🌲قصائد حسينية مكتوبة
ومقروءة من قبل الرواديد🌲

📜 قصيدة : امنيتي الولد عريس اشوفنه
✒️ الشاعر :كريم الدراجي
🔷 الرادود : ابو سجاد البصري

https://youtu.be/IMymhYW600I


عريس الولد جابو يتجوله
وماترهم الزفه بلايه هلهوله
_____________________

امنيتي الولد عريس اشوفنه
هلهولة خواته وصفكت الحنه
من الخيمه عماته اليزفنه
بنت عمه العروس تعاين الطوله
___________________

فرحانه بابنهه تبخر هدومه
هذا اول فرح للكاضي ملزومه
ماتدري بابنهه مصاحب الحومه
المنيه زفته وبسيوف يقروله
_____________________

لبس هندام ابوه وشاجخ اعكاله
عمه من الخيم صد وتعناله
على عمه الولد ماطالع الخاله
يشبهه صورة العباس كلوله
_____________________

المعروفه بسلفنه البت لابن عمهه.
زفه وكون عباس ايتجدمهه
سكنه تصير جنتي وانه اصير امهه
يسويهه البخت وتصير معقوله
__________________

معقوله وتصير الما حسبتلها
والعباس سكنه اله ادللهه
اكعد يمه بت عمك شكللهه
جاسم راح منج اه يمدلوله
___________________

جاسم راح منج ونهدم حيلي
حسبت احساب ام بيتي تصيرلي
ها يمه يجاسم اكعد احجيلي
شنهي بخاطرك يصير بس كوله
_________________

كلشي يصير الك لاتاخذك حيره
اسويلك عرس ماصاير بديره
من عباس اطشلك هاكثر غيره
بخت حسين ازفك والزلم ذوله
_____________________

#تمت_كتابه_خادمة_فاطمه_الزهراء_ع_


https://t.me/qasaedmaqtobah

🌲قصائد حسينية مكتوبة
ومقروءة من قبل الرواديد🌲

📜 قصيدة : زينب بجت الناكه
✒️ الشاعر :مالك الساعدي
🔷 الرادود : حيدر جبار الربيعاوي

https://youtu.be/afrrhYIJ4wI


بيوم الودعت عباس زينب بجت الناگه

وصاحت ياگمر عدنان
صعبه موادع الخوان
وترضه تطب ديوان
خويه شوكت نتلاكه
_______________

اجيت للنهر وانخاك
خويه اتمنى اموت وياك
هاك جفوفي رد يمناك
مايرضه الكلب ينساك
ولشوفتك مشتاكه
_________________

ياعباس خويه شلون
خويه بهيمه ماتدرون
ونار بكربلاء تشعلون
دموع العين حراكه
__________________

صحتلك خويه مارديت
وانه الشوفتك حنيت
نايم ع النهر ضليت
وسكنه اتاني يلماجيت
__________________

يطول يوم الملاكه




#تمت_كتابه_خادمة_فاطمه_الزهراء_ع_


https://t.me/qasaedmaqtobah

🌲قصائد حسينية مكتوبة
ومقروءة من قبل الرواديد🌲

📜 قصيدة : راحن عيوني
✒️ الشاعر : وليد العگيلي
🔷 الرادود : حيدر السعد

https://youtu.be/dZCw48CpxwM



راحن عيوني بجفاكم ياهلي
لابو فاضل مر عليه ولاعلي

وينكم يهل المحنه
انتضر لو ماكو ضنه

ياهلي ياهلي ياهلي

________________


كلبي ذاب وماتت بروحي الاماني
وينكم شو محد اتذكر وجاني
اه لو تدرون بيه شكد اعاني
دكة الباب اشمعزها اعله اليتاني

