ﻗﻤﻊ ﺍﻟﻤﺸﺎﻋﺮ .... ﺍﻟﺴﺎﺩﺱ ﻋﺸﺮ ﻣﻦ ﺍﻟﺠﺰﺀ ﺍﻟﺜﺎﻧﻲ ...




...
ﺍﺣﻨﻪ ﻭﻳﻦ ﺍﻧﻌﻴﺶ؟ ﻟﻴﺎﻋﺎﻟﻢ ﻧﻨﺘﻤﻲ؟ ﻋﺎﻟﻢ ﺍﻟﻮﺣﻮﺵ !!
ﻋﺎﻟﻢ ﺍﻟﺬﻡ ﻭﺍﻟﻨﻤﻴﻤﻪ !! ﻣﻦ ﺗﻬﺪﻣﻴﻦ ﻋﺎﺋﻠﻪ ﺳﻌﻴﺪﻩ
ﻭﺗﺸﺘﺘﻴﻦ ﺷﻤﻠﻬﻢ !! ﺷﻠﻮﻥ ﺍﻟﺞ ﻋﻴﻦ ﺗﻐﻤﺾ ﻭﺍﻧﺘﻲ ﻣﺄﺫﻳﻪ
ﻭﻇﺎﻟﻤﻪ ﺍﻧﺴﺎﻥ ﺑﺮﻱﺀ ﻭﻳﺘﻴﻢ !!
ﻣﻦ ﺗﻮﻛﻔﻴﻦ ﺑﺼﻼﺗﺞ ﺗﺮﻓﻌﻴﻦ ﺍﻳﺪﺝ ﺑﺎﻟﺪﻋﺎﺀ ﻟﺤﺎﺟﻪ ﻟﻨﻔﺴﺞ
ﺷﺪﻛﻮﻟﻴﻦ ﻟﺮﺑﺞ ؟؟ ﻣﺎﺧﻔﺘﻲ ﻣﻦ ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ
ﻣﺎﺧﻔﺘﻲ ﻣﻦ ﺩﻣﻌﻪ ﻳﺘﻴﻢ ﺷﻠﻮﻥ ﺭﺍﺡ ﺗﻨﺰﻝ ﻋﻠﻴﺞ ﻣﺜﻞ ﺷﺮﺍﺭ
ﺍﻟﻨﺎﺭ ﻭﺣﺘﻪ ﻟﻮ ﺑﻌﺪ ﺣﻴﻦ !!
ﺍﻟﺴﻮﻳﺘﻲ ﻛﻠﻪ ﺑﺪﺍﻓﻊ ﺍﻟﻐﻴﺮﻩ ! ﻭﺑﺪﺍﻓﻊ ﺍﻟﺤﺐ ﺍﻟﻜﻼﻡ ﻣﻮﺟﻪ ﻟﻜﻞ ﻭﺣﺪﻩ ﺗﺤﺐ ﻣﺘﺰﻭﺝ ﻭﻫﻢ ﻣﺎﻳﺤﺒﻬﻪ ﻭﻣﺎﻛﻮ ﻗﺼﻮﺭ ﺑﻤﺮﺗﻪ
ﻫﻮﺍﻳﻪ ﻛﺜﺮﺕ ﻫﺎﻱ ﺍﻟﻨﻤﺎﺫﺝ ﺑﻤﺠﺘﻤﻌﻨﻪ ﺗﺎﺧﺬﻩ ﻣﻦ ﻣﺮﺗﻪ ﻭﺗﺴﻮﻱ ﺍﻟﻤﺴﺘﺤﻴﻞ ﻣﻦ ﺳﺤﺮ ! ﻣﻦ ﻣﻜﻴﺪﻩ ! ﻣﻦ ﻃﻌﻦ ﺑﺎﻟﺸﺮﻑ !
ﻭﻣﻦ ﺗﺠﻲ ﺗﻨﺎﻗﺸﻬﻪ ﺩﻛﻮﻝ ﺍﺣﺒﻪ ﺑﺲ ﻫﻲ ﺍﻟﻐﻴﺮﻩ ﻣﺎﻟﻴﻪ ﻧﻔﺴﻬﻪ
ﻻﺗﻄﻐﻴﻦ ﻻﻥ ﺍﻟﻠﻪ ﺑﺎﻟﻤﺮﺻﺎﺩ ﻣﻮﺍﻟﻴﻮﻡ ﺑﺎﺟﺮ ! ﻣﻮﺑﺎﺟﺮ
ﻟﻮ ﺑﻌﺪ ﺣﻴﻦ ﻻﺯﻡ ﺗﻄﻠﻊ ﺣﻮﺑﺘﻬﻪ ﻭﻟﻮﻋﺘﻬﻪ ...
..
ﻗﺒﺲ .. ﻛﺎﻋﺪﻩ ﺑﺎﻟﺼﺎﻟﻪ ﺑﺎﻟﻜﺎﻉ ﻭﻫﻮ ﻛﺎﻋﺪ ﻉ ﺍﻟﺘﺨﻢ ﺍﻟﺘﻠﻴﻔﻮﻥ
ﺑﻴﺪﻩ ﻣﺘﺮﺩﺩ ﻳﻔﺘﺤﻪ ﻟﻮﻻ؟؟
ﻋﻴﻨﻲ ﻣﺎﻧﺰﻟﺖ ﻣﻦ ﻋﻴﻨﻪ ﺩﻣﻮﻋﻲ ﺗﺠﺮﻱ ﻭﺍﺣﺴﻬﻪ ﺗﺤﺮﻙ ﺧﺪﻱ
ﻣﻦ ﺍﻟﻠﻮﻋﻪ ﺍﻟﺒﻴﻪ ﻭﻫﻮ ﻧﺎﺭﻩ ﻣﻮ ﺍﻗﻞ ﻣﻦ ﻧﺎﺭﻱ ..
ﻧﺼﻪ ﻉ ﺍﻟﺘﻠﻴﻔﻮﻥ ﻭﻓﺘﺤﻪ ﻃﺎﻓﻲ ﺷﺤﻦ ﻛﺎﻡ ﺟﺎﺏ ﺍﻟﺸﺎﺣﻨﻪ
ﻭﺷﻜﻠﻪ ﺯﺣﻔﺖ ﻭﺍﺭﺗﺠﻴﺖ ﻉ ﺍﻟﺘﺨﻢ ﺍﺭﻳﺪ ﺷﻲ ﻳﺴﻨﺪﻧﻲ
ﺍﺣﺲ ﻧﻔﺴﻲ ﺭﺍﺡ ﺍﺗﺨﺮﺑﻂ ﺩﻛﺎﺕ ﻛﻠﺒﻲ ﺳﺮﻳﻌﻪ ﺣﻴﻞ ..
ﻫﻮ ﺳﺎﻛﺖ ﻭﺣﺎﺿﻦ ﺭﺍﺳﻪ ﻣﻨﺼﻲ ﺑﺎﻟﻜﺎﻉ
ﻛﻠﺴﺎﻉ ﺍﺭﻳﺪ ﺍﺣﺠﻲ ﺑﺲ ﺍﺣﺲ ﺍﻟﺴﺎﻧﻲ
ﻣﺎﻳﺠﻤﻊ ﺍﻟﻜﻼﻡ ﺑﺲ ﻟﻮﻋﺔ ﻛﻠﺒﻲ ﺣﺎﺭﮔﺘﻨﻲ ..
ﺷﻮﻳﻪ ﻭﻓﺘﺢ ﺍﻟﺘﻠﻴﻔﻮﻥ ﻛﺎﻡ ﻳﺘﺼﻔﺢ ﺑﻲ
ﻣﺎﻛﺪﺭ ﻳﻈﻞ ﻫﺎﺩﻯﺀ ﻛﺎﻡ ﻣﻦ ﻣﻜﺎﻧﻲ ﺍﻓﺘﺮ ﺑﺎﻟﺼﺎﻟﻪ
ﻋﻴﻨﻲ ﻋﻠﻲ ﺷﻠﻮﻥ ﺍﻳﺪﻩ ﺗﺮﺟﻒ ﺗﺮﻋﺶ ﺑﺤﺎﻟﻪ ﻣﻮﻃﺒﻴﻌﻴﻪ !!
ﺑﺪﺕ ﻋﻠﻲ ﻋﻼﻣﺎﺕ ﺍﻟﻐﻀﺐ ﻳﻘﺮﻩ ﻭﻳﻔﺸﺮ
ﺑﻜﻼﻡ ﺍﻭﻝ ﻣﺮﻩ ﺍﺳﻤﻌﻪ ﻳﻨﻄﻖ ﺑﻬﻴﺞ ﻛﻼﻡ
ﺿﺮﺏ ﺍﻳﺪﻩ ﺑﻘﻮﻩ ﺑﺎﻟﺤﺎﻳﻂ ﻛﻞ ﻫﺬﺍ
ﻭﻫﻮ ﻣﻨﻄﻴﻨﻲ ﻇﻬﺮﻩ !!
ﻛﻤﺖ ﻭﻛﻔﺖ ﻛﺪﺍﻣﻪ !! ﺍﺭﻳﺪ ﺍﻫﺪﻱ ﺍﺭﻳﺪ ﺍﻟﺰﻡ ﺍﻳﺪﻩ
ﺍﺭﻳﺪ ﺍﺧﺬﻩ ﺑﺤﻀﻨﻲ ﺣﺘﻪ ﻳﺴﻜﻦ ﺭﻭﻋﻪ ﻭﺗﻬﺪﺀ ﻋﺼﺒﻴﺘﻪ
ﺍﺭﻳﺪ ﺍﺿﻤﻪ ﺑﺼﺪﺭﻱ ﻭﺍﺧﻠﻲ ﻳﺴﻤﻊ ﺻﻮﺕ ﮔﻠﺒﻲ ..
ﻣﺎﻋﺮﻓﺖ ﺍﻓﺴﺮ ﺗﺼﺮﻓﺎﺗﻪ !!! ﺳﺤﺒﻨﻲ ﻣﻦ ﺍﻳﺪﻱ ﺣﻴﻴﻴﻴﻞ
ﺣﺴﻴﺘﻬﻪ ﺍﻧﺨﻠﻌﺖ ﻭﺷﻤﺮﻧﻲ ﺑﻨﺺ ﺍﻟﻐﺮﻓﻪ ﻭﺻﺎﺡ
ﺑﺼﻮﺕ ﻣﺨﻨﻮﻙ ﻛﻮﻩ ﻳﻄﻠﻊ ﺍﻗﻔﻠﻲ ﺍﻟﺒﺎﺏ ﻋﻠﻴﻴﻴﻴﺞ !!
ﺍﺩﺭﻱ ﺑﻲ ﻳﺤﻤﻴﻨﻲ ﻣﻦ ﻧﻔﺴﻪ !!
ﺍﺩﺭﻱ ﻭﻫﻮ ﺑﻌﺰ ﻋﺼﺒﻴﺘﻪ ﻣﺎﻳﻔﻜﺮ ﻏﻴﺮ ﺑﻴﻪ ﻭﺑﺴﻼﻣﺘﻲ !!
ﻗﻔﻠﺖ ﺍﻟﺒﺎﺏ ﻋﻠﻴﻪ ﻭﻛﻌﺪﺕ ﺑﺎﻟﻜﺎﻉ ﺍﺑﺠﻲ ..
ﺍﻓﺮﻙ ﺑﻜﻠﺒﻲ ﺍﺣﺴﻪ ﻧﺎﺭ ﻭﻣﺸﺘﻌﻠﻪ ﺑﻲ
ﻧﻔﺴﻲ ﻟﻌﺒﺖ ﻣﻦ ﺍﻟﺨﻮﻑ ﺑﻄﻨﻲ ﻣﻐﺼﺘﻨﻲ ﺣﻴﻴﻞ
ﻋﻴﻮﻧﻲ ﻏﻮﺷﺖ ﻣﻦ ﺩﻣﻌﻲ
ﻣﺎﺍﻋﺮﻑ ﺷﻠﻮﻥ ﺍﺑﺮﺭ ﻟﻨﻔﺴﻲ ﻭﻣﺎﺍﻋﺮﻑ ﺷﺒﻲ ﺍﻟﺘﻠﻴﻔﻮﻥ !!
ﻳﻤﻜﻦ ﺳﺎﻋﻪ ﺍﻧﻲ ﻭﺣﺪﻱ ﺑﺲ ﻫﺎﻱ ﺍﻟﺴﺎﻋﻪ
ﺧﻠﺘﻨﻲ ﺑﻤﻌﻨﻰ ﺍﻟﻜﻼﻡ ﺍﻧﻬﺎﺭ ﻓﻘﺪﺕ
ﻛﺮﻓﺼﺖ ﺑﺎﻟﺰﺍﻭﻳﻪ ﻭﺍﺷﻠﻊ ﺷﻌﺮﺍﻳﻪ ﺷﻌﺮﺍﻳﻪ ﻣﻦ ﺭﺍﺳﻲ
ﻣﺎﺍﻧﺘﺒﻬﺖ ﺷﻜﺪ ﺷﻠﻌﺖ ﻭﺷﻠﻮﻥ ﺻﺎﺭ ﻫﻠﻜﺪ ﻛﺪﺍﻣﻲ
ﻣﺎﺍﺣﺲ ﺑﺎﻟﻢ ﺍﺣﺲ ﺑﺎﻧﻬﻴﺎﺭ ﺗﺎﻡ ﻭﻋﻘﻠﻲ ﻧﻤﻞ
ﺍﺣﺘﺎﺟﻴﺖ ﺍﻱ ﺷﺨﺺ ﺣﺘﻠﻮ ﻋﺪﻭﻱ
ﺑﺲ ﺧﻠﻲ ﺍﺳﻤﻊ ﺻﻮﺕ ﺑﺎﻟﺒﻴﺖ ﻛﻤﺖ ﺍﺩﻙ ﺑﺎﻟﺒﺎﺏ
ﻭﺍﺻﻴﺢ ﺑﺸﺎﺍﺍﺍﺭ ....
ﺻﻮﺗﻲ ﻳﺘﻜﻄﻊ ﺭﺍﺡ ﺍﺗﺨﺒﻞ ﺳﺎﻋﺪﻭﻧﻲ ﻛﻤﺖ ﺍﺿﺮﺏ
ﺣﻴﻞ ﻭﺍﺻﻴﺢ ﺳﺎﻋﺪﻭﻧﻲ ﻋﻘﻠﻲ ﻳﻮﺟﻌﻨﻲ ﺑﺸﺎﺍﺍﺍﺭ
ﺑﺸﺎﺍﺍﺍﺍﺍﺍﺍﺍﺍﺭ ..
ﺩﻗﺎﻳﻖ ﻭﺍﺟﻪ ﺩﻙ ﺍﻟﺒﺎﺏ ﻣﻦ ﺣﺎﻟﺘﻲ ﻧﺴﻴﺖ ﺍﻟﻘﻔﻞ
ﻳﻤﻲ ﻭﺍﻧﻲ ﻗﺎﻓﻠﺘﻪ ﻫﻮ ﻳﺪﻙ ﺑﺎﻟﺒﺎﺏ ﺑﺼﻮﺕ ﻣﻜﺴﻮﺭ
ﻭﻛﺎﻝ ﺍﻓﺘﺤﻲ ﻳﻤﺞ ﺍﻟﻘﻔﻞ ﻻﺗﺨﺎﻓﻴﻦ ..
ﺑﺴﺮﻋﻪ ﻓﺘﺤﺖ ﺍﻟﺒﺎﺏ ﺻﺎﺭ ﻛﺪﺍﻣﻲ ﺷﻤﺮﺕ ﻧﻔﺴﻲ
ﺑﺤﻀﻨﻪ ﺑﺲ ﺑﻌﺪﻧﻲ ﻭﺩﺍﺭ ﻇﻬﺮﻩ ﻋﻨﻲ ﻳﻔﺮﻙ ﺑﻮﺟﻬﻪ ..
ﺍﻓﺘﺮﻳﺖ ﻭﺭﺍ ﻣﺜﻞ ﺍﻟﻤﺠﻨﻮﻧﻪ ﻭﺍﺭﺩﺩ ﺑﻜﻠﻤﺎﺕ ﻣﺘﻮﺍﺻﻠﻪ
ﺣﺘﻪ ﻣﺎﺍﻧﻄﻲ ﻣﺠﺎﻝ ﻟﺮﻭﺣﻲ ﺗﺎﺧﺬ ﻧﻔﺲ ..
ﺍﻓﺘﺮ ﺑﺸﻜﻞ ﺩﺍﺋﺮﻱ ﻭﺍﺣﺠﻲ ﺍﻧﻲ ﺑﺮﻳﺌﻪ
ﺍﻧﻲ ﺑﺮﻳﺌﻪ !! ﺍﻧﻲ ﻣﺎﺧﻨﺘﻚ ! ﺍﻧﻲ ﺍﺣﺒﻚ ! ﺍﻧﻲ ﻣﺮﻳﻀﻪ
ﻻﺗﺸﻤﺮﻧﻲ ﺑﺎﻟﺸﺎﺭﻉ !! ﺍﻧﻲ ﺑﺮﻳﺌﻪ ..
ﻟﺤﺪﻣﺎﺻﺎﺡ ﻋﻠﻴﻪ ﺑﺼﻮﺕ ﻋﺎﻟﻲ ﻛﺎﺍﺍﺍﺍﺍﻓﻲ ﻛﺎﺍﺍﺍﻓﻲ
ﺍﻛﻌﺪﻱ ﻭﻟﺰﻣﻨﻲ ﻣﻦ ﺍﻛﺘﺎﻓﻲ ﻳﻬﺰ ﺑﻴﻪ ﻳﺮﻳﺪ
ﻳﺼﺤﻴﻨﻲ ..
ﺍﻧﻲ ﺻﺎﺣﻴﻪ ﺍﻧﻲ ﺍﺳﺘﻮﻋﺐ ﺍﻟﺼﺎﺭ ﺑﺲ ﻣﺎﺍﺳﺘﻮﻋﺐ
ﺍﻟﻌﻮﺍﻗﺐ ..
ﺩﻓﻌﻨﻲ ﻛﻌﺪﺕ ﻉ ﺍﻟﺘﺨﻢ ﻭﻫﻮ ﻛﻌﺪ ﺑﺎﻟﺠﻬﻪ ﺍﻟﺜﺎﻧﻴﻪ
ﻛﻠﺴﺎﻉ ﻳﺮﻳﺪ ﻳﻜﻮﻡ ﻳﻬﺠﻢ ﻋﻠﻴﻪ ﻭﻳﻔﺮﻍ ﻧﺎﺭﻩ ﺑﻴﻪ
ﺑﺲ ﻣﺎﻧﻊ ﻧﻔﺴﻪ ﺑﺎﻟﻘﻮﻩ ..
ﺻﺎﺡ ﺑﻴﻪ ﺟﺎﻭﺑﻴﻨﻲ ﻉ ﻛﻞ ﺳﺆﺍﻝ ﻫﺴﻪ ﺍﻧﻲ
ﻣﺎﺍﺣﻜﻢ ﻉ ﺍﻱ ﺷﻲ ﺑﺲ ﺍﺭﻳﺪ ﺍﺳﻤﻊ ﻣﻨﺞ ..
ﻣﺜﻞ ﺍﻟﻤﺘﻬﻢ ﻛﺎﻋﺪﻩ ﻣﻜﺮﻓﺼﻪ ﻭﺭﻓﻌﺖ ﺭﺟﻠﻴﻪ
ﻟﺼﺪﺭﻱ ﻛﻠﻤﺎ ﻳﺒﺎﻭﻋﻠﻲ ﻳﻔﺮﻙ ﻭﺟﻬﻪ ﻭﻳﺴﺘﻐﻔﺮ
ﻭﻳﺎﺧﺬ ﻧﻔﺲ ..
ﺑﺸﺎﺭ .. ﻟﻴﺶ ﺍﺧﺬﺗﻲ ﺣﺐ ﻣﺎﻧﻊ ﻭﺿﺤﻜﺘﻲ ﻋﻠﻴﻪ ﻭﺗﻤﺎﺷﻴﻨﻲ
ﺑﺎﻟﻜﻼﻡ ﻣﻦ ﺍﻛﻠﺞ ﺍﺭﻳﺪ ﻃﻔﻞ ﻭﺗﻜﻠﻴﻠﻲ ﺭﺯﻕ ..
ﻗﺒﺲ .. ﺍﺣﺠﻲ ﺑﺼﻌﻮﺑﻪ ﺑﺲ ﻫﺪﻭﺀﻩ ﺧﻼﻧﻲ ﺍﺧﺎﻑ
ﺑﺲ ﺍﺧﺎﻑ ﻣﺎﺍﻛﺪﺭ ﺍﺣﺰﺭ ﺗﺼﺮﻓﺎﺗﻪ ..
ﺟﺎﻭﺑﺘﻪ ﻭﺍﻧﻲ ﺍﺑﺠﻲ ﺍﻧﻲ ﻏﻠﻄﺖ ﺍﻧﻲ ﻣﺎﺍﺗﺤﻤﻠﺖ ﻭﻛﻤﺖ
ﺍﺧﺬ ﻋﻼﺝ ﻧﻔﺴﻲ ﻭﻣﺎﻛﺘﻠﻚ ﻻﻥ ﻣﺎﺗﻘﺒﻞ
ﻭﺍﻧﺖ ﺗﺮﻳﺪ ﻃﻔﻞ ﻭﺧﻔﺖ ﻻﻳﻄﻠﻊ ﻣﺸﻮﻩ
ﺑﺸﺎﺭ .. ﻟﻴﺶ ﻣﺎﺣﺠﻴﺘﻴﻠﻲ ﻳﺎﻳﻮﻡ ﺍﻧﻲ ﻣﻔﻀﻞ ﻣﺼﻠﺤﺘﻲ
ﻉ ﺣﺴﺎﺑﺞ ﻳﺎﻳﻮﻡ ﻓﻀﻠﺖ ﺍﺫﻳﺘﺞ ﻉ ﺣﺴﺎﺏ ﺭﺍﺣﺘﻲ؟؟
ﻗﺒﺲ .. ﺧﻔﺖ ﻣﻨﻚ ﻭﺍﻟﻠﻪ ﺧﻔﺖ ﺗﺴﻮﻱ ﺑﻴﻪ ﻣﺜﻞ ﺑﺎﺑﺎ
ﺑﺸﺎﺭ ﺍﻋﺬﺭ ﺣﺎﻟﺘﻲ ﻭﺍﻟﻠﻪ ﻣﻮﺑﻴﺪﻱ ﺧﻔﺖ ﺩﻛﻮﻝ ﻋﻠﻴﻪ ﻣﺠﻨﻮﻧﻪ
ﻭﺗﺘﺨﻠﻰ ﻋﻨﻲ .
ﺑﺸﺎﺍﺭ .. ﻋﺎﻁ ﺑﻴﻪ ﺑﺼﻮﺕ ﻋﺎﻟﻲ ﻋﺬﺭﺝ ﺍﻗﺒﺢ ﻣﻦ ﻓﻌﻠﺞ
ﻋﻘﻞ ﻣﺎﺑﺮﺍﺳﺞ ﻛﻞ ﻫﺎﻻﻫﺘﻤﺎﻡ ﻭﺍﻟﺤﺐ ﺍﻟﻤﻨﻄﻲ ﺍﻟﺞ ﻭﺍﻛﻮﻝ
ﺑﻌﺪﻧﻲ ﻣﻘﺼﺮ ﻭﻳﺎﻫﻪ ﻻﻥ ﺣﺎﻟﺘﻬﻪ ﺗﺨﺘﻠﻒ
ﻟﻮﺣﺎﺟﻴﺘﻠﻲ ﺟﺎﻥ ﺍﺧﺬﺗﺞ ﻟﻄﺒﻴﺐ ﻧﻔﺴﻲ ﻭﺗﻌﺎﻟﺠﺘﻲ
ﻣﻮﺍﺣﺴﻦ ﻣﻦ ﻫﺪﻡ ﺍﻟﺜﻘﻪ ﺷﻠﻮﻥ ﺍﻟﺞ ﻋﻴﻦ
ﺗﺴﻮﻳﻬﻪ ﻭﺍﻧﻲ ﺍﻛﻮﻝ ﻋﻠﻴﺞ ﺑﺮﻳﺌﻪ
ﺷﻠﻮﻥ ﻧﻔﺴﺞ ﺍﻃﺎﻭﻋﺞ ﻣﻦ ﺍﺗﻘﺮﺑﻠﺞ ﻭﺍﻛﻠﺞ ﺍﺭﻳﺪ ﻃﻔﻞ
ﻭﺍﻧﺘﻲ ﺗﻘﺸﻤﺮﻳﻨﻲ ﻣﺜﻞ ﺍﻟﺰﻋﻄﻮﻁ ﻭﺍﺩﺑﺮﻳﻠﻲ ﺍﻋﺬﺍﺭ
ﻳﻮﻡ ﺍﻟﺘﻬﺎﺑﺎﺕ ﻳﻮﻡ ﺭﺯﻕ ﻟﻴﺶ ﻫﻴﺞ ؟؟
ﻗﺒﺲ . ﻧﺼﻴﺖ ﺭﺍﺳﻲ ﻭﺍﻣﺴﺢ ﺩﻣﻮﻋﻲ ﻣﺎﻋﻨﺪﻱ
ﺟﻮﺍﺏ ﺍﻟﻪ ..
ﺑﺸﺎﺭ .. ﻫﺎﺝ ﺍﻗﺮﻱ ﻭﺷﻤﺮ ﺍﻟﺘﻠﻴﻔﻮﻥ ﻭﻛﺎﻝ ﺍﻧﻲ ﻟﺤﺪ ﻫﺎﻱ ﺍﻟﻠﺤﻈﻪ
ﻭﻳﺎﺝ ﻻﻥ ﺍﻋﺮﻑ ﺍﻛﻮ ﻣﻦ ﻳﻀﺪﺝ ﺑﺲ ﺍﺫﺍ ﻣﺎﻟﻜﻴﺖ ﺩﻟﻴﻞ
ﻭﺍﺫﺍ ﻣﺎﺛﺒﺘﻲ ﺑﺮﺍﺋﺘﺞ ﺑﻌﺪﻫﻪ ﻻﺗﻠﻮﻣﻴﻨﻲ !!
ﻗﺒﺲ .. ﺳﺤﺒﺖ ﺍﻟﺘﻠﻴﻔﻮﻥ ﻣﻔﺘﻮﺡ ﻉ ﻣﺤﺎﺩﺛﺎﺕ ﻓﺎﻳﺒﺮ
ﻃﺒﻌﺎ ﺍﻟﻔﺎﻳﺒﺮ ﻣﻮ ﻉ ﺧﻄﻲ ﺭﻗﻢ ﻏﺮﻳﺐ ﻫﻮ ﺑﺎﻟﺠﻬﺎﺯ
ﻭﻧﻔﺴﻪ ﺍﻟﺮﻗﻢ ﺣﻔﻈﺖ ﻧﻬﺎﻳﺘﻪ ﻧﻔﺴﻪ ﺍﻟﺴﻮﻩ ﻓﺎﻳﺒﺮ ﻗﺒﻞ
ﻣﺪﻩ ..

ﻟﻤﺤﺎﺩﺛﺎﺕ ﻣﺎﺍﻋﺮﻑ ﺷﻠﻮﻥ ﺍﻭﺻﻔﻬﻪ ﻳﻌﺠﺰ ﺍﻟﺴﺎﻧﻲ
ﻋﻦ ﺍﻟﻮﺻﻒ ﻳﻮﻣﻴﺎﺗﻲ ﺑﺎﻟﺘﻔﺼﻴﻞ ﺷﻠﺒﺴﺖ ﺍﻟﻴﻮﻡ
ﻭﺷﻮﻛﺖ ﺩﺍﻭﻣﺖ ﻭﺷﻮﻛﺖ ﺍﺟﻪ ﺑﺸﺎﺭ
ﻭﻛﻠﻬﻦ ﺑﻮﻗﺖ ﺍﻟﻈﻬﺮ ﻭﺍﻟﺼﺒﺢ ﻗﺒﻞ ﻻﻳﺠﻲ ﺑﺸﺎﺭ
ﻣﻦ ﺩﻭﺍﻣﻪ ﻭﺑﻌﺪﻫﻪ ﺍﻛﻠﻪ ﻻﺗﺮﺍﺳﻞ ﺭﺍﺡ ﺍﺿﻢ ﺍﻟﺘﻠﻴﻔﻮﻥ ﻓﻮﻙ
ﻣﻦ ﻳﻄﻠﻊ ﺍﻟﺼﺒﺢ ﻧﺘﺮﺍﺳﻞ ..
ﺭﺣﺖ ﻉ ﺍﻟﻮﺍﺗﺴﺎﺏ ﺻﻮﺭﻱ ﺑﺎﻟﺠﻤﻠﻪ ﺷﻜﻮ ﺻﻮﺭﻩ ﻣﺎﺧﺬﺗﻬﻪ
ﻭﺩﺍﺯﺗﻬﻪ ﻟﺸﺠﻦ ﻣﻮﺟﻮﺩﻩ ﺍﺳﺎﻟﻪ ﺣﺒﻴﺒﻲ ﺗﻘﺒﻞ ﺍﻟﺒﺲ ﻫﺬﺍ
ﺟﺎﺑﻪ ﺍﻟﻠﺰﻛﻪ ﻭﻳﻠﺢ ﻋﻠﻴﻪ؟؟
ﻭﻫﻮ ﻳﺮﺩ ﻋﻠﻴﻪ ﻣﺪﺍﻡ ﺟﺎﺑﻪ ﻻﺗﻠﺒﺴﻲ ﺭﻭﺣﻲ ﻟﺒﺴﻲ ﻏﻴﺮﻩ
ﻭﺍﻧﻲ ﺑﺎﻟﺤﻘﻴﻘﻪ ﻣﺮﺍﺕ ﺍﺧﺬ ﺭﺃﻱ ﺷﺠﻦ ﺑﺎﻟﻤﻼﺑﺲ
ﺻﻮﺭﻱ ﺑﺎﻟﺴﻔﺮﻩ ﺑﺘﺮﻛﻴﺎ ﻭﺗﻔﺎﺻﻴﻠﻬﻪ ﻛﻠﻬﻪ ﻣﺮﺍﺳﻼﺕ
ﺗﻮﻛﻒ ﺍﻟﻌﻘﻞ !!
ﺍﻟﻤﺼﻴﺒﻪ ﺍﻻﻛﺒﺮ ﺻﻮﺭﺓ ﺍﻟﻔﺴﺘﺎﻥ ﻻﺑﺴﺘﻪ ﻭﺩﺍﺯﺗﻠﻪ ﺻﻮﺭﻩ
ﺣﺒﻴﺒﻲ ﻫﺬﺍ ﺟﺎﺑﻪ ﺍﻟﻤﺎﻳﺴﻤﻰ ﻭﻳﺮﻳﺪﻧﻲ ﺍﻟﺒﺴﻪ
ﺍﻟﻪ ﻭﺍﻧﻲ ﺍﺭﻳﺪﻩ ﺑﺲ ﺍﻟﻚ ..
ﻭﻫﻮ ﻳﺮﺩ ﻋﻠﻴﻪ ﻻﺗﻠﺒﺴﻲ ﻭﻛﻮﻟﻲ ﻣﺎﺩﺭﻱ ﺑﻲ ﻭﻳﻦ !! ﻭﺟﻴﺒﻲ ﻳﻤﻲ
ﺍﺷﻢ ﻋﻄﺮﺝ ﺑﻲ ﺍﺍﺍﻭﻑ ﻉ ﺟﺴﻤﺞ ﻳﺨﺒﻞ ﺍﺷﺘﻌﻠﺖ
ﻋﺸﻴﺮﺗﻚ ﺑﺸﺎﺭ ﺣﺎﺭﻣﻨﻲ ﻣﻦ ﻫﺎﻟﻜﻴﻚ ..
ﻣﺎﻛﺪﺭﺕ ﺍﻛﻤﻞ ﺿﺎﻕ ﻧﻔﺴﻲ ﺷﻤﺮﺕ ﺍﻟﻤﻮﺑﺎﻳﻞ
ﺻﺎﺡ ﺑﻴﻪ ﻛﻤﻠﻴﻬﻦ ﻛﻠﻬﻦ ﺍﺭﻳﺪ ﺟﻮﺍﺏ ﻋﻠﻴﻬﻦ
ﺑﺲ ﺑﻠﺤﻈﻪ ﺣﺴﻴﺘﻪ ﺭﺍﺡ ﻳﻨﻔﺠﺮ ..
ﺍﻟﺒﺮﺍﻣﺞ ﻓﻴﺲ ﻧﻔﺴﻪ ﻫﻮ ﻓﻴﺴﻲ ﻣﻔﺘﻮﺡ ﺑﺎﻟﺠﻬﺎﺯ ﻭﺍﻟﻤﺎﺳﻨﺠﺮ
ﻭﻛﻞ ﻣﺤﺎﺩﺛﺎﺗﻲ ﺍﻟﺤﻘﻴﻘﻪ ﻳﻌﻨﻲ ﺍﻟﻤﺼﻴﺒﻪ ﺣﺴﺎﺑﻲ
ﻣﺘﻬﻜﺮ ﻭﻣﺎﺍﺩﺭﻱ ..
ﻛﻼﻣﻲ ﻭﻳﻪ ﺷﺠﻦ ﻭﺍﻧﻲ ﺍﻛﻠﻬﻪ ﺍﺧﺬ ﻣﺎﻧﻊ
ﻭﻏﻴﺮ ﺷﻜﻢ ﺻﻮﺭﻩ ﺩﺍﺯﺗﻬﻦ ﺍﻟﻬﻪ
ﺍﻳﺪﻱ ﺗﺮﺟﻒ ﻣﺎﺍﺳﻴﻄﺮ ﻉ ﺍﻋﺼﺎﺑﻲ ..
ﺍﺧﺮ ﻣﻮﺿﻮﻉ ﻫﻮ ﻣﻮﺿﻮﻉ ﺍﻟﻄﻔﻠﻪ ﻭﺍﻟﻜﺎﻣﻴﺮﺍﺕ
ﻭﻉ ﺍﺳﺎﺱ ﺍﻟﻄﻔﻠﻪ ﺣﻠﻘﺔ ﻭﺻﻞ ﺑﻴﻨﻲ ﻭﺑﻴﻨﻪ
ﻳﺪﺯﻟﻲ ﺍﻟﺘﻠﻴﻔﻮﻥ ﺑﻴﺪﻫﻪ ﻭﺍﻟﺮﺻﻴﺪ
ﻭﺍﻧﻲ ﻋﻮﺩ ﻣﺘﻔﻘﻪ ﻭﻳﺎ ﻉ ﺳﺎﻟﻔﺘﻬﻪ ﻭﺍﻛﻠﻪ ﺭﺍﺡ ﺍﻛﻮﻝ ﻟﺒﺸﺎﺭ
ﺩﺍﺍﺗﺨﻴﻞ ﺣﺘﻪ ﻳﻠﻐﻲ ﺍﻟﻜﺎﻣﻴﺮﺍﺕ ﻭﺗﻜﺪﺭ ﺗﺠﻴﻨﻲ ...
ﻣﺎﻛﺪﺭﺕ ﺍﻛﻤﻞ ﺷﻤﺮﺕ ﺍﻟﻤﻮﺑﺎﻳﻞ ﺣﻴﻞ
ﺑﻘﻮﺓ ﺍﻳﺪﻱ .. ﻫﻨﺎ ﺍﻧﻲ ﺟﻨﺖ ﻣﻨﻬﺎﺭﻩ ﻛﻤﺖ ﺍﺻﺮﺥ
ﺑﺼﻮﺕ ﻋﺎﻟﻲ ﻭﺷﻜﻮ ﺷﻲ ﻣﺤﺒﻮﺱ ﺑﺪﺍﺧﻠﻲ
ﻋﺒﺮﺕ ﻋﻨﻪ ﺑﺎﻟﺼﻴﺎﺡ
ﻛﻌﺪﺕ ﺑﺎﻟﻜﺎﻉ ﻭﺍﺩﻙ ﻉ ﺻﺪﺭﻱ ﺑﻘﺒﻀﺔ
ﺍﻳﺪﻱ ﻭﺍﺻﻴﺢ ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ
ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ..
ﻟﻚ ﺑﺸﺎﺍﺍﺍﺍﺭ ﺍﻧﻲ ﻗﺒﺲ ﺍﻟﺠﻨﺖ ﺩﻛﻮﻝ ﻋﻨﻲ ﺍﻧﺘﻲ
ﺗﺨﺘﻠﻔﻴﻦ ﻋﻦ ﺍﻟﺒﻨﺎﺕ ﻻﻥ ﻋﺸﺘﻲ ﺑﺒﻴﺌﻪ ﻗﺬﺭﻩ
ﻭﺣﺎﻓﻈﺘﻲ ﻉ ﻧﻔﺴﺞ
ﻟﻚ ﺍﻧﻲ ﺍﻟﻜﺘﻠﺖ ﻧﻔﺲ ﺣﺘﻪ ﻻﻭﺍﺣﺪ ﻳﻠﻤﺴﻨﻲ
ﻭﺍﺗﻠﻮﺙ
ﺑﺸﺎﺍﺍﺍﺭ ﺍﻧﻲ ﻗﺒﺲ ﺍﻟﺤﺒﻴﺘﻬﻪ ﻭﺍﻣﻨﺘﻬﻪ ﻉ ﺑﻴﺘﻚ
ﺍﻧﻲ ﺍﺧﻮﻧﻚ؟ ﺍﻧﻲ ﺑﺎﻟﻨﻈﺮﻩ ﻣﺎﺍﻛﺪﺭ ﺍﺧﻮﻧﻚ
ﻣﺎﻳﻮﻡ ﻛﻠﺖ ﻉ ﻭﺍﺣﺪ ﺣﻠﻮ ﻣﺎﻳﻮﻡ ﺑﺎﻭﻋﺖ ﻟﻐﻴﺮﻙ
ﻭﺍﻧﺖ ﻣﺼﺪﻙ ﻫﺬﺍ ﺍﻻﺗﻬﺎﻡ ..
ﺻﺪﻙ ﻣﺎﻳﻬﻤﻨﻲ ﺑﺲ ﺍﺭﻳﺪ ﺑﺮﺍﺋﺘﻲ ﻋﺸﺖ ﺍﺗﻌﺲ
ﻋﻴﺸﻪ ﺍﻛﻞ ﻣﻦ ﺍﻟﺰﺍﻳﺪ ﻣﺎﻝ ﺳﺎﺟﺪﻩ
ﺍﺧﺪﻡ ﺑﻌﺰﻳﺰ ﻭﺍﻟﻢ ﺑﻄﺎﻟﺔ ﺍﻟﻌﺮﻙ ﻭﺍﻧﻈﻒ ﻣﻜﺎﻧﻪ
ﻭﻣﺎﺍﻧﻄﻴﺖ ﻧﻔﺴﻲ !! ﺍﺧﺪﻡ ﺑﺎﻟﺒﻴﻮﺕ ﺣﺘﻪ ﺑﻴﻮﻡ
ﺍﺭﺟﻌﻠﻜﻢ ﻭﺍﻛﻠﻜﻢ ﺍﻧﻲ ﺑﻨﺖ ﺳﻤﻴﻪ ﺍﻟﺤﺠﻴﺘﻮﺍ ﻋﻨﻬﻪ
ﺍﻧﻲ ﻣﺎﺳﻮﻳﺖ ﺷﻲ ﻟﻴﺶ ﻋﺬﺑﺘﻨﻲ ﻳﺎﺭﺑﻲ
ﺍﻧﻲ ﺑﺲ ﺭﺩﺕ ﻣﻜﺎﻥ ﺍﻣﻴﻦ ﺍﻧﺎﻡ ﺑﻲ
ﺑﺲ ﺭﺩﺕ ﺍﻋﻴﺶ ﻣﺜﻞ ﺍﻟﺒﻨﺎﺕ ﻟﻴﺶ
ﺍﺗﻬﻢ ﺑﺸﺮﻓﻲ ﻭﻳﻨﻬﺪﻡ ﺑﻴﺘﻲ ﺍﻟﻠﻠﻠﻠﻠﻬﻲ
ﺗﺴﻤﻌﻨﻲ ﺍﻧﻲ ﻣﻈﻠﻮﻣﻪ !!
ﺟﻨﺖ ﺍﺻﺮﺥ ﻭﺍﺿﺮﺏ ﺻﺪﺭﻱ
ﺍﺭﻳﺪﻩ ﻳﺘﻬﺸﻢ ﺍﺭﻳﺪ ﻛﻠﺒﻲ ﻳﻮﻛﻒ ﻛﺎﻓﻲ ﻣﺎﺍﺭﻳﺪ ﺍﻋﻴﺶ
ﻣﺎﺍﺭﻳﺪ ﺣﺒﻚ ﻣﺎﺍﺭﻳﺪ ﻋﺎﺋﻠﻪ ﻛﻠﺸﻲ ﻣﺎﺍﺭﻳﺪ
ﺍﺭﻳﺪ ﺍﺭﺗﺎﺡ ..
ﻉ ﻛﻌﺪﺗﻪ ﻭﻫﻮ ﻳﺒﺎﻭﻋﻠﻲ ﺍﺣﺲ ﺣﺒﺎﻟﻲ
ﺍﻟﺼﻮﺗﻴﻪ ﺍﺗﻤﺰﻗﺖ ﻟﺤﺪﻣﺎﺗﻌﺒﺖ ﻭﻫﻮ ﻛﺎﻋﺪ
ﻣﺎﺍﻛﺪﺭ ﺍﻭﺻﻒ ﺣﺎﻟﺘﻪ ﻻﻥ ﺍﻧﻲ ﺑﻨﻔﺴﻲ
ﻣﺴﺘﻐﺮﺑﻪ ﻣﻦ ﺗﺼﺮﻓﻪ ﻭﻫﺪﻭﺀﻩ
ﺟﻨﺖ ﺧﺎﻳﻔﻪ ﻳﻜﻮﻡ ﻳﻀﺮﺑﻨﻲ ﺧﺎﻳﻔﻪ
ﻳﺄﺫﻳﻨﻲ ﻭﻳﺎﺭﻳﺖ ﻛﺎﻡ ﺻﻴﺢ ﻏﻠﻂ ﻋﻠﻴﻪ
ﻉ ﺍﻻﻗﻞ ﺍﻋﺮﻑ ﺭﺩﺓ ﻓﻌﻠﻪ
ﻣﻮ ﺑﻬﺬﺍ ﺍﻟﻬﺪﻭﺀ ﺍﻟﻜﺪﺍﻣﻲ ﻓﻮﻙ ﺣﺎﻟﺘﻲ
ﺣﺴﻴﺖ ﻧﻔﺴﻲ ﻣﺎﺍﻛﺪﺭ ﺑﻌﺪ ..
ﺭﺟﻌﺖ ﺭﺍﺳﻲ ﻉ ﺍﻟﺘﺨﻢ ﻭﺍﻧﻲ ﺍﺷﻬﻚ ﻣﻦ ﺍﻟﺒﺠﻲ
ﻭﻫﻮ ﺟﻜﺎﺭﻩ ﻭﺭﺍ ﺟﻜﺎﺭﻩ ﺗﻤﻨﻴﺖ ﻣﺜﻞ ﻣﺎﻳﻄﻔﻲ
ﺍﻟﺠﻜﺎﺭﻩ ﻳﻄﻔﻲ ﻧﺎﺭ ﻛﻠﺒﻲ ..
ﻋﺎﻓﻨﻲ ﻭﻛﺎﻡ ﻟﻠﻐﺮﻓﻪ ﺷﻔﺘﻪ ﻃﻠﻊ ﺭﺍﺡ ﻟﻠﺤﻤﺎﻡ
ﻭﺑﻴﺪﻩ ﻣﻼﺑﺴﻪ ﺻﻮﺕ ﺍﻟﻤﻲ ﻭﺗﺮﻧﻲ
ﻛﻤﺖ ﺍﺳﺪ ﺑﺎﺫﺍﻧﻲ ﺍﺣﺴﻪ ﻳﻨﺨﺮ ﺑﺠﺴﻤﻲ ..
ﺭﻛﻀﺖ ﺑﺴﺮﻋﻪ ﻟﻠﻤﻄﺒﺦ ﻣﺎﺍﺭﻳﺪ ﺍﺳﻤﻊ ﺍﻱ ﺻﻮﺕ
ﺑﺲ ﺻﻮﺕ ﺍﻟﺒﺮﺍﺳﻲ ﻳﻜﻮﻝ
ﻗﺒﺲ ﺍﻧﺘﻲ ﺑﺮﻳﺌﻪ ﻭﻳﺘﻴﻤﻪ ﺍﻟﻠﻪ ﻣﺎﻳﻌﻮﻓﺞ ﻭﺣﺪﺝ
ﻣﻮ ﺍﻟﻴﻮﻡ ﺑﺎﺟﺮ ﺗﻄﻠﻊ ﺑﺮﺍﺋﺘﺞ !!
ﻃﻠﻊ ﻣﻦ ﺍﻟﺤﻤﺎﻡ ﻳﺪﻭﺭ ﻋﻠﻴﻪ ﻋﺒﺎﻟﻪ
ﺍﻧﻬﺰﻣﺖ ﻟﻜﺎﻧﻲ ﻛﺎﻋﺪﻩ ﻉ ﺍﻟﻜﺮﺳﻲ ﻭﻣﺨﻠﻴﻪ ﺭﺍﺳﻲ
ﻉ ﺍﻟﻤﻴﺰ ﺣﺠﻪ ﺑﻨﻔﺲ ﺍﻟﻨﺒﺮﻩ ﻛﻮﻣﻲ ﺍﺳﺒﺤﻲ
ﻣﺎﻳﻈﻞ ﺳﺮ ﻣﻀﻤﻮﻡ ﻛﻠﺸﻲ ﻳﻨﻜﺸﻒ ..
ﺑﺎﻭﻋﺘﻠﻪ ﻭﺍﻧﻲ ﺍﻣﺴﺢ ﺩﻣﻮﻋﻲ ﺷﻮﻛﺖ ﻳﻨﻜﺸﻒ
ﻣﻦ ﺗﺪﻓﻨﻲ ﺑﻴﺪﻙ ﺑﻴﻦ ﺍﻧﻘﺎﺽ ﺍﻟﺤﻴﺎﺓ
ﻋﺒﺎﻟﻚ ﻗﺒﺲ ﺍﻟﻘﺪﻳﻤﻪ ﻭﺗﺘﺤﻤﻞ ﻻﺍﺍ ﻳﺎﺑﺸﺎﺭ
ﺗﺤﻤﻠﺖ ﺑﻤﺎﻓﻴﻪ ﺍﻟﻜﻔﺎﻳﻪ ..
ﻣﻦ ﺣﺒﻴﺘﻚ ﻟﺴﻪ ﺍﻛﻮﻡ ﻣﻦ ﻣﺸﻜﻠﻪ ﺗﻮﻛﻌﻨﻲ
ﺍﻻﻛﺒﺮ ﻭﻛﻞ ﺗﻬﻤﻪ ﺗﻜﺴﺮ ﺍﻟﻈﻬﺮ ﺷﺴﻮﻳﺖ ﺍﻧﻲ
ﻣﻮﺣﺎﻟﻲ ﺣﺎﻝ ﺍﻟﺒﻨﺎﺕ ﺣﺒﻴﺖ ﺍﺑﻦ ﻋﻤﻲ ﻭﺣﺒﻨﻲ
ﻭﺗﺰﻭﺟﺘﻪ ﺷﻨﻮ ﺍﻟﺴﻮﻳﺘﻪ ! ؟
ﻻﻣﺸﻴﺖ ﺑﺪﺭﺏ ﺍﻟﺤﺮﺍﻡ ﻭﻻ ﺗﻤﻠﻘﺖ ﺍﻟﻚ
ﻭﻻ ﺫﺑﻴﺖ ﻧﻔﺴﻲ ﻋﻠﻴﻚ ﻟﻴﺶ ﻫﻠﻜﺪ ﻋﺎﻧﻴﺖ ﺑﻌﺸﺮﺗﻚ
ﺑﺲ ﺍﻧﺖ ﺑﻬﺎﻱ ﺍﻟﺪﻧﻴﺎ ﻭﻣﺴﺘﻘﺘﻼﺕ ﻋﻠﻴﻚ ﺍﻟﺒﻨﺎﺕ؟؟
ﺑﺲ ﺍﻧﺖ ﻣﺪﻳﺮ ﻭﻋﻨﺪﻙ ﻓﻠﻮﺱ ﻭﻫﻴﺞ ﻳﺮﻳﺪﻧﻚ؟؟
ﻭﻻﺯﻡ ﺍﻧﻲ ﺍﺗﺤﻤﻞ ﺍﻟﻌﻮﺍﻗﺐ
ﺑﺸﺎﺭ .. ﻭﻣﻨﻮ ﻛﺎﻟﺞ ﻳﺮﻳﺪﻧﻲ ﺗﻘﺼﺪﻳﻦ ﻓﺮﺡ ﻣﻨﻮ ﻳﺮﻳﺪﻧﻲ
ﻏﻴﺮ ﻓﺮﺡ؟؟
ﻗﺒﺲ .. ﻛﻞ ﺍﻟﻤﺼﺎﻳﺐ ﺍﻟﻲ ﻭﻛﻌﺖ ﻉ ﺭﺍﺳﻲ
ﺑﺴﺒﺒﻚ ﺍﻧﺖ !! ﻓﺮﺡ ﻏﻴﺮﻫﻪ .. ﻣﻴﺎﻣﻴﻦ ﺗﻜﺮﻫﻚ ﺗﺤﺒﻚ
ﻣﺎﺍﺩﺭﻱ ﺑﺲ ﻛﻞ ﺍﻟﻲ ﺍﻋﺮﻓﻪ ﻛﻞ ﻫﺎﻱ ﺍﻟﺘﻬﻢ ﻭﺍﻟﻄﻌﻦ ﺍﻟﺒﺸﺮﻓﻲ
ﺑﺴﺒﺒﻚ ﺍﻧﺖ ﻻﻥ ﺍﻛﻮ ﻭﺣﺪﻩ ﺗﺮﻳﺪﻙ ﻭﻻﺯﻡ ﺗﺤﺼﻠﻚ ..
ﺑﺸﺎﺭ .. ﺍﻣﺸﻲ ﻛﺪﺍﻣﻲ ﻟﻠﺤﻤﺎﻡ ﻭﺳﺤﺒﻨﻲ ﻣﻦ ﺍﻳﺪﻱ
ﻭﺍﺩﻓﻊ ﺑﻲ ﻭﻣﺎﻳﺴﻤﻌﻨﻲ ﻛﺘﻠﻚ ﻋﻮﻓﻨﻲ ﻣﺎﺍﺭﻳﺪ ﺍﺳﺒﺢ
ﺗﺮﻳﺪ ﺗﻬﺪﻳﻨﻲ ﺭﻭﺡ ﺍﺧﺬ ﺣﻘﻲ ﻭﺧﺮ ﻋﻨﻲ ﻋﻮﻓﻨﻲ
ﺷﻤﺮﻧﻲ ﺑﺎﻟﺤﻤﺎﻡ ﻭﻛﺎﻝ ﺑﺴﺮﻋﻪ ﺍﺳﺒﺤﻲ
ﻭﺍﻃﻠﻌﻲ ﺧﺎﺑﺮﺕ ﻋﻠﻰ ﻋﻤﺮ ﺭﺍﺡ ﻳﺠﻴﺐ ﺷﺠﻦ
ﺍﺭﻳﺪ ﺍﺷﻮﻑ ﻫﺎﻱ ﻣﺮﺍﺳﻼﺗﺞ ﻭﻳﻪ ﺷﺠﻦ ﻭﺍﻟﺼﻮﺭ
ﺷﻠﻮﻥ ﻃﻠﻌﺖ ﻣﻮﻛﻠﻤﺎ ﺍﺣﺎﺟﻴﺞ ﺗﻜﻠﻴﻠﻲ ﻭﻳﻪ ﺷﺠﻦ !!
ﺷﻜﻢ ﻣﺮﻩ ﻣﺤﺬﺭﺝ ﻣﺎﺩﺯﻳﻦ ﺻﻮﺭﻩ ﺑﺎﻟﺘﻠﻴﻔﻮﻥ
ﺗﺮﻯ ﺗﻬﺠﻢ ﺑﻴﻮﺕ ﻫﺬﺍ ﺍﻟﺒﺮﺍﺳﺞ ﺷﻨﻮ ؟؟
ﻟﻴﺶ ﺍﻟﻪ ﺗﻜﺴﺮﻳﻦ ﺍﻟﻜﻠﻤﻪ ؟؟
ﺍﺷﺮ ﺑﺎﺻﺒﻌﻪ ﻉ ﺭﺍﺳﻲ ﺣﻴﻞ ﻛﻠﻴﻠﻲ ﻟﻴﺶ ﻣﺎﺗﺴﻤﻌﻴﻦ
ﺍﻟﻜﻼﻡ ﻣﺤﺬﺭﺝ ﺍﻧﻲ؟؟ ﻛﺘﻠﺞ ﺗﺮﻯ ﺍﺑﻴﻮﺕ ﺍﻧﻬﺠﻤﺖ ﻣﻦ
ﺳﻮﺍﻟﻒ ﺍﻟﺘﻠﻴﻔﻮﻧﺎﺕ ﻭﺭﺍﺣﺖ ﺍﺑﺮﻳﺎﺀ ﺑﻴﻬﻪ
ﻟﻴﺶ ﺗﺘﺼﺮﻓﻴﻦ ﺍﻟﻌﻜﺲ ..
ﺳﺪ ﺍﻟﺒﺎﺏ ﺣﻴﻞ ﻭﺩﺍﺭ ﻭﻃﻬﻪ ﻭﺍﻧﻲ ﻃﺒﻴﺖ ﺟﻮﻩ ﺍﻟﻤﻲ
ﺩﻣﻮﻋﻲ ﺗﻨﺰﻝ ﻭﻳﻪ ﺍﻟﻤﻲ ﻭﺍﻓﺮﻙ ﺑﺮﺍﺳﻲ
ﺍﺭﻳﺪ ﺍﻫﺪﺀ ﻣﺎﺟﺎﻳﺒﻪ ﻣﻼﺑﺲ ﻟﻔﻴﺖ ﻧﻔﺴﻲ
ﺑﺎﻟﻤﻨﺸﻔﻪ

