🌲قصائد حسينية مكتوبة
ومقروءة من قبل الرواديد🌲

📜 قصيدة : موسى ابن جعفر عالجسر
✒️ الشاعر : احمد العبودي
🔷 الرادود : عامر الكاظمي ورائد القيسي

https://youtu.be/EF_I1-r-fMQ

موسى ابن جعفر عالجسر گومو نشيعه
ننصب عزه لجنازته ونسچب الدمعه
🔷🔷🔷🔷🔷🔷🔷🔷
گومو نشيع جنازته وندفن المظلوم
هذا امام الجعفريه اليوم مسموم
مسموم ومزنجل حديد وينزف دموم
هذا الغريب منين صاحو يوم جمعه
🔷🔷🔷🔷🔷🔷🔷
مشمور ومزنجل حديد مغمض العين
نحلان من عنده الجسم مچتوف
الايدين
بالگلب والله مصيبتك يابو الجوادين
خسران كلمن منهجك رافض يتبعه
🔷🔷🔷🔷🔷🔷🔷🔷
هذا الغريب منين صاحو ماله عيله
تنهض تشيع جنازته وتحضر تشيله
تفتح گيوده وبالعجل تخلي سبيله
من همه اهله ويا عشيره البيه تنعه
🔷🔷🔷🔷🔷🔷🔷🔷
بس مو مثل صدر الحسين بخيل ينداس
لا راسه مشيول برمح وتشوفه الناس
لا راحت عياله بيسر ومهبطة الراس
لا مات عطشان ورمح نابت بضلعه
🔷🔷🔷🔷🔷🔷🔷
مشمو هاي جنازته وبالصدا مزند
صاحو غريب اعله الجسر ماعنده احد
ولا چنه من ولد النبي الطاهر محمد
امه الزچيه الطاهرة فاطمة البضعه
🔷🔷🔷🔷🔷🔷🔷
نلطم ندگ اعله الصدر والمدمع يسيل
عالمات في قعر السجون وهود بليل
مثل الحسين الي اندفن من غير تغسيل
عالراس نلطم سيدي ونسچب الدمعه





