🌲 قصائد حسينية مكتوبة ومقروءة من قبل الرواديد🌲

📜اسم القصيدة : هنا يالاحباب
✒️ الشاعر تحسين الخفاجي
🔶 الرادود ملا احمد جونه الفيصلاوي

https://youtu.be/yECrixRoSoc


اهنا يالاحباب راح اموت امن الهجر
طال الغياب وانه كل ساعه انتضر
الياوكت اصبر وتاني // وين وداكم زماني
🔷🔷🔷🔷🔷🔷🔷🔷🔷
عيوني من يوم المشيتو عافت النوم
امكابله الباب ودمعتي تجري كل يوم
عادت المهموم تلجم جرحه الهموم
وانه من كد ضيمي راحت حته الرسوم

يهلي ضليت وحدي وبعازت اهل
عنكم البيت من مشيتو اشكد سأل
كامت اتمر الثواني // وين وداكم زماني
🔷🔷🔷🔷🔷🔷🔷🔷
كبل لا تتركني ريض بويه اليه
هاك اخذ ترجيتي ونطيها الرقيه
كلها اختج بويه ودتلج هديه
اتكول خل تحتفظ بيها للمنيه

من تسافر ما يضل لختي متن
بويه باجر عالتراجي اتضل تون
اتكلك السلاب اجاني // وين وداكم زماني
🔷🔷🔷🔷🔷🔷🔷🔷
كمت اعاين عالنجوم وكلبي ذايب
وعرضت اكبالي صوركم يالحبايب
جني اشوف اطفال مهظومه وتعاتب
وزينب اتكطع كلبها امن النوايب

شفت العيال بكربله بحاله ذعر
واعله الاطفال يفتر بصوطه الشمر
امذبحه اطيور الاماني // وين وداكم زماني
🔷🔷🔷🔷🔷🔷🔷🔷🔷
يا حبيبي اليل عثره وجسمي خاوي
ليش ماشوفن كمر دنياي ضاوي
وحدي بذراع المصايب كمت الاوي
الدنيه ربع امن البجيته ما تساوي

يالتحملون وين ناوين السفر
من تشيلون بويه يكتلني القهر
والحزن ما فاركاني // وين وداكم زماني
🔷🔷🔷🔷🔷🔷🔷🔷🔷
كلبي يابويه اشكثر فرفح وراكم
من مشيتو العبره خنكتني بجفاكم
عني يالوليان شنهو العطلاكم
اركض اعله الباب من اشتم هواكم

بويه يحسين شحجي واهواي الحجي
ياضوه العين عمري خلص بس بجي
فاض هليله حناني // وين وداكم زماني
🔷🔷🔷🔷🔷🔷🔷🔷
انه لو اندل دربكم جا مشيته
كافي مو دمع النواضر وشليته
بويه وينك توه جرحي نوميته
من زمان الفرح اذكر فاركيته

مرلي لحضات خل اشوفك مبتسم
بالسلامات يمن نسيانك حلم
تدري بفراكك عماني // وين وداكم زماني
https://t.me/qasaedmaqtobah