ﻭﻃﻠﻌﺖ ﻟﻠﻐﺮﻓﻪ ﺑﺪﻟﺖ ﻭﻫﻮ ﻣﺎﺩﺭﻱ ﻭﻳﻦ ..
ﻟﺰﻣﺖ ﺍﻟﺴﺒﺤﻪ ﺑﻴﺪﻱ ﺍﺳﺘﻐﻔﺮ ﻭﺍﺩﻋﻲ ﺍﻟﻠﻪ
ﻳﻨﺠﻴﻨﻲ ﻣﻦ ﻫﺎﻱ ﺍﻟﻤﺼﻴﺒﻪ ﺍﻟﻮﻛﻌﺖ ﺑﻴﻬﻪ
ﺷﻮﻳﻪ ﻭﺍﺳﻤﻊ ﺻﻮﺕ ﺷﺠﻦ ﺑﺎﻟﺼﺎﻟﻪ ﻭﻫﻮ ﻳﺼﻴﺢ
ﻋﻠﻴﻪ ..
ﻃﻠﻌﺖ ﻣﻬﺪﻭﺩ ﺣﻴﻠﻲ ﺷﺎﻓﺘﻨﻲ ﻓﺰﺕ ﻛﺎﻣﺖ
ﺳﻠﻤﺖ ﻋﻠﻴﻪ ﻭﻋﻴﻨﻬﻪ ﺗﺘﻨﻘﻞ ﻣﻦ ﺑﺸﺎﺭ ﺍﻟﻲ
ﻭﺗﺮﻳﺪ ﺗﺴﺄﻝ ﻭﺧﺎﻳﻔﻪ ..
ﺷﺠﻦ .. ﺑﺸﺎﺭ ﺷﺒﻴﻬﻪ ﻗﺒﺲ ﻟﻴﺶ ﻫﻴﺞ ﺣﺎﻟﺘﻬﻪ؟؟
ﺑﺸﺎﺭ .. ﻣﻨﻮ ﻳﻔﺘﺢ ﺗﻠﻴﻔﻮﻧﺞ؟
ﺷﺠﻦ .. ﺟﺎﻭﺑﺖ ﺑﺎﺳﺘﻐﺮﺍﺏ ﻣﺤﺪ ﻳﻔﺘﺤﻪ ﻫﻮ ﺑﻲ ﺭﻣﺰ ﻭﻣﺤﺪ ﻳﻌﺮﻓﻪ
ﺑﺸﺎﺭ .. ﺍﺳﺮﺍﺀ؟؟
ﺷﺠﻦ .. ﺍﺑﺪ ﻣﺎﻳﻮﻡ ﻣﺪﺕ ﺍﻳﺪﻫﻪ ﻋﻠﻲ ﺍﻟﺒﻨﻴﻪ ﺣﺘﻪ ﻣﻮﺑﺎﻳﻠﻬﻪ
ﺑﺪﻭﻥ ﺭﻣﺰ ﻣﺎﻋﺪﻫﻪ ﺷﻲ ..
ﺑﺸﺎﺭ .. ﻣﺘﺎﻛﺪﻩ؟؟
ﺷﺠﻦ .. ﻃﺒﻌﺎ ﻣﺘﺎﻛﺪﻩ ﺍﻧﻲ ﻭﻳﺎﻫﻪ ﻟﻴﻞ ﻧﻬﺎﺭ ﻭﺣﺘﻪ ﺍﺭﺍﻗﺒﻬﻪ
ﻻﻥ ﻭﺻﺘﻨﻲ ﻗﺒﺲ ﺍﺧﺬ ﺣﺬﺭ ﻣﻨﻬﻪ ﺑﺲ ﺍﺑﺪ ﻣﺎﺗﻤﺪ ﺍﻳﺪﻫﻪ ..
ﺑﺸﺎﺭ .. ﻗﺒﺲ ﻣﻦ ﺍﺩﺯﻟﺞ ﺍﻟﺼﻮﺭ ﺗﺤﻔﻈﻴﻬﻦ ﻟﻮﺗﻤﺴﺤﻴﻬﻦ ﺑﺴﺮﻋﻪ؟؟
ﺷﺠﻦ .. ﻻ ﺍﻣﺴﺤﻬﻢ ﺑﻨﻔﺲ ﺍﻟﻠﺤﻈﻪ ﻭﻫﺎﻙ ﺷﻮﻑ ﻃﻠﻌﺖ
ﺗﻠﻴﻔﻮﻧﻬﻪ ﺩﻭﺭ ﺍﻟﻤﺤﺎﺩﺛﺎﺕ ﻛﻠﻬﻪ ﻣﺎﺑﻴﻬﻪ ﻭﻻﺻﻮﺭﻩ
ﻳﺤﺠﻲ ﻭﻳﺒﺎﻭﻋﻠﻲ ﺍﻧﻲ ﺳﺎﻛﺘﻪ ﺍﻧﺘﻈﺮ ﻓﺮﺝ ﺍﻟﻠﻪ
ﻉ ﻳﺎﺳﺎﻋﻪ ﻳﺒﻴﻦ ..
ﺑﺸﺎﺭ .. ﻭﻣﻦ ﺍﺟﻴﺘﻮ ﻳﻤﻨﻪ ﺍﻛﻮ ﺍﺣﺪ ﻟﻌﺐ ﺑﻐﺮﺍﺽ ﻗﺒﺲ
ﺍﻛﻮ ﺍﺣﺪ ﺻﻌﺪ ﻓﻮﻙ ﺗﺬﻛﺮﻱ؟؟
ﺷﺠﻦ .. ﺍﺫﺍ ﻗﺼﺪﻙ ﻉ ﺍﺳﺮﺍﺀ ﺣﺘﻪ ﻟﻐﺮﻓﺘﻜﻢ ﻣﺎﺩﺧﻠﺖ ﻭﻻ ﺻﻌﺪﺕ ﻉ ﺍﻟﺪﺭﺝ ﻭﺍﺳﺄﻝ ﻣﺎﻣﺎ ﺍﻟﺒﻨﻴﻪ ﻣﺜﻞ ﺍﻟﻨﻤﻠﻪ ﻣﺎﺗﺤﺲ
ﻋﻠﻴﻬﻪ ﻛﺎﻓﻲ ﺗﺎﺧﺬﻭﻥ ﺑﻐﻴﺒﺘﻬﻪ
ﻗﺒﺲ .. ﻭﻟﻴﺶ ﺍﺩﺍﻓﻌﻴﻠﻬﻪ ﺑﺴﺒﺒﺞ ﺣﻴﺎﺗﻲ ﺧﺮﺑﺖ
ﺍﺩﺯﻟﺞ ﺍﻟﺼﻮﺭ ﻣﺄﻣﻨﻪ ﺑﻴﺞ ﺍﺧﺘﻲ ﺗﺎﻟﻲ ﺗﻄﻠﻊ ﺻﻮﺭﻱ ﺑﻜﻞ
ﻣﻜﺎﻥ
ﺑﺸﺎﺭ .. ﻗﺒﺲ ﺍﺳﻜﺘﻲ ﺧﻠﻴﻨﻪ ﻧﻔﺘﻬﻢ !!
ﻗﺒﺲ .. ﻣﺎﺍﺳﻜﺖ ﻟﻴﺶ ﺗﺴﻜﺘﻨﻲ ﺧﻠﻴﻬﻪ ﺍﻃﻠﻊ ﺩﻟﻴﻞ ﺑﺮﺍﺋﺘﻲ
ﺻﻮﺭﻱ ﻋﺪﻫﻪ ﺍﻟﻤﻦ ﺍﻧﻄﺘﻬﻪ ﻟﻮﺍﻧﻲ ﻣﻄﻠﻌﻪ ﺻﻮﺭﻫﻪ
ﻣﻮﻫﺴﻪ ﺟﺎﻥ ﺫﺑﺤﺘﻨﻲ ...
ﺷﺠﻦ .. ﺷﺘﺤﺠﻴﻦ ﺍﻧﺘﻲ ﺻﻮﺭﺝ ﺍﻣﺴﺤﻬﻢ ﺑﻨﻔﺲ ﺍﻟﻠﺤﻈﻪ
ﻟﻴﺶ ﻣﺎﺗﻌﺮﻓﻴﻨﻲ ﺍﻧﻲ ﺷﻨﻮ ﻗﺒﺲ ﺍﻧﺘﻲ ﺍﺧﺘﻲ
ﺷﻠﻮﻥ ﺍﻏﺪﺭ ﺑﻴﺞ ﺑﺸﺎﺭ ﺣﺎﺟﻴﻬﻪ ﺍﻟﻠﻪ ﻋﻠﻴﻚ ﺍﻧﻲ ﻣﺎﻣﻄﻠﻌﻪ ﺻﻮﺭﻫﻪ ....
ﻗﺒﺲ .. ﻟﻌﺪ ﺷﻄﻠﻌﻬﻦ ﻓﻬﻤﻴﻨﻲ ﺍﺫﺍ ﺗﻤﺴﺤﻴﻬﻦ ﺑﻨﻔﺲ ﺍﻟﻠﺤﻈﻪ
ﺷﻄﻠﻌﻬﻢ ﻭﻛﻞ ﻛﻼﻣﻲ ﻭﻳﺎﺝ ﻃﺎﻟﻊ
ﻛﻠﻴﻠﻲ ﺍﻟﻤﻦ ﺗﺴﻮﻟﻔﻴﻦ ؟؟ﻋﺒﺎﻟﺞ ﻏﺒﻴﻪ ﻭﻣﺎ ﺍﻓﺘﻬﻢ ﺷﻮﻓﻲ
ﻣﻦ ﻳﺎﺧﺬ ﺗﻠﻴﻔﻮﻧﺞ ﻣﺎﺍﺳﻜﺖ ﺍﻧﻲ ﺍﻻ ﺍﺷﻮﻑ ﺑﺮﺍﺋﺘﻲ
ﺷﺠﻦ .. ﻣﺎﺗﺤﻤﻠﺖ ﺍﺗﻬﺎﻡ ﻗﺒﺲ ﺍﻟﻴﻪ ﻭﻫﻲ ﺑﻤﻌﺰﺓ ﻓﺎﺩﻳﻪ
ﻛﻤﺖ ﻭﻛﻔﺖ ﻭﺍﺣﺠﻲ ﻭﻳﺎﻫﻪ ﺑﻌﺼﺒﻴﻪ
ﺗﻤﺎﺩﻳﺘﻲ ﻫﻮﺍﻱ ﺟﺎﻱ ﺍﻛﻠﺞ ﻣﻮﺍﻧﻲ ﻭﺍﻟﻘﺮﺍﻥ ﻣﻮﺍﻧﻲ
ﻣﺜﻞ ﻣﺎ ﺍﺧﺎﻑ ﻉ ﻧﻔﺴﻲ ﺍﺧﺎﻑ ﻋﻠﻴﺞ ! ﺍﻧﺘﻲ ﻗﺒﻞ ﻻﺗﻜﻮﻧﻴﻦ
ﻣﺮﺕ ﺍﺧﻮﻳﻪ ﺍﻧﺘﻲ ﺑﻨﺖ ﻋﻤﻲ ﻭﺍﺧﺘﻲ ﺍﻟﻮﻛﻔﺘﻠﻲ ﺑﺎﻟﺼﻌﺒﺎﺕ
ﺷﻠﻮﻥ ﺍﻏﺪﺭ ﺑﻴﺞ ..
ﻗﺒﺲ .. ﻣﺎﺩﺭﻱ ﺷﺒﻴﻪ ﺣﺠﺎﻳﻪ ﻣﻨﻬﻪ ﻭﺣﺠﺎﻳﻪ ﻣﻨﻲ
ﻭﺍﻧﻲ ﺍﺭﻳﺪ ﺍﻓﺘﻬﻢ ﺷﻄﻠﻊ ﺍﻟﺼﻮﺭ
ﻣﺎﺍﺗﺤﻤﻠﺖ ﺍﺻﻼ ﻓﻘﺪﺕ ﻭﻫﺠﻤﺖ ﻉ ﺷﺠﻦ
ﻧﺴﻴﺖ ﻭﺿﻌﻬﻪ ﻭﺩﻓﻌﺘﻬﻪ ﺣﻴﻴﻴﻞ
ﻣﺎﺳﻴﻄﺮﺕ ﻉ ﻭﻛﻔﺘﻬﻪ ﻻﻥ ﻭﻛﻌﺖ ﺍﻟﻌﻜﺎﺯﺍﺕ ﻣﻨﻬﻪ
ﻭﺍﻟﺘﻮﺕ ﺭﺟﻠﻬﻪ ﺍﻟﺼﺎﺣﻴﻪ ﻭﻭﻛﻌﺖ ﺑﺎﻟﻜﺎﻉ ﻭﻛﺎﻣﺖ ﺗﺼﺮﺥ ..
ﻣﻦ ﺻﺮﺧﺖ ﻳﻠﻪ ﺣﺴﻴﺖ ﻉ ﻧﻔﺴﻲ ﺑﺸﺎﺭ ﺍﻧﺨﺒﺺ ﺑﻴﻬﻪ
ﻭﻫﻲ ﺗﺒﺠﻲ ﻣﻦ ﺍﻻﻟﻢ ﻭﺗﺼﻴﺢ ﻣﻮﺍﻧﻲ ﻭﺍﻟﻠﻪ ﺍﻧﻲ ﻣﺎﺍﻏﺪﺭﻫﻪ !!
ﻭﺍﻧﻲ ﻭﻛﻔﺖ ﺑﺎﻟﺰﺍﻭﻳﻪ ﺍﻛﻞ ﺑﺮﻭﺣﻲ ﺷﺴﻮﻳﺘﻠﻬﻪ
ﻣﺎﺟﻨﺖ ﺣﺎﺳﻪ ﻉ ﻧﻔﺴﻲ !!
ﺑﺴﺮﻋﻪ ﺭﻛﺾ ﻉ ﺗﻠﻴﻔﻮﻧﻪ ﺑﻌﺪ ﻣﺎﻣﺪﺩ ﺭﺟﻠﻬﻪ ﻭﺑﺲ ﺗﺒﺠﻲ
ﻳﻤﻜﻦ ﺍﻧﻜﺴﺮﺕ ﺧﺎﺑﺮ ﻉ ﻋﻤﺮ ﺻﺎﺡ ﺑﻲ ﺗﻌﺎﻝ ﺑﺴﺮﻋﻪ
ﻛﺘﻠﻚ !!
ﺍﻟﺘﻔﺖ ﻋﻠﻴﻪ ﺷﺎﻓﻨﻲ ﺷﻠﻮﻥ ﺧﺎﻟﺴﻪ ﺑﻤﻜﺎﻧﻲ
ﻋﺎﻑ ﺷﺠﻦ ﻭﺍﺟﻪ ﺑﺎﺗﺠﺎﻫﻲ ﻋﺒﺎﻟﻲ
ﺭﺍﺡ ﻳﻀﺮﺑﻨﻲ ﺑﺎﺏ ﺍﻟﻤﻄﺒﺦ ﻭﺭﺍﻱ
ﺑﺴﺮﻋﻪ ﺭﻛﻀﺖ ..
ﻟﺰﻣﻨﻲ ﻣﻦ ﺯﻧﺪﻱ ﺑﻨﺺ ﺍﻟﻤﻄﺒﺦ
ﻃﺨﻴﺖ ﺑﺼﺪﺭﻩ ﺑﺲ ﺣﺠﻪ ﻣﻦ ﺑﻴﻦ ﺍﺳﻨﺎﻧﻪ
ﺗﻌﺎﻟﻲ ﻟﻠﻐﺮﻓﻪ ﺍﺧﺬﻱ ﻋﻼﺝ ﻭﻧﺎﻣﻲ ..
ﺍﻣﺸﻲ ﻭﺭﺍ ﺣﺘﻪ ﻣﺎﺑﺎﻭﻋﺖ ﻟﺸﺠﻦ ﺑﺲ ﺍﺳﻤﻌﻬﻪ ﺗﺒﺠﻲ
ﻟﻮﺑﻴﻪ ﺧﻴﺮ ﺍﺧﺬ ﺣﻘﻲ ﻣﻦ ﺍﻟﺴﻮﻩ ﻫﻴﺞ
ﻣﻮﺍﺟﻴﺖ ﻉ ﺷﺠﻦ ﻭﺍﺩﺭﻱ ﺑﻴﻬﻪ ﻣﺎﺗﺴﻮﻳﻬﻪ
ﻃﺒﺒﻨﻲ ﻟﻠﻐﺮﻓﻪ ﻃﻠﻌﻠﻲ ﺣﺒﺎﻳﻪ ﺧﻼﻫﻪ
ﺑﻴﻦ ﺷﻔﺎﻳﻔﻲ ﺣﺘﻪ ﺑﺪﻭﻥ ﻣﻲ ﻭﺻﺎﺡ
ﺍﺑﻠﻌﻴﻬﻪ ﻭﺗﻌﺎﻟﻲ ﻧﺎﻣﻲ ..
ﺟﻨﺖ ﻣﺴﻴﺮﻩ ﻣﺜﻞ ﺍﻻﻟﻪ ﻧﻤﺖ ﺑﻔﺮﺍﺷﻲ
ﺟﺎﻧﺖ ﺣﺒﺎﻳﻪ ﻣﻨﻮﻡ ﻏﻔﻴﺖ ﻣﺎﺍﺩﺭﻱ
ﺑﻨﻔﺴﻲ !!
ﻛﻌﺪﺕ ﺑﻠﻴﻞ ﻭﻫﺬﺍ ﺍﻟﺤﺠﻲ ﺍﺣﻨﻪ ﺑﺪﻭﻥ ﻏﺪﻩ
ﻭﻻﻋﺸﻪ ﻟﻜﻴﺖ ﺷﺠﻦ ﻣﺎﻣﻮﺟﻮﺩﻩ ﻭﻫﻮ ﻛﺎﻋﺪ
ﻭﺣﺪﻩ ﺑﺎﻟﺼﺎﻟﻪ ﻭﺻﺎﻓﻦ ﺑﺎﻟﻔﺮﺍﻍ ..
ﻣﻦ ﺷﺎﻓﻨﻲ ﻛﺎﻝ ﺭﻭﺣﻲ ﺍﻛﻠﻲ ﻳﻤﺞ ﺍﻻﻛﻞ ﺑﺎﻟﻤﻄﺒﺦ
ﺳﺎﻟﺘﻪ ﻭﺍﻧﻲ ﻣﻨﺼﻴﻪ ﺭﺍﺳﻲ !!
ﺷﻠﻮﻧﻬﻪ ﺷﺠﻦ؟؟
ﺑﺸﺎﺭ .. ﺭﺟﻠﻬﻪ ﻣﻜﺴﻮﺭﻩ ﻭﺍﺑﺸﺮﺝ ﺟﺎﺑﻮﻫﻪ ﺑﻜﺮﺳﻲ
ﻫﻲ ﺭﺟﻞ ﻭﺣﺪﻩ ﻭﺻﺎﺣﻴﻪ ﻭﺍﻧﺘﻲ ﻛﺴﺮﺗﻴﻬﻪ
ﻗﺒﺲ .. ﻣﺎﺍﺩﺭﻱ ﺍﻧﻔﻌﻠﺖ !
ﺑﺸﺎﺭ .. ﺭﻭﺣﻲ ﻗﺒﺲ ﺍﻛﻠﻲ ﻭﺍﺭﺟﻌﻲ ﻟﻠﻐﺮﻓﻪ ﻭﺍﺧﺬﺗﻠﺞ ﺍﺟﺎﺯﻩ ﻻ ﺍﺩﺍﻭﻣﻴﻦ ﺑﺎﺟﺮ
ﻗﺒﺲ .. ﻭﺍﻧﺖ ﻭﻳﻦ ﺗﻨﺎﻡ؟
ﺑﺸﺎﺭ .. ﺭﻓﻊ ﺭﺍﺳﻪ ﻋﻠﻴﻪ ﻭﺭﺟﻊ ﻧﺼﻪ ﻭﺳﻜﺖ
ﺭﺣﺖ ﻟﻠﻤﻄﺒﺦ ﺍﻧﻲ ﺑﻴﺎ ﺣﺎﻝ ﻭﺍﻛﻞ
ﺑﺲ ﺷﺮﺑﺖ ﻣﻲ ﻭﻛﻌﺪﺕ ﻣﺨﻠﻴﻪ ﺍﻳﺪﻱ ﻉ ﺧﺪﻱ
ﺷﺮﺍﺡ ﻳﺼﻴﺮ ﻭﺷﻨﻮ ﻣﺼﻴﺮﻱ !!
ﻣﻨﻮ ﺳﻮﻩ ﻫﻴﺞ ﺍﺫﺍ ﻓﺮﺡ؟؟ ﻣﻨﻴﻠﻬﻪ ﻫﻠﻜﺪ ﻣﻌﻠﻮﻣﺎﺕ
ﻋﻨﻲ !!
ﻣﻌﻘﻮﻟﻪ ﺍﺳﺮﺍﺀ ﺳﺎﻋﺪﺗﻬﻪ ﻣﺤﺪ ﺍﻧﻄﻪ ﺑﻴﻬﻪ ﻛﻠﻬﻪ ﺗﻜﻮﻝ ﻓﻘﻴﺮﻩ
ﻭﻣﺎﻛﻮ ﺩﻟﻴﻞ ﻋﻠﻴﻬﻪ .
ﻇﻠﺖ ﻛﺎﻋﺪﻩ ﺷﻮﻳﻪ ﻭﻛﻤﺖ ﻟﻠﻐﺮﻓﻪ ﺍﺧﺬﺕ ﻋﻼﺟﻲ
ﻭﻳﻦ ﻣﺎﺗﻮﺻﻞ ﺧﻠﻲ ﺗﻮﺻﻞ ﻋﺴﻤﺎ ﺗﺎﻟﻴﺘﻲ
ﺍﻓﺘﺮ ﺑﺎﻟﺸﻮﺍﺭﻉ ﻣﺨﺒﻠﻪ ﻛﺎﻓﻲ ﺯﻫﻜﺖ ﺭﻭﺣﻲ ..
ﻧﻤﺖ ﺑﻔﺮﺍﺷﻲ ﻭﺑﺸﺎﺭ ﻣﺎﺍﺟﻪ
ﻣﺎﺣﺴﻴﺖ ﻏﻴﺮ ﺍﻟﺴﺎﻋﻪ ﺏ١٠ ﺍﻟﺼﺒﺢ ﻛﻤﺖ ﻣﻔﺰﻭﻋﻪ
ﺑﺎﻭﻋﺖ ﻟﻤﻜﺎﻧﻪ ﻧﻔﺴﻪ ﻣﺎﻣﺘﺨﺮﺑﻂ ﻣﻌﻨﺎﺗﻬﻪ ﻣﺎﻧﺎﻡ ﻳﻤﻲ
ﻃﻠﻌﺖ ﺍﺩﻭﺭ ﻋﻠﻲ ﺑﺎﻟﺒﻴﺖ ﻣﺎﻛﻮ ﺍﻛﻴﺪ ﺭﺍﺡ ﻟﻠﺪﻭﺍﻡ
ﺯﻳﻦ ﺍﻧﻲ ﻫﺴﻪ ﺷﺴﻮﻱ ﺍﺩﻭﺭ ﻉ ﺗﻠﻴﻔﻮﻧﻲ
ﺍﺭﻳﺪ ﺍﺧﺎﺑﺮﻩ ﻣﺎﻛﻮ ﺗﻠﻴﻔﻮﻧﻲ ﻭﻣﺒﻴﻦ ﻣﺎﺧﺬﻩ
ﻟﻬﻨﺎ ﻭﺻﻠﺖ ﻳﺎﺑﺸﺎﺭ ﺭﻏﻢ ﻣﺎﺿﺮﺑﺘﻨﻲ
ﺑﺲ ﺭﺍﺡ ﺗﺤﺎﺭﺑﻨﻲ ﻧﻔﺴﻴﺎ ﻭﻫﺬﺍ ﺍﻟﺸﻲ
ﻫﻮ ﺍﻟﻴﺪﻣﺮﻧﻲ ..
ﻟﺤﺪ ﺍﻟﺴﺎﻋﻪ ﺏ١٢ ﺍﻧﻲ ﻛﺎﻋﺪﻩ ﺑﺎﻟﻤﻄﺒﺦ
ﻣﺴﺘﺤﻴﻞ ﺍﺗﺤﻤﻞ ﻫﺎﻱ ﺍﻟﻌﻴﺸﻪ
ﻣﺎﺍﻛﺪﺭ ﺍﺗﺨﺒﻞ ﺭﺳﻤﻲ ﺍﺫﺍ ﻇﻠﻴﺖ ﺑﻴﻦ ٤ ﺣﻴﻄﺎﻥ ..
ﺳﻤﻌﺖ ﺻﻮﺕ ﺍﻻﺫﺍﻥ ﻛﻤﺖ ﺗﻮﺿﻴﺖ ﻭﻗﺮﻳﺖ
ﻗﺮﺍﻥ ﻭﺻﻠﻴﺖ ﺳﻤﻌﺖ ﺻﻮﺕ ﺍﻟﺒﺎﺏ ﻳﻨﻔﺘﺢ ..
ﻛﻤﺖ ﻭﻛﻔﺖ ﺑﺎﺏ ﺍﻟﻐﺮﻓﻪ ﺷﻔﺘﻪ ﺷﻜﺪ ﺗﻌﺒﺎﻥ
ﻋﻴﻮﻧﻪ ﺣﻤﺮ ﻣﺎﻧﺎﻳﻢ ﺣﺘﻪ ﺩﻛﻢ ﻗﻤﻴﺼﻪ ﻣﻔﺘﻮﺣﻪ
ﻭﻋﺒﺎﻟﻚ ﻣﺨﺘﻨﻚ ﻭﺍﻟﺮﺑﺎﻁ ﻣﻔﺘﻮﺡ ﻭﺳﺘﺮﺗﻪ ﺑﻴﺪﻩ
ﺷﻤﺮﻫﻪ ﻉ ﺍﻟﺘﺨﻢ
ﻣﺎﻛﺪﺭ ﻳﻈﻞ ﻭﺍﻛﻒ ﺑﺴﺮﻋﻪ ﻛﻌﺪ ﻉ ﺍﻟﻜﺮﺳﻲ
ﻣﺜﻞ ﺍﻟﺪﺍﻳﺦ ﺭﻛﻀﺖ ﻋﻠﻲ ﺑﺨﻮﻑ
ﻟﺰﻣﺖ ﺭﺟﻠﻪ ﻭﺍﺣﺠﻲ ﻭﻳﺎ ﺑﺪﻣﻮﻉ ﺑﺸﺎﺍﺍﺭ ﺷﺒﻴﻚ؟؟
ﺑﺎﻭﻋﻠﻲ ﻭﻫﻮ ﻣﻨﺼﻲ ﺭﺍﺳﻪ ﺣﺠﻪ ﺑﺼﻮﺕ ﺗﻌﺒﺎﻥ
ﻛﻠﻴﻠﻲ ﺷﻮﻛﺖ ﺍﺑﻄﻞ ﺿﻌﻒ ﻛﺪﺍﻡ ﻋﻴﻮﻧﺞ؟؟
ﻣﻦ ﺣﺠﻪ ﻫﻴﺞ ﺑﺎﻭﻋﺘﻠﻪ ﺑﻌﻴﻮﻧﻲ ﺍلهلكانه