#تمت_الكتابة_بقلم_خادمة_العترة_ام_محمود_الشمري

https://t.me/qasaedmaqtobah

🌲قصائد حسينية مكتوبة
ومقروءة من قبل الرواديد🌲

📜 قصيدة : ليليه امر عالباب
✒️ الشاعر : احمد ماضي
🔷 الرادود : كرار الكربلائي

https://youtu.be/GiGIYJwk0MM


ليليه امر عالباب ليليه
ينترس راسي تراب ليليه
وحشه وخليه دياركم
تجرح دمعتي خلافكم
يحبابي ليليه / 2
🔷🔷🔷🔷🔷🔷🔷🔷
مثلچ يزينب صبحت هم عشت ليلة وحشه
من يوم ما شال الضعن ماتحب عيني الغبشه
ابچي واعاين عالدرب مثل اليعاين نعشه
لو ما عليله فاطمة اگصد وراكم ممشه
عطشانه شنهي الراي عطشانه
اعليچ مو عالماي عطشانه
شنهو اليبرد ناركم
تجرح دمعتي خلافكم
يحبابي ليليه / 2
🔷🔷🔷🔷🔷🔷🔷🔷
احتار لو صار المسه واتيه مني افكاري
مابين دار ام الحسن مابين وحشه داري
عطشانه بس ما ارتوي من عگب ماي الجاري
عباس اسولف ياجرح مشتاگه تلهب ناري
مشتاگه واشبع نوح يالغالي
وياك اخذت الروح يالغالي
اتمنى وسط خيامكم
تجرح دمعتي خلافكم
يحبابي ليليه / 2
🔷🔷🔷🔷🔷🔷🔷🔷
ياخذني شوگي ودمعتي ابابچ واگول ولا خبر
عالعتبه زينب دنگت حبيتها وگلبي انكسر
اسمعها گالتلي بحزن سافروا ويطول السفر
غمضت عيني تخيلت تله وشفت خيل ونهر
ويلاه يزينب صحت حاچيني
عالوجه گمت وطحت حاچيني
عطاب اشم بثيابكم
تجرح دمعتي خلافكم
يحبابي ليليه / 2
🔷🔷🔷🔷🔷🔷🔷🔷
يحسين احن لشوفتك يابعد بيتي الغالي
ابراسي تفرح شيبتي من تمر مرة گبالي
محتامه احظرلك خبز بيدي وگلت هنيالي
وحشه الليالي بغيبتك ياوسفه بيتك خالي
صنطة من اطب للدار يالوالي
بيا كتر ابچي احتار يالوالي
تعبني حيل غيابكم
تجرح دمعتي خلافكم
يحبابي ليليه / 2
🔷🔷🔷🔷🔷🔷🔷🔷
هواي العله بالي طره وتذكريت هوايه
واحاه يا زينب صحت من شفت المصلايه
مسبيه احس رويحتي ويه العليله سبايه
تگلي ييمه تحلمت عمي اعله المسنايه
بالگمر گمت احلم يناديني
وچن صوت ابن حذلم يناديني
بآية حزن ينعاكم
تجرح دمعتي خلافكم
يحبابي ليليه / 2
🔷🔷🔷🔷🔷🔷🔷🔷
يحسين تذكر من طحت يمك ثجيلة همومي
حبيت راسي ادللي ام عباس گتلي گومي
ليهسه طيبه ريحتك تلهث بعد بهدومي
وياك اخذني خادمة لا طال بعدك يومي
خدامة خذني وياك خدامة
وافرشلك مصلاك خدامة
واتشارك بآلامكم
تجرح دمعتي خلافكم
يحبابي ليليه / 2




#تمت_الكتابة_بقلم_خادمة_العترة_ام_محمود_الشمري

https://t.me/qasaedmaqtobah

🌲قصائد حسينية مكتوبة
ومقروءة من قبل الرواديد🌲

📜 قصيدة : عافوني وراحو
✒️ الشاعر : علي عويز الشويلي
🔷 الرادود : محمد الجنامي

https://youtu.be/_6RnVmW8-Zc


عافوني وراحو ..وچم باچر اباچر مشت يمته يردون
وين الگبر چانو ..اعزاز وعليه من الهوا لو مر يخافون
مثل الدمع سالو ..لو سال عالخد الدمع ميرد للعيون
🔷🔷🔷🔷🔷🔷🔷🔷🔷
يجروحي ماتطيبي .. الا التقي بحبيبي
وردة ولگت ماي
حالف اذا اجالي .. حافي الاگي الغالي
بجروحي الهواي
بس الصدا يردلچ عليهم من تصيحين
ياروحي عدله المن بعد چا ماتموتين
دنياه ماتسوه المشو عنه العزيزين
حنيني .. وونيني
لبعدهم..لبعدهم
شالو اهل روحك .. حدر الترايب ياعلي وخلوك محزون
مثل الدمع سالو .. لو سال عالخد الدمع ميرد للعيون
عافوني وراحو وچم باچر اباچر مشت يمته يردون
🔷🔷🔷🔷🔷🔷🔷🔷🔷
تلگه الخليله عافه .. يابس حچي اعله شافه
للملگه ضماه
يرسم على الترايب .. صورة حبيبة الغايب
ويتعاتب وياه
بدمعي باسمك گمت واشتم بالحروف
من گد صفنتي خدودي گامت تاكل چفوف
حلفت العيون اتعمي وبس طيفك تشوف
هيامي .. وغرامي
بهواكم .. بهواكم
شمحلاها لو عادو .. ويندگ علي بابي وافك بابي ويطبون
مثل الدمع سالو .. لو سال عالخد الدمع ميرد للعيون
عافوني وراحو وچم باچر اباچر مشت يمته يردون
🔷🔷🔷🔷🔷🔷🔷🔷🔷
شالفايدة ابچينه .. الراح مايجينه
وما ترده الدموع
ما ينگطع عويله .. دافن بديه خليله
يظل گلبه مشلوع
يمشي وتظل برويحتك چلماته الحنان
تطلع صوره تظل عليك منين ما چان
مرات واحد دنيته يلگاها بانسان
خيالي .. اعله حالي
بچالي .. بچالي
لاحبابي الغابو حالف اطش روحي نذر لمن يرجعون
مثل الدمع سالو .. لو سال عالخد الدمع ميرد للعيون
عافوني وراحو وچم باچر اباچر مشت يمته يردون
🔷🔷🔷🔷🔷🔷🔷🔷🔷
تلطم تگطع ادينك .. وادگ سنة اعله عينك
مايرجع الراح
هيهات ما ترده .. مي عالرمل تبده
شيلمه لو طاح
يمسي المسه والبيتي ارد چم طير مصيوب
مفارگ واصيحن لا هله بجيتك يالغروب
ومطشر عيوني انتظار بكل الدروب
حسرتي .. وجمرتي
چوتني .. چوتني
مشتاگ واشتاگو ..بس يوگف تراب الگبر بين اليحبون
مثل الدمع سالو .. لو سال عالخد الدمع ميرد للعيون
عافوني وراحو وچم باچر اباچر مشت يمته يردون
🔷🔷🔷🔷🔷🔷🔷🔷🔷
ابچي وشنو الجنيته..الضيعته مالگيته
ظل جرحه ماطاب
شال النظر من عيني ..من عل بتول اديني
هالت بالتراب
شما حزنت عليچ الخلگ يم حزني متصير
من الطم عليچ اختلف لطمي ابسامير
والام الضلوع ادعي كون بضلعي اتدير
يروحي ..وجروحي
الحنينه ..الحنينه
يا فاطمة امنيتي ..كون انه مو انتي الذي بطولچ يدفنون
مثل الدمع سالو .. لو سال عالخد الدمع ميرد للعيون
عافوني وراحو وچم باچر اباچر مشت يمته يردون




