وجهي واصرخ
جتي ماما ولكم شتردون من هاليتيمه ولكم شسويتو بيهه
حرام عليكم كلكم عليها
جنه انت مشجعتها انت مخليتها تتمادى ،،،،
بنتج كح مصادقه ابو المحل ومصادقه ابو الكماليات
تضحك عالكل وتسحب منهم فلوس ويصرفون عليها
الام خافي ربج ولج هاي اختج دمج ولحمج
مو جاي تشتغل وبعيني دا اشوف النسوان يجون تحفلهن
والي تصبغ والي تسرح والي تميش
حسن ولج اليوم انتقم منج كلبه حقيره

سناء وخر ولك الله ينتقم منكم
احمد ام الولد دشوف مكياجها عبالك رايحه حفله
تينه جرتني ماما واخذتني للغرفه وقفلت الباب بقى حسن يحاول يفتح الباب ويصيح فتحي خل ابرد كلبي واموتها واخلص من هالعار الساقطه
ولج ياتينه الا يجي يوم اذبحج واذبج بالبالوعه
وراها سمعت صوت احمد اخذ حسن لبيتهم
وجنه وياهم صوتها عالي
بقيت ابجي والطم
ولج يمه خلصيني من هالضيم لايخليني اتزوج ولا يخليني
اشتغل ولا يخليني اعيش مثل باقي البنات
صارت عندي حاله نفسيه اكرط باظافيري لو اهلس بشعري
وكلسع تصير بي فزه
اذا امي مدت ايدهه يمي اخترع من مكاني افز
تركت الصلاه وبس كاعده وابجي
حبست نفسي بالغرفه اخاف اطلع امتنعت عن الاكل
ضعفت بالليل ماكدر انام للصبح ابقى سهرانه
والزبونات يجون اكولهم تعبانه ماكدر
هملت نفسي وشغلي
اباوع لنفسي بالمرايه وجهي اصفر وضعفان

فتحت تلفوني بعد ماغالقته مده اسبوع
لكيت الف مكالمه ومسجات كومه من كرار
لايكدر يجي يسال علي ولا اخته تنطي اي معلومات عني

جاوبته هلو كرار شلونك
كرار بعد وكت ليش هيج ياعمري ؟
مافكرتي بي ماكلتي راح يتأذى من اكطع بي
منا اخوج رفضني ومنا انت غلقتي تلفونج
احجي جاوبيني ،،،،،،
تينه بقيت اشهك وابجي راح اموت الحكني كلهم علي
خواتي واخوي وزوج اختي تعبت
المن اواجه كلهم ضدي وين انطي وجهي
اخوي يريد يذبحني مانعني من الطلعه
شلون اكدر استمر بشغلي شلون راح اشتري الأصباغ
كرار واني اريد اشوفج شنو راح انحرم منج ؟
تينه حجيتله ع وظعي
كرار انت لازم تراجعين طبيب ميصير تبقين هيج مكظيتها نوم بالنهار وسهر وبجي بالليل
لازم ترجعين تينه الوردة المفتحه الي احبها
تينه الالم بطني رجع وخايفه
كرار احجي ويه امج خل نوديج اني وياها للطبيب

~~
حجيت ويه ماما واخذوني للطبيب وكال مرضها نفسي
راجعو طبيب نفسي
ماما اعترضت ماقبلت وكالت بنتي مو مخبله حتى اوديهه
طبيب نفساني شدكول علينا الناس
رجعت للبيت ونفس الالم ميروح والليل كوله ابجي
وكرار يبجي وياي
لما استمر وظعي كدر كرار يقنع ماما تاخذني لطبيب نفساني
كرار حجزلي ولكيته كدامنا
بقينا كاعدين لحد ما وصل سراي ودخلت اني وماما

الطبيب طلب منها تطلع وابقى اني والممرضة مساعدة الدكتور
حجيت وحجيت وبجيت وبجيت والطبيب يسمع
كل موقف اتذكره واحجي تفاصيله وهو يسجل كلامي بمسجل
بقيت تقريبا ساعه
دز ع ماما
الطبيب حجيه انتو شمسوين بيها ؟
ليش هيج مأذين هالطفله ؟
الام والله يايمه هي الصغيره وصارت تحت ايد الباقين
الطبيب من اليوم تحاولين تغيرين حياتها ترى انتو جاي
تاذوهه نفسيا اني راح اكتبلها علاج
والعلاج وحده موكافي انت امها ولازم تحاولين تغيرين

حياتها حتى لو تطلعيها من البيت
ترى نصيحه مني بنتج لو تتخبل لو تنتحر
وظعها صعب يمكن العلاج راح يخليها تهدأ وترتاح
واريد اشوفها بعد شهر

تينه من طلعت من الدكتور ركض كرار جابلي العلاج
وميقبل ياخذ من ماما فلوس الكشفيه الي دفعها وفلوس العلاج
واخذنا وصلنا بالسياره
اني كعدت وره وماما بالصدر
وجه المرايه علي وكلسع يدزلي بوسه لو يغمزلي
واني اضحك ،،،
هموم الدنيا ع راسي وكلبي موجوع لكن من التقي بكرار
اشعر بالامان بالراحه
رجعت للبيت وكرار كلسع يتصل
اخذتي العلاج واكو اوقات انسى اخذ علاجي هو يدزلي مسج
فديته الانسان الوحيد الي كلبه علي ذكرني بابا لما يخاف علي من الهوى نفس الكلمه سمعتها من كرار وبابا
رحت على جهات الاتصال وكتبت ع اسمه بابا غيرت
اسم كرار الى بابا
الانسان الوحيد الي خايف علي ومهتم بي وبراحتي
لما بديت آخذ العلاج تغير وظعي تحسنت صحتي
رجعت آكل واشتغل

وعلاقتي بكرار مستمره ما انام الا على صوته

كرار حبيبتي توتو اريد اشوفج كاميرا ميصير نبقى هيج
تينه اني جمعت فلوس اريد اشتري موبايل
كرار شكد مبلغ جمعتي ؟
تينه جمعت ٧٥٠ الف
كرار اوك باجر نلتقي واخذج ع محل موبايلات عنده خوش
اسعار والولد صديقي

تينه خل اشوف ماما
سناء ولج اخاف حسن يسوي مشكله باجر مرته تروح لاهلهه
وانت روحي اشتري موبايل بس لا تخليهم يشوفو ترى حسن يلعب بيج طوبه
تينه اعرف ماما غير الحربايه ام وجهين دكوله جيبلي مثله
سناء وهذا اخوج اخذ مني رواتبنا اني وياج
يكول مبدل سيارته وخسران
تينه كوله منج كلما يكولج فلوس تركضين تنطي وهو شوفي لسانه شطوله ياخذ راتبي ويضربني واني حسره علي آخذ
من الراتب هو الدوله تنطي الي من راتب بابا
وانت بكيفج تنطي لحسن
سناء شعندي غيره هو هالواحد ماعندي غير حسن
دللته وماكدر اكوله لا تعرفيني ضعيفه كدامه
تينه وهاي النتيجه بكل وقاحه ياخذ رواتبي باليمنى ويضربني
بيده الثانيه هو ابنج ناكر للجميل
انوب يصرفهن على مرته الكوبره الصفره
سناء يمه مثل ماوصيتج لاتخلين احد يعرف

تينه طلعت للسوك اول شي اشتريت من خلدون حاجياتي للصالون وراها رحت لمحل الموبايلات ويه كرار
وچملني من عنده واشترالي گڤر للتلفون
كرار حتى تذكريني من تلزمين التلفون

اليوم اريد آخذج لكوفي نشرب كهوه
تينه لا عفيه كرار تالي تصير ظلمه وماريد تجيني حجايه
مادام اختك يم بيتكم وحسن طالع
اليوم كدرت اطلع
كرار شوكت اشبع منج
تينه اليوم نفتح كام ونسولف

بالليل فتحت الكاميرا ونسولف اني وكرار
محد يعرف بتلفوني لان اخذتله شريحه جديده وجهازي القديم
استخدمه كدام رغد وحسن وخواتي

رغد عيني تينه اريدج تصبغيلي شعري قبل الولاده
تينه. اوك تعالي
كعدت يمي وتسولف عن كرار
انت لاتصدكين كل حجايه تنحجي كدامج مو كل الناس صادقه
تينه ممكن توضحين وتحجين مباشرة
رغد ترى كرار عنده صديقه يحبها ودا يخونج واني سمعته
يخابر مرته يتوسل بيها يكوللهه بس رجعيلي اعيشج ملكه
واني من خطبت تينه ردت اغورج بلكي ترجعيلي

تينه رِن تلفوني واني دموعي تجري وايدي ترجف
من غير شعور طلعته اريد اشوف منو
ورغد انتبهت عالتلفون الجديد
رحت ع صفحه احجي ويه كرار
كلبي مشتعل ناراريد اصيح اريد انفجر
انت خاين تضحك علي الله ينتقم منك وغلقته

رجعت كملت شعرهه وراحت لغرفتها

رغد انت ياحسن كولشي ماتعرف بهالبيت
اختك مشتريه موبايل جديد وضامته محد يعرف بي وعدهه علاقه ويه كرار انت تسنط عليها وشوف