ﻣﻦ ﺍﻟﺒﺠﻲ ﻭﻛﺘﻠﻪ ﻻﺗﺒﻄﻞ ﺍﻟﻠﻪ ﻋﻠﻴﻚ ﻻﺗﺒﻄﻞ !!
ﺧﻠﻪ ﺍﻳﺪﻩ ﻉ ﺷﻌﺮﻱ ﻭﺭﻓﻌﻪ ﻣﻦ ﻭﺟﻬﻲ
ﺣﺴﻴﺘﻪ ﺣﺎﻳﺮ ﻣﺎﻳﻌﺮﻑ ﻳﺘﺼﺮﻑ ﺷﻔﺖ ﺑﺸﺎﺭ
ﺿﻌﻴﻒ ﺣﻴﻞ ﺷﻜﺪ ﻣﺮﻳﻨﻪ ﺑﺼﻌﻮﺑﺎﺕ
ﺳﺎﻟﻔﻪ ﺍﻟﺴﺠﻦ ﻣﺎﺍﺛﺮﺕ ﺑﻲ ﻟﻬﺪﺭﺟﻪ ..
ﺑﺸﺎﺭ .. ﻛﻮﻣﻲ ﺟﻤﻌﻲ ﻣﻼﺑﺴﺞ ﺍﻟﻤﻬﻤﻪ ﻻﺗﻨﺴﻴﻦ ﺷﻲ
ﻗﺒﺲ .. ﺣﺠﻴﺖ ﺑﻔﺰﻉ ﺭﺍﺡ ﺗﺸﻤﺮﻧﻲ ﺑﺎﻟﺸﺎﺭﻉ !!
ﺑﺸﺎﺭ .. ﺧﻨﺰﺭ ﻋﻠﻴﻪ ﺷﻨﻮ ﻫﺎﻟﺤﺠﻲ ؟؟ ﺭﺍﺡ ﺍﻭﺩﻳﺞ ﻳﻢ ﺍﻫﻠﻲ
ﻣﺪﺓ ﺍﺳﺒﻮﻋﻴﻦ ﺭﺍﺡ ﺍﺳﺎﻓﺮ ﻋﻨﺪﻱ ﺷﻐﻞ
ﻗﺒﺲ .. ﻻ ﻋﻠﻴﻚ ﺍﻟﻠﻪ ﻻﺗﺴﻮﻱ ﻫﻴﺞ ﺷﻠﻮﻥ ﺗﻔﺎﺭﻛﻨﻲ
ﺑﺸﺎﺭ ﻭﺍﻟﻠﻪ ﺍﻧﻲ ﻣﺎﻣﺴﻮﻳﻪ ﺷﻲ
ﺍﻋﺮﻑ ﺑﻴﻚ ﻣﺎﻣﺼﺪﻛﻨﻲ ﺑﺲ ﻣﻴﺨﺎﻟﻒ ﻻﺗﺮﻭﺡ ﺍﻇﻞ ﺑﺎﻟﺒﻴﺖ
ﺑﺲ ﻣﺎﺍﺳﻮﻱ ﺍﻱ ﺣﺮﻛﻪ ﺑﺲ ﻻﺗﺮﻭﺡ
ﺑﺸﺎﺭ .. ﻗﺒﺲ ﺍﻫﺪﻱ ﻋﻨﺪﻱ ﺷﻐﻞ ﻭﺍﻟﻠﻪ
ﻣﻮﺑﺲ ﺍﻧﻲ ﺍﺣﻨﻪ ٤ ﻣﺪﺭﺍﺀ ﻭﺍﺟﺘﻨﻪ ﺩﻋﻮﻩ ﻓﺠﺄﻩ
ﻧﺸﺎﺭﻙ ﺑﻤﺆﺗﻤﺮ ﻻﻥ ﺍﻛﻮ ﺷﺮﻛﻪ ﺻﻴﻨﻴﻪ ﻭﻻﺯﻡ ﻧﻜﻮﻥ ﻣﻮﺟﻮﺩﻳﻦ
ﻗﺒﺲ .. ﺍﻭﻋﺪﻧﻲ ﺗﺮﺟﻊ
ﺑﺸﺎﺭ .. ﻭﻳﻦ ﺍﺭﻭﺡ ﻟﻌﺪ؟؟ ﺻﺪﻓﻪ ﺻﺎﺭﺕ ﺍﻟﺴﻔﺮﻩ ﻭﻳﻪ
ﺍﻟﻤﺸﻜﻠﻪ ﻛﻮﻣﻲ ﻳﻠﻪ .
ﻗﺒﺲ .. ﺑﺎﺟﺮ ﺗﺮﻭﺡ ﻟﻌﺪ ﻟﻴﺶ ﺗﻮﺩﻳﻨﻲ ﺍﻟﻴﻮﻡ؟؟
ﺑﺸﺎﺭ .. ﺍﺭﻳﺪ ﺍﻇﻞ ﻭﺣﺪﻱ ﺧﻠﻴﻨﻲ ﺍﺭﺗﺎﺡ ﺍﺣﺴﻦ ﺍﻟﺞ ﻭﺍﻟﻲ
ﻣﺎﺟﺎﻱ ﺍﺗﺤﻜﻢ ﺑﺎﻋﺼﺎﺑﻲ ﻭﺧﺎﻑ ﺍﺫﻳﺞ ﺧﻠﻴﻨﻲ ﻭﺣﺪﻱ !!
ﻗﺒﺲ .. ﻛﻤﺖ ﻣﻦ ﻳﻤﻪ ﺍﻣﺴﺢ ﺑﺪﻣﻮﻋﻲ ﺟﻤﻌﺖ ﻣﻼﺑﺴﻲ
ﻭﻃﻠﻌﺖ ﻛﺘﻠﻪ ﻳﻠﻪ ﻃﻠﻌﻨﻪ ﻣﻦ ﺍﻟﺒﻴﺖ ﺑﻮﺳﻂ ﻫﺪﻭﺀ ﺗﺎﻡ
ﺑﺎﻟﺴﻴﺎﺭﻩ ﻭﻛﺘﻠﻪ ﻭﻳﻦ ﺗﻠﻴﻔﻮﻧﻲ !!
ﻣﺎﺟﺎﻭﺑﻨﻲ ﺍﻧﻲ ﻫﻢ ﺳﻜﺘﺖ ﻭﺻﻠﺖ ﻟﺒﻴﺖ ﻋﻤﻲ
ﻭﻋﺪﻫﻢ ﻋﻠﻢ ﺑﺎﻟﺴﻔﺮﻩ ﻻﻥ ﻣﺨﺎﺑﺮ ﺧﺎﻟﻪ
ﺍﺳﺮﺍﺀ ﺑﺎﻟﺪﻭﺍﻡ ﻭﺷﺠﻦ ﻧﺎﻳﻤﻪ ﻭﺻﺎﺑﺮﻳﻦ ﻳﻢ ﺍﻫﻠﻬﻪ
ﻫﻮ ﻛﻌﺪ ﺷﻮﻳﻪ ﻭﺭﺍﺡ ﺣﺘﻪ ﺑﺪﻭﻥ ﻣﺎﻳﻮﺩﻋﻨﻲ !!
ﺗﻔﺎﺟﺎﺕ ﺑﺨﺎﻟﺘﻲ ﺍﺧﺬﺗﻨﻲ ﻟﻠﻐﺮﻓﻪ ﻭﺗﺴﺎﻟﻨﻲ
ﻉ ﺍﻟﺼﺎﺭ ﻻﻥ ﺷﺠﻦ ﻣﺴﻮﻟﻔﺘﻠﻬﻪ ﻛﻠﺸﻲ
ﺿﺠﺖ ﺣﻴﻞ ﻳﻌﻨﻲ ﺷﻜﺪ ﻣﺮﺕ ﻣﺸﺎﻛﻞ ﻣﺤﺪ ﻋﺮﻑ ﺑﻴﻬﻪ
ﻭﺷﺠﻦ ﻣﺎﻛﺪﺭﺕ ﺍﻟﻪ ﺗﺤﺠﻲ ﻣﻦ ﺳﺎﻟﻔﻪ ﻭﺍﺋﻞ
ﺿﻤﺘﻬﻪ ﻣﺎﻛﺪﺭﺕ ﺗﺴﻮﻟﻒ ﺑﺲ ﺍﻧﻲ ﺭﺍﺣﺖ ﺳﻮﻟﻔﺘﻬﻪ
ﻭﻃﻠﻌﺖ ﺧﺎﻟﻪ ﻭﻫﺪﻯ ﻭﻓﺎﺩﻳﻪ ﻛﻠﻬﻢ ﻳﺪﺭﻭﻥ
ﻇﻠﻴﺖ ﺳﺎﻛﺘﻪ ﻭﻫﻲ ﺗﺤﺠﻲ
ﻭﺗﺒﺮﺭ ﻟﺸﺠﻦ ﺑﻮﻗﺘﻬﻪ ﺍﺧﺘﻨﻜﺖ ﺷﻠﻮﻥ ﺍﻇﻞ ﺍﺳﺒﻮﻋﻴﻦ
ﻫﻨﺎ ﻭﺍﻟﻜﻞ ﻳﻌﺮﻑ ﺑﺎﻟﺼﺎﺭ ﻣﻦ ﻛﻼﻣﻬﻪ ﻋﺮﻓﺘﻬﻪ ﻣﺜﻞ ﺍﺑﻨﻬﻪ
ﺑﻴﻦ ﺍﻟﻤﺼﺪﻛﻪ ﻭﺑﻴﻦ ﻣﻤﺼﺪﻛﻪ ..
ﺷﺠﻦ ﻣﺎﺗﺤﺎﺟﻴﻨﻲ ﺍﻟﺒﻴﺖ ﻣﺘﻜﻬﺮﺏ ﻣﻨﻲ
ﺑﺲ ﺧﺎﻟﻪ ﺗﺠﺎﻣﻠﻨﻲ ﺍﺟﻦ ﻫﺪﻯ ﻭﻓﺎﺩﻳﻪ
ﺳﻮﺍﻟﻒ ﻋﺎﺩﻳﻪ ﺑﺲ ﺍﻧﻲ ﺍﺣﺲ ﺍﻟﻜﻞ ﻣﺎﻳﺮﻳﺪﻧﻲ ..
ﻛﻼﻡ ﺑﻴﺒﻲ ﻳﺄﺫﻱ ﻭﻛﻞ ﺷﻮﻳﻪ ﻭﻛﺎﻟﺖ ﻣﺎﺑﻴﺞ ﺧﻴﺮ
ﻣﺎﺣﻮﻳﺘﻲ ﺍﻟﺮﺟﺎﻝ ﻣﺜﻞ ﺍﻣﺞ ﻣﺎﻝ ﻣﻜﻔﺨﻪ ﻟﻤﻦ ﻛﺮﻓﺖ ﺍﺑﻨﻲ
ﻣﺎﻟﻲ ﻃﺎﻗﻪ ﺍﺟﺎﻭﺑﻬﻪ ﻭﺍﻟﻴﻘﻬﺮ ﻣﻮﻛﻼﻣﻬﻪ ﺍﻟﻴﻘﻬﺮﻧﻲ
ﺗﺤﺠﻲ ﻛﺪﺍﻡ ﺍﻟﻜﻞ ﻭﻣﺤﺪ ﺗﺮﺩﻫﻪ ﻳﺴﻤﻌﻦ ﻭﻳﺴﻜﺘﻦ ..
ﺻﺎﺩﻓﺖ ﻋﻄﻠﺔ ﻧﺼﻒ ﺍﻟﺴﻨﻪ ﺩﻭﺍﻡ ﻣﺎﻛﻮ ﺍﺳﺮﺍﺀ
ﻣﺜﻞ ﻣﺎﻛﺎﻟﺖ ﺷﺠﻦ ﻣﺤﺪ ﻳﺴﻤﻌﻠﻬﻪ
ﺻﻮﺕ ﺗﻌﺒﺖ ﻣﻦ ﺍﻟﺘﻔﻜﻴﺮ ﻭﺍﻟﻘﻠﻖ
ﺑﺸﺎﺭ ﻣﺎﺧﺎﺑﺮ ﻭﻻﺳﺎﻝ ﻋﻠﻴﻪ ﺍﺑﺪ
ﺷﻜﺪ ﺑﺠﻴﺖ ﻭﺷﻜﺪ ﺍﺳﺘﻬﻈﻤﺖ ﻭﻳﻦ ﺣﺒﻪ
ﺍﻟﻴﻜﻮﻝ ﺍﺣﺒﺞ ﻫﻮ ﻫﺬﺍ ؟؟
ﺑﻴﻮﻡ ﻣﻨﻬﻦ ﺍﺟﺖ ﻋﻤﻪ ﺑﺸﺮﻯ ﻣﺎﺗﺠﻲ ﻣﺜﻞ ﻗﺒﻞ
ﻻﻥ ﺭﺟﻠﻬﻪ ﻣﺘﻘﺎﻋﺪ ﻭﻛﺎﻋﺪ ﺑﺎﻟﺒﻴﺖ
ﻭﺻﺎﺩﻓﺖ ﻫﺪﻯ ﻭﻓﺎﺩﻳﻪ ﻛﻠﻬﻪ ﻣﻮﺟﻮﺩﻩ !!
ﺑﺸﺮﻯ .. ﺷﺒﻴﻬﻪ ﻭﺟﻬﺠﻦ ﻣﻐﺒﺮﻩ ﺷﺼﺎﻳﺮ؟؟
ﺍﻡ ﺑﺸﺎﺭ .. ﻣﺎﻛﻮ ﺷﻲ ﻣﻦ ﺣﺠﻨﻬﻪ ﺗﻮﺟﻬﺖ ﺍﻻﻧﻈﺎﺭ ﻋﻠﻴﻪ ..
ﺑﺸﺮﻯ .. ﻋﺰﻣﻮﻛﻢ ﺑﻴﺖ ﻋﺎﻣﺮ ﺑﺎﺟﺮ ﻋﺮﺱ ﻧﺮﺟﺲ !!
ﻗﺒﺲ .. ﻛﻠﻬﻦ ﻛﺎﻟﻦ ﺍﻱ ﻭﻣﺸﺘﺮﻳﺎﺕ ﻣﻼﺑﺲ
ﻭﻳﺪﺭﻥ ﺑﺲ ﺍﻧﻲ ﺻﺎﺭ ﺍﺳﺒﻮﻉ ﻳﻤﻬﻢ ﻭﻣﺤﺪ ﻳﺤﺠﻲ ﻛﺪﺍﻣﻲ
ﺍﺑﻠﻊ ﺑﺮﻳﻜﻲ ﻫﻴﺞ ﻏﺼﻪ ﺧﺎﻧﻜﺘﻨﻲ ﻣﺤﺘﺎﺟﻪ ﺑﺸﺎﺭ ﺣﻴﻞ ..
ﺷﺠﻦ .. ﺍﻧﻲ ﻣﺎﺍﺭﻭﺡ
ﺍﺳﺮﺍﺀ .. ﻟﻴﺶ ﺗﺮﻯ ﻫﻮ ﺑﺎﻟﻘﺎﻋﻪ ﺣﺘﻠﻮ ﺭﺟﻠﺞ ﺍﻛﻌﺪﻱ ﻻﺗﺘﺤﺮﻛﻴﻦ
ﺷﺠﻦ .. ﻣﺎﺍﺭﻳﺪ
ﻓﺎﺩﻳﻪ .. ﻗﺒﺲ ﺗﺮﻭﺣﻴﻦ؟
ﻗﺒﺲ .. ﻻﺍﺍ ﻣﺎﻟﻲ ﺧﻠﻚ
ﻓﺎﺩﻳﻪ .. ﻟﻌﺪ ﻣﻨﻮ ﻳﺮﻭﺡ ﺑﺲ ﺍﻧﻲ ﺷﻜﺪ ﻋﻴﺐ ﺑﻜﻞ ﻣﻨﺎﺳﺒﻪ
ﺍﻟﺒﻨﻴﻪ ﻳﻤﻨﻪ
ﺑﺸﺮﻯ .. ﺍﺣﻨﻪ ﻛﻠﻨﻪ ﺍﻧﺮﻭﺡ ﻧﺘﻮﻧﺲ ﻧﻐﻴﺮ ﺟﻮ
ﺍﺳﺮﺍﺀ .. ﺍﺫﺍ ﻫﻴﺞ ﺍﻧﻲ ﻭﻳﺎﺝ ﻋﻤﻪ ﺑﺸﺮﻯ
ﺑﺸﺮﻯ .. ﻗﺒﻮﺳﻪ ﺷﺒﻴﺞ ﻋﻤﻪ؟؟ ﻫﻴﺞ ﻣﺸﺘﺎﻗﻪ ﻟﺒﺸﺎﺭ
ﻭﺍﻟﺪﻣﻌﻪ ﺑﻌﻴﻨﺞ
ﻗﺒﺲ .. ﻣﺎﻣﺘﻌﻮﺩﻩ ﺍﻓﺎﺭﻛﻪ؟
ﺑﺸﺮﻯ .. ﻫﺴﻪ ﻳﺠﻲ ﻭﻳﻌﻮﺿﺞ ﺍﻓﺮﺍﻛﻪ ﺑﺲ ﺧﻠﻲ
ﻳﺮﺟﻊ ﺑﺴﻼﻣﻪ
ﻗﺒﺲ .. ﺍﺷﺮﺕ ﻟﻌﻤﻪ ﺑﺸﺮﻯ ﺍﺭﻳﺪﻫﻪ ﺗﻜﻮﻡ
ﺍﺣﺠﻴﻠﻬﻪ ﺍﻓﺘﻬﻤﺘﻨﻲ ﺻﺎﺣﺖ ﺗﻌﺎﻟﻲ ﻗﺒﺲ ﻧﻄﻠﻊ ﺑﺮﺍ ﺷﻮﻳﻪ .
ﻛﻌﺪﻧﻪ ﺑﺮﺍ ﺍﺣﺠﻲ ﻭﺍﺑﺠﻲ ﻭﺍﻣﺴﺢ ﺑﺪﻣﻮﻋﻲ ﻟﺤﺪ
ﻳﺸﻮﻓﻨﻲ ﻭﻋﻤﻪ ﺗﺪﺭﻱ ﻻﻥ ﺍﻟﺒﻨﺎﺕ ﻣﺴﻮﻟﻔﺎﺕ ﺍﻟﻬﻪ
ﺷﻜﺪ ﺣﻔﻈﺖ ﺍﺳﺮﺍﺭﻫﻦ ﻣﺎﻳﻮﻡ ﻃﻠﻌﺖ ﻛﻠﻤﻪ ﻋﻠﻴﻬﻦ
ﻭﻫﻦ ﻣﺎﻭﺣﺪﻩ ﺑﻴﻬﻦ ﻛﺎﻟﺖ ﻣﻈﻠﻮﻣﻪ ﺑﺎﻟﻌﻜﺲ
ﺍﺣﺴﻬﻦ ﻳﺘﺠﻨﺒﻨﻲ ﺑﻜﻠﺸﻲ !!
ﺑﺸﺮﻯ .. ﻣﺎﺍﻋﺮﻑ ﺷﻜﻮﻝ ﻳﺎﺑﻨﺘﻲ ﺑﺲ ﺑﺸﺎﺭ ﺿﺎﻳﻊ
ﻣﺘﺸﻮﻓﻲ ﺳﺎﻓﺮ ﻳﻠﻬﻲ ﻧﻔﺴﻪ ﺑﺎﻟﺸﻐﻞ
ﻳﻮﻣﻴﻪ ﻳﺨﺎﺑﺮﻧﻲ ﻳﺴﺎﻝ ﻋﻠﻴﺞ ﻣﺎﻳﻌﺮﻑ ﺷﻴﺴﻮﻱ
ﻭﺷﻠﻮﻥ ﻳﺘﺼﺮﻑ ﻗﺒﺲ ﺍﺫﺍ ﻣﺎﺍﻧﻜﺸﻒ ﺍﻟﻤﻀﻤﻮﻡ
ﺗﺨﺴﺮﻳﻦ ﺑﺸﺎﺭ ..
ﻗﺒﺲ .. ﺍﺻﻼ ﺧﺴﺮﺗﻪ
ﺑﺸﺮﻯ .. ﻛﻮﻟﻲ ﻳﺎﻟﻠﻪ ﺍﻟﻠﻪ ﻳﻨﺘﻘﻢ ﻣﻨﻬﻦ ﺑﺲ ﻣﺎﻛﻮ ﺩﻟﻴﻞ ﻉ ﺍﻱ ﻭﺣﺪﻩ
ﺣﺘﻪ ﺍﻟﺪﺍﺯ ﺍﻟﺒﺼﻤﻪ ﺣﺴﺎﺏ ﻉ ﺍﻟﻔﻴﺲ ﺩﺍﺯﻫﻪ ﻭﻻﻏﻲ ﺍﻟﺤﺴﺎﺏ
ﺍﻟﺨﻂ ﻣﺎﻣﺴﺠﻞ ﺑﺄﺳﻢ ﻭﻧﻔﺴﻪ ﺍﻟﺴﻮﻳﺘﻲ ﺑﻲ ﻓﺎﻳﺒﺮ
ﺷﻲ ﻣﺎﻳﺸﺒﻪ ﺷﻲ ﻻﺗﻠﻮﻣﻴﻦ ﺑﺸﺎﺭ ﻫﻮ ﺭﺟﺎﻝ
ﻭﺍﻛﻮ ﻣﻨﻬﻢ ﻣﻦ ﻛﻠﻤﻪ ﻳﻜﺘﻠﻮﻥ ﻭﻳﻄﻠﻜﻮﻥ
ﻟﺤﺪﺍﻻﻥ ﻫﻮ ﻳﺪﻭﺭ ﻉ ﺩﻟﻴﻞ ...
ﻗﺒﺲ .. ﻣﻮﺫﻧﺒﻲ ﺑﺲ ﻫﻮ ﺭﺟﺎﻝ ﻭﻫﻠﻜﺪ ﻳﺤﺒﻨﻪ
ﻛﺮﻫﻨﻲ ﺑﺤﻴﺎﺗﻲ ﻣﺎﻛﻮ ﺷﺒﺎﺏ ﺑﺲ ﺑﺸﺎﺭ
ﺑﺸﺮﻯ .. ﻭﻟﺞ ﻫﻲ ﻣﻨﻮ ﺍﻟﺘﺤﺒﻪ ﺑﺲ ﻓﺮﺡ ﻭﻧﻜﻮﻝ ﻫﺎﻱ ﻋﻤﺎﻳﻠﻬﻪ
ﺗﺮﻯ ﻣﻴﺎﻣﻴﻦ ﺗﻜﺮﻫﻪ ﻭﺍﺫﺍ ﺍﻟﻬﻪ ﺍﻳﺪ ﺑﺎﻟﺴﺎﻟﻔﻪ ﻓﻬﻮ ﺍﻧﺘﻘﺎﻡ
ﻣﻨﻪ ﻣﻮ ﺣﺐ
ﻭﺧﺎﻑ ﺗﺸﻜﻴﻦ ﺑﺎﺳﺮﺍﺀ ﺗﺮﻯ ﺍﻧﻲ ﺑﻴﻮﻣﻬﻪ ﺧﺎﺑﺮﻧﻲ
ﺑﺸﺎﺭ ﻭﺍﺟﻴﺖ ﺳﺤﺒﺖ ﺗﻠﻴﻔﻮﻧﻬﻪ ﺑﺪﻭﻥ ﻣﺎﺗﺪﺭﻱ ﺟﺎﻧﺖ ﺑﺎﻟﺤﻤﺎﻡ
ﻟﺞ ﻗﺒﺲ ﺟﺎﻱ ﻧﺸﻴﻞ ﺫﻧﺒﻬﻪ
ﺍﻟﺒﻨﻴﻪ ﻣﺎﻋﺪﻫﻪ ﺭﺳﺎﺋﻞ ﻏﻴﺮ ﺷﻨﻮ ﺍﻟﺘﺤﻀﻴﺮ
ﻭﺍﻟﻴﻮﻡ ﻣﺎﺍﺩﺍﻭﻡ ﻭﺍﻟﻴﻮﻡ ﺷﻨﻮ ﺍﻻﻣﺘﺤﺎﻥ ﺣﺘﻪ ﺩﻭﺭﺕ ﺍﻻﺳﻤﺎﺀ
ﺧﺎﻑ ﻋﺪﻫﻪ ﺗﻮﺍﺻﻞ ﻭﻳﻪ ﻓﺮﺡ ﻣﺎﻛﻮ
ﻭﺣﺘﻪ ﻓﻴﺲ ﻣﺎﻋﺪﻫﻪ ﺑﺲ ﺗﻘﺮﻩ ﻭﻃﺎﻟﻌﻪ ﻣﻦ ﺍﻻﻭﺍﺋﻞ
ﻗﺒﺲ .. ﻫﻮ ﺍﻟﻜﻞ ﻳﺪﺍﻓﻌﻠﻬﻪ ﺗﺪﺭﻳﻦ ﺧﺎﻟﻪ ﺩﻛﻮﻝ ﻻﻣﺎﻧﺴﻤﺤﻠﺞ
ﺍﺗﻬﻤﻴﻦ ﺑﻨﻴﻪ ﻳﺘﻴﻤﻪ ﻣﺎﺳﻤﻌﻨﻪ ﺻﻮﺗﻬﻪ
ﻭﺍﻟﻜﻞ ﺻﺎﺭ ﺿﺪﻱ ..
ﻗﺒﺲ .. ﺧﻠﺼﻦ ﺍﻻﺳﺒﻮﻋﻴﻦ ﻭﺍﺟﻪ ﺑﺸﺎﺭ
ﺑﻴﻮﻣﻬﻪ ﻋﺎﻣﻠﻨﻲ ﻃﺒﻴﻌﻲ ﻛﺪﺍﻡ ﺍﻫﻠﻪ ﺣﺘﻪ ﺷﻔﺘﻬﻦ
ﻭﺍﺣﺪ ﻳﺒﺎﻭﻉ ﺑﻮﺟﻪ ﺍﻟﺜﺎﻧﻲ ﻣﺴﺘﻐﺮﺑﺎﺕ
ﺟﻤﻌﺖ ﻣﻼﺑﺴﻲ ﻭﺭﺟﻌﻨﻪ ﻟﻠﺒﻴﺖ ﺑﺲ ﻃﺒﻴﺖ
ﻟﻠﺒﻴﺖ ﺍﻧﻔﺠﺮﺕ ﺑﺎﻟﺒﺠﻲ ﺍﺭﻳﺪ ﺍﺳﻜﺖ ﻣﺎﺍﻛﺪﺭ
ﺣﺘﻪ ﻛﻤﺖ ﺍﺷﻬﻚ
ﻟﺰﻡ ﺍﺩﻳﻪ ﺳﺤﺒﻬﻦ ﻣﻦ ﻭﺟﻬﻲ ﻭﻳﺴﺎﻝ ﺷﺒﻴﺞ ﻣﻨﻮ ﻭﻳﺎﺝ؟؟
ﻣﺎﻛﺪﺭﺕ ﺍﺟﺎﻭﺑﻪ ﻻﻥ ﺟﻨﺖ ﺷﺎﻳﻠﻪ ﺭﺍﺳﻲ ﺑﻲ
ﻭﺑﺲ ﺭﺍﺡ ﺻﺮﺕ ﻋﻠﺞ ﺑﺤﻠﻮﻛهن

ﻋﺎﻣﻠﻨﻲ ﻣﻌﺎﻣﻠﻪ ﺍﺳﻮﺀ ﻣﻦ ﺍﻟﺴﻮﺀ
ﺍﺳﺮﺍﺀ ﺑﻨﺼﻬﻦ ﻭﻛﺎﻋﺪﺍﺕ ﻳﺴﻮﻟﻔﻦ ﻣﻦ ﺍﺟﻲ ﻳﺴﻜﺘﻦ
ﻣﻦ ﺍﻛﻮﻡ ﻳﺤﺠﻦ ﻳﻌﻨﻲ ﺍﻧﻲ ﺍﻟﻐﺮﻳﺒﻪ ﺍﻟﺼﺮﺕ ﻭﺍﺳﺮﺍﺀ
ﺑﻨﺖ ﻋﻤﻬﻦ
ﻟﻮﻣﺎﺧﺎﻟﻪ ﺗﺬﻛﺮﻧﻲ ﻉ ﺍﻻﻛﻞ ﻭﺗﺼﻴﺤﻨﻲ ﻣﺤﺪ ﻛﻠﻔﺖ ﻧﻔﺴﻬﻪ
ﻭﺗﺴﺎﻟﻨﻲ ﺍﻛﻠﺘﻲ ﻋﺠﻴﺐ ﺍﻣﺮﻫﻦ ﺷﻠﻮﻥ ﺗﻐﻴﺮﻥ
ﻭﺧﻠﻦ ﺍﺳﺮﺍﺀ ﺍﺧﺘﻬﻦ ﻭﺍﻧﻲ ﻃﻠﻌﻨﻲ ﺧﺎﺭﺝ ﻗﻮﺱ ..
ﺣﺘﻪ ﺭﺩﺕ ﺍﺧﺎﺑﺮ ﻣﻦ ﻋﺪﻫﻦ ﻟﺒﺸﺎﺭ ﻛﺘﻠﻬﻦ ﻧﺎﺳﻴﻪ
ﺗﻠﻴﻔﻮﻧﻲ ﻣﺤﺪ ﺍﻧﻄﺘﻨﻲ ﻛﻞ ﻭﺣﺪﻩ ﺩﺑﺮﺕ ﻋﺬﺭ
ﻣﻌﻘﻮﻟﻪ ﺻﺪﻛﻮﺍ ﺍﻧﻲ ﺍﺳﻮﻱ ﻫﻴﺞ؟؟
ﺑﻌﺪ ﻣﺎﺑﺪﻝ ﻭﺳﺒﺢ ﺟﻨﺖ ﻛﺎﻋﺪﻩ ﺑﺎﻟﺼﺎﻟﻪ ﻃﻠﻊ ﺍﻟﺨﺎﻭﻟﻲ
ﻉ ﻛﺘﻔﻪ ﻭﻛﻌﺪ ﻛﺪﺍﻣﻲ ﺟﺎﻥ ﻳﻜﻮﻝ ﻣﺴﺘﻌﺪﻩ ﺗﺴﻤﻌﻴﻨﻲ !!
ﻫﺰﻳﺖ ﺭﺍﺳﻲ ﺑﻘﺒﻮﻝ !!
ﺑﺸﺎﺭ .. ﻫﺬﺍ ﺑﻴﺘﺞ ﻭﻫﺬﺍ ﻣﻜﺎﻧﺞ !!
ﻣﺎﺭﺍﺡ ﺍﺳﺎﻝ ﺷﺼﺎﺭ ﺑﻐﻴﺎﺑﻲ ﺑﺲ ﺍﻟﻈﺎﻫﺮ ﻣﺘﺄﺫﻳﻪ
ﻳﻢ ﺍﻫﻠﻲ ..
ﻳﺤﺠﻲ ﻭﺍﻧﻲ ﺍﻣﺴﺢ ﺑﺪﻣﻮﻋﻲ ﻛﻤﻞ ﻛﻼﻣﻪ ﻭﻛﺎﻝ
ﻣﺎﺍﻛﺪﺭ ﺍﻛﻮﻥ ﻃﺒﻴﻌﻲ ﻭﻳﺎﺝ ﺍﺑﺪ
ﻭﻻﺍﻛﺪﺭ ﺍﻣﺜﻞ ﻋﻠﻴﺞ ﻭﺍﺗﺼﻨﻊ ﺍﻧﻲ ﻃﺒﻴﻌﻲ
ﺍﻟﻲ ﺍﺭﻳﺪ ﺍﻛﻮﻟﻪ ﺍﻟﺞ ﻛﻞ ﻭﺍﺣﺪ ﻣﻦ ﻋﺪﻧﻪ ﺍﻻ ﻛﻴﺎﻧﻪ ﻭﺣﻴﺎﺗﻪ
ﺍﻟﺨﺎﺻﻪ !!
ﺍﻧﻲ ﻭﻳﺎﺝ ﺑﻨﻔﺲ ﺍﻟﺒﻴﺖ ﺑﺲ ﻣﺎﺍﻭﻋﺪﺝ ﺍﻛﻮﻥ ﺍﻟﺞ
ﺑﺸﺎﺭ ﺍﻟﻘﺪﻳﻢ ﻣﻨﺎ ﻟﻤﻦ ﺗﻈﻬﺮ ﺑﺮﺍﺋﺘﺞ ﻭﻫﺬﻳﺞ ﺍﻟﺴﺎﻋﻪ
ﺍﻧﻲ ﺍﺗﺤﻤﻞ ﺍﻟﻌﻮﺍﻗﺐ ..
ﻗﺒﺲ .. ﻇﻠﻴﺖ ﺻﺎﻓﻨﻪ ﻋﻠﻲ ﻣﺎﻛﺪﺭﺕ ﺍﺣﺠﻲ
ﻣﺎﻋﻨﺪﻱ ﺟﻮﺍﺏ ﺑﺲ ﻛﺘﻠﻪ ﺑﺮﺍﺣﺘﻚ ﻭﻛﻤﺖ ..
ﻣﻦ ﻫﺬﺍ ﺍﻟﻴﻮﻡ ﻛﺪﺍﻡ ﺍﻟﻨﺎﺱ ﺍﺣﻨﻪ ﺍﺳﻌﺪ ﺍﺛﻨﻴﻦ
ﻭﺑﺎﻟﺒﻴﺖ ﻭﺍﺣﺪ ﻣﺎﻳﻌﺮﻑ ﺍﻟﺜﺎﻧﻲ
ﻭﺻﻠﻨﻪ ﻟﻤﺮﺣﻠﻪ ﺣﺘﻪ ﺍﻛﻞ ﻣﺎﻧﺎﻛﻞ ﺳﻮﻩ
ﻣﺎﻳﻨﺎﻡ ﻳﻤﻲ ﺍﻧﻲ ﺍﻧﺎﻡ ﺑﺎﻟﻐﺮﻓﻪ ﻭﻫﻮ ﻳﻨﺎﻡ ﺑﺎﻟﺼﺎﻟﻪ
ﻛﺎﻡ ﻳﻜﺮﻩ ﻭﺟﻮﺩﻱ ﻳﺎﻣﻜﺎﻥ ﺍﻛﻌﺪ ﺑﻲ ﻳﻌﻮﻓﻪ
ﻭﻳﻜﻌﺪ ﺑﻐﻴﺮ ﻣﻜﺎﻥ ..
ﻛﺎﻡ ﻣﻦ ﻳﺮﻭﺡ ﻳﻘﻔﻞ ﺍﻻﺑﻮﺍﺏ ﻋﻠﻴﻪ
ﻭﻣﺎﻳﺮﺟﻊ ﻏﻴﺮ ﻟﻠﻴﻞ ﻭﺍﻧﻲ ﻭﺣﺪﻱ
ﺍﺧﺬ ﺑﺎﻟﻌﻼﺝ ﻛﻞ ﺍﺛﻨﻴﻦ ﺳﻮﻩ ﺣﺘﻪ ﺍﻧﺎﻡ ﻭﻣﺎﺍﺣﺲ ﺑﺸﻲ !!
ﺻﺮﺕ ﻣﺪﻣﻨﻪ ﻋﻼﺝ ﺻﺮﺕ ﻣﺮﻳﻀﻪ ﻧﻔﺴﻴﻪ
ﻣﻦ ﺍﻟﺪﺭﺟﻪ ﺍﻻﻭﻟﻰ ﺍﺗﻌﺠﺐ ﻉ ﺍﻟﻘﺴﺎﻭﻩ
ﺍﻟﺸﺎﻳﻠﻬﻪ ﻭﺷﻠﻮﻥ ﺑﺪﻩ ﻳﺸﻄﺒﻨﻲ ﻣﻦ ﺣﻴﺎﺗﻪ
ﺭﺩﺓ ﻓﻌﻠﻪ ﺍﺫﺗﻨﻲ ﻟﻮ ﺿﺎﺭﺑﻨﻲ ﻟﻮ ﻏﺎﻟﻂ ﻋﻠﻴﻪ
ﻭﻻ ﻣﺤﺎﺭﺑﻨﻲ ﻫﺎﻱ ﺍﻟﺤﺮﺏ ﺍﻟﻨﻔﺴﻴﻪ
ﺍﻟﻠﻬﻔﻪ ﻭﺍﻻﻫﺘﻤﺎﻡ ﺍﻟﺘﻌﻮﺩﺕ ﻋﻠﻲ ﺍﺧﺘﻔﻪ ..
ﺧﻼﻝ ﻋﺸﺮ ﺍﻳﺎﻡ ﺍﻧﺘﻬﻴﺖ ﺑﻌﺪ ﻣﺎﺍﻛﺪﺭ
ﻣﺎﺍﻋﺮﻑ ﺷﻨﻮ ﺍﺳﻮﻱ ﺣﺘﻪ ﻳﺨﻠﺺ ﻳﻮﻣﻲ
ﺍﻟﻤﺸﻜﻠﻪ ﻋﻼﺟﻲ ﺍﻟﻨﻔﺴﻲ ﺧﻠﺺ ﻭﻣﺎﺍﻃﻠﻊ ﺣﺘﻪ ﺍﺟﻴﺐ ﻣﻨﻪ
ﺗﻠﻴﻔﻮﻥ ﻣﺎﻋﻨﺪﻱ ﻣﺤﺪ ﺳﺄﻝ ﻋﻨﻲ ﺍﺑﺪ ...
ﻫﺎﻱ ﺭﺍﺡ ﻳﺼﻴﺮ ﺷﻬﺮ ﻉ ﺭﺟﻌﺔ ﺑﺸﺎﺭ
ﻭﻣﺤﺪ ﺷﺎﻝ ﺗﻠﻴﻔﻮﻥ ﻭﻛﺎﻝ ﻋﺪﻟﻪ ﻣﻴﺘﻪ
ﻟﻴﺶ ﻫﻴﺞ ﺍﻟﺒﺸﺮ ؟ ﻭﻳﻦ ﺷﺠﻦ؟ ﻭﻳﻦ ﻓﺎﺩﻳﻪ ؟
ﻫﺪﻯ ﺍﻟﺤﻘﺎﻧﻴﻪ ﻭﻳﻨﻬﻪ؟؟
ﺑﺲ ﻋﻤﻪ ﺑﺸﺮﻯ ﻭﺧﺎﻟﻪ ﺻﺪﻓﻪ ﺗﺨﺎﺑﺮ ﻉ ﺑﺸﺎﺭ
ﺗﺴﺎﻝ ﺷﻠﻮﻧﻜﻢ ﻭﻣﺤﺪ ﻃﻠﺐ ﻳﺤﺎﺟﻴﻨﻲ
ﻛﻤﺖ ﺍﻛﺮﻩ ﺍﻫﻠﻲ ﺍﺩﻋﻲ ﻋﻠﻴﻬﻢ ﻻﻥ ﻋﺎﻓﻮﻧﻲ
ﻟﻠﻤﺬﻟﻪ ﻭﺭﺍﺣﻮﺍ
ﺍﻛﺮﻩ ﺍﻟﻜﻞ ﺣﺘﻪ ﻧﻔﺴﻲ ﻛﺮﻫﺘﻬﻪ ...
ﺑﻴﻮﻣﻬﻪ ﻣﻦ ﺭﺟﻊ ﺗﻠﻜﻴﺘﻪ ﻋﻴﻮﻧﻲ ﺣﻤﺮ ﺍﺭﻳﺪ ﻋﻼﺟﻲ
ﺍﺗﻮﺳﻞ ﺑﻲ ﺍﻟﻠﻪ ﻋﻠﻴﻚ ﺍﺭﺣﻤﻨﻲ ﺟﻴﺐ ﻋﻼﺟﻲ
ﺑﺸﺎﺍﺍﺭ ﺍﺑﻮﺱ ﺍﺩﻳﻚ ﻛﻠﺒﻲ ﺿﻌﻴﻒ ﻣﺎﺍﺗﺤﻤﻞ ﺍﺭﻳﺪ ﻋﻼﺟﻲ ..
ﺭﺩ ﻋﻠﻴﻪ ﺑﺒﺮﻭﺩ ﻣﺎﻛﻮ ﻋﻼﺝ ﻗﺎﻭﻣﻲ ﻧﻔﺴﺞ
ﻭﺑﻄﻠﻲ ﺗﻤﺮﺿﻴﻦ ﻧﻔﺴﺞ ﺍﻱ ﻋﻼﺝ ﻣﺎ ﺍﺟﻴﺐ
ﻭﻋﺎﻓﻨﻲ ﻭﺭﺍﺡ ﻟﻠﺤﻤﺎﻡ
ﺑﻴﻮﻣﻬﻪ ﻣﺎﻛﺪﺭﺕ ﻛﻌﺪﺕ ﺑﺒﺎﺏ ﺍﻟﻤﻄﺒﺦ ﺍﻟﻲ ﻉ ﺍﻟﺼﺎﻟﻪ
ﺍﺣﻚ ﺑﺠﺴﻤﻲ ﺍﻛﺮﺹ ﺑﻨﻔﺴﻲ
ﺍﺭﻳﺪ ﻋﻼﺟﻲ ﺟﺴﻤﻲ ﻳﻨﺘﻔﺾ ﺍﻋﺼﺎﺑﻲ
ﺗﺮﻋﺶ ﻋﻴﻮﻧﻲ ﺍﺣﺴﻬﻪ ﺗﻨﺰﻑ ﻣﻦ ﺍﻟﺪﺍﺧﻞ ..
ﺷﻌﺮﻱ ﺻﺎﺭ ﻋﺒﺎﺭﻩ ﻋﻦ ﺷﻌﺮﺍﻳﺘﻴﻦ
ﻣﻦ ﻛﺪﻣﺎ ﺍﺷﻠﻊ ﺑﻲ ﻣﺎﺗﺖ ﺍﻟﺮﺣﻤﻪ
ﺑﮕﻠﻮﺑﻬﻢ ﺍﺭﻳﺪ ﻭﺍﺣﺪ ﻋﻨﺪﻩ ﻣﺨﺎﻓﺔ ﺍﻟﻠﻪ ﻳﺴﺎﻋﺪﻧﻲ ..
ﺍﻧﻲ ﻟﻮﻋﻨﺪﻱ ﺍﻫﻞ ﺍﻡ ﻟﻮ ﺍﺏ ﻣﺎﺟﺎﻥ ﻫﺬﺍ ﺣﺎﻟﻲ
ﻟﻮ ﻋﻨﺪﻱ ﺍﺧﺖ ﺗﻮﻛﻒ ﺑﺠﺎﻧﺒﻲ
ﻣﺎﻭﺻﻠﺖ ﻟﻬﺎﻱ ﺍﻟﻤﻮﺍﺻﻴﻞ ..
ﻃﻠﻊ ﻣﻦ ﺍﻟﺤﻤﺎﻡ ﺷﺎﻓﻨﻲ ﺷﻠﻮﻥ ﻛﺎﻋﺪﻩ ﺍﻛﺮﺹ ﺑﻨﻔﺴﻲ
ﻭﻫﺎﻱ ﻻﻭﻝ ﻣﺮﻩ ﻣﻦ ﺻﺎﺭﺕ ﺍﻟﺴﺎﻟﻔﻪ ﺭﻛﺾ ﻋﻠﻴﻪ
ﻟﻤﻨﻲ ﺑﺤﻀﻨﻪ ﺣﻴﻞ !!
ﺟﻨﺖ ﻣﺤﺘﺎﺟﺘﻪ ﺣﻴﻴﻴﻞ ﺷﻤﺮﺕ ﻧﻔﺴﻲ ﺑﺤﻀﻨﻪ
ﻭﺍﻧﻲ ﺍﺭﺗﻌﺶ ﺍﻛﻮ ﻓﺮﺣﻪ ﺑﺪﺍﺧﻠﻲ ﺑﺲ
ﺍﺩﻣﺎﻧﻲ ﻉ ﺍﻟﻌﻼﺝ ﻫﻠﻚ ﺍﻋﺼﺎﺑﻲ ..
ﻛﻮﻣﻨﻲ ﻣﻦ ﺍﻟﻜﺎﻉ ﻣﺎﻛﺪﺭﺕ ﺍﻛﻮﻡ ﺷﺎﻟﻨﻲ ﻭﻛﻌﺪﻧﻲ ﻉ ﺍﻟﺘﺨﻢ ﻭﺑﻌﺪ
ﺷﻌﺮﻱ ﻣﻦ ﻭﺟﻬﻲ ﻭﺗﻠﻤﺲ ﻛﺼﺘﻲ
ﻳﺸﻮﻑ ﺣﺮﺍﺭﺗﻲ !!
ﻟﺰﻣﺖ ﺍﻳﺪﻩ ﺑﺨﻮﻑ ﺑﺎﻭﻋﺘﻠﻪ ﺑﻨﻈﺮﻩ ﺍﻧﻜﺴﺎﺭ
ﺩﻧﻚ ﻉ ﻭﺟﻬﻲ ﻣﺴﺢ ﺩﻣﻮﻋﻲ ﻭﺑﺎﺳﻨﻲ ﻣﻦ ﻋﻴﻮﻧﻲ
ﺍﺛﻨﻴﻨﻬﻢ ﺣﺴﻴﺖ ﻧﻔﺴﻲ ﺑﺪﻳﺖ ﺍﻫﺪﺀ ..
ﺣﺠﻪ ﻭﻳﺎﻳﻪ ﺑﻬﺪﻭﺀ ﺗﺮﺟﻌﻴﻦ ﺍﺩﺍﻭﻡ ﺑﺎﻟﻤﺪﺭﺳﻪ
ﺑﺲ ﺷﺮﻁ ﺗﻌﻮﻓﻴﻦ ﺍﻟﻌﻼﺝ؟؟
ﻗﺒﺲ .. ﺭﻏﺐ ﻣﺴﺘﻐﺮﺑﻪ ﻗﺒﻞ ﺷﻮﻳﻪ ﻋﺎﻣﻠﻨﻲ ﺑﺠﻔﺎﺀ
ﻭﻫﺴﻪ ﺍﺧﺬﻧﻲ ﺑﺤﻀﻨﻪ ..
ﺟﺎﻭﺑﺘﻪ ﻣﺎﺍﻛﺪﺭ ﺍﺭﻳﺪ ﺍﻟﻌﻼﺝ ﻣﺎﺍﻛﺪﺭ ﺑﺸﺎﺭ !!
ﻛﻠﺒﻲ ﺍﺣﺴﻪ ﺿﻌﻒ ..
ﺑﺸﺎﺭ .. ﻻﺗﻜﺪﺭﻳﻦ .. ﺍﻃﻠﻌﺞ ﻳﻮﻣﻴﻪ ﺍﻟﺼﺒﺢ ﺑﺎﻟﻤﺪﺭﺳﻪ ﻭﺍﻟﻌﺼﺮ
ﺍﻃﻠﻌﺞ ﺍﻓﺘﺮ ﺑﻴﺞ ﺑﺲ ﺍﺗﺮﻛﻲ ﺍﻟﻌﻼﺝ
ﻭﺍﻣﺎﻧﻪ ﺑﺮﻛﺒﺘﺞ ﺍﺫﺍ ﺍﺧﺬﺗﻲ ﻣﻦ ﺩﻭﻥ ﻋﻠﻤﻲ ..
ﺗﺮﻳﺪﻳﻦ ﺍﻭﺩﻳﺞ ﻟﻄﺒﻴﺐ ﻧﻔﺴﻲ ﺑﺲ ﻛﻮﻟﻲ
ﺣﺘﻪ ﺗﻌﻮﻓﻴﻦ ﻫﺬﺍ ﺍﻟﺴﻢ ﺍﻟﺪﻣﺮﺗﻲ ﻧﻔﺴﺞ ﺑﻲ؟؟
ﻗﺒﺲ .. ﻻﺍﺍﺍ ﺍﺭﺟﻊ ﻟﻠﻤﺪﺭﺳﻪ ﺍﺫﺍ ﻇﻠﻴﺖ ﻉ ﺣﺎﻟﺘﻲ ﺍﺧﺬﻧﻲ
ﻟﻠﻄﺒﻴﺐ ﺍﻛﺮﻩ ﺍﻟﻄﺒﻴﺐ !!
ﺗﺮﻙ ﺍﻳﺪﻱ ﺑﺴﺮﻋﻪ ﻭﻋﺒﺎﻟﻚ ﺍﻧﺘﺒﻪ ﻉ ﻧﻔﺴﻪ
ﺭﺟﻊ ﻧﻔﺴﻪ ﻉ ﺍﻟﺘﺨﻢ ﻭﻛﻠﺴﺎﻉ ﻳﻠﺘﻔﺖ ﻳﺒﺎﻭﻋﻠﻲ
ﺍﻳﺪﻱ ﺑﻌﺪﻫﻪ ﺗﺮﻋﺶ ﻣﺎﻣﺴﻴﻄﺮﻩ ﻋﻠﻴﻬﻪ ..
ﻣﺎﻋﺮﻓﺖ ﻏﺎﻳﺘﻪ ﺷﻨﻮ؟؟ ﺑﺲ ﻛﻞ ﺍﻟﻲ ﺍﻋﺮﻓﻪ
ﻫﺬﺍ ﺑﺸﺎﺭ ﺍﻟﻴﺤﺒﻨﻲ ﻭﻳﺨﺎﻑ ﻋﻠﻴﻪ
ﺑﺲ ﻣﺎﺗﻮﻗﻌﺖ ﺍﻟﻴﺴﻮﻱ ﻫﻮ ﺍﺧﺘﺒﺎﺭ ﺍﻟﻲ ...
ﻇﻠﻴﺖ ﻛﺎﻋﺪﻩ ﺑﺼﻔﻪ ﻭﺍﻧﻲ ﺍﺣﺲ ﺑﺎﻻﻣﺎﻥ
ﺍﻛﻮ ﺧﻴﻂ ﻓﺮﺡ ﺑﺪﺍﺧﻠﻲ ﺑﻠﻜﻲ ﻛﺪﺭ ﻳﻌﺮﻑ
ﻣﻨﻮ ﺳﻮﻩ ﻫﻴﺞ ﺑﻠﻜﻲ ﻋﺮﻑ ﺍﻧﻲ ﺑﺮﻳﺌﻪ ..
ﺟﺎﻧﺖ ﺍﻟﺴﺎﻋﻪ ﺏ٩ ﺍﻟﺘﻔﺖ ﻋﻠﻴﻪ
ﻇﻞ ﻣﺮﻛﺰ ﺑﻌﻴﻮﻧﻲ ﺣﺮﻙ ﺍﺻﺒﻌﻪ ﻉ ﺣﻮﺍﺟﺒﻲ
ﻏﻤﻀﺖ ﻋﻴﻨﻲ ﺣﺴﻴﺖ ﺍﺻﺒﻌﻪ ﺍﻓﺘﺮ ﻉ ﻣﻼﻣﺤﻲ
ﺑﺎﻟﺴﺮﻩ ﻟﺤﺪﻣﺎﻭﺻﻞ ﻟﺸﻔﺘﻲ ﺭﺟﻔﺖ ﻻﺍﺭﺍﺩﻱ
ﻭﻫﻮ ﻳﺤﺮﻙ ﺍﺻﺒﻌﻪ ﻋﻠﻰ ﺍﻟﺸﻔﻪ ﺍﻟﺠﻮﻩ ﻭﺍﻧﻲ ﻣﻐﻤﻀﻪ
ﺍﻳﺪﻩ ﺍﻧﻤﺪﺕ ﻉ ﺧﺼﺮﻱ ﻭﺳﺤﺒﻨﻲ ﻉ ﺻﺪﺭﻩ
ﺑﺤﻨﻴﻪ ﺣﺎﺿﻨﺘﻪ ﻣﻦ ﺑﻄﻨﻪ ﻭﺍﺷﺘﻢ ﺑﻌﻄﺮﻩ ﺍﻟﺼﺎﺭ
ﻣﺪﻩ ﻣﻔﺎﺭﻛﻨﻲ ..
ﺧﻼﻧﻲ ﻉ ﺭﺍﺣﺘﻲ ﻭﻫﻮ ﻳﻠﻌﺐ ﺑﺸﻌﺮﻱ
ﺍﺣﺲ ﺑﺤﺮﻛﻪ ﺍﺻﺒﻌﻪ ﻋﻠﻰ ﻓﺮﻭﺓ ﺭﺍﺳﻲ
ﻣﺤﺘﺎﺟﺘﻪ !! ﻣﺤﺘﺎﺟﺘﻪ ﻭﻃﻨﻲ ﺟﻨﺖ ﺿﺎﻳﻌﻪ
ﻭﺍﺣﺲ ﺍﻟﺮﻭﺡ ﺭﺩﺕ ﺍﻟﻲ ...
ﻏﻔﻴﺖ ﻭﻣﺎﺍﺩﺭﻱ ﺑﻨﻔﺴﻲ ﺭﻏﻢ ﻣﻤﺎﺧﺬﻩ ﻋﻼﺝ
ﻓﺘﺤﺖ ﻋﻴﻨﻲ ﺷﻔﺖ ﻧﻔﺴﻲ ﻧﺎﻳﻤﻪ ﺑﻔﺮﺍﺷﻲ
ﻉ ﺍﻟﺠﺮﺑﺎﻳﻪ ﺑﺲ ﻫﻮ ﻣﺎﻛﻮ !!
ﻛﻤﺖ ﻣﻦ ﻣﻜﺎﻧﻲ ﻓﺘﺤﺖ ﺍﻟﻀﻮﻩ ﺍﻟﺴﺎﻋﻪ ﺏ٢ ﺑﻠﻴﻞ
ﻃﻠﻌﺖ ﺻﺎﺭ ﻛﺒﺎﻟﻲ ﻧﺎﻳﻢ ﺑﺎﻟﺼﺎﻟﻪ ﻭﻣﺘﻐﻄﻲ ﻛﺮﻓﺼﺖ ﻳﻤﻪ ﺑﺎﻟﻜﺎﻉ
ﺻﺎﻓﻨﻪ ﻋﻠﻰ ﻣﻼﻣﺤﻪ ﻏﺎﻁ ﺑﺎﻟﻨﻮﻡ ﻭﻳﻢ ﺭﺍﺳﻪ
ﺑﺎﻛﻴﺖ ﺍﻟﺠﻜﺎﻳﺮ ﻭﺗﻠﻴﻔﻮﻧﻪ ..
ﻛﻤﺖ ﺍﺣﺠﻲ ﻭﻳﺎﺍ ﺑﻬﻤﺲ ﻣﺸﺘﺎﻗﺘﻠﻚ ﺣﺒﻴﺒﻲ
ﻣﺤﺘﺎﺟﻪ ﺣﻀﻨﻚ

