عاي اتانيج...
هزيتله راسي وباسني بخدي وطلع...

بعدني مصدومة بالسمعته ومامتقبلة الفكرة
يعني ماما مرت بهذا الشي قبل ووي منو !
وي ابو حر هه والمصيبة هو يعرف وخلاني اتعلق
بي يعني صدك هو يريد ينتقم لابوه
لان لو صدك يحبني ماورطني بهالحب
واصلا لو ماعنده غاية مامنعني احجي لامي
بس للاسف اول شخص اسلمه قلبي يسوي بيه هيجي
قررت من هاللحظة ينتهي حر من حياتي ..
صح..انة ضعيفة ومو كد الفراق بس..
الله يعين ...
طلعت غسلت وجهي ورحت لكيت البنات قسم بالمطبخ
وقسم بالصالة يم الولد والكبار كاعدين يسولفون
ماكدرت اباوع لماما لام الي عتب عليها
خلتني اعاني معاناتها لو حاجيتلي يمكن  اختلف الموضوع..
شفت الشباب والبنات كاعدين يمامة يمهم
تباوعلي بعيون خايفة
تدنت وسوتلي مكان يمها..

كعدت وكال فقار ..ياحي الله وطن ناقصتج الكعدة ..
ههه الله يحييك مشكور ..
يمامه تهمس بذاني عيونج منفخة شصار بالي يمج..
درت وجهي عليه وحجيت باذنها..
تطمني ماكو اي شي بس جوعانة..
ضحكت هي وكالت هسه جاي يصبون..
كال فقار اي من مساع وتعاي خليتينا نشوف ضحكة يمامة..
هي صارت حمرة وبقت تفكر بيديها..
بهاي اللحظة حسيت بنظرات فقار ليمامة!
وفسرت كلام علاء من كال واحد يريدها
يعني يقصد فقار بكلامه..
حاجتني يمامة ..كومي نروح نساعدهم...
هزيت راسي وكمت وياها..
ماعرف منيلي هالقوة بعد السمعته وماانهاريت
احس نفسي قوية بس مااعرف شنو المصدر..
ساعدناهم بالاكل وصبينا وتجمعمو الكل
بين سالفة وضحكة ووناسة
تسحبت وطلعت برا ..اريد اشم هوا..
اريد ..اريد..ومااعرف شنو اريد...

التفت شفت سبأ وراي اشرتلها تجي..
قبل لا تحجي كلمة كتلها..
هذا الكلام اريدج توصلي لحر..بالحرف الواحد..
كليله تكول وطن ..ماكو شي يبقى مضموم..
صح دخلتني باللعبة..بس ماكدرت تفوز..
وصح عرفت متأخر ..
بس ماخسرت...

فتحت عيونها حيل كالت شبيج شنو هالحجي؟؟
طبطت على كتفها كتلها..
ماعلى الرسول الا البلاغ...
ودخلت جوا..
لكيتهم متحضرين حتى نرجع للبيت..
جدو صاحني وباسني براسي وحجه بذاني
كون مازعلانة..
بوسته وكتله لا..
بابا وجهه حزين واعرفه حس بيه
بس ماما ابد ماحطت عينها بعيني ...
من رجعنا عاتبت يمامة لان تعرف وماكلتلي
بس تبريرها كان..
مالج ذنب بالماضي وامس يختلف عن اليوم
وحاولت تفهمني حر مو مذنب..
بس انة اعتبره مذنب وهو السبب بكلشي...

واحنا نحجي حر دزلها رسالة..
عذريني اختي اراسل هيج وقت
بس اذا ممكن احاجي وطن ضروري ..
قنعتني احاجيه واجاوبه..بس رفضت رفض قاطع..
ماكدر احاجي مااكدر
لان خدعني..لان اذاني..لان استغفلني..
لااااا اكذب ع نفسي
لان ضعيفة كدامه لان ...احبه...

كتلها تكتبله رسالة وتكله ماتريد تحاجيك ..
كالت انة افهمه معليج..
ومن يومها ماسالت عنه ولا ردت اعرف اي شي..
وحاولت استرجع نفسي القديمة وي اهلي وي الناس
الاجواء بالبيت تحسنت ..خصوصا من سمعو بحمل ماما
الولد يضحكون وفرحانين
ورجعت كعداتنا سوا وسهراتنة ..
وهذا كله علاقتي بامي عدم..
لا انة ابادر ولا هي...
بس بابا يطلعنا ويجيبلنا الاشياء النحبها
حتى يغير نفسيتنا...
ورا فترة اسبوعين ..اجونا بيت خالو سلام ..
بقو يمنا ع العشا
ومن رحنا للمطبخ حاجتني سبأ ..
وطن حبوبة حر بس يريد يحاجيج لان كل مايخابر اختج
ترفضين ..
حاجي وفهمي لو بس هالمرة..
لخاطري حبوبة الولد مربط ومايكدر يوصلج
اوكي تعاي للغرفة وياي...

رحنا انة وياها للغرفة وانطيت يمامة خبر
حتى تنتبه خاف احد يجي
دكت عليه وانطتني الفون..
جاوب بصوت متنهد..الو..
رجف صوتي وكوة حجيت..حر انة وطن..
فز وحجة بصوت عالي اول مرة هيج يحجي...
ااااااخ وينننج وين رحتي وين وطن حسابج عسير
على السويتي بيه...
ماريدك
رجاء لا تتواصل وي يمامة
ولا تضغط على سبأ وتحرجها..
انة بعد ماريدك ومامجبورة ابقى وي شخص ماريده
ولا تبرر ولا شي
حبيتك اي بس هسه ماريدك ...
ثارك واخذته كافي لحد هيج..
وطن وطن شنو هالنبرة شنو هالاسلوب!هذا حجيج كله
غلط وماله معنى ..
خلاص حر اترك المثاليات والرزانة الوهمتني بيها
ماريد اتواصل وياك بعد
وابريلي ذمة...
سديته وانطيته لسبأ ...

للحكاية بقية

على صراط امي
الجزء العاشر

سديت الفون وانطيته لسبأ..مشكورة حبوبة ماقصرتي
بس تكدرين تخليني وحدي شوية..
نطقت هالكلمات باعصاب تلفانة لان بداخلي بركان
لحظات ويثور..
صفنت عليه سبأ بعيون مغرغرة ليش هيج سويتي
ولج يحبج خطية..
غطيت عيوني بيدي ..حجيت بصوت كوة يطلع..
خليني وحدي سبأ..
لا خليني يمج حتى يصيرلج سبب ماتطلعين وتبجين براحتج..
هي نطقت هالكلمات وانة
غطيت وجهي بيديه ثنينهم وبقيت ابجي وخانكة صوتي
ماريده يطلع مااريد..
بقيت ابجي واحجي بشهكة..
صار اسبوعين مستقوية واكابر واكول انتهينا
بس اول ماسمعت صوته ضعفففت انهااريت
ليش ليش مو هو الدخلني بهاي اللعبة وخلاني احبه
وهو يعرف دروبنا ماتلتقي ..
جرتني سبأ لحضنها وبقت تبجي وياي تحاول تهديني
بس هي اصلا كوة تحجي
وانة احس راسي صار بي الم مو طبيعي
بقيت لازمته واعصر بي
بقت هي تعصر براسي وتكلي ..كافي انة متاكدة
ترجعون كافي موتي روحج ..

مسحت دموعي وكتلها روحي هسه واجي وراج
لزمتني من ايدي..متأكدة؟
هزيت راسي اي ..
طلعت وسدت الباب وراها..
امسح بوجهي ودموعي ماتقبل توكف
حاولت قدر مااكدر اقوي نفسي خلاص اعتبرها تجربة
ولازم اخذ منها عبرة..
طلعت ورحت للمطبخ الكل كاعد بالصالة
دخلت للمطبخ تفاجئت فقار واكف يفلس رمان
من شافني بقى ينطي الوان..
طلعت يمامة من المطبخ الحار وباوعتلي بنظرات
بيها الف سؤال ..
كتلها ها شنو بقى اساعدج؟
لا مابقى شي و..وفقار كال اسوي رمانية ههه..
حجتها وصارت حمرة ..
بهاللحظة دخلت امي ومرت خالو انة ماردتها تنتبه لوجهي
طلعت بسرعة..

بقيت الملم بطالة الماي واسوي نفسي مشغولة حتى
لا احد ينتبهلي..
علاء كاعد ع اعصابه ووجهه محتقن..
لان من رجع تدخل بموضوعي خالو كله لا تدخل
نفسك وتصير مكروه
ومثل ماامها سوت قبل هي سوت هسه ..
شكد انقهرت من هذا الحجي وهم واكفين وي حر
اكثر مني ومخدوعين بي..
ورا ماراحو والكل نام ويمامة حتى ماسالت
ليش هلكد باجية لان تهربت مني
خافت اسالها اذا اكو تطور بينها وبين فقار..
بقيت سهرانة من وجع راسي ومن ضوجتي وقهري
اجت ببالي اخذ فون يمامة
اشوف هم راسل شي حر اليوم لو لا ..

تاكدت منها نامت واخذت الفون فتحته
رحت للرسائل ..
لكيت محادثة بينها وبين حر فتحتها..
من قبل فترة دزيت الخبز بيد سبأ..
هو كايللها بس احاجيها وافهمها..
وهي مجاوبته نفسيتها تعبانة وحاجاها جدو
وحاجيلها كلشي
لا تضغط عليها هسه وتتسرع بقرارها ..
وهواي رسائل يطلب يحاجيني بس هي من تكلي
انة ارفض..

١ عمل · ٢٦ ألف متابِعين
واخر رسالة الي هي قبل شوية..
_اختي عذريني ازعجج بهذا الوقت بس وصليها لوطن..
مو حر اليلعب بشرف بنية ويتخذها وسيلة
يحقق بيها غاية غيره..واذا كنت قبل مصر اخطبها
بسبب حبي الها..هسه بعد السمعته صار واجب اخطبها
بس حتى لا تكول لعب بشرفي
لان هي اصلا ماتعرف معنى الحب ولا حبتني..
اطلب منج وصليلها هالرسالة وكليلها ..زواج وي غير ماكو
راح ياخذج ويثبتلج هومايلعب بعرض الناس_
اقرا الرسالة ودموعي تصب ..احسه كاعد كدامي بهدوءه
واصابعه المتشابكة ويحجي ..
رجعت ابجي من جديد وانقهرت اكثر معناها صدك مايحبني
ليش يكول اخطبها مو لان احبها..
امداني الغبية صدكت بي وخليته يمثل عليه..
مسحت المسجات كلها ورجعت الفون..
كمت غسلت ورجعت دنيا حارة ومنا روحي زاهكة
والم راسي موتني..
شربت بندول وبعد عناء ونزاع يلا نمت...

يوم ثاني من شافني بابا وشاف عيوني صاحلي
جان كاعد يباوع اخبار
وامي بالمطبخ..جنت انظف بالاستقبال وخلصت ..
كال ..وطونة تعاي باباتي شوية..
ها بابا..
تعاي كعدي يمي ..
كعدت يمه ابتسملي..شكلج تعبان لا تجهدين نفسج بالدراسة
يمتى امتحانج؟
بعد اقل من اسبوع..
هينة انشالله خلصي امتحان وروحي وي بيت عمج
واخوانج لايران..
اها منو رح يروح؟
عمج سامي وعائلته وعديله وعائلته وعابد ومختار ..
لعد ليش متروحون انت وماما..
ممنوع عليها السفر هسه لان بداية حملها
هم هالايام نريد نريد نمشي لمرتجى على بنية رايدها..
اها مو كال مو هسه؟
لا البارحة حجه وكلنا بس نفرغ نروح..
روحي وياهم وارتاحي يحتاجلج وكت تبقين لوحدج..
الله كريم ..

ومرت الايام تعاسة بوجع بحزن بشعور بالوحدة
ماينوصف..
جنت من اكعد يم اهلي واخواني سوالفهم تنسيني نفسي
هسه اكعد يمهم وبنصهم بس وحيدة
احس نفسي مثل الضايعة..
وقلة الاكل وكثرة البجي سوت عندي وجع راس ماينحمل
اتوقعها شقيقة لان بس هي ماتهدأ..
بابا كال خلصي امتحان واوديج للدكتور..
بيوم امتحاني عابد جان عنده شغل ووصلني بابا..
دخلت للمعهد واباوع للطريق للناس
اباوع بيأس وعدم مبالاة..جنت حيوية وعندي حب للحياة
ومتفائلة بشكل..
بس الصار كسرني كلش..ولد مني طفلة كبرت فجأة
بصدمة حبيب..
يمكن الوكت الي جمعني بحر مو هواي ويمكن اليسمعني
يضحك عليه لان متأثرة بحبه هالكد ..