#تمت_الكتابة_بقلم_خادمة_العترة_ام_محمود_الشمري

https://t.me/qasaedmaqtobah

🌲قصائد حسينية مكتوبة
ومقروءة من قبل الرواديد🌲

📜 قصيدة : انه العليلة
✒️ الشاعر : مؤيد الحسناوي
🔷 الرادود : محمد الحلفي

https://youtu.be/Timi1ICg1W0

حلم امنياتي.. ما كمليته
بعيوني غافي .. لكن بچيته
انه العليله .. انه العليله.. انه العليله
🔷🔷🔷🔷🔷🔷🔷🔷🔷
بويه مو گلنه وحچينه انه مو مالت هجر
كونك مفصلي هودج حتى اشارك باليسر
قصتي بحلگ الشماته والحچي يگصر العمر
يا حلم هذا البنيته ما وصل حد الفجر
ساعه اعله ساعه .. خلص عمرنه
وتبده حلمي .. ابطّرة فجرنه
انه العليله .. انه العليله.. انه العليله
🔷🔷🔷🔷🔷🔷🔷🔷🔷
ماكو حادي يمرني منهم ماكو طارش لا خبر
يا تراب شماله لونك شو گلب صاير حمر
يابو فاضل گتلي اجيلچ خاطري هسة انكسر
دگلي خيمة ابصف خيمكم حتى ما اعاتب نهر
ماي ارد اگلك ..واعطش گبلكم
ياعمي خيمه .. خليني يمكم
انه العليله .. انه العليله.. انه العليله
🔷🔷🔷🔷🔷🔷🔷🔷🔷
انه الزغيرة المريضة خيم اعليه المرض
بيده چان يشدلي راسي وبالوجع مالي غرض
بادت عضاي بجفاهم والبعد رضاني رض
هذا كله الكاتبه الله والسگم كوه انفرض
سافر حبيبي .. ما يرجع النه
عمي وخواتي .. واهل المحنه
انه العليله .. انه العليله.. انه العليله
🔷🔷🔷🔷🔷🔷🔷🔷🔷
فاطمة وچني الزچيه ونفس اسمها وبالهظم
انه بتها وهي مثلي بيها حرگه وحگها ام
انه بابي انسد وراهم وعدها باب ايطگ عظم
كربله انكتبت علينه نفارگ ونشبع سگم
كسرت گلبنه .. عملة ضناها
اه يا مصيبة .. طف كربلاها
انه العليله .. انه العليله.. انه العليله