تينه بيومها بالليل اني بغرفتي ودا اتعارك ويه كرار
دخل اخوي راسا سديت الخط
حسن منيلج هالموبايل ؟
تينه. من شغلي
جتي ماما شكو هاي شبيك حسن صوتك عالي
حسن بنتج ياحجيه تحجي ويه ولد بموبايل جديد وهالنوعيه
سعرهه غالي شتشتغل حتى تجيب تلفون بهالسعر ؟
اليوم اموتها بقى يضرب بي وماما تدفع بي
طلعته من الغرفه
حسن اذا تبقى بالبيت اذبحها لو أشوه وجهه
اخذيها من وجهي خل تطلع جابتلي العار والسمعة الزفره
تينه طلعت شنطة ملابسي
جرهه من ايدي ما اسمحلج تاخذين اي ملابس
تطلعين بالجبه والربطه فقط
راح جاب المكص ومزق ملابسي
امي ماتحملت منظره كلتله الله ينتقم منك مراح تشوف الخير
مادام تظلم اختك حرام عليك الي دا تسوي
الحجي وياه ميفيد تهوره وتصرفاته جانت مو طبيعيه
لان اذا ابقى ذيج الليله يمكن يذبحني من صدك
لبست عبايتها وطلعنا لبيت خالتي.
اخذت بس علاجاتي
ذيج الليله مانمت للصبح
من صبح الصبح طلعنا الى السليمانيه لبيت اختي
امي تمرضت من القهر شكل عدهه سكر وضغط
اخذتها اختي للدكتور

اختي لمى من سمعت اتصلت بماما وبقت تبجي وماما تحجيلها وهي هم تبجي وكالت لازم تجون يمي
تينه ماما ما اروح يم سعد الحقير كافي الاذيه الي شفتها منه
هديل انت ويانا ومحد يكدر ياذيج
من الصبح طلعنا لاربيل
واستغربت من تصرف اختي لمى تلكتني حضنتني وتبجي
سامحيني تينه اني ظلمتج فدوه لا تدلغمين بوجه الدكتور

ترى اني ماقصرت تعاركت وياه هواي وكتله انت ظلمت اختي وخليتني اني اعذبها وهي طفله
تينه دموع اختي مامسحت جروحي
لكن مرات نضطر نمشي الامور لان اكو هموم اكبر
ماردت ادوخ نفسي بالعتاب
شفت الدكتور مكسوره عينه ومدنك ميكدر يباوع بعيوني
سلمت عليه
ولمى جابتلي ملابس مشتريتهم الي
لمى باوعي تينه شوفي هاي البدي وهذا القميص كلت يلوك لتينه ومشتريتلي تراك
وجابت فلوس ماعرف شكد وخلتهم بشنطتي
واني صافنه ماعرف شحجي
شنو هالتغيير يمكن لان صار عدهه اطفال من بعد ما جانت محرومه
كلسع دكول لجهالهه هذه خالتكم تينه شوفوهه روحو بوسوهه
صبت الغده
لمى لج تينه لما عرفت بيج جايه اليوم
سويتلج دولمه لان تحبيها وسويتلج دجاج محشي
ماما تينه جانت دكولي يوميه سوي دجاج محشي ماتمل منه

بقينا يومين اخذونا بالليل للحديقه ورحنا للمول
ولمى كلسع دكولي كولي تينه شيعجبج اني اشتريلج
كولي حبيبتي
تينه اني ساكته لان المفاجئة خلتني ماعرف اعلق
وراها رجعنا لاربيل
ماما خابرت حسن كالتله نريد نرجع
كالهه ترجعين وحدج بنتج اذا رجعت اذبحها
حسب ما سمعت من بنات اختي مزق كل ملابسي ممبقي
شي
امي قررت ترجع وبقيت بيت اختي
اختي هديل تحبني وتعاملني مثل بناتهه وزوجها مدرس انسان محترم ميرفع عينه
واذا اختي طلعت للطبيب يبقى محبوس بالخطار ميطلع
لحد ماترجع
ارتحت بيت اختي بس يبقى الانسان يحن لبيته ومكانه

~
ام رغد تعال كرار اسمع رغد عدهه حجي وياك
كرار خير شكو ؟
رغد ترى انت غلطان من خطبت تينه لان بصراحه
تينه تحجي عليك كدام اهلهه دكول انت جاي بالليل يمها وهي فاتحتلك الباب ومغتصبها
ومره كالت انت ماخذهه لشقة صديقك ومعتدي عليها
انت اخوي واني خايفه عليك ترى هاي توكعك بمصيبه
واخاف تالي يشتكون عليك هي وامها ويذبوك جوه
كرار منين سمعتي هالكلام ؟
بعدين ليش حسن ما حجه وياي بهالموضوع
ام رغد يمه غير لخاطر مرته سكت واكتفى بطرد اخته
هي هاي اخته كح ساقطه اشو خواتها يحجون عليها
كل يوم تبلي واحد من أزواج خواتها ودكول تحرش
بي
رغد اكولك خوي خو ما تورطت وياها وصدك ماخذهه للشقه ؟ احجي اني خيتك ستر وغطا عليك
كرار كافي رغد ترى هذا عرض وشرف وحرام تطعنيها
رغد مو حرام تتبلى عالعالم
المهم اني نصحتك وانت لازم ترجع مرتك ترى خطيه
كل يوم تخابرني تسال عليك

~~
تينه مرت فترة شهرين وعلاقتي بكرار مقطوعه
اني وصلني كلام عليه وهو وصله كلام علي
خلونا نكره بعض
كرار ماكدر يتحمل وبضغوطات من زوجة ابوه رجع زوجته
اني من سمعت بي رجع زوجته
حاولت انساه
وبيوم تذكرت خلدون يطلبني فلوس
اتصلت بي واعتذرت منه وكتله اضطريت اسافر وان شاء الله ادز المبلغ بيد ماما
وتفاجئت بي يكولي اني احبج واريد اتزوجج وشطلبين مني
اني حاضر
اعتذرت منه وسديت المكالمه
وره يومين ماما راحت تسدد المبلغ
لما رجعت خابرتني فرحانه ودكولي خلدون طلب ايدج
وكال مستعد يكتب بيت باسمج ومئة مليون حاضر ومئة مليون غايب
تينه ماما ترى خلدون متزوج !!!!
سناء واذا متزوج لا هو عيب ولا حرام اشو راح يأمنلج مستقبلج وتعيشين ملكه طول عمرج
تينه يمه عمره ٣٨سنه اكبر مني بهواي
الام يمه لخاطري وافقي وانستري احسن من هالذله
تحت ايد اخوج ومرته وخواتج الي يركضن وره حجي رجولتهن ،،،،
اني تعبت اريدج تستقرين
تينه يمه مو كرار هم جان متزوج ليش رفضتو ؟
الام رجعنا لكرار ولج كرار رجع مرته وهسه حامل
تينه مرته حامل !!!!!
ترقبو البارت القادم
~ بقلمي فردوس عبد اللطيف ~~~~

#ذئاب_الجسد
رابع عشر
بقلمي فردوس عبد اللطيف
إن كان هناك من يحبك فأنت إنسان محظوظ، وإذا كان صادقاً في حبّه فأنت أكثر الناس حظاً.
تينه من سمعت بكرار عايش حياته وزوجته حامل نصدمت
واني متبهذله وليليه دموعي ماتنشف لحد ما اغفى
وين الحب وين كلامه وين وعوده
بهالسهوله تتخلى عني كرار عفتني كل هالفتره واني بنار الشوق احترق وانت عايش ومستمتع وتنتظر طفل من زوجتك
الا احرك كلبك مثل ماحركت كلبي وأوافق على خطوبتي من خلدون شكو بيهه واذا اكبر مني ومتزوج
المهم يدللني ويعيشني احسن عيشه
بجيت ومن حركه البجي عيوني صارن حمر
جتي اختي يمي من شافتني انقهرت علي
هديل ليش حبيبتي تينه حزينه وعيونج حمر البنات يكولون الليل كوله تبجين على منو تبجين ؟
كرار الي باعج وعاش حياته
انت هم شوفي حياتج ترى ماكو رجل مخلص كل الرياجيل
خونه والرجل الوفي بس يشوف مجال ممكن يخون
فكري بنفسج حبيبتي وماما دكول خلدون شاريج
تينه ماحبه شلون اخدعه شلون اكدر اعيش وياه واني كلبي ويه كرار !!!!
ياناس فهموني اني كلبي مو ملكي كلبي يم كرار
هديل انسي كرار قابل تتزوجي وهو متزوج اصلا هو عافج
وحضرج وحتى ما كال ليش ولا بررلج شلون تثقين بي ؟
تينه كلامج صحيح واني هم لازم اصير انانيه مثله وافكر بحياتي ومستقبلي
كوليلهه لماما وافقت ع خلدون
رِن تلفوني اختي لمى
الووووو
لمى هلو حبيبتي تينه شلونج شخبارج محتاجه شي ادزلج فلوس كولي
تينه شجاوبهه اذا هي اول شخص بدأ بتعذيبي وره هالسنين
تذكرت عدهه اخت ماكدر اعتب .....
شكرا ممحتاجه شي انت شلونج شخبارج جهالج شلونهم
لمى احنا زينين بس انت كوليلي منو مأذيج لحد شوكت تبقين
بيت هديل ليش ماترجعين لبيت بابا ؟
تينه. غير اخوج طردني من البيت
لمى مو بكيفه يطردج البيت بيتنا كوليتنا وترى نرفع عليه دعوه ونخلي البيت بالشيوع ونبيعه لايتصرف ويتحكم بكيفه
روحي هسه اني راح اتصرف