بس انة عشت بدلال ابوي واخواني مثل الفراشة اطير
ولا مجربة الحب ولا اعرفه ..
وماجنت مخلية ببالي شخصية لفارس الاحلام
ولا متحضرة حتى احب مثل اكو ناس هي تدور عن الحب

انة لا الحب بلا شعور اجتاحني..
يوم الشفت حر ماعرفت شنو هالاحساس ..
بس جنت احب اشوفه اكثر واحب يباوعلي اكثر
رغم الملامة وكلها تكول مو حلو ..اسود..
انة اشوفة احلى من الشوكولا..
هه..فد مرة كلي ..
شكلي يمج مثل الحليب والكاكاو..
كتله ياي اموت ع الشوكولا ممكن اخذ منك عضة..
هههه تعاي اخذي عضات مو عضة وحدة
بس بشرط انة اريد اكل واشرب بالحليب ..
تالي انتبهت لنفسي شلون جفصت وبوكتها سديت الخط
بوجهه..

وبقى يتصل ويتصل اخر شي جاوبته..
عفية لتاخذها بغير قصد انة انة عوبة ..
ضحك بهدوووء ..حبيبي عبالي اجه يمج احد وسديتيه..
شلونها دراستج ..
غير الموضوع كله وماحسسني بشي ولا خلاني اخجل..
بعد هذا كله يطلع مخادع ويعرف بماضي امي وابوه
يعني هلكد ابوه حاقد ع امي
بحيث حط ابنه بطريقي!!
انتظرت شوية وفتحو القاعات ودخلنا نمتحن..
همزين الاسئلة زينة وجاوبت
لان بعد مالي خلك الدراسة كلش...
طلعت من الامتحان من وكت ..بس ابوي كال ب١١ ادزلج
احد ياخذج
واصلا ماعندي فون واخابر اكلهم خلصت..
ضحكت على نفسي واستهزأت وين جنت وين صرت
كله بسبب الحب ..عجيب يقلب
حياة الانسان من جحيم لنعيم
واقل زلة يصير العكس...
وانة ملتهية احاجي نفسي.. انضربت بشخص
فزيت ورجعت بسرعة
من اجت عيني على ايديه..

وكف كدامي وحجه باسلوب امر..
ممكن دقايق من وكتج؟
هزيت راسي وعيوني غرغرت ماريد ابجي لا عفية
لا عيوني لا تبجين...
صرنا على جهة وهو تنهد وحجة باسلوب مختلف..
مو نفسه اسلوب قبل..
هذا الاسلوب بي امر وجزع نفس الوقت..
شبك اصابعه وكال..
باوعي وطن..اتهمتيني لعبت بيج وكلتي انتقم..
الظاهر اجاثا كريستي اثرت عليج خلتج تشوفين
كلشي بمنظور الاجرام..
طبعا حجه هالشي لان جنت اكله اقرا روايات
اجاثا كريستي واحب الجرايم..
كمل كلامه..ورجع لنبرته السابقة...

وطن..حبيتج ونسيت الفوارق ونسيت نفسي..
ماكلت انة عبد ومايحقلي احلم بشكرة ولا كلت
اهلها يطردوني من الباب..
لان عندي ايمان بالشي الاسوي واذا ردت شي اخذه
مو بقوة ولا غصب..
بس اصر عليه وعندي ارادة يااما اكون او لا اكون..

بالاول مادري بيج بت سهير ..لان ابوي حاجيلي
واعرف عن معاناته وعن ترك امج اله..
ابوي كبر وخلف وشيب..
بس مانسى سهير ولا كطع سواله عنها...
ويعرف اسامي ولدها واسامي بناتها..
شايفج وانت صغيرة مرة وياها بالعشار..
كلي بتها الصغيرة نسخة منها وامبينة لوتية..
تعرف شحسيت من شفتها؟
سالته بغيض لان بعده يحن وهو عنده امي الماقصرت
عليه بشي..
شحسيت؟؟
حسيت هاية بتي ومن عرفت اسمها وطن ضحكت
جانت سهير حلمها تسمي اول ابن وطن
جنت اكلها عدج حس وطني زايد
تضوج وتدلل عليه تكلي اسمي وطن وعراق وبغداد
وعلى عنادك الصغيرة بصرة...
اموت من الضحك عليها اكلها بطاقتنا تصير مو بطاقة
تموينيه تصير خريطة..

يتذكر كل تفصيلة عاشها وياها بس يكمل كلامه
يستغفر ويكول صارت بعصمة غيري
ومااتمنالها بس الخير والراحة..لا تاخذ كلامي بغير
تفسير ياابني بس تدري بية افضفضلك ..
رغم هذا كله مافكرت ااذيج ومن عرفتج بتها
بعد ماسكنتي عقلي
صار عندي دافع وصريت اخذج وماهمني شي..
وماهمني الصار قبل ورفضهم لابوي..لان كتله
لازم ماتتركها مدام تحبها
وخلي كدامك خيار واحد بس..
تاخذها تاخذها ماكو غير احتمال...
بس للاسف طلعتي انت مو كفو حب وبعتيني باول الطريق
وتهمتيني العب واتسلى
وسويتيها فوز وخسارة..اليوم جاي وكدامج اكلج..
راح اخطبج الف مرة ومرة..ونتزوج
بس اسقاط فرض مو اكثر..
حتى اثبتلج انة رجال وكد حجايتي...
بس غير قصد...لا ابد..
لان المرة الماتقدر حبي الها وتبيع باول محنة
حرام بيها كل رفة نبض وكل شهكة احساس...
اسمحيلي...

عافني واكفة وراح..خلاني مصدومة من الحجي
وخلاني متحطمة من شوفته..
كعدت وخليت ايديه على وجهي وبقيت انحب بوجع
شجااابك عليه ليش حبيت
شجابني للحب وماصار بطريقي الا انت الا ابن الرجال
العافته اني رغم حبها بس رادت ترضي ابوها..
حسيت بنية تدك على كتفي..
شبيج يابنية تحتاجين شي تردين تخابرين اهلج؟
رفعت راسي ومسحت دموعي..
لا مشكورة كلشي مابيه..
بقت تباوعلي وعافتني وراحت...
كمت للكافتيريا اشتريت ماي..وحار عبالك مفور
غسلت وجهي وشربت ورجعت كعدت انتظر..
لحد مااجه عليه عابد اخذني..
سالني شبيج كتله راسي يوجعني كلش..
شغل السيارة يريد يحرك وعبرت من يمنا سيارة حر..
بس شخط حيل بس انتبه عابد للسيارة
ضحك كال..شوفي ولج كمارو ههه بس حرامات ماشفت
الراكبها..
خليتيتي مثلج اباوع للسايق واقارنه بسيارته
ضحكت وبقلبي اكول لو تدري منو راكبها...
بس مانتبه جان جاي يشغل التبريد...

رجعنا للبيت وامي سالتني عن الامتحان
كتلها زين كلش مجاوبة..
عجيب صارت تتحاشاني وابد ماتباوع بعيوني
مادري مقهورة مني لو عليه...
ورا ماتغدينا كال بابا امشي حجزلتج يم دكتور جملة عصبية...
صدك بدلت ورحنا..
وبقى يسولف وياي عن السفرة ويسالني شنو احتاج
يحاول يغير نفسيتي...
وصلنا للدكتور وسوا فحوصات وفحص نظر لان شك
السبب من عيوني..
طلع عندي استكماتزم ..

واحتاج نظارات..
بس حولني على الرنين حتى يتاكد..
واستمرت مراجعتي كم يوم لحد مابينت النتائج
وبعد الفحص الشامل كال كلشي مابيج
بس هاي شقيقة واصلا الشقيقة شي نفسي..
علاجها استرخاء وراحة وهالامور...
وانطاني كم مسكن اشربه بس احسن شوية تحسنت...

وبيومها عابد اخذني اشتريت كم شغلة احتاجها
لان باجر الظهر نسافر..
كملت اغراضي وجنطتني..ومختار وعابد
يسافرون وياي ..
يوم ثاني ودعتهم..حسين باسني براسي وحسيته
مثل اليعتذر..ومرتجى هم ..
بابا حضني ونزلت دموعه..يمامة شبعت بجي
امي حضنتني وبلا ماتنطق اي كلمة..
عصرتني بحضنها حيل وباستني...
رحنا للمطار وهنتك التقينا بعمو وزوجته وحمودي
ابنهم صغير بالابتدائية
واختزمرته وزوجها وبتهم اكبر مني وطفلها
وابنهم هم شاب بس مملتقية بية اول مرة اشوفه
اصلا هي اقاربنا من بعيد بس مشايفتهم..
طارت طيارتنا ومختار يمي موقعه
بس خلصها نايم عبالك رايح للمريخ..
وصلنا هناك واخذونا للفندق..
بس وصلنا مسطورين وتعبانين بس الجو كلش حلو
لان عدنا بالبصرة تشوي
بس عدهم لا حلوو..

نمنا بيومها عبالك اموات وكعدنا اكلنا ورجعنا نمنا..
يوم الثاني الفجر كعدنا شبعانين نوم ومرتاحين كلش
نزلنا تريكنا بالبوفيه مال الفندق ..
وللتسعة كعدو جماعتنا كالو تعالو يمنا شربو جاي
حتى وراها نطلع..
نزلنا لكيناهم كاعدين بالمطعم مالت الفندق..
كعدنا وطلبو جاي ونسولف
اخت مرت خالو وبتها حلو اسلوبهم واجتماعيات بسرعة
يفتحن موضوع..
واحنا نسولف رفعت راسي لا اراديا..
انتبهت لواحد بيده كوب الجاي وعاض شفته
وصافن بوجهي...
للحكايه بقيه

على صراط امي
الجزء الحادي عشر

شفت هذا ابن اخت مرت عمو صافن عليه وعاض شفته
من شافني استغربت بنظرتي
مثل الفز ودار وجهه ..وانة هم بسرعة درت ..
ابد ماباوعت بوجهه من امس يعني هاي اول مرة
انتبه ومن انتبهت شفت امبحر بيه..

ورا شوية كالو خل نروح نزور وورا صلاة الظهر
نروح نتغدا ونفتر
اخذنا المترجم ورحنا زرنا ..ومن خلصنا رحنا
لمطعم حتى نتغدا..
كعدت بصفي مرت عمو ومن الجهة الثانية شذى
بتها..
شذى بقت تسولف وياي كالت..
ناوية تشتغلين لو نجحتي..
اي اذا حصلت شغل اكيد اشتغل ماحلوة كعدة البيت..
بس كون تحصليلج حكومي لان الاهلي مذلة
ومو كل واحد يقبل
اكيد المكان الاستغل بي عرف مراح اشتغل يم غريب..
يعني اهلج يقبلون ؟
اي طبعا مدام متاكدين من الناس الاشتغل وياها عادي
يشجعوني احصد ثمرة تعبي..
ههه الله يديمهم الج ..لو تشوفين اهلنا دراسة ماخلونه نكمل
والرجال طلع اضرب منهم...
بس خاف انت هم من يمنعج الرجال بعدين تبطلين..
مايحقله يمنعني لان مامسوية شي غلط..
اوه انت ماتعرفين ولدنا!!!
حجتها واندارت لامها حاجتها..بقيت مستغربة
شنو شعليه بولدهم انة..
حاجيت عابد حتى نخابر ماما بس الاحظ نظرات خالد
ابن اخت مرت عمو عليه..
كال عابد هسه من نخلص نخابرهم..
بعدها ماحجيت حتى اتجنب تصرفات هذا المريب..

وخلصنا اليوم كله برا شوية نفسيتي تحسنت
خصوصا عابد يسوي روح للطلعة ويونس..
ومرت خمس ايام مابقى مكان مارحنا بس
الي بدا يزعجني تصرفات خالد
احسه يتدحس لو يبسمر بحجة يحجي وي امه او اخته..

قبل لا نرجع بيوم جنا رايحين نشتري هدايا
وطبعا النسوان لازم نفتر براحتنا مو مثل الولد يشترون بسرعة..
وقتها انة وشذى واكفين بمحل ملابس لان شذى
تريد تاخذ مانتو وجاي تاخذ رأيي..
كتلها مخصر ويبين صغير لا يغرج قماشهم
لان ماياخذ وقوي..
هي قاسته طلع صح ضيك واخذت اكبر..
من ردنا نطلع خالد كدامنا شايل ابن شذى كلها..
شذوة زين سمعنا صوتج ادري بيج باتري وتخافين
يخلص..
هي بقت تضحك وتحركله بعيونها بس انة اتخذت
وضع الاثول..
اذا ماعجبني الشي اسوي نفسي ثولة والسالفة
مو يمي بس صافنة...
بس كلش تضايقت منه احسه مراقب كل حركاتي
وتمنيت نرجع بس افتك منه...

صار يوم ثاني وتعطلنا هواي بالرجعة بحيث وصلنا العصر
ومن وصلنا و سلمنا عليهم بالمطار وودعناهم
ام خالد كالت زورينا وي عمتج لا تكطعين لان
طول السفرة هي دك سوالف وياي
كتلها اكيد اجيب ماما واجي..
ومن اجه علينا بابا للمطار اجه لوحده كال ماما تعبانة
خفت وسالته شبيها بس كال ظهرها ياذيها
ماصدكت وخفت عليها بس من رحعنا واجت للباب
تركض حضنتها ونسيت كلشي
مشتاقة لحضنها كلش ..سالتها سلامتج ليش تعبانة..
ظهري شوية ياذيني لايبقى بالج حبيبة..
والتمو الولد ويمامة وكعدنا مشتاقين لبعض
مامتعودينزنتباعد هالكد..