🌲 قصائد حسينية مكتوبة ومقروءة من قبل الرواديد🌲

📜 اسم القصيدة : مسافرين
✒️ الشاعر تحسين الخفاجي
🔶 الرادود مرتضى حرب

https://youtu.be/YCRYcoe0MGM

امسافرين ومن سفرهم يا الاهي كلبي خايف
رايحين وكلمه كلمه بروحي لميت السوالف
ياشمسي غيبي // هاجر حبيبي
🔶🔶🔶🔶🔶🔶🔶🔶🔶
فاركوني اعزاز كلبي والحزن ما فاركاني لحضه وحده
اه منك يا زماني لا تكض الباب وبوجهي تسده
انه اعرف ما يجوني ودعتهم والعمر ماي وتبده
اشلون اعيشن والله مدري والحديقه وحشه اذا مابيها ورده
الدنيه ليل ولازمه الباب ام البنين وتعاتب
اوياك حيل ياجرح لا تبتسم عكب الحبايب
والهم نصيبي // هاجر حبيبي
🔶🔶🔶🔶🔶🔶🔶🔶🔶
كمت انادي حسين وينه وين ماروحن اشم بالدار عطره
جفني صاحي وناري تلهب ومدري ليش اشواكي تعطش من اذكره
بيدي شمعه بخدي دمعه عيوني من اعصرها لجله اطيح ذكره
حسين يبني هذا حالي وصعبه المفارك عزيزه اجروحه تبره
ماشي وين ليش يا يوسف زمانك ما تجيني
ماشي وين رد قميصك بلكي يرجع شوف عيني
يضنوني خيبي // هاجر حبيبي
🔶🔶🔶🔶🔶🔶🔶🔶🔶
هيه لحضه وصعبه جانت الياوكت بالباب اكعد ونتظرهم
حلم عندي احبابي ترجع راحو وضلت تراودني صورهم
دورتهم نجمه نجمه وخضر بروحي جرح من كد قهرهم
يادربهم وين صارو هدهد سليمان ما حصل خبرهم
كلبي نار وحفني دمعات الموادع ما تفيده
كلبي نار والليالي اشباح والديره بعيده
جرحي وطبيبي // هاجر حبيبي
🔶🔶🔶🔶🔶🔶🔶🔶🔶
امس جني بطيفي اشاهد عالرمح مرفوع راس ابن الزجيه
الخيل تلعب فوك صدره ورضت اعظامه الخيول الاعوجيه
حسين شفته امسلبينه ويرفس برجله ويدير بعينه ليه
دمه يجري وريجه يابس راد ماي وللاسف ما صح بديه
اتعذبيت وشنهو تفسير الحلم يا ناس مدري
اتعذبيت وصحت يا ربي دخيل اخذ عمري
يسعر لهيبي // هاجر حبيبي
🔶🔶🔶🔶🔶🔶🔶🔶🔶
الكمر شفته اعله الشريعه بلا جفوف وعينه مطفيه بسهمها
كتله حاول يبني تنهض لان زينب حركوا عليها خيمها
متون زركه وعين حمره وفوك هذا الشمر يوليدي شتمها
تشكي المن يابو فاضل ماكو والي بت علي هليله يمها
دمعي سال زينب وحرك العبي قصه طويله
دمعي سال يازمن لا تقسي وي كلب العقيله
اتكاثر نحيبي // هاجر حبيبي
🔶🔶🔶🔶🔶🔶🔶🔶🔶
هسه كلشي اتوضحالي يعني زينب راح تبقه بلا عشيره
يعني زينب عكب اخوها من اميره يبني راح اتصير اسيره
ياحزنها ويا هظمها السلباها اشلون يقبلها ضميره
راح تكعد بالخرابه وتبقه تركض للزغيره وللجبيره
بهمها راح تعاتب اخوتها وكلبها مخزن الام
بهمها راح كلها تتفرج عليها ابلدت الشام
ادعي مجيبي // هاجر حبيبي
https://t.me/qasaedmaqtobah

🌲 قصائد حسينية مكتوبة ومقروءة من قبل الرواديد🌲

📜اسم القصيدة: ناح الحمام
✒️ الشاعر ميرزا عادل اشكناني
🔷 الحاج باسم الكربلائي

https://youtu.be/ZFQw6ew64QY


ناح اِلحمام اِلشباب الأَيِـمَّـه
ناشِـر جَنَاحه اوْ يحُوم اِعْـله جسمه
نسـمـع هديله دمعه يسيله
🔷🔷🔷🔷🔷🔷🔷🔷🔷
للجواد اِشچم جَـنَاح اللي تكسّر
چم حَمَامه ابْحِزن دمْعَـتها اِتحدّر
او حين شافـت عالسَّطِح خدّه تعفّر
گامت اِتظـلّل عليْه او فوگه تِـفْـتَـر

إبن الرّضا عالسَّطِح شفته من مات
رفـّـت على راسه سَـبْـعَة حَمَامات
او كلمن يجيله دمعه يسيله
🔷🔷🔷🔷🔷🔷🔷🔷🔷

من أرض مكّه ابْجَـناح اليستعـر نار
شاهَـدِت أوّل حَمامه گِصْـدَت اِلدّار
إِلْحمامه الچانت اِوْيه الهادي بالغار
للجـواد اِتْـعـنَّت او مدمعها مدرار

عُـمْـر اِلحمامه مِن اِلهجره يِمْـتَـد
تبدي ابمحمَّـد و تِـنْهِـي ابمحمَّـد
ابساعة رحيله دمعه يسيله

🔷🔷🔷🔷🔷🔷🔷🔷🔷
و الحَمامه الثانيه اِتعـنّت حزينه
گصْدَت اِلدار الجواد اِمْن المدينه
جابت اوياها دمِع بضعة نبينه
او مرِّت اِبْگـبْـر الحسَن جابت ونينه

