🌲 قصائد حسينية مكتوبة ومقروءة من قبل الرواديد🌲

📜 قصيدة : صلاة المجالس
✒️ الشاعر : هادي الزينبي
💠 الرادود ملا محمد الطرفي والبرعم الحسيني مجتبى جلالي

https://youtu.be/Qe1doXTwjcw


حسين حسين حسين حسين
💠💠💠💠💠💠💠💠💠
نوح ولطم وقرايه حالاتي يومية
بين الصلاة مو بيدي هم اقره لطمية
ما ترضه تغفه عيوني سهرانه ليلية
والكعدة ما تحلالي الا بحسينيه
ليليه اون وانصب عزة وعندي مناحه
ما ابجي اذا ليلة الك ماعندي راحة
ليليه عزية .... والدمعة جرية
حسين حسين حسين حسين
💠💠💠💠💠💠💠💠💠
اوكات اظلن صافن واتحير بامري
وابراسي فكرة ودايم تاخذلي نص عمري
معقوله ما من مجلس من انزل انزل ابكبري
تدريني انه امعلم الطم على صدري
كليله اذا الطم الك ما يكفي حاسس
معقوله اموتن وانكطع عن هالمجالس
مو كافي عليه ... والدمعه جرية
حسين .. حسين
حسين .. حسين
💠💠💠💠💠💠💠💠💠
كل همي يا بو سكينه وامنيتي بس هايه
كون الله ياخذ روحي وقاعد بالقرايه
كون باخير انفاسي الفظ هالحجايه
يابو الفضل وعيوني اتباوع على الرايه
اتمنى رضيعك سيدي ايصلي عليه
بتشييعي اشوفن زينب وسكنه ورقيه
اتشيعني رقيه ... والدمعة جريه
حسين حسين حسين حسين
💠💠💠💠💠💠💠💠💠
اتمنه كون بلحدي جاسم ينزلني
ولمن وصل تلقيّني هّو اليلقني
وبشوفتك اتمنى هّو اليبشرني
قبل الدفن ويقلي زينب رضت عني
وايقلي بعد ساعة تجي عمتنه زينب
من حضرت اريدك باللحد تلطم وتنحب
واذكرها سبيه .. والدمعة جرية
حسين حسين حسين حسين


#تمت_الكتابة_بقلم_خادمة_العترة_ام_محمود_الشمري

https://t.me/qasaedmaqtobah

🌲قصائد حسينية مكتوبة ومقروءة من قبل الرواديد🌲
📜 اسم القصيدة زمزم عيني
✒️ الشاعر حسين ابو دموع
🔷 الرادود ملا ميثم السماوي