ويوم ثاني كعدت الصبح لان نمت البارحة من وكت
تريكنا وبقينا نسولف انة وماما..
كالت رايحين خاطبين لمرتجى بس ينتظرون
الناس يدزون خبر..
مرتجى خطب بنية متخرجة هالسنة من الكلية
وحسب كلامه اقارب الدكتور الي يشتغل وياه
بس احنا نعرف بي يريدها ..
بقينا نسولف ع السفرة واحسها رجعت شوية
مثل قبل انفك الحاجز
وللعصر اجه جدو وبيبي النا..طبعا صارلهم
هواي ماجايين واستغربت جيتهم
جبت الفاكهة واجيت جانو الكل كاعدين
كال جدو تعاي يمي بعد بيتي..
رحت اخذتله الماعون واكشرله بالتفاحة..
انطيته ياكل ويسولف..
كال..عندي حجاية وي وطن بوية اذا تكدرون
سوولنا درب..

اول الناس ماما كامت وكومت وياها بيبي..
يمامة بقت نظراتها تدور بيني وبين جدو
كامو بس بابا كال..بوية هاي الغالية لا تضغط عليها..
جاوبه جدو..عيسى هاي بت سهير
يعني صبي العين وابتسم..
طلع بابا وعينه عليه وشكله مامرتاح..
كال جدو..شلونها بتي السباعية عساج بخير..
هزيت راسي وابتسمت مجاملة..بتك سبعة لا تخاف عليها..
اي ادري بيج بعد جدج..باعي بنيتي
انت كبرتي وهل خلصتي دراسة ومهما طولتي
مصيرج واستقرارج يم رجلج
وتددرين شكد يطلبونج مني ومن ابوج ..بس انة
اكول ماكو واحد يستاهلج ومحد يقنعني
كبل مدة رادج ابن بت اخوي وحاجاني ابوه
كتله ابنك مايوازيها
لان ابنه صح حليو وجيبه عامر بس يابوية مطكطك
هذا ماينشد بي ظهر..

وكبل شهر اجاني سامي كال رايدين مرة لخالد
ويريد يمشون على وطن شتكول حجي
كتله ياابرك الساعة..خالد زلمة وكفو ويعجبني
بس ماردت اضغط عليج على كولة ابوج..
اهله وبيت عمج عدهم سفرة..كلت لسامي اخذو خالد وياكم
باعتباره شاب ويعينكم
وانة ارتب روحة وطن وهناك بلا ماتدري بي رايدها
تشوفه
حتى لا تتسرع ..وماكلت للطير الطاير بس امج تدري
حتى ابوج ماكتله..
هسه شنو رايج بي بنيتي؟
انة استمع لجدو وصافنة يعني اصر الا يزوجني
وكالت يمامة الخطوة الثانية
توقعيها يزوجج وفعلا هه جابلي رجل!
ماعرف ارفض او اوافق النتيجة وحدة يعني حر مستحيل
ارتبط بي..
اااه حر ااه اسمك من اذكره تصير عندي شهكة والف اااه...

رجعت جاوبت جدو ..اي شفته بس مادري
ماحطيت بالي وياه..
انطيني مهلة

افكر ويصير خير..
فكري بنيتي فكري بس ترى الولد مايتفوت وانة
اعرفهم
وصدكيني من تتزوجين وتستقرين تضحكين ع روحج
بعدين وع ايام المضت
ماكو احلى من الزواج وكل الحب يجي بالزواج..
تقرب وحجه بصوت ناصي يم اذني..هالتشوفين
امج نست روحها وحبلت  بهالعمر
وكبل تصيح ماريده ههههه ...
ضحكت مدري ع روحي مدري ع حججه الغير مقنعة...
بعدها كلي روحي صيحيلي ابوج ووياج جيبي ماي..
طلعت ابوي كاعد ع اعصابه..
شافني كام ..ابتسمتله كتله بابا حجي يريدك..
تنهد وراح..وانة رحت جبت الماي ووديته الهم
سديت الباب وراي ورحت للصالة..
محد حجة او سالني بس النظرات كفيلة بهالشي..
عابد كاعد يعصر رجل بيبي ويتشاقه وياها ..
امي تحاول متخلي عيونها بعيوني لان عرفت
بيها تعرف سبب سفري
الي مخططله جدو واي هي الها ايد بي..

شوية واجو بابا وجدو يمنا وبابا ضايج
بس يعني يحاول يبين ماكو شي وعيب يثكل وجهه ..
وبقو بيومها لحد ورا العشا راحو ..
ورا ماراحو دخلت للغرفة شفت يمامة متمددة والسماعات
بذانها..
غمزتلها ابتسمت وصارت حمرة..
تقربت جريت السماعة منها وحطيتها بذاني
جاي تسمع عبدالله رويشد..
هزيت راسي وطربت وياها وهي تباوعلي بخجل..
احس الاغنية لعبت باحساسي وراح تسببلي نوبة
ذكريات ..
رجعتلها السماعة واجيت لفراشي نمت وغطيت راسي
بالمخدة..
تذكرت اول مااجاني للمعهد وانطاني الهدية..ههه
بعدها الهدية بالجرار وي الملابس..
ذبيت المخدة من وجهي وكمت يمامة مغمضة وتسمع
فتحت الجرار وجريت العلاكة من جوا الملابس
فتحتها وغمضت ماريد ابجي..
بس خانتني الدمع ونزلت ..اخذت السوار بسته
حطيته بيدي وبقيت اباوعله..
ارجعه لمكانه لو البسه؟لا خلي البسه واعتبره ذكرى حلوة..
حطيته بيدي ورجعت لفراشي...

ومرت كم يوم الوضع نفسه ..اليوم موعد النتائج
ماقبل عابد اروح كال شيوديج
ابقي وانة اجيبها الج..ماحجيت شي كتله بعد احسن..
راح جابها واجه جايبلي دبدوب جبير ابيض
من دخل وانة كاعدة انتظر بقلق
كمزت من شفته بيده الدبدوب وبقيت واكفة بمكاني
ومبتسمة ونزلت دموعي..
اجاني حضني واجت ماما ع صوتنا وكلتله بشرر
باسني براسي وانطاني الدب كلها نجححت..
هلهلت ماما وشبكتنا ثنينا..
حسيت بفرحة وارتاحيت لان خلصت وتخرجت
بس فرحتي مجروحة ..
من اجه بابا لكاني بالصالة وحاضنة الدب اجاني
يركض..
اروح فدوة للخريجة بتي ..شبكته حيل وبقى يبوس براسي وبخدودي..
وكعد وكعدني يمه وفتح العلاكة الجايبها..
جايبلي فون بوكته جان جديد توة نازل اسمه N8
جانت الاجهزة اللمس قليلة وبداية طلعتها ..
وجايبلي حلويات الاحبها..
بوسته وشكرته وكعدت نزعته جواريبه ومايخليني
اعصر رجليه..

فرحت بالفون شوية يونسني..علمني عليه وكال حطيتلج
بي شريحة..
ومنزلي بي برامج والعاب..
خلصت اليوم كله ملتهية بي ومتونسة ..
يمامة شافته كالت اريد اشتريلي واحد سبقتيني
حطيت عيني عليه تتشاقة وياي..
يوم ثاني خابرو اهل البنية قابلين وحددو موعد
حتى نروح نتفق وياهم ع الخطوبة..
بابا كال جدو يريدنا اليوم نروح الهم ..
عرفت جدو راح يسالني اليوم عن الجواب
وعرفت مايتركني الا وانة موافقة..
و
وفعلا من رحنا وطبعا الكل موجود
ومن ضمنهم بيت خالو سلام...
من انشغلو الكل سالني ..ها شقررتي بوية ترى مرتين سالوني
وكتلهم تانوها جاي تفكر..
بعدني مادري ..توكلي ع الله يمعودة هسه امبينة
مقتنعة اعرفج انة..
كيفك بابا حجي انت اعرف..
من كتله هيج انطيته الضوا الاخضر...

علة صوته وكال ياجماعة اريد هلهولة توصل لسابع حي..
الكل باوعله بتفاجئ وكالو شكو شنو..
كلهم انشالله هالايام نمهر لخالد على وطن...
اباوع عيون علاء تريد تطلع وغضب..
كام وكامت مرته وراه جدو بقى مبتسم ابتسامة فاترة..
كال بابا قررتي؟متاكدة؟
اي فكرت ..حجيتها وانة اباوع للسوار..
هز راسه كال الله كريم..
وبدت الاسئلة والاستفسارات من كل الجهات..
يمامة صافنة عليه وبس..
ماحجت ولا علقت بشي..يمامة وبابا اكثر شخصين يحسون
باحساسي هسه
لان ضاكو لوعة الحب والفقدان ويعرفون ناره تجوي..
بيت خالو سلام ماطولو راحو لان اصلا ضاجو
بس مابين خالو ..
من طلعو اباوع لفقار عينه ع يمامة وهي مثل اليريد
يبوك شي ويحاول يأمن ويبعد الشبهات
بس هي جانت تريد تبوك نظرات ..نظرات وبس
بس قلقلها وخوفها وترددها
يخليها متذبذبة بكلشي تسوي...

رجعنا للبيت وبابا سالني ..فكرتي عدل متاكدة
من قرارج ترى هاي حياة طويلة
لا تتسرعين ومحد يضغط عليج بشي..
امي كلتله لا هي عاقلة وتصرفت صح الصح
وباوعت لبابا وابتسمت...

للحكايه بقيه

على صراط امي
الجزء الثاني عشر

٤ أعمال · ١٨٫١ ألف متابِعين
حاولت اتهرب من بابا لان فاهمني شنو احس
رحت للغرفة بدلت ودخلت للفراش..
دخلت يمامة وقفلت الباب واجت يمي..
انت كل عقلج توافقين؟انت شكد غبية جاي تنتقمين من نفسج..
خليتها تحجي انطيتها ظهر وتغطيت ..
سمعت الفون دك طلعته اباوع للرقم ..اه منك عرفت اكيد...

بقى يدك اخر شي رديت..انة ساكته وهو ساكت..
حجيت بصوت يرجف..الو..
جر حسرة طويلة..ليش وافقتي؟؟
ليش تسأل..اعتقني حر من حبك ..حبنا فقاعة ماله اي اساس..
حجه بيأس..يجوز حبج انت فقاعة..
انة حبي بحر وبحر واسع وعميييق بعدين حول نبرته للجد..
بس هالحب جان قبل مو هسه ..دفنته بيدي وقريت الفاتحة..
نزلت دمعتي وماريد يحس برجفة صوتي..
اذا اذا ما ات ليش تخابر؟
استغفر الله..اخابر حتى اكلج زواج ماكو
اذا توافقين تعمين ع نفسج..

هه وليش تمنعني اذا ماتحبني..
لان لازم اوفي بوعدي واخطيبج مو كاتلة روحج ع الزواج..
انة؟؟؟؟حجيتها باستغراب وارتفع صوتي..
اي انت ليش مستغربة؟ماصدكتي افترقنا
وقبلتي باول واحد اجاج..
غلطان هواي حر..مو اول واحد..
مو مهم اول لو عاشر المهم كتلج انة وحطيها ترجية بذانج
زواج من غيري ماكو..
بس انة انطيت جواب!
ها ..يصير خير ليش لا ..حجاها بغضب
وسدة بوجهي ..

لكيت يمامة حاطة ايدها ع خدها وصافنة عليه
كالت..ليش تظلمين روحج وانت تحبي
افترقو ميخالف بس لا تتزوجين
وطن جرح الحب عنيد ومايطيب بسرعة
شوفيني كدامج شكد صارلي
هسه يلا بديت اتشافى منه..ترى محد يتعب غيرج
فكري بيها عدل..
هي تحجي وانة حاضنة ركباتي لصدري وساندة راسي عليهم
اسمع كلامها ودموعي تصب..
لازم مااضعف ولا انكسر ..خلاص محد مات من الحب
وخصوصا من يكون الحبيب مخادع
من يخابر مامقهور لان يحبني لا بس يريد يثبت لنفسه
هو كد حجايته ويريد يسقط الفرض العليه..
احس نظري تشوش من البجي
صايرة بس ابجي نظري يتشوش وبصعوبة يلا يرجع...

مسحت دموعي وكلت ليمامة..
انة مقتنعة بقراري والسويته هو الصح وخلاص
قصتي وي حر انتهت
مو ضعيفة حتى يكسرني حب واحد متلون وياي
وماعرف تصرفاته الغامضة شنوسببها
لا تهتمين انت ارتاحي...
عوجت حلكها باسف ورجعت لفراشها...
يوم ثاني حاجاني بابا مرة ثانية وكال فكري عدل
وهم عندج الخطوبة تفكرين بيها
اذا شفتي روحج ماتكدرين كولي وانة وياج بالتردي ..
كتله اكيد احاول اتفاهم وياه هسه واذا شفت نفسي ما
متفاهمين اكيد اكلك انت تعرف كلشي بداخلي..
جرني لصدره وبقى يمسح ع شعري بلا مايحجي
مجرد حضنه احس بامن الدنيا كلها...