#تمت_الكتابة_بقلم_خادمة_العترة_ام_محمود_الشمري

https://t.me/qasaedmaqtobah

🌲قصائد حسينية مكتوبة
ومقروءة من قبل الرواديد🌲

📜 قصيدة : دنياي
✒️ الشاعر : محمد جمعه بادي
🔷 الرادود : محمد حجيرات

https://www.youtube.com/watch?v=WIkS3bODkJc&feature=share

دنياي .. بالضيم ..معروفه
واليوم ..الاحزان .. بالكوفه
🔷🔷🔷🔷🔷🔷🔷🔷
يا دنيه كسرتي الضلع بعد الضلع شتزيدين
هامة علي وچبد الحسن يا دنيه منهو تريدين
طلعتي زينب والحرم مسبيه من وين الوين
رويتي غلچ لو بعد لمن تذبحين حسين
ونسوان .. بحبال .. مچتوفه
🔷🔷🔷🔷🔷🔷🔷🔷
هدمتي يا دنيه الشمل وعمرتي بيت الاحزان
وفرگتي من طيبة الاهل بين النجف وخريسان
بغداد سامره وبلد ومسلم غريب بكوفان
واعظم مصاب بكربله مصاب الذبيح العطشان
مذبوح .. مسلوب .. ونشوفه
🔷🔷🔷🔷🔷🔷🔷🔷
يا دنيه اجريتي الحزن حسرة بدموع الزهرة
وجمعتي آهات الالم يم الحسين وگبره
موسد رضيعه اعله الصدر ونحره يسيل ونحره
وغيبتي يم المشرعه احزام ظهره وبدره
معطيچ.. عيناه.. وچفوفه
🔷🔷🔷🔷🔷🔷🔷🔷
كل هذا غلچ ما ارتوه ويسرتي زينب للشام
ونت حزينه اعله الهزل وشمتت عليها الظلام
ما غفت لحظة من الالم عالناگه وشلون اتنام
يغمه عليها من الحزن وتحلم تظل بالالام
والبال .. محزون .. بطيوفه
🔷🔷🔷🔷🔷🔷🔷🔷
يا دنيه چم امدلله ضجت حزينه بولوال
اشلون ماهي معوده تمشي يسيرة بهالحال
واليها عينه اعله الرمح ينظرها بين الاغلال
وسكنه وحميدة وعاتكه ويه رقيه اعله جمال
ووجوه.. بالخوف .. مخطوفه