https://youtu.be/9b8_SED1ts8

من ودعتك.. تاه الراي
بَعدك ما جه.. ابالي الماي
بُعدك ماذيني .. يا زمزم عيني
بعدك ما جه ابالي الماي / 2
🔷🔷🔷🔷🔷🔷🔷🔷🔷
خوية بيك اشجم جرح كلسا تلجمه عثرتي ..شحسب يا جرح
متني وحبالي ابايديه جماله جرح عبايتي ..شوطال الصبح
الشمس شامت اتدلي بيه الناس
وكبعتي ام ليل هسة لون الياس
خاجيتك جم يوسف جاك
ياشمس المكاسر بفياي
وين مخليني .. يا زمزم عيني
بعدك ما جه ابالي الماي / 2
🔷🔷🔷🔷🔷🔷🔷🔷🔷
رويحتي انحاطت حزن سبي اوهظم حرك العبي ..اخ من اليسر
وانته بالصفنه تجي تشابه مشدة معصبي ..قرآن الستر
اسمك الهيبه بيه يعيروني
قلت ما طايح وتارس اعيوني
اكرب من جفني اعله العين
ماي عيوني حسرة البين
ذكرك عاميني .. يا زمزم عيني
بعدك ما جه ابالي الماي / 2
🔷🔷🔷🔷🔷🔷🔷🔷🔷
انته يا اول ورد جذرك رمح ناثرعطر..وابعطرك فحت
وينه صوتك كلمن بعذره دسمعني عذر.. مو بسمك صحت
طيحة الكلفين لليضد فرحة
وطينة اجدامك تنّگل سبحه
صحت امشي اولا اريد النوك
اخت الشارب ذاك الفوگ
بس لا ناسيني .. يا زمزم عيني
بعدك ما جه ابالي الماي / 2
🔷🔷🔷🔷🔷🔷🔷🔷🔷
انته يا عرس الهوه شو حاضر وغايب دمع .. حيل استعجلت
خوية تدري الروح أي خيط يعيشه بس طفك شمع .. تضوي وما حرت
احجي وي راسك وادري بيه يسمع
سهم طافي العين وكصتك تدمع
اختك ويحاجيني يزيد
وانته كبالي موش بعيد
صحتك حاجيني .. يا زمزم عيني
بعدك ما جه ابالي الماي / 2
🔷🔷🔷🔷🔷🔷🔷🔷🔷
شما ادور عالشمس الگه انته راسك عالشمس .. واتفيي بضوه
خوية بعدك عدنه صارت أزمة بالناس التحس.. واشويه الهوه
گلبي يم ريجك انزل وجيبه
صحتك وطلعت بالرمح شيبه
شابت بيدي اخيوط احطال
شتصور حال الدلال
رمحك سابيني .. يا زمزم عيني
بعدك ما جه ابالي الماي / 2

#تمت_الكتابة_بقلم_خادمة_العترة_ام_محمود_الشمري
https://t.me/qasaedmaqtobah

🌲 قصائد حسينية مكتوبة ومقروءة من قبل الرواديد🌲

📜القصيدة : تعنه لعمته
✒️الشاعر : مسلم المانعي
🔶الرادود عمار الكناني

https://youtu.be/7QJPvQ1OZto


تعنه لعمته .. تلفله عمامته
يصيح ابهمته.. يعمه ادللي
🔶🔶🔶🔶🔶🔶🔶
يعمه شوفي اثيابي عليه
اذا عندج عطر خليه اليه
وبعد ساعة تشمني امي الزجيه

واريدن من تشم تشمني وتبتسم
وبعد ساعة الحلم.. حقيقه يصير الي
🔶🔶🔶🔶🔶🔶🔶
عليمن دمعتج ياعمه تجري
اريد بايدج تمشطيلي شعري
اريد بايدج تشديلي ضهري

انه بصدري غضب .. ابن ليث العرب
وذا عندج طلب .. عليه ادللي
🔶🔶🔶🔶🔶🔶🔶
اطرن بالعساكر كلي همه
انه العباس عمي انطاني عزمه
شفت لمن غضب بعيونه دمه

يرجف المارجف .. انه كلبي هتف
ابوي البنجف .. علي حيدر علي
🔶🔶🔶🔶🔶🔶🔶
اهاب شلون من هاي الصوارم
اذا ربوني اهلي عله الملاحم
انه رجّال والعب بالجماجم

ادوس عله الوثن .. انه اربات الحسن
انه بعيني اجت .. مواقف كل هلي
🔶🔶🔶🔶🔶🔶🔶
انا كلمة علي اشگد رددتها
لأن ضرباته عيني شاهدتها
شفتها عند ابوي وقلدتها

اقلد والدي .. واضحي لسيدي
يعمه شاهدي .. وعليه سجلي
🔶🔶🔶🔶🔶🔶🔶
يساوي الجيش عندي شسع نعلي
لأن عباس عمي عفيه گلي
يعمه شاهدي وبالخيمه ظلي