بيومها العصر رحنا لبيت خطيبة مرتجى
انة وماما وبيبي وعمتي ..
شفتها كلش كلش استغفر الله ومااقصد اعيب بس مو حلوة
يعني بالضبط تشبه خطر
بمسلسل الحيالة بس على ضعيفة قصبة..
وامبينه بسيطة ومن الاهل القافلين كلش ..
بحيث اجتلنا بدشداشة موديل  هريسة نزلت قبل سنوات
وجانت الها وكتها ويكشخون بيها
وشعرها مسويته ذيل حصان وضافرته
وصوتها ما ينسمع كلش..
بقت يمنا شوية وكامت ..وامها وخالتها كاعدين
وتفاهمو وياهم ع التفاصيل مال الخطوبة..
من رجعنا اجه علينا عابد ..كلي ها وطن شلونها جنتنا..
ابتسمتله..زينة ..
قاطعتني بيبي كالت شزينها خايبة تضحكين علينا
هي غير جنها فرس النبي عووووع تلعب الروح
امداك يا مريجي منين حصلتها عووع...
امي كلتلها لا يمه زوينة بس تحف وتتعدل
والمهم هو مقتنع بيها احنا ماراح نعيش حياتنا كلها وياها..

بقيت افكر بكلام ماما يعني هسه هاي مراح تعيشين وياها
والمهم هو مقتنع
بس انا لا صارت العشيرة كلها راح تعيش وي حر
والمهم كلها تقتنع
وانة مالي دور ولا الي مراعاة بالاحساس..

رجعنا للبيت وبلغت بابا بجوابهم ومرتجى هم اشوفه فرحان
فرحت لفرحة وابتسمتله
ضحك كال انشالله فرحتنا سوا ..
هزيتله راسي وابتسمت..
وكعدنا كلنا كالعادة نسولف بخطبة مرتجى وشنو نحضر
وشنو نحتاج..
انة جنت مثل الحاضر الغايب ..
اسمع واشارك بي منعزلة بداخلي ...
ورا العشا امي حاجتني..كالت لا تضوجين ولا تزعلين
لان صرت ضدج من الاول..
بس ردت ابعدج عنه لان اعرف راح يرفضوه
وماردتج تمرين بالمريت بي..
صدكيني تنقهرين وتحنين اله بس بعدين تنسين
خصوصا من تتزوجين وتخلفين
صح حبيت فخري حب ماله مثيل بس حب ابوي اقوى
وطاعته اوجب..

ومن تزوجت ابوج صح عانيت وبقيت اقارن..
بس ابوج مايتقارن لان ماكو مثله رجال ..
خلاني احبه بدون مااحس..
واكيد انت راح تحبين خالد من تعاشري
وهو شخصية وحلو يعني يجذب وحلو اسلوبه...
يعني نسيتي ابو حر خلاص؟؟؟
ماما ماضي وراح وماله دور بحياتنا وابوج يستاهل كل
الحب
يعني نسيتي ؟؟
كتلج كلش انسى واندثر وراح صارله سنين بعد...
حجيت بحركة وقهر...
لو ناسية ليش من شفتي حر بعرس علاء وعرفتي
ابن فخري تخربطتي؟؟؟
ليش من عرفتي احب ساندتيني ومن عرفتي حر كتلتيني
وتصيحين مالكيتي غيره؟؟
كمت وكفت واشرت ع عيونها...
لو ناسية صدك!!!ماعيونج يمطرن حزن دوووم....

من رخصتج ماما انة مامحتاجة نصيحة
اعرف اتصرف وسويت التردو...
عفتها وطلعت

..
بس طلعت ارجف كوة اوكف اريد انسى اريد اتقوى
تذكروني بي ليش ..
مصرين عوفي عوفي عوفي مايفيدج مايناسبج
عفته انة عفته ..
بس بس ..بس احبه ..ذبيت نفسي بفراشي
وخليت المخدة ع حلكي وبقيت ابجي بقهر
احبه اي اريده واتمنى هسه يكلي خل نرجع حبايب
بس هو مايحبني وكل همه يحقق الاباله...
بقيت ابجي وعلى بجيتي نمت ..
ومرت يومين واجو اهل خالد لبيتنا
وكعدو وي اهلي وتفهمو ع الخطوبة ..
وكالت امه يريد يشوف البنية ويكعد وياها
اتفقو يجي باجر حتى نكعد ونتعارف...
بس تمنيت مايجي باجر ولا اشوفه..
بس اتصرف عكس مااحس..وابين للكل
انة مقتنعة بالجاي اسوي...

اجه يوم ثاني العصر ..لبست بنطرون جينز وقميص ابيض
ودخلت للاستقبال ..
كاعد بابا وماما وام خالد ..
سلمت بلا مااباوع بجهته اصلا ..
بقو يمنا شوية وترخصو ..كالو احنا بالصالة كاعدين
وانت اخذو راحتكم وتفاهمو..
هو ضحك كلهم اخذو راحتكم..عابت عبالك بيته...

طلعو والباب مفتوح بقت عيني عليهم ماريد يطلعون..
كال ..جنج طفلة عايفيها اهلها شسالفة ههه..
باوعتله وبعدت نظري بلا مااحجي شي..
وهو جان كاشخ ولبسه كلش مرتب لايكله
لابس قميص مقفل زيتوني وبيجي والبنطرون خاكي
وساعته فضية وشعره مرتب ..
رجع حجه..اي وطن يابة شدعوة كلش قافلة..
ماجنج مداومة ووياج طلاب يعني لازم متعودة!..
جاوبته بحدية..اختلاطي قليل بالطلاب
واليجمعني بالطلاب مجرد شي يخص الدراسة
مو مثل سبب كعدتنا هسه...
هو تعدل وحط رجل ع رجل وابتسم ..
صحيح....زين شنو رايج بيه؟؟
اها ..بعدني ماعرفك حتى انطي رايي بيك ..
يلا بالايام التجي نتعرف اكثر ..
شنو طلباتج للخطوبة؟؟
بعد اتفقنا امس ع كلشي..

حسيته ضاج من اسلوبي الجاف وياه
تحمحم وكال..
اذا هيج خوش حجي..بس تحضري ورتبي امورج
ع يوم الجمعة..
انشالله ...
حجيتها وكتله اترخص منك..
كام وكف وياي وانة طلعت ..بابا مترقبني ويباوع
بتساؤل..
راحو كعدو يمه وانة رحت للغرفة
ورا شوية طلعو واجاني بابا للغرفة..
ها وطون شنو الاخبار؟ابتسمتله وكتله ..
كلشي تمام حبيبي لا تفكر ..
ابتسم وبقى يحاجيني شوية وراح...
ويمامة تحوم بس ماتدخلت بقراري
بس اشوفها تحس بوجعي وتعرف البية...

مر الاسبوع واجه يوم الجمعة ..
رحت للصالون الصبح وي يمامة وشهد بت عمي..
لبست فستان طويل فصال حورية
لونة نيلي وبي شغل من كدام ابيض..والردان كاملة
وماسويت تسريحة
بس شسورتلي وفركته صفح ونثرت الشعر بطلب مني
لان البدلة دلعة وجبت شعري عليها...

من وصلنا تلكوني الكل بالهلاهل والضحكات وانة
عبالك روبوت
منين مايسيروني اسير...
كعدت وبابا واخواني كلساع واحد يجي يبوس بيه
ويشاقيني..
بس ابو السقا عابد مو ع بعضه
ابتسامته فاترة وحتى حجي مايحجي هواي..
للساعة ب٥ اجو بيت خالد..ودخلو اخواته واقاربه بهوسات
وامه اجت تحسبلي حرمل
وتسوي هوسات وصلوات ..
ورا شوية كالو راح يعقد..بس احس هاللحظة مثل
الجان نايم وكعد..
فز كل جرح بيه وحيلي انهد..
وعيت ع نفسي راح اتسمى باسم رجال غريب
ماعرفه ولا احبه
مو جان لازم حر بمكانه..اه ياحبيبي الشوكولا
لو انت هسه لابس هذا القاط الحبري
والرباط البيجي والاناقة العندك والوسامة
كلشي بيك يجذب...

بهاللحظات انة كاعدة وحاطة رجليه بطشت
ماي وورد وياس
ويمامة تفرك برجلي من جهةوشهد من جهة ..
وتشيل الماي الفاتر وتذبه عليها وتفززني
وانة ذاناتي انسدت عن الحجي اليمي واحس
انعزلت عن الحواليه..
بدا نظري يغوش وافترت بيه الدنيا
وبعد ماحسيت بشي...
للحكايه بقيه

جبتلكم قصه على شيوخ

#بنت_عمي_حضريه

مرحبا اني اسمي رونق عمري 18 سنه عايشه بغداد مواصفاتي شعري اسودطويل كلش بس عيوني خضر على ام ابويه اني الوحيده الاهلي لان امي وره ماجابتني صار عدها ورم بلرحم وشالوه اهلي كلش مدلليني لان اني الوحيده بس عمامي عايشين بلريف وكل فتره ابويه ايزورهم بس ولامره رايحه وياه ولاشايفتهم عمي الجبير شيخ عشيره وفد يوم بابا كال مشتاق الاخويه الشيخ ابوفهد وقرار ثاني يوم ياخذ ماما ويروحون التكريت وابويه ماعندا بس اخو واحد واربع خوات مزوجات وعمي الشيخ متزوج نسوان اثنين من حجي ابويه عرفت لان جان دائما يحجيلي عنهم بس اني جنت رافضه فكرة اتعرف عليهم لان صديقاتي دائما يحجلي انهم همج وعدهم المره خدامه وهنا بدت ماساتي بابا رونق امشي ويانا هم تتعرفين على عمامج وهم تغيرين جو لابابا اعذرني مااروح ابقه يم صديقتي تبارك لحد مترجعون ماشي بابا براحتج وطلعو بابا وماما ودعتهم بس اول مره احس احساس غريب وخوف ابداخلي بابا كلي اني اخابرج لايضل بالج ديربالج على نفسج وبوسني هوه وماما وراحو وياريت ماراحو



ضليت كل اشويه اتصل ابابا واطمئن عليه وكالي دخلنه تكريت وخابرت عمج يجي علينه لان تيهت صارلي هوايه مجاي ماشي باباتي من توصل بيت عمي خابرني حتى اطمئن عليكم وسده وره ساعه كلت اكيد بابا وصل ونسى يتصل خلي اني ادك عليه ادك ومحد ايجاوب كلش خفت وتبارك اتهدي بيه ماعرفتكم على عائلة تبارك صديقتي واختي الامي ماجابتها همه جوارينه ام تبارك ارمله وعدها تبارك وريم وحسوني اصغير وعادي ابقه يمهم من اني اصغيره ربيت يمهم كلتلها تبارك بس لا ماما وبابا بيهم شي هناك ودك تلفوني بابا الوو بابا الو انتي رونق بنت عمي محسن اي اني رونق منو انته
يتبع.......
اي اني رونق منو حضرتك اني ابن عمج الشيخ اكيد بابا وصل بس ليش مادك هو يحجي ويايه اسمعي بنت العم وستهدي بلرحمن والاعمار بيد الله شنو قصدك مفتهمت عمي وعمتي انطوج عمرهم هنا اني ماحس الا واحد ضربني على راسي تبارك شفت رونق اتخابر كلت اكيد ابوها فجى وكعت بلكاع رحت اركض صحت ماما اجتي تركض عليها انصحي بيها ماكو كالت ماما شوفي التلفون اكيد صاير شي شلت التلفون اسمع واحد ايصيح الو الو منو حضرتك وشصاير اني ابن عم رونق امها وابوها انتقلو الى ربهم اني عطت ودموعي تنزل وامياتصيح اشصاير احجي يمه ام رونق ابو رونق اتوفو بحادث امي كامت تعيطت وتبجي وحضنت رونق اويلي عليج يمه ثنينهم بيوم واحد شراح ايصير بيج سديتك التلفون جان يرجع ايدك امي كلت جاوبني خلي انشوف شنسوي الو الو عرفنه انتو جوارين عمي وتبارك يمكم راح يجي اخويه الجبير ومرته ياخذون رونق ويجيبوها للديره لان عمي قبل لايموت اموصي ابويه الشيخ عليها كلتله ماشي وسديته وامي ضلت تلطم وتبجي ورونق فاقده اخذناها للمستشفى ونطوها مهدات لان صاير عدها انهيار عصبي من الصدمه وانطونا ابر مهدى نضربها من تكعد اخذنا رونق ورجعنه للبيت وهيه متدري شي بلدنيا دخلنها بلغرفه وطلعنه واني وامي نصبه عزه بلبيت اهناك وسمعنه اعياط رونق اريد ماما اريد بابا جذابين كلشي مابيهم وملخت روح من الضرب وفقدت شلنها بالفراش وضلت على هذا الحال للصبح ساعه تصرخ وترجع تفقد بلعشره تقريبا سمعنه هورن سيارة كالت ماما اكيد اجو ياخذون رونق شلون راح اتحمل افراكها وكمنه نبجي وطلعت امي فتحت الباب ز وطب رجال امعكل ويا مرته توسلت بيهم امي يبقون علغده اعتذرو وكالو الناس منتضريه بلعزه ياريت اتحضرون رونق ناخذها وفعلا راحت رونق ودمعوها اصب ومثل المصدومه لبستها مني جبه سوده واخذتها مرت الرجال الاجه وامي وصتها عليها كلتلها لايضل بالج احطها بعيني رونق الطريق كله ابجي واحجي ويه نفسي ليش عفتوني وحدي ليش شلون راح اعيش بدونكم واخذتني نومه من البجي والمهدات ماحسيت الا مره اتكعدني يلا وصلنه شفت ناصبين جادرا وعالم هوايه بس اعيوني ادور على ماما وبابا بلكي جذب بعدهم عايشين طبيت ابيت جبير وتلكني النسوان وعزني ومره جبيره بوستني وكالت مثل ماوصفج ابوج كمر واني ماتحملت طكيت من البجي كالت اني الحجيه مرت الشيخ الجبيره وانتي هسه بنتي وكالت للبنات طببوها خلي ترتاح
يتبع