عند المتاني الحبيب ومايطب
دكة الباب اغلى من دكة الكلب

ياوكت يلتم شملنه
انتظر لو ماكو ضنه

ياهلي ...... ياهلي

________________

سافروا وانه ادري بدروب المنيه
بيهه بس روحه ابد مابيهه جيه
اَيليل افراككم شمسوي بيه
تكضي روحي يله تكضي المغربيه

يكسر ضهور الزلم طبع الجفه
وانه طفله وكلبي ينبض عاطفه

قلبي شوفتكم تمنه
انتضر لو ماكو ضنه

ياهلي .... ياهلي

________________

وين ابوي البلعطف ماكو مثيله
ما اصدك يهجر ابنيته العليله
بويه فدوه ارجعلي احلفك بلعقيله
لاتيتمني الابو يموت رحيله

بويه يوميه على الباب انتجي
وابقى اعاين على الدرب واشبع بجي

يالحنانك ماكو منه
انتضر لو ماكو ضنه

ياهلي .... ياهلي

________________

وين اروحن من يجي الليل بضلامه
وانا اخافن حتى من صوت الحمامه
امي عدله واني ليلي ما انامه
وحشه الله يساعد كلوب اليتامه


منهو اليرجعلي امي والدي
والله اخاف شلون انام الوحدي

كمت اجر ونه اعله ونه
انتضر لوماكو ضنه

ياهلي .... ياهلي

________________

ياهلي وعبد الله كاتلني بوحشته
يمته يرجع والله مشتاكه الضحكته
مرت طيوفه عليه وماعرفته
بعده راسه بخير لو كطعوا ركبته


اخذوا ماي عيوني لو جاسه الضمه
فدوه لاسمه تروح اخيته فاطمه

منهو اليخبرني عنه
انتضر لوماكو ضنه

ياهلي .... ياهلي
_______________


#تمت_كتابه_خادمة_فاطمه_الزهراء_ع_




https://t.me/qasaedmaqtobah

🌲قصائد حسينية مكتوبة
ومقروءة من قبل الرواديد🌲

📜 قصيدة : الليل سالفته طويله
✒️ الشاعر : علي اكبر الغرابي
🔷 الرادود : مسلم الوائلي


https://youtu.be/F_byIs0LT_4


دمعاته للطف يحدن
والفاجدات التمن
واخر انفاسه ابلا هله ..كلهم خذتهم كربله
والفاجدات التمن
🔷🔷🔷🔷🔷🔷🔷🔷
گعدت گباله اليتامه .. ومامش اهله ولا عمامه ..دار عينه ويبچي سكته
الموت مرسوم اعله جيده .. من سره السم بوريده ..ونزلت الباقر دمعته
يتچّه اعله باب الموت كلمن فاگد اعزازه
وياحنية الماشين عازتهم صدگ عازه
عايش غريب لحاله .. خيط الشمع يبراله
والدار سكته من هله .. كلهم خذتهم كربله
والفاجدات التمن
🔷🔷🔷🔷🔷🔷🔷🔷
علي السجاد بحياته .. الموت اجمل امنياته ..خلص بالطف ثلث عمره
بعينه من چتفوا خواته .. وتاكل النار بعباته ..كسره ماتوصلها كسره
ميت من گبل لايموت حيله ومنشده رايه
من طبن العلويات من ولايه لولايه
بعوچيته من شد حيله .. چف الاجل يوميله
بالدنيا ما باقي اله ..كلهم خذتهم كربله
والفاجدات التمن
🔷🔷🔷🔷🔷🔷🔷🔷
غمض عيونه بدمعته .. وكربله تعيش بصفنته ..وبانت بوجهه المنيه
الباقي من ايام عمره .. باگهه الطف ذكرى ذكرى ..واخ من الغاضريه
هي العافيه بيا لون للعايش على جروحه
لو ذكروا حسين يطيح مدري شيوجعه بروحه
بعينه المضيع ناسه .. كلما يلچمه احساسه
يرسم صور للقافله ..كلهم خذتهم كربله
والفاجدات التمن
🔷🔷🔷🔷🔷🔷🔷🔷
بعينه المفارگ خليله .. الليل سالفته طويله ..وحسبه تاخذ حسبه چنهه
وعلي السجاد ابونينه.. فزز جروح المدينه ..ولملم جروحه وحضنهه
ظلت بس بقايا جروح منه ومنخطف لونه
الينشد يعرف السجاد من تسولف عيونه
والنشد عن اخباره .. يگله الدمع خطاره
والينشد اعله العايله ..كلهم خذتهم كربله
والفاجدات التمن
🔷🔷🔷🔷🔷🔷🔷🔷
بردت چفوف المحنه .. ولو هو شظال منه ..الدافن بچفه اليودهم
تدري بجروح الليالي .. كلمن مفارگله غالي ..ويادمع هذا اليردهم
انه ادري اليريد يموت لمّن تخلص ايامه
گبل الچفن والتابوت بيده يشيع احلامه
حتى الهلا والملگه.. ذابحهه سيف الفرگه
واخر حلم ما كمّله ..كلهم خذتهم كربله
والفاجدات التمن