اموت بزفتي.. وبسمتي بشفتي
شهيتي ولهفتي .. اطيحن واعتلي

#تمت_الكتابة_بقلم_خادمة_العترة_ام_محمود_الشمري
https://t.me/qasaedmaqtobah

🌲قصائد حسينية مكتوبة ومقروءة من قبل الرواديد🌲

📜 اسم القصيدة : طال الوصال
✒️ اسم الشاعر : محمد الجماسي
♦️ الرادود فاضل الكربلائي

https://youtu.be/zI0Hx_8q1CU

طال الوصال يبن الحسن تعال / 2
♦️♦️♦️♦️♦️♦️♦️♦️♦️♦️
لو زلزت زلزالها يعني بجي اللطامة
واخرجت اثقالها يصير اللطم بالقامة
وقال قائل مالها الوادم تدك عالهامة
نكله الحسين ابلا نحر والمهدي هاي ايامه
حان الاذان سمعنه يا بلال /2

♦️♦️♦️♦️♦️♦️♦️♦️♦️♦️
يالمهدي ينشم العطر بس انته عطرك ينباس
وانت المفضل بالسمه وتقسم ارزاق الناس
عبد الله ارفعه للدعا وذب العمامه من الراس
والزم عباية عمتك واتوسل بجف عباس
دخيل القتيل مابيه أي مجال/ 2
♦️♦️♦️♦️♦️♦️♦️♦️♦️♦️
من كل طريق لكربلة قد جاءت المشايه
لهم دوي كالنحل والدرب كله قراية
من الجنوب من الوسط راية تطك براية
طال الصدا يقرون الك يا قائد الوفاية
اشتاق العراق جنوبه والشمال
♦️♦️♦️♦️♦️♦️♦️♦️♦️♦️
لو شفنه سيد بيه بخت نحتار وين انبوسه
جا من نشوفك سيدي تصير البيارغ هوسه
متعجبة الوادم لأن الخضر علم موسه
هو انت استاذ الخضر ومنك اخذهه دروسه
هواك وضواك تسبيحة الجمال / 2
♦️♦️♦️♦️♦️♦️♦️♦️♦️♦️
انه اعله كدي وداعتك ويمكن اقل شويه
وانته المرايه العاكسة عن كل صفه غيبيه
مر باليحبونك هوى مختنكه حيل الريه
تدري انه لمن اختنك اتنفس بلطميه
حنين السنين راسم الف سؤال / 2
♦️♦️♦️♦️♦️♦️♦️♦️♦️♦️
اية تجلي حضرتك للسمة مراد اتودي
وبروحك خيام وضمه واجم نهر متبدي
من كلت عن الله بشبر كالو كفر يالمهدي
قصدي انته جيران العرش بس منهو يفهم قصدي
مقام الامام ميحده أي خيال / 2

