بداية يومك بأذكارك.

-لو شرينا شاورما وحدة مش حنشبعوا منھا ويوم نقرروا نشروا زوز نشبعوا من أوّل وحده.

-لما يكون عندنا كمشة مفاتيح؛ المفتاح المطلوب ديما يكون آخر واحد بعد لنجربوھم كلھم وما يفتحوش.

-لما تشري ھاتف مستعمل وتروح بيه للحوش ويطلع ما يشتغلش، حتقرر ترجعه لصاحبه وفجأة يختار إنّ يشتغل ويا سلام عليه.

-لما تبي ادور على حاجة معينة مش حتلقاھا ووقت تبطل ادورھا ومعاش تحتاجھا حتقابلك في كُل مكان تقريبًا.

خيرنا احني في الجامعة ما يخيروش فينا تبوا تمتحنوا قبل العيد ولا بعده؟

كبرنا يا ولد خالتي.

أذكارك.

بداية يومك بأذكارك.

ادعولي معاكم يا رفاق.

أذكارك.

وتقرر إنَّك معاش تقطع فرض، بعدھا بفترة تقرر إنّك معاش تفوّت صلاة الفجر، بعدھا بفترة تقرر إنَّك تصلي بشوي بشوي وتخشع قد ما تقدر في صلاتك، بعدھا بفترة تقرر ادير ورد يومي من كتاب الله، بعدھا بفترة تقرر تبدا تصلي في القيام، بعدھا تقرر تواظب على أذكار الصباح والمساء، بعدھا تقرر تصلي صلاة الضحى، بعدھا تقرر إنَّك سورة الملك قبل لترقد وأذكار بعد الصلاة، بعدھا تقرر إنك تبطل سماع أغاني، بعدھا تقرر صيام الأثنين والخميس من كُل اسبوع، بعدھا تقرر إنك تعدل من لبسك وتسريحة شعرك، بعدھا تقرر إنك تحضر محاضرات دينية، بعدھا تقرر إنك تحفظ كتاب الله... وھكذا.

ھيّ ھكّ خطوة خطوة حتَّى الثبات بعون الله.

حاليًا في امس الحاجة لدعواتكم إنَّ ربي يوفقني ويفتحھا عليا ونقدر نلم المنھج ونجاوب ونصفي موادي.

صعبة ولكن مش مستحيلة ويالي ينوى يوصل بعون الله.

ممكن معاش حنقدر انزل ھلبا الفترة الجايا، اذكروني بالدعوة الطيبة ولكم بالمثل بعون الله.

متنسوش قيام الليل يا رفاقي.

بداية يومك بأذكارك.

متنسوش سورة الكھف يا رفاقي

عارفين شعور إنَّ كُل ما في الأمر كان تسويف ومحتاج إنك تقرا أوّل بأوّل أو على الأقل كل فترة تقرا جزئية بدل لتخليھم لزنقة الإمتحان، وما فيش حاجة صعبة ومنھج ھلبا.....!

وتندموا على كل دقيقة فكرتوا فيھا ب"مزال الوقت توا نقرا".

ھذا لقاعد نمر بيھ توَّا..😂

متنسوش ساعة الإستجابة وتدعولي.