#تمت_الكتابة_بقلم_خادمة_العترة_ام_محمود_الشمري

https://t.me/qasaedmaqtobah

🌲قصائد حسينية مكتوبة
ومقروءة من قبل الرواديد🌲

📜 قصيدة : اه يبني
✒️ الشاعر : سامي الربيعي
🔷 الرادود : عبد الامير البغدادي


https://youtu.be/V1pRdGy3g7g


يبني يبني وحالك صعب .. من شفتك عالغبره
آه يبني .. آه يبني .. من شفتك عالغبره
🔷🔷🔷🔷🔷🔷🔷🔷
شفتك ييمه والضعن گاصد لوادي كربله
ناديت يا ضنوة علي ودموعي عالخد سايله
انه امك ادري بالقدر واگبال عينك اتخيله
جسمك يظل بلا غسل والرمح راسه شايله
آه يبني .. آه يبني .. من شفتك عالغبره
🔷🔷🔷🔷🔷🔷🔷🔷
ضعن الفواطم من رحل بوادي الطفوف مگوطره
شفت العلم فوگ الخيم مكتوبه راية حيدره
فارس شبيه المرتضى العباس سبع الگنطره
يا يمه يوگع عالنهر وچفوفه يمه موذره
آه يبني .. آه يبني .. من شفتك عالغبره
🔷🔷🔷🔷🔷🔷🔷🔷
يوليدي عباس الوفي ظهرك حناه بطيحته
ياريت كون امك درت وحضرت المصرع شافته
چا قبلت چف البطل بدم الشهاده وحنته
وچان انحنت يم الجسد عباس يمه وشمته
آه يبني .. آه يبني .. من شفتك عالغبره
🔷🔷🔷🔷🔷🔷🔷🔷
يوليدي الاكبر من برز وجسام ابن المجتبى
شاهدت دمعك ما بطل وعينك عليهم شابحه
تناديه يبني يالولد وينك يالاكبر تندبه
انه ادري الاكبر من وگع گلبك ييمه معذبه
آه يبني .. آه يبني .. من شفتك عالغبره
🔷🔷🔷🔷🔷🔷🔷🔷
يحسين يبني اتألمت من شفت زينب نادتك
ياخويه وحدي ويه الضعن يحسين تبچي تناشدك
وتألمت لمن شفت ضليت يبني لوحدك
والجيش يم زينب عبر والشمر يمه تعنه الك
آه يبني .. آه يبني .. من شفتك عالغبره
🔷🔷🔷🔷🔷🔷🔷🔷
انه امك حسين وشفت يمك گصد يمه الشمر
وجرد السيف اعله الجسد ناوي يحز راس الطهر
ياريت لا شفت الجره من گصد ليك ابلا عذر
ناديت كون انه انذبح گبلك يحماي الخدر
آه يبني .. آه يبني .. من شفتك عالغبره




#تمت_الكتابة_بقلم_خادمة_العترة_ام_محمود_الشمري

https://t.me/qasaedmaqtobah

🌲 قصائد حسينية مكتوبة ومقروءة من قبل الرواديد🌲

📜 اسم القصيدة : بابا وينه
✒️ الشاعر حسين البغدادي
☘️ البرعم الحسيني علي الجعفري

https://youtu.be/UBJfkn9zpsk

بابا وينه...خل يجينه
مو بدينه... احنه نشتاگله مو بدينه
☘️☘️☘️☘️☘️☘️☘️☘️
عافني الما تغفه عينه بغير شبگة صورتي
عافني الكل عمرة عايش حتى يرسم ضحكتي
مو گال اجي وانه اتاني عالباب
مو گال اجي المايحب الغياب
اشبع بچي وازعل واراضيه
هذا الحبيب الساكن بلچمات روحي
☘️☘️☘️☘️☘️☘️☘️☘️
عذبوني ...موتوني
ياعيوني.... انه محتاج اله ياعيوني
ما مصدگ راح ابوي وعافني بهمي انولي
ازعل لحد ما اموتن والله لو ما رد الي
ون وبچي ارد اخلص الليل
مو بالحچي فراگه هدملي الحيل
يا حيرتي عافني بهمي وراح
انه اليتيم الما يبطل ساعه نوحي
☘️☘️☘️☘️☘️☘️☘️☘️☘️
ودعاني .... يا زماني
الما نساني گلبي بهمومه انوله
يا زماني
اه يا گلبي الحنين الما صبر بموادعه
راح ابوي ونار عيني والصبر طاف وسعه
لا مو وفي يا زماني وياي
اشلون انطفي وانه يحرگني الماي
وتعذبت من حنين الفراگ
دارت عليه بالحزن والهم جروحي