تينه سدت التلفون واتصلت بحسن وحسب ماسمعت مهددته
تتفق ويه خواتي الباقيات نحجز البيت بالشيوع
وكلمن تاخذ حصتهه واكيد هو راح يتبهذل لان حصته ماتجيبله بيت بنفس منطقتنا
اما خواتي جنه وسميه رفضوا اقتراح لمى لانهم ويه حسن ونفس خباثته
لما سالت المحامي كال لازم نصف العدد وبضغط من ماما واختي لمى وافق حسن ارجع للبيت بس بشرط اوافق على خطوبتي من خلدون
جتي ماما الى السليمانيه ورجعت لبغداد
اول مادخلت سلمت اخوي حسن جاوب بس من وره خشمه وراح غير ملابسه وطلع
ورغد الكوبرا سلمت علي بوستني ولا كانها هي المحرك الأساسي لطردتي اني هم كلت خل اساسيهه ماريد اسوي مشاكل من اول يوم
كلهه فتره باقيه يمهم بلكي اتزوج واخلص من بيت العنكبوت
الي وجودي بي يخنكني ويسببلي الم وحسره على طفولتي وشبابي الي راحو بالالم والحسره

ارتاحيت يومين وراها ماما اتفقت ويه حسن على اجراءات الخطوبه وبلغت خلدون ان يجي ويجيب اهله
اول شي اجه خلدون وحده واتفق ويه اخوي حسن على موعد المشيه (جيه الزلم عشيره الولد وعشيرة البنيه )
بسرعه بسرعه صارت الخطوبه واني كل يوم اتمنى كرار يتصل بي واكول بلكي سمع
ابجي واكول وينك منقذي تعال شوف حبيبتك حاتلبس حلقه باسم خلدون وينك كرار وين الوعد ؟
طلبت منهم تأجيل (عقد القران ) كتلهم اريد اتاكد من مشاعري تجاه خلدون
وبيوم الخطوبه رحت للصالون مكياج وتسريحه ولبست فستان حفلات بنفسجي
الكل انبهر بشكلي مع اني فهمتها تخليلي مكياج خفيف وبسيط
دخل خلدون لابس قاط كحلي ورباط أحمر وقميص
ابيض منظره هيبه وشخصيه
هو فرحان ممصدك كل شويه يلزم ايدي ويحجي حجايه
كلماته ما أثرت بي ومن يلزم ايدي يتكزبر جلدي
بداخلي اكول اني مو الك اني لكرار
هو عباله خجلانه منه !!!!
الحقيقه اني ممتقبلته ورطة تورطت بيها وبس اريد احرك كلب كرار وبنفس الوقت اريد اخلص من اهلي وأذيتهم
من كملت الخطوبه وبقينا بس الاهل
اجه احمد بحجه يباركلي ودنك يبوسني و عظني برقبتي
فزيت من مكاني وكفت وجريت نفسي
الكل جانوا ملتهين محد انتبهله هو فطن يعرف شوكت يتحرش بالوقت الي محد موجود لو ملتهين
رحت لغرفتي وعفتهم بهوستهم
دزلي رساله احمد وره شويه مسحها
( لو بيدي الليله آخذج لاتتوقعين تفلتين مني حتى اذا تزوجتي خلدون هم أشاركه بيج انت الي
احبج )
كلب حقير نخطبت وماعافني الله ياخذك ويخلصني منك
ماجاوبته تمنيت كرار يشوفني واني بهالبس
غيرت ملابسي وكعدت ابجي حزينه وادعي ربي يخليني اتقبل خلدون لان حسيت نفسي تورطت

كرار رغد وامها (زوجة ابوي ) وصلولي كلام على تينه
وخلوني اعوفها وحاولوا بنفس الوقت يرجعوني لطليقتي
اني مجنت مقتنع ارجعها وبيوم رحنا للمحكمه نعقد صارحتها
كتله ارجعج بس خل يكون بعلمج كلبي مو ملكي
وهذا شي اكبر من كل مشاعر احس بيها
انت بنت خالتي وطليقتي افضل من اتزوج غريبه
بالبدايه انقهرت وكالت ليش خليتنا نمهر جان من اول كتلي
مع اني اعرفها حتى لو حاجي من اول هم تقبل ترجعلي
زوجة ابوي ورغد ماحجولي على خطوبة تينه

الا اليوم الثاني جتي رغد وجايبه تلفونها كوله صور الخطوبه
وشفت خلدون يلبسهه الذهب ويقطع الكيكه ويوكلها تخبلت
جن جنوني
الي قهرني الحزن الي مبين ع تينه
هو ماحس مانتبه عليها لو من فرحته مامهتم
رحت لغرفتي ابجي ماكدرت اسكت اتصلت بيها كاميرا

تينه جنت تعبانه من سهرة البارحه ونايمه رِن تلفوني
شفته كرار ومتصل كام
راسا فتحت الخط كلبي رف
كرار وهو يبجي هيجي تينه تبيعيني وتصيرين لغيري
معقوله تنزفين لرجال غيري
لج والله اقتلج وانتحر مستحيل اخليج تتزوجين
بيوم عرسك اقتلج ماخليج تاخذين واحد ثاني من كل عقلج
وين الحب وين الاخلاص
اشمر عليج تيزاب على وجهج

تينه هو يحجي ودموعه تجري شفت زوجته جتي يمه باوعتلي غمتني وراحت
من شفت نحيبه والبجي ماكدرت الزم نفسي
اوكف منو دا يحجي عن الاخلاص والوفاء انت كرار ؟
منو الي عافني كل هالفتره منو الي رجع مرته وحاليا حامل
كرار لج وصلولي حجي خلوني اكرهج رغد وامها ماخلوني
كل يوم يجيبولي حجايه لحد ما كرهتج
وحاولت انساج بس كذب تنسين
الحب الي بكلبي شايله الج ماصاير بهالدنيا
لاروميو وجوليت ولا عنتر وعبله
اسمعي تينه كتلج ماتتزوجين خلدون يعني ماتتزوجين
وخلاص انتهى الموضوع
واني رايح على خلدون واكوله احبها
تينه لا لا انت تخبلت هاي شبيك تريد تفضحني
كرار ولج راح اعوف البيت واهج وما ارجع الا من تعوفين
خلدون
تينه ماكدر اعوفه صعبه شكول لاهلي وانت تعرف حسن
شحايسوي بي
كرار هذا آخر كلام ماشي .....

تينه غلق تلفونه حاولت اتصل بي مغلق
بقيت محتاره بين عقلي وكلبي شسوي ياربي هذا مخبل يسويها يقتلني وينتحر

كرار طلعت ع رغد وامها
اني اعرف الحجي الي حجيتوا ع تينه كوله كذب بس ردتو تفرقونا واني عايفلكم البيت وهايم وما ارجع
تركت البيت ورحت لساحة التحرير هناك صديقي محسن ويه المتظاهرين
نايمين ليل ونهار
رحت يمه
مخنوك وابجي والشباب يسألوني شبيك تبجي مثل النسوان شمضيع ؟؟؟؟؟
وكفت ع حيلي واصيح ولكم احبها ولكم والله احبها
ماكدر اعيش بلياها هي النفس هي الهوى
محسن تعال اكعد شبيك فضحتنا
رجعت اصيح بصوت عالي احبها احبها ياناس
جروني كعدوني غسلوا وجهي
كل واحد محتار بعيشته والي محتار شلون يعين اهله
كل شخص جاي تقريبا حياته متوقفه ع تعين بوظيفه بسيطه
طلباتهم بسيطه وهمومهم جبيره
محسن ولك انت شكد بطران ومع هذا ماكو مشكله مالهه حل
راح اتصل بجمانه وباجر تروحلهه وتفتهم وتفهمها

كرار نمت ذيج الليله يم صديقي بقيت تلفوني مغلق ماريد اسمع صوت اي واحد منهم كرهتهم حتى اهلي اكرهم
الي حرموني من حبيبتي ماريدهم
اريد تينه احبها وماكدر اتخيلهه بحضن رجال غيري

تينه ماعرف المن اسال من جتي رغد وجها مكلوب
ومن شافتني مبين اكو حجي تريد تحجي
مدري تريد تغثني مدري تريد تسالني عفتها ورحت للمطبخ
اباوعله قلقه كلسع نتخابر ويه امها وتحجي بصوت ناصي
لو ويه خواتها مبين بيتهم مخبوص يمكن صدك نفذ كلامه
وعافلهم البيت ،،،،،،
خليها ماريد ابرد كلبها وأسالهه
رغد تدرين تينه ماما دكول طالعه تخبلين المكياج هوايه مغير من شكلج
تينه هههههه اني حلوه بدون مكياج اصلا مكياجي قليل وبسيط تعمدت اخلي بسيط
رغد اي عيني ليش لا المهم تتهنين بخلدون وتأشر بيدهه يعني عنده كومه فلوس

جتي صديقتي جمانه استقبلتها وعيوني مورمه من السهر
لان مانمت ذيج الليله تعبت من التفكير

جمانه ولج كرار حايتخبل رايح يم محسن وباقي يصيح
باسمج ويكول احبها ولكم احبها
تينه لطمت ع خدي يبوووي ولج هذا اشلون بي مو راح تزوج وعافني شسويله صارلنا سنه واحنا مبتعدين
جمانه حجالي محسن كل التفاصيل واي شخص بمكانه لازم
يفكر نفس تفكيره
تينه بس هو مو اي شخص ولا اني اي وحده احنا حبنا مختلف
تعلقنا ببعض شي مو طبيعي هو عاش حياته مظلوم واني نفس الشي تعذبت وتأذيت
حاربت علمود بس احافظ ع شرفي وما أسمح لاي ذيب
يتقربلي انضربت وأنهت
ولحد اليوم زوج اختي احمد يكولي اذا متطاوعيني اخلي حسن يكعدج بكتله وينومج بكتله ومامقصر هو وجنه
المن احارب جبهات هواي وماعندي سند بس ربي
وماما الوحيده الي جاي تحميني منهم
وداعتج بدون امي كلهم يتجمعون ويذبحوني وكل واحد ياخذله حصه من لحمي كد ماحاقدين علي