#كتابة_خادمة_العترة_ام_محمود_الشمري

https://t.me/qasaedmaqtobah

🌲قصائد حسينية مكتوبة
ومقروءة من قبل الرواديد🌲

📜 قصيدة : والدي راح
✒️ الشاعر : حاتم صاحب النجفي
🔷 الرادود : ماهر الشبلي

https://youtu.be/OFtG8oQxfv4

والدي راح و بقه خالي مكانه
راح ابونه الجان يغمرنه بحنانه
راح ابو قلب الحنين
ظلمة من بعده السنين
راح ابونه راح ابونه

🔷🔷🔷🔷🔷🔷🔷
احنه من أنفاسه نتنفس هوانه
وجنه كل فجريه نستانس باذانه
جان من يقره الدعا بنبره لسانه
تنزل املاك السماء وتشم مكانه

ودع الدنيه وعله شفافه ابتسامه
عكبه من يمسح على روس اليتامه
عافني بكلبي الحزين
ظلمة من بعد السنين
راح ابونه راح ابونه
🔷🔷🔷🔷🔷🔷🔷
بقت روحي بغيبتك والله عليله
والأماني بلا علي أعلن رحيله
مصيبتك يا والدي لا مو قليله
يالعفتني بدمعتي وانه العقليه
واليفارك حيدره شله بحياته
يعني فارك جنته وكرب مماته
والله عذبني الونين
ظلمه من دونه السنين
راح ابونه راح ابونه
🔷🔷🔷🔷🔷🔷🔷
من رحل من عيني حماي الحميه
ماتت اليوم الحياة الحيدريه
من عكب عينك وعين امي الزجيه
جرح ظل يشبك جرح يابويه بيه
نزف علمك يا علي دمك سويه
الف نعله اعله المرادي بهل مسيه
بهل جرح الله المعين
ظلمه من بعد سنين
راح ابونه راح ابونه
🔷🔷🔷🔷🔷🔷🔷
العيد اجانه وانته غائب يل صميده
شلون كلك بويه ايامك سعيده
بلاي نورك هاذه عمري ماريده
امنياتي برجعتك صارت بعيده
بوي احس مخنوكه من فاركني صوتك
جروحي وي دموعي تطلع عكب موتك
راح امير المؤمنين
ظلمه من دونه سنين
راح ابونه راح ابونه
🔷🔷🔷🔷🔷🔷🔷

للكبر راح وشبك لحد المنيه
وليلي يشرب دمعتي ويبجي عليه
عكب رحمت شوفت زينب سبيه
اتصيح راح المرتضى اليوم من اديه
تهدمت هليله اركان الهدايه
والعداله ماتت بجرح الولايه
انكطع حبل الله المتين
ظلمه من بعد سني
راح ابونه راح بونه
🔷🔷🔷🔷🔷🔷🔷
عكب عينك ياعلي كل عمري حيره
جني مسلوبه خدر وبلا عشيره
ترضه زينب عكب ماجانت اميره
تصبح بطف كربله باجر اسيره
تمشي بحبال الشمر مجتوفه اديها
وعين ذباح الاخو تنظر عليها
وتنظر لراس الحسين
ظلمه من دونه السنين
راح ابونه راح ابونه