ﻟﻴﺶ ﺗﺤﺮﻣﻨﻲ ﻣﻨﻪ
ﻣﺎﻣﺸﺘﺎﻗﻠﻲ ﺍﻧﺖ ﻣﻮﺗﻜﻮﻝ ﻣﺎﺍﻛﺪﺭ ﺍﻓﺎﺭﻛﺞ ﻳﻮﻡ ﻭﺍﺣﺪ
ﺷﻠﻮﻥ ﻓﺎﺭﻛﺘﻨﻲ ﻫﻠﻜﺪ؟ !
ﺟﺮﻳﺖ ﺍﻳﺪﻩ ﻭﺣﺸﻜﺖ ﻧﻔﺴﻲ ﺑﺤﻀﻨﻪ ﻭﻟﺰﻣﺖ
ﺗﺸﻴﺮﺗﻪ ﺑﻘﻮﻩ ﺑﺴﺮﻋﻪ ﻓﺰ ﻣﻦ ﺷﺎﻓﻨﻲ
ﺣﺠﻪ ﻭﻫﻮ ﻛﻮﻩ ﻣﻔﺘﺢ ﻗﺒﺲ !!
ﺷﺪﺩﺕ ﻟﺰﻣﺔ ﺗﺸﻴﺮﺗﻪ ﻭﺿﺎﻣﻪ ﺭﺍﺳﻲ ﺑﺮﮔﺒﺘﻪ
ﺣﺲ ﺑﻴﻪ ﻣﺤﺘﺎﺟﻪ ﺣﻀﻨﻪ
ﺭﻓﻊ ﺍﻟﻐﻄﻪ ﻭﻟﻔﻨﻲ ﺑﻴﻬﻪ ﻭﺣﻀﻨﻲ ﺍﻛﺜﺮ
ﺍﺣﺲ ﺭﻭﺣﻲ ﺭﺩﺕ ﺍﻟﻲ
ﻛﻠﺴﺎﻉ ﺍﺣﻀﻨﻪ ﺍﻛﺜﺮ ﻭﻫﻮ ﻳﻤﺴﺢ ﻉ ﺭﺍﺳﻲ ..
ﺑﺲ ﺍﺛﻨﻴﻨﻪ ﺳﺎﻛﺘﻴﻦ ﻛﻤﺖ ﺍﺣﺲ ﺑﻠﻤﺴﺎﺗﻪ
ﺻﺎﺭﺕ ﺟﺮﻳﺌﻪ ﻣﺴﺘﺴﻠﻤﻪ ﻭﻣﻐﻤﻀﻪ ﻋﻴﻮﻧﻲ
ﻃﺒﻊ ﺑﻮﺳﺎﺗﻪ ﻉ ﺭﻛﺒﺘﻲ ﻭﻳﻪ ﻛﻞ ﺑﻮﺳﻪ ﻳﺎﺧﺬ ﻧﻔﺲ
ﻃﻮﻳﻞ ﻭﻳﺮﺟﻊ ﻳﺤﻀﻨﻲ ..
ﺍﺧﺬ ﺷﻔﺎﻳﻔﻲ ﻋﺒﺎﻟﻚ ﺟﻮﻋﺎﻥ ﻭﺍﻧﻄﻮﺍ ﺍﻛﻠﻪ ﺩﺳﻤﻪ
ﺑﺎﺳﻨﻲ ﺑﻮﺳﺎﺕ ﻋﻤﻴﻘﻪ ﻟﺤﺪﻣﺎ ﻛﻤﺖ ﺍﺧﺬ ﺍﻟﻨﻔﺲ ﻣﻦ ﻋﻨﺪﻩ ..
ﻇﻠﻴﺖ ﻧﺎﻳﻤﻪ ﺑﺤﻀﻨﻪ ﻣﺎﺗﻘﺮﺑﻠﻲ !! ﺑﺲ ﻣﻌﺎﻣﻠﺘﻪ
ﺑﺤﻨﻴﻪ ﻭﻛﻠﺴﺎﻉ ﻳﺒﻮﺳﻨﻲ ﺧﻼﻧﻲ ﺍﺭﺗﺎﺡ ﻭﻏﻄﻴﺖ
ﺑﺎﻟﻨﻮﻡ ﻭﺍﻧﻲ ﺍﺗﻤﻨﻰ ﻣﺎﻳﻄﻠﻊ ﺍﻟﺼﺒﺢ ﻭﻳﺮﺟﻊ ﻟﺤﺎﻟﺘﻪ ...
ﻓﺰﻳﺖ ﻋﻠﻰ ﺻﻮﺕ ﺗﻠﻴﻔﻮﻧﻪ ﻭﻫﻮ ﻳﺪﻙ ﻳﻢ ﺭﺍﺳﻲ ﻓﺘﺢ
ﻋﻴﻨﻪ ﺑﻤﻠﻞ ﻭﻛﺎﻝ ﺷﻮ ﺷﻮﻓﻲ ﻣﻨﻮ؟؟
ﺭﻓﻌﺖ ﻧﻔﺴﻲ ﻣﻦ ﻋﻨﺪﻩ ﻭﻣﺪﻳﺖ ﺍﻳﺪﻱ ﺍﺧﺬﺕ ﺍﻟﺘﻠﻴﻔﻮﻥ
ﻗﺮﻳﺖ ﺍﻻﺳﻢ ﻓﺮﺡ ﻛﻌﺪﺕ ﻉ ﺣﻴﻠﻲ ﻭﺍﻧﻄﻴﺘﻪ ﺍﻟﻪ
ﻭﺍﻧﻲ ﺍﺣﺠﻲ ﺑﻌﺼﺒﻴﻪ ﻫﺎﻱ ﺷﻌﺪﻫﻪ ﻣﺘﺼﻠﻪ ؟؟
ﺟﺎﻭﺑﻨﻲ ﻭﻫﻮ ﻳﻔﺮﻙ ﺑﻌﻴﻮﻧﻪ ﺭﻓﻌﻠﻲ ﻃﺮﻑ ﺣﺎﺟﺒﻪ
ﻭﻛﺎﻝ ﺟﺎﻭﺑﻴﻬﻪ ﺍﻧﺘﻲ؟؟؟
ﻓﺘﺤﺖ ﺍﻟﺨﻂ ﺑﺪﻭﻥ ﻣﺎﺍﺳﻤﻊ ﺷﻲ ﻣﻨﻬﻪ
ﻛﺘﻠﻬﻪ ﻫﺎﺍﺍ ﻓﺮﺡ ﺍﻛﻮﺷﻲ ......
.
.
ﻳﺘﺒﺒﺒﺒﺒﺒﻊ ...

ﻗﻤﻊ ﺍﻟﻤﺸﺎﻋﺮ .... ﺍﻟﺴﺎﺑﻊ ﻋﺸﺮ ﻣﻦ ﺍﻟﺠﺰﺀ ﺍﻟﺜﺎﻧﻲ ...




ﻗﺒﺲ ... ﻓﺘﺤﺖ ﺧﻂ ﺑﺪﻭﻥ ﻣﻘﺪﻣﺎﺕ ﻛﻠﺒﻲ ﻓﺎﻳﺮ
ﻣﻨﻬﻪ ﻛﺘﻠﻬﻪ ﻫﺎﺍﻓﺮﺡ ﺷﺘﺮﺩﻳﻦ؟؟
ﺟﺎﻧﺖ ﺗﺤﺠﻲ ﺑﺼﻮﺕ ﺍﺳﺘﻐﻔﺮ ﺍﻟﻠﻪ ﻣﺎﻝ ﻭﺣﺪﻩ
ﻣﻮﺧﻮﺵ ﻋﺒﺎﻟﻬﻪ ﻫﻮ ﻳﻄﻠﻌﻠﻬﻪ ﻣﻦ ﺳﻤﻌﺖ ﺻﻮﺗﻲ
ﻛﺤﺖ ﻭﻋﺪﻟﺖ ﻧﺒﺮﺓ ﺻﻮﺗﻬﻪ
ﻭﻛﺎﻟﺖ ﻗﺒﺲ !!! ﺑﺎﺳﺘﻐﺮﺍﺏ ﻭﻣﺎﻣﺘﻮﻗﻌﻪ ﺍﺟﺎﻭﺑﻬﻪ
ﻗﺒﺲ .. ﺍﻱ ﻗﺒﺲ ﺧﻮﻣﺎﻛﻮﺷﻲ ﻫﻢ ﻛﺘﻠﺞ ﺍﻣﺠﺪ ﻭﺧﺎﺑﺮﺗﻲ
ﻣﻦ ﺍﻟﺼﺒﺢ ﻭﻻﺯﻡ ﺍﻃﻴﺮ ﻧﻮﻣﺘﻨﻪ ..
ﻓﺮﺡ .. ﻋﻠﻰ ﻛﻴﻔﺞ ﺷﺒﻴﺞ ﻫﺎﺩﻩ ﻣﻦ ﺍﻟﺼﺒﺢ ﺍﻧﻲ ﻣﻤﺨﺎﺑﺮﻩ
ﻋﻠﻴﺞ ﻣﺨﺎﺑﺮﻩ ﻉ ﺍﺑﻦ ﺧﺎﻟﻲ ..
ﻗﺒﺲ .. ﺍﺑﻦ ﺧﺎﻟﺞ ﻫﻮ ﺯﻭﺟﻲ ﻭﻫﻮ ﻧﺎﻳﻢ ﻭﻫﻮ ﺍﻟﻜﺎﻝ ﺟﺎﻭﺑﻴﻬﻪ
ﻭﻫﺴﻪ ﺍﻛﻮ ﺷﻲ؟؟
ﻓﺮﺡ .. ﻻﻣﺎﻛﻮﺷﻲ ﺑﺲ ﺟﺎﻧﺖ ﺗﺤﺠﻲ ﺑﺼﺪﻣﻪ ﻣﺘﻮﻗﻌﻪ
ﺍﻧﻲ ﺑﻌﻴﺪﻩ ﻋﻦ ﺑﺸﺎﺭ ﻭﻣﺜﻞ ﺍﻟﺘﻔﺎﺟﺄﺕ ﺟﺎﻥ ﺩﻛﻮﻝ
ﻣﺎﻣﺎ ﻣﺮﻳﻀﻪ ﻭﺭﺩﺕ ﻳﺠﻲ ﻳﺎﺧﺬﻫﻪ ﻻﻥ ﺍﻣﺠﺪ ﻣﺎﻣﻮﺟﻮﺩ
ﻗﺒﺲ .. ﻭﻣﻨﻮ ﻛﺎﻟﺞ ﺑﺸﺎﺭ ﻭﺍﻟﻲ ﺍﻟﺤﺮﻡ ﻭﻋﻨﺪﻩ ﺳﻴﺎﺭﺓ
ﺍﺳﻌﺎﻑ ﺍﻧﻜﺘﻠﺘﻲ ﻻﺯﻡ ﺗﺨﺎﺑﺮﻭ !! ﺗﺨﺮﺑﻄﺖ ﺍﻣﺞ ﻻﺯﻡ
ﻳﺠﻴﺞ ﻋﻨﺪﺝ ﺍﺧﻮ ﻭﺧﺎﺑﺮﻱ ﻟﻮ ﺑﺰﻋﺖ ﺭﻭﺣﻪ ﻣﻦ ﻋﺪﻛﻢ
ﻓﺮﺡ .. ﺷﻨﻮ ﻫﺎﺍﻻﺳﻠﻮﺏ ﻭﻳﻦ ﺑﺸﺎﺭ ﻋﻨﺞ ﻣﺎﻋﻨﺪﺝ ﺫﻭﻕ؟؟
ﻗﺒﺲ .. ﻋﻔﺖ ﺍﻟﺬﻭﻕ ﺍﻟﺞ ﺧﺎﺑﺮﻱ ﻭﺷﻮﻓﻲ ﺷﺴﻮﻱ
ﺑﻴﺞ ﺍﻧﻲ ﺷﻮﻳﻪ ﺧﻠﻲ ﻟﻨﻔﺴﺞ ﻛﺮﺍﻣﻪ ﻭﺳﺪﻳﺘﻪ ﺑﻮﺟﻬﻪ
ﺑﺲ ﺷﻨﻮ ﺍﺣﺲ ﻧﻔﺴﻲ ﻧﺎﺭ ﺭﻏﻢ ﺍﻟﺠﻮ ﺷﺘﻪ ﻭﺑﺎﺭﺩ ﺑﺲ
ﻋﺒﺎﻟﻚ ﻣﺪﺧﻠﻴﻨﻲ ﺑﺘﻨﻮﺭ ..
ﺍﻟﺘﻔﺘﺖ ﻋﻠﻲ ﻃﻮﻝ ﻣﺎﺍﺣﺠﻲ ﻫﻮ ﻣﺮﺟﻪ ﺭﺍﺳﻪ ﻉ ﺍﻟﺘﺨﻢ ﻭﻣﺪﺩ ﺟﺴﻤﻪ ﺑﺎﻟﻜﺎﻉ ﻭﺍﻛﻮ ﺷﺒﺢ ﺍﺑﺘﺴﺎﻣﻪ ﺑﻮﺟﻬﻪ ..
ﻗﺒﺲ .. ﺑﺸﺎﺭ ﺍﻧﺖ ﻣﻨﻄﻴﻬﻪ ﻣﺠﺎﻝ ﺍﺫﺍ ﻣﺎﺭﺩﺗﻴﻬﻪ ﺗﻌﺮﻓﻨﻲ
ﺧﺒﻠﻪ ﻭﺣﻖ ﺍﻟﻠﻪ ﺍﺭﻭﺡ ﻟﻌﻤﺎﻣﻬﻪ ﺍﻟﻌﺐ ﺑﻴﻬﻢ ﻃﻮﺑﻪ .
ﺑﺸﺎﺭ .. ﺗﺮﻯ ﻭﺍﻟﻠﻪ ﻣﺎﺗﺨﺎﺑﺮ ﻭﻫﺎﻱ ﺧﺎﺑﺮﺕ ﻫﺴﻪ
ﺧﻠﻴﺘﺞ ﺍﺗﺠﺎﻭﺑﻴﻬﻪ ﺷﻤﻨﻄﻴﻬﻪ ﻣﺠﺎﻝ ﻣﺎﻋﻨﺪﻱ ﺷﻲ ﻋﻠﻴﻬﻪ
ﺣﺘﻪ ﺍﺭﺯﻟﻬﻪ ﻭﺍﺗﻌﺎﺭﻙ ..
ﻗﺒﺲ .. ﻟﻴﺶ ﺧﻠﻴﺘﻨﻲ ﺍﺟﺎﻭﺑﻬﻪ؟؟
ﺑﺸﺎﺭ .. ﻛﻞ ﺍﻫﻠﻲ ﻳﺪﺭﻭﻥ ﺑﺎﻟﺼﺎﺭ ﻳﻌﻨﻲ ﺍﻟﺤﺠﻴﻪ ﺍﻛﻴﺪ ﻣﺴﻮﻟﻔﻪ
ﻟﺒﺴﻤﻪ ﻭﻓﺮﺡ ﻭﺧﻠﻴﺘﺞ ﺍﺗﺠﺎﻭﺑﻴﻬﻪ ﺣﺘﻪ ﺗﻌﺮﻑ
ﺍﺣﻨﻪ ﺳﻮﻩ ﺧﺎﻑ ﻋﺒﺎﻟﻬﻪ ﻋﻼﻗﺘﻨﻪ ﺧﺮﺑﺎﻧﻪ ﻫﺎﻱ ﺍﺫﺍ ﻫﻲ
ﺍﻛﻴﺪ ﺭﺍﺡ ﺗﻔﺘﻌﻞ ﺳﺎﻟﻔﻪ ﺟﺪﻳﺪﻩ ﻻﻥ ﺗﻌﺘﺒﺮ ﺳﺎﻟﻔﺘﻬﻪ ﻣﺎﻧﺠﺤﺖ ..
ﻗﺒﺲ .. ﻣﻤﻤﻢ ﺍﻛﻮﻡ ﺍﺳﻮﻳﻠﻚ ﺭﻳﻮﻙ ﻟﻮ ﻫﻢ ﻣﺎﺗﺘﺮﻳﻚ ﻭﻳﺎﻱ
ﺑﺸﺎﺭ .. ﻻ ﻣﺎﺍﺭﻳﺪ ﺗﻌﺎﻟﻲ ﻧﺎﻣﻲ
ﻗﺒﺲ .. ﻣﻮﺍﺭﻭﺡ ﻟﻠﻤﺪﺭﺳﻪ؟؟
ﺑﺸﺎﺭ .. ﻻﺍ ﺻﺎﺭﻟﺞ ﻫﻮﺍﻳﻪ ﻏﺎﻳﺒﻪ ﻫﻲ ﻣﺪﺭﺳﺔ ﺍﺑﻮﻱ
ﻭﺷﻮﻛﺖ ﻣﺎﻳﻌﺠﺒﺞ ﺗﺒﻄﻠﻴﻦ ﻭﺍﺗﺮﺟﻌﻴﻦ ﺍﻟﻴﻮﻡ ﺍﻣﺮ
ﻋﻠﻰ ﺍﻟﻤﺴﺘﺜﻤﺮ ﻭﺍﺷﻮﻓﻪ ﺧﺎﻑ ﺟﺎﺏ ﻭﺣﺪﻩ ﺑﻤﻜﺎﻧﺞ ..
ﻗﺒﺲ .. ﺟﻨﻪ ﻛﺎﻋﺪﻳﻦ ﺑﺎﻟﻜﺎﻉ ﻉ ﺩﻭﺷﻚ ﻭﺍﺣﺪ ﺍﺑﻮ ﻧﻔﺮ
ﻟﻠﺼﺒﺢ ﺍﺣﻨﻪ ﻭﺍﺣﺪ ﺑﺤﻀﻦ ﺍﻟﺜﺎﻧﻲ ﻫﻮ ﻣﺴﺘﻨﺪ ﻉ ﺍﻟﺘﺨﻢ
ﻭﺭﺟﻠﻴﻪ ﻣﺪﺩﻫﻦ ﺑﺎﻟﻜﺎﻉ ﻭﺍﻧﻲ ﻛﺎﻋﺪﻩ ﻳﻢ ﺑﻄﻨﻪ ..
ﻓﺮﻛﺖ ﺍﻳﺪﻱ ﺑﻘﻠﻖ ﻭﻧﺼﻴﺖ ﺭﺍﺳﻲ ﻛﺘﻠﻪ
ﺍﺭﻳﺪ ﻋﻼﺟﻲ !!
ﺑﺸﺎﺭ .. ﺷﺤﺠﻴﻨﻪ ﺍﻟﺒﺎﺭﺣﻪ ﻫﺎﻱ ﺑﻌﺪﻧﻪ ﺑﺎﺳﻢ ﺍﻟﻠﻪ
ﻫﻮ ﻣﺎﻳﺼﻴﺮ ﺍﺗﺮﻛﻴﻦ ﺍﻟﻌﻼﺝ ﻣﺒﺎﺷﺮﺓ ﺍﺧﺬﻱ ﻧﺺ ﺣﺒﺎﻳﻪ
ﻭﺑﻴﻦ ﻳﻮﻡ ﻳﻮﻡ ﻟﺤﺪﻣﺎ ﺗﻜﺪﺭﻳﻦ ﺍﺗﺮﻛﻲ ﻣﺜﻞ ﻗﺒﻞ ..
ﻗﺒﺲ .. ﺑﺲ ﻋﻘﻠﻲ ﻣﻨﻤﻞ ﻳﻮﺟﻌﻨﻲ ﻣﺎﺍﻛﺪﺭ ﺑﺪﻭﻥ ﺍﻟﻌﻼﺝ
ﺑﺸﺎﺭ .. ﺗﻌﺎﻟﻲ ﻭﺍﺷﺮ ﻉ ﺻﺪﺭﻩ ﺧﻠﻲ ﺭﺍﺳﺞ ﻫﻨﺎﺍﺍ ..
ﻗﺒﺲ .. ﺧﻠﻴﺖ ﺭﺍﺳﻲ ﻉ ﺻﺪﺭﻩ ﻣﺪ ﺍﻳﺪﻩ ﻋﻠﻰ ﻋﻴﻮﻧﻲ
ﻏﻤﻀﻬﻦ ﻭﻫﻤﺲ ﻳﻢ ﺍﺫﻧﻲ ﻧﺎﻣﻲ ﺍﺭﺗﺎﺣﻲ ﻣﻦ ﺗﻨﺎﻣﻴﻦ ﺍﺭﻭﺡ ﻟﻠﺪﻭﺍﻡ ..
ﺍﻃﻤﺌﻨﻴﺖ ﻭﺍﺻﻼ ﺍﻧﻲ ﺻﺎﺭ ﻣﺪﻩ ﻣﺎﺍﺷﺒﻊ ﻧﻮﻡ
ﺑﺴﺮﻋﻪ ﻏﻔﻴﺖ ﻭﻏﻄﻴﺖ ﺑﻨﻮﻡ ﻋﻤﻴﻖ
ﻓﺰﻳﺖ ﺍﻟﺴﺎﻋﻪ ﺏ١١ ﻭﺣﺪﻱ ﺑﺎﻟﺒﻴﺖ ﻫﻮ ﺭﺍﻳﺢ ﻟﻠﺪﻭﺍﻡ
ﻭﺍﺍﻧﻲ ﻧﺎﻳﻤﻪ ﺑﻔﺮﺍﺷﻪ ﺭﻏﻢ ﻣﺤﺘﺎﺟﻪ ﻋﻼﺟﻲ ﺑﺲ
ﻧﻮﻋﺎ ﻣﺎﺯﻳﻨﻪ ﻻﻥ ﻋﺎﻣﻠﻨﻲ ﺑﺤﻨﻴﻪ
ﺟﻨﺖ ﻓﺮﺣﺎﻧﻪ ﻳﺮﺟﻊ ﻣﺜﻞ ﻗﺒﻞ ..
ﻛﻤﺖ ﻧﻈﻔﺖ ﺍﻟﺒﻴﺖ ﻭﺳﻮﻳﺖ ﻏﺪﻩ ﺑﻠﻜﻲ
ﻳﺮﺟﻊ ﻭﻳﺘﻐﺪﻩ ﻣﻦ ﺻﺎﺭﺕ ﺍﻟﺴﺎﻟﻔﻪ ﻟﻐﻪ ﺍﻟﻐﺪﻩ
ﻧﻬﺎﺋﻴﺎ ﻳﺎﻛﻞ ﺑﺮﺍ ﻭﺍﻧﻲ ﺍﻛﻞ ﻭﺣﺪﻱ ..
ﻛﻤﻠﺖ ﻛﻠﺸﻲ ﻭﺭﺣﺖ ﻟﻠﺤﻤﺎﻡ ﺳﺒﺤﺖ ﻭﺣﺪﻱ
ﺑﺎﻟﺒﻴﺖ ﻃﻠﻌﺖ ﺑﺎﻟﺒﺮﻧﺺ ﺭﺣﺖ ﻟﻠﻐﺮﻓﻪ ﻃﻠﻌﺖ ﻣﻼﺑﺲ
ﺍﺑﺎﻭﻉ ﻉ ﻧﻔﺴﻲ ﺷﻜﺪ ﻣﺘﻐﻴﺮﻩ ﻭﺿﻌﻔﺎﻧﻪ
ﺍﻛﻮ ﺍﻣﺎﻛﻦ ﺑﺠﺴﻤﻲ ﺻﺎﻳﺮﻩ ﺯﺭﻛﻪ ﻭﻣﺠﺮﺣﻪ ﻣﻦ ﺗﺠﻴﻨﻲ ﺍﻟﺤﺎﻟﻪ
ﺍﻇﻞ ﺍﻛﺮﺹ ﺑﻨﻔﺴﻲ ﻟﻮ ﺍﻋﺾ ﺍﻳﺪﻱ
ﺑﺪﻟﺖ ﻭﺭﻓﻌﺖ ﺷﻌﺮﻱ ﺧﻔﻴﻒ ﺣﻴﻞ
ﺷﻜﺪ ﺟﻨﺖ . ﻣﺮﺗﺎﺣﻪ ﻭﺍﺣﺲ ﺍﻟﻔﺮﺣﻪ ﻣﺎﻭﺍﺳﻌﺘﻨﻲ
ﻭﻫﺴﻪ ﺑﺲ ﺍﻟﻠﻪ ﻳﻌﻠﻢ ﺑﺤﺎﻟﻲ ..
ﺻﻠﻴﺖ ﻭﻗﺮﻳﺖ ﻗﺮﺍﻥ ﻭﺑﺸﺎﺭ ﻣﺎ ﺍﺟﻪ
ﺧﻠﺺ ﺍﻟﻈﻬﺮ ﻭﺍﺟﻪ ﺍﻟﻌﺼﺮ ﻭﻫﻮ ﻣﺎﻛﻮ
ﻭﻳﻦ ﺍﺭﻭﺡ ﺍﻓﺘﺢ ﺍﻟﺒﺮﺩﻩ ﺍﺑﺎﻭﻉ ﻉ ﺍﻟﺤﺪﻳﻘﻪ ﺍﻻﺑﻮﺍﺏ
ﻣﻘﻔﻠﻪ ﺣﺘﻪ ﺍﻟﺸﻤﺲ ﻣﺎﺷﺎﻳﻔﺘﻨﻲ ..
ﺑﺪﻳﺖ ﺍﺗﻮﺗﺮ ﻭﺍﻧﻲ ﺍﻓﺘﺮ ﺑﺎﻟﺒﻴﺖ
ﺻﻮﺕ ﺍﻟﻤﻲ ﻣﻦ ﻳﻨﺪﻱ ﻳﻮﺗﺮﻧﻲ ﺣﻨﻴﻔﻪ ﺍﻟﺤﻤﺎﻡ ﺗﺬﺏ ﻣﻲ
ﻭﺗﺮﺗﻨﻲ ﺭﺣﺖ ﻗﻔﻠﺖ ﺍﻟﺒﺎﺏ ﻭﺭﺣﺖ ﻛﻌﺪﺕ ﺑﺎﻻﺳﺘﻘﺒﺎﻝ
ﺣﺘﻪ ﻻ ﺍﺳﻤﻊ ﺻﻮﺕ
ﺍﺗﺬﻛﺮﺕ ﻣﻦ ﺟﻨﺖ ﻳﻢ ﻋﺰﻳﺰ ﻭﺭﺍﺟﻌﺖ ﻃﺒﻴﺐ ﻧﻔﺴﻲ
ﻛﺎﻝ ﻣﻦ ﺗﺠﻴﺞ ﺍﻟﺤﺎﻟﻪ ﺟﻴﺒﻲ ٧ ﺧﺮﺯﺍﺕ ﺍﻭ ﺣﺼﻮﺍﺕ
ﺍﻱ ﺷﻲ ﺩﺍﺋﺮﻱ ﻭﺍﻛﻌﺪﻱ ﺍﻟﻌﺒﻲ ﺑﻴﻬﻦ ﺷﺘﺘﻲ ﻓﻜﺮﺝ ..
ﻣﻨﻴﻦ ﺍﺟﻴﺐ ﺭﺣﺖ ﺍﺩﻭﺭ ﺟﻤﻌﺖ ﺍﻱ ﺷﻲ ﺩﺍﺋﺮﻱ ﻋﻨﺪﻱ
ﻭﻛﻌﺪﺕ ﺳﺎﻋﺎﺕ ﻃﻮﻳﻠﻪ ﻭﺍﻧﻲ ﺍﻟﻌﺐ ﺑﻴﻬﻦ
ﻭﻣﺨﻠﻴﻪ ﻛﻞ ﺗﺮﻛﻴﺰﻱ ﺑﻴﻬﻦ
ﻳﻠﻪ ﻛﺪﺭﺕ ﺍﻫﺪﺀ ﺷﻮﻳﻪ ..
ﺳﻤﻌﺖ ﺍﻟﺒﺎﺏ ﺍﻧﻔﺘﺢ ﻇﻠﻴﺖ ﻛﺎﻋﺪﻩ
ﻣﻦ ﻓﺎﺕ ﻟﻠﻤﻄﺒﺦ ﺍﻟﻈﺎﻫﺮ ﻣﺎﺷﺎﻓﻨﻲ ﻻﻥ ﺍﻧﻲ ﺑﺎﻻﺳﺘﻘﺒﺎﻝ
ﻛﺎﻡ ﻳﺼﻴﺢ ﻗﺒﺲ ﻗﺒﺲ !!
ﻃﻠﻌﺘﻠﻪ ﻣﻦ ﺍﻻﺳﺘﻘﺒﺎﻝ ﺑﺎﻭﻋﻠﻲ ﺑﻨﻈﺮﺍﺕ ﻏﺮﻳﺒﻪ
ﺣﻴﻞ ﻭﻛﺎﻧﻮ ﻳﻜﻠﻲ ﺷﺘﺴﻮﻳﻦ ﺟﻨﺘﻲ
ﻭﻟﻴﺶ ﻛﺎﻋﺪﻩ ﻫﻨﺎ ﻣﺎﺍﺩﺭﻱ ﺗﺨﻴﻠﻲ ﻟﻮ ﺻﺪﻙ
ﺷﻔﺖ ﻧﻈﺮﺍﺕ ﺍﻟﺸﻚ ﺑﻌﻴﻮﻧﻪ ..
ﻗﺒﺲ .. ﺍﻟﺤﻨﻔﻴﻪ ﻣﺎﻝ ﺍﻟﺤﻤﺎﻡ ﺗﻨﺪﻱ ﻣﻲ ﻭﺍﻧﻲ ﺍﻟﺼﻮﺕ
ﻳﻮﺗﺮﻧﻲ ﻭﺭﺣﺖ ﻛﻌﺪﺕ ﺑﺎﻻﺳﺘﻘﺒﺎﻝ ﺑﺲ ﺍﻳﺪﻱ ﺗﺮﻋﺶ
ﻣﺎﺍﺳﻴﻄﺮ ﻋﻠﻴﻬﻪ ..
ﺑﺸﺎﺭ .. ﺟﺎﻭﺑﻨﻲ ﻭﻣﺎﺧﻠﻪ ﻋﻴﻨﻪ ﺑﻌﻴﻨﻲ ﻛﺎﻝ ﺭﻭﺣﻲ ﺑﺪﻟﻲ ﺍﺭﻳﺪ
ﺍﺧﺬﺝ ﻟﺴﺮﻭﺭ
ﻗﺒﺲ .. ﻟﻴﺶ ﺷﺒﻴﻪ؟؟
ﺑﺸﺎﺭ .. ﻣﺎﺑﻴﺞ ﺷﻲ ﻋﺎﺟﺒﻨﻲ ﺍﻃﻤﻦ ﻋﻠﻴﺞ ﻳﻠﻪ
ﻻﻥ ﺣﺠﺰﺗﻠﺞ ﺧﺎﻑ ﺗﻄﻠﻊ
ﻗﺒﺲ .. ﻣﺎﺣﺠﻴﺖ ﺑﺲ ﻫﺰﻳﺖ ﺭﺍﺳﻲ
ﻭﻛﻤﺖ ﺑﺪﻟﺖ ﻭﻣﺎﺍﻋﺮﻑ ﺍﻟﻐﺎﻳﻪ ﺷﻨﻮ ﻗﺎﺑﻞ ﻳﺮﻳﺪ
ﺣﻤﻞ ﻭﻫﻮ ﺻﺎﺭ ﺍﺷﻬﺮ ﻣﺎﻣﺘﻘﺮﺑﻠﻲ
ﻃﻮﻝ ﺍﻟﻄﺮﻳﻖ ﺳﺎﻛﺘﻪ ﻟﺤﺪﻣﺎﻭﺻﻠﻨﻪ ﺍﻟﻬﻪ
ﺟﺎﻥ ﺩﻧﻴﺎ ﻟﻴﻞ ﺻﺎﻳﺮ ﻭﻫﻲ ﺗﻨﺘﻈﺮﻧﻪ ﺳﻠﻤﺖ ﻋﻠﻴﻬﻪ
ﻭﺑﺪﺕ ﺗﻔﺤﺺ ﻭﺗﺴﺎﻝ ﻭﺳﻮﺕ ﺳﻮﻧﺎﺭ ..
ﺟﺎﻥ ﻛﻞ ﻛﻼﻣﻬﻪ ﻭﻳﻪ ﺑﺸﺎﺭ ﻭﻋﺒﺎﻟﻚ ﺍﻧﻲ
ﺣﺠﺎﺭﻩ ﻭﻛﺪﺍﻣﻬﻪ ﺣﺘﻪ ﺍﻟﺴﺆﺍﻝ ﺍﻟﺘﺴﺄﻟﻪ
ﺗﻮﺟﻬﻪ ﺍﻟﻪ ﻭﻋﺒﺎﻟﻚ ﻫﻮ ﺍﻟﻴﺮﻳﺪ ﻳﺤﻤﻞ ..
ﻧﺮﻓﺰﺗﻨﻲ ﻭﻫﻲ ﺗﺴﺎﻟﻪ ﺷﻜﻢ ﻣﺮﻩ ﺑﺎﻟﻴﻮﻡ
ﺗﺎﺧﺬ ﻋﻼﺟﻬﻪ ﺍﻟﻨﻔﺴﻲ؟؟
ﺑﻌﺪﻩ ﻣﺎﻣﺠﺎﻭﺏ ﺭﺩﻳﺖ ﺍﻧﻲ ﻛﺘﻠﻬﻪ ﺩﻛﺘﻮﺭﻩ ﺗﺮﻯ ﺍﻧﻲ
ﺍﻟﻤﺮﻳﻀﻪ ﻣﻮ ﺯﻭﺟﻲ ﺍﺷﻮ ﺍﺳﺄﻟﺘﺞ ﻛﻠﻬﻪ ﺍﻟﻪ