ابنيه تطلع ابكدي طببتني ابغرفه وكلتلي نامي ارتاح حتى العصر تطلعين للعزه الناس تسال عليج واذا ردتي شي صيحيني اني بنت الشيخ اسمي فطيمه اني بس اهز براس اني هم نمت كضيتها نايمه العصر كعدتني فطيمه كالت ابويه الشيخ ايريد ايشوفج اخذتني فطيمه وغسلت لان ماندل كلتلي امشي اوديج الابوي سال عليج وصلت هولهم مثل الحضره جبير شفت عمي ويا ولد كاعدي كالت فيطمه خوشي لاتستحين هذوله اخوتي طبيت سلمت وعمي بوسني وعزاني وكال انتي بنتي وهذاالبيت بيتج وعرفني على ولد عمي كلهم متزوجين وكال احنا راح نطلع ميصير انعوف الناس وحدهم طلعوا واجتي الحجيه كعدت يمي وضلت اتهدي بيه وكالت ذبي حجابج حارة ماكوا احد اني نواف هسه راح تتعرفون عليه من خلال القصه اني ابن الشيخ الوسط ما متزوج احب وحده بلديره وامي ماتقبل اخطبها اني عصبي نار وقوي ابويه معتدمت عليه اني مراعي حلاله لان اخوتي كلمن ملتهي بمرته وجهاله العزه مال عمي وهوسه كلت خلي اطب ارتاح تعبت طبيت وشفت فطيمه كلتلها حضري هدومي اطب اغسل وامي الحجيه كاعده فجى شفت ابينه كاعده بصف امي مدري شصار بيه فكيت حلكي واباوع وهيه استحت دنجت جان فطيمه ادغني شبيك عيب خجلت البنيه ها اي جان امي تضحك هاي بنت عمك الشيخ الله يرحمه اي هله بيها امنوره الديره طبيت اغسل ولافاركت عيني هلبنت شنو هلجمال هاشبيك نواف اتخبلت انته موتحب ساره اصحى

#بنت_عمي_حضريه

خلص العزه وبقيت ابيت عمي همه كلش خوش ناس ويحبوني وقررت اعوف الدراسه لان ماعندي احد ابغداد وعمي شيخ عدهم عيب تطلع البنيه واني اصلا وره ماما وبابا مالي واهس بشي افراكهم صعب تمرضت فتره طويله وفطيمه والحجيه ابد ماعافني وعمي خطيه دائما يسال عليه ويحاول اينسيني بس من اشوفه اذكر بابا مرت فتره وصرت احسن وتعودت عليهم اجتي فطيمه كعدتني يلا كومي مو كلتي باجر اساعدج بلغده صباح الخير قصدج مساء الخير الساعه11 صدك مادري يلاكومي ضوجه كمت ويه فطيمه وتريكت اطيب كيمر اول مره احس بنشاط و مرتاحه بعدين بعدين ساعدت البنات بلغده ونضفت وياهن وفطيمه كل اشويه اضحكني كملنه وطبيت غسلت ولبست دشداشه سوده بس مخصره واني شعري اسود وطويل وشافتني الحجيه كالت تعالي بره امشطلج ماكو احد كاعده اتمشطلي الحجيه وتحجيلي عن ايام الشباب وشلون حبت عمي فجى اجى نواف شاف الحجيه اتمشطلي وتخبل اسمعي يلحضريه ماعدنا بنات تطلع مفرعه والبساتين دايرنا والبيوت عاليه لا احد يشوفح شيكول علينه اني نقهرت وطبيت جوه اركض هذا شبي شايف نفسه اني اعلمه نواف من طبيت وشفتها الشعر اسود وسرح والخصر ايموت وضحكتها هلاهل متحملت صرت اعصاب مدري شصار بيه كمت اعيط عليها امي حجت عليه وكالت شبيك وياها البنيه مهضومه ليش اتزوده واني كلتلها تعالي بره امشطلج رونق اتحلفتله هذا على شنو شايف نفسه اجتي الحجيه وفطيمه بوسني وفطيمه كالت خل انصب الغده ابو الشيخ اجى طلعت ويه البنات صبينه الغده والبنات وكعدنه نتغده واجه نواف كعد اكبالي وكل شويه يخزرني واني ولاهتميت وكل اشويه اضحك ويه فطيمه وعمي خطيه يفرح من ايشوفني اضحك ونواف طك وكل اشويه ايكول الفطيمه صوتج لاكسر اسنونج ابحلكج ويخزرني واني ولاهتميت نواف اني اخزرها بس كلبي ميت عليها شوصف العين الشفايف دوختني والنوب الضحكه اتموت واخوتي كاعدين واني اصير نار يمكن اغار من اخوتي عليها مدري شسوتلي هلبنيه
يتبع

نواف كملت غده وكمت داغسل البنات بلمطبخ رحت اكل الفطيمه اريد چاي رونق واكفه كدامي ومنطيتني ظهرها ونازله عليه بلحجي هذا اخوج معقد وشايف نفسه فطيمه شافتني وتعض شفه لرونق اشرتلها اذا تحجين اذبحج شفتي شلون طك ومات لان نضحك ههههه شبيج فطيمه شو ساكته لامابيه اي والله حقج رونق الله يساعدج عليه طلباته متخلص منيه تقبل بي نواف لا عاد لهنا وكافي رونق احس الدم نشف بعروكي من الفشله كلي اي وبعد كملي يلحضريه اني كلشي ماحجيت ورحت اركض للغرفه وسديت الباب من الفشله العصر فطيمه صاحتني كالت نواف طلع ويه ربعه تعالي طلعي عمي بليل جمع الحجيه والولد بلهول وسد الباب سالت فطيمه خير شصاير والله علمي علمج نواف ابويه ايريدني اتزوج رونق اني صح رونق تعجبني وكلش حلوه بس اني احب ساره اعرفكم على ساره بنت اخت مرت ابويه الثانيه ابويه طلكها بس محد يعرف ليش جانت تجي يم مرت ابويه وبعدين صارت بينه علاقه بس امي تكرها ماعرف شنو السبب ومتقبل تخطبها ومن ابويه اقترح اتزوج رونق وافقت بس اخطب ساره بلاول ابويه وافق بس امي ماقبلت بس ابويه جبرها اتروح تخطبلي ساره واهلها اكيد ايقبلون وين لاكيها ابن شيخ يخطب بنتهم لان همه حالتهم الماديه ضعيفه طبعا وخطبت ساره وافقو اهلها ابويه كالت الردته صار هسه نفاتح رونق بلموضع كعد عمي وحجه ويايه واني تخبلت كلتله صح ابويه مات بس مو معنها اذلني شلون تقبل البارحه خطبت الابنك وتريدني اوافق باعي بعد عمج اني ماخطبتها واني راضي اني اريدج اتخلصين نواف من ساره اريدج اتخليي ايحبج ويعوف ساره بس هوه ايحبها ابني غشيم عباله اتحبه بس هيه اتحب افلوسه الخاطر شيباتي اقبلي اريد اخويه يرتاح بكبره رونق عمو خليني افكر براحتج بنتي بس نواف كلبه ذهب لاتشوفي عصبي حرامات تاخذه ساره

#بنت_عمي_الحضريه

نواف كعدت الصبح من وكت طلعت لشغلي فطيمه سوتلي ريوك كلتلها اتاخر للعصر ماجي علغده رونق كعدت شفته ماكو نزلت جوه الحجيه وفطيمه كاعدات صباح الخير صباح النور هله بلعروس بكلبي ياعروس ليش هاي هم زواجه المهم فطيمه كالت نواف ميرجع للعصر كلتلها براحته نضفنه البيت وتغدينه كلت خلى اروح انام ضوجه لبست دشداشه كلش خفيفه وقصيره لان حاره نواف نسيت اوراق مهمه مال شغل رجعت اجيبهن طبيت البين هدوى كله تنام الظهر فتحت باب الغرفه على كيفي وياريتني ما فتحت الباب ملاك نايم الجسم ابيض والشعر سرح نازل علوجهه اتخربطت احوالي كمت امشي على كيفي ورحت كعدت يمها علجربايه وخرت شعرها نازل على وجها بلا اني مخبل اعوف هذا الجمال كله وانام بيوم عرسي خليت ايدي جوه راسي واباوع عليها رونق حسيت بي يمي بس سويت روحي نايمه لازم اكسبه مثل ماكال عمي نواف كلت هيه مرتي من حقي اتقربلها بعد مااتحمل اتقربت عليه وخليت اشفايفي على شفايفها وحسيت روحي بعالم ثاني هيه جفلت اشبيك نواف شبيه انتي مرتي وحلالي مرتك ليش عفتني البارحه وهسه صرت مرتك رونق لازم اخلي يتمنى يتقربلي ويحلم بيه وميطولني واني احجي جرني حيل وباسني واني دفعته صار عصبي نار اخذ الاوراق وطلع وضرب الباب حيل تستاهل اذا ماخليتك تحلم بيه هسه تشوف بس بصراحه اني احبه ليل ونهار افكر بي وقررت بليل اعلكها عليه وفعلا بليل اتعشينه وكملت تنظيف ويه فطيمه وصعدت بسرعه غسلت ولبست بنطرون ستريج ويا سترابلس صلوخ والصدرفتحته جبيره وخليت مكياج الا اخبله نواف كلت خل اصعد اشوفها الصدك مشتاقلها بوسه الظهر طعمه بشفتي فتحت الباب سويت روحي مامهتم ابواع اويلي الله هاي اتريد اتموتني سويت روحي ظهري يوجعني تعالي افركي ظهري يوجعني نعم ظهري يوجعني شبيج اي صدكت

#بنت_عمي_حضريه

رونق كعدت افرك بظرهه وعلى كيفي بنعومه نواف هيه تفرك بظهري واني بغير عالم عطت بيها اسم الله شبيك اسمعي يابنت الناس انتي حلالي بعد ما اتحمل رونق ماشي بس بشرط نواف تامرين اتعوف ساره نواف ها عوفي سالفة ساره خلص لعد عوفني لواني لو ساره نواف ضجت حيل براحتج راح اطلع يم ربعي وطلع واني بقيت ضايجه وهم انقهرت عليه بس احسن خلي يختار من هسه لواني لوهيه نواف كلت خلي اروح على ساره لان ضجت احس رونق ذلتني وكلت الرونق راح اروح ويه ربعي وصلت يم بيت ساره بستان جيبر اسمع صوت بسبسه طبيت بلبستان شفت ساره ويه العامل مالتي موقف ما انحسد عليه لزمت العامل دميته من الكتل واخذت ساره وطبيت على بيتهم اعيط طلع ابوها حجيتله الصار ابوها اتخبل وكلتله اني ميشرفني اتزوج وحده ساقطه عفتهم ورجعت كعدت بلبستان مالنه هاي الامي حذرتني منها بس ليش ماسمعت الكلام وعفت وحده تاج راسها بيوم عرسها اني غبي الصوج مني مشيت وره كلبي شبيها رونق شو احلى من ساره بالف مره ومن لحمي ودمي قررت اخلي رونق اتحبني باي طريقه طبيت للبيت شفت امي بعدها كاعده بوستها شبيك يوم جنك مقهور من شي يمه انتي طلعتي على حقك ساره مو من ثوبنه بعد ماريدها الحمدلله ابني الكشفتها قبل الزواج الحمدلله اصعد انام تصبحينعلىخير وانته من اهله صعدت شفت

رونق بعدها كاعده رونق انقهرت عليه من طلع كلت من يرجع اغير اسلوبي وياه نايف خير مناقصني قهر اليوم رونق اتجرت أتقرب منه وحضنته من وره سلامتك من القهر نايف اني بحلم لو علم رونق بعلم انداريت عليها شنو هلجمال من رحتلج فدوه رونق خجلت كلش من حجي نايف رحت فدوه لليخجلون ودنكت عليه وبستها وطلعت قهر اليوم كله برونق وعشت احلى ليله
يتبع