#كتابة_ملا_سجاد

https://t.me/qasaedmaqtobah

🌲قصائد حسينية مكتوبة
ومقروءة من قبل الرواديد🌲

📜 قصيدة : فزاعيات
✒️ الشاعر :
🔷 الرادود : مسلم الوائلي

https://youtu.be/et8HXdPy574

حسين حسين حسين
وعلى مثل الحسين ف اليضج الضاجون
حسين حسين حسين
خويه خويه خويه
***********
طلعن من خيمهن مادرن وين
ويدورن لجن ماهو الحسين
وكفن ع التله وهنه نسوان
وصارن مرصد لكل شامت وعين

وهاي الخيل اجت صاحوا تلحكونه

*************

وصلنه ولكنه يجر نفس كوه
وحده تكول هوه ووحده مو هوه
حسين من العطش متغير هواي
وعد راسه بجن ذاك البجي اليسوه

وصاحوا من طحت فرهود بلخيمه

**************

وين يروحن الماعدهن خوان
والوادم هواي وهنه نسوان
عطشانات ويدورن على الماي
وهنه ارياجهن متروسه دخان

وياهو اليرد بينه لذيج بيوتنه

***********

شكد صاحن لجن مافاد الصياح
وحيل الفاكدات من التعب راح
وشامتهن يصيح بعالي الصوت
ابوجن يابنات من المهر طاح

من فوك ميمونه وطايح عالوجه

**************

يزلامنه الماتشبه ازلام
عدكم تره علويه بلشام
وشتنام بين الغربه شتنام

ولاجفيه خضره فوك الجنازه

**************

تلاكوا زينب ويه حسين يبجون
وهو يكلهه شو كبرانه يم عون
وهيه تكله بيك الكبر موش انه
وهوه يكلهه لا والله انتي كبرانه
وهمه ثنينهم بلكوه يمشون

تعور ضهر اخيتك صعدة الناكه



#خادمة_اهل_البيت_ع

https://t.me/qasaedmaqtobah

🌲قصائد حسينية مكتوبة
ومقروءة من قبل الرواديد🌲

📜 قصيدة : الهويه الحيدريه
✒️ الشاعر : كرار حسين الكربلائي
🔷 الرادود : ماهر الكربلائي


https://youtu.be/AkVJez0-w5o


باجر ننسأل عن الهويه
ونكول الهويه حيدريه
هناك مايضيعون
عشاك الولايه


___________________


باجر ينادي (قفوهم) حسب ماكالت الايه

بساحة المحشر يعالم ننسال عن الولايه

ونشكر المعبود احنه بحب علي من البدايه

اليعرض جوازه بلحشر
البي ختم من حيدر يمر
الماله علي منين ايعبر
بلقيامه يتيه رايه
يلتبغض علي محنتك محنه
كطنه وشيله من اذنك الجنه

البلجنه يطبون
عشاك الولايه

________________

البعض تنغث من عشكنه واحنه بلناس شعلينه
لو مدينه رضا الباري يحط علي باب المدينه
والله لو بايعت غير المرتضى نكطعها ادينه

بارينه المنصبه ولي
وجبريل صوته يعتلي
ماكو ولي الا علي

ربنه حط هالشوك بينه
من الله العشك بلكلب صله
العنده مشكله يسولف اويه الله
احبابه ايتسمون
عشاك الولايه
_________________