منّ المدينه حَمَام اِلّلي گاصِد
جايب أمانه مِنَ اَرْبَـع مراقِد
يسعـر دِليله دمعه يسيله

🔷🔷🔷🔷🔷🔷🔷🔷🔷
و تالي بِـدْمُوع الأرامِـل و اليـتـامه
وصْلَت اِمْن أرضِ النّجف ثالِث حَمامه
للجواد اتخاطبه اِبحسره او ندامه
اتْگِـلّـه جَـدّك علي يـبـعـثـلك سَـلامه

بعدَك شباب او تجيـك المنيَّه
عُـمْرك يذكرني عُـمْـر الزچيّه
ابونّه ثجيله دمعه يسيله
🔷🔷🔷🔷🔷🔷🔷🔷🔷
او حين طاح اعله السَّطح وايدير بالعين
گصْـدته رابع حمامه ابساعة البين
إجت تـنـزف بالدّمه من الجَـناحين
هيّه هاي اِلچانت اترفرف عله احسين

من كربله هالحَمام اِبْـمناحه
سافر عگب ما تخضَّب جناحه
بالدَّم مسيله او دمعه يسيله
🔷🔷🔷🔷🔷🔷🔷🔷🔷
و الحمَامه الخامسه ابهاي الرزيَّه
هـيّه أوْلـه بالحزِن من اِلبَـقـيَّـه
هـذا يـومـك يا حَمَام الكاظميَّه
باِلشمس إبن الرَّضا طايح رميَّه

واجب تجي يمّه و ابهمَّه تحضر
و اتوَاسي بالدمعه موسى اِبْـنَ جعفر
موسى إِلنَزِيله دمعه يسيله
🔷🔷🔷🔷🔷🔷🔷🔷🔷
او رغم ما عنها الدرُب طال او تِـبَعَّـد
إجت مِنْ يَـمْ گبْر أبُـوه اِليوم تشهد
إِلْحمامه السادسه مَـوْطـنها مشهد
من أبو امحمَّد إجت تحضر مُحـمَّـد

شفنه الحَمامه تعنَّت كئـيـبه
جابت رسالـة حبيب اِلحبيبه
أرسَـل عـوِيله دمعه يسيله

🔷🔷🔷🔷🔷🔷🔷🔷🔷
و الحمامه اِلْوصْلَتِ ابآخر المأساة
تختلف رحلتها عن كـلِّ اِلحَمامات
من گبُـر زينب إجت تطوي المسافات
امن الغريبه للغريب اِتجيب دمعات

اِتْگـلّـه يعمّه صُـبَح حالي حالك
بالغربه محّد إجالي او إجالك
جفْـن العقيله دمعه يسيله

https://t.me/qasaedmaqtobah

🌲 قصائد حسينية مكتوبة ومقروءة من قبل الرواديد🌲

📜 سرجمالك
✒️ الشاعر حاتم صبري الكاظمي
🔶 الرادود خالد الفيصل

https://youtu.be/krH8q_YdSDM



عن سرجمالك اسألك
أنته نبــــي أنته ملك
سبــحانه رب الأنزلك
(أية جمال الهاشمية الهاشمية)
🔶🔶🔶🔶🔶🔶🔶🔶
مخلــوقة من نور العرش
عينك ملك جنحه الرمش
سبحانه من سوة ابتقاسيمك بهائه
الله المُـــــقدر و العلي
مستنسخك ثاني علي
للموت خله ابشــفتك ضحكة برائه

من لون خدك ياعلي رب البرية
يمكن خلق منه حَمَــار المغربية

متكامل بأجمل نسق
كلمن اذا شافك نطق
( وخـالِقٌ وما خَلق )
(من نورة هالخلقة البهية البهية)
🔶🔶🔶🔶🔶🔶🔶🔶
طولك سمه ووجهك شمس
لا جِــــــن يشبهك لا إنــــس
ثاني محمد بالجـــــــــــــــمال بهالخليقة
لا مو مغالي بكلمتي
أنه مديحــك غايتي
ومو أي شخص يعرف يوصفهه الحقيقة

محد عرف أمـرك ولا واحد ينصفك
بس اليحبك ياعلي يعرف يوصفك

الدنيه بشموخك تنسبي
الراد لجـــــمالك يجتبي
لازم أله رُتبَـــــــة (نبي)
(وعصمة امامه حيدرية حيدرية)
🔶🔶🔶🔶🔶🔶🔶🔶
يوسف يوصفو بالحسن
حتماً اذا شافك يجــــن
يترك أرض طيبة ويجي للغاضرية