جمانه والعريس الجديد انت مقتنعه بي ؟
تينه اوووف دستي عالجرح شقتنع ورطه تورطت البارحه واليوم يتصل واني ما ارد عليه يدز رسائل واني مغلسه
جاوبته كتله التلفون عالشحن
جمانه نصيحه مني مادام كلبج ويه كرار عوفي العريس
من البدايه بعدين توكع الفاس بالراس وماتكدرين تطلكين

تينه خل افكر واحجي لماما ،،،،،
طلعت جمانه من بيتنا وشفنا كرار واكف كبال بيتنا
تفاجئت من شفته وهي هم صاحلهه راحت تحجي وياه
بقيت واكفه متبسمره اباوعله لا اكدر ادخل اسد الباب
ولا اكدر احجي وياه
وره شويه رجعت جمانه وكرار واكف ينتظر شي

جمانه حبيبتي حجيت وياه يكول حايطلك زوجته وانت تعوفين خلدون ويرجع يخطبج من اهلج بلكي هالمره يوافقون

تينه ها هو كالج هيج ؟
جمانه اي هو كال واذا توافقين يروح يحجي ويه خلدون

تينه لا لا عفيه ماريد خلدون ياخذ عني نظره مو حلوه
راح احجي ويه ماما بلكي اكدر اقنعها

راحت جمانه شفتها حجت ويه كرار وكلمن منهم راح بطريق
دخلت وسديت الباب

رحت لامي بغرفتها
تينه ماما اريد افسخ الخطوبه
الام شنو ولج ؟،،،،
تينه يمه ماكدر احبه شلون اعيش وياه بيت واحد

رغد تينه جتي مريه تريدج
ام حسن منو ؟ نعرفها ؟
رغد لا خاله اول مره اشوفها

تينه رحت استقبلتهه اني وماما
المريه حلوه ومرتبه ومبينه كبار وشخصيه وانيقه
كتلهه تفضلي خالى طالبتني
اني زوجة خلدون ممكن حجيه تعوفيني وحدي ويه تينه

ترقبوا البارت القادم خل نشوف قرار تينه شحايكون ؟
وانتو شتتوقعون ؟
~~~~بقلمي فردوس عبد اللطيف

#ذئاب_الجسد
خامس عشروالاخير
بقلمي فردوس عبد اللطيف
في كل طريق مفترقات طرق واضحة وإن علينا أن نتخذ القرار في كل مفترق، وأن نتحمل نتائج قرارنا.

تينه وره ماطلعت ماما جتي كعدت يمي
شوفي ولج اني إيناس الي خلدون بجى حتى ياخذني
إيناس ام الخير الي هسه خلدون يفكر يتزوج ويجدد شبابه
افتهمي ماما ترى خلدون جان مجرد عامل بمحل مال كماليات ومن شافني بنت اغنياء واجي اشتري ارقى العطورات والمكياجات
حبني وحبيته وقصة حبنا الكل يحجي بيها
واهلي اعترضوا ع زواجنا واني وكفت بوجهم وكتلهم
احبه واعيش وياه حتى لو فكر
ضغطت عليهم واخذته بفكره
بعد وفاة بابا ورثت مبلغ محترم كلت خل افتحله محل بدل مايبقى يشتغل عند العالم
والمحل جاب ثلاث محلات وشركه استيراد وبيوت
وخير من الله وكل هذا اصله فلوسي (وتأشر ع نفسها )
تالي اشرت علي بأصبعها وتجين انت المفعوصه تاخذين هالخير عالحاضر ،،،،،،،،
ومن كل عقلج راح اخليج تتهنين بفلوسي
لج لا انت ولا عشيرتج توكف بوجهي
اجي احركج وانت بيتج
وليش اتعب نفسي ادزلج اثنين يغتصبوج ويقتلوج
بفلوسي اكدر اضيعج اخطفج اسويلج تهمه وادخلج سجن

تينه اني فاتحه حلكي واباوع ماحجيت ولا كلمه اريد اشوفها لوين تريد توصل وبعدين هي جتي من السما علي
خوش حجه اتحجج بيها واعوف زوجها الشايب المراهق
هو اني اريد اخلص منه واريدلي سبب

إيناس اشو ساكته ماسمعت منج اي تعليق ؟
شنو موقفج اريد افتهم ؟؟؟؟؟؟

تينه انتظرج تكملين ،،،،،،
إيناس اني كلت الي عندي راح انطيج مهله اسبوع
خل عقلج براسج ونفذي من المستنقع الي تردين تتورطين بي
تفسخين الخطوبه وتتزوجين الشخص الي تحبي
تينه فتحت حلكي هاي شمعرفها ؟؟؟؟
إيناس ترى اعرف عنج كولشي لا تستغربين واني ماجيت ودكيت الباب بدون ما أسال عليكم واعرف انت ليش وافقتي
على خلدون
اشرت بايدهه عالفلوس مو فلوسه هي هدفج ؟
ترى مراح اخليج تتهنين بيهن

وكفت ولزمت شنطتها وكالت بلا مع السلامه

امي جتي جايبه چاي
ها بنتي ماضيفناج
مجاوبتها راسا طلعت رحت وراها اباوع منو جايبهه شفتها هي صعدت بسياره فخمه وشخطت السياره وراحت

سناء ها يمه شبيها مرت خلدون ؟
تينه يمه جايه تهددني دكولي اقتلج اذا تتزوجين خلدون
هسه ارتاحيتو تردون تموتوني ترديها تقتلني
الام ولج هاي مره محترك كلبها وجايه تخرط حجي
وينها وين القتل ماشفتي نزاكتها وسكربيلها طخ طخ طخ
عبالك رايحه حفله والعطر مالتهه وصل للجيران

تينه اني معلي مثل ماورطتوني خلصيني منه
رغد خير شبيكم شبيج تينه تبجين ؟
تينه جتي الكوبرا شلون وكاله أنباء
الام يوو ماشفتي مرت خلدون جتي على تينه وتهدد وتتوعد
رغد هههههه اكول هذا العطر الحلو واصل لغرفتي
وينك حسن تعال اسمع احداث جديده
تينه. حسن عكد حواجبه وخزرني
خير شكوووووو
الام يمه مرت خلدون جتي هنا وهددت اختك دكوللهه الفلوس فلوسي ومو من حقه يتصرف بكيفه ويخطب ويتزوج

حسن واحنا شعلينا تروح لخلدون تحجي وياه واذا بيها خير خل تلزم فلوسها
تينه بس اني ماريده اخاف اتزوجه مرته دكولي اقتلج
حسن شنو ولج واحنا عندج لعبه زلم وكعدوا واتفقوا
وره يومين نكوله تعال والله الخاتون غيرت رايها
خايفه من مرتك ويهز جسمه عود خايف
تينه انتو معليكم اني اكوله اني احجي وياه
الام لا يمه لا انت ولا اخوج اني اخذ جنه واروحله للمحل
واحجيله على مرته
تينه ماما احنا ليش نخرب بينهم نرجعله ذهباته والهدايا
ونكوله فسخنا وخلاص
الام شكد تفتهمين ولج لازم يعرف السبب
تينه اوك كوليله مرتك حجت ويه تينه وبنتي اقتنعت تفسخ
الخطوبه لخاطر زوجتك

~~

وفعلا راحت ماما وجنه على خلدون ورجعتله الشبكه والهدايا
واتفاجئ لما سمع زوجته جايه علينا للبيت
وتفهم الموضوع ويظهر خاف منها بحيث سكت محاول يلح

بيومها من نزعت الحلقه واني فرحانه واركص وأغني
ممصدكه ورغد تباوعلي بتك عين ودكول اني مشايفه وحده
من تفسخ تفرح !!!!!! اشو انت بعكس العالم ،،،

اتصلت بصديقتي جمانه وحجيتلهه
جمانه الف مبروووووك خلصتي جتج من رب العالمين
خل اكول لمحسن يفرح كرار!!!!!

~
كرار من سمعت بخبر فسخ خطوبتها ممصدك فرحان رجعت للبيت تعاركت ويه زوجتي وطلكتها
ام رغد هذا كوله من وره راس الحيه هي كالتلك طلكها ؟
كرار انت ليش تراوغين انتو كلكم تعرفون احب تينه وهي تحبني ليش تردون تفرقونا ؟

ام رغد ماتفيدك مادام اني موجوده بالدنيا ماخليك تتزوجها هالكح الساقطه
كرار لاتغلطين عليها اني مسؤل عليها وهي بمثابة خطيبتي
ام رغد انت راح تجيبلي الجلطه عساها بالموت ونخلص منها
كرار موت الياخذج انت وبنتج المنافقه

عفتها وطلعت خلصت من كل العراقيل الي توكف عثره بطريق زواجنا
الووووو
تينه هلو حب
كرار مشتاق لهالكلمه الحلوه من احلى عسل شلونج ياعمري
تينه خلصت كرار خلصت من خلدون كلبي وروحي وياك
وما اكدر اتخيل نفسي اصير لغيرك
كرار اني هم طلكت نهى تعاركت وياها ماكدر اتقبل وجودهه
وياي بغرفة وحده واني كلي ملكج
شوكت اجي اخطبج ؟

تينه اصبر فد چم يوم خل حسن يتقبل الوضع كلما يشوفني
يرزلني ويكولي تاليتي اقتلج اذبحج واذبج بالبالوعه
كرار غير اقتله يحرمني منج واني ابقى عايش بهالدنيا
وانت جوه التراب !!!!!!
تينه ربي لايحرمني منك يا اغلى من روحي