احجايه التفيدك اسمعهه الماتفيد ابحر ذبهه
بساعة المحشر يبين كل صدكهه وكل جذبهه
الجنه لومابيهه حيدر وحك حيدر مانطبهه
نقسم وحك رب السمه
للموت وي حامي الحميه
لاماتمسنه الحاطمه
الحاطمه مانقتربهه
افتح عينك وافهم واعقل
الجنه بلا علي جنهه جهنم
ولجهنم يطفون
عشاك الولايه

_________________

يالبعيد احجايه اكلك خلهه ترجيه باذانك
انته وي اهل السقيفه الله حاجزلك مكانك
علي متذكره بأذانك فلس مايسوه اذانك
ماتدري يلعندك جهل
بلجنه دكو مستهل
حي على خير العمل
هي بلمحشر امانك

الزم جف علي خل يلزم ايدك
هناك فلان كلشي مايفيدك
بهيبة علي يمشون
عشاك الولايه



#خادمة_اهل_البيت_ع


https://t.me/qasaedmaqtobah

🌲قصائد حسينية مكتوبة
ومقروءة من قبل الرواديد🌲

📜 قصيدة : ركض العلويات
✒️ الشاعر :
🔷 الرادود : حسن خريبط


https://youtu.be/RJkNx72AnbA



ياراكضات من الخيم ذاك الحسين كبالجن

متعوب وشفافه زرك طايح كبال عيونجن

ياراكضات من الخيم ذاك الحسين كبالجن

تعبرنه ليش بلا فكر ماتعرفنه شمالجن

ياراكضات من الخيم ذاك الحسين كبالجن

ركضت الخيل اعله الخيم نيشنت حتى اثيابجن

ياراكضات من الخيم ذاك الحسين كبالجن



#خادمة_اهل_البيت_ع

https://t.me/qasaedmaqtobah

🌲قصائد حسينية مكتوبة
ومقروءة من قبل الرواديد🌲

📜 قصيدة : عابر ديره ديره
✒️ الشاعر : علي الغزي
🔷 الرادود : مسلم الوائلي


https://youtu.be/xQzd99NjG0I


تباهت كربله مابين الاقطار
عزيز الزهره عدهه اليله خطار

صاحت والهلا من السانهه تسيل
هلا بهاي الحيود الراكبه الخيل
____________________

هلا بلجاي كاطع سجة الموت وعابر ديره ديره

مسروجه الخيل اواحد الراي بحيود العشيره

الكل منكم يمينه املاويه الموت وفرحان بمصيره

جنح جبريل عن حر الشمس كام فيه اعله المسيره

يشراف القبايل واكرم الكوم
الفخر كل الفخر خطاري اليوم
وعساكم بالامان اكبار وازغار
عزيز الزهره عدهه اليله خطار

________________

هلا بكمرة اليل الضوت بطيب كل ضلمه بمجاني

بيرغ للحزن ماينكس يوم شايلكم زماني

اول بلمفاخر دوم تمسون وما صاحبتوا ثاني

صار سنين اناطر وحسب حساب ولهل ملكه اتاني

سمره وجوهكم من حر الشموس
وللموت الشرف سلمتوا الانفوس
يسباع الوغى وسادات الاحرار
عزيز الزهره عدهه اليله خطار
_______________________

حطوا ارحالكم نصبوهه الخيام هذا الماي اشربوه

بات اعله المحتم يوم يومين وتذبل هاي الوجوه

يم حسينكم لايدنه مكروه حتى الريح امنعوه

لو عز الفرات اعله الوديعات ماي العين اعصروه

من اكلوبكم جن اسمع الاه
تركض على الموت تريد ملكاه
دمتوا اعله العهد ياخير الانصار
عزيز الزهره عدهه اليله خطار

__________________

ياحي الحسين اربات الاطياب وناموس الامامه

يل جنك محمد طبق الاوصاف بلزي والعمامه

ريت الموت عنك دار مكفاه وماتوصل اجدامه

يخسه اليل الاسود كون ياذيك ماتكدر تنامه

تذبل فاطمه لوذبلت اشفاك
وبلعنة اجدادك تبتلي اعداك
روحك روح طه وسر الاسرار
عزيز الزهره عدهه اليله خطار