#تمت_الكتابة_بقلم_خادمة_العترة_ام_محمود_الشمري
https://t.me/qasaedmaqtobah

🌲قصائد حسينية مكتوبة
ومقروءة من قبل الرواديد🌲

📜 قصيدة : مايرجون
✒️ الشاعر :وليد العكيلي
🔷 الرادود : الشيخ ميثم التمار

https://youtu.be/bVc0ZeInT-A

مايرجعون .. مايرجعون
راحو احبابي من اديه وما يرجعون
مايرجعون .. مايرجعون
نامو بحضن المنيه وما يرجعون
اتركوني وروح المفارگ عليله
منتظرهم وادري سفرتهم طويله
وين اروحن مالي صاحب من بعدهم
غربه وجدام الغريب شگد ثگيله
دمعي يجري .. وناري تسري
ليلي اخلصه معارك انه وذكرياتي
هنا گعدنه .. هنا ضحكنه
سافروا واحترگن بروحي امنياتي
🔷🔷🔷🔷🔷🔷🔷🔷
طال الفراگ .. طال الفراگ
ما اظن اشتم هواهم طال الفراگ
گلبي مشتاگ .. گلبي مشتاگ
ينبض اهات بجفاهم گلبي مشتاگ
سمعوا اذان الحرب للجبهة ناده
ودعوني ولبسوا ثياب الشهاده
يمته ماتوا بعده ما خضر عمرهم
حصدوا ايامه گبل موسم حصاده
يا حسافه .. بكل صلافه
هدمت حيلي وخذتهم يا زماني
روحي يمهم .. ما نستهم
بكل درب ماشين ادور بيه واتاني
🔷🔷🔷🔷🔷🔷🔷🔷
طول الليل .. طول الليل
بيش اقنع جروحي يغفن طول الليل
يهدم الحيل .. يهدم الحيل
مظلم وساعاته وگفن يهدم الحيل
روحي غيم شوگهه ومطرت محنه
واشتهتهم بس وراهم ماكو ظنه
عصفت رياح الشهاده وطش خبرهم
وبخيالي دورتهم جنه جنه
شنو ذنبي .. اه يگلبي
كبرت جروحي بعد ما الها طيبه
ودعتمن .. عايش المن
شنهو حلمه التغفه عينه اعله المصيبه
🔷🔷🔷🔷🔷🔷🔷🔷
لا تبطلين .. لا تبطلين
كثري ياروحي ونينچ لا تبطلين
بلكي تنسين .. بلكي تنسين
موتي اذا هزچ حنينچ بلكي تنسين
بيش اشوفن دربي فرگتهم عمتني
راحو وبس المصايب رافگتني
همه رفعت راسي ويخوف ذكرهم
چنت اخوف الدنيه بيهم لو ولتني
فارگوني .. وعذبوني
روحي ما بين الحزن والشوگ اسيره
من حنيني .. تعمه عيني
المايشوف احبابه هم عينه ضريره




#تمت_الكتابة_بقلم_خادمة_العترة_ام_محمود_الشمري

https://t.me/qasaedmaqtobah

🌲قصائد حسينية مكتوبة
ومقروءة من قبل الرواديد🌲

📜 قصيدة : نواعي امي
✒️ الشاعر : صفاء الدفاعي للرميثي
🔷 الرادود : سيد احمد النعيمي

https://youtu.be/Ct-MIfiEvkc


وعيت اسمع نواعي امي على الزهرة
واشوف دموع ابوي بمجلس الذكرة
ومن عدها عشگت المنبر وسره
وبديت عله الحسين ابكل وكت اقره
🔷🔷🔷🔷🔷🔷🔷🔷
اخذ بيدي ابوي وعمري اظن سنتين
وتوجه للنجف ينخه يبو الحسنين
يگله ابني اريده قاري اعله حسين
وذب عگال راسه ودمعته بالعين
وامي تدعي ياربي يصير آمين
مثل عبد الرضا لو حمزة لو ياسين
🔷🔷🔷🔷🔷🔷🔷🔷
اعلام الخدم عزنه ومفاخرنه
ومنهه اتعلمت خدمة شعايرنه
وسمعت اجمل قصيدة من منابرنه
نشيد البيه تتغنه حناجرنه
ياسين الرميثي الهز مشاعرنه
يوم الگال يحسين بضمايرنه
يحسين بضمايرنه .. صحنه بيك امنه
لا صيحة عواطف هاي .. لا دعوه ومجرد راي
هذي من مبادئنه .. صحنه بيك امنه
🔷🔷🔷🔷🔷🔷🔷
انه بحب المنابر اصبحت مفتون
لأني بحب ابو اليمه صرت مجنون
ومن يوم اسمعت صوت اليبچي الكون
الماخله علينه لا دمع وعيون
لن حمزة الزغير وابگلب محزون
بصحن حسين يقره گلي يالميمون
گلي يالميمون .. وين والينه
راح ابو السجاد .. لو يرد لينه
راح من ادينه
🔷🔷🔷🔷🔷🔷🔷
بين احلام عشگي وخدمة الزوار
لن صوت اليوجر بالدليل النار
صوت الماتجف ادموعه ليل نهار
خله الفاجعه والنايحه بكل دار
ولن عبد الرضا يقره بدمع مدرار
زينب ياغريبة البچت الكرار
زينب يا غريبة .. الله شمصيبة
وجهچ يازينب وين .. مذبوح اخوچ حسين
والجثة سليبة .. الله شمصيبة
🔷🔷🔷🔷🔷🔷🔷🔷
بفضل الله واهل بيته وعنايتهم
اثر خدامهم سرنه وهدايتهم
لا تحرمنه ربي من خدامتهم
واهل البيت ارزقنه شفاعتهم