ﻟﻴﺶ ﻫﻮ ﻳﺎﺧﺬ ﺍﻟﻌﻼﺝ ﻟﻮﺍﻧﻲ؟؟
ﺑﺎﻭﻋﺘﻠﻲ ﺑﻨﻈﺮﻩ ﺣﺎﺩﻩ ﻭﻟﻤﺖ ﺣﻠﻜﻬﻪ ﻛﺎﻟﺖ ﺍﻧﺘﻲ
ﺣﺎﻟﻴﺎ ﻣﺮﻳﻀﻪ ﻧﻔﺴﻴﺎ ﻭﺍﻻﺟﺎﺑﻪ ﺗﻜﻮﻥ ﻣﻮﺻﺤﻴﺤﻪ ..
ﺭﺍﺩ ﻳﺠﺎﻭﺑﻬﻪ ﻫﻮ ﺑﺲ ﻣﺎﺧﻠﻴﺘﻪ ﺭﻓﻌﺘﻠﻬﻪ ﺣﺎﺟﺒﻲ ﻛﺘﻠﻬﻪ
ﻫﻢ ﻣﻌﻠﻤﻴﺞ ﺑﺎﻟﻄﺐ ﺗﺤﺠﻴﻦ ﻭﻳﻪ ﺍﻟﻤﺮﻳﺾ
ﺑﻬﺎﻱ ﺍﻟﺼﻮﺭﻩ
ﻭﺍﺫﺍ ﻋﻨﺪﺝ ﺳﺆﺍﻝ ﺍﺳﺄﻟﻲ ﺍﻟﻲ ﻭﺑﺎﻭﻋﻴﻠﻲ ﺍﻟﻲ
ﺍﻧﻲ ﺍﻟﻤﺮﻳﻀﻪ ﻣﻮﻫﻮ؟؟
ﻧﺰﻟﺖ ﻣﻦ ﺍﻟﺴﺪﻳﻪ ﺍﺧﺬﺕ ﺟﻨﻄﺘﻲ ﻛﺘﻠﻪ ﻳﻠﻪ ﺣﺒﻴﺒﻲ
ﺗﻌﺒﺎﻧﻪ ﺍﻧﻲ ﻭﻣﻦ ﺍﻻﺳﺎﺱ ﻛﺘﻠﻚ ﺍﺧﺬﻧﻲ . ﻟﻬﺬﻳﺞ ﺍﻟﺪﻛﺘﻮﺭﻩ
ﻃﻠﻌﺖ ﻛﺪﺍﻣﻪ ﻭﺍﻋﺮﻑ ﻛﻼﻣﻲ ﻣﻮﺣﻠﻮ ﻭﻳﻪ ﻃﺒﻴﻴﻪ
ﺑﺲ ﻣﺎﺭﺍﻋﺖ ﻣﺸﺎﻋﺮﻱ ﻭﻋﻮﺯﻫﻪ ﺗﻜﻠﻲ ﺍﻧﺘﻲ ﻣﺨﺒﻠﻪ ﺍﺳﻜﺘﻲ
ﻃﻠﻊ ﻭﺭﺍﻱ ﻛﻠﺖ ﻫﺴﻪ ﻳﻄﻠﻊ ﻋﺼﺒﻲ
ﺑﺲ ﺟﺎﻥ ﻫﺎﺩﻯﺀ ﻭﻧﻮﻋﺎ ﻣﺎ ﻣﺒﺘﺴﻢ
ﻧﺰﻟﻨﻪ ﻣﻦ ﺍﻟﻌﻤﺎﺭﻩ ﻟﻠﺴﻴﺎﺭﻩ ﻣﻦ ﺻﻌﺪﺕ ﻭﺣﺮﻙ ﺍﻟﺴﻴﺎﺭﻩ
ﻳﻠﻪ ﺣﺠﻪ
ﺑﺸﺎﺭ .. ﻟﻴﺶ ﺣﺠﻴﺘﻲ ﻭﻳﺎﻫﻪ ﺑﻬﺎﻱ ﺍﻟﻄﺮﻳﻘﻪ
ﺍﻋﺘﺬﺭﺕ ﺩﻛﻮﻝ ﻋﺒﺎﻟﻲ ﺣﺎﻟﺘﻬﻪ ﺍﻟﻨﻔﺴﻴﻪ ﺗﻌﺒﺎﻧﻪ
ﻗﺒﺲ .. ﻣﺘﺎﻛﺪﻩ ﻟﻮ ﺍﺿﻴﻔﻬﻪ ﻭﻳﻪ ﻗﺎﺋﻤﻪ ﻣﻌﺠﺒﺎﺗﻚ
ﺟﻨﺎﺏ ﺍﻟﻤﺪﻳﺮ ﺍﻟﻌﺮﺍﻕ ﻣﺎﺑﻲ ﺑﺲ ﺍﺳﺘﺎﺫ ﺑﺸﺎﺭ
ﺣﺠﻴﺖ ﻫﻴﺞ ﻭﺟﻨﺖ ﺍﺣﺠﻲ ﺑﻄﺮﻳﻘﻪ ﺍﻗﻠﺪ ﺑﻴﻬﻪ
ﺻﻮﺗﻬﻪ ﺟﺎﻥ ﻳﻄﻜﻬﻪ ﺿﺤﻜﻪ ﻋﺎﻟﻴﻪ
ﻭﺍﻧﻲ ﺍﺑﺎﻭﻋﻠﻪ ﻣﺒﺘﺴﻤﻪ ﺻﺎﺭ ﺷﻜﺪ ﻣﺎﺿﺎﺣﻚ
ﻭﻻﺷﺎﻳﻔﻪ ﺍﺳﻨﻮﻧﻪ ..
ﻗﺒﺲ .. ﺷﻜﻮ ﺗﻀﺤﻚ ﺣﺎﺟﻴﻪ ﺟﺬﺏ ﻫﻢ ﺷﻜﻢ ﻳﻮﻡ ﻭﺩﻛﻮﻡ ﺗﺨﺎﺑﺮﻙ
ﻭﺍﻟﻲ ﺍﻟﺤﺮﻡ ﺗﻄﻠﺐ ﺧﺪﻣﻪ ﻣﻨﻚ
ﻭﺍﻧﺖ ﺑﺪﻭﺭﻙ ﺷﻬﻢ ﻭﺍﺧﻮ ﺧﻴﺘﻪ ﺗﺮﻛﺾ ﺍﻟﻬﻪ ﺣﺎﻓﻲ
ﺑﺸﺎﺭ .. ﻭﻟﻠﻠﺞ ﺍﻧﺘﻲ ﺿﺎﺭﺏ ﻋﻨﺪﺝ ﻓﻴﻮﺯ ﻋﻴﺐ ﺗﺤﺠﻴﻦ
ﻫﺎﻟﺤﺠﻲ ﺳﺮﻭﺭ ﺻﺎﺭ ﺳﻨﻴﻦ ﺍﻋﺮﻓﻬﻪ ﻣﺎﻳﻮﻡ ﺑﺎﻭﻋﺖ ﺑﻌﻴﻨﻲ
ﻭﻉ ﺍﻟﺼﺎﺭ ﻫﺴﻪ ﺳﻮﺀ ﻓﻬﻢ ﻭﺗﺼﺮﻓﻬﻪ ﻣﻮﺣﻠﻮ
ﻗﺒﺲ .. ﺍﻟﻤﻬﻢ ﻋﻮﺩ ﺫﻛﺮﻧﻲ ﺳﻠﻄﺎﻥ ﺳﻠﻴﻤﺎﻥ ﺷﻜﻢ ﻳﻮﻡ
ﻭﺍﻟﻜﻪ ﺳﺮﻭﺭ ﺍﻧﻀﻤﺖ ﻟﺘﺤﺎﻟﻒ ﻣﻌﺠﺒﺎﺗﻚ
ﺑﺸﺎﺭ .. ﺭﺍﺡ ﺍﻋﺘﺒﺮ ﻧﻔﺴﻲ ﻣﺎﺳﻤﻌﺖ ﻛﻼﻣﺞ
ﺷﻮ ﺍﻟﺘﻔﺘﻲ ﻋﻠﻴﻪ ﺧﺪﻭﺩﺝ ﺻﺎﺭﻥ ﺣﻤﺮ ﻫﻠﻜﺪ ﺗﻐﺎﺭﻳﻦ ..
ﻗﺒﺲ .. ﻭﻳﻨﻬﻦ ﺧﺪﻭﺩﻱ ﺍﻧﺖ ﻭﺣﺰﺑﻚ ﺧﻠﻴﺖ ﺧﺪﻭﺩ
ﻫﺎﻙ ﺷﻮﻓﻬﻦ ﺟﻨﻬﻦ ﺟﻠﺪ ﺩﺟﺎﺟﻪ ﺿﺎﺭﺑﻬﻪ ﺍﻟﺠﻔﺎﻑ
ﻻﺗﻌﺐ ﻧﻔﺴﻚ ﻭﺗﺘﻐﺰﻝ ﻻﻥ ﻣﺎﻇﻞ ﻋﻨﺪﻱ ﺷﻲ ﻟﻠﻐﺰﻝ .
ﺑﺸﺎﺭ .. ﻣﺘﺄﻛﺪﻩ؟؟ ﻧﻮﺻﻞ ﻟﻠﺒﻴﺖ ﻭﻧﺘﺮﺍﻫﻦ ﺍﻧﺸﻮﻑ ﺍﻛﻮ ﻟﻮﻻ
ﻗﺒﺲ .. ﺑﺎﻭﻋﺘﻠﻪ ﺑﻄﺮﻑ ﻋﻴﻨﻲ ﻭﺩﺭﺕ ﻭﺟﻬﻲ
ﺑﻴﻮﻣﻬﻪ ﺗﻌﺸﻴﻨﻪ ﺑﺎﻟﻤﻄﻌﻢ ﻭﺭﺟﻌﻨﻪ ﻟﻠﺒﻴﺖ ﻣﺎﻛﻮﺷﻲ
ﻃﺐ ﺳﺒﺢ ﻭﻃﻠﻊ ﻭﻓﺮﺵ ﺑﺎﻟﺼﺎﻟﻪ ﻭﺍﻧﻲ ﻭﺍﻛﻔﻪ ﺑﺎﻟﻐﺮﻓﻪ
ﻣﺘﺮﺩﺩﻉ ﺍﺭﻭﺡ ﻳﻤﻪ ﻟﻴﺶ ﺍﺭﻭﺡ ﻫﻮ ﺍﻟﻤﻔﺮﻭﺽ ﻳﺠﻲ
ﺍﺧﺮ ﺷﻲ ﺳﺪﻳﺖ ﺍﻟﺒﺎﺏ ﻭﻧﻤﺖ ﻭﺣﺪﻱ ..
ﻓﺰﻳﺖ ﺍﻟﺼﺒﺢ ﻉ ﺣﺮﻛﺘﻪ ﺑﺎﻟﻐﺮﻓﻪ ﻳﻄﻠﻊ ﻣﻼﺑﺴﻪ
ﻛﻌﺪﺕ ﻧﺺ ﻛﻌﺪﻩ ﻛﺘﻠﻪ ﺻﺒﺎﺡ ﺍﻟﺨﻴﺮ ﺭﺩ ﻋﻠﻴﻪ ﻛﻮﻣﻲ
ﺣﺘﻪ ﺗﺮﻭﺣﻴﻦ ﻟﻠﺪﻭﺍﻡ
ﻛﻤﺖ ﻭﺍﻧﻲ ﺳﺎﻛﺘﻪ ﺳﻮﻳﺖ ﺭﻳﻮﻙ ﻭﺑﺪﻟﺖ ﻭﻃﻠﻌﺖ ﻭﻳﺎﺍ
ﻭﺑﺎﺷﺮﺕ ﺑﺪﻭﺍﻣﻲ ﻟﺤﺪﺍﻟﻈﻬﺮ ﻭﺍﻧﻲ ﻛﺎﻋﺪﻩ ﻣﺎﺩﺭﻱ ﻣﻨﻮ ﻳﺠﻴﻨﻲ
ﻻﻋﻨﺪﻱ ﺗﻠﻴﻔﻮﻥ ﻭﻻ ﺳﺎﻟﺖ ﺑﺸﺎﺭ ﺍﻛﻮ ﺧﻂ ﻧﺴﻴﺖ
ﺷﻮﻳﻪ ﻭﺍﺟﺘﻲ ﻃﺎﻟﺒﻪ ﻛﺎﻟﺖ ﺳﺖ ﺍﻛﻮ ﺭﺟﺎﻝ ﺑﺎﻟﺒﺎﺏ
ﺟﺎﻱ ﻋﻠﻴﺞ ﻃﻠﻌﺖ ﺷﻔﺘﻪ ﺍﺑﻮ ﺣﺴﻴﻦ ﺳﻠﻤﺖ ﻋﻠﻲ
ﻭﺍﺧﺬﻧﻲ ﻟﻠﺒﻴﺖ ﻣﻦ ﻃﺒﻴﺖ ﻟﻔﺖ ﺍﻧﺘﺒﺎﻫﻲ ﺑﺸﺎﺭ ﺷﺎﻳﻞ
ﻛﻞ ﺍﻟﻜﺎﻣﻴﺮﺍﺕ
ﺟﺎﻧﺖ ﺍﻛﻮ ﻭﺣﺪﻩ ﺑﺎﻟﻤﻤﺮ ﻣﺎﻛﻮ ﺍﻓﺘﺮﻳﺖ ﺍﻟﺒﻴﺖ ﻛﻠﻪ
ﻭﻻﻛﺎﻣﻴﺮﺍ ﻫﺎﻱ ﺷﻮﻛﺖ ﺷﺎﻟﻬﻦ ﻣﻌﻘﻮﻟﻪ ﻣﻦ ﺍﻧﻲ ﻧﺎﻳﻤﻪ
ﻃﺒﻴﺖ ﻟﻠﻐﺮﻓﻪ ﺑﺪﻟﺖ ﻭﺻﻠﻴﺖ ﻭﻛﻤﺖ ﺳﻮﻳﺖ ﻏﺪﻩ
ﺑﺲ ﺍﻟﻲ ﻻﻥ ﺍﻛﻴﺪ ﻫﻮ ﻣﺎﻳﺠﻲ ﺍﻟﺒﺎﺭﺣﻪ ﻣﻦ ﻃﻠﻌﻨﻪ ﺍﺷﺘﺮﺍﻟﻲ ﻋﻼﺟﻲ
ﺍﺧﺬﺕ ﻧﺺ ﺣﺒﺎﻳﻪ ﺣﺴﺐ ﺍﺗﻔﺎﻗﻨﻪ ﻋﻠﻤﻮﺩ ﺍﻛﻄﻌﻪ
ﺭﻏﻢ ﺍﺣﺲ ﻧﻔﺴﻲ ﻣﺤﺘﺎﺟﻪ ﺟﺮﻋﻪ ﺍﻛﺜﺮ ﺑﺲ ﺑﺪﻳﺖ
ﺍﻗﺎﻭﻡ ﺣﺘﻪ ﺍﺻﻴﺮ ﺯﻳﻨﻪ ..
ﺭﺟﻊ ﺑﺸﺎﺭ ﻉ ﻧﻔﺲ ﺍﻟﺘﺼﺮﻓﺎﺕ ﻏﻴﺮ ﺍﻟﺴﺆﺍﻝ
ﻭﺍﻟﺠﻮﺍﺏ ﺑﻴﻨﺎﺗﻨﻪ ﻻﻳﺘﺮﻳﻚ ﻭﻻﻳﺘﻐﺪﻩ ﺑﺎﻟﺒﻴﺖ
ﺑﺲ ﻳﺘﻌﺸﻪ ﻭﻣﻮ ﺩﺍﺋﻤﺎ ﺑﺎﻟﺼﺪﻓﻪ ﺍﺣﻀﺮ ﺍﻟﻌﺸﻪ
ﻭﺍﻧﺘﻈﺮﻩ ﻣﻦ ﻳﺠﻲ ﻳﻜﻠﻲ ﻣﺘﻌﺸﻲ
ﺍﻛﻮﻝ ﺍﺟﻤﻊ ﺍﻟﻤﻮﺍﻋﻴﻦ ﻭﺍﺭﻭﺡ ﻟﻠﻐﺮﻓﻪ ﺣﺘﻪ ﺍﻻﻛﻞ
ﻳﻮﻛﻒ ﺑﺤﻠﻜﻲ ﺣﻴﺎﺗﻲ ﺑﺪﺕ ﺗﻨﺤﺮﻑ ﻟﻤﺴﺎﺭ
ﺍﻟﺬﻝ ﻭﺍﻟﺤﺮﻣﺎﻥ ..
ﻣﺮﺕ ﺍﻳﺎﻡ ﻭﺍﺣﻨﻪ ﻋﻠﻰ ﻫﺬﺍ ﺍﻟﺤﺎﻝ ﺑﻴﻮﻡ ﻣﻨﻬﻦ ﺍﺟﻪ ﺑﻠﻴﻞ
ﻛﺎﻝ ﻛﻮﻣﻲ ﺍﻧﺮﻭﺡ ﻻﻫﻠﻲ ﺳﺄﻟﺘﻪ ﺷﻨﻮ ﺍﻟﻤﻨﺎﺳﺒﻪ
ﻛﺎﻝ ﺷﺠﻦ ﻣﺮﻳﻀﻪ ﺭﺟﻠﻬﻪ ﻣﻦ ﻛﺎﺳﺮﻳﻬﻪ ﻃﺎﻟﻊ ﺑﻴﻬﻪ ﻋﻮﺍﺝ
ﻭﻣﺠﺒﺮﻳﻬﻪ ﻣﺮﻩ ﺛﺎﻧﻴﻪ ..
ﺍﺟﻴﺖ ﺍﻛﻠﻪ ﺍﻧﻲ ﻏﻴﺮ ﻣﺮﺣﺐ ﺑﻴﻪ ﻣﺎﺍﺭﻭﺡ ﺑﺲ
ﺳﻜﺘﺖ ﻛﻤﺖ ﻟﺒﺴﺖ ﻭﻃﻠﻌﻨﻪ ﺍﻧﻲ ﺳﺎﻛﺘﻪ ﺩﺍﻳﺮﻩ ﻭﺟﻬﻲ
ﻉ ﺍﻟﺠﺎﻣﻪ ﻭﻫﻮ ﻫﻢ ﺳﺎﻛﺖ ﻟﺤﺪﻣﺎﻭﺻﻠﻨﻪ ..
ﻃﺒﻴﺖ ﻭﻳﺎﺍ ﻭﺍﺣﺲ ﻧﻔﺴﻲ ﻏﺮﻳﺒﻪ ﻋﻦ ﻫﺬﺍ ﺍﻟﺒﻴﺖ
ﺍﻛﻮ ﺍﺣﺴﺎﺱ ﺑﺪﺍﺧﻠﻲ ﻳﻜﻮﻝ ﻣﺎﺍﻟﺞ ﻣﻜﺎﻥ ﻳﻤﻬﻢ
ﺣﺎﻭﻟﺖ ﻗﺪﺭ ﺍﻟﻤﺴﺘﻄﺎﻉ ﺍﺗﺼﺮﻑ ﻃﺒﻴﻌﻲ ﻭﻣﺎﺍﺑﻴﻦ
ﻉ ﻧﻔﺴﻲ ..
ﺟﺎﻥ ﺍﻟﻜﻞ ﻛﺎﻋﺪ ﺑﺎﻟﺼﺎﻟﻪ ﻃﺒﻴﻨﻪ ﺍﻧﺴﻠﻢ ﺍﺗﻔﺎﺟﺎﺕ ﺑﻮﺟﻮﺩ
ﻓﺮﺡ ﻭﺑﺴﻤﻪ ﻭﺑﻴﺖ ﻋﺎﻣﺮ ﻭﻓﺎﺩﻳﻪ ﺑﺲ ﻫﺪﻯ ﻣﺎﻣﻮﺟﻮﺩﻩ
ﺳﻠﻤﺖ ﻋﻠﻴﻬﻢ ﻭﻛﻌﺪﺕ ﺑﺼﻔﻪ ﺍﺗﻤﻨﻴﺖ ﻭﺍﺣﺪ ﻳﺴﺄﻟﻨﻲ
ﺷﻠﻮﻧﺞ؟؟ ﺷﻠﻮﻥ ﺻﺮﺗﻲ؟ ﺑﺲ ﺟﺪﻭ ﻭﻋﻤﻮ ﻋﺎﺩﻝ ﺳﺄﻟﻮﻧﻲ
ﺧﺎﻟﻪ ﺟﺎﻧﺖ ﻣﺘﺄﺫﻳﻪ ﻉ ﺷﺠﻦ ﻭﺗﺨﺎﻑ ﺗﻮﻛﻒ ﺭﺟﻠﻬﻪ ﻟﻮﻳﺼﻴﺮ
ﺑﻴﻬﻪ ﺷﻲ
ﺍﺣﺲ ﺑﺎﻟﺬﻧﺐ ﻛﻠﻪ ﺑﺴﺒﺒﻲ ﺑﺲ ﺍﻧﻲ ﻣﺎﻣﺘﻘﺼﺪﻩ
ﺍﺫﻳﻬﻪ ﻣﻦ ﺣﺮﮔﺔ ﻛﻠﺒﻲ ﺳﻮﻳﺖ ﻫﻴﺞ ..
ﺟﺎﻧﻮ ﻣﻨﺪﻣﺠﻴﻦ ﺑﺎﻟﺴﻮﺍﻟﻒ ﻭﺍﻧﻲ ﺍﺑﺎﻭﻉ ﺑﻌﻴﻨﻲ
ﻫﺎﻱ ﻓﺮﺡ ﺍﻟﻬﺠﻤﺖ ﺑﻴﻮﺕ ﻭﻛﺎﻋﺪﻩ ﻭﺗﺴﻮﻟﻒ ﻭﺗﻨﺎﻗﺶ
ﻭﺗﻨﺒﺰ ﺑﻴﻦ ﺍﻟﻜﻞ ﻭﻛﻠﺴﺎﻉ ﻭﻛﺎﻟﺖ ﺧﺎﻟﻮ ﺍﻛﻮ ﻫﻴﺞ ﻉ ﻣﻮﺍﻗﻊ
ﺍﻟﺘﻮﺍﺻﻞ ﻭﺧﺎﻟﻮ ﺯﻣﻴﻠﺘﻲ ﻫﻴﺞ !!
ﺑﺎﻭﻋﺖ ﻟﻔﺎﺩﻳﻪ ﺍﺟﺖ ﻋﻴﻨﻲ ﺑﻌﻴﻨﻬﻪ ﺟﺎﻧﺖ ﺿﺎﻳﺠﻪ
ﺑﺎﻭﻋﺘﻠﻲ ﻭﺩﻧﻜﺖ ﻋﻴﻨﻲ ﺗﺘﻨﻘﻞ ﺑﻴﻦ ﺍﻟﻜﻞ
ﺷﺠﻦ ﺟﺎﻧﺖ ﻣﺘﺄﻟﻤﻪ ﻣﺎﺷﺎﺭﻛﺖ ﻭﻻﺣﺠﺖ
ﻭﺍﺳﺮﺍﺀ ﺑﺎﻟﻐﺮﻓﻪ ﻣﺎﻛﺎﻋﺪﻩ ..
ﺍﺛﻨﺎﺀ ﺍﻟﺤﺪﻳﺚ ﺣﺠﻪ ﻋﻤﻮ ﻋﺎﻣﺮ ﻛﺎﻝ ﺑﺸﺎﺭ ﺷﻮﻛﺖ
ﺗﺮﻭﺡ ﻟﻠﻌﻤﺎﺭﻩ؟؟
ﺟﺎﻭﺑﻪ ﺍﻥ ﺷﺎﺀ ﺍﻟﻠﻪ ﺑﻌﺪ ﻳﻮﻣﻴﻦ
ﻋﺎﺩﻝ .. ﺧﻴﺮ ﺑﻮﻳﻪ ﺷﻜﻮ ﺑﺎﻟﻌﻤﺎﺭﻩ؟
ﺑﺸﺎﺭ .. ﺗﻌﺎﻗﺪ ﻭﻳﻪ ﺷﺮﻛﻪ ﺻﻴﻨﻴﻪ ﻣﻦ ﺭﺣﻨﻪ ﻗﺒﻞ ﻓﺘﺮﻩ ﻭﺍﺧﺘﺎﺭﺕ
ﺍﻟﻌﻤﺎﺭﻩ ﺗﻨﺼﺐ ﺑﻴﻬﻪ ﺍﻟﺸﺮﻛﻪ ﻭﻻﺯﻡ ﺍﺣﻨﻪ ﻧﺜﺒﺖ ﺍﻟﻌﻘﺪ ﻭﺍﻻﺳﺎﺱ
ﻋﺎﺩﻝ .. ﻭﺷﻜﺪ ﺗﻈﻞ؟
ﺑﺸﺎﺭ .. ﺣﺴﺐ ﺍﻟﺘﺴﻬﻴﻞ ﺍﺣﺘﻤﺎﻝ ٣ ﺍﻳﺎﻡ ﺍﻭ ﺍﻛﺜﺮ ..
ﻗﺒﺲ .. ﺟﺎﻥ ﻳﺤﺠﻲ ﻭﺍﻟﻌﺒﺮﻩ ﺧﺎﻧﻜﺘﻨﻲ ﻛﻤﺖ ﺍﺳﻤﻊ ﻣﻦ ﺍﻟﻨﺎﺱ
ﻛﻠﺸﻲ ﻣﺎﺍﻋﺮﻑ ﻋﻨﻪ ﻭﻳﻦ ﻳﺮﻭﺡ؟ ﻭﻳﻦ ﻳﺠﻲ؟
ﺩﻭﺍﻣﻪ ﺷﻠﻮﻧﻪ؟ ﻛﻠﻪ ﻫﺬﺍ ﺍﺳﻤﻌﻪ ﻣﻦ ﺍﻫﻠﻪ ..
ﻋﺎﺩﻝ .. ﻭﻗﺒﺲ ﺧﻮﻣﺎﺗﻈﻞ ﻭﺣﺪﻫﻪ ﻟﻮ ﺍﺩﺯ ﺍﻣﻚ ﻳﻤﻬﻪ؟؟
ﺑﺸﺎﺭ .. ﺍﻱ ﺍﻣﻲ ﺗﺠﻲ ﻳﻤﻬﻪ
ﺍﻡ ﺑﺸﺎﺭ .. ﻫﻲ ﺧﻠﻲ ﺗﺠﻲ ﻳﻤﻨﻪ ﻣﺎﺍﻛﺪﺭ ﺍﻋﻮﻑ ﺷﺠﻦ
ﺷﻮﻑ ﺣﺎﻟﺘﻬﻪ ﺍﻧﻲ ﺍﻛﻮﻡ ﻭﺍﻛﻌﺪ
ﺑﺸﺎﺭ .. ﻫﺴﻪ ﺍﻟﻠﻪ ﻛﺮﻳﻢ ﺧﻠﻲ ﺍﺷﻮﻑ ﺑﻠﻜﻲ ﺍﺣﺼﻞ ﺑﺪﻳﻞ
ﻳﺮﻭﺡ ﺑﻤﻜﺎﻧﻲ ﻭﺍﺫﺍ ﻣﺎﻛﻮ ﺗﺠﻲ ﻳﻤﻜﻢ
ﻗﺒﺲ .. ﻛﺎﻋﺪﻩ ﻉ ﺍﻋﺼﺎﺑﻲ ﻻﺷﺎﺭﻛﺖ ﺑﺤﺪﻳﺚ ﻭﻻ ﻛﻌﺪﺕ ﻳﻤﻬﻦ
ﺍﺻﻼ ﻣﺴﺎﻓﻪ

ﻋﻦ ﺍﻟﻜﻞ ﻛﺎﻋﺪﻩ ﺑﺼﻔﻪ ﻭﻳﻪ ﺍﻟﺰﻟﻢ
ﻛﻤﻨﻪ ﺍﺣﻨﻪ ﻭﺑﻴﺖ ﻋﺎﻣﺮ ﺳﻮﻩ ﻣﻦ ﺭﺩﺕ ﺍﻃﻠﻊ ﺩﻧﻜﺖ ﻉ ﺷﺠﻦ
ﺑﺴﺘﻬﻪ ﻭﻛﺘﻠﻬﻪ ﺍﻋﺘﺬﺭ ﺗﻌﺮﻓﻴﻦ ﺣﺎﻟﺘﻲ ﺍﻧﻔﻌﻠﺖ ﺣﻴﻞ
ﺟﻨﺖ ﺍﺣﺠﻲ ﻭﺍﻟﺪﻣﻮﻉ ﺍﺗﺠﻤﻌﺖ ﺑﻌﻴﻨﻲ ﻗﺎﺑﻠﺘﻨﻲ
ﺑﺎﺑﺘﺴﺎﻣﻪ ﻛﺎﺫﺑﻪ ﻭﻛﺎﻟﺖ ﻻﻣﺎﺻﺎﺭ ﺷﻲ ..
ﺑﺎﻟﺴﻴﺎﺭﻩ ﻭﺣﺠﻴﺖ ﻣﺎﺍﺗﺤﻤﻠﺖ ﻛﺘﻠﻪ ﻟﻴﺶ ﺍﻧﻲ ﻣﺎﺍﺩﺭﻱ
ﺑﺴﻔﺮﺗﻚ؟؟
ﺑﺸﺎﺭ .. ﻭﻟﻴﺶ ﻻﺯﻡ ﺍﺧﺬ ﺭﺃﻳﺞ
ﻗﺒﺲ .. ﻻ ﻃﺒﻌﺎ !! ﺑﺲ ﻉ ﺍﻻﻗﻞ ﻣﺎ ﺍﺗﻔﺎﺟﺊ
ﺑﺸﺎﺭ .. ﻭﻫﺎﻱ ﻫﺴﻪ ﺳﻤﻌﺘﻲ ﺷﻨﻮ ﺍﻟﻔﺮﻕ
ﻣﺜﻞ ﻣﺎﺍﻧﻲ ﺍﺳﻤﻊ ﻋﻨﺞ ﻣﻦ ﻏﻴﺮ ﻧﺎﺱ ﻭﺍﺳﻤﻊ ﻋﻨﺞ ﺍﻻﺑﺸﻊ
ﺷﻨﻮ ﺍﻟﻔﺮﻕ؟
ﻗﺒﺲ .. ﺷﺴﺎﻣﻊ ﻋﻨﻲ ؟ ﺳﻜﺖ ﻣﺎﺭﺩ ﻋﻠﻴﻪ ﻭﺍﻧﻲ ﻫﻢ ﺳﻜﺘﺖ
ﻣﺎﻟﻲ ﺧﻠﻚ ﺍﺩﺧﻞ ﺑﻨﻘﺎﺵ ﻭﻳﻪ ﻋﻘﻠﻪ ﺍﻟﻘﺎﻓﻞ ..
ﻃﺒﻴﺖ ﻟﻠﺒﻴﺖ ﺑﺪﻟﺖ ﻭﻧﻤﺖ ﺑﺴﺮﻋﻪ ﻻ ﺍﺭﻳﺪ
ﺍﺳﻤﻊ ﻭﻻ ﺍﺭﻳﺪ ﺍﺷﻮﻓﻪ
ﺑﻬﺬﻧﻲ ﺍﻟﻴﻮﻣﻴﻦ ﺑﺸﺎﺭ ﺍﻧﻜﻠﺐ ﻋﻠﻴﻪ ﻣﺜﻞ ﺍﻻﻋﺼﺎﺭ
ﻳﻄﺐ ﻳﻄﻠﻊ ﻳﺘﻌﺎﺭﻙ ﺍﻗﻞ ﺯﻟﻪ ﻭﺻﺎﺡ ﺑﻴﻪ
ﻛﻤﺖ ﻣﺎﺍﺗﺤﻤﻞ ﻳﺴﺎﻟﻨﻲ ﺍﺟﺎﻭﺑﻪ ﺑﺪﻣﻮﻉ ﻣﺎﺍﻛﺪﺭ ﺍﺣﺠﻲ ..
ﺍﺫﺍ ﻟﻜﻪ ﻗﻤﻴﺼﻪ ﻣﺎﻣﻜﻮﻱ ﻳﮕﻠﺐ ﺍﻟﺒﻴﺖ
ﺑﺎﻟﺼﻴﺎﺡ ﻭﻳﻦ ﺟﻨﺘﻲ؟ ﻭﺗﻈﻠﻴﻦ ﺛﻮﻟﻪ؟
ﺑﻴﺶ ﻓﺎﻟﺤﻪ ﻛﻠﻴﻠﻲ ﺑﺲ ﺍﻛﻞ ﻭﻧﻮﻡ؟؟
ﺍﺗﺄﺫﻯ ﻣﻦ ﻛﻼﻣﻪ ﻭﺍﻛﻮﻝ ﺍﺗﺤﻤﻠﻲ ﻳﺎﻗﺒﺲ
ﺍﺗﺤﻤﻠﻲ ﻫﻮ ﺗﻌﺒﺎﻥ ﻭﺍﻟﻤﺮ ﻋﻠﻴﻪ ﻣﻮﺷﻮﻳﻪ
ﻳﺠﻲ ﻳﻮﻡ ﻭﻳﺮﺟﻊ ﺑﺸﺎﺭﺝ ﺍﻟﻘﺪﻳﻢ ﻭﺑﻌﺪﻳﻦ ﻋﺎﺗﺒﻲ ﻉ ﻛﻠﺸﻲ ...
ﺍﻟﻴﻮﻡ ﻃﻠﻌﻨﻪ ﺳﻮﻩ ﻟﻠﺪﻭﺍﻡ ﻭﺍﺧﺬﺕ ﻣﻼﺑﺴﻲ
ﻭﻳﺎﻱ ﻣﺎﺍﺭﻳﺪ ﺍﺭﻭﺡ ﻟﺒﻴﺖ ﻋﻤﻮ ﺑﺲ ﻣﺠﺒﻮﺭﻩ
ﻣﺎﺍﻛﺪﺭ ﺍﻇﻞ ﻭﺣﺪﻱ ﻧﺰﻟﻨﻲ ﺑﺒﺎﺏ ﺍﻟﻤﺪﺭﺳﻪ ﻭﺭﺍﺡ ﻟﻠﻌﻤﺎﺭﻩ
ﻻﺳﻼﻡ ﻭﻻ ﻛﻼﻡ ..
ﺧﻠﺺ ﺍﻟﺪﻭﺍﻡ ﻭﺭﺟﻌﺖ ﻟﺒﻴﺖ ﻋﻤﻮ ﺑﺲ ﻃﺒﻴﺖ ﺍﺧﺘﻨﻜﺖ
ﻟﻜﻴﺖ ﺧﺎﻟﻪ ﺑﺎﻟﻤﻄﺒﺦ ﺳﻠﻤﺖ ﻋﻠﻴﻪ ﻋﺎﺩﻱ ﺑﺲ ﺑﻴﺒﻲ
ﺭﺩﺕ ﺍﻟﺴﻼﻡ ﻣﻦ ﻭﺭﻩ ﺧﺸﻤﻬﻪ
ﻃﺒﻴﺖ ﻟﻠﻐﺮﻓﻪ ﺑﺲ ﺟﺮﺑﺎﻳﺘﻴﻦ ﻭﺣﺪﻩ ﻟﺸﺠﻦ ﻧﺎﻳﻤﻪ ﺑﻴﻬﻪ
ﻭﻭﺣﺪﻩ ﻻﺳﺮﺍﺀ ﺑﻌﺪ ﻣﺎﺑﻨﻮ ﻣﻦ ﺟﺪﻳﺪ ﻏﻴﺮﻭ ﺍﻟﺘﺮﺗﻴﺐ ..
ﺣﻄﻴﺖ ﻏﺮﺍﺿﻲ ﺑﺎﻟﻜﺎﻉ ﻭﺻﺎﻓﻨﻪ ﻭﻳﻦ ﺍﺧﻠﻲ ﻏﺮﺍﺿﻲ
ﺍﻟﻜﻨﺘﻮﺭ ٤ ﺍﺑﻮﺍﺏ ﻭﻛﻠﻬﻦ ﻣﻘﻔﻮﻻﺕ ﺑﺲ ﺷﺠﻦ ﻭﺍﺳﺮﺍﺀ
ﻇﻠﻴﺖ ﻛﺎﻋﺪﻩ ﻉ ﺍﻟﺠﺮﺑﺎﻳﻪ ﺍﻫﺰ ﺑﺮﺟﻠﻲ ..
ﻛﻤﺖ ﻳﻢ ﺷﺠﻦ ﻛﻌﺪﺗﻬﻪ ﺷﺠﻦ ﺷﺠﻦ !! ﻓﺰﺕ ﺷﺎﻓﺘﻨﻲ
ﺳﻠﻤﺖ ﻋﻠﻴﻪ ﺳﺎﻟﺘﻬﻪ ﻉ ﺻﺤﺘﻬﻪ ﻛﺎﻟﺖ ﺯﻳﻨﻪ ﺑﺲ ﻣﺎﺗﺨﻠﻲ
ﻋﻴﻨﻬﻪ ﺑﻌﻴﻨﻲ ..
ﻗﺒﺲ .. ﺍﺭﻳﺪ ﺍﺧﻠﻲ ﻏﺮﺍﺿﻲ ﻻﻥ ﺫﻫﺒﻲ ﺟﺎﻳﺒﺘﻪ ﻭﻳﺎﻱ
ﻭﻓﻠﻮﺳﻲ؟؟
ﺷﺠﻦ .. ﺍﻧﻲ ﻋﻨﺪﻱ ﺑﺲ ﺧﺎﻧﻪ ﻭﺣﺪﻩ ﺍﻟﺒﻘﻴﻪ ﻣﺸﺘﺮﻛﻪ ﺍﻧﻲ
ﻭﺍﺳﺮﺍﺀ ﻛﺘﺒﻨﻪ ﻭﻣﻼﺑﺴﻨﻪ ﻣﺎﻝ ﺍﻟﻜﻠﻴﻪ
ﻫﺬﺍ ﺍﻟﻤﻔﺘﺎﺡ ﻣﺎﻟﺘﻲ ﺿﻤﻲ ﺑﻲ ﺑﺲ ﺍﻧﻲ ﻣﺎﻣﺴﻮﺅﻟﻪ ﻋﻠﻴﻬﻦ
ﻗﺒﺲ .. ﻳﻌﻨﻲ ﺷﻨﻮ؟؟
ﺷﺠﻦ .. ﻳﺮﻭﺣﻦ ﻳﻨﺒﺎﻛﻦ !! ﻣﺎﻟﻲ ﺩﺧﻞ ﺍﻟﺒﻴﻪ ﻛﺎﻓﻴﻨﻲ
ﻣﺎﺑﻴﻪ ﺗﻬﻤﻪ ﺛﺎﻧﻴﻪ !!
ﻗﺒﺲ .. ﺍﻧﻲ ﺍﻋﺘﺬﺭﺕ ﻣﻨﺞ ﻣﺎﺗﻬﻤﺘﺞ ﺑﺲ ﺧﻠﻲ ﻧﻔﺴﺞ
ﺑﻤﻜﺎﻧﻲ ﺍﻧﻲ ﻣﺎﺩﺍﺯﻩ ﺍﻟﺼﻮﺭ ﺑﺲ ﺍﻟﺞ ﺍﺣﺘﻤﺎﻝ ﺍﺣﺪ ﻳﻔﺘﺢ ﺟﻬﺎﺯﺝ ﻭﺍﺣﺘﻤﺎﻝ ﻣﻬﻜﺮﻳﻦ ﺣﺴﺎﺑﺞ
ﺷﺠﻦ .. ﺭﺟﺎﺀﺍ ﺍﺳﻜﺘﻲ !! ﺍﻧﻲ ﻣﻮﺯﻋﻄﻮﻃﻪ ﺣﻠﻔﺘﻠﺞ ﺍﻣﺴﺤﻬﻦ
ﺑﻨﻔﺲ ﺍﻟﻠﺤﻈﻪ ﺍﺫﺍ ﻣﺎﺛﺎﻗﻪ ﺑﻴﻪ ﺷﻜﻮ ﺍﺩﺯﻳﻦ ﺍﻟﻲ ﺻﻮﺭ
ﺍﻧﻲ ﻫﻢ ﺻﻮﺟﻲ ..
ﻗﺒﺲ .. ﺑﺎﻭﻋﺘﻠﻬﻪ ﻭﺳﻜﺘﺖ ﺍﻟﻐﺼﻪ ﺍﺑﻠﻌﻮﻣﻲ ﻣﺎﺗﺨﻠﻴﻨﻲ ﺍﻃﻠﻊ
ﺍﻟﻜﻼﻡ ﻛﻤﺖ ﻣﻦ ﻳﻤﻬﻪ ﺷﻤﺮﺕ ﺍﻟﺠﻨﻄﻪ ﻣﺎﻝ ﺍﻟﻤﻼﺑﺲ ﺟﻮﻩ ﺍﻟﺠﺮﺑﺎﻳﻪ
ﻭﻃﻠﻌﺖ ﺍﻟﻌﻠﺒﻪ ﻣﺎﻝ ﺍﻟﺬﻫﺐ ﻭﺍﻟﻔﻠﻮﺱ
ﻭﻛﻤﺖ ﺍﻧﻄﻴﺘﻬﻦ ﻟﺨﺎﻟﻪ ﺗﻀﻤﻬﻦ ﻳﻤﻬﻪ ﺑﺪﻟﺖ ﻭﻛﻌﺪﺕ ﺑﺎﻟﻤﻄﺒﺦ
ﺍﺳﺮﺍﺀ ﺑﺎﻟﺪﻭﺍﻡ ﺗﻐﺪﻳﺖ ﻭﻳﺎﻫﻢ ﺑﺲ ﺍﻟﻜﻞ ﺳﺎﻛﺖ
ﻋﻤﻮ ﺍﻟﻈﺎﻫﺮ ﻣﺎﻋﻨﺪﻩ ﻣﻌﻠﻮﻣﻪ ﻫﻮ ﺍﻟﻮﺣﻴﺪ ﺗﻌﺎﻣﻠﻪ ﻃﺒﻴﻌﻲ
ﺑﺲ ﺍﻟﺒﻘﻴﻪ ﻻ ﻭﺍﻟﻠﻪ ﻛﺎﻋﺪﻳﻦ ﻉ ﺍﻋﺼﺎﺑﻬﻢ ..
ﻃﺒﻴﺖ ﻟﻠﻐﺮﻓﻪ ﺍﺷﺮﺗﻠﻲ ﺷﺠﻦ ﻧﺎﻣﻲ ﻉ ﺟﺮﺑﺎﻳﻪ ﺍﺳﺮﺍﺀ
ﺑﻌﺪﻫﻪ ﻣﺎﺗﺠﻲ ﺗﺘﺎﺧﺮ .. ﺍﻧﻲ ﺍﺭﻳﺪ ﺍﺧﻠﺺ ﻣﻦ ﺍﻟﻮﺍﻗﻊ
ﺑﺴﺮﻋﻪ ﻧﻤﺖ ﻭﺗﻐﻄﻴﺖ ﺑﺒﻄﺎﻧﻴﻪ ﺟﺪﻳﺪﻩ ﻣﻦ ﺧﺎﻟﻪ ..
ﻓﺰﻳﺖ ﻋﻠﻰ ﺻﻮﺕ ﺍﺳﺮﺍﺀ ﻭﻫﻲ ﺗﻜﻌﺪ ﺑﻴﻪ
ﻛﻮﻣﻲ ﻗﺒﺲ ﻋﻔﻴﻪ ﺍﺭﻳﺪ ﺍﻧﺎﻡ ﺗﻌﺒﺎﻧﻪ
ﻭﺭﺍﻳﻪ ﺍﻣﺘﺤﺎﻥ ﺣﺘﻪ ﺍﻛﻌﺪ ﺍﻗﺮﻩ ..
ﻳﺎﻳﻤﻪ ﺷﺼﺎﺭ ﺑﻴﻪ ﺑﻬﺬﺍ ﺍﻟﻴﻮﻡ ﺭﻛﻀﺖ ﻟﻠﺤﻤﺎﻡ
ﺍﺩﻙ ﻋﻠﻰ ﻛﻠﺒﻲ ﺑﻘﺒﻀﺔ ﺍﻳﺪﻱ ﺍﺣﺴﻪ ﺣﺠﺎﺭﻩ ﻭﺑﺪﺕ ﺗﺘﻔﺘﺖ
ﺍﻟﻢ ﻗﻮﻱ ﻳﻌﺼﺮ ﺑﻜﻠﺒﻲ ﺍﻧﻲ ﺍﻟﻐﺮﻳﺒﻪ !! ﺍﻧﻲ ﻣﺎﻟﻲ ﻣﻜﺎﻥ ﻳﻤﻬﻢ
ﺑﺠﻴﺖ ﺑﺠﻲ ﺣﺴﻴﺖ ﻧﻔﺴﻲ ﺭﺍﺡ ﺍﺗﺨﺮﺑﻂ
ﻏﺴﻠﺖ ﻭﻃﻠﻌﺖ ﻭﻳﻦ ﺍﺭﻭﺡ ﺍﻟﺒﻴﺖ ﻣﻮﻣﺜﻞ ﻗﺒﻞ ﺑﺲ ﻃﺎﺑﻖ ﻭﺍﺣﺪ
ﻣﺎﻛﻮ ﻏﺮﻓﻪ ﺯﺍﻳﺪﻩ ﺍﻛﻌﺪ ﺑﻴﻬﻪ
ﻃﻠﻌﺖ ﺑﺮﺍ ﺑﺎﻟﺤﺪﻳﻘﻪ ﺣﺪﻳﻘﺘﻬﻢ ﺻﻐﻴﺮﻩ
ﻟﻜﻴﺖ ﺧﺎﻟﻪ ﻛﺎﻋﺪﻩ ﻫﻲ ﻭﺷﺠﻦ ﻛﻌﺪﺕ ﻳﻤﻬﻦ
ﺍﻧﺘﺒﻬﻦ ﻋﻠﻴﻪ ﺑﺎﺟﻴﻪ ..
ﺍﻡ ﺑﺸﺎﺭ .. ﻗﺒﺲ ﺍﻧﺘﻲ ﺗﺮﺑﻴﺘﻲ ﻳﻤﻨﻪ ﻭﺍﻟﻠﻪ ﺷﺎﻫﺪ ﺍﻋﺰﺝ
ﺑﻤﻌﺰﺓ ﺑﻨﺎﺗﻲ ﻭﻣﺎﻗﺎﺑﻠﻪ ﻉ ﺍﻱ ﺗﺼﺮﻑ ﻟﺤﺪﺍﻻﻥ
ﺑﺲ ﻛﻠﻴﻠﻲ ﺍﺣﻨﻪ ﺑﺸﻨﻮ ﺍﺫﻳﻨﺎﺝ ﻭﺍﺑﻨﻲ ﺷﻨﻮ ﺫﻧﺒﻪ؟؟
ﻗﺒﺲ .. ﺍﻧﻲ ﺍﺳﺄﻟﻜﻢ ﺍﻧﻲ ﺷﻨﻮ ﺫﻧﺒﻲ ﺟﺒﺖ ﻃﻮﻝ ﻋﻤﺮﻱ
ﻣﺘﻌﻮﺑﻪ ﻭﻣﻦ ﺑﺪﻳﺖ ﺍﻟﻤﺢ ﺧﻴﻂ ﺍﻟﻔﺮﺡ ﻣﺎﻛﻮ ﺗﻬﻤﻪ
ﻣﺎﺗﻜﺮﺑﺴﺖ ﺑﺮﺍﺳﻲ ﻭﻓﻮﻙ ﻛﻞ ﻫﺬﺍ ﻛﻠﻜﻢ ﺗﻌﺎﻣﻠﻮﻧﻲ
ﻣﻌﺎﻣﻠﻪ ﺍﻟﻐﺮﻳﺐ ﻭﻣﺼﺪﻛﻴﻦ ﺍﻟﺼﺎﺭ !!
ﺍﻡ ﺑﺸﺎﺭ .. ﻟﻴﺶ ﻣﺎﺍﻧﺼﺪﻙ ﻭﺍﺣﻨﻪ ﺷﻔﻨﻪ ﺍﻟﺮﺳﺎﺋﻞ
ﺑﻌﻴﻮﻧﻪ ﻭﺷﻔﻨﺎﺝ ﺷﻠﻮﻥ ﺗﺤﺠﻴﻦ ﻉ ﺷﺠﻦ
ﺍﺳﻤﻌﻲ ﺑﻨﺘﻲ ﺳﺎﻟﻔﻪ ﻭﺍﺋﻞ ﻭﺍﻻﻋﺘﺪﺍﺀ ﻣﺤﺪ ﻳﺪﺭﻱ ﺑﻴﻬﻪ
ﻭﻭﺍﺿﺢ ﺑﺎﻟﺮﺳﺎﺋﻞ ﺗﺴﻮﻟﻔﻴﻦ ﻟﻬﺬﺍ ﺍﻟﺘﺤﺠﻴﻦ ﻭﻳﺎ ﻉ ﺷﺠﻦ !!
ﻗﺒﺲ .. ﻳﺎﺭﺳﺎﺋﻞ؟؟
ﺍﻡ ﺑﺸﺎﺭ .. ﻭﺭﺍ ﻣﺸﻜﻠﺘﻜﻢ ﺑﻴﻮﻡ ﺍﺟﺖ ﻫﺪﻯ ﺟﺎﺑﺖ ﺗﻠﻴﻔﻮﻧﻬﻪ ﻭﺷﻮﻓﺘﻨﻪ ﻣﺤﺎﺩﺛﺎﺕ ﺑﻴﻨﺞ ﻭﺑﻴﻦ ﻫﺬﺍ ﺍﻟﺘﺤﺠﻴﻦ ﻭﻳﺎ
ﺗﺤﺠﻴﻦ ﻋﻠﻴﻨﻪ ﻭﺗﺬﻣﻴﻨﻪ ﻭﻣﻄﻠﻌﻪ ﻛﻞ ﺍﺳﺮﺍﺭﻧﻪ
ﻭﺩﻛﻮﻟﻴﻦ ﻛﻞ ﻫﺬﺍ ﺍﻟﻲ ﺍﺳﻮﻱ ﺍﻧﺘﻘﺎﻡ ﺍﻟﻬﻢ ﺷﻠﻮﻥ ﻣﺎﺗﻮ ﺍﻫﻠﻲ
ﺣﺘﻪ ﺯﻭﺍﺟﺞ ﻣﻦ ﺑﺸﺎﺭ ﻫﻮ ﺍﻧﺘﻘﺎﻡ ﻭﺩﻛﻮﻟﻴﻦ ﺍﻧﻲ ﻣﻮﺣﺒﺎ
ﺑﻲ ﺍﻧﻲ ﺍﺭﻳﺪ ﺍﻟﻄﺦ ﺳﻤﻌﺘﻬﻢ ﻻﻥ ﻣﺎﺗﻔﺮﻕ ﻋﻨﺪﻱ ﻫﻮ ﺍﻧﻲ ﺑﻨﺖ ﺳﻤﻴﻪ
ﻗﺒﺲ .. ﺍﺳﻤﻊ ﻭﺻﺪﻣﻪ ﺍﻛﺒﺮ ﻣﻦ ﺻﺪﻣﻪ ﺍﺑﺠﻲ
ﻭﺍﺣﻠﻒ ﺧﺎﻟﻪ ﻭﺭﻭﺡ ﻣﺎﻣﺎ ﺍﻧﻲ ﻣﺎﺳﻮﻱ ﻫﻴﺞ ﺷﻠﻮﻥ ﺗﺸﻜﻮﻥ ﺑﻴﻪ
ﻳﻜﺪﺭﻭﻥ ﻳﺴﻮﻭﻥ ﻣﺤﺎﺩﺛﺎﺕ ﻣﻔﺒﺮﻛﻪ ﻭﻳﺸﻤﺮﻭﻫﻪ ﺑﺮﺍﺳﻲ
ﺍﻡ ﺑﺸﺎﺭ .. ﺳﺎﻟﻔﻪ ﻭﺍﺋﻞ ﻳﺎﻗﺒﺲ ﻣﺤﺪ ﻳﺪﺭﻱ ﺑﻴﻬﻪ ﺑﺲ ﺍﺣﻨﻪ
ﻭﺍﻧﺘﻲ ﺣﺎﺟﻴﻪ ﻛﻞ ﺍﻟﺘﻔﺎﺻﻴﻞ ﻭﻟﺞ ﻳﺎﺑﻨﺘﻲ ﺣﺘﻪ ﻣﻦ ﺧﻄﻔﻬﻪ
ﻭﺷﺼﺎﺭ ﺑﻴﻨﺎﺗﻬﻢ ﺣﺎﺟﻴﺘﻪ ﺑﺎﻟﻘﻠﻢ ﺍﻟﻌﺮﻳﺾ ﻟﻴﺶ ﻫﻴﺞ؟؟
ﺗﺪﺭﻳﻦ ﺍﻟﻤﺤﺎﺩﺛﺎﺕ ﺑﺴﺎﻋﺘﻬﻦ ﻫﺪﻯ ﻣﺴﺤﺘﻬﻦ ﻭﻣﺎﺣﺠﻴﻨﻪ ﻟﺒﺸﺎﺭ
ﺑﺲ ﺍﻧﻲ ﻭﺑﻨﺎﺗﻲ ﻭﺳﻜﺘﻨﻪ ﻫﺎﻱ ﺑﺸﺮﻯ ﻣﺎﺧﻠﻴﻨﺎﻫﻪ ﺗﻌﺮﻑ
ﻭﻣﺜﻞ ﻣﺎﻳﻮﻡ ﺳﺘﺮﺗﻲ ﺑﻨﺘﻲ ﻭﺍﺟﺒﻲ ﺍﺳﺘﺮﺝ ..
ﻻﺗﺒﺮﺭﻳﻦ ﻭﻻﺗﺤﺠﻴﻦ ﺍﻛﻮ ﺷﻐﻼﺕ ﺛﺒﺘﺖ ﻫﻲ ﺍﻧﺘﻲ
ﺍﻛﻮ ﺍﺳﺮﺍﺭ ﻣﺤﺪ ﻳﻌﺮﻑ ﺑﻴﻬﻪ ﺑﺤﺎﺩﺛﻪ ﺷﺠﻦ ﻭﻃﻠﻌﺖ
ﻗﺒﺲ .. ﻟﻴﺶ ﺍﺗﻬﻤﻮﻧﻲ ﻟﻴﺶ ﻣﻮﻭﺍﺋﻞ ﻫﻮ ﺳﻮﺍﻫﻪ ﺣﺘﻪ ﻳﻨﺘﻘﻢ
ﻣﻦ ﺑﺸﺎﺭ ؟؟
ﺍﻡ ﺑﺸﺎﺭ .. ﻭﺍﺋﻞ ﺭﺟﺎﻝ ﻣﺮﻳﺾ ﺍﻟﺴﻜﺮ ﻫﺎﺩﻩ