عسكر أميــــــة ابكربله
صارت بنصهم مشكلة؟؟
معقولة من گبرة طلع حامي الحمية

واحد يخــــــاطب واحد ويرجف كيانه
عاف النجف معقولة ابو حسين واجانه
يالاكبر الجـيش انهتك
لمن بديت ابهــــجمتك
ساحرهم انته بنظرتك
(شافو علي حامي الحمية الحمية)
🔶🔶🔶🔶🔶🔶🔶🔶
لمن طلعت امن الخيم
بأنفاسك ايذوب النسم
حته التراب ايقبل اقدامك يالاكبر
حته الجمــــال انه اعتقد
بجنسيته جان اسمه عبد
عبدك لذلك للجمال اتكون مصدر

عَزّ وَجَل انه اعــــتقد من معجزاته
من ماي كصتك ياعلي خالق فراته

بهالماي بضنوني احس
يوميه تتوضه الشمس
بس گلي شايل يانفس
(بيهه ترافه فاطمية فاطمية)
🔶🔶🔶🔶🔶🔶🔶🔶
مثل العذب انته عذب
بالنــــايبة قلبك صلب
ريحة ورد جنة يالاكبر انته عطرك

الدنية زليـخه بنظرتك
رافضهه مهما عشگتك
ساحرهه يالاكبر جمالك طول عمرك

من ينحسب عمر الجمال ولو يوصفوك
كل سنة يوســف زايد ابعمرك يشوفوك

لطف حســبنه من المهد
چم يوسف ابعــمرك بعد
چم نبي يم جسمك گعد
(لمن طحت بالغاضرية الغاضرية)

https://t.me/qasaedmaqtobah

📜 اسم القصيدة وين نريد
✒️ الشاعر عبد الخالق المحنه
محرم 1439 هـ

https://youtu.be/eR-_rf5hqqI

حديث اثناء الطريق قبل الوصول الى كربلاء بين لعقيلة زينب ع وكافلها ابي الفضل العباس ع من ضمن الحديث :
تكله
وين نريد؟
اشو قلبي لجمني والطريق ابعيد
اشو طير المنايا طير يلحك طير
ومن كثر المتاعب ايد هدت ايد
وين نريد ؟
اشوف الرمل يلطم والحجر رادود
وجن دخان اسود غطه وجه البيد
اخاف بكربله نتفارك انه وياك
وخاف هناك جرح الما اله تضميد
دسولف والمسافه تريد جيب وهاك
هاي يا حين سولف لا تضم ياحيد
هاي الكاع غبره وبيها طعم فراك
مثل كاع المكابر ما تحب الايد
كلشي يصير خويه وماكوشي مضمون
ومو شرط الأكوله يصير بالتأكيد
بس لازم اكوله وانت كون تكول
اذا طاح التكفل ياعتاب ايفيد
وين نريد؟
قلة اصحابكم والقلب ما مرتاح
والدنية واهلهه تميل ويه يزيد
خوية حتى الناكة ونت وافتهم شتكول
اكلك شنهو كالت ؟ حتى قلبي يهيد
اكو ونة سبي او ونة حدي بالنوك
بس ونة السبي افهمها بالتحديد
وين نريد؟
الحرمة ابلا ولي جالضبية بين اضباع
بي صيد مجتفه وطبع الذياب اتصيد
وين نريد ؟
شفت نحر الحسين وشفت لمعة سيف
دخيل الله ودخيلك خاف كطع وريد
وين نريد ؟
وجهك يبتسم بس ترس كلبك ويد
خل نعود مادام بربيع وبعد عدنة ورود
لا يعطش طفل لا حرملة يرميه
وهايج فوف زينب ما عليها قيود
خل نعود
مادام الشمر والمشرعة ابعيدين
مادامك عدل وحسين ما مفكود
خل نعود
كبل لا هاي عيني تشوف سهم العين
كبل لا هاي عيني تشوف كطع زنود
خل نعود
بلا نوك و وسبي وبلا يه حرك خيام
بلا كسرة ظهر وامتون اختك سود
خل نعود
بعدني امدلله بجالك وعدنه حيود
بعده البيرغ ايرف والزنود اصحاح
وبعدنه ماعطشنه وننظر اعله الجود
كبل لا ننسلب ونلوذ بالصحراء
ومن سياط باجر توكعنه جلود
خل نعود
بعدهه وجوهنه ما سومرت بالصيف
ولا دمع المصايب يحفرلنه اخدود
كبل لا انحني ويغزي الرموش بالشيب
كبل لا انانم وكفه ومن اصلي اكعود
خل نعود
انا احساسي يكلي ما ارد وياك
ارد مسبية وحدي ولا اخو موجود
من هسة اكلك انسلب وانشاف
وخدر ظلي يروح ولا تظنه ايعود
خل نعود
شنهو الصار؟
اشو صافن بوجهي وبيك نبرة غيض
اتفقنه بلا زعل من اول المشوار
اشو جدحت عيونك من سمعت نعود
واحس جفك جواني تكول جمرة نار
شنهو الصار ؟
وحك الهامة عزتك كلت مو عن خوف
بس خايف افكدك وانته سقف الدار
وحك الهامة عزتك ما اشكن بيك
اعرفك ابن ابوك وشوفتك فقار
لون موتي واويه موتك ما اكلك عود
ولا يهمني الزمان الدار والما دار
دخيلك وانته اخوي ومالي حيل غياب
لهسة ضلوعي بيهن رنه البسمار
شنهو الصار ؟
شسوي الغريبة التستحي امن الصوت
اذا مالت الدنية والايدين اكصار
الحرمة ابلا ولي تطردهه حتى الكاع
مثل خيمة اعله تله ويطب بيها اعصار
سبع اخوان افكد وانه عمري يطول
مو حكي امن اخاف وارتبك واحتار
وعيونك اشم بالكاع ريحة موت
وريحة دم اخوتي الما عليهه اغبار
يا ستار
حس اطبول اسمع والصهيل انذار
ياستار
خاف السيل قادم والحصن ينهار
خل نعود
كبل لا راسي كبلك ينضرب عامود
مادام بربيع وبعد عدنه ورود
ما دامك عدل وحسين ما مفكود
خل نعود