ماحسيت على روحي الا الصبح نايمه بحضن نايف كمت على كيفي استحي من عندا لايكعد ويشوفني فجى جرني وين رايح الحلو صباح الخير صباح العسل يلاكوم راح اطب اغسل واحضرلك الريوك بس اني اريد اتريك بيج تره هوايه خجلتني ولج احبج واني هم انتي شنو كوليها احبك اويلي الله ولج راح اتخبليني مين طلعتيلي كمنه غسلنه وبدلنه ونزلنه نتريك الحجيه شافتنه وكامت اتهلهل عرفت لان احنا ابد مننزل سوه وبوستني وكالت شدو حيلكم وجيبولنه طفل نايف بس طفل كولي اطفال الاامليلج البيت جهال الحجيه كامت تضحك انشالله نايف بقه اليوم كله يمي كاعده اساعد فطيمه بلمطبخ ونايف كل اشويه يجي مره اريد مي مره اريد جاي فطيمه كالت رونق تره اخويه ايريدج اتصعدين بعد مشتاق وكمنه نضحك نايف شبيجن اضحكن اسم الله نضحك على مشتاق منو مشتاق اكو غير مشتاق واحد لج احجي منو هذا لااكسرج رونق امشي ويايه واني اكلك منو صعدنه فوك وحجيتله كام يضحك كال هاي اختي الملعونه اتحس بيه وانتي ولا عبالك رونق عينها مشتاق ههههههه صدك ضحكتني رونق فات شهر على زواجنه وتاخرت عليه ونفسي تلعب ودايخه مزلت شفت فطيمه داسوي ريوك خطيه تكعد من وكت اسوي اكل لعمي الشيخ صباح الخير صباح النور وبس اشتميت ريحت البيض راسن كمت اذب من راسي سلتني الحجيه كلتلها فايتتني وعندي دوخه ولعبان نفس الحجيه كيفت وكالت انشالله حامل ورحنا ثاني يوم اني والحجيه وفطيمه للمستوصف بدون علم نايف اريد اسويله مفاجى وطلع التحليل ايجابي وكلش فرحت رجعت للبيت طايره انتظر نايف يجي حتى ابشره ساره كلت بعد هلحب النطيته النايف ايعوفني علمود هاي الحضريه اني الها طلعت بليل اهلي نايمن بيت الشيخ قريب علينه طبيت للبستان انتظر نايف ختلت وره الشجر شفت نايف طب شمرت عليه حصو صاح نايف منو وتقرب من البستان وجان اسحبه نايف حبيبي نسيت حبنا هذا البستان يشهد عليه انتي صدك ما تستحين شجابج لهنا شنو من بشر والج عين وتجين

#بنت_عمي_حضريه

والاخيررررررررررررر

رونق كلت خلي اطلع بره انتظر نايف يجي شو تاخر اليوم نزلت اتمشي يم البستان سمعت صوت باوعت ماكو احد كلت خاف متوهمه ماكو احد وره شويه سمعت صوت نايف صاح اسمع صوت من جهة البستان اتقربت شفت ساره حاضنه نايف مدري شصار بيه صحت نايف اندار شجابج اهنا اني شجابني لوانته ليش هيج نايف ضيعت فرحتي ليش اصبري رونق انتي مفتهمه غلط شنو الغلط انته وياها بلبستان متحاظنين ساره فرحت كلت بلكي اتصرخ وتلم العالم حتى اتصير فضيحه لابن الشيخ وراح ينجبر يتزوجني رونق ليش نايف موكلت اني مااحب سارة بعد والبينه انتهى نايف منو كلج احبها انتي مفتهمه غلط اندار نايف على ساره كللها اطلعي بره لااذبحج رونق اني من الصدمه عفتهم وصعدت الغرفتي وابجي هذا حظي ليش شمسويه يارب لاعندي مكان واروحله والنوب حامل نايف طردت ساره خلي اصعد اشوف رونق هاي بس لاصدكت اكو علاقه بيني وبين ساره هسه هاي وين جانتلي فتحت باب الغرفه وطبيت شفت رونق كاعده تبجي ومقهور كعدت كدامها انتي صدكتي بلصار انته ششوف الكي رجلي بلبستان ويه وحده شراح افكر والله بس انتي بلكلب وماعندي شي ويه ساره اني طبيت سمعت صوت بلبستان اتقربت علبستان حتى اشوف منو طلعت ساره ومن شفتيني لازمها سحبتها حتى اطلعها بره كبل لتسوي فضيحه والله ماكو بلكلب بس انتي رونق بس هذا الحجي ميطب العقل اهو رونق زودتيها اني تعبان راح انام الحجي وياج ميفيد رونق ضليت الليل كله اتكلب وبس افكر لانايف ايعوفني ويرجع الساره وجه الصبح نمت من التعب والتفكير نايف كعدت الصبح شفت اميرتي نايمه بوستاها وطبيت غسلت وبدلت ونزلت جوه الحجيه وفطيمه كاعدات صباح الخير يمه الحجيه اكيد رونق كلت النايف علحمل خلي اباركله اي يمه علخير ماراح يجيك انشالله يطلع ولد ويشيل اسمك نايف شنو قصدج حجيه يعني رونق حامل اي ليش ماكالتلك البارحه ها اي كالتلي صعدت اركض من الفرحه طبيت للغرفه ونمت يم رونق وخليت ايدي على بطنها وبستها حست عليه ليش ماكلتيلي البارحه انتي حامل رونق بين النايمه والكاعد الله لاينطيج ساره خربت عليه المفاجى رونق كومي اكعدي خير شصاير من الصبح كعدت احجي اول شي صباح الخير يلعسل رونق بزعل صباح النور نايف الحلو بعده زعلان لج والله احبج بس انتي ساره من عملتها السوده طلعت من كلبي فرغ بس الج النوب راح اجيبلي طفل احس روحي اسعد واحد بلدنيا رونق انقهرت عليه من البارحه جم مره حاول ايرضيني ماريد اضيع فرحتي علمود وحده مثل ساره وفعلا عدت مرحلت الحمل كله ونايف ويايه ويخاف عليه من كلشي اني بلغرفه فوك صارت عندي اوجاع قويه اول مره احسها وكلش خفت نايف كاعد بلهول فتحت باب الغرفه شفت فطيمه صحتها عفيه الحكيلي عندي وجع قوي فطيمه راح اصيح امي يمه نايف رونق عدها ولاده ودصارخ من الوجع نايف كمت بسرعه واخذنه رونق للمستشى وره ساعه تقريبا طلعت الحجيه مبروك يمه ماجاك شلون ولد جابتلك جنه كمر اني دمعت عيني الفرحه متوسعني الحجيه تعال يمه طب شوف مرتك طبيت بوست رونق من راسه وامي جابتلي الولد كبرت باذنه وسميته محمد و والحمدلله محمد كبر وره سنتين صارت عندي ابنيه سميتها فرح لان رونق خلت بس الفرح بداخلي وعشنه احلى حيات يوم نزعل ويوم نرضي رونق وره الصعوبات الي مرت بحياتي الله عوضني بنايف والحمدلله عشت احلى حيات وياه وماحرمني من شي وعاش حبنا اللابد
اتمنى القصه تكون عجبتكم
#النهايه

سوي متابعه للبيج فضل وليس امر احبابي
وعلق ع كل بارت حتى يوصلك اشعار البارت الجديد
حتى لو بملصق

على صراط امي
الجزء الثالث عشر

اسمع عياط يمي وهوسة والاصوات مامفهومة
فتحت عيوني بطيء
شفت ماما كدامي ووجهها مخطوف وام خالد تسمي
وتكلها حسدوها عين نكسة صوبتها..
حاجيتهم بصوت مرتجف..مابيه شي بس دخت شوية
لا تخافون
وامي وعماتي والنسوان كلهم فوكي عبالك ميته
صاحت ام خالد وخرو حبايب اختنكت البنية..
وفرقتهم وكعدت
ويمامة بيدها كلاص عصير شربتني شوية
الكل مستغرب شبية وليش طحت ..بس يمامة
كلتلهم مماكلة صار يومين وهي ماتتحمل
ولو نظرات الكل واضحة واعرفها شتقصد ..
بس سندت نفسي وحاولت اتقوى وعدلت كعدتي
كتلهم لا يوصل الخبر لبابا لا ينهبط
كالت ماما لا ماحجينا بس عيونها حمر
وكلساع ومسحت وجهها ..

ورا مارتاحيت شوية حضروني للعقد وحاجاني
الشيخ من ورا الباب
يمامة وكفت يمي ولزمت ايدي وماما كاعده كدامي
لحظات الفقدت بيها وكعدت
احس ماما متصرفاتها كلها تغيرت ومثل الشخص
المصدوم
عيونها مدمعه وصافنة وتباوع بترقب..

كمل الشيخ كلامه ومن تم العقد احس جسمي سرت
بي رجفة ..
عصرت يمامة ايدي وحضنتني وبوستني وام خالد واهله
بقى يهلهلون وكعدوني بالصالة وبدت الناس
تسولف وي بعض وتلتهي
وانة اباوع بالوجوه بنظرات يائسة..مااصدك
الي سويته ..قررت ارتبط بشخص
ابد مامقتنعة بي واصلا قرار الارتباط هسه غلط..
شهد يمي تسولف وتكلي عن معجبات خالد من العشيرة
اليوم يتخبلن وكلهن اجن يريد يشوفنج
لان خالد ابن خالة شهد يصير ..
بس عبالك تحجي عن ابن الجيران ولا اهتميت
وبالي مو يمها..
يمامه انشغلت بالضيافة واعتمدت عليها ماما
لان ماتكدر تتحرك بسرعة
هيج مناسبة يرادلها وحدة نشطة وماتكعد ..

اجتلي ام خالد كالت ..ها يمه خو مابعدج تعبانة؟
انةكلت شوي ونفضها وارتاحي..
لا خالة شوي تعب وراح لان ماماكله شي ومنا الشقيقة
اي اعرفلها لا هلا بيها انت ورجلج ثنينكم عدكم
شلون بلة تالي نكعد نعصر روس ههه..
ضحكتني حجايتها وشوي معالم وجهي تغيرت
غمزتلي بت خالو وسوتلي اوكي..
كالت ام خالد راح يدخل تحضري وصاحت
ع البنات يتسترن
انة صحت ع يمامة اجتلي تركض..
ها عروستنا عذريني التهيت بالناس وعفتج..
حجيت بصوت يرجف..عادي بس بس ابقي يمي
راح يدخل...
غمضت عيونها بالم وتقربت مني وابتسمت..خل نعدلج شعرج منا ..
بقت تعدل بيه وترتب
وسمعت صوت هلاهل عالي كلش وكلهن فد هلهوله
يعني مثل النغمة صارت عااالية..

دنكت راسي واباوعله اجه كعد بصفي
مد راسه يم اذني وكال..مبروك وطونة ..
بقيت اكل باظافري وانة مدنكة ..كتله شكرا...
قرب راسه اكثر وبقى يحجي لان هوسة نسوان
وكلشي مانسمع ..
كال..ليش هالخوف والتوتر اعصابج يمعودة وطلعي
صبعج من حلكج فشلتينا هههه..
نزلت ايدي هو جرها ولزمها ..بس قشعرت بحيث
هو من ردة فعلي بقى يمسح عليها..
حجيت بتوتر..عفية عوفها عوف ايدي ..
شلون اعوف غير مرتي ..فدوة شلون ايد جنها
نستلة..
بقى يمسح باصابعة ع ظفري الكارطته
رفعها راد يبوسها وجريتها..
خليتها بحضني وكتله عفية عيب عيب لا تلمسني..
ههههه امبين ورانا معاناة حتى نقنعج تونا..
سميتج تونا ترى حلو وخفيف..
ابتسمت بلا مااحجي..

قاطعتنا امه كلتله يلا يمه لبسها الذهب..
فتحتله العلبة ويمامة من جهتي الثانية تصور
والبنات بعدن خالة ويضحكن وياها
كللها خل نصور عدل ووحدة منهم تصور بكاميرا
جبيرة ...

فتح العلبة وطلع الحلقة رفيعه ومرصعة بشذر شكلها حلو..
ومد ايده اخذ ايدي يلبسني الحلقة
بس ادعي كون يتركها لان كلش مامتقبلة يلمسني
احس روحي متقززة وماريد ابد يقرب مني خطوة
بس كمل اللبس ردت اجرها
بس ماخلاني وجرها وباسها..بقيت ارجف وهو باوعلي
من جوا عيونه وابتسم وعض شفة
وع حركته بقن يهلهلن اكثر ويصفكن..
اخذ سوار وراد يلبسني انطيته اليسرى
كال لا فوك السبحة اللابستها يطلع حلوو
صدك سبحتمن بس لا مال بابا حجي ههه...
هنا احس الدمعة وصلت كلش واقل رمشة تطيح
ثكل جفني بحملها من كد ماطالعة بقهر
هزيت راسي حتى يتشتت نظره
بس طفرت من عيني وشافها ..