ومو ﻣﺜﻞ ﻗﺒﻞ
ﺣﺘﻪ ﻃﻠﻌﻪ ﻣﻦ ﺍﻟﺒﻴﺖ ﻣﺎﻳﻄﻠﻊ ﻭﻟﻮ ﻫﻮ ﻣﺎﻳﺤﺠﻲ ﻉ ﻧﻔﺴﻪ
ﻳﺨﺎﻑ ﻣﻦ ﺑﺸﺎﺭ ..
ﻗﺒﺲ .. ﺍﻧﻲ ﺑﺮﺭﺕ ﻫﻮﺍﻱ ﺍﻟﻜﻢ ﻭﻟﺒﺸﺎﺭ ﻭﻣﺤﺪ ﺳﻤﻌﻨﻲ ﻭﻛﻤﺖ ﻃﺒﻴﺖ ﺟﻮﻩ ﺟﺒﺖ ﺍﻟﻘﺮﺍﻥ ﻭﻃﻠﻌﺖ ﻟﺒﺴﺖ ﺣﺠﺎﺑﻲ
ﻭﺣﻄﻴﺘﻪ ﻛﺪﺍﻣﻬﻦ ﻣﺎﺧﻠﺘﻨﻲ ﺍﺣﻠﻒ ﺑﺲ ﺟﻨﺖ ﻣﺼﺮﻩ
ﻣﺎﻋﻨﺪﻱ ﻏﻴﺮ ﺣﻞ
ﻣﺎﻳﻬﻤﻨﻲ ﺍﻟﺼﺪﻛﻮﺍ ﻭﺍﻟﻈﻠﻮﺍ ﺑﺲ ﻣﺎﺭﺩﺕ ﻳﻜﻮﻟﻮﻥ
ﺑﻨﺖ ﺳﻤﻴﻪ ﻭﺍﻛﻴﺪ ﻣﺜﻞ ﺍﻣﻬﻪ
ﺣﻄﻴﺖ ﺍﻳﺪﻱ ﻉ ﺍﻟﻘﺮﺍﻥ ﻭﺍﺑﺠﻲ ﻭﺍﺣﻠﻒ ﻭﺣﻖ ﻫﺬﺍ ﺍﻟﻘﺮﺍﻥ
" ﺍﺫﺍ ﻧﺰﻝ ﻉ ﺟﺒﻞ ﻟﺮﺃﻳﺘﻪ ﺧﺎﺷﻌﺂ ﻣﺘﺼﺪﻋﺂ ﻣﻦ ﺧﺸﻴﺔ ﺍﻟﻠﻪ "
ﻣﺎﻳﻮﻡ ﻓﻜﺮﺕ ﺍﺫﻳﻜﻢ .. ﻭﻻﻳﻮﻡ ﺣﺠﻴﺖ ﻋﻠﻴﻜﻢ
ﻭﺍﺣﺒﻜﻢ ﺍﻛﺜﺮ ﻣﻦ ﺣﺒﻲ ﻻﻫﻠﻲ ﻻﻥ ﺍﻧﺘﻢ ﺻﺮﺗﻢ ﺍﻟﻲ ﺍﻫﻞ
ﻭﻻﻳﻮﻡ ﺧﻨﺖ ﺑﺸﺎﺭ ﻻ ﺑﺎﻟﻜﻼﻡ ﻭﻻ ﺑﺎﻟﻨﻈﺮﻩ
ﻣﺎﺭﺍﺡ ﺗﺼﺪﻛﻮﻧﻲ ﻫﺴﻪ ﺑﺲ ﻳﺠﻲ ﻳﻮﻡ ﻳﺎﺧﺎﻟﻪ ﺗﻌﻀﻮﻥ
ﺍﺻﺎﺑﻌﻜﻢ ﻧﺪﻡ ﻭﻣﻦ ﻫﺴﻪ ﺍﻛﻠﻜﻢ ﻻﺍﻃﻠﺒﻮﻥ ﻣﻨﻲ ﺍﺑﺮﻳﻜﻢ
ﺍﻟﺬﻣﻪ ﻣﺸﻜﻮﻟﺔ ﺫﻣﺘﻜﻢ ﻟﻴﻮﻡ ﺍﻟﺪﻳﻦ ﻉ ﻛﻞ ﻭﺍﺣﺪ
ﺗﻬﻤﻨﻲ ﺑﺸﺮﻓﻲ ﻭﺫﻟﻨﻲ ﺑﻜﻠﻤﻪ ﻭﺑﺘﺼﺮﻑ ..
ﻛﻤﺖ ﺭﺟﻌﺖ ﺍﻟﻘﺮﺍﻥ ﻭﺧﺎﻟﻪ ﺗﺼﻴﺢ ﻭﺭﺍﻱ
ﻣﺎﺳﻤﻌﺘﻬﻪ ﻃﺒﻴﺖ ﻟﻴﺠﻮﻩ ﻧﺎﺭ ﻭﺗﺴﻌﺮ ﺑﺼﺪﺭﻱ
ﺗﻠﻜﺘﻨﻲ ﺑﻴﺒﻲ ﻏﻤﺘﻨﻲ ﻭﻛﺎﻟﺖ ﻫﺎﺍﺍ ﻳﺎﻟﺨﺎﻳﺒﻪ
ﺗﺎﻟﻴﺘﺞ ﻇﻠﻴﺘﻲ ﻣﻜﻔﺨﻪ ﺑﻴﻦ ﺍﻻﺩﻳﻦ ..
ﻣﺎﺟﺎﻭﺑﺘﻬﻪ ﻋﻔﺘﻬﻪ ﻭﻣﺸﻴﺖ ﺣﺎﻳﺮﻩ ﻭﻳﻦ ﺍﺭﻭﺡ
ﺭﺣﺖ ﻛﻌﺪﺕ ﺑﺎﻟﺤﻤﺎﻡ ﻣﺼﺪﻭﻣﻪ !!
ﻣﻮﺑﺲ ﻣﺼﺪﻭﻣﻪ ﻣﺨﺬﻭﻟﻪ
ﺍﺣﺲ ﻇﻬﺮﻱ ﺍﻧﻘﺴﻢ ﻧﺼﻴﻦ ﺍﻟﻄﻌﻨﺎﺕ ﻭﺣﺪﻩ ﻭﺭﻩ
ﻭﺣﺪﻩ ﻣﺎﺍﻛﺪﺭ ﺍﻭﻛﻒ ﻉ ﺭﺟﻠﻴﻪ
ﺍﻟﺨﺬﻻﻥ ﻛﺴﺮ ﻇﻬﺮ ﺍﻧﻐﺪﺭﺕ ﻭﺍﻧﻲ ﺟﻨﺖ ﺷﺎﻳﻠﻪ ﺍﻟﻜﻞ
ﺑﺎﻟﺼﻠﻮﺍﺕ
ﻏﺴﻠﺖ ﻭﻃﻠﻌﺖ ﺗﻠﻜﺘﻨﻲ ﺧﺎﻟﺘﻲ ﺭﺍﺩﺕ ﺗﺤﺠﻲ
ﻫﺰﻳﺖ ﺭﺍﺳﻲ ﻣﺎﺍﺭﻳﺪ ﺍﺳﻤﻊ ﺷﻲ ﺍﻋﺘﺒﺮﻭﻧﻲ
ﺿﻴﻒ ﻋﺪﻛﻢ ﻣﺜﻞ ﻣﺎﺿﻴﻔﺘﻮﺍ ﺍﺳﺮﺍﺀ ...
ﺻﺎﺣﺘﻨﻲ ﺷﺠﻦ ﻭﻣﺎﺟﺎﻭﺑﺘﻬﻪ ﻣﺎﺍﺭﻳﺪ
ﺍﺳﻤﻊ ﺍﻱ ﺻﻮﺕ ﻣﺎﺍﺭﻳﺪ ﻫﺎﻱ ﺍﻟﺬﻟﻪ
ﺍﺗﺤﻤﻞ ﺑﺸﺎﺭ ﻃﻮﻝ ﻋﻤﺮﻱ ﻭﻳﺒﻬﺬﻟﻨﻲ ﻭﻻ ﺍﺷﻮﻑ ﻫﺬﺍ ﺍﻟﺬﻝ
ﺍﻭﻝ ﻳﻮﻡ ﻫﺬﺍ ﺑﺪﻭﻧﻪ ﻭﻫﻴﺞ ﺻﺎﺭ ﺷﻠﻮﻥ ﺍﻛﻤﻞ
ﺍﻻﻳﺎﻡ ﺍﻟﺒﻘﻴﻪ ﺍﺭﻳﺪ ﺍﺧﺎﺑﺮﻩ ﺍﺭﻳﺪ ﺍﻛﻠﻪ ﺗﻌﺎﻝ
ﺍﺧﺬﻧﻲ ﺍﻣﻨﻲ ﻋﻨﺪ ﺍﻟﻐﺮﻳﺐ ﻭﻻ ﻋﻨﺪ ﺍﻫﻠﻚ ..
ﻣﺮﻥ ﻳﻮﻣﻴﻦ ﻳﻤﻬﻢ ﺻﺮﺕ ﺍﻋﺼﺎﺏ
ﺍﻛﻞ ﻣﺎﺍﻛﻞ ﺍﺑﺪ ﺍﺷﺘﺮﻱ ﻛﻴﻜﻪ ﻭﻋﺼﻴﺮ ﺑﺎﻟﻤﺪﺭﺳﻪ
ﻳﺎﺩﻭﺏ ﺍﻛﺪﺭ ﺍﺑﻠﻌﻬﻢ ﻧﻔﺴﻲ ﻣﺴﺪﻭﺩﻩ ﻣﻦ ﻛﻠﺸﻲ ..
ﺻﻮﺗﻲ ﺻﺎﺭ ﻋﺎﻟﻲ ﺍﺗﻌﺎﺭﻙ ﻭﻳﻪ ﺍﻟﻜﻞ ﺣﺘﻪ ﻭﻳﻪ ﺷﺠﻦ
ﺍﺳﺮﺍﺀ ﻛﺎﻣﺖ ﺗﺘﻌﻤﺪ ﺗﺸﻤﺮ ﻣﻼﺑﺴﻲ ﺑﻨﺺ ﺍﻟﻐﺮﻓﻪ
ﻭﺍﺗﻌﺎﺭﻙ ﻭﻳﺎﻫﻪ ﺗﻜﻮﻡ ﺗﺒﺠﻲ ﻭﺍﺳﻤﻌﻪ ﺗﺤﺠﻲ ﻟﺨﺎﻟﻪ
ﺩﻛﻠﻬﻪ ﻫﻲ ﻗﺒﺲ ﺍﻃﻠﻊ ﻣﻼﺑﺴﻬﻪ ﺗﺸﻤﺮﻫﻢ ﻭﺗﻜﻮﻡ ﺗﻌﻴﻂ
ﺧﺎﻟﻪ ﺍﻧﻲ ﺍﺧﺎﻑ ﻣﻦ ﻗﺒﺲ ﺷﺒﻴﻬﻪ ﻣﺮﻳﻀﻪ !!
ﺍﺭﻳﺪ ﺍﻫﺪ ﻋﻠﻴﻬﻪ ﻭﺍﻓﺮﻍ ﻧﺎﺭﻱ ﺑﻴﻬﻪ
ﺑﺲ ﻣﺎﻋﻨﺪﻱ ﺳﻨﺪ ﻭﻣﺎﺍﺳﺘﻐﺮﺏ ﺍﺫﺍ ﻃﻠﻌﻮﻧﻲ ﺑﺎﻟﺸﺎﺭﻉ ..
ﺷﺠﻦ .. ﻛﻠﻨﻪ ﻣﺼﺪﻭﻣﻴﻦ ﺑﻘﺒﺲ ﺍﻟﻤﺤﺎﺩﺛﺎﺕ ﺍﻟﺸﻔﻨﺎﻫﻦ
ﻳﺨﻠﻦ ﺍﻛﺒﺮ ﻭﺍﺣﺪ ﻳﺼﺪﻙ ﻭﺧﺎﺻﻪ ﻣﻦ ﻣﻄﻠﻌﻪ ﺳﺎﻟﻔﻪ ﻭﺍﺋﻞ
ﻛﻠﻨﻪ ﺍﺧﺬﻧﻪ ﻣﻮﻗﻒ ﻋﻠﻴﻬﻪ ﺑﺲ ﻣﺎﻭﺻﻠﻨﺎ ﻟﺒﺸﺎﺭ
ﺑﻴﻮﻡ ﺍﻟﻜﺴﺮﻭ ﺍﻟﺘﺠﺒﻴﺮﻩ ﻣﺎﻝ ﺭﺟﻠﻲ ﺍﺧﺬﻧﻪ ﻋﻤﺮ
ﻭﺑﺎﻟﺮﺟﻌﻪ ﻋﻤﺮ ﻋﻨﺪﻩ ﺷﻐﻞ ﺍﺟﺎﻧﻪ ﻏﻴﺚ
ﺻﺎﺭ ﺷﻜﺪ ﻣﺎﺷﺎﻳﻔﺘﻪ ﻣﻦ ﻗﺒﻞ ﻻ ﻳﺘﺰﻭﺝ ..
ﻣﺎﺑﺎﻭﻋﺘﻠﻪ ﺍﺑﺪ ﺣﺘﻪ ﺳﻠﻢ ﻋﻠﻴﻪ ﻭﻣﺎﺭﺩﻳﺖ ﻋﻠﻲ
ﺍﻟﺴﻼﻡ ﻣﺎﺍﻧﻜﺮ ﺣﺒﻪ ﺑﻌﺪﻩ ﺑﻜﻠﺒﻲ ﺑﺲ ﻣﺎﺍﺭﻳﺪﻩ
ﺷﻄﺒﺘﻪ ﻣﻦ ﺣﻴﺎﺗﻲ
ﺍﻣﺠﺪ ﺍﺑﺪ ﻣﺎﺯﻋﺠﻨﻲ ﻭﻫﺎﻟﺸﻲ ﺧﻼ ﻳﻜﺒﺮ ﺑﻌﻴﻨﻲ ﺍﻋﺘﺮﻑ
ﺑﺤﺒﻪ ﻭﻣﻦ ﺷﺎﻓﻨﻲ ﺭﻓﻀﺖ ﻣﺎﺷﻔﺘﻪ ﺑﻌﺪ
ﻋﻤﻪ ﺑﺴﻤﻪ ﺗﺠﻲ ﺑﺲ ﺗﺒﺠﻲ ﻭﺗﺪﻋﻲ ﻉ ﺍﻟﻜﺎﻥ ﺍﻟﺴﺒﺐ
ﺩﻛﻮﻝ ﻻﻳﺮﻓﻊ ﻋﻠﻴﻨﻪ ﺧﻂ ﻭﻻ ﻳﺨﻠﻴﻨﻪ ﺍﻧﺸﻮﻓﻪ ﺣﺘﻪ ﺭﺍﻳﺤﻪ
ﻟﻠﻤﺨﺘﺒﺮ ﻭﺩﻛﻮﻝ ﺭﺯﻟﻨﻲ ﻭﻛﺎﻟﻲ ﻣﻦ ﺗﺮﺑﻴﻦ ﺑﻨﺎﺗﺞ ﺗﻌﺎﻟﻲ
ﻭﻛﻮﻟﻲ ﻋﻨﺪﻱ ﻭﻟﺪ ..
ﻣﺸﺎﻛﻠﻨﻪ ﻣﺎﺗﺨﻠﺺ ﻧﻄﻠﻊ ﻣﻦ ﻣﺸﻜﻠﻪ ﺍﻧﻔﻮﺕ ﺑﻮﺣﺪﻩ ﺍﻛﺒﺮ
ﻭﻫﺎﻟﻤﺮﻩ ﻣﺸﻜﻠﺔ ﻗﺒﺲ ﻣﺎﻧﺤﺠﻲ ﺑﻴﻬﻪ ﺣﺘﻪ ﻛﺪﺍﻡ ﺍﺳﺮﺍﺀ ﻣﺎﺣﺠﻴﻨﻪ
ﺑﺲ ﺍﻻﻧﺴﺎﻥ ﺗﻠﻘﺎﺋﻴﺎ ﺗﺼﻴﺮ ﻋﺪﻩ ﺭﺩﺓ ﻓﻌﻞ
ﺑﺸﺎﺭ ﺧﺎﺑﺮ ﻉ ﻣﺎﻣﺎ ﻛﺎﻟﻬﻪ ﺍﻃﻮﻝ ﺍﺳﺒﻮﻉ ﻭﺩﻳﺮﺑﺎﻟﺞ ﻉ ﻗﺒﺲ
ﻻﺗﻘﻬﺮﻭﻫﻪ ﺑﻮﻗﺘﻬﻪ ﻣﺎﻣﺎ ﺷﻜﺪ ﺑﺠﺖ ﻛﺎﻟﺖ ﻳﺤﺒﻬﻪ ﻭﻳﻜﺎﺑﺮ
ﻣﺎﻣﺎ ﻛﺎﻟﺖ ﻟﻘﺒﺲ ﺗﺮﻯ ﺑﺸﺎﺭ ﻳﺘﺄﺧﺮ ﻟﻮ ﻋﺒﺎﻟﻚ ﺫﺑﺖ ﻋﻠﻴﻬﻪ
ﻧﻔﻂ ﺍﻧﻔﻌﻠﺖ ﺣﻴﻞ ﺣﺘﻪ ﺑﻴﺪﻫﻪ ﻣﺎﻋﻮﻥ ﻛﺴﺮﺗﻪ
ﻛﺎﻣﺖ ﺗﺼﺮﺥ ﺑﺼﻮﺕ ﻋﺎﻟﻲ ﺩﻣﺮﺗﻮﻧﻲ ﺍﻟﻠﻪ ﻻﻳﻮﻓﻘﻜﻢ
ﻫﻤﺰﻳﻦ ﺍﺳﺮﺍﺀ ﺑﻌﺪﻫﻪ ﺑﺎﻟﺪﻭﺍﻡ ﻭﻣﺎﺷﺎﻓﺖ ﺣﺎﻟﺘﻬﻪ
ﻣﺎﺍﻧﺮﻳﺪ ﺍﺣﺪ ﻳﺪﺭﻱ ﺑﺤﺎﻟﺘﻬﻪ ﺑﻴﺒﻲ ﻛﺎﻣﺖ ﺗﺮﺍﺩﺩ ﺑﻘﺒﺲ
ﻭﺩﻛﻠﻬﻪ ﻓﻮﻙ ﺷﻴﻨﻬﻪ ﻛﻮﺍﺓ ﻋﻴﻨﻬﻪ ﺿﻴﻌﺘﻲ ﺍﻟﻮﻟﺪ
ﻭﻗﺒﺲ ﻣﺎﻣﺎ ﺣﺎﺿﻨﺘﻬﻪ ﻭﻫﻲ ﻣﻨﻔﻌﻠﻪ ﺣﻴﻞ
ﻣﺎﺗﺒﺠﻲ ﺑﺲ ﺗﺼﺮﺥ ﻭﺗﻠﻬﺚ ﺍﺧﺮ ﺷﻲ ﻣﺎﻣﺎ ﺍﺳﺘﺴﻠﻤﺖ
ﻭﺭﻛﻀﺖ ﺭﻓﻌﺖ ﺍﻟﺘﻠﻴﻔﻮﻥ ﺧﺎﺑﺮﺕ ﺑﺸﺎﺭ ..
ﻛﺎﻟﺘﻠﻪ ﻣﺮﺗﻚ ﻣﺎﻧﻌﺮﻑ ﺷﺒﻴﻬﻪ ﻣﻨﻔﻌﻠﻪ ﻭﻛﺎﻣﺖ ﺗﻜﺴﺮ ﺑﺎﻟﻤﻮﺍﻋﻴﻦ
ﻛﺎﻟﻬﻪ ﺍﻧﻄﻴﻨﻴﺎﻫﻪ ﺑﺲ ﺍﺧﺬﺕ ﺍﻟﺘﻠﻴﻔﻮﻥ
ﻭﻛﺎﻣﺖ ﺗﻐﻠﻂ ﻭﺗﺪﻋﻲ ﻉ ﺍﻟﻜﻞ ﺣﺘﻪ ﻉ ﺑﺸﺎﺭ
ﻣﺎﻣﺎ ﺗﺮﻳﺪ ﺗﻬﺪﻱ ﺍﻟﻮﺿﻊ ﺧﺎﻑ ﻣﺎﻳﺴﻜﺖ ﺍﻟﻬﻪ ﻉ ﺻﻮﺗﻬﻪ ﺍﻟﻌﺎﻟﻲ
ﻛﺎﻣﺖ ﺗﺴﺤﺐ ﺑﺎﻟﺘﻠﻴﻔﻮﻥ ﻣﻨﻬﻪ ﻭﻫﻲ ﻣﺎﺗﺮﺿﻰ ﺗﻨﻄﻲ ﻣﺴﺘﻤﺮﻩ
ﺑﺎﻟﻐﻠﻂ ﻭﺍﻟﺼﻴﺎﺡ
ﺳﻤﻌﺖ ﺑﺸﺎﺭ ﻋﺎﻁ ﺑﻴﻬﻪ ﻭﻛﺎﻟﻬﻪ ﻗﺴﻤﺎ ﺑﺎﻟﻠﻪ ﺗﺮﻯ ﻫﺴﻪ
ﺍﺟﻴﺞ ﻣﻦ ﺍﻟﻌﻤﺎﺭﻩ ﻭﺍﻃﻴﺢ ﺣﻈﺞ ﻭﺣﻆ ﺍﻟﻴﻜﻮﻝ ﺧﻄﻴﻪ
ﺗﺨﺒﻠﺘﻲ ﻫﺎﻱ ﺍﻟﺪﻋﺎﻭﻱ ﻭﺍﻟﻐﻠﻂ ﺷﻨﻮ؟؟
ﺑﻴﺒﻲ ﺗﺤﺠﻲ ﻣﻦ ﺟﻬﻪ ﻭﻫﻲ ﺗﺮﺩ ﻉ ﺑﻴﺒﻲ ﺍﺳﻜﺘﻲ ﻻﺗﺪﺧﻠﻴﻦ
ﺍﻧﺘﻲ ﺑﺎﻃﻠﻪ ﻣﺜﻞ ﺑﻨﺘﺞ ﺑﺴﻤﻪ
ﻭﻛﻞ ﻫﺬﺍ ﻭﺑﺸﺎﺭ ﻉ ﺍﻟﺘﻠﻴﻔﻮﻥ ﺻﺎﺡ ﺭﺍﺩ ﻭﻣﺎﺳﻤﻌﺘﻪ
ﺩﻋﺖ ﻋﻠﻲ ﺑﺤﺮﻛﺔ ﻛﻠﺐ ﻭﻫﻲ ﺩﻛﻠﻪ ﺭﻭﺡ ﻋﺴﺎﻙ ﻻﺗﻬﻨﻴﺖ ﻻ ﺍﻧﺖ
ﻭﻻ ﺍﻫﻠﻚ ﻭﻋﺴﺎﻙ ﺑﻨﺎﺭ ﻛﻠﺒﻲ ...
ﻣﺎﻣﺎ ﺳﺤﺒﺘﻪ ﻣﻨﻬﻪ ﻭﺳﺪﺗﻪ ﺑﺴﺮﻋﻪ ﻭﻫﻲ ﺩﻛﻠﻬﻪ
ﺷﻠﻮﻥ ﺗﺤﺠﻴﻦ ﻫﻴﺞ ﻭﺍﻟﻠﻪ ﺍﺫﺍ ﺍﺟﻪ ﻳﺎﻗﺒﺲ
ﻳﻜﺴﺮ ﺭﺍﺳﺞ ﻭﺍﻧﻲ ﻣﺎﺍﺩﺍﻓﻌﻠﺞ ﺗﺤﻤﻠﻲ ﻃﻮﻟﺔ ﺍﻟﺴﺎﻧﺞ ..
ﻇﻠﺖ ﻗﺒﺲ ﻉ ﻫﺬﺍ ﺍﻟﺤﺎﻝ ﻣﺪﺓ ﻳﻮﻣﻴﻦ ﻛﻠﻤﺎ ﻳﺨﺎﺑﺮ
ﺑﺸﺎﺭ ﺗﻜﻮﻡ ﺗﺼﻴﺢ ﻭﺗﻐﻠﻂ ﻳﺮﻳﺪ ﻳﻔﺘﻬﻢ ﻣﻨﻬﻪ ﻣﺎﻛﻮ
ﻛﺎﻡ ﻳﺤﺠﻲ ﻋﻠﻰ ﻣﺎﻣﺎ ﺷﺴﻮﻳﺘﻮﻟﻬﻪ ﻟﻴﺶ ﻫﻴﺞ ﺣﺎﻟﺘﻬﻪ؟؟
ﻭﺍﺣﻨﻪ ﻣﺴﺘﻐﺮﺑﻴﻦ ﻭﺿﻌﻬﻪ ﻻﺗﺎﻛﻞ ﻭﻳﺎﻧﻪ ﻭﻻ ﺗﻨﺎﻡ ﺣﺘﻪ ﺟﻮﻩ
ﻋﻴﻮﻧﻬﻪ ﺍﺳﻮﺩ ﻭﻣﺎﻋﺪﻫﻪ ﻛﻼﻡ ﺑﺲ ﺻﻴﺎﺡ ﻣﺮﺍﺕ ﺍﺷﻮﻓﻬﻪ
ﺗﻜﺮﺹ ﺑﻨﻔﺴﻬﻪ ﺗﻬﻠﺲ ﺷﻌﺮﻫﻪ ﺣﺘﻪ ﺍﺳﺮﺍﺀ ﺩﻛﻮﻝ ﻫﺎﻱ ﺷﺒﻴﻬﻪ ﻗﺒﺲ ﻣﺮﻳﻀﻪ ﻧﻔﺴﻴﺎ ...
...
ﺍﻟﺨﻴﺒﻪ ﻭﺍﻟﺨﺬﻻﻥ ﺍﻟﻲ ﻧﻌﺘﻘﺪ ﻧﻨﺴﺎﻫﺎ ﻭﻧﺘﺠﺎﻭﺯﻫﺎ ﻫﻲ ﻧﻔﺴﻬﺎ ﺍﻟﺸﺤﺮﺟﻪ ﺍﻟﻲ ﺗﺼﻴﺒﻨﻪ ﻗﺒﻞ ﺍﻟﻨﻮﻡ
ﻧﻈﻞ ﻧﺴﻌﻞ ﻧﺴﻌﻞ ﺑﺲ ﻣﺎﺭﺍﺡ ﺗﺨﺘﻔﻲ ﺍﺣﺘﻤﺎﻝ ﺭﺍﺡ ﺗﺨﺘﺒﺊ ﺟﻮﻩ ﺣﺰﻥ ﻋﻤﻴﻖ ﻭﺍﺣﺘﻤﺎﻝ ﺭﺍﺡ ﺗﺠﻲ ﻋﻠﻰ ﺷﻜﻞ ﺭﻏﺒﻪ ﺑﺎﻟﺒﺠﻲ ... ﺍﻭ ﺍﺣﺘﻤﺎﻝ ﺗﺸﻜﻞ ﻋﻠﻰ ﺷﻜﻞ ﺟﺮﺡ ﻣﺎﻳﺸﻔﻪ
ﻛﻞ ﻭﺍﺣﺪ ﺑﻴﻨﻪ ﺩﺍﺧﻠﻪ ﻫﺶ ﺧﻔﻴﻒ ﻣﺜﻞ ﺍﻟﺰﺟﺎﺝ ﻣﺠﺮﺩ ﻣﺎﺗﻌﺼﻒ ﺑﻲ ﺍﻟﺤﻴﺎﺓ ﻳﺘﺤﻮﻝ ﺍﻟﻰ ﺣﻄﺎﻡ ﻣﻦ ﺍﻟﺪﺍﺧﻞ ﺑﺲ

ﻛﻤﻈﻬﺮ ﺧﺎﺭﺟﻲ ﻧﻜﻮﻝ ﻫﺬﺍ ﺍﻻﻧﺴﺎﻥ ﻗﻮﻱ ﻭﻫﺬﺍ ﺍﻟﺸﺨﺺ ﻛﺪﺭ ﻳﻮﻛﻒ ﻋﻠﻰ ﺭﺟﻠﻲ ﻭﺍﺗﺠﺎﻭﺯ ﻛﻞ ﺍﻟﻤﺼﺎﺋﺐ ﺑﺲ ﺍﻟﻨﺎﺱ ﺍﻟﻬﻪ ﺍﻟﻈﺎﻫﺮ ﻣﺤﺪ ﻳﻌﺮﻑ ﺑﺪﺍﺧﻠﻨﻪ ﺷﻨﻮ ..
ﺍﺣﻨﻪ ﺍﻟﻀﻌﻔﺎﺀ ﺍﻟﻲ ﻧﻌﻴﺶ ﻋﻠﻰ ﺍﻟﺬﻛﺮﻳﺎﺕ ... ﺍﺣﻨﻪ ﺍﻟﻲ ﺗﻨﺰﻝ ﺩﻣﻮﻋﻨﻪ ﻣﻦ ﻧﺴﻤﻊ ﺍﻏﻨﻴﻪ ﻭﻧﺪﻣﺮ ﻣﻦ ﺍﺑﺴﻂ ﺗﻔﺼﻴﻠﻪ ﺗﺮﺑﻄﻨﻪ ﺑﺎﻟﻤﺎﺿﻲ ..
ﺍﺣﻨﻪ ﺍﻟﻲ ﺍﻧﺤﻦ ﻟﻤﺎﺿﻲ ﻣﺎﺭﺍﺡ ﻳﺮﺟﻊ ﻭﻻ ﻧﻜﺪﺭ ﻧﻌﻴﺶ ﺍﻟﺤﺎﺿﺮ ... ﻣﺎﻧﺆﻣﻦ ﺑﺎﻻﺗﻲ ﺍﻟﺠﻤﻴﻞ ﻭﻧﻌﻴﺶ ﺑﻤﺎﺿﻲ ﺍﻟﻴﻢ ...
ﺍﺣﻨﻪ ﺍﻟﻲ ﺩﻣﺮﻧﻪ ﻧﻔﺴﻨﻪ ﺑﺎﺩﻳﻨﻪ ﺗﺤﺖ ﻣﺴﻤﻰ ﺍﻟﺤﺐ ﻭﺍﻟﺘﻀﺤﻴﻪ ...
ﻫﻮﺍﻳﻪ ﻧﺎﺱ ﺑﻌﺪﻫﻢ ﺍﺑﺪﺍﻳﻪ ﺍﻟﻄﺮﻳﻖ ﻭﺗﻮﻗﻔﺖ ﺳﻔﻨﻬﻢ ﻋﻦ ﺍﻻﺑﺤﺎﺭ ﻭﻇﻠﻮ ﻳﻌﺎﻧﻮﻥ ﺍﻻﻟﻢ ﻭﺍﻟﺨﺬﻻﻥ ﻭﻳﻌﺪﻭﻥ ﺍﻳﺎﻡ ﺍﻟﻌﻤﺮ ﻭﻛﻞ ﻣﺮﺣﻠﻪ ﻳﻮﻛﻔﻮﻥ ﻋﺪﻫﻪ ﻣﺎﺭﺍﺡ ﻳﻜﺪﺭﻭﻥ ﻳﺘﺠﺎﻭﺯﻭﻫﻪ ...
...
ﺷﺠﻦ .. ﺩﻭﺍﻡ ﻣﺎﻋﻨﺪﻱ ﻣﺎﺧﺬﻩ ﺍﺟﺎﺯﻩ ﻋﻠﻤﻮﺩ ﺭﺟﻠﻲ ﺑﻠﻜﻲ ﺗﺘﺤﺴﻦ
ﻭﺍﻓﺘﺢ ﺍﻟﺘﺠﺒﻴﺮ ﻣﺎﻟﺘﻬﻪ ﺟﻨﺖ ﻛﺎﻋﺪﻩ ﺑﺎﻟﺤﺪﻳﻘﻪ
ﻣﺨﻠﻴﻪ ﺭﺍﺳﻲ ﻋﻠﻰ ﺣﺎﻓﻪ ﺍﻟﻜﺮﺳﻲ ﻭﻋﻴﻨﻲ ﺑﺎﻟﺴﻤﺎﺀ ﺻﻮﺕ ﺍﻟﻌﺼﺎﻓﻴﺮ ﻭﺳﺮﺏ ﺍﻟﺤﻤﺎﻡ ﺍﻟﻲ ﻳﺮﺳﻢ ﺍﺷﻜﺎﻝ ﺟﻤﻴﻠﻪ ..
ﺻﻮﺕ ﺍﻻﻏﻨﻴﻪ ﺍﻟﻤﻔﺘﻮﺣﻪ ﺑﺴﻴﺎﺭﻩ ﺟﻴﺮﺍﻧﻪ ﺍﺳﻤﻌﻬﻪ ﺑﻜﻞ ﻭﺿﻮﺡ ﻭﻛﺎﻧﻮ ﻫﺎﻱ ﺍﻻﻏﻨﻴﻪ ﻻﻣﺴﺖ ﻛﻞ ﺷﻌﺮﻩ ﺍﺣﺴﺎﺱ ﺑﺪﺍﺧﻠﻲ ﻭﺍﺧﺬﺗﻨﻲ ﻟﻠﺒﻌﻴﺪ ﺍﺍﺍﻱ ﺑﻌﻴﺪ ﺣﻴﻞ ...
ﺟﻮﺯ ﻣﻨﻬﻢ ﺑﻌﺪ ﻻﺗﻌﺎﺗﺒﻬﻢ ﺟﻮﺯ .. ﺷﻠﻚ ﻋﺪﻫﻢ ﻧﺎﺱ ﻣﺎ ﺍﻟﻬﻢ ﻋﻬﺪ ﺟﻮﺯ
ﺷﻠﻮﻥ ﺟﺎﺯﻭﻧﻪ ﺑﻬﺠﺮ ﻭﺑﻼﻋﺬﺭ .. ﺗﺎﻟﻲ ﺑﺎﻋﻮﻧﻪ ﺑﺴﻌﺮ ﻣﺎﻳﻨﺬﻛﺮ ..
ﻫﺎﻱ ﻫﻢ ﻗﺴﻤﻪ ﻭﻋﺪ ﺟﻮﺯ ﺟﻮﺯ ﻣﻨﻬﻢ ...
ﻣﺘﻌﻠﻤﻪ ﻳﻮﻣﻴﻪ ﺍﻃﻠﻊ ﺍﻛﻌﺪ ﺑﻬﺬﺍ ﺍﻟﻤﻜﺎﻥ ﻭﺟﻴﺮﺍﻧﻪ ﻋﻨﺪﻩ ﻛﻴﻪ ﻳﺸﺘﻐﻞ ﺑﻴﻬﻪ ﻳﻮﻣﻴﻪ ﻫﻴﺞ ﻭﻗﺖ ﻳﻔﺘﺢ ﺍﻏﺎﻧﻲ ﺑﺴﻴﺎﺭﺗﻪ ﻭﻛﻞ ﺍﻏﻨﻴﻪ ﺍﺳﻤﻌﻬﻪ ﺗﻔﺘﺢ ﺟﺮﻭﺡ ﺟﺪﻳﺪﻩ ...
ﺍﻟﺪﻣﻮﻉ ﻭﺍﻛﻔﻪ ﺑﻄﺮﻑ ﻋﻴﻨﻲ ﺑﺲ ﻋﺎﻫﺪﺕ ﻧﻔﺴﻲ ﻣﺎ ﺍﺑﺠﻲ ﻭﻻ ﺍﺫﻝ ﻧﻔﺴﻲ ﻭﻻ ﺍﺳﻤﺢ ﻻﻱ ﺷﺨﺺ ﻳﻨﻈﺮ ﺍﻟﻲ ﺑﻨﻈﺮﻩ ﻋﻄﻒ ﻭﻳﻜﻮﻟﻮﻥ ﺧﻄﻴﻪ ﺷﺼﺎﻳﺮ ﺑﻴﻬﻪ ..
ﺑﺎﻟﻲ ﻭﻳﻪ ﺍﻻﻏﻨﻴﻪ ﻭﺍﻧﻲ ﺍﺩﻧﺪﻥ ﻭﻳﺎﻫﻪ ﺍﻧﻔﺘﺢ ﺑﺎﺏ ﺍﻟﺒﻴﺖ ﺣﻴﻞ ﻭﻃﺒﺖ ﻗﺒﺲ ﺑﻨﻔﺲ ﻋﺼﺒﻴﺘﻬﻪ ﻭﺻﻴﺎﺣﻬﻪ ﻭﻫﻲ ﺗﺴﺪ ﺍﻟﺒﺎﺏ ﺑﻘﻮﻩ ...
ﺻﺤﺖ ﻭﺭﺍﻫﻪ ﻗﺒﺲ ﻗﺒﺲ ﻣﺎ ﺍﻟﺘﻔﺘﺖ ﻋﻠﻴﻪ ﻃﺒﺖ ﻭﻫﻲ ﺑﻨﻔﺲ ﺍﻟﺴﺐ ﻭﺍﻟﻐﻠﻂ ﻣﺎ ﺍﻛﺪﺭ ﺍﻛﻮﻡ ﻭﻻ ﺭﺟﻠﻴﻪ ﺗﻌﻴﻨﻲ ﺍﻛﻮﻡ ...
ﻛﻤﺖ ﺍﺻﻴﺢ ﻣﺎﻣﺎ ﺍﺭﻳﺪﻫﻪ ﺗﺠﻲ ﺗﻜﻮﻣﻨﻲ ﺍﺳﻤﻊ ﺻﻮﺕ ﻣﺎﻣﺎ ﻭﻫﻲ ﺗﻬﺪﻱ ﺑﻴﻬﻪ ﻭﺩﻛﻠﻬﻪ ﻫﺴﻪ ﻳﺠﻲ ﻭﻳﺴﻤﻌﺞ ﻭﺍﻟﻠﻪ ﺑﻌﺪ ﻣﺎ ﺍﺣﺎﻣﻴﺞ ..
ﺍﺟﺘﻨﻲ ﻣﺎﻣﺎ ﻭﻫﻲ ﺗﺼﻔﻚ ﺑﺎﻳﺪﻫﻪ ﻭﺩﻛﻮﻝ ﺍﻟﻠﻪ ﻳﻬﺪﻱ ﺑﻨﺖ ﻋﻤﺞ ﺍﺧﺎﻑ ﻋﻠﻴﻬﻪ ﻣﻦ ﺍﺧﻮﺝ ﺑﺲ ﻳﺴﻤﻊ ﻫﺎﻟﻠﺴﺎﻥ ﺷﻄﻮﻟﻪ ﺷﻴﺨﻠﺼﻬﻪ ..
ﺷﺠﻦ ... ﻣﺎﻣﺎ ﻋﻠﻴﻤﻦ ﺣﺎﺭﻛﻪ ﺍﻋﺼﺎﺑﺞ ﺍﺷﻮ ﻣﻮﻓﺮﻳﻠﻬﻪ ﻛﻠﺸﻲ ﻭﻫﻲ ﺍﻃﺐ ﺗﻄﻠﻊ ﺗﺘﻬﺠﻢ ﻋﻠﻴﻨﻪ ﺷﺘﺮﻳﺪ ﻣﻦ ﻋﺪﻧﻪ ..
ﺍﻡ ﺑﺸﺎﺭ .. ﺍﺳﻜﺘﻲ ﻳﺎﺑﻨﺘﻲ ﺍﻧﺘﻲ ﻣﺎﻋﻨﺪﺝ ﺣﻆ ﻻﺗﺤﺠﻴﻦ ﻋﻠﻴﻬﻪ ﻫﻲ ﻫﻢ ﻣﺘﺎﺫﻳﻪ ﻻﺗﻠﻮﻣﻴﻬﻪ ..
ﺷﺠﻦ .. ﺍﻟﻠﻪ ﻋﻠﻴﺞ ﻣﺎﻣﺎ ﺷﻮﻓﻴﻬﻪ ﻣﻨﻮ ﻳﻤﻬﻪ ﺗﺮﻭﺡ ﻟﻠﻤﺪﺭﺳﻪ ﻭﺗﺠﻲ ﻣﻨﻮ ﻳﺤﺎﺟﻴﻬﻪ ﻣﻨﻮ ﻳﻜﻠﻬﻪ ﻋﻠﻰ ﻋﻴﻨﺞ ﺣﺎﺟﺐ ..
ﺍﻡ ﺑﺸﺎﺭ .. ﺍﻟﻠﻪ ﻳﻬﺪﻳﻬﻪ ﻣﺎ ﺍﻋﺮﻑ ﺷﺘﺮﻳﺪ ﺑﺎﻟﻀﺒﻂ ﺷﻮ ﺗﻌﺎﻟﻲ ﺧﻠﻲ ﺍﻃﺒﺒﺞ ﺟﻮﻩ ﻭﺍﺣﺠﻲ ﻭﻳﺎﻫﻪ ..
ﺳﻨﺪﺗﻨﻲ ﻣﺎﻣﺎ ﻭﻛﻮﻣﺘﻨﻲ ﻭﺍﺧﺬﺕ ﻟﻴﺠﻮﻩ ﺟﺎﻧﺖ ﻭﺍﻛﻔﻪ ﺗﻐﺴﻞ ﻳﻢ ﺍﻟﻤﻐﺴﻠﻪ ﺍﻧﺘﻈﺮﺗﻬﻪ ﺗﻜﻤﻞ ﺣﺘﻪ ﺍﺣﺠﻲ ﻭﻳﺎﻫﻪ ﻭﻟﻮ ﻣﺎ ﺍﺧﻠﺺ ﻣﻦ ﺍﻟﺴﺎﻧﻬﻪ ..
ﺍﻟﺘﻔﺘﺖ ﻋﻠﻴﻪ ﻛﺘﻠﻬﻪ ﻫﺎﻗﺒﺲ ﺷﺒﻴﺞ ﻋﺼﺒﻴﻪ ﻣﻨﻮ ﻭﻳﺎﺝ؟؟
ﻣﺎﺟﺎﻭﺑﺘﻨﻲ ﻋﺪﺕ ﺍﻟﺴﺆﺍﻝ ﻣﺮﻩ ﺛﺎﻧﻴﻪ ﻭﺟﺎﻥ ﺗﻨﻔﺠﺮ ﺑﻴﻪ ﺑﺬﺍﻙ ﺍﻟﺤﺠﻲ ﺑﺲ ﻋﻮﺯﻫﻪ ﺗﻜﻮﻡ ﺗﻀﺮﺑﻨﻲ ﺳﺐ ﻏﻠﻂ ﻃﻠﻌﺖ ﺍﻟﻤﻮﺗﻰ ﻣﻦ ﻛﺒﻮﺭﻫﻪ ...
ﺻﺪﻙ ﺧﺒﻠﻪ ﻭﺑﻴﻬﻪ ﺧﻴﻂ ﻣﻮﺻﺎﺣﻴﻪ ﺳﻜﺘﺖ ﻋﻨﻬﻪ ﻻﻥ ﺍﻟﺴﺎﻧﻬﻪ ﻣﺘﺒﺮﻱ ﻣﻨﻬﻪ ﻭﻣﺎﻧﻌﺮﻑ ﺷﺘﺮﻳﺪ ﺑﺎﻟﻀﺒﻂ ...
ﺭﺍﺣﺖ ﻟﻐﺮﻓﺘﻬﻪ ﻭﻣﺎﻣﺎ ﺗﺎﺷﺮﻟﻲ ﺍﺳﻜﺘﻲ ﻋﻨﻬﻪ ﺭﻏﻢ ﺍﻟﺴﺎﻧﻬﻪ ﺍﻟﻄﻮﻳﻞ ﺑﺲ ﺗﺤﺒﻬﻪ ﺣﻴﻞ ﻭﺩﻛﻮﻝ ﻳﺘﻴﻤﻪ ﻫﺎﻱ ...
ﺣﻴﺮﺗﻨﻪ ﻭﻣﺎﻋﺮﻓﻨﻪ ﺷﻠﻮﻥ ﻧﺘﺼﺮﻑ ﻭﻳﺎﻫﻪ
ﻣﻮﻫﺎﻱ ﻗﺒﺲ ﺗﻐﻴﺮﺕ ﺟﺬﺭﻳﺎ ﻟﻮﺗﺤﺒﺲ ﻧﻔﺴﻬﻪ ﺑﺎﻻﺳﺘﻘﺒﺎﻝ
ﻟﻮ ﺗﻨﻔﻌﻞ ﻭﻣﺤﺪ ﻳﺘﺤﻤﻠﻬﻪ ﺑﺲ ﻣﺎﻣﺎ ...
ﻗﺒﺲ .. ﻓﻘﺪﺕ ﺑﻬﺎﻱ ﺍﻻﻳﺎﻡ ﺍﺻﻼ ﻣﺎﺍﺩﺭﻱ ﺑﻨﻔﺴﻲ
ﺷﺴﻮﻳﺖ ﻋﻼﺝ ﻣﺎﻋﻨﺪﻱ ﺧﻠﺺ ﻭﻣﺎﺍﻛﺪﺭ ﺍﻃﻠﻊ ﺑﻴﻮﻣﻬﻪ ﺑﺎﻟﺪﻭﺍﻡ
ﻭﻣﺎﻛﺪﺭﺕ ﺍﻇﻞ ﻛﺎﻋﺪﻩ ﻣﺎﺍﻛﺪﺭ ﺍﺿﺒﻂ ﺍﻋﺼﺎﺑﻲ
ﻣﺤﺘﺎﺟﻪ ﺑﻴﺘﻲ ﻣﺎﺍﺭﻳﺪ ﺍﻇﻞ ﻫﻨﺎﺍﺍ ..
ﻣﻦ ﺭﺟﻌﺖ ﻋﺼﺒﻴﻪ ﺍﺟﺘﻨﻲ ﺧﺎﻟﺘﻲ ﺗﺴﺎﻟﻨﻲ ﺷﺒﻴﺞ ﻛﺘﻠﻬﻪ ﺧﺎﺑﺮﻱ
ﺑﺸﺎﺭ ﺍﺭﻳﺪ ﺍﺭﺟﻊ ﻟﺒﻴﺘﻲ ﻣﺎﻗﺒﻠﺖ ﻇﻠﻴﺖ ﺍﺻﻴﺢ
ﻛﺘﻠﻬﻪ ﺍﻃﻠﻊ ﻭﺣﺪﻱ ﻛﺎﻣﺖ ﺧﺎﺑﺮﺗﻪ
ﻛﺎﻟﻬﻪ ﺧﻠﻲ ﻋﻤﺮ ﻳﻮﺩﻳﻬﻪ ﻭﺗﻘﻔﻞ ﺍﻻﺑﻮﺍﺏ
ﺍﻧﻲ ﺭﺍﺟﻊ ﺑﺎﻟﻄﺮﻳﻖ ﺑﺴﺮﻋﻪ ﺟﻤﻌﺖ ﻣﻼﺑﺴﻲ
ﻭﺭﺟﻌﺖ ﻟﺒﻴﺘﻲ
ﻣﺒﺎﺷﺮﺓ ﻃﺒﻴﺖ ﻟﻠﺤﻤﺎﻡ ﺳﺒﺤﺖ ﻭﺭﻛﻀﺖ ﻉ ﻋﻼﺟﻲ ﺍﺧﺬﺗﻪ
ﺑﺪﻳﺖ ﺍﺭﺗﺎﺡ ﻟﻠﻤﻐﺮﺏ ﺍﺟﻪ ﺑﺸﺎﺭ
ﻏﻴﺮ ﺍﻟﺴﻼﻡ ﺑﻴﻨﺎﺗﻨﻪ ﻻﺣﺠﻪ ﻭﻻﺳﺎﻟﻨﻲ ﺷﺒﻴﺞ
ﻫﺬﻳﺞ ﺍﻻﻳﺎﻡ
ﺑﻴﻮﻣﻬﻪ ﻋﻔﺘﻪ ﻭﻧﻤﺖ ﺑﺪﻭﻥ ﻋﺸﻪ
ﻭﺗﻌﺎﻣﻠﻨﻪ ﻣﺜﻞ ﺍﻟﻐﺮﺑﺎﺀ ﺟﻤﺮﺓ ﺍﻟﺸﻮﻕ ﺑﺪﺍﺧﻠﻲ ﻃﻔﺖ
ﻻ ﺍﺷﺘﺎﻗﻠﻪ ﻭﻻ ﺍﺭﻳﺪﻩ ﻣﺘﺄﺫﻳﻪ ﻣﻦ ﻋﻨﺪﻩ ﺣﻴﻞ ..
ﺛﺎﻧﻲ ﻳﻮﻡ ﺭﺣﺖ ﻟﻠﺪﻭﺍﻡ ﻗﺒﻞ ﺣﻠﺔ ﺍﻟﻤﺪﺍﺭﺱ
ﺟﺎﻥ ﺍﻟﺪﺭﺱ ﺍﻻﺧﻴﺮ ﻣﺨﻠﺼﻪ ﺷﻐﻠﻲ ﻭﻛﺎﻋﺪﻩ
ﻣﺎﺍﺣﺲ ﻏﻴﺮ ﺍﺑﻮﻏﺪﻳﺮ ﻭﺍﻛﻒ ﻓﻮﻙ ﺭﺍﺳﻲ ..
ﺳﻠﻢ ﻭﻛﻌﺪ ﻭﺍﻟﻤﺪﻳﺮﻩ ﻭﻳﺎﺍﺍ ﻛﺎﻟﺖ ﺳﺖ ﻗﺒﺲ
ﺍﺳﺘﺎﺫ ﻣﻮﻓﻖ ﺟﺎﻱ ﻣﺨﺼﻮﺹ ﻋﻠﻴﺞ
ﻳﻜﻮﻝ ﺍﻛﻮ ﻣﺸﻜﻠﻪ ﻭﻳﻄﻠﺐ ﻣﺴﺎﻋﺪﺗﺞ ..
ﻗﺒﺲ .. ﻋﻔﻮﺍ ﺳﺖ ﺑﺲ ﺍﻧﻲ ﻣﺎﺍﻋﺮﻓﻪ
ﺍﻟﻤﺪﻳﺮﻩ .. ﻫﻮ ﻳﻌﺮﻓﺞ ﻃﺎﻟﺐ ﻣﺴﺎﻋﺪﺗﺞ ﻣﺎﺑﻴﻬﻪ ﺷﻲ
ﺳﺖ ﻗﺒﺲ ﺍﺳﺘﻘﺒﻠﻲ ﺍﻟﻤﺸﻜﻠﻪ
ﻗﺒﺲ .. ﻃﻠﻌﺖ ﺍﻟﻤﺪﻳﺮﻩ ﻭﻋﺎﻓﺖ ﺍﻟﺒﺎﺏ ﻣﻔﺘﻮﺡ ﻭﺍﻧﻲ ﺻﺎﻓﻨﻪ
ﻉ ﻭﻗﺎﺣﺘﻪ ﻗﺒﻞ ﻻﻳﺤﺠﻲ ﺍﻧﻲ ﺣﺠﻴﺖ !!
ﺍﻧﺖ ﺷﺮﺍﻳﺪ ﻣﻨﻲ ؟ ﺗﻌﺮﻓﻨﻲ؟ ﻣﺄﺫﻳﺘﻚ ﺑﺸﻲ؟
ﻣﻮﻓﻖ .. ﺍﺭﻳﺪﺝ ﺗﺴﻤﻌﻴﻨﻲ ﺍﻋﺮﻑ ﺍﻟﻤﺸﺎﻛﻞ ﺍﻟﻮﻛﻌﺖ ﻉ ﺭﺍﺳﺞ
ﻭﺍﻟﺼﺮﺍﺣﻪ ﺍﻧﻲ ﻣﻘﻬﻮﺭ ﻋﻠﻴﺞ ﻭﻓﺮﺣﺎﻥ ﺑﻨﻔﺲ ﺍﻟﻮﻗﺖ
ﻣﻘﻬﻮﺭ ﻋﻠﻴﺞ ﻻﻥ ﺣﺮﺍﻣﺎﺕ ﻫﺎﻱ ﺍﻟﻌﻴﻮﻥ ﺗﺤﺰﻥ
ﻭﻓﺮﺣﺎﻥ ﻻﻥ ﺭﺍﺡ ﺗﻄﻠﻜﻴﻦ ﻭﺍﻧﻲ ﺍﺧﺬﺝ ﻭﺿﺤﻚ ..
ﻗﺒﺲ .. ﺍﻧﺖ ﺷﻨﻮ ﻣﻦ ﺑﺸﺮ ﻣﺎﻗﺎﺭﻱ ﻗﺮﺍﻥ ﻣﺎﺗﻌﺮﻑ ﺍﻟﺤﺮﺍﻡ
ﺍﻧﻲ ﻣﺮﻩ ﻣﺘﺰﻭﺟﻪ ﻭﻳﻦ ﺗﺮﻭﺡ ﻣﻦ ﺭﺑﻚ ﺗﻬﺠﻢ ﺑﻴﺘﻲ
ﺑﺸﻨﻮ ﻣﺎﺫﻳﺘﻚ ﺍﻧﺖ ﺍﻟﻮﺭﺍ ﺍﻟﺼﺎﺭ ﺑﻴﻪ ﻛﻠﻪ ﺍﺣﺠﻲ ﻭﺩﻛﻴﺖ ﻉ ﺍﻟﻤﻴﺰ !!!
ﻣﻮﺍﻓﻖ .. ﺍﻫﺪﻱ ﻳﺎﺣﻠﻮﻩ ﺍﻫﺪﻱ .. ﺍﻧﻲ ﻋﺒﺪ ﻣﺄﻣﻮﺭ ﻭﺳﻮﻩ ﺣﺮﻛﻪ
ﺍﻟﻔﻠﻮﺱ ﺑﻴﺪﻩ ﺍﺳﺘﻠﻢ ﺍﺟﺮﻱ ﻭﻣﺎﺗﺸﻮﻓﻴﻦ ﻭﺟﻬﻲ ..
ﺗﺮﻳﺪﻳﻦ ﺗﻨﻄﻴﻨﻲ ﺍﻟﻤﺒﻠﻎ ﺍﻟﻲ ﺍﺭﻳﺪﻩ ﻭﺍﺑﺮﺋﺞ ﻛﺪﺍﻡ ﺯﻭﺟﺞ ﻭﺣﺘﻪ
ﺍﻧﻄﻲ ﺍﻻﺩﻟﻪ ﻋﻦ ﺍﻟﺴﻮﻭ ﺑﻴﺞ ﻫﻴﺞ
ﺗﺮﻳﺪﻳﻦ ﺍﻛﻤﻞ ﻃﺮﻳﻘﻲ ﻭﺍﺳﺘﻠﻢ ﺍﻟﻔﻠﻮﺱ ﻣﻦ ﺍﻟﺪﻓﻌﻨﻲ ﻋﻠﻴﺞ
ﺍﻧﻲ ﺣﺒﻴﺖ