#تمت_الكتابة_بقلم_خادمة_العترة_ام_محمود_الشمري
https://t.me/qasaedmaqtobah

📜 اسم القصيدة : اخاف
✒️ الشاعر : احمد عاشور
🔷 الرادود مصطفى السوداني

https://youtu.be/8XMm2R8eeZ8
اخاف من كلشي بيه ريحة ابو يسافر
اخاف ارجع قبل لا يوصل العاشر
اخاف اخاف
🔷🔷🔷🔷🔷🔷🔷🔷🔷
بوية ياهو الياكلك عني عليلة
عمتي تشفيني بس تعكد الشيلة
فدوة اخذني ليلة العاشر طويلة
اسهرالها ومن يفز عبد الله اشيله
سلام من بنتك اليم بابك تناطر
اخاف ارجع قبل لا يوصل العاشر
🔷🔷🔷🔷🔷🔷🔷🔷🔷
كلمة البويه وعلي بروحي اشتريهه
تدري بالماعدهه ابو شتسوي بيهه
والله كل مغرب تظل تعصر بديهه
وفوك المصلاية يتبلل حجيهه
نجوم احسبلك لباجربعد باجر
اخاف ارجع قبل لا يوصل العاشر
🔷🔷🔷🔷🔷🔷🔷🔷🔷
روحي من كالولهه يطول رحيلك
تعلكت بهدومك وصاحت دخيلك
طاحت اجفوفي بكثر ما اندعيلك
انت يالماكو بشر ثاني بديلك
هلال هيج انحنيت بكسرة الخاطر
اخاف ارجع قبل لا يوصل العاشر
🔷🔷🔷🔷🔷🔷🔷🔷🔷
يالعفتني لوحدي بنص ذكرياتك
ابرد واذكر دفو الجان بعباتك
بعيد لكن دمعتي توجع صلاتك
من جنت تحضني واتشمني شحلاتك
بجيت اعثر واطيح وادعي ياساتر
اخاف ارجع قبل لا يوصل العاشر
🔷🔷🔷🔷🔷🔷🔷🔷🔷
الحمامه الجانت تسير علينه
من اكله شلونج تكلي حزينه
وي حمام الدوح انعه بالمدينه
نبجي وعيون العرش تبجي لبجينه
عزاء طيور المدينه لكربله تهاجر
اخاف ارجع قبل لا يوصل العاشر
🔷🔷🔷🔷🔷🔷🔷🔷🔷
اتحلمت شفت السمه مدنكه اعله رايه
شفت نهر العلكمي خجلان مايه
بالحلم جني ركضت ويه السبايا
اركض وطيف الشمر يركض ورايه
وجواد خالي وقميص ملزم بحافر
اخاف ارجع قبل لا يوصل العاشر

#تمت_الكتابة_بقلم_خادمة_العترة_ام_محمود_الشمري
https://t.me/qasaedmaqtobah

📜 اسم القصيدة :عاشور ينتظركم
✒️ الشاعر : علي عويز الشويلي
🔷 الرادود : عمار الكناني

https://youtu.be/IfWopeCGsEU
اعليك اجه عاشور ينشد ..ييمه
كوم اخدم زينب اكعد.. ييمه
خدمتك لحسين ما ناسينهه
صورة الك بالموكب معلكينهه
ييمه ييمه
🔷🔷🔷🔷🔷🔷🔷🔷
تسمعني يوليدي اجيت اشكيلك
لبست السواد وبالمجالس جيلك
ومن موقف الاذاني راح اشكيلك
الموكب طلع بس ما طلع زنجيلك
بالمغسيل من نغسلك ..ييمه
شفنه اثار اعله متنك ..ييمه
خادم حسين الوفي مسمينهه
صورة الك بالوكب معلكينهه
ييمه ييمه
🔷🔷🔷🔷🔷🔷🔷🔷
خادم حسين انته حرام اعله الدود
يوليدي اطلبك انه من راعي الجود
بالعشرة الاولى من محرم موجود
مشتاكه اشوفك بالملابس السود
وبطعم عاشورك تحس ..ييمه
تلطم وتحضر المجلس ..ييمه
نظر عين امك ينور اسنينهه
صورة الك بالوكب معلكينهه
ييمه ييمه
🔷🔷🔷🔷🔷🔷🔷🔷
بطبخ الحسين البال يبني حيران
انته الجنت تطبخ وتشعل نيران
تكلي استراحي وانه اوزع الجيران
اشلون بيه انه السنه بلا وليان
اشتم هدومك وادمع.. ييمه
فدوة كوم وياي وزع .. ييمه
توكل الاطفال مختارينها
صورة الك بالوكب معلكينهه
ييمه ييمه
🔷🔷🔷🔷🔷🔷🔷🔷
القامة معقولة السنة ما حدهه
ومن راسك مدماية ليه تردهه
يوليدي اكابل صورتك وانشدهه
وتكوم تبجي ويجري دم من عدهه
ما تصيح السنه حيدر .. ييمه
وترجع وراسك مطبر .. ييمه
كابلتهه وروحي زاد اونينهه
صورة الك بالوكب معلكينهه
ييمه ييمه
🔷🔷🔷🔷🔷🔷🔷🔷
بكلشي اعذرك لكن الا بهاية
تقبلهه ما جيب السنه مشاية
اندلوه بابي ومن يجون عناية
ومستحية يمه من الحسين هوايه
من القبر جفينك اتمد .. ييمه
وتخدم المشاية وترد .. ييمه
وانت تخدم زاير مصورينهه
صورة الك بالوكب معلكينهه
ييمه ييمه
#تمت_الكتابة_بقلم_خادمة_العترة_ام_محمود_الشمري
https://t.me/qasaedmaqtobah