باوعت بوجهه من خوفي وهو نظراته تغيرت
وعقد حاجبه بس بسرعة رجع طبيعي
ولبسني السوار بالايد اليسرى..
وبعدها امه صارت ع جهة ووخرت البنات
حتى تفسحله الجو...
والصوت صار انصى لان التهو ياكلون

وهو قريب مني ويحجي كال..
بدلتج ناقصها حجاب وتصير احرام مال صلاة..
تفاجئت من سمعته وباوعتله باستغراب
هو من باوعتله ابتسم كال..اي مستورة كلش
وفوكها جايبة شعرج كله منا
ترى لا تستحرمين انة رجلج حلال اشوفج..
حجيت بضجر..لا بس عجبني موديلها..
قرب حلكه من ذاني كلش كال..
بس لايكتلج طالعة تشعين..
هزيت راسي وابتسمت ..
ادري محلفينح ماتحجين بس تهزين براسج
انطيني رقمج حتى نتخابر اليوم
لان امبينه انت ماتحجين مباشر الا تسجيل هههه...

صحت على يمامة انطتني فوني
جابتله الي وهو شافه بيدي..
كال اخ ان ثمانية مدللة عمي..
هدية بابا مالت التخرج ..
اكدر اشوفه؟مد ايده يريدني انطيه اله..
خليته بيده ..اي تفضل..
شنو رمزج؟
مواليد بابا..ومديت ايدي كتبته وانفتح..

بقى يكلب بي شوي

ورجعه الي..
عندج فيسبوك؟
شنو هذا؟
برنامج اسمه فيسبوك بي مراسلة وبي تصفح صور
ومنشىورات..
ماعندي لا مااحب هيج اشياء..
اي احسن يولي لا تسوي..ورقمي حفظته الج بجهازج..
اها اي اوكي..
هسه راح نروح ومن ارجع بس افرغ اخابرج
خلي جهازج يمج مو تنسين؟
لا بس ابدل وارتاح يعني..
اي هو هيج..
يلا انة اروح هسه...
حسيته متحكم كلش رغم يخفي هذا الشي بس
واضح بتصرفاته..

كام وسولة زفة اخواته واقاربه وطلعو
وبدت الهوسة تخف
ماصدكت بسرعة كمت وصحت ع يمامة وياي
احس كاعدة ع اعصابي
كمت للغرفة نزعت ولبست الروب ورحت للحمام
بنات عمامي وخوالي بعدهم
بيت خالو سلام بس هو خالو ومرته وفقار اجو
ع مارحت للحمام سبحت وطلعت
جانو جدي وعمامي ثنين وخوالي
كالت يمامة يلا لبسي وتعاي ينتظروج حتى يتعشون..
بدلت ومشطت ورحت
اول مادخلت كام بابا من الباب وفتحلي ايديه
اجيتله ركض وحضنته
ماكدرت اسيطر ع دموعي وهو يبوس بيه ويكلي
مبروك يابزر كلبي

بابا حجي كاعد كال شيطانة جلبتي بابوج تعاي
لجدج ..
حضنته وباسني وطلعلي من جيب السترة علبة
جبيرة
فتحها وطلع كردالة ضخمة سلسال خشن ومن كدام
من النسيج يغطي الصدر
وفرحان مامصدك من فرحته ..
كمت منه واجو اخواني بوسوني وباركولي وولد عمامي
البقية وخوالي ..
هذا كله ادور عن امي بنظراتي ..شفتها كاعدة
يم بيبي
بس تصرف امي تغير كلش يعني ولا نفسها
امس
صاحتلي ورحت يمها بوستني وكالت امشي
تعشي واكلي زين
ماجاوبتها بس ابتسم..
ورحنا كلنا تعشينا والبقية ترخصو وراحو

انة كتلهم نعسانة وتعبانة اروح انام
بقى هم كاعدين ويمامة تعزل وي شهد لان بقت يمنا
وانة رحت للغرفة تمددت
ونسيت سالفة الاتصال مال خالد ولا اجه ببالي
جبته من الشحن لكيت مكالمات ٥
اوف هسه هذا هم تعال حاجي كلش مالي خلك ..

وحر مخابر مرتين..اه ياحر بعد شتريد؟تريد تباركلي؟
نزلت دموعي وانة اتذكر
خلاص مالي حق احجي بي انة هسه بذمة غيره
وحرام عليه الخيانة
فززني صوت الفون باوعت حر..اي احسن خابر
لازم اجاوبه واكله بعد لا يتعرضلي ..
مسحت دموعي وجريت نفس قوية حتى اجاوبه..
فتحت خط بس شهكتي سبقتني..
سمعت صوت اغاني ركزت بيها ..
تخيل بعد هالعشرة الطويلة..يجي غيري وياخذك بسهولة..
مدامك بعت الايام الجميلة..وش الي من حكي اكوله..

بقيت ابجي واشهك اول مرة اطلق سراح دمعاتي هيج
صار هواي اكتم ..
بقيت اشهك وابجي من كل اعماقي بحيث ارتاح
من تطلع الشهكة من بلعومي ارتاح..
سمعت صوته بس هالمرة مو الصوت الهادئ الرزن
ولا اليبدي بكيف الحال..
هالمرة كلشي بي مختلف..
جان صوته متذبذب ويجر بي جر ونفس الوقت غاضب
وحاجاني بمفردة قذرة
هاا***** ارتاحيتي هسه؟؟****** ..******
انة انكطعت بجيتي وبقيت صافنة
معقولة حر هذا؟
هذا الماسمعني كلمة مو حلوة !
حتى نبرته غريبة والفاظة تلعب النفس
بس هذا كله واضح ..وعرفته هسه شارب واول مرة يسويها!
مااعرف انقهر منه لو انقهر عليه..؟
ليش تسوي هيجي بنفسك؟لان تحبني؟

رجع يغلط عليه ويصيح بصوت متقطع ..
جاوبته بعبرة،.
حر ليش تأذي نفسك لخاطري لا تمشي بهالطريق
انت عمرك مامسويها..
علاء وين عنك ليش عايفك؟؟؟
صرخ بصوت عالي..
ولج * علاء يصبرني لان ابجي على عرضه؟؟
قابل هو ك...مثل ابوج وجدج؟؟

لانعل .... وبقى يسب وسمعت رنة مالت اتصال ثاني..
باوعت خالد يتصل..
شسوي هسه اكطع من حر واعوفه بهالحالة السيئة
مااكدر..
رجعت حاجيته حر انت شارب ومو بوعيك
وين انت هسه؟
بجهنم شعليك بية؟؟عوفيني وتكسحي يلاااا ولي....
سدة بوجهي ...

واباوع خالد يخابر شلون راح اجاوبة حتى مااكدر
اجر نفس من البجي...
مسحت دموعي وحاولت اسيطر على اعصابي
وفتحت خط...
اول مافتحت كال..

ويامن جنتي تحجين؟
ها وي مرت ابن خالي ..طبعا مااحه ببالي غير سبأ..
يعني هاي اهم مني؟
مو كتلج خلي جهازج يمج؟
ماكدرت لان جانو اهلنا يمي وانشغلت..
اي ومن فرغتي ماانطيتي حتى مسكول شدعوة؟
وطن ليش هالكد قافلة؟
ها لا يتصورلك بس تعبانة كلش ونعسانة...
حجه بشبه اقتناع اي امبين صوتج
روحي نامي وباجر نحجي...
اي اي باجر نكمل..طبعا ماعرف شجاوبه بس فرحت
من كال روحي...

سديته منه وبقيت محتارة بحر
ليش هيجي شارب وفاقد مايحس بروحه
اخاف يطلع يسوق لو يندعم لو يصير بي شي.؟
بقيت محتارة الى ان نمت..

وكعدت الصبح على صوت شهد ويمامة يسولفن
ساعة تسعة ونص..
كمت من الفراش وتمطيت ..شهد ابتسمتلي
صح النوم عروستنا..
يمامة هم ابتسمت..
كالن يلا ننتظرك نريد نتريك ..
اي يلا كمت...

رحت غسلت ورحت يمهم بالمطبخ
جاي يسون ريوك
ماكو صوت هدوء..كالو ماما وبابا رايحين
عدهم مراجعة بالمستشفى..
كعدت وافرك براسي ..اجت شهد جابت ماعون
البيض..
اكلي تغذي اليوم عندج زيارة هههه...
زيارة المن منو؟
باوعتلها بطرف عيني واسال...
اليوم خطيبج معزوم ع العشا عدكم وغمزتلي..
للحكايه بقيه

على صراط امي
الجزء الرابع عشر
فتحت عيوني من حجايتها..شبسرعة قصدي
منو عزمه؟
بابا حجي خابر الصبح كال اليوم اتغدى يمكم
وخابرو خالد هم خل يجي حتى ياخذ على مرته
ويتعودون ..
بس امج كالت عدهم مراجعة اليوم دكتورتها تكعد
بالمستشفى ولازم تروح
كال خلوها للعشا وانة امرلكم ورا الظهر...
اهاا ..

اي يحلوة خلصي ريوك وتعاي نحضرج نشوف شتلبسين
شتسوين
ترى وناسة وحدة يجي خطيبها اوي اريد اعرس
تعاي كرصيني ولج..
ههه ثكل ثكل حطيلج حصوات بجيبوج صايرة
كلش خفيفة ..
كالت يمامة ..لا هي شهودة ثكيلة بي يمنا تسرسح
وغمزتلها
وشهد ضربتها وخلت ايدها ع حلك يمامة وهي
تضحك وتدفع بيها تريد تحجي
وانة اتلفت بينهم مثل اطرش بالزفة ..
شبيكم ماتحجولي شنو صايرة الغاز؟
لا معليج بيها اختج خبلة ..تحجي وتضحك ..
دفعتها يمامة ورفعت ايديها باستسلام ..ماجبت شي
من جيبي انة احجي الشفته هههه..
غطت وجهها بيديها شهد وضحكت ..
كالت يمامة ..عيني مختار الخانس طايح بحب شهودة..
ابتسمتلها بفرح ..ياخطير طلع مختار ههه فديتكم
تستاهلون بعض
ولو انت وكيحة واخوي فقير هسه تطلعين عينه..
اكو احلى من الوكاحة يلا تعاي اعلمج وكاحة..

جرتني من ايدي وكلت ليمامة خلصي ولحكينا..
رحنا للغرفة وبقت تطلع بالملابس ..جرت بدلة قصيرة بيضة
منقطة باحمر ..
بلة لبسي هاي تطلع عليج تخبلل وشعرج نسويله فيكه
اي عيني اي يستاهل ابن خالتو..
هه كل عقلج؟؟البس بدلة للركبة كدامه؟الحجاب
ماانزعه اصلا..
انجبيي شنو كاعدة يم جارج عوبة نزعي وتدلعي
وتموعي وغمزتلي..
لا تعرفيني شكد اخجل الخطوبة كوة تحملت
مااكدر عفية خليني براحتي
حجيتها واختنكت ...
يلا ولا يهمج تالي تتعودين عليه تالي ويشوف
المستور هههه..
اش عابت تعرفيني استحي..
ودخلت يمامة يمنا واختارولي بدلة غجرية بنفسجي
وبيها ورد رصاصي
جانت مرتبة وتوها موديلها تصير ربع ردن وينلبس وياها
بالطلعة بدي
او تنلبس فوكها بوليرا حتى اسمها ماجان دارج بكثرة
جانو يسموها يلك ..

ومن بعد ماساعدوني بالملابس رحنا للمطبخ
طبخنا الغدا وخلصنا
شهد راحت تصلي وانة لزمت يمامة..
حبوبة بس خابري حر البارحة سكران واخاف عليه..
خزرتني وكالت..انسي شي اسمه حر فاهمة؟
انت ع ذمة رجال ليش تخوني،؟؟اكثر شي اكرهه اكثر
شي شخص مرتبط ويخووون..
حسيتها تنرفزت واقل شي يذكرها بالماضي
رغم الوقت المر
بس مانست ..معقولة راح اصير مثلها؟
اوف مني ومن قرارتي الطايشة ..لو رافضة هالزواج
وماخذة فترة ارتاح بيها
بس انة غبية وكل الحواليه شجعوني حتى اقبل بسهولة
وينتهي حر..

ورا شوية اجو ماما وبابا وكالو وضعها زين ووضع
الطفل هم زين الحمدلله
وبابا بمناسبة هالشي جايب حلويات ومواعين
سفري
كال قسموها بالمواعين حتى نوزعها..
وكعدنا انة وشهد ويمامة نقسم بس احتارينا منو
يوزع والولد محد هنا..
كال بابا روحي وزعي وانة اوكفلج لان ظهر الدنيا..
لبست وطلعت بابا شايل الصينية وبقيت افتر
واوزع للجيران
وصلت لباب واحد منهم دكيته وطلعلي ابنهم صغير
جاي انطي الماعون
وصار صريخ بالبيت كلش قوي هذا ذب الماعون
ودخل يصرخ وياهم
وانة من رعبتي بقيت اصرخ مدري شبيه كنكت وياهم
عبالك مو صرخة عدوى
اجاني بابا يركض ومخترع ويريد يفتهم مني ماكو
والناس فزغت ع صوت الصريخ مالهم
ودخلو عليهم للبيت
وخطية طلعت امهم منتولة وماتت ..انوب بقيت
مخروعة ومقهورة عليهم

ونفس الوقت حاصرتني الضحكة لان صرخت
وياهم بلا مااعرف شكو
بحيث بابا شكد ضايج ع المرة بس ضل يضحك
عليه
وتوسلت بي مايحجي لان اخواني ينصوب عليه
بس احنا بس دخلنا للبيت
جان عابد توة جاي ..وحجالهم بابا وكعدو يصنفون
عليه ..
بس امي من سمعت انقهرت كالت ..
توج عاقدة مو زين تنخرعين..روحي يمامة جيبي
طاسة الخلاص خل تشرب بيها ماي..
جابتلي الطاسة وشربتني وبقت توسوس ومو زين
وتوج ماهرة وتتأذين...