#تمت_الكتابة_بقلم_خادمة_العترة_ام_محمود_الشمري

https://t.me/qasaedmaqtobah

🌲قصائد حسينية مكتوبة
ومقروءة من قبل الرواديد🌲

📜 قصيدة : غيابك
✒️ الشاعر : كرار مولى الكاظمي
🔷 الرادود : نور الحسين العامري

https://youtu.be/KpuB6DXNqYA


يلي بسببنه غيابك غيابك
هم النه عين بعتابك عتابك
عدنه شكثر ذنوب .. منها شوكت نتوب
يابو صالح يابو صالح
🔷🔷🔷🔷🔷🔷🔷🔷
ياحلم بدموعه غصت كل طيوف عيوني
بگد محطات انتظارك صممتها ظنوني
بس يمهدي شنفعه هذا وانتو ماتقبلوني
انه اسود وجهي منك ردلي بيدك لوني
رجعلي لوني يغايب يغايب
مالي وجه بيه اجاوب اجاوب
عتبك علي يطول ..شرد اعتذر واكول
ذنبي واضح ..يابو صالح يابو صالح
🔷🔷🔷🔷🔷🔷🔷🔷
اه يالمحجوب عني بذنبي وانته گبالي
ما افكر شنو حالك يل تنوح لحالي
لو مفكر بيك اراجع سيرتي وافعالي
وابچي روحي عليك لمن تنعرض اعمالي
لكن چنت يا وسافه وسافه
عنك ابعد المسافه المسافه
ضعت بهوى الغرور .. لنه الزمن يدور
ولني طايح ..يابو صالح يابو صالح
🔷🔷🔷🔷🔷🔷🔷🔷
اي وحگ حيرة الحره وبگلبها الدامي
لساني موگد عذري وانه حاير بأوهامي
وحگ لهفة گلب سكنه لگلب ابوها الضامي
لهفتي للتوبه يمك اكبر من احلامي
اعليك الوگع عالشريعه الشريعه
تنهض يحامي الشريعه الشريعه
وبگطعة الچفوف .. چفك علي يطوف
وليه اصافح .. يابو صالح يابو صالح
🔷🔷🔷🔷🔷🔷🔷🔷
اه لو هالساعه تظهر ياضحية اسرافي
كافي من ذنبي يمهدي ومن غيابك كافي
حافي ياريت اعتنيلك مثل بشر الحافي
يمك اوگف وگفة الحر گوه تحچي شفافي
لو ترضه اجاهد جهاده جهاده
ويمك انول الشهاده الشهاده
ولو بالحرب اطيح .. بسمك اضل اصيح
وصوتي صادح .. يابو صالح يابو صالح
🔷🔷🔷🔷🔷🔷🔷🔷
مو لجلنه الثارك اظهر يالتعيش الحالة
يكفي بس تشوف جدك دامي محد شاله
ماكفه سيوف الاعادي تگطع بأوصاله
وصله وصله عليها تسحگ صارت الخياله
والاقسه من هالرزيه الرزيه
مسبيه سكنه ورقيه رقيه
عماتك بعذاب .. ولياها عالتراب
ودمها سايح .. يابو صالح يابو صالح



#تمت_الكتابة_بقلم_خادمة_العترة_ام_محمود_الشمري

https://t.me/qasaedmaqtobah