📜 شلون تروح
✒️ الشاعر : جبار لعيبي المجراوي
💠 الرادود : عباس العقابي

https://www.youtube.com/watch?v=NmuE0QQFaAA
شلون تروح ياحماي الضعون
💠💠💠💠💠💠💠💠
مو انته الكلتلي كومي وياي / شلون تروح
تتجاسر علية تقبل اعداي / شلون تروح
رايدتك تظل ما اريدن الماي / شلون تروح
صعبة تعوفني بين اليكرهون / شلون تروح
💠💠💠💠💠💠💠💠
كبل لا تروح عني ارد احاجيك / شلون تروح
واذكرك خاف ناسي اوبيه اوصيك / شلون تروح
تعرف زين روحي معلكه بيك/ شلون تروح
ياعباس ياماي البالعيون / شلون تروح
💠💠💠💠💠💠💠💠
جلمة اوياك الي وروح انه بالحال / شلون تروح
اذكرك خاف ناسي حيدر شكال / شلون تروح
حط عينك عله اختك واحمي العيال/ شلون تروح
وانته اتعاهدتله وكتله ممنون/ شلون تروح
💠💠💠💠💠💠💠💠
صعبة تعوفني ياخوية وتروح / شلون تروح
بلّه شلون ترهم بعدك الروح / شلون تروح
راح اكضيها اوياج معاشره النوح / شلون تروح
ما افارك دمعتي شلون يكولون / شلون تروح
💠💠💠💠💠💠💠💠
يبين خاطري لو جلجل الليل / شلون تروح
اخافن لا رقية ادوسها الخيل / شلون تروح
يا عباس زين وباقي بي حيل / شلون تروح
تعرف زين منك كلبي مرهون / شلون تروح
💠💠💠💠💠💠💠💠

#تمت_الكتابة_بقلم_خادمة_العترة_ام_محمود_الشمري
https://t.me/qasaedmaqtobah

🌲قصائد حسينية مكتوبة ومقروءة من قبل الرواديد🌲

📜 زينب بجت الناكه
✒️الشاعر مالك الساعدي
🔷حيدر جبار الربيعاوي
https://youtu.be/wowgYUBSYvg

يوم الودعت عباس زينب بجت الناكه
🔷🔷🔷🔷🔷🔷🔷
وصاحت يا كمر عدنان
صعبة موادع الخوان
وترضه اختك تطب ديوان
خويه شوكت نتلاكه
🔷🔷🔷🔷🔷🔷🔷
جيتك للنهر وانخاك
خوية اقبلي اموت وياك
وهاك اجفوفي رد يمناك
وما يرضه الكلب ينساك
ولشوفتك مشتاكه
🔷🔷🔷🔷🔷🔷🔷
يا عباس اخويه شلون
خويه بهيمه ماتدرون
ونار بكربله تشعلون
دموع العين حراكه
🔷🔷🔷🔷🔷🔷🔷
صحتلك خويه ما رديت
وانه لشوفتك حنيت
نايم عالنهر ظليت
سكنه اتاني يل ماجيت
طول يوم الملاكه

#تمت_الكتابة_بقلم_خادمة_العترة_ام_محمود_الشمري
https://t.me/qasaedmaqtobah