وكملها بابا حجي من اجه العصر وسمع
بالسالفة ..كال تعاي كعدي اقرا عليج...
وكعدني يمه ويفر بايده فوك راسي ويقرا وعابد يكله
جاي ترشلها ملح
وطرده كله اطلع برا الد...لان عابد الوحيد اليداهره
كلهم يهابو ويحترمو ومايتشاقون
بس هو لا يشاقي وينرفزه بس هو جدو
يتونس عليه صح يشبعه مسبة
بس يحب سوالفه...

ومن صارت الساعة ٤ ونص وكلنا كاعدين
بالصالة ..
اندك الباب وراح مختار ورجع كال اجه خالد...
انة فترت اطرافي واحسها ثكلت
ماريد اشوفه وماريد امثل كدامه واصير طبيعية
كلش مااكدر ..
كام جدو كال شعجب تاخر كتله عود تعال هرفي ..
وكام وراه بابا حتى يستقبله..
اجن شهد ويمامة وكومني ويغنن ..وامي راحت
تسلم عليه...
رحت للغرفة وطردتهم لحد مابدلت بلة يمامة عادي
بس شهد لا استحي منها
خلصت وحطيت مكياج شوية وحاولن وياي البنات
ماالبس شال بس ماقبلت
وكالو ذبي منا ومنا مو عاد تحطين دنبوس
وفعلا بس لفيته ع الخفيف..

بقيت كاعدة واكل باظافري وشهد تكلي هيج
سوي وهيج احجي
ويمامة تكلها شكم مرة متزوجة سبع مرات منيلج
هالخبرات..
اندك الباب ودخلت ماما كالت ..اذا خلصتي
روحي ي

م رجلج هو جدج بالاستقبال..
كمت واخط برجليه كوا احس الخطوة ثكيلة
دخلت بلا مااباوعله وسلمت وكعدت..
كام بابا حجي كال ..
يلا مريتج واجت بعد انة اكوم..هلا هلا وياها مو تزعلها
ترى بالخيزران اجلدك..
ضحكت خال كله بالحفظ والصون جدي...

طلع وسد وراه الباب وانة كاعدة ع القنفة بنهاية الاستقبال
وخالد بالطرف الثاني كدام
بس بينا كلش هواي مسافة لان اصلا استقبالنا طويل..
بقيت مدنكة وساكته وهو حجه...

شلون صرتي؟ليش البارحة ماكلتي متخربطة جان
اخذتج للطبيب؟
يو هذا هسه يلا عرف شكد قديم بداخلي احجي..
لا شكرا بس دخت شوية
يمكن ضغطي هبط لان ماماكلة...
خو ماتشكين من شي او يوجعج شي؟
لا الحمدلله كلشي تمام..احجي وانة اباوع للكاع ...
زين هسه كعدتنا هيج جنا متزاعلين..تجين يمي لو
اقترب يمج؟؟
فزيت من كال هيج وباوعتله بس صارت عيني
بعينه بسرعة وخرتها بس مادنكت...
ها شبيج فزيتي ؟ولا يهمج لا تكومين انة اكوم ..
وكام واجه كعد بصفي ع القنفة
انة جريت الكوشاية وحطيتها ببينا..
هو تحمحم وكال..وطن انت هواي مرتبكة على شنو؟
انة رجلج وكلشي جاي يصير صح وشرعي
بعد ليش الارتباك الزايد؟
كوة جمعت الكلمات ونطقت..مو بعدني
مامتعودة عليك...
اي تتعودين شوية شوية بس انطي نفسج مجال وعوفي
هالارتباك الزايد عن حده....

وهذا الحجاب شنو دوره؟ترى امس شايف شعر
ذهبي
وركبة تلمع و.. قاطعته قبل لا يكمل..خالد عفية شبيك..
اي زين طلعتي تعرفين اسمي ههه
بس شنو شبيه فير اوصف الشفته ..مو هسه جايتلي
بحجاب وردانات طوال ..
سكتت عنه ودنكت ماعرف شجاوب..
بس فاجئني من جر الشال من راسي خطفه خطف
فزيت واريد الزمه
اخذه وحطه جوا رجله..وهو كاعد..
تضايقت من تصرفه وضجت وخجلت اصلا متوترة
ماعرف شلون اتصرف ويا...
احس حرارة تطلع من ذاناتي وراسي ..

بقى يضحك بصوت ناصي ويحجي ...اخرب على
الخجلانة ..شوف شلون صرتي حمرة اوف
حجاها وتقرب من رقبتي وجرني عليه
ادفعه مايندفع مااكدر وجسمي كزبر منه
كتفه صار كدامي وعضيته بي كل قوتي يعني ماعبالك
جاي اعض بشر
القوة العضيته بيها مثل الجاي يعسل بلكمة جبيرة سلطت
كل قوتي عليه...
نفس اللحظه عضني من ركبتي ودفعني حيل...
انة بقيت ابجي ومصدومة وارجف وهو فتح الدكم
وانة شفته
كمت اريد اطلع من الخوف عثرت وطحت بالكاع
وهو كام وكف بطريقي..
بس يحجي بغضب وهو صاك سنونه وصار وجهه احمر ..
اذا تطلعين اكسر رجلج سمعتي؟؟؟؟
خلي اشوف عضتج شلعتي زندي..
دنكت عنه وهو شاف العضه وبقى يسوي
جأ جأ جأ شمسوية بزندي ولج
اروح اضرب ابرة خاف يصير بيه داء الكلب...

وكعد كدامي بالكاع وانة ارجف وشعري ع عيوني
مد ايده لزم رجلي صرخت
بس بصوت ناصي..عووفني...
تنهد وكال..مااسويلج شي شبيج خل احاجيج ..
رفع وجهي بيده ومسح عيوني
بقى صافن عليه وانة عيوني مدري وين اوديها ..
دفعت ايده ع كيف وعدلت كعدتي..
هو جر ايدني وكومني وكعدنا ع القنفة..
سكت شوية وجسر حسرة وبعدها كال...
اسف فاجئتج بس..ماكدرت اشوفج كدامي وهذا الجمال
ومااضوك..
اي مو ماعون دولمة وتضوك يانذل ..حجيت بداخلي ...
بس حتى تتعودين عليه وبالزواج ما نتعب ونستحي من بعض..

من جاب سيرة الزواج رفعت راسي كتله..بس
بعده زواجنا مو هسه!
اي اعرف مو هسه واحنا المن خلينا فترة خطوبة
غير حتى نلغي الحاجز البيناتنا
وعيونج ذني الحلوات اشوفهن من احاجيج ماتدنكين مني...
هزيتله راسي وماحجيت شي...

ع فكرة صوتج حلو بالتفلون وينعس..
ابتسمتله ببرود ..
صدك البارحة شكد انتظرت وانت ملتهية وي كرايبج تاخذن
غيبة مو..
ها لا مو غيبة بس هي ماكدرت تجي..مريضة وطفلها تعبان
وجانت تسولف وياي ع الخطوبة..
شبي خطية ابنها؟
ماعرف بعد هي مشاكل الحوامل ماعرفلها انة ..
اهاا حامل ..تكوم بالسلامة ويوم الالج وطونتي...
شسالفة هه...
ليش متفاجئة يابة غير اموت ع الجهال انة وحسبي حسابج
ماريد تاجيل بهالموضوع..
اي ..بس..بعده وكت على هالموضوع كلش..
لا هاي الامور اساسية ونتفق عليها من الاول
والاوله شرط اخره شنو؟
اخره نور ..يعني اكو امور مابيها نقاش لان انة مقررها..
الله كريم لوقتها ..يصير خير...
ً
والنعم بالله اكيد..
وبعدها سكتت وهو سكت .. وشوية ورجع حجه عن
الدوام وشلون جنت اروح
يعني يفتح مواضيع وينعش الجو المتوتر ..
لحد ماصار الاذان وكام يصلي..
احس انعتقت ..ماصدكت طلعت اركض ولو اطيح
بالمؤذن الا ابوسه براسه ..
ومن بعدها راحو كعدو يمه الولد وجدي وبابا
وانة رحت للمطبخ
واجن البنات وراي ..شهد بيدها ماي تشرب
غصت وبقت تكح واجتلي تدور براسي منا ومنا بيدها..
اجت يمامة تدور بعيونها بترقب وتباوع الشهد التضحك
وتكح بنفس الوقت..
وانة افربراسي واكلهم شبيكم يا عوفني..يا وتالي
تخبلتو.؟

سكتت شهد عن الكحة وكالت ..ولج رقبتج بيها
عضة اسددد...
يمامة ماعلقت بس شبح ابتسامة بوجهها..
رحت للمر باوع بالمراية ..جهة رقبتي اليسرى بيها اثر
بس جبير كللش ولونه طوخ...
مديت ايدي تلمسته وطاحت دموعي..
غمضت عيوني بوجع..ورحت جبت الشال رجعته فوك
رقبتي..

.
وبقيت يمهم وشهد تداهرني وتكول طلعت انة الاستحي
وكلساع تذبلها كلمة...
بس يمامة ماحجت...
وكملنا الاكل ومدينا السفرة ورتبنا كلشي
وراحت ماما صاحتهم..
اجو الكل كعد ..بس خالد مارفع نظره عليه
وطول الاكل سوالف وحجي
لحد ماخلص هو اول واحد وارتجى بمكانه ..
بعدها جدي كام وهو كام من بعده
وخلصو ولميتنا المطبخ ورتبنا ونظفنا..
الجاي اخذته ماما صبتلهم ..
وانة اتفادى اروح اكعد ويمامة شفتها تراسل..
بس شهد راحت جوا..
ورا شوية اجت كالت ..خالد يصيحج لان راح يروح
وانة هم يذبني بطريقه..

دخلت جوا مالكيته..كال بابا حجي ..رجلج
يتانيج روحيله..
رحت للاستقبال هو جان واكف..
من دخلت تقدم عليه..
ليش طالعة اليوم بلا ماتكليلي؟؟؟
ها وين طالعة؟
نسيت روحي طلعت لان شي ماله
داعي احجي...
طالعة موزعة الثواب وي ابوج؟
باوعي وطن انة هالشي مايصرفلي كلش..
وكتلج اقل مكان تاخذين اذني يلا تطلعين...
بس انت كلتها ..طالعة وي بابا؟
بابا مسؤول عنج قبل لا اخطبج..هسه مدامج خطيبتي
ماتتحركين بلا اذني..
سكتت وماريد اناقشه شي لان طبعه مو حلو...بعدها كتله
اوكي...
اي عفية..وخو ماخفتي من الصريخ؟
لا بعد سالفة بوقتها وراحت حتى نسيت...
ماشي..
يلا هسه انة اروح واليوم اخابرج..
خلي التلفون يمج واليوم مااقبل اعتذار..
اي...

وبعدها اخذ شهد يوصلها وراح ..انة تحججت بالنعس
ورحت لغرفتي لان اخاف يشوفون رقبتي...
دخلت وراي يمامة..تباوعلي بشفقة..
تمددت بفراشها وانة هم..ورا شوية كالت..
وطن لا تضيعين المشيتين ..يااما تعيشين الحاضر
يااما ترجعين للماضي..
السفر بين زمن هذا وهم وماوراه بس التعب..
لا تبقين تراوحين بمكانج...
وحتى تختمين الماضي خلاص..
حر زين ومابي شي وعلاء وياه ..
لا يبقى بالج...
شكرتها وابتسمت بوجع....
وبقيت متمددة حطيت السماعات وكعدت اسمع اغاني
صار هواي مامنزلة جدد
مالي خلك وماافتح الحاسبة هواي...
انقطعت الاغنية ..باوعت خالد يتصل...
جاوبته ..ضحك ضحكة ممزوجة بقصد ..
نايمة وتحجين مو؟
اي ليش؟
هيج بس شيلي السماعات لان ماحب الصوت بي صدى يصير..
اي اوكي...

شلت السماعات ونمت ع بطني وكتله هسه؟
اي هسه احسن ..
منو يمج؟
اختي بس نايمة..
لا ماتفيدنا اختج نريد ناخذ راحتنا..
روحي لغير غرفة ..
لا عادي قابل شكو؟
لا مو عادي اليوم اريد انطيج اول درس بالزواج
لان مصفرة وبعدين تشلعين كلبي...
يلا كومي بسرعة..
كمت وانة اسب بي بداخلي ومستهزأة بطلبه..
رحت للاستقبال دخلت وسديت الباب
وتمددت ع القنفة..
ها رحتي؟
اي اجيت للاستقبال..
ايي عشتي..
ونبدي اول درس ونكول....

للحكاية بقية