أﺳﺎﻋﺪﺝ ﻭﺍﻟﺒﺎﻗﻲ ﻳﻤﺞ
ﻗﺒﺲ .. ﺍﻧﻲ ﺍﺷﻜﺮﻙ ﺣﻴﻞ ﺟﺰﻳﻞ ﺍﻟﺸﻜﺮ ﻻﻥ ﺍﺟﻴﺖ ﻭﻋﺮﻓﺖ
ﻋﻦ ﻧﻔﺴﻚ ﺍﻧﻲ ﻭﺭﺍﻱ ﺭﺟﺎﻝ ﻭﻫﺬﺍ ﺍﻟﺮﺟﺎﻝ ﻫﻮ ﺭﺍﺡ ﻳﻌﻠﻤﻚ
ﺷﻠﻮﻥ ﺗﻨﺪﻙ ﺑﻌﺮﺿﻪ ..
ﻫﺴﻪ ﻛﻮﻡ ﺍﻃﻠﻊ ﺑﺮﺍﺍﺍ ﻗﺒﻞ ﻣﺎ ﺍﺧﺎﺑﺮﻩ ﻭﺍﺧﻠﻲ ﻳﺠﻲ ﻳﺴﺤﻠﻚ
ﺳﺤﻞ ﻭﺍﻻ ﺍﻛﻠﻚ ﺍﺫﺍ ﺍﻧﺖ ﺭﺟﺎﻝ ﺍﻭﻛﻒ
ﻭﻃﻠﻌﺖ ﺑﺎﻟﺒﺎﺏ ﻛﻤﺖ ﺍﺻﻴﺢ ﻉ ﺍﻟﻤﺪﻳﺮﻩ ﺍﻻﺩﺍﺭﻩ ﻛﺪﺍﻣﻲ
ﻉ ﺣﻈﻲ ﺍﻟﻤﺪﻳﺮﻩ ﺗﻔﺘﺮ ﻉ ﺍﻟﺼﻔﻮﻑ ﻭﻫﻮ ﻣﺒﻴﻦ ﺧﺎﻑ
ﺑﺴﺮﻋﻪ ﻃﺨﻨﻲ ﺑﻜﺘﻔﻲ ﻭﻃﻠﻊ ﻳﻤﺸﻲ ﺳﺮﻳﻊ
ﺑﻠﺤﻈﺘﻬﻪ ﺷﻜﺪ ﻓﺮﺣﺖ ﻫﺬﺍ ﺍﻟﻌﺎﺭ ﻧﺎﺳﻴﺘﻪ
ﺣﺘﻪ ﻣﺎﺣﺠﻴﺖ ﻟﺒﺸﺎﺭ ﻋﻠﻲ ﻻﻥ ﻣﺮﻩ ﻛﺎﻟﻲ ﻫﺎﻱ ﻧﻤﺎﺫﺝ
ﺗﻌﺒﺎﻧﻪ ﻭﻋﺒﺎﻟﻲ ﻣﻦ ﺫﻭﻟﻪ ﺍﻟﻴﺮﻛﻀﻮﻥ ﻭﺭﺍ ﺍﻟﻨﺴﻮﺍﻥ
ﺑﺲ ﻃﻠﻊ ﻛﻞ ﺧﺮﺍﺑﻲ ﻣﻦ ﻋﻨﺪﻩ ﻭﻛﺎﻝ ﺍﻧﻲ ﻋﺒﺪ ﻣﺄﻣﻮﺭ
ﻳﻌﻨﻲ ﺍﻛﻮ ﺍﺣﺪ ﺩﺍﺯﻩ ﺍﺟﺖ ﻓﺮﺡ ﻉ ﻋﺒﺎﻟﻲ ﺑﺲ ﺷﺠﺎﺑﻬﻪ
ﻋﻠﻲ ﺻﺎﺭ ﺍﻟﻮﻗﺖ ﺷﻄﻮﻟﻪ
ﺍﺟﻪ ﺍﻟﺨﻂ ﻭﺍﻧﻲ ﻓﺮﺣﺎﻧﻪ ﻭﺍﺧﻴﺮﺍ ﻟﻜﻴﺖ ﻃﺮﻑ ﺑﺮﺍﺋﺘﻲ
ﻣﺎﻋﻨﺪﻱ ﺗﻠﻴﻔﻮﻥ ﺍﺗﺼﻞ ﻭﺑﻬﺬﻳﺞ ﺍﻟﻠﺤﻈﻪ ﺍﻟﻐﺒﺎﺀ
ﺳﻴﻄﺮ ﻋﻠﻴﻪ ﻟﻮﻣﺎﺧﺬﻩ ﺗﻠﻴﻔﻮﻥ ﺍﺑﻮ ﺣﺴﻴﻦ ﻭﻣﺨﺎﺑﺮﻩ ﺑﺸﺎﺭ
ﺑﺲ ﻛﻠﺖ ﺭﺍﺡ ﺍﻭﺻﻞ ﻟﻠﺒﻴﺖ ﻭﻣﻦ ﻳﺠﻲ ﺍﻛﻌﺪ ﻭﻳﺎ
ﻭﺍﺣﺠﻴﻠﻪ ﺣﺘﻪ ﻣﺎﻳﺼﻴﺮ ﻋﺼﺒﻲ ﻭﻳﺘﻬﻮﺭ ..
ﻧﺰﻟﻨﻲ ﺍﺑﻮ ﺣﺴﻴﻦ ﺑﺎﻟﺒﺎﺏ ﻭﺭﺍﺡ ﻭﺍﻧﻲ ﻓﺘﺤﺖ ﺍﻟﺒﺎﺏ
ﻭﻃﺒﻴﺖ ﺑﻌﺪﻧﻲ ﺍﻓﺘﺢ ﺑﺒﺎﺏ ﺍﻟﻤﻄﺒﺦ ﺍﻧﺪﻙ ﺍﻟﺒﺎﺏ
ﺻﺤﺖ ﻣﻨﻮﻭﻭ؟؟
ﺍﺟﺎﻧﻲ ﺻﻮﺕ ﻃﻔﻠﻪ ﺻﻐﻴﺮﻩ ﺍﻧﻲ ﺧﺎﻟﻪ !!
ﺫﺑﻴﺖ ﺟﻨﻄﺘﻲ ﺑﺎﻟﻜﺎﻉ ﻭﺭﺣﺖ ﻟﻠﺒﺎﺏ ﻓﺘﺤﺘﻪ
ﻫﻲ ﻓﺘﺤﻪ ﻫﻲ ﻟﺰﻣﻪ ﻣﻦ ﺧﺼﺮﻱ ﺑﺎﻳﺪ ﺧﺸﻨﻪ
ﺣﻴﻞ ﻭﺍﻻﻳﺪ ﺍﻟﺜﺎﻧﻴﻪ ﺳﺤﺒﺖ ﺭﺍﺳﻲ
ﻭﻣﺸﻪ ﺑﻴﻪ ﺳﺮﻳﻊ ﻟﺠﺎﻧﺐ ﺍﻟﺒﻴﺖ !!
ﻣﻦ ﺻﺪﻣﺘﻨﻲ ﺑﻠﺤﻈﺘﻬﻪ ﻭﻫﻮ ﻛﻠﻪ ﺻﺎﺭ ﺑﺜﻮﺍﻧﻲ
ﻭﻋﺒﺎﻟﻚ ﻣﺘﺤﻀﺮ ﺟﺎﻥ ﻣﺎﻋﺮﻓﺖ ﺷﺴﻮﻱ ﻛﻠﺸﻲ
ﻣﺎﻋﺮﻓﺖ ﺍﺻﻼ ﺑﺴﺮﻋﻪ ﺍﻧﻐﻤﻰ ﻋﻠﻴﻪ ﻭﻭﻛﻌﺖ ﺑﺎﻟﻜﺎﻉ ...
ﺣﺴﻴﺖ ﻋﻠﻰ ﺿﺮﺏ ﺭﺍﺷﺪﻳﺎﺕ ﻉ ﺧﺪﻱ
ﺍﺭﻳﺪ ﺍﻓﺘﺢ ﻋﻴﻮﻧﻲ ﻣﺎﺍﻛﺪﺭ ﻛﻮﻩ ﻛﺪﺭﺕ ﺍﻓﺘﺤﻬﻦ
ﻭﺍﺷﻮﻑ ﻧﻔﺴﻲ ﻣﺪﺩﻩ ﺑﺠﺎﻧﺐ ﺍﻟﺒﻴﺖ ﻣﻦ ﺟﻬﻪ ﺟﻴﺮﺍﻧﻪ
ﺍﻟﻤﺮﻩ ﻃﻠﺒﺖ ﺍﻟﻐﺎﺯ
ﺭﻓﻌﺖ ﺭﺍﺳﻲ ﻭﺍﻧﺼﺪﻡ ﺑﺎﺑﻮ ﻏﺪﻳﺮ ﻛﺎﻋﺪ
ﻛﺪﺍﻣﻲ ﻭﻣﺒﺘﺴﻢ ﻭﻫﻮ ﻳﻜﻠﻲ ﺳﻼﻣﺘﺞ ﻳﺎﺣﻠﻮﻩ !!
.
.
ﻳﺘﺒﺒﺒﺒﺒﻊ .

قمع المشاعر.... الثامن عشر من الجزء الثاني...





‏بَعد عُگبيش؟
‏بَعد ما مَرمَرت روحي
‏بَعد ما كِثرن جروحي
‏بَعد ما مات الگرنفل
بَعد ما خَضّر العاگول مِن نوحي
بَعد عُگبيش؟!
...

قبس.. بعدني بملابس الدوام تنورتي مرفوعه
شويه وطالعه رجلي شالي مفتوح ومبلله من كدما
منكعني بالمي حته انتبه..

جنت بحالة صدمه اباوعله ومركزه على وجهه
بس ماعندي ردة فعل كاعد كدامي مكرفض
ومبتسم وهو يكلي شنو هاي رجلج كيك

قبس.. اريد احرك اديه ورجليه مااكدر حجيت
بقلة حيله كتله شتريد مني واحس نفسي
اريد اتخربط

موفق.. مااريد شي من عندج كتلج اني استلم فلوس
وهذا شغلي ياما سويت هاي الدروب
بس هالمره تختلف ماادري ليش مقهور عليج يمكن لان يتيمه

الظاهر رجلج عنده عداوه جبيره بحيث
دفعوا مبلغ حيل جبير وكالو بس اهدم بيته
وانتي هم مامقصره عندج عدو وحاسود واكتملت
السبحه عليج..

قبس.. حسيت نفسي كدرت اتحرك جان مطمئن مني
لان تعبانه حته مااقاوم وهو كعد بالكاع فاتح رجلي
ومحوطهن باديه ويسولف منطلق

من اندمج بالكلام رفعت رجلي بقوه وضربته
ع المنطقه الحساسه بكل قوتي وغضبي

صاح صوت عالي سمعته الجيران ولم رجليه
وكام يتلوى يريد يرفع نفسه مايكدر..

اني بسرعه من ضربته كمت اركض وهو من الالم
العنده مايكدر يكوم مد ايده عليه يريد يلزمني
ومالحك ظل يتلوى بالكاع..

واني ركضت بسرعه للمطبخ وقفلت الباب عليه
افتريت بكل البيت اتاكد من الابواب مقفوله
دكات كلبي سريعه واحس نفسي بحالة انهيار

لازمة باب المطبخ اريد اشوفه شوكت يطلع
تأخر يله طلع لان جان ورا البيت من جهة ام الغاز
ومشه بنص الطرمه وسوالي بوسه بالهوه
ومخلي ايده ع حزامه والمنطقه الحساسه ويضحك

طلع من الباب واخاف اطلع اقفله خاف يندفع عليه
جنطتي بباب المطبخ ظلت رخت رجليه ولهنا انتهت
القوه العندي وكعدت بالكاع

بجيت لطمت ملخت شعري كمت اضرب
براسي بالكاونتر اسمع صوت عقلي
يصيح ارحميني ..

ساعه مرت كمت فتحت الباب مال المطبخ ازحف
على ركبي واخذت جنطتي وركضت حافيه للباب بسرعه
قفلته ورجعت ركض للبيت

شمرت جنطتي بالكنتور واني ابجي
اخذت ملابس ورحت للحمام دموعي اختلطت ويه المي
افرك بمكان لمسته من خصري اريد ازلغ جلدي

ليش ياربي طول عمري احارب وبيوم
الحبيت بشار كلت لهنا وانتهت المعركه
وطلعت بانتصار!!
هسه ويني من الانتصار صفيت خراب
وبس دخان المعركه نصيبي ..

لبست ملابسي وطلعت اخذت علاجي
هاهي عندي احساس اليوم. اخر يوم
الي اكون انسانه طبيعيه .. بعد الصار مستحيل
راح ارجع بنفس قوتي ونفس قدرتي ع التحمل..

مافكرت باي شي ؟؟ ولا فكرت بكلامه هذا العار
بس بالي مشغول شوكت يجي بشار
اريد احجيله يريد يصدكني؟ يريد يطلكني؟

كوه رفعت نفسي من الكاع وكمت فرشت
سجادتي وصليت اقره بالايات القرانيه
وابجي اشهك واني اردد الله اكبر..

كعدت رافعه اديه ياربي انت اقرب للعبد
من حبل الوريد عشت طول هاي السنين
وانت تحميني مااطلب من بشر اطلب من عندك
اريد تبين برائتي وحوبتي بكل واحد اله ايد بالسالفه..

دعيت وبجيت وكمت لميت السجاده وكعدت بالصاله
بشار يتاخر هوكالي عدهم شغل وهاي الايام
يطلعون اشراف ع التنقيب حته بدلة العمل اخذهه

باوعت للساعه ب٢ ضبط اتصفن بالبيت
كلشي بي يخنكني ..
محتاجه امي! محتاجه اخ اركض اشكيله
ويدافع عني مثل بشار وعمر من دافعوا عن شجن..

بوسط الالمي سمعت صوت الباب انفتح بسرعه
كمزت خاف رجع عليه ركضت للغرفه اريد اقفل
الباب عليه بس لمحته من شباك المطبخ صار كدامي
مدنك يفتح بالباب ..

طلعت واني بحاجته ركضت ركضة الطفل
الشاف ابو !!

جنت واكفه بنص المطبخ وهو فتح الباب
مااتذكر بالضبط شصار وشنو من لحظه مرت عليه

كل الي اتذكره ضربة الراشدي مالته خلتني
وكعت بالكاع واسمع طنين اذني
رجع لزمني من تراكي وضربني الثاني على نفس
المكان هناااا حسيت بسائل نزل من اذني على بلعومي ...

اريد افتح عيني ماكدرت طفت عيني اليسره
من قوة الضربه يشحط بيه ورجليه بالكاع
للصاله هي دفعه هي دفرة ببطني شاغت روحي
صرخت بصوت رج البيت رج..

وكعت بالكاع واديه ع بطني وعيني ماتنفتح اذني
مسدوده مااسمع منهه غير الوشه
خياله كدامي اشوفه اريد اركز بملامحه واشوفه ماكدر..

دنك عليه بمستواي صاح بيه بصوت
ليششششش هيج؟؟ شسويتلج حته ادنكين راسي
شلتج هناااا واشر ع راسه .. اذيت نفسي ومااذيتج
ليش هيج طعنتيني ولج بنص بيتي الي امنتج علي
بنص بيتي اتجيبينه ورجع صاح بيه احجججي
اليوم لو اني لوانتي ؟؟

رفعت راسي علي بس هاي الجمله كدرت احجيهه
اني بريئه روح راجع كاميرة الجيران
اني دافعت عن نفسي..

ماسمعني ضربني راشدي ثاني ع نفس الخد لان صاير
ع ايده كمت اصيح اذني اذني ولازمتهه
مااسمع شي ماطور وانفتح بيهه ..

كل هذا وماسمعني يشيلني من هذا المكان ويرجع
يشمرني بالمكان الثاني
يقبض ايده بقوه ويرفعهه يريد يضربني بس
يدفعني من كدامه لو اوكع بالكاع لو ع التخم

مثل الكره الاسفنجيه صرت بايده
تركني وكام ع المرايه ضربهه

بقوه
الكزاز ترس البيت ايده تنزف ..

شال الطبلات هن والتحفيات العليهن
كام يشمر بيهن عشوائي الي اجت بالحايط
والي اجت بالباب فقد بهاي اللحظه انهار اكثر من حالتي..

اخر شي كعد بالكاع ولازم راسه ومايردد
غير بس ليش هيج سويتي؟؟

مدنك راسه وتخيلي مدري هاي الحقيقيه
صوت بجي وهو يحجي متقطع ..

اذا ناويه تنتقمين مني؟ ليش ماطلبتي
الطلاك ؟؟ ليش دنكتي راسي وصرت علج بحلوك
الجنت سلام ماسلم عليهم

قصرت وياج اني؟ بخلت عليج بحب؟ بفلوس؟
احجيلي شنو قصوري وياج حته ادورين وراي
وتسوين علاقه وانتي ع ذمتي
شكد دافعتلج وشكد بررت وحميتج من نفسي
هاي جزاتهه ياقبس

ذنبي شنو؟ ذنبي حبيتج وتعلقت بيج
ولج من عمرج ١٤ سنه واني اردد براسي قبس الي
ولو اعرف انهي عليهه ومااخليهه تروح مني
جنت اشوفج شلون متأذيه ع اهلج واكول هم يجي يوم
اعوضهه عن هذا الالم كله واصيرلهه اب وام ..

رحتي اسنين واني ادور عليج ماحجيت كدام احد
افتر عليج مثل المخبل واكول بس الكاهه حته مااضربهه
على هزيمتهه لااا اخذهه بحضني والهه الامان

لكيتج وجنت اكابر واجاهد ويه نفسي حته
لا اضعف وبعدني مااعرفج ردت اتاكد من عندج حتلو متزوجه
واطلكتي بس كون مومثل خالاتج وبناتهن

شكد حاولو يخربون بس جنت اشوفج ورقه بيضه
صافيه من كل شائبه وادافعلج بكل اصرار
حته اذا الشك يدخل براسي ابعده واكول دشوفهه هيج
وجه يعرف يلعب ويخون..

رجفتج بيدي واستمر حته ورا زواجنه واني كلما
اتقربلج احس برجفت اظلاعج اكول هي هاي الحبيتهه
بريئه وماعايشه هيج احساس وهسه عاشته وياي..

حبيتج اكثر من روحي وصلت بيه لو اطلبين
عمري انطي الج بس اشوفج مرتاحه
ولج موبس حبيتج تعلقت بيج صرتي انتي
كل حياتي فضلت ع اهلي ولسه اكلج احبج اكثر من اهلي..

تالي هذا الصار قبس ؟؟ حته من لكيت التليفون
ماانكر دب الشك بكلبي وارجع ابرر الج عفت شغلي
مثل المخبل وافتر اريد اعرف منو سوه هيج
لامحكمه مارحتلهه ورفعت دعوه وتوقف الرقم بس محد عرفه

كل همي شغلي؟؟كل همي سمعتي ومستقبلي
ودست عليهن وحميتج حته لاينذكر اسمج بالموزين
وينج عن تضحياتي مااجن بعينج؟؟

طول عمري سجلي نظيف ومن ورا السالفه مالتج
وهملت شغلي ويوميه كتاب انذار وتحذير
واسمي من دون المدراء رايح جاي للوزاره يهددون انفصل
بسبب تخلفي عن الدوام

واني افتر من مكان لمكان اريد خيط الزمه حته
اخذ حقج طبني مرض اني خليني اموت
خلي يصير بيه شي بس انتي شلون؟ سمعتج
شلون بيهه؟؟ موبس اني ادري حته استرهه
لج قبس كومي طعنيني بكلبي وخليني اموت

رغم المي والم اذني زحفت مثل الطفل بالكاع
اريد اوصل يمه هو بالجهه اليمنه واني بالجهه اليسرى
من الصاله جان كاعد ومستند ع الحايط
ومنزل راسه بالكاع وايده تجري دم وقميصه ابيض
ملطخ بالدم..

بايدي الترعش وبقلة حيلتي لزمت وجهه باثنين
اديه عيني مااكدر افتحهه الضربني عليهه بس الثانيه
ومن كدما بجيت ماشوف بيهه من الغواش

عيونه حمر حيل ايده ترعش واعصاب ركبته
بارزه ماكدرت احجي بس خليت كصتي ع كصته
وبجيت

ماادري بجه وياي لو هاي هزة جسمه من العصبيه
لوفعلا بشار دنك راسه وبجه..

دقايق طويله واحنه اثنينه ع نفس الوضع
دموعنه اختلطت شهكات انفاسنه صارت عاليه
اني خسرت وهو خسر راح حبنه وتهدمت حياتنه
بلا سبب!!

بعد راسه من عندي وكام وهو مخلي اديه ع عيونه
من كام ماكدر يوكف لزم الدرج يريد يوصل للمغسله
بس للاسف جنت اسمع اذا الجبل انهز بس هسه
شفته بعيني شلون وكع بالكاع وهو بضخامته وطوله

تخبلت ركضت علي احرك بي جثه وهامده اضرب بوجهه
بشار اكعد عليك الله لاتعوفني
كوم اضربني كوم عذبني كلشي سوي بيه
بس لاتغمض عيونك!!

مديت ايدي بجيبه طلعت تليفونه اني اعرف الرمز
بسرعه طلعت رقم عمر ودكيت علي عمر الحكلي
بشار وكع وحدي بلبيت بسرعه

حيل ماعندي اريد اسنده مااكدر كمت للثلاجه طلعت ثلج
وحطيته بالمي واجيت اشمر بوجهه يفتح عينه
ويرجع يغمضهه يريد يحجي ومايكدر

ايده تحركت وخلاهه ع كلبه بجيت
يم راسه ومااعرف شجنت احجي بس
كل الي اعرفه بشار راح يروح مني ابد ماكدر يكوم
شفته صارت زركه ايده ارفعهه ترجع توكع...

لحدما اجه عمر ورا ربع ساعه اني ماخليت
شعر ماشلعته وجهي خليته يجري دم
بلكي يحس عليه اذي نفسي ويكعد..

عمر هو وغيث جايين ركضت لبست حجابي
وطبوا سندوا اثنينهم واخذوا مااكدر اظل وحدي
عمر يصعد بي بسياره واني ركضت لغيث
ابوس ايدك اخذني وياكم اموت هناا

صاح عمر بيه فوتي جوه كله من جوه راسج
بنت الكلب احسابج بعدين ماترتاحين اله تموتي؟؟

مااهتميت لكلامه ظليت اتوسل بغيث كال اركضي البسي وتعالي مالج شغل بعمر اني اخذج

عمر كام يصيح ع غيث وحرك السياره وراح وعاف غيث
يمي مبين عمر يدري واصلا امبين سيرتي ع كل السان..

ركضت لبست عبايه اسلاميه وقفلت البيت وطلعت ويا
للشارع لان اجه ويه عمر بالسياره
امشي وابجي الله ينطي اخذني الشفته بعين عمر
بس الله يستر منه

وكف تكسي وكاله للمستشفى كلبي نار لازمه تليفون
بشار بيدي واهز برجلي كلساع

ع اباوع ع الساعه
هسه انتبه هسه شصار ؟؟

وصلنه للمستشفى نركض بعد ماغيث خابر عمر
وانطا المكان روحي مفرفحه وصلت اتفاجات عمو عادل وعامر
وجدو كلهم واكفين ..

بس ركضت لعمو عادل ابجي ماحسيت غير عامر يدفعني
ولا كال احنه كدام الناس وبنص المستشفى
دفعني حيل وكال ماذبحنه امج بس خلي يكوم بسلامه
اله بيدي ادفنج يم سميه..

عمو عادل رفع ايده حماني وصاح عامر منا ناس
خلي يكوم بسلامه ونحجي والتفت عليه بعتب
ومبين جان يبجي وكال ليش اجيتي اكعدي ابيتج مااكدر احميج!!

قبس.. ماحجيت بس غيث الله ينطي وكفلي وكفة اخو
حجه وياي كال تعالي هناا وجرلي كرسي كعدت واني
امسح بدموعي راح جابلي بطل مي وهو واكف يمي مثل الحارس

لان عمروعمو وعامر متخبلين وكملهه زوج عمه بشرى من اجه وهو يكول ولكم شنو هاي الفضيحه ابلع بريكي
ومااعرف شصاير بعد ؟؟

كل الانظار عليه عمو عادل تخربط واخذوا للطوارىء
وبشار مانعرف شي عنه مايخلون واحد يفوت
شويه وشفت اشكال اول مره اشوفهه بحياتي

كاعده بعيده بس اسمع صوتهم وهم يتوعدون الي
ويصيحون موكلنه بنت سميه نفس خالاتهه
ارتاح بشار من دنكت راسه وروسنه وطشت فضيحتهه

اختنكت اريد اكوم اصرخ اريد اصيح ولكم
حرام عليكم الله كال لاتقذفوا المحصنات
ولكم وين ترحون من عذاب الله وانتم تاكلون بلحمي

ردت اكوم وغيث منعني من شاف نظرات عمو عامر والي
اجو يصيرون ولد عم عمو عادل كالي كومي قبس
بسرعه كومي!!

قبس.. مااكوم شلون تريدني اروح وبشار
مااعرف مصيره يريدون يكتلوني خليهم اني اريد اخلص
من هاي العيشه..

غيث.. لخاطر بشار كومي سالفتج ع كل السان كومي
قبس والله كلهه ضدج وبشار لسه مامنتبه منو يدافعلج؟؟

قبس.. كمت من خوفي خفت اموت وماشايفته
وخفت اموت ويكولون غسلنه عارهه ويظل طول عمره
يعاني

كمت ويه غيث ومااعرف وين اروح طلعنه برا وهو يتلفت
كال اخذج ابيتي فاطمه يم اهلي ماتجي
قبس.. اخذني لبيتي ؟؟
غيث.. بس عامر متحلف بيج خاف يجيج للبيت
وتصير سالفه..

قبس.. غيث اخذني لبيتي.. بعدني احجي وياا دك تليفونه
اشرلي اسكت وهو يجاوبهه ها عمه شلونج
اسمع صوتهه عالي وهي تبجي وهو يكلهه ماكو شي مرتفع ضغطه
سكت شويه وجاوبهه ماشي لعد من اوصل ادك عليج اطلعيلي!!!

سده منهه وكال هاي ام بشار دكول جيب قبس يمنه
تخاف عليج من عامر انتي عاقله وسباعيه روحي يمهم
عامر يكرهج من زمان وشفتي هذوله شلون يحرضون بي
والشيطان شاطر

قبس.. مااريد اروح اخذني يم عمه بشرى
غيث.. يابشرى قبس انتي ماشفتي رجلهه شيحجي
بطلي اعناد وامشي لبيت عمج ام بشار تحميج هي كالت

قبس.. غيث احلفك بعزيز كلبك احجيلي شصاير
شنو هي فضيحتي ومااعرفهه؟؟
غيث.. دمشي وياي واسولفلج اوكفي هنا خلي اجيب السياره
من عمر ..

قبس.. ركض جاب السويج واجه طلعهه من الكراج
وصعدت ويا بس حرك كتله احجيلي

غيث.. والله ماادري ياقبس اليوم هيج بحدود الساعه ب١٢
اجت رسائل للكل ع الفيس الجان فاتح انترنيت شافهه والمافاتح هسه شافهه من حساب وهمي دز وحذف الحساب..

دنك راسه ماكمل كلامه ظليت اتوسل اله غيث احسبني
اختك اني ماعندي ااخ احسبني عرضك الله عليك احجيلي

غيث.. استغفر الله يابه والله مااكدر احجيهه صور الج ومحادثات بفستان مولائق وتحجين ع بشار وشغله انتقام
ودكولين اخذت بثاري منه ووو...

قبس.. كمت الطم ع وجهي وهو يريد يلزمني مايكدر يمد
ايده طبك السياره ع صفحه وكام يصيح راح انزلج بالشارع
كافي بداعه بشار كافي

لك غيث اني بريئه منو يطلع برائتي شلون اباوع بوجه
الناس واني نظيفه وهم يشوفوني وسخه وقذره
من بنات الشوارع

غيث.. يابه والله اني اجتني الرساله وماصدكت كلت اكيد
ضايع تليفونج لو مهكرين حسابج لان مبينه شغله
كيديه بس جيب اليقنع هاي العقول امثال عامر

حته لابو حوراء دازين حته لوائل خابرتني ساره شايفتهن
لان وائل جان نايم..
دزو للكل وبشار مادزوله الغايه شنو محد يعرفهه

اسمعيني قبس الله شاهد انتي عزيزه عليه ومثل
اختي والسمعته والشفته بعيني مااصدكه لان جانت شجن
تحجيلي عنج وماتثق غير بيج

بس لاتلومين بشار ابد شغلات مايشيلهه العقل واني
لوبمكانه ردت فعلي اقوى لان مامخلين ثغره وحده
حته الواحد يعرف منهه دليل متقنين عملهم باحكام
والغايه موانتي .. غايتهم بشار

لان لوانتي جان فضحوج كدام بشار وحده
مافضحوج كدام الكل حته لهذوله الي اجو دزو رسائل
وكاتبين مرت ابنكم سمعتهه ع كل السان

الكل يعرف كيديه وشغلة كره بس منو راح يصدك
عليهم بالشافته عيونهم

قبس.. شهكت شهكه محمله الم وكتله وبعد
شدزو؟؟
غيث.. عوفج منهم هسه ادعي لبشار يطلع سلامات

قبس.. غيث بداعه عزيز كلبك شكو بعد؟؟
غيث.. والله مااعرف شلون احجيهه بس نفسه الفستان
الماخذه بي صوره ع اساس منطيته لواحد وهو مخلي ع
وجهه وبعد حجي موحلو تحجي

وهو يجيبلج حبوب تحطيهه بالاكل لبشار حته
وسكت...

قبس.. حته شنو؟؟ لك احجي لاتخليني اذب
نفسي جوه السيارات
غيث.. من توصلين اسالي ام بشار تحجيلج
وشغل السياره

مااعرف شلون اوصف ناري لو

أكعد شهر كامل
احجي المر عليه بهذاك اليوم وهذيج الساعه
بالتحديد مااوصف منهه شعره!!

وصلت لبيت عمو وغيث دك ع خاله
ماخلاني انزل اله طلعت بس شفتهه نزلت اركض
شمرت نفسي بحضنهه تبجي وابجي وياهه

اخذتني من ايدي وطببتني جوه جان الكل كاعد
التبجي والتحجي والتغلط عبرتهن واخذتني لغرفتهه
وكالت مااطلعين ابد تقفلين الباب عليج واله تسمعين
صوتي يله تفتحي..

رادت تطلع جريت ايدهه خاله شدازين رساله
اني انطي حبوب لبشار حته شنو؟؟
ام بشار.. حته مايخلف وحته يفقد رجولته انتي كايله
هيج بالرسائل وعافتني وطلعت

قفلت الباب ماخليت لا لطم مالطمت لا دك على كلبي
ضربت راسي بالحايط كمت اعض بلحمي اريد
اشلعه ...

اصواتهم مرهه مقززه اصواتهم قذره مثل
كلوبهم
اني وين؟؟ اني ماانتمي لهذا العالم ربي اخذني
يمك اني مااكدر اصير بقذارتهم..

مااعرف شكد مر بس الاصوات تعلى وترجع
تهدء جنت مخليه راسي بالكاع وسمعت صوت هدى
وهي تصيح اخوووويه يوم!!

فتحت الباب وطلعت اركض شفت عامر واكف هو شافني
وهو هجم عليه بس حمتني عمه بشرى وهدى صارن كدامه

عامر.. وخرن خلني اغسل عارهه هالساقطه راح تموت رجال
يسوه امهه الك....

بشرى... عامر الزم حدك لاتستقوون عليهه
مجرد ماوكع رجلهه خلي يكوم وهو يقرر شيسوي
لاتظل تهوبز وجامعلك شكم واحد وتاكل بلحمهه
عرضك هاي واتقي ربك عندك بنات

عامر..تشبهين بناتي بهاي الساقطه الزانيه
بشرى... عاااااامر وحق الله اذا ماسكتت اسوي المايعجبك
وتعرفني اذا بيك زود هذا الحجي احجي كدام رجلهه
موصرت سبع من شفته وكع

عامر.. احترمي نفسج بشرى لاتخليني امد ايدي عليج
ام بشار.. كافي عامر قبس ابيتي ومالك حق لا انت ولا غيرك
ولاعشيرتكم كلهه تمسهه بسوء بس ابني اله حق
وهو يطلع ويتصرف

ماصار معلوم الكلام صحيح يجوز يكيدوهه يجوز
مظلومه تريد تشيل ذنبهه اخر كلام عندي كل واحد جاي
يهد على قبس ذاك الباب خلي يطلع منه ولايشوفني وجهه

ابني بين الحياة والموت وانتم تستعرضون منو الاقوى
ساعه انت وساعه عمر وفوكاهه ولد عمك جايين هسه
يهدون ..

عامر.. هيج الحجي ام بشار هيج صار ادافعين عن الغلط؟؟
ام بشار.. هيج ونص قبس جنتي واليمسهه يمس بيتي
ومدام ابني لسه ماحجه مالكم حق بحرف واحد

شجن.. طلع عمو عامر وهو يغلط ويصيح وعمه بشرى
حمت قبس ورجعتهه للغرفه

كلنه كاعدين نبجي ذاك اليوم الاسود بعدنه هستونه نصب الغده
وكل واحد بينه ركض ع تليفونه من صوت الاشعارات
واحد يكل للثاني هذا منو وشكو؟؟

ماكو صورة رجال لان مغطي وجهه بالفستان
بس الكلام ماينلبس علي ثوب والمصيبه صورتهه
هي ولابسته ونفسه مخلي ع وجهه عود يشم بي

وسالفه الحبوب وهي دكول نفذت انتقامي
راح اخلي طول عمره بحسرة الطفل والنومه..

مااعرف شلون اخوي تحمل هالكلام شكد تأذى
بحيث ذاك الهيبه وكع هاي الوكعه

اجه عمو عامر وزيد الطين بله وكال انريد انحوله
لغير مستشفى بس حالته ماتسمح لازم ع مسوؤليتنه
بشار ضاربته جلطه قلبيه نتيجه ارتفاع ضغط الدم..

انعادت الايام السوده بيوم الدخل للسجن
اجن خالاتي كلهن وغير احنه منا كلهه تبجي
وياريت مثل السجن هالمره فضيحه وكل اللوم ع قبس..

تقريبا راح يصير المغرب اني جنت اتوضه اريد اقره
قران وطلعت قبس فاتت من يمي صحتهه قبس ماالتفتت
عليه لزمت يدة الباب مال الحمام ماخليتهه تسده

شجن.. قبس شوفي وجهج بالمرايه عينج زركه تعالي خليلهه
ثلج لايصير بيهه شي
قبس.. عوفيني وامشي من كدامي..

شجن.. سدت الباب حيل واني رحت للغرفه اريد اقره قران
واسمع صوت فرح وهي تصيح الحكولي..

طلعت ع صوتهه وهدى يمي بسرعه كمزت
وماانشوف غير قبس منيمه فرح بالكاع وبيدهه سجين اللحم
وحاطتهه ع ركبة فرح وبالثانيه العوده مال الماسحه

كلهه تعيط قبس عوفيهه عمه بسمه كلبت البيت بالصياح
ماما تتوسل بقبس تعوفهه بس موطبيعيه ابد
الي اشوفه بقبس موبس قوه بهذيج اللحظه
انهيار تام..

كامت وسحلت فرح من شعرهه ولازمه السجين
اي واحد يتقرب تريد ادجه بيهه
بحيث فرح وحدهه بيد قبس

كامت تشيل براس فرح وتضرب بي بالكاع
ضربتهه دفرات ببطنهه وع وجهه
دنكت عضتهه من اماكن متفرقه من جسمهه

وكلساع انكول راح تفوت السجينه
بكلبهه من صريخ عمه بسمه دفرت فرح حيل وكامت ع عمه
صاحت بيهه بصوت تخافين عليهه هاي الساقطه

انتي وبناتج وشكو واحد حجه عليه ساقط
عبالكم اكعد اتوسللكم عوفوني لاتكتلوني هاي اني
كاعده هنا وخلي كوا... يجي عليه الا احطهه بكلبه

شجن.. جاي اشوف فلم رعب قبس منين جابت هاي القوه
ولا وحده بينه كدرت تفتح حلكهه بحرف
الكل بعيد واكف ايد بيهه السجينه والايد الثانيه شعر فرح
خصل طويله مشلعتهن..

اشرت لاسراء بالسجينه تعالي تعالي!!

البنيه كامت تبجي وتصرخ انقذوني منهه
وقبس تضحك اجتهه نوبه جنونيه
شالت الحذاء اليمهه وشمرته ع اسراء

كلما تتحرك فرح تدفرهه برجلهه تكسرت
تكسر حته الدم يطلع من خشمهه
واي واحد يتقرب لفرح يريد يكومهه
تهد علي بالسجينه

تقربت عليهه عمه بشرى لازمه التليفون بيدهه
وتحاجيهه قبس بنيتي

هاج هذا بشار ع التليفون
يريد يحاجيج
ذبي السجينه انطينياهه وحاجي خطيه باله يمج!!