~~~
رجعت علاقتي بكرار اكثر من قبل
اثنينا أدركنا مراح نكدر نستغني عن بعضنا
وره شهر من فسخ خطوبتي
تفاجئت كرار جاي للبيت على اخوي حسن وكاعدين بالخطار
واحمد وياهم
رحت اريد اتسنط
سمعت اخوي حسن يكوله مستحيل انطيك اختي
كرار ليش حسن مو اني اخوك ودخلتك بيتي
وغدرتني وحبيت اختي وزوجتك رغد وانت مايهلك تزوجني اختك ليش غير اعرف السبب ؟
احمد عيني كرار انت رجل متزوج وزوجتك حامل
كرار طلكت
احمد وشنو الي يضمن تالي ترجع مرتك وره ماتاخذ بنتنا
بقيت الطم ع خدودي
عرفت مادام احمد موجود مراح اكدر اتزوج كرار
وراها سمعت صياح وصوت عالي
رحت للمطبخ اباوع من الشباك طلع كرار ضايج
رحت لغرفتي اتصل بي ميرد ،،،،، كلما اتصل يفصله
آخر شي غلقة
طلع حسن يصيح
ولج كلبه حقيره دازته علي يتهدد ولج تينه كرار آخر شخص
افكر ازوجج اياه
تقرب علي وجرني من شعري ويعت بي ولج مانطيج لكرار
باوعت لاحمد مبتسم ابتسامه خبيثه
كوه امي خلصتني من ايده
نفسيتي تعبت رجعت لحالتي ماكدر انام
واني كاعده بالليل واسمع صوت كرار بالشارع يم بابنا
باوعت من الشباك سكران ويتطوطح
ويصيح
ولك حسن انت حقير ولك احمد اني احبها ليش تسوون هيج
ولكم احبها احبها
طلعله حسن عرفة سكران كاله روح منا عيب عليك اسويلها فضايح ترى ساكت لخاطر اختك رغد
طلع احمد بيده مسدس اني فقدت راح يكتلو
تينه لا احمد فدوه عوفه ابوس ايدك عوفه
دفعني وطلع
جتفه هو وحسن واخذه احمد وحسن للمركز
قدموا شكوى بالمركز
رغد اتصلت باهلهه جتي امها تصيح كوله من بتكم الكح
ابو كرار وام رغد ورغد كعدوا بغرفه الخطار ويه حسن واحمد
الكل اتفقوا اني اني سبب كل هالمشاكل
راح حسن للمركز تنازل وبقت اجراءات بسيطه ياخذون من كرار تعهد ويطلع بكفاله
وره ما رجعوا من المركز اجاني حسن معصب
انت ولج ماتبقين بالبيت ولا دقيقه هجمتي بيتنا ساقطه
كوله من وراج المشاكل
فتح كنتوري طلع ملابسي اخذهن للحديقه وامي تركض وراه
ذب عليهم نفط وحركهن
التفت على ماما وكال
اخذي بنتج وطلعيها من البيت ترى اذا تبقى اذبحها
الام ولك وين اوديها هذا بيت ابوهه مثل مابيت ابوك
حسن بنتج ساقطه وجابتلنه العار
شوفي ملابسها ترى مستعد احركها مثل هدومها
الام تعوذ من ابليس حسن لاتخليني ادعي عليك
حسن دفعها لماما وكال شتسوين سوي
انت مكويه عينها لو ما انت مخربتها جان ذبحتها من زمان
عدكم نص ساعه تطلعون من البيت وراها لاتلوميني
اذا ذبحتها
عاط بصوت عالي
سمعتي زين ؟؟؟؟
امي تبجي وكالتله ربيتك وكبرتك وتاليتك ترفع صوتك علي وتدفع بي وتطردني من بيتي
الله لايوفقك انت ومرتك الكوبرا راح اوديها بس ارجعلكم
خاف عبالكم اعوفلكم البيت مراح اعوفه الج ولاهلج يارغد

تينه اخذت مستمسكاتي ولبست جبه وحجاب وماما لبست عبايتها وطلعنا
اخذنا تكسي للكراج
اتصل بي كرار واني ابجي واشهك
كرار وينج ياعمري ليش ماتردين ع تلفوناتي ؟

تينه احنا طالعين للكراج حانروح للسليمانيه يم اختي
اخوي طردنا
كرار ابقي لا تصعدين اني جاي
وصلنا للكراج علما اخذنا ماي وبسكت اخاف ماما تريد تاخذ علاجها ومماكله شي
شفت كرار اشرتله اجاني
كرار اوكفوا هنا خل اشوفلكم سياره مريحه
أجرلنا بسياره تكسي صغيره حوض الخلفي
صعدنا بالسياره مريحه الحمد لله واخذ رقم السايق ووصا علينا يوصلنا لبيت اختي ،،، حتى الكروه هو دفعها

بقى طول الطريق يتصل ويتطمن علينا لحد ماوصلنا
امي حبيبتي تخربطت انطيتها العلاج وكظتها نايمه
لحد ماوصلنا السايق لبيت اختي هديل
استقبلتنا هديل فرحانه بجيتنا وكالتلي انت ابقي عندي
وحالج حال بناتي
ارتاحت امي من شافتني هدأت وكتلهه مو جديد على حسن ورغد لو احمد وجنه هاي سوالفهم ومادامج موجوده
اني بخير بس حاولي ماتنقهرين علي اهم شي صحتج
بقت ماما ١٥ يوم يم بيت هديل وكالت اريد ارجع لبغداد
حاولنا وياها ماتقبل دكول بيتي ومكاني
سناء يمه هديل اختج امانه بركبتج اذا صار علي شي
انت مسؤله عنها ترى اذا تسلميها بيد حسن وجنه يذبحوهه
متحلفين بيها وساكتين لان اني واكفه بوجهم
اريدج تحافظين عليها وتعتبريها وحده من بناتج
اذا صار علي شي ومتت انت زوجيها من بيتج طلعيها
اختي هديل بجت وباست راسها
يمه عمرج طويل وتزوجين تينه بيدج
وربي ينتقم من رغد وراها ولاده ماتخاف من رب العالمين

~
ودعت ماما بدموع العين هي تبجي واني ابجي وراحت نظر عيوني لبغداد وبقيت عند بيت اختي
الي مصبرني وجود كرار بحياتي
كل يوم نتخابر واذا اريد اطلع لازم يشوفني شلابسه قبل لا اطلع لان يغار علي وميقبل اذا البس ضيق او حجابي مامربوط عدل واذا شعري طالع ميقبل

دايما نتعارك نتزاعل ونرجع نتصالح لان منكدر نفترق اكثر من 6 ساعات لازم يصالحني

مرات اني اغار عليه وابقى اصيح وهو يحاول يستفزني ويكولي راح احجي ويه البنات بالكروب واصادقهن
واني اصدكه وازعل من كل عقلي انقهر منه
وهو يضحك علي يكولي ولج انت اميرتي ،،،،
الكلب محجوز يمج ،،،،،
مستحيل تكدر وحده تزيحج منه !!!!!
اختي لمى اتصلت بي وكالت من يفتح الحضر تعالي عندي
والدكتور يشغلج سكرتيره بالعياده براتب
وهو حاليا تغير واني هم تغيرت واريدج تسامحيني
ولازم تجين عندي
~~
تمرضت ماما وصارت طريحه الفراش واختي جنه واحمد هما الي يداروهه
جنت اتمنى اكدر اروح وابقى تحت رجليها اخدمها واداريها
واخوي حسن ميقبل ارجع
حتى ماما طلبت منها ارجع واداريها دكولي لاترجعين
ابقي يم اختج احسن الج هنا راح تتأذين
انقهرت من كلامها اكيد تسمع منهم التهديد والوعيد
خواتي جنه وسميه يكولون اذا ماتت ماما الا نذبح تينه ونخلص منها
لحد اليوم مجاي اعرف سبب هالحقد الي بداخل خواتي
ماكو بكلبهم اي حنيه ولا رحمه
واني أختهم الصغيره
مرات اسمع اغاني عالام اكعد ابجي واكول ياربي اجمعني بماما وحبيبي كرار لان هو الانسان الوحيد الي ارتاحله
واني بسليمانيه تقدملي اكثر من شخص واخوي حسن يرفض استقبال اي عريس لو يطردهم لو يكول خل تتزوج
مناك من بيت هديل لاترجع هنا

هذه قصتي واكو مواقف كثيره ماحجيتها صعب عالانسان
يحجي كل الامور ،،،، مرات اكول ياريت ربي خلقني مو جميله وشكلي عادي مجان تعرضت لهالمواقف
ويجوز ظروف والدي وضعفه بسبب الفصل من وظيفته
خلا الناس تطمع بي ،،،،،
بس حجيتلكم على مواقف كل شخص بعائلتي
اما احمد بعده يتحكم بيت اهلي ومسيطر على اخوي حسن واختي جنه
وخصوصا بعد ماتمرضت ماما وهما الي داروهه بمرضها
مصير حياتي صار بين ايديهم
اما راتبي ماما تستلمه واكثر الاوقات تنطي لحسن
يمكن لان مستفاد من راتبي وميقبل اتزوج لهذا السبب ؟
مرات افكر اهرب واتزوج كرار لكن اخاف على ماما لا تتاذى ماريد اسببلها اي كلام يجيها
ولازلنا نعشق بعض نصبح ونمسي ومانكدر ننام الا لما نسمع صوت بعض