__________________

هليله بسلامه اتبركت بيك كل اتراب علكاع

وصوت الحك الواضح مثل الهلال سمع كل الاسماع

ياكلب الوفه الزارفته الاهموم وجاير من الوداع

وكلمن ودعاك اتباغض وياك خابت عيشته وضاع

تتناثر محبتك مادري منين
وتتباجه اللسن من نلفظ حسين
وتتشابح عليك بحيره الانضار
عزيز الزهره عدهه اليله خطار
__________________


#خادمة_اهل_البيت_ع



https://t.me/qasaedmaqtobah

🌲قصائد حسينية مكتوبة
ومقروءة من قبل الرواديد🌲

📜 قصيدة : شهامه ومرجله
✒️ الشاعر : سيد محمود الموسوي
🔷 الرادود : مسلم الوائلي

https://youtu.be/K17h3Mht5Gc


هلا بزود الحسين هلا يعكال عالراس

هلا بحلو المتون هلا بعطرك ينوماس

هلا بضهر الحسين هلا بشارب العباس

يغيره كربله ... شهامه ومرجله
هله بطاري الشهم

يلي احله من الكمر ... يلي مسكت النهر... يلي مشرد الزلم

جبريل يوم صياره .. لعباس سوه زياره ... كبل الناس

علسبعه سوه اقرايه وحيدر كتب مشايه بجف عباس

يبو فاضل .... يبوفاضل 4


________________

هله بساقي الاخيام هلا بقباض الارواح
كلف عينه شاهين يحوم وعالي الاجناح
بخزرته تطيح اجبال الكال ماطاح

صكر كل مايهد .. يجيب صيده ويرد .. كضاهه المشرعه

كلف وابن الكلف .. خزر سبعين الف ..
خزرته الواقعه

حيدر علي يسمونه ..وملثمات عيونه.. وجايب الماي

جاب النهر لسكينه ...ويضحك بوجه حسينه .. رايح جاي

يبوفاضل .... يبوفاضل 4

____________

هلا ابشيخ السماوات ابن حيدر ابو تراب

هله بلخوف الحوت هلا بلقالع الباب

هلا بلماشهر سيف لان يذبح بالاكراب

امير ابخيمته .. شجاع بخزرته ..يكشاف الكرب

دخيلك ياولي .. يبن حيدر علي .. يقتال العرب

سبحانه مدري شايل وحاجب عيونه المايل ذو الفقار

فرض العشك بعيونه... والوادم ايصلونه ...من ينزار

يبوفاضل ..... يبوفاضل 4

________________

ضوه البسمله وصار كمرهه هلال ياسين

دخيل عيونه عباس... ضواه من الحسين ... ابن حيدر المهيوب ... ذاك العبر قوسين


كمر وجه الضوه ... نعبر لجل الهوه ... حدر خيمه وستر

لكيت اول عشك ... غرامه احترك .. وضل اكتب شعر

من اكتب العباسي .. اب كل بيت رافع راسي .. يامحلاه

عباس يامحلاته .. لازم ابكل ابياته ان صيح الله

يبوفاضل ... يبو فاضل 4
______________

عطر جفه نيشان.. يجيب التايهه ابعيد

غاضنفر يمهيوب .. يلمخوف العرابيد

تره العنده عباس بعد بلدنيا شيريد
عطش وبكل مطر .. رسمته اعله النهر .. احبن هيبته

ارسمه ابنص زلم ... يحارب مبتسم ... يصلي برايته

كلبي عشكت احساسه ... بي هيبه من عباسه .. يحب حسين

لكلبه موش ويانه .. احنه الكمر خلانه .. مجنونين ...


يبوفاضل .. يبو فاضل 4
_____________



#خادمة_اهل_البيت_ع



https://t.me/qasaedmaqtobah