قبس.. حجت بفرحه صدك كعد انطينيا احاجي وهاج
السجينه ..
بشرى.. اخذتهه من ايدهه واخذت قبس للغرفه ودكلهه تعالي هنا خابري حته لحد يسمعكم

شجن.. مدري شلون تعاملت عمه بشرى وياهه واخذتهه من ايدهه وشمرتهه ع التخم واخذت قبس للغرفه
مثل الطفل من يجذبون علي ويقشمرو

قبس.. وينه بشار اتجذبين عليه موو؟؟
بشرى.. اهدي عمه شجاج !!
قبس.. ولي من وجهي انتي هم ساقطه مثلهن

بشرى.. خلفله عليج مقبوله منج
قبس.. قابل جذب؟ انتي مواخت بسمه يعني انتي مثلهه
اني هسه موبنت سميه يعني مثلهه كل الي بالبيت ساقطين..

بشرى.. اي عمه كلامج صحيح كلنه ساقطات
لعد بسمه شنو واني اخت بسمه وليهمج اهم شي انتي
تقبلين

قبس.. اريد اذبح فرح
بشرى.. اني وياج نذبحهه بس موهسه؟؟
قبس.. شوكت؟؟

بشرى.. من يجي بشار حته ينطينه المسدس مالته
قبس.. خاف مايقبل
بشرى.. لا يقبل هو يحبج ومارفضلج طلب

قبس.. اريده خلي يجي هسه
بشرى.. عمه قبس شتحسين سولفيلي؟؟
قبس.. عقلي يوجعني جيبي ايدج حكي
جاي يحكني بي نمل

بشرى.. انتي بوعيج عمه؟
قبس.. اريد بشار جيبي هسه
بشرى.. تعالي نامي وهسه اخابره اكله عوف الدوام وتعال الهه
حته يجي ينومج بحضنه

شجن.. واكفه وابجي ع حالتهه قنعتهه عمه وخلتهه تمدد بفراش ماما وغطتهه وظلت تقره ايات قرانيه
على راسهه واني ركضت جبت حب منوم من عندي
انطيتهه حبايه اخذتهه ونامت...

طلعت برا شفت فرح ملعوب بخلقتهه لعب
شعرهن مكطع وعضه قويه بخدهه وبزندهه
ضاربتهه بالماسحه ع رجليهه تصيح منهن
ولازمه بطنهه تبجي..

عمه بسمه رادت تدعي وتحجي بس عمه بشرى سكتتهه
رادت تاخذ فرح وتكوم بس بيبي كامت تصيح
مااطلعن واذا اكو واحد يطلع هاي الساقطه بنت سميه..

اتجادلت ويه ماما لان ادافع لقبس وعمه بشرى
كامت تحجي وبالاخير عمه بسمه راحت واخذت فرح
وفاطمه وراحت..

لليل يله اجه عمر كال انتبه بشار بس بعده مامتعدي
مرحلة الخطر كالو مده ٧٢ ساعه يله انطلعه

عمر شكد جان عصبي ومتحلف بقبس
بس هسه ساكت ماحجه وطلع من جيبه شريط
حب كال هذا انطو الهه خلي تبلعه ..

مرت هاي الليله بالالم والخوف والقلق
التفكير هلكنه وكلما يندك التليفون نركض
خاف خبر موزين

محد تعرض لقبس طول هاي الايام
لحدما اليوم كالو راح يطلع بشار رحت اركض
اريد ابشرهه لكيتهه صافنه بالفراغ

هزيتهه اكثر من مره يله انتبهت
حته مافرحت شكلهه يخوف خدهه ازرك وعينهه زركه
حته جهه من شفتهه مورمه
ماتبجي ولاتصيح بس ساكته..

حضرنه جربايه بالاستقبال. اكيد تجينه ناس
وبيومهه فاديه يمنه جانت بالشهر الثامن وعدهه اوجاع
خاف تصير عدهه ولاده...

عمو عامر ماشفنا بعد شويه ودخل بابا
مبتسم بس وجهه شاحب اصفر ٣ ايام هو للصبح
يظل يسبح ويصلي ويدعي تعدي ع خير..

كعد يمنه بالمطبخ وهو يوصي ماما كون ماكوشي نقص
بشار متعود ع هدوء ابيته هنا صوت مااريد

ام بشار.. عادل عمر شو سكت جان كالب الدنيا بالصياح
حته قفلت الباب ع قبس خاف يأذيهه

عادل.. موحصل رزاله من بشار غسلهم غسل
ام بشار.. شوكت؟؟

عادل.. اول ماانتبه هواي ناس يمه والطبيب صاح بيهم
كال حاليا وضعه زين بس اله ٧٢ ساعه يله انطلعه
وطلع الناس الجايه كلهه بقينه بس اني وعامر وابوي وعمر
اني وصيتهم لاتفتحون الموضوع ويا اله يصير
زين وهم ظلو ساكتين..

هو الله يسلمه يحبهه اول مافرغت الغرفه سأل منو جابني
هنا!؟
عمر.. اني وغيث؟
بشار.. منو خابركم؟
عمر.. قبس

بشار.. وهسه وينهه؟؟
عامر.. شكو تسال عليهه كوم بسلامه ونعرف نسولف
ندري بيك تستر الهه بس لهنا وبس لازم نخلي حد لهاي
الفضيحه

بشار.. يافضيحه؟؟ وانت منو حته تحجي وياي بهالاسلوب
وتكول فضيحه

عامر.. اني عمك والماخذه بنت اخوي المات وماعرف يربي
بشار.. كح بصعوبه وكال هسه مالي حيل اكوم واناقشك
بس اكلك كلمتين اياك ثم اياك اسمع حرف واحد موزين تحجي
عنهه لا كدامي ولا بظهري

عامر.. عفيه ببن اخوي عود هاي انت الجبير اكعد وبرر
لهاي الزلم الواكفه برا الشافوا صور مرتك شبه عريانه

بشار.. صاح صوت كلت راح ينجلط وكام يحجي بصعوبه
وكال هاي الزلم التحجي عنهم اله احط الق... بحلوكهم
واليكول رجال خلي يوكف بوجهي ويذمهه

صار عصبي حيل مايدري بسالفه الرسائل واصله للكل
عباله بس عمر يدري تفاجئ من سولفله وكاله شكو واحد عندك
علاقه بي جايته رساله

تخربط بسرعه واجو قاسوا ضغطه مرتفع
وكام يحجي علينه الطبيب وطلعنه بس بعدين
دز ع عمر وكاله روح اخذ علاج قبس ودي الهه ووصي امي عليهه

الحجيه.. كل السوته وبعده يحبهه والله بخت ال....
عادل.. يمه قبس ربت يمنه وماشفنه شي موزين منهه
والسوه هيج واحد قريب علينه حته يعرفنه ويعرف حساباتنه
حته رجل هدى شعرفه بحسابه لوماقريب علينه

الحجيه.. ظلو دافعولهه وهي كل الزلم شافت صورتهه
وزنودهه اني من شفتهه استحيت

عادل.. استغفر الله يمه لاتحجين ترى الشرف غالي وكل كلمه
دكوليهه ترجع عليج لان بنت رضا موبنت غريب

وبعدين حته لاسامح

الله اكو هيج شي واجبنه نسترهه
لان الله يحب الساترين ولو اني اثق بيهه مثل مااثق ببناتي
ومحد اله شي يمهه بس بشار يريد يطلكهه يريد يبقيهه
شي راجعله

الحجيه.. ولك والفضيحه الماتسولف جنة اختي دكول
زلمنه شايفين الصوره ويكولون والله حلوه مرت بشار

عادل.. هذا اليحجي هيج ناقص غيره واصل
اني عمهه وماشفت الصوره بس شفت هيج مسحتهه
بس اليسوي هيج هذا يجي يوم وتطلع ببناته

اني ويه ابني شيريد يسوي اني ويااا خلي يطلع
ونكعد ونحجي ومرته لحدما ياخذهه هي امانه عدنه

شجن.. ظلوا واحد يرفع وواحد يكبس
صارت ب١١ اجوو طلعت عمه بشرى هلهلت
وماما تبجي حضنتنه

كلنه ركضنه علي بوسنا تعبان حيل ماتلوكله
هاي الوكعه ابد طب لاستقبال عمر وغيث وامجد
جانو موجودين

كلما ارفع راسي تجي عيني بعين امجد ماانتبهت
ع غيث ابد كامت تشاقه ويااا عمه بشرى
موذاك بشار اليحب يداهر عمه وصوت ضحكهم عالي

طلعوا غيث وامجد وعمر راح وياهم التفت عليه
وكال شجن جيبيلي تليفوني شوفي وين؟؟

تليفونه عند قبس رحتلهه للغرفه لكيتهه نازله من الجربايه ومكرفصه نفسهه مسويه وضعيه الجنين ونايمه
بالكاع

كتلهه قبس اجه بشار ماتكومين تشوفي؟؟ ماجاوبتني!!
كتلهه زين وين تليفونه يريده!!

اشرتلي ع الميز اخذته وديته اله شويه وكالت ماما عوفو يرتاح يله كومو من كمنه صاح شجن ابقي وانتم اطلعوا..

كعدت يمي ع الجربايه ايده جانت ملفوفه بشاش
يمكن مجروحه وهو جان يباوع بتليفونه شويه وشمره بصفه!!

بشار.. تعرفيني اثق بيج لذلك اريد منج شغله
شجن.. من عيوني بس كول
بشار.. اول شي قبس شلونهه؟

شجن.. موزينه مااعرف شبيهه اله تتعارك ماما يله تاكل لفه صغيره وماتحجي وكلما افوت الكاهه صافنه وتنام بالكاع ترفع الزوليه وتنام ع الكاشي البارد

بشار..بلع ريكه وعلاجهه تاخذه؟؟
شجن.. عمر جاب علاج انطيته الهه ماتاخذه نفسه وكلما
احاجيهه ماترد عليه يمكن داخله بصدمه قويه

بشار.. وين هسه؟
شجن.. بغرفة ماما!!
بشار.. ممم احجيلي بالتفصيل يارسائل واصله الكم كومي شوفيني

شجن.. نفسهن ماكوشي جديد
بشار.. ادري سالفه الفستان وصلني بس اريد الوصلن الكم بالذات
شجن.. بلاول ماقبلت انطي بس صاح بيه كمت انطيته تليفوني
قراهن وضرب تليفوني بالحايط تفلش..

ورد عليه شكو حافظتهن احجي!! شكو مخليتهن بجهازج
حته مثل الصور وبعدين مانعرف منو الاخذهن؟؟

شجن.. والله العظيم نسيت لان التهيت بالصار
وبالنه يمك نسيت امسحهن

بشار.. يعني هم نسيتي بيوم صور قبس ونكرتي وكلتي
امسح بلحظتهه؟؟

شجن.. والقران لاا مايوم خليت صوره بشار قبس
احبه والله كلبي متكطع عليهه بس مااعرف الصور شلون
طلعن..

بشار.. شجن حدج منا لليل اريد الاسماء بورقه شكو واحد جايته الرساله من بيتنه ومن برا بيتنه شكم واحد اجتنه هاي المحادثات مو ع اساس دازيهن ب١١ بيوم الحادث..

شجن.. واني شلون اعرف؟؟
بشار.. ماادري انتي واخواتج منا لليل اريد الاسماء
روحي دوري انتي وياهن واشرلي اطلع بسرعه!!

شجن.. طلعت من يمه واني حايره شمعرفني المن دزو الرسائل
حجيت لهدى وفاديه كامن يدورن وياي
اجه ابالي امجد كمت دزيتله رساله شرحتله السالفه
كال للعصر اجيبهن..

مااعرف غاية بشار شنو وليش يريد يعرف
المن اندزن؟ بس العليه اجيبله الاسماء..

قبس.. مريت بمرحلة ماتسولف اصلا مااتذكر
اي حدث حته كتلة فرح مااتذكرهه مو بوعي الكامل
اله سولفنهه الي..

تحاجيني شجن ودكلي اجه بشار بس صوتهه ضعيف
اسمع بأذن وحده الثانيه الضربني عليهه طفت فدمره
بس وشه واحس بسائل يتحرك بيهه..

جنت مدده بالكاع جسمي نار رغم الجو شته بس
الحراره تطلع من كل مكان بجسمي ارفع الزوليه وانام
ع الكاشي يله ارتاح..

انفتح الباب وعبالي مثل كل مره شجن لان تحوم فوكاي
بس شميت عطره بسرعه غمضت عيوني
وجمدت اعصابي..

كعد ع الجربايه سمعت صوتهه من كعد واني منطيته ظهري
حجه بصوت قريب ع الهمس اذا كاعده كومي اريد احجي وياج!!

رفعت جسمي من الكاع وكمت وكفت كدامه كتله الحمدلله
ع السلامه رفع راسه باوعلي مثل الفز ورد الله يسلمج..

اشرلي اكعد بصفه كعدت واني احس ببرود موطبيعي
مو بمشاعري لاا بكلشي حته بالالم مااحس

بشار.. ليش ماتاخذين علاجج
قبس.. مااريده
بشار.. تأذين نفسج
قبس.. خلي
بشار.. اكو احد ضربج هنا؟؟
قبس.. لااا
بشار.. اسمعي الي راح اكوله..

انتي عرضي بنت عمي قبل لاتكونين مرتي
سواء غلطتي او بريئه حاليا مااشوف كدامي
اي دليل يكول انتي بريئه اكو صوت بداخلي يكول
اكو واحد ورا هاي السالفه بس مااكدر ابرئج اله اشوف
بعيني..

خليني اكون واضح وياج ما احب اغشج ولا احب
امثل واتصنع!!
انتي مخيره تريدين تبقين هناا؟؟
تريدين ترجعين لبيتج؟؟
بس بالحالتين اني بعيد عنج لا اطالبج بحقوق ولا اطلبيني
بشي

قبس.. طلگني!!

بشار.. رفع حاجبه وهو صاك اسنانه مااطلكح هسه خلي تعبر
مده ع السالفه يله اطلكج لان راح تثبت التهمه عليج

قبس.. مايهمني المهم اكو الله يعرف بيه بريئه
ماتهموني كلكم

بشار.. قبس لاتستعجلين شكدما انتي متأذيه
اني اضعاف

واتخيل صورج تشوفهه هيج شكول زفره
ويحجون بيهه وفرك وجهه بعصبيه وكام

طلاك هسه مااطلك اختاري لو هنا تظلين ؟؟ لو تجين ابيتج
وبالحالتين اني وياج ع ورق..

عافني وطلع مابجيت ولا اجتني الحاله
لان اصلا دخلت بطور العزله وسيطرت عليه
الاوهام بالكامل..

فتحت الباب وطلعت ادور علي صارت اسراء
بوجهي باوعتلي باستهزاء وفاتت..

رحت للاستقبال لكيته هستوه يريد يمدد سديت الباب
وكتله اريد احجيلك بيومهه شصار؟؟

بشار.. لاتحجين اني احجيلج اني مخلي كاميرات بالباب وبالحديقه
وشفت بعيني ياقبس وياريتني ميت وماشفت

قبس.. بس اني بريئه هو طب تهجم عليه بشار
حته ضربته وماخليته يلمسني طلع التصوير
بشار.. ماكو كاميرا بهذيج الجهه لان مامحسب هيج يصير

قبس.. روح لجيرانه عدهم كاميرا صورتنه اكيد الله
عليك روح وتاكد بنفسك اني مااريد شي منك
حتلو تشمرني بالشارع بس اريد اثبتلك اني نظيفه

بشار.. تدرين هذا النذل من شفته عرفته ورحت
لام حسن لان تعرفه ودلتني ابيته ورحتله طلع شايل
وظليت هايم بالشارع افتر بلكي الكاا بس رجعتلج

وهسه من طلعت انطيت معلوماته وطلع مسافر هو وبنته
حته مديرتكم تكول نقل بنته وتدرين شكالت؟؟
كالت ليش تسال علي ترى ست قبس تعرفه ويجي دائما عليهه
عبالي كرايبكم

قبس.. جذابه هو اجه بيومهه كال اني السويت هيج انطيني فلوس وابرئج لان اكو شخص دافعله حته يأذيك

بشار.. للاسف مااصدكج ابد لاتحجين وهسه عوفيني وحدي
قبس.. براحتك لاتصدك

شجن.. هوايه خطار يجينه اسراء مالهه صوت وفرح مااجتنه
بعد الاسماء انطانياهم امجد واخذتهن لبشار وكتله من امجد
ماكو غريب كلهم اولاد عم بابا...

بشار جان مصر يسوي كعده وجمع الكل وخاصه هذوله ودزو
ع شيخ عشيرتنه وبيومهه بشار دافع عن قبس وحماهه من
كل كلمه انكالت عنهه وكالهم السوه هيج اعرفه يكيدني
ووكعت بمرتي

هاي الصور ماخذتهه بتليفونهه ومن اسافر ادزهن الي
وقبل اشهر ضاع تليفونهه او بالاخرى انسرق منهه
وسوو هاي المكيده

وطلب منهم الشيخ تليفونات الموجودين كلهم وحذفوا الصور
والمحادثات وظلوا يعتذرون من بابا وبشار
شلون شكو وشلون حجوا كلام موحلو

كالهم بشار اي كلمه تنكال بحق مرتي
معناتهه مسيتو شرفي هالمره صارت كعده بالتافهم وبمايرضي
الله المره الثانيه احاسبكم واحد واحد

انسدت السالفه ورجعت الامور طبيعيه
وبشار تحسن وكال اليوم بليل ارجع لبيتي..

قبس.. اختاريت ارجع ويااا ماعندي احد
رغم بعدني مذنبه بنظره ونظر اهله بس
املي بربي يجي يوم ويطلع الحق..

خليت رجلي بلبيت واني اتلفت بين
الحيطان طب كدامي للحمام
واني نظفت الهوسه الصارت بذيج الساعه السوده..

رجعت لبيتي الجنت بي مثل الورده الفواحه
بس هسه بس جسد وحته جسد موصاحي
ماكتله ع اذني رغم طفت نهائيا وصرت اسمع
بتك وحده ...

مااعرف حياتي بعد هاي الليله الرجعت بيهه
شراح تكون؟؟
راح ادخل بمعاناة جديده لو راح اشوف شعاع الفرح
يشرق على ايامي المعتمه..

.
.
يتبببببع...

ﻗﻤﻊ ﺍﻟﻤﺸﺎﻋﺮ .... ﺍﻟﺘﺎﺳﻊ ﻋﺸﺮ ﻣﻦ ﺍﻟﺠﺰﺀ ﺍﻟﺜﺎﻧﻲ ...






ﻣِﻦ ﻗﻠﺐ ﺍﻷﻟﻢ ﺃﺗﻜﻠﻢ .. ﻣِﻦ ﻭﺳﻂِ ﺍﻭﺟﺎﻉ ﺭﻭﺣﻲ
ﻣﻦ ﺑﻴﻦ ﺗﻠﻚ ﺍﻟﺨﻨﺎﺟﺮ ﺍﻟﻤﻄﻌﻮﻧﺔ ﻓﻲ ﻗﻠﺒﻲ
ﻻ ﻃﺎﻗﺔ ﻟﻲ ﻟﺘﺮﻛﻬﺎ ﻭﻻ ﻃﺎﻗﺔ ﻟﻲ ﻷﺯﺍﻟﺘﻬﺎ ,
ﺗﺴﺘﻤﺘﻊ ﺍﻟﺪﻣﻮﻉ ﻭﻫﻲ ﺗﺘﺮﺍﻗﺺ ﻋﻠﻰ ﻭﺟﻨَﺘَﻲ
ﻻ ﺍﻋﺮﻑ ﻣﺎﺫﺍ ﻳﻌﺠِﺐ ﺍﻟﺪُﻧﻴﺎ ﺍﻛﺜﺮ ﺍﺻﻮﺍﺕ ﺷﻬﻘﺎﺗﻲ
ﺍﻟﺘﻲ ﺗﺘﻌﺎﻟﻰ ﺍﻡ ﺭﺟﻔﺔ ﺷﻔﺘﻲَّ ؟؟
ﺍﻳﻦ ﺍﻧﺖ ﻳﺎ ﺃﻣﻠﻲ ﺍﺗﻬﻮﻥ ﻋﻠﻴﻚ ﺩﻣﻮﻋﻲ؟؟
ﺍﻳﻬﻮﻥ ﻋﻠﻴﻚ ﺍﻥ ﺗﺘﺮﻙ ﻣﻦ ﺗﻤﺴﻜﺖ ﺑﻚ ؟؟
ﺍﺑﻌﺪ ﻫﺬﺍ ﻛﻠﻪ ﺗﺘﺮﻛﻨﻲ ﻭﻻ ﺗُﺨﺒﺮﻧﻲ ﺑﺎﻟﺴﺒﺐ ﺣﺘﻰ؟؟
ﻳﺎ ﺃﻣﻠﻲ ﺑﻲ ﺻﺮﺧﺔ ﺗﺮﺝُّ ﺍﻟﺪُﻧﻴﺎ ﻭﻣﺎ ﻓﻴﻬﺎ ..
ﺍﻟﻜِﺘﻤﺎﻥ ﻣﺆﻟﻢ ﻭﺍﻟﺒﻮﺡ ﻟﻐﻴﺮﻙَ ﺃﻛﺜﺮ ﺍﻟﻤﺎً
....
ﻗﺒﺲ .. ﺍﻧﺤﺒﺴﺖ ﺑﻴﻦ ٤ ﺣﻴﻄﺎﻥ ﻛﺮﻫﺖ ﻛﻠﺸﻲ
ﻛﺮﻫﺖ ﻧﻔﺴﻲ ﺍﻟﻀﻌﻴﻔﻪ ﻭﻛﺮﻫﺖ ﺣﺒﻲ ﻟﺒﺸﺎﺭ
ﺣﺘﻪ ﺍﻫﻠﻲ !!
ﺻﻔﻴﺖ ﻭﺣﻴﺪﻩ ﻻﺻﺪﻳﻘﻪ ﻋﻨﺪﻱ ﻭﺍﺷﻜﻴﻠﻬﻪ
ﻭﻻ ﺍﻡ ﺍﺧﻠﻲ ﺭﺍﺳﻲ ﻉ ﺻﺪﺭﻫﻪ ﻭﺗﻬﻮﻥ ﻋﻠﻴﻪ
ﻻ ﺍﻳﺪ ﺍﺏ ﺗﻤﺴﺢ ﻉ ﺭﺍﺳﻲ ﻭﻳﺪﻋﻴﻠﻲ ﺑﺼﻼﺗﻪ !!
ﻭﺣﻴﺪﻩ
ﻣﻈﻠﻮﻣﻪ
ﻣﺮﻳﻀﻪ
ﻛﺪﺍﻡ ﻋﻴﻨﻬﻪ ﺗﺸﻮﻑ ﺗﻬﺪﻡ ﻋﺎﺋﻠﺘﻬﻪ
ﺧﺴﺎﺭﺗﻬﻪ ﻟﺰﻭﺟﻬﻪ !!
ﺍﻓﺘﺢ ﻋﻴﻨﻲ ﺍﻟﺼﺒﺢ ﺑﺲ ﺍﻟﺤﻴﻄﺎﻥ ﻛﺪﺍﻣﻲ
ﺗﻌﺒﺖ ﺣﻴﻞ ﻋﻼﺟﻲ ﺗﺮﻛﺘﻪ ﻧﻬﺎﺋﻴﺎ ﻣﺎﺭﻳﺪﻩ
ﺍﻧﻲ ﺍﺭﻳﺪ ﺍﻓﻘﺪ ﻋﻘﻠﻲ ﺣﺘﻪ ﻣﺎﺍﻓﻜﺮ ﺣﺘﻪ ﻳﻜﻮﻟﻮﻥ ﻻ ﻉ ﺍﻟﻤﺠﻨﻮﻥ ﺣﺮﺝ !!
ﺑﺸﺎﺍﺍﺍﺭ ﻳﺎﻭﺟﻊ ﻛﻠﺒﻲ ﺍﻧﻲ ﻭﻳﺎ ﻏﺮﺑﻪ ﻭﺍﺣﺪ ﻣﺎﻳﻌﺮﻑ
ﺍﻟﺜﺎﻧﻲ ﻳﺠﻲ ﻣﻦ ﺍﻟﺪﻭﺍﻡ ﺍﻟﻤﻐﺮﺏ
ﻻ ﻳﺘﻐﺪﻩ ﻭﻻﻳﺘﺮﻳﻚ ﺑﺎﻟﺒﻴﺖ ﻣﺮﺍﺕ ﻳﺘﻌﺸﻪ ﻭﻣﺮﺍﺕ ﻳﻜﻮﻝ ﻣﺎﺍﺷﺘﻬﻲ
ﻳﻨﺎﻡ ﺑﺎﻻﺳﺘﻘﺒﺎﻝ ﺑﻌﻴﺪ ﻋﻨﻲ !!
ﻏﺮﻓﺘﻲ ﻣﺎﻳﻔﻮﺗﻬﻪ ﻏﻴﺮ ﺑﺲ ﻭﻗﺖ ﻣﺎﻳﺎﺧﺬ ﻣﻼﺑﺴﻪ
ﻭﺑﺎﻟﻔﺘﺮﻩ ﺍﻻﺧﻴﺮﻩ ﻛﺎﻝ ﺣﻀﺮﻳﻬﻦ ﺑﺮﺍ ﻣﺎﻳﺮﻳﺪ
ﻳﻔﻮﺕ ﻭﻻ ﻳﺮﻳﺪ ﻳﻠﻤﺤﻨﻲ ..
ﻏﺮﺍﺿﻪ !! ﺳﺎﻋﺎﺗﻪ ! ﻋﻄﻮﺭﻩ ! ﻫﺬﻧﻲ ﻛﻠﻬﻦ
ﻃﻠﻌﻬﻦ ﻉ ﺍﻟﻄﺒﻠﻪ ﺑﺎﻻﺳﺘﻘﺒﺎﻝ ﻗﺎﻃﻌﻨﻲ
ﻧﻬﺎﺋﻴﺎ ﺣﺘﻪ ﻣﻼﻣﺤﻪ ﻛﻤﺖ ﻣﺎﺍﺷﻮﻓﻬﻪ ﻻﻥ ﺑﺲ
ﻳﺼﻴﺮ ﻛﺪﺍﻣﻲ ﻟﻮﻳﺪﻧﻚ ﻟﻮ ﻳﺪﻳﺮ ﻭﺟﻬﻪ ..
ﺍﻛﻌﺪ ﺍﻟﺼﺒﺢ ﻭﺣﺪﻱ ﺑﻠﺒﻴﺖ ﺍﺟﺒﺮ ﻧﻔﺴﻲ ﻉ ﺍﻟﺮﻳﻮﻙ
ﻏﺪﻩ ﻣﺎﺍﺗﻐﺪﻩ ﺍﺫﺍ ﻛﻠﺶ ﺍﻛﻞ ﻓﻮﺍﻛﻪ
ﻭﻋﺸﻪ ﻣﺮﺍﺕ ﻫﻮ ﻳﺠﻴﺐ ﺟﺎﻫﺰ ﻭﺍﻛﻠﻪ ﻭﻣﺮﺍﺕ ﺍﻧﺎﻡ ﺑﺪﻭﻥ
ﺍﻛﻞ ﻧﻔﺴﻲ ﻣﺴﺪﻭﺩﻩ ﻣﻦ ﺍﻱ ﺷﻲ ..
ﺻﺎﺭ ١٠ ﺍﻳﺎﻡ ﺿﺒﻂ ﻉ ﺭﺟﻌﺘﻲ ﻟﻠﺒﻴﺖ
ﺟﺎﻧﺖ ﺍﻟﺴﺎﻋﻪ ﺏ١٠ ﺑﻠﻴﻞ ﺣﺎﻭﻟﺖ ﺍﻧﺎﻡ ﻭﻳﻦ ﺍﺭﻭﺡ
ﻣﺎﻛﺪﺭﺕ ﻛﻤﺖ ﻣﻦ ﻓﺮﺍﺷﻲ ﺭﻓﻌﺖ ﺷﻌﺮﻱ
ﻭﻃﻠﻌﺖ ﻟﻼﺳﺘﻘﺒﺎﻝ ..
ﻟﻜﻴﺘﻪ ﻣﺪﺩ ﻭﻳﺘﺼﻔﺢ ﺑﺘﻠﻴﻔﻮﻧﻪ !!
ﻇﻠﻴﺖ ﻭﺍﻛﻔﻪ ﻓﻮﻙ ﺭﺍﺳﻪ ﻧﺰﻝ ﺍﻟﻔﻮﻥ ﻭﻛﺎﻝ ﺭﺍﻳﺪﻩ ﺷﻲ؟؟
ﻗﺒﺲ .. ﺍﺭﻳﺪ ﺍﺣﺠﻲ ﻭﻳﺎﻙ؟
ﺑﺸﺎﺭ .. ﺍﺣﺠﻲ ﺍﺳﻤﻌﺞ ﻭﺭﻓﻊ ﻧﺺ ﺟﺴﻤﻪ ﻭﺍﺳﺘﻨﺪ
ﻉ ﺍﻟﺘﺨﻢ ﻭﺷﺒﻚ ﺍﺻﺎﺑﻊ ﺍﺩﻳﻪ ﻭﻛﺎﻝ ﺍﺳﻤﻌﺞ ﺑﺲ ﺍﺑﺪ ﻣﺎﺑﺎﻭﻉ ﺑﻮﺟﻬﻲ !!
ﻗﺒﺲ .. ﺗﺬﻛﺮ ﻣﻦ ﺟﻨﺖ ﺑﺎﻟﺸﺮﻛﻪ ﻭﻛﺘﻠﻚ ﺍﻛﻮ ﺳﻴﺎﺭﻩ
ﺗﻤﺸﻲ ﻭﺭﺍﻱ ﻭﺑﻴﻬﻪ ﺍﻡ ﺣﺴﻦ ﻭﺳﺎﻟﺘﻬﻪ ﻭﻛﺎﻟﺖ ﺍﺷﺘﻐﻞ ﻋﺪﻫﻢ؟؟
ﺑﺸﺎﺭ .. ﺍﻳﻲ
ﻗﺒﺲ .. ﺍﻡ ﺣﺴﻦ ﻣﺮﻩ ﺳﻮﻟﻔﺘﻠﻲ ﻛﺎﻟﺖ ﻫﺬﺍ ﺍﻟﺮﺟﺎﻝ ﺗﻮﺭﻃﺖ
ﻭﻳﺎﺍ ﺍﺷﺘﻐﻠﺖ ﻋﺪﻫﻢ ﻭﻛﺎﻝ ﺍﻧﻲ ﺍﺳﺎﻋﺪﺝ ﺟﺎﻧﺖ ﻣﺤﺘﺎﺟﻪ ﻓﻠﻮﺱ
ﻭﻣﻨﻄﻴﻬﻪ ﻭﺭﻩ ﻣﺪﻩ ﻛﺎﻳﻠﻬﻪ ﺍﺭﻳﺪ ﻓﻮﺍﺋﺪ ﻋﻠﻴﻬﻦ ﻳﻌﻨﻲ
ﻳﺸﺘﻐﻞ ﺑﺎﻻﺭﺑﺎﺡ ﻳﻌﻨﻲ ﻣﺮﺍﺑﻲ ..
ﺑﺸﺎﺭ .. ﺍﺍﺍﻱ
ﻗﺒﺲ .. ﻭﺑﻮﻗﺘﻬﻪ ﺳﺄﻟﺖ ﺍﻡ ﺣﺴﻦ ﺷﻠﻮﻥ ﺗﺎﺧﺬﻳﻦ ﻣﻨﻪ
ﻭﻣﺎﺗﻌﺮﻓﻲ ﻛﺎﻟﺖ ﺳﺖ ﻣﻴﺎﻣﻴﻦ ﻋﺮﻓﺘﻨﻲ ﻋﻠﻲ
ﻭﻫﺴﻪ ﺳﺖ ﻣﻴﺎﻣﻴﻦ ﺍﻛﻠﻬﻪ ﺳﺎﻋﺪﻳﻨﻲ ﺩﻛﻮﻝ ﻫﻮ ﻫﺬﺍ ﺷﻐﻠﻪ
ﻫﻴﺞ ﻣﻨﻮ ﻛﺎﻟﺞ ﺗﺎﺧﺬﻳﻦ ﻣﻨﻪ !!
ﺑﺸﺎﺭ .. ﻳﻌﻨﻲ؟
ﻗﺒﺲ .. ﻳﻌﻨﻲ ﻣﻴﺎﻣﻴﻦ ﺗﻀﻮﺝ ﻣﻨﻚ ﺍﺣﺘﻤﺎﻝ ﻣﺘﻔﻘﻪ ﻭﻳﺎﻩ
ﻭﺳﻮﺕ ﻫﺎﻟﺸﻲ ﺍﻧﻲ ﻣﺎﺍﻋﺮﻓﻪ ﻭﺭﻭﺡ ﺍﻫﻠﻲ
ﺑﺸﺎﺭ .. ﻟﻨﻔﺮﺽ ﺗﻌﺮﻓﻪ ﺷﻮﺻﻞ ﺻﻮﺭﺝ ﻳﻤﻪ؟
ﺯﻳﻦ ﺷﻠﻮﻥ ﻳﻌﺮﻑ ﺍﻧﻲ ﻣﺎﻣﺨﻠﻲ ﻛﺎﻣﻴﺮﺍﺕ ﺑﺎﻟﺠﻬﻪ ﺍﻟﺜﺎﻧﻴﻪ؟
ﺯﻳﻦ ﺳﺎﻟﻔﻪ ﺍﻟﻄﻔﻠﻪ ﻟﻴﺶ ﺧﻠﻴﺘﻴﻨﻲ ﺍﺷﻴﻞ ﺍﻟﻜﺎﻣﻴﺮﺍﺕ
ﻭﺑﻴﻮﻡ ﺍﻟﺼﺎﺭ ﻃﻔﻠﻪ ﺩﻛﺖ ﺍﻟﺒﺎﺏ ﻭﺍﻧﺘﻲ ﺫﺑﻴﺘﻲ ﺟﻨﻄﺘﺞ ﻭﺭﺣﺘﻲ ﻓﺘﺤﺘﻲ؟
ﺯﻳﻦ ﺍﻟﻔﺴﺘﺎﻥ ﺷﻮﺻﻠﻪ ﺍﻟﻪ؟ ﻭﺷﻮﺻﻞ ﺍﻟﺘﻠﻴﻔﻮﻥ ﺑﻤﻼﺑﺴﺞ؟
ﺷﻤﺪﺭﻱ ﺍﻧﺘﻲ ﺗﺨﺎﻓﻴﻦ ﻣﻦ ﺍﻟﻄﻔﻠﻪ ﻭﺗﻜﻮﻟﻴﻦ ﺭﺍﺡ ﺍﺧﻠﻲ ﻳﺸﻴﻠﻬﻦ؟
ﺷﻤﺪﺭﻱ ﺍﻧﺘﻲ ﺗﺎﺧﺬﻳﻦ ﻣﺎﻧﻊ؟ ﻟﻨﻔﺮﺽ ﺻﻮﺭﺝ ﻃﻠﻌﺖ ﻣﻦ ﺷﺠﻦ ﺑﺪﻭﻥ ﻣﺘﺪﺭﻱ؟ ﺍﻟﺤﺠﻲ ﺷﻠﻮﻥ ﻃﻠﻊ؟
ﺷﻤﺪﺭﻱ ﺍﻧﻲ ﺟﺒﺖ ﺍﻟﻔﺴﺘﺎﻥ ﻣﻮﺍﻧﺘﻲ ﺍﺷﺘﺮﻳﺘﻲ ﻭﺷﻤﺪﺭﻱ ﺍﻧﻲ ﺍﺳﺄﻟﺞ ﺩﺍﺋﻤﺎ ﻭﺍﺭﻳﺪﺝ ﺗﻠﺒﺴﻲ؟
ﺷﻤﺪﺭﻱ ﺑﺴﺎﻟﻔﻪ ﺍﻻﻧﺘﻘﺎﻡ ﺍﻟﺴﺎﺑﻘﻪ ﻭﺍﻧﺘﻲ ﺟﻨﺘﻲ ﻧﺎﻭﻳﻪ
ﺗﻨﺘﻘﻤﻴﻦ ﻣﻦ ﻋﺪﻧﻪ؟
ﻛﻠﻴﻠﻲ ﺍﻧﻄﻴﻨﻲ ﺍﺟﺎﺑﺎﺕ ﻣﻘﻨﻌﻪ ﻭﺍﻧﻲ ﻭﻳﺎﺝ
ﺍﺫﺍ ﻫﻮ ﻫﺎﺟﻢ ﻋﻠﻴﺞ ﻟﻠﺒﻴﺖ ﻭﻳﻦ ﺭﺩﺓ ﻓﻌﻠﺞ ﺍﻟﺸﻔﺘﻪ ﻋﻜﺲ
ﻫﺎﻟﺸﻲ؟ ﻗﺒﺲ ﻻﺗﻬﻴﺠﻴﻦ ﻣﻮﺍﺟﻌﻲ ﺧﻠﻴﻨﻲ ﺑﺤﺎﻟﻲ
ﻗﺒﺲ .. ﺑﺸﺎﺭ ﺍﻧﻲ ﺗﻌﺒﺖ ﻣﻦ ﺍﻟﺘﺒﺮﻳﺮ ﻭﺻﺪﻛﻨﻲ ﻣﺎﺍﻫﺘﻢ
ﺻﺪﻛﺖ ﺍﻭ ﻻ !! ﺑﺲ ﺍﻟﻴﻬﻤﻨﻲ ﺷﺮﻓﻲ ﺍﻧﻄﻌﻦ ﻭﺍﻧﻲ ﻣﻈﻠﻮﻣﻪ
ﺍﻟﻲ ﺍﺫﺍﻧﻲ ﺍﻧﺸﺎﻓﺖ ﺻﻮﺭﻱ ﻭﺍﻧﻲ ﺑﺮﻳﺌﻪ ﻫﺎﻱ ﺍﻟﻄﺮﻣﻪ ﻣﺎﻃﺎﻟﻌﻪ ﺍﻟﻬﻪ
ﻛﻠﻲ ﻳﺎﻳﻮﻡ ﻃﻠﻌﺖ ﻭﻏﺴﻠﺖ ﺍﻟﺒﺮﺍ ﻭﺣﺪﻱ ﻣﻮ ﺍﻟﻪ ﺗﺠﻲ
ﻭﺗﻄﻠﻊ ﻭﻳﺎﻱ ﻭﺑﺲ ﺑﻠﻴﻞ ﻳﺎﻳﻮﻡ ﺷﻔﺘﻨﻲ ﺍﻓﺘﺮ ﺑﺎﻟﺤﺪﻳﻘﻪ
ﻭﻻﺯﻣﻪ ﺗﻠﻴﻔﻮﻧﻲ ﻭﺍﺧﺎﺑﺮ؟؟
ﺑﺸﺎﺭ .. ﻗﺒﺲ ﺍﻧﻲ ﺭﺟﺎﻝ ﺷﺮﻗﻲ ﻭﺍﻟﻒ ﻣﺮﻩ ﻛﺘﻠﺞ ﺍﻧﻲ
ﺷﻜﺎﻙ ﻭﻭﻳﺎﺝ ﺍﻧﺘﻲ ﺑﺎﻟﺬﺍﺕ ﺳﻮﻳﺖ ﺍﻧﺠﺎﺯ ﻭﺗﻐﻠﺒﺖ ﻉ ﺷﻜﻲ
ﻭﻫﻮﺍﻳﻪ ﺻﺎﺭﺕ ﺷﻐﻼﺕ ﻭﻭﻛﻔﺖ ﺑﺠﺎﻧﺒﺞ ﻻﻥ ﺑﻄﺒﻴﻌﺘﻲ
ﺍﻋﺮﻑ ﺍﻟﺴﺒﺐ ﻳﻠﻪ ﺍﺣﻜﻢ ﺑﺲ ﻫﺴﻪ ﺻﺎﺭ ﺍﺷﻬﺮ ﻭﻣﺎﻋﺮﻓﺖ
ﻫﺎﻱ ﻣﻜﻴﺪﻩ ﻟﻮ ﺣﻘﻴﻘﻪ
ﺯﻳﻦ ﺍﻛﻠﺞ ﺷﻲ؟ ﺷﻔﺘﺞ ﺷﻠﻮﻥ ﺍﻓﺘﺮﻳﺘﻲ ﺑﺎﻟﻤﻤﺮﺍﺕ ﻭﺍﻧﺘﻲ ﺍﺩﻭﺭﻳﻦ
ﻉ ﺍﻟﻜﺎﻣﻴﺮﺍﺕ؟؟ ﻟﻴﺶ ﺩﻭﺭﺗﻲ ﻋﻠﻴﻬﻪ ﻭﺣﺘﻪ ﻣﺎﺳﺄﻟﺘﻴﻨﻲ؟؟
ﻭﺭﺣﺖ ﻟﺠﻴﺮﺍﻧﻪ ﺍﻟﻜﻠﺘﻲ ﺻﻮﺭﺗﻨﻪ ﻛﺎﻣﻴﺮﺍﺗﻬﻢ ﻭﻃﻠﻌﻠﻲ ﺭﺟﻠﻬﻪ
ﻛﺎﻝ ﻋﺎﻃﻼﺕ
ﻗﺒﺲ .. ﺗﻔﺎﺟﺎﺕ ﻣﻦ ﺷﻔﺘﻬﻦ ﻣﺎﻛﻮ ﻭﺩﻭﺭﺕ ﻋﺒﺎﻟﻲ
ﻻﻏﻲ ﺑﺲ ﻣﺎﻝ ﺍﻟﺒﺎﺏ ﻣﻮﺑﻘﺼﺪ
ﺑﺸﺎﺭ .. ﻭﺷﻜﻢ ﻣﺮﻩ ﺍﺟﺎﺝ ﻫﺬﺍ ﺍﻟﻌﺎﺭ ﻟﻠﻤﺪﺭﺳﻪ ﻭﺣﺎﺟﻲ
ﻭﻳﺎﺝ ﻭﻣﺎﺳﻮﻟﻔﺘﻲ ﺍﻟﻲ ؟ ﻻﺗﺤﺠﻴﻦ ﻗﺒﺲ ﻛﻠﺒﻲ ﻓﺎﺽ ﻣﻦ
ﺟﺬﺑﺞ ﻭﺿﻤﺞ ﻋﻠﻴﻪ
ﺍﻧﻲ ﻟﻮﻣﺜﻞ ﺍﻟﺒﻘﻴﻪ ﻭﻉ ﺍﻗﻞ ﺷﻲ ﺍﺿﺮﺑﺞ ﻭﺍﻏﻠﻂ
ﻭﺣﺎﺑﺴﺞ ﺑﺎﻟﺒﻴﺖ ﺟﺎﻥ ﺧﻠﻴﺘﻴﻠﻲ ﺍﺣﺘﺮﺍﻡ
ﺑﺲ ﺍﻧﻲ ﺭﺧﻴﺖ ﺍﻟﺤﺒﻞ ﻫﻮﺍﻱ ﻭﺍﻟﺼﻮﺝ ﺑﻬﺬﺍ ﻭﺩﻙ ﻉ ﻛﻠﺒﻪ
ﺍﻟﺼﻮﺝ ﺑﻲ ﻣﺎﻛﺪﺭ ﻳﺄﺫﻳﺞ ﻭﻣﺎﻛﺪﺭ ﻳﻘﺴﻲ ﻋﻠﻴﺞ
ﺗﻌﺮﻓﻴﻨﻪ ﻫﺎﻟﻌﺎﺭ ﻧﻔﺴﻪ ﺍﻟﺸﻔﺘﻲ ﺑﺎﻟﺸﺮﻛﻪ ﻭﻣﺎﺍﺟﻴﺘﻲ
ﺣﺠﻴﺘﻲ ﺍﻟﻲ ﺗﺬﻛﺮﻳﻦ ﻣﻦ ﻛﺘﻴﻠﻲ ﻭﺍﺣﺪ ﺍﺗﺤﺎﺭﺵ ﺑﻴﻪ
ﺑﺎﻟﻄﺮﻳﻖ ﻭﺭﺯﻟﺘﻪ ﻭﺍﻧﻬﺰﻡ ﻭﻛﺘﻠﺞ ﻫﺎﻱ ﻧﻤﺎﺫﺝ ﺗﻌﺒﺎﻥ
ﻻﻃﻠﻌﻴﻦ ﻭﺣﺪﺝ !! ﻟﻴﺶ ﻣﺎﻛﺘﻴﻠﻲ ﺗﺮﻯ ﻫﺬﺍ ﺍﻟﻌﺎﺭ ﻧﻔﺴﻪ
ﺍﻟﺠﺎﻥ ﻭﻳﻪ ﺍﻡ ﺣﺴﻦ ﺣﺘﻪ ﺍﺭﻭﺡ ﺍﺩﻭﺱ ﻉ ﺭﺍﺳﻪ
ﻟﻴﺶ ﺿﻤﻴﺘﻲ ﻋﻠﻴﻪ؟ ﺑﺄﻱ ﻣﺒﺮﺭ !! ﺗﺨﺎﻓﻴﻦ ﻣﻨﻲ
ﺍﻧﻲ ﻣﺎﺍﺧﻮﻑ ﺑﺎﻟﺬﺍﺕ ﺍﻧﺘﻲ ﺗﺬﻛﺮﻳﻦ ﺷﺠﻦ ﺍﺷﺴﻮﻳﺖ