حبيبي كرار راح ابقى انتظرك طول عمري ومراح اتزوج او استسلم لاي ضغوط وابقى عالعهد
اتمنى من الي قرو قصتي ينتبهون لبناتهم من اقرب الناس
لاتثقين باحد لا عم ولا خال ولا زوج اخت
اتمنى من الاهل ميتركون بناتهم واولادهم بيد غيرهم حتى لو كانو اقارب لان محد يخاف عالبنت اكثر من امها
اطلب منكم تدعون لامي تطيب وترجع بالسلامه لصحتها
وأريدكم تدعولي اتزوج حبيبي كرار
اختكم تينه
~~~~
حبايبي
اتمنى عجبتكم قصة تينه الي كدرت تقاوم كل هالذئاب وهي طفله لاحول ولا قوه
اريدكم تفهمون بناتكم من هن صغار تفهموهم اكو عيب واكو حرام والبنت لازم تحافظ ع نفسها وتحجي لامها ع كل صغيره وكبيره
اختصرت الاحداث واستعجلت بالنهايه عذروني بسبب صحتي وماريد اتاخر عليكم بتنزيل البارتات
واوعدكم اي احداث جديده راح اكملها او انطيكم خبر
خصوصا اذا رب العالمين كتبلهم يتزوجون
انتظروني بعد العيد عندي قصتين ممتعات خل اشوف باي وحده ابدي اكيد راح تعرفون من انزلها
تحياتي لكم الكاتبه ~~فردوس عبد اللطيف ~~
النهايه

الناشر :#هيموووو

انتظروني ان شالله باجر اكمل. قصه راهب ابو غضب

#انا والمشّوه /بارت 12 شمس، مگدرت أشوف غَير بس يهجم عليّ! بوُكس واحد وكع الرجال!
رجفت واني أشوف صگر كاعد على بطنه ويضربه" صكر عوفه راح يموت بيدك!" صرخت عليه بقهر بَـس هيهات يسمعني! وهذا مؤيد جوأ
يصرخ! اجـه يركض احمد ويٌا اثنين ولـد بالكوه كدرؤ يدفعون صكر
" شبيك تخبلت!" عاط بيه احمد وهَو يحاول يلزمه! بس رجع لمويد بحنون وهَو يـزئر مثل أسد! غمضت عيوني بصابعي بخوف واني اشُوف ....
الدم صار خارطه بوجهه مويد! فتحت عيوني بسرعه واني اسمع احمد يصرخ ويلزمه وهَو واثنين " كافي صكر !  راح يموت الخاطري كافي!"


دفعهم بقسوه ودأر وجهه وطلع، اباوع عليه واني اشوف الدم ينزل من يده...من كثر الضرب! مخبل! ونبي! انتبهت على رانيا وعائلتها يحاولون يكومون بمويد بس ما يتحرك! بَـس لا مات! اجاني احمد " امشي شمس!" اخذني لبرأ واني احـس برجليه ترجف! معقوله هذا صكر! اجه يموته لرجال بكل سهوله... طلعنا بالكرأج واني احًس بالبرد يضرب بجسمي...ومنا خايفه زأد عليّه.. بلعت ريقي واني اشوفه واكف بصف سياره
ويدخن وملامحه بعدهي نـار... شمّر الجكاره من أيده واجه عليه چِرني بقوه....فتح باب سياره وصعدني بيها.... واسمع أحمد يكول" مو زينه العصبيه تَره بعدين عيب السويته جـوه شكول لأعمي هسه! وهَو صاحبك ويموت عليك!"

قاطعه صكر وهوَ يرد بحده" عمي على عيني ورأسي بسَ ابنه وحق القران الكريم اذا بقى هيچ مُوته على يدي!" ضرب سياره بقسوه ! رجفت من مكاني وأني اشهك بخُوف... " شسوه غير افهم!" صرخ احمد ، ليصرخ بيه بصوته الجامد " تعرف كلش زينه سوه لا تنگر احمد ! ومره ثانيه لو شفته بـ إي مكان صدك بالله العظيم ما يشفي غليلي منّه الإ احـش لسانه وعيونه من مكانهن ! وقد اعذر من أنذر! وانـتَ تعرف زيـن صگر أذا اتخبل!"

بلعت ريقي واني اسمع الكلام! بصرحه خفت منه! مبين عصبي هيج! شفته أجه صعد وقفل الباب... وأحمد دنـك على جآمتي " وين رايح يمعود! دنيا ليل وبارده! ابقى هنا صگر وباجر نرجع!" قاطعه وهَو يشغل سياره" اعتذرلي من عمي وگله يجي يبوس رأسك على يوم بسَ ابنك يستحق كُل ضربه أكلها مني"ضحك احمد ورد" ادري اعتذأر هذا لو تهديد! اوكف صكر خليني نتفاهم!"

شخط سياره وأنطلق... قفلت الچـام واني ارجف بمكاني هسه يجي دور عليه! اباوع عليه من طرف عيني طلع جكاره دخنها .. وانفاسه عاليه..
وأيـده لازمه الستيرن بغضب لدرجه دمرأته مبينه! بسَ من جانب ثاني داشوف صار حق صگر ، هذا الهجمي يعيره لصگر عينك عينك! واذا مشوه لو محترك وجهه! شنُو مو إنسان ما عنده مشاعر، احساس! تنهدت بقهر... ياربي أرحمني ولا تخلي يصير عصبي عليه انَي هَـّم ... يارب دخيلك... إنوب يخوف من يتخبل! اريد صكر الحباب ): اني





الثانيه بعد منتصف ليل...

صارلنه ساعه تقريباً واكفين ، اكـو جسر على الطريق العام وكف صكر بي... ونـزل يتنفس هوا صارله ساعه تقريباً على نفس وكفته.. منتبه عليه
من الجام السياره.. يدخن تقريباً هاي الخامسه... أحمدلله هوأيه مصرخ عليه.. ولا عيط بس نزل بهدوِء.... إنوب جـٌو بارد والثلج بدأ ينزل على خفيف... وهَو ما تحرك من مكانه.. حساس ورجولي ما يتحمل گلمه بحقه...اوف يأصكر شفته دخن مره سادسه! لا عاد فتح باب سياره...
ونزلت اقشعر جسمي من بروده القويه.... أقتربت منه وأني أهمس"صگر"
دأر وجهه عليه وعاقد حاجبه" أدخلي بارده!" هزيت راسي بـ لأ" مراح ادخل الإ من تصعد! بعدين كافي جكاير مو زين عليك هالكد تدخن بنفس ساعه !" رفع شعره للورأ بجمود .. مخلي جكاره بين شفايفه ، مقترب مني وهَو ينزع سترته " كتلج من قبل اني ما احب العناد لو لا!" غطاني بيها ...
وابتعد رفعت حاجبي" لا والله مكتلي!بـس عادي كول هسه حتى اتعلم"
ابتسم بهدوءُ ... أقتربت منه وأني اسحب جكاير من بين شفايفه....
نظرأت عليه بجمود ، ظلام ، غضب،


ذبيتها بالأرض وأني احظن وجهه بين رأحه أديانتي " الجمال ، جمال روح، والاخلاق، والرجوليه ، والأدب ، والحنان، والثقافه، وگولشي يخصه لصگر، جمال، " طبعت شفايفي على تشُوه وجهه مغمض عيووني وأني أبوسه ، أقشعر جسمي وأني احّس بجفافها... رفعت عيوني لعيونه الحآده ...
" محّـد بالعالم عنده صكر ! مثلي، اني اخاف انحسد، لان عندي انت!"
ابتسم برود وأيده ترجع خَصله لورأ إذني" تحبيني!؟"
بلعت ريقي واني احس بگلبي ينبض بحـده، أجيت اكوله أي! احبك اموت بيك! ما اعرف اعيش بدونك بس سبقني وهَو يكول بجمود " لا تحبيني هسه و مو وكت حب شمس!لازم ارجعج لاهلج وأخلصج من هالورطه ، مفهوم بنتي!" مسح على خـدي بدفؤ أيده هزيت راسي أي، واني احس بگلبي انعصر...
ما اعرف بس شكلي انرفضت.. شعور مـّرَ بصعوبه كتم دموعي متنزل....
واني ابتسم بوجهه، ر


زفـر انفاسه ليهمس" جنت طالب اعدإديه ، بوگتها دنيا ظهر ورأجع لبيت، حاره البصره ومحَد يكدر يشم هـوى بالصيف، ما اشوف الا دخان من الفرع الثاني، لبيتنا ركضت برعب على الفرع، عبالي بيتنا ! بس طلع بيت جورأينه والناس مجتمعه، والاطفاء بعده موأصل

، البيت محترك حرك لدرجه ما تكدرين تشوفين منَ النار ، جيران حاولت تساعد وتجيب ميً طفي! بس محد كـدر يطفي وسيارات الاطفاء تأخرت، بصراحه سمعت أنه يسولفون أكو طفله جوه مكدرو يطلعوهآ هَي وامها ، تخبلت اني هنا
واني اعرف بنتهم الصغيره توگف بالباب، دائماً حليوه وتضحك للهوإ...
ودائماً اشتريلها من اشوفها واكفه بالباب، عائلتهم صغيره وما عندهم جهال،
والعرفته رجال بشغل ، ومحـد كدر يدخل بنار، اجتي صوت هالطفله بأذني،" تنهد ليكمل " يمكن تكولين مخبل هذا! بس دخلت بالبيت ركض،
وأني ادرر على البنيه على الصغيره وامها! اسمع الكل يحاولون يوكفوني بس مكدرو واني دخلت جـٌوه بعد النار مآكله البيت الگله، وماكو طريق تكدر تطلعه منهّ ! بَـس سمعت صوت البنيه تبجي ركضت على الصوت...
ورحت شفتهاً وياريتني ما شفتها شمس!"

عقدت حاجبي " شبيها!" مسح على لحيته ليكول" جانت امهاً نص جسمها الجوه محترك! وأنه مبيدي شيء بشنو اطفيها! والمرأة تصرخ وبنتها الصغيره يمها! شلت بنتها واجيت اطلعها وكلت ارجع للأم لو ادخل احد ويايه! بس مكدرت وبطلعه وكع النار علينه حاولت احميها ! اوخرها من طريق ! بس انحبست بالبيت! والدخان ترس ريتي! مكدرت اشوف والبنيه بيدي فقدت الوعي من كميه الدخان ، ضليت واكف بالنص والنار بدأت تنهي كلشي، الاثاث وأكلته كله وتريد توصل النه! وگفت بمكاني وشاهدت بوقتها لأن عرفت مراح اطلع من النار هاي! ما خفت على روحي كد ما خفت على الصغيره البيدي! ولوما فقدت الإمل تماماً بدأت النار تخف واجوي أهل الاطفاء وطفى البيت نصه، بس مكدرت اسيطر نفسي وفقدت الوعي وإكع بالكاع، ومن كعدت!"

أنملت عيوني دموع وأني اشوفه يحاول يكمل" بعدين هالكدأمج كعدت ، بس لكيت نفسي بنص وجهه محترك، ماگله النار نص وجهي الوگعت عليه، وجسمي حتى ! متلاحگين عليه والجمرأت ماكله وجهي طلعت! تخيلي
الوكعن من البيت بالكاع هنه الشوهني! وسالت على البنيه كدور يطلعوها
بس امها ميته مملحگين عليهاً ورايحه بالانقاض ! وهاي قصه تشوه ،"
مسحت دموعي وأني اهز براسي " بس صكر! ليش ضحيت بروحك بسهوله!" قاطعني" يابه اباوع عليهم وهمه يحتركون! شلون ! غيري يقبلها بَـس أنه لا! وخصوصاً الصغيره اعرفها زين ما ينطني كلبي اعوفهأ جوه ، ربج كاتب الها عمَر حتى دزني واحترك وجهي بس علمودهاً، البشر ، بدون تضيحه ما ينحسب بشر وصدكي كل شخص عايش دأفع ثمن حياته، ماكو شي اسمه رأحه لو تعيش طول عمرك بدون مشاكل وسعاده هاي ما تنحسب حياة ' المؤمن مبتلى شمس، وهذا ! اشر على وجهه المحترك، ابتلاه من رب العالمين وأني رجال مؤمن وقابل بحكمته على كل شيء صار"


مسح دموعي ، حظنت أيده بدِفوُ ، المومن صدكُ مبتلى ، واني ابتليت همَ
بس رب العالمين دزلي من بعد قهر مريت بيّ ، صگر ما يتعوض، بگولشي چان ، هديه هالأنسان إلي ... دفنت راسي بصدره، وأني احظنه من خصره.... قربني لصدره أكثر محاوطني بقوه... تنفست برأحه وأني أفهم السبب الاول، باقي اسباب..... بحياتك يا صكر....
،صعدنه بسياره وبصعوبه كدرنه نطلع لآن الثلج صار بالطريق...
هوايه وگفنه شويه بالطريق علمود المرور... وأني بعدني افكر بسالفه الحرك! بسهوله ضحى بنفسه علمود طفله! اكو هيج انسان! انتبهت عليه عيونه على الطريق وملامحه رجعت عاديه، دأر وجهه إلي وهَو يغمز
" شنو!" ابتسمت بخجل" أني اسفه على صار " عقد حاجبه وعيونه عليه
" على شنو بنتي!" رديت " لو مَا صار الصار! بالعرس مجان اذكرت الحرك ولا اتعاركت ويه !" قاطعني بجمود" وأنتي شدخلج بسالفه! هو عيونه زايغه وما سلمت منّه وحده إنوب جاي عليج وانتي على ذمتي ! تخيلي اسكت! لو اصفگله!"


درت وجهي للجامه وأني اهمس " گول اغار وفضني!" أشرلي بيده" ما سمعت ! " رجعت عيوني عليه ، " كُول اغار صكر ! شكو بيها!"
رفع حاجبه ورجع عيونه على الطريق" ما اغار ! بس انتي على ذمتي وإي شخص مكاني هيج يسوي" عضيت شفتي بغضب، وأني اشوفه يحرك السياره برود... " شنو يعني! صكر !"
تنهد وهَو يسوق حتى مرد عليه! درت وجهي للچامه واني اباوع على طريق! متغار مو! بسيطه! خلي نشوف .. ورا شي نص ساعة طبك السياره يم فندق...انتبهت على الاسم من الجام .. مقريته! بس مبين رأقي، وشكله فخف ... فتح الباب سياره إلي نزلت.. برود انطيته ستره"ما احتاجها بعد وصلنه لفندق!" اخذها ورجع لبسها إليه وقفل دكم ! جرني من ذرأعي ! وأني احاول واخر أيده مني" اهدي يابه!! شهل الاخبال!"

سلم سياره لصاحب الفندق ودخلنا جـٌوه جذب نظري المكاُن... فخم قليل بحقه ، الالوان ساطعه بيه هَي البيض والذهبي، ومبين للاغنياء! وگفنه وحجزنه غرفه... وصعدنه الها گبل.... فتح باب الغرفه وجريت أيده منّه بقوه...." ايدي اريدها !" رفع حاجبه واني اسمعه يستغفر .. دخلت بالغرفه ... ونزعت الحذاء... وشمرته على صفحه... عيوني تتجول على الغرفه ...
حلوه وبسيطه... شمرت نفسي على الفرأش، اوف واخيرآ الدفـُو... انتبهت
عليه دخل للحمام .... كمت بسرعه ونزعت سترته... ورحت ورأ للحمام...
متغار مو! بس

يطه صكر! انتظرته يطلع وأني بالفراش نايمه.... تقريباً اقل من نص ساعه وطلع ... ينشف بشعره ولابس روب الحمام الابيض...
" ادخلي اسبحي ، المّي دافي واكو مناشف نظيفه همَ" يحجي وهَو ينشف بشعره الناعم ...بـودي امـد اصابعي بيه... رفع شعره مقترب مني" شمس دتسمعيني!"


هزيت راسي برود وأني اگوم كدام نظراته المتسائله! رحت على الحمام وقفلت الباب ! متغار مو! شلون يعني! اذا ميغار يعني ما يحبني! جريت شعري بغضب! واني افتر بالحمام! اهّٰدي شمس! وفكري بشيء ! زين
احسن مَن هالغضب!!بس لازم احركه مثل ما حرگني! لگيتها! كلبت شعري وعدلته ! وفتحت سحاب الفستان الظهر على النُص! وطلعت ... اتمشيت إله
أنتبه عليه وعقد حاجبه" بيج شي شمس!"
هزيت راسي برائه وأني اقترب منه حافيه، عيونه عليه بحيره! درت وجهي وأنطيته ظهري!" امم سحاب الفستان مداكدر اوصله! ممكن تفتحه؟!" همست بنعومه لدقيقه كامله وهَو مـا مـّد أيده، حسيت بخطتي فشلت! لحـد ما احسيتّ بأصابعه على ظهري، رجـف عمودي الفقري ! واني أحس بيده الدأفيه تفتح السحاب، رجف كلبي بين ضلوعي ! واصابعه تطخ بظهري....
غمضت عيوني وأني احس بأنفاسه على رقبتي وأذني" راح احسب منا لـ3 تلأحكي على روحج واطفري"


بلعت ريقي فاتحه عيوني  ! ما حسيتّ الآ راكضه بسرعه! للحمام وقفلت الباب...بصعوبه سحبت انفاسي! واني احس بالحراره صعدت لوجهي! عود ردت أحركه شويه! أشـو احتركت اني! وگلبي! أخ يمه! .... دومج خسرانه شمس!! ضربت رجليه بالارض واني انزع الفستان واسبح! طولت هوايه بالحمام... واني افكر شلون اطلع! يايمه ما اكدر! اطلع واشوفه وجهي! مرّت فتره نشفت شعري وتركته مفتوح،،.. لبست روب الحمام وأني اطلع... جريت انفاسي ! تنفسي شمس! تنفسي! لا تخلي يسيطر عليج.... رحت إله لكيته نايم على الفراش... أيده جوه عيونه... وايده الثانيه على رأسه...بعده بروب الحمام.... قفلت الروب عـدل... ورحت كعدت على القنفه كباله...

اجاني صوته " جوعانه!؟" بلعت ريقي هامسه" لا ما اشتهي أكلت بالعرس"
هز رأسه ليگعد على السرير " وليش شارده تعاي اكعدي هنا!" قاطعته " لا ما اريـد خليني هنا !" عيونه عليه بهِدوء.. من طولت نظراته درت وجهي ... عيونه صايره تربگني...  "نشفي شعرچ زين لا تتمرضين" ما رديت واني عيوني على الشباك .... الثلج بدأ ينزل بكثره والبرد إشتد
وگلبي يرجف.....




الوأحد ونص ليلاً ....


نمت على قنفه مدري شلون... وأني اتجنب احجي ويآ ... ما حسيّت الأ انرفعت .. عطره هَو عرفته... حظنته من رقبته... وسحبت انفاسي منها...
حسيّته خلاني على الفرإش.... وغطاني... لزمته من آيده وعيونه اجت عليه
" لا تروح نام هنا" طلبت ابتسم " اصلاً ردت اسـّد البرده واجي" يا فشله!
درت وجهي لجهه ثانيه! وأني اغمض عيوني بيدي،.... شكد عيب! منه حسيته أجه ونام بالفراش... رجـف كلبي واني احس بيده انمدت لخصري... سحبني ودأرني لوجهه... فتحت عيوني واني احس بنفاسه تضرب على وجهي ....عيونه العسليه داخل عيوني... بنظرات غامضه معرفت افسرها...
اجتني الجرئه مدري منين! وأني ابوسه من شفايفه بهُدوء.... غمضت عيوني وأيدي امدها بين خصلات شعره الفحمي...

ابتعدت منه وأني اتنفس بثقل " ليش تتحرشين!بيه! خليني عاقل حتى ضلين بخير وما أذيـچ!" ابتسمت بخجل " بكيفي و!" ما كملت واني احس ...بشفايفه فوك شفايفي... غمضت عيوني بقوه وانـي احس بشفايفه تمتُص شفتي العليا بقسوه... آنَيت واني احس بيده انـمدت تعصر بجسمي ...
بادلته بصعوبه واني اشـوف بكل مره هَو المسيطر ... أخذ شفتي السفلى من بين سنونه ... وهّو ياكلها من بين سنونه حسيت راح تنجرح ... حاولت ابعده حتى اتنفس! بس ما كدرت تاويت مره ثانيه واني أحس يمتُص بشفايفي بشغف وقـوه... واني بيده عاجزه ترگني اتنفس ليطبع بوساته الخفيفه... على شفايفي فگي خدي... واني أچر انفاسي بصعوبه... هامس بـ إذني" كتلج لا تتحرشين " 

ضربته على صدره واني ادير للجهه ثانيه... مسحت حلكي  قطرأت من الدم نزلت منه ... اسمعه يضحك الادبسززز! غمضت عيوني ، وهَو جرني لصدره... " نامي هنا " حظنت أيده بقوه وأني أحس بجفني ينزل .... بنعاس
كعدت على صوته يگولي ورانه طريق... بسرعه بدلت ملابسي مال امس...
لبستهم ونزلنه... واني بالكوه اشوف انعس، وتعبانه! حاسبهم صكر وطلعنه كبل لشقه.... طول الطريق واني نايمه وصكر يسوق ويخابر،... تقريباً بتسعه وصلنا .... الى شقه القديمه واني حابه اشوفها راح يصير بيها....


وشراح يصير ويانه بعد! الله اليستر من الجاي.....

#أنا والمشّوه /بارت 13 شمس ، رجعنا على الشقه ، بس غيَر شقه أخذ صكر بالطابق الأرضي...
عبالي بصرأحه ، نفس شقتنه القديمه ، بس طلعت غلطانه ومَن سالته ...يگول احسن ! رد برود عليه تخيلوا! اني همَ سكتت....ما اريد احقق وأعرف كـُلش زين صگر ميسولف... فأتنهدت ساكته ...صرأحتاً الشقه هاي همين حلوه ومرتب وبيها غرفتين نوم وشويه اكبـر..بس تعودت إني على شقه هذيج.... وحابتها ! بس الحظ بعد.... مرّن يومين مَن رجعنه ...الوضع عادي .. وهُدوء ، أجوي بيت رانيا وجابوأ وياهم جاز.... وصگر على ما اعتقد ما اعتذر منَ رانيا... وبس أحمد...يجي لهنا... ومكدرت اروح لرانيا ... مصارلي مجال بصراحه! أي سفن تغرك شمس! مو قصه هيج
بس ما اكدر اطلع ! والله! تنهدت وأني أحرك بقطعة الخشب... جابها صكر علمود المكتبه ... بغرفته! اي كل واحد بغرفه رغم كُلشي صار ! رأفض هوَ يعترف بحبي! اعرف يحبني.. اني بنيه وأعرف كل زين نظرات... وتصرفاته بسَ ناگر بحجه الاهل وارجعج! بس ورآ سـّر رفضه إلي!
معقوله هاي الاسمها حنين! هوأيه اسئله ببألي... ومالها جواب....


_______
صكر" يابه شنو الموضوع صارلي ساعه احجي وياج!" درت وجهي إله " اسفه بس جنت شارده شويه!" ابتسم وهَو ينزع جفوف" وين شارده!"
رفعت كتفي برود" ولا شيء، شوكت تخلص من نصبها؟!" زفر انفاسه وهَو يكعد يركز بيها " مظل شيء ، اخر قطعه وأنصبها بالصاله لو بغرفتي! شنو رإيج!" انتبهت عليها للمكتبه هَي صغيره.. ولونهُا اسود راقيه مبينه...
وسـاده مبيها ولا شيء من روسومات او زخرفه" بصراحه مَا اعرف! بسَ شنو رإيك تخليها بالغرفه!"

هز راسه وعيونه عليهاً "هم گلت هيچ تلوك للغرفه اكثر" وكف وهَو ينفض التراب من إيده..." وخري شويه خلي اشيلها واكمل شغلها بغرفتي" بعدني من الطريق وشالها ...
فتحت عيوني واني اركض ورأ " خليني اسآعدك !" اسمع ضحكته وهَو يدخل لغرفته! نزلها بالارض ليجر انفاسه" هل ترأفه ونعومه تشيل! هيج ثگل!"
ابتسمت بفخر وأني اتخصر" لا عبالك انـي هيج ! ضعيفه وخفيفه! تَـره قوتي تعادل قوة ملآكم! لا عبالك ها! شيخ صكر بس انتَ قوي! وتستهزءآ بيه!" عضَ شفته مقترب مني.. مدنـك لوجهي" شحلاتها كلمه شيخ بحلكج ! بله عيدها خلي اسمعها!" نـزلت أديناتي بخجل وحسيّت بوجهي صار أحمر! الإ يخجلني! غمضت عيوني وهَو ينفخ بوجهي" اطفيچ لان صرتي حمره! وقابله هسه للآكل!" ضربته على صدره بقوه!


" عابت !!" خجلني ! درت وجهي أجيت اطلع جرني من أيدي ورفعني من خصري" شدسوي!!" صرخت بخوف وهَو يشيلني على گتفه! " خلي نروح نتغده ! يا ملاكم شمس!" ضربته على ظهره بقوه وهَو يمشي بيه... أنكلب حالي وشعري... شفته لجاز اجه من صاله ينبح ويطفر بالشقه" خلصني منه جاز! ساعدني!" ضحك وهَو يعدلني " محـد يخلصج مني، تورطتي بيه يابه تورطتي بصكر بعد!"

ويا احلى ورطه والله..... (:

ثانيه ظهراً ... روسيا..

تنهدت للأمره الف واني كاعده بصاله ، بملل ، تغدينه وغسلت المواعين... ودخلت سبحت .. همَ وصكر طلع عنده شغله گلي وراح ... وأني كاعده هنا بضجر جاز كبالي نايم ... واني احاول أقره عود من كتبه لصكر... بس الكتب دوخني فأتركته ونمت على القنفه.... ما اعرف لشكد نمت تقريباً....
لحد ما حسيّت صكر يكعدني... فتحت عيوني بخمول ونعاس" أجيت!"

هز راسه وهَو يمسح على شعري" اي ، كومي عندي الچ مفاجاه!" بصعوبه كعدت وأني افرك بعيوني" مفاجاه! شنو هَي!" ابتسم وهَو يكعد بصفي ...
مّـد ايده لجنطه السوده وفتحها ... طلع شيء ومخلي كدام عيوني" طلع جوأز والجنسيه مالتج!" انقبض كلبي برعب،.. واني اباوع عليه برود... " واخيراً طلع ! لو مَا مساعده من گم واحد وسفاره العراقيه مكدرت اطلعه ألج! ويحتاج اكثر من سنه!"
ابتسمت بصعوبه وأني احٰسّ بكلبي ينعصر... منا حابه اسافر واشوف شصار... بأهلي! ومنا! هَو! شلون اترگه وأني صرت ما اعيش بدونه...
إشر كدامي بيده" شمس! سمعيني! شبيج بنتي؟!" انتبهت عليّه.. واني أحسّ بدموعي نزلت اخذته منّه واني ارجف " يـ يعني راح اروح؟!"
هز راسه بجمود وعيونه عليه ، ترك الجنطه على صفحه... مقترب مني
مسح دموعي بيده الدأفيه " فيزت ألج على العراق، وبعد اسبوع ارجعج بيدي لبيتكم واشرح الهم كُلشي، !" قاطعته وأني اهمس " اني اخاف! صكر اخاف يصير شي هناك واهلي شگلهم و !و وانت وزواجنه!"

زفر انفاسه ليرد وأصبعه يمسح على خدي" شكتلچ إنه!مو كتلچ بظهرج! يابه لو اعرف دم تصير هناك انتي قطره ما اخلي توصل الـچ، مهمتي حمايتج لو اضحي بروحي، شمس ، لا تخافين !" هزيت راسي بـ أي...
وأني احس برعب من الجاي وكُولشي راح يصير... بصرأحه حابه ابقى هنا يمه .. اروح اشوف اهلي بس ارجع ويـآ ، تعودت عليه.. هوإي... غمضت عيوني وهَو يطبع بوسته على جبيني... " كلشي راح يكون بخير لا تخافين"
اتمنى ........

بين السفر ورجعه لعراق وتوتر وصكر يركض... علمود يرجعني ، وحتى مگلي شيء على زوأجنه! ولا جاب سيرته! شلون يعني! ميحبني! زين اهتمامه وحبه الاشوفه بعي