#تمت_الكتابة_بقلم_خادمة_العترة_ام_محمود_الشمري
https://t.me/qasaedmaqtobah

🌲 قصائد حسينية مكتوبة ومقروءة من قبل الرواديد🌲

📜 قصيدة : صلاة المجالس
✒️ الشاعر : هادي الزينبي
💠 الرادود ملا محمد الطرفي والبرعم الحسيني مجتبى جلالي

https://youtu.be/Qe1doXTwjcw


حسين حسين حسين حسين
💠💠💠💠💠💠💠💠💠
نوح ولطم وقرايه حالاتي يومية
بين الصلاة مو بيدي هم اقره لطمية
ما ترضه تغفه عيوني سهرانه ليلية
والكعدة ما تحلالي الا بحسينيه
ليليه اون وانصب عزة وعندي مناحه
ما ابجي اذا ليلة الك ماعندي راحة
ليليه عزية .... والدمعة جرية
حسين حسين حسين حسين
💠💠💠💠💠💠💠💠💠
اوكات اظلن صافن واتحير بامري
وابراسي فكرة ودايم تاخذلي نص عمري
معقوله ما من مجلس من انزل انزل ابكبري
تدريني انه امعلم الطم على صدري
كليله اذا الطم الك ما يكفي حاسس
معقوله اموتن وانكطع عن هالمجالس
مو كافي عليه ... والدمعه جرية
حسين .. حسين
حسين .. حسين
💠💠💠💠💠💠💠💠💠
كل همي يا بو سكينه وامنيتي بس هايه
كون الله ياخذ روحي وقاعد بالقرايه
كون باخير انفاسي الفظ هالحجايه
يابو الفضل وعيوني اتباوع على الرايه
اتمنى رضيعك سيدي ايصلي عليه
بتشييعي اشوفن زينب وسكنه ورقيه
اتشيعني رقيه ... والدمعة جريه
حسين حسين حسين حسين
💠💠💠💠💠💠💠💠💠
اتمنه كون بلحدي جاسم ينزلني
ولمن وصل تلقيّني هّو اليلقني
وبشوفتك اتمنى هّو اليبشرني
قبل الدفن ويقلي زينب رضت عني
وايقلي بعد ساعة تجي عمتنه زينب
من حضرت اريدك باللحد تلطم وتنحب
واذكرها سبيه .. والدمعة جرية
حسين حسين حسين حسين


#تمت_الكتابة_بقلم_خادمة_العترة_ام_محمود_الشمري

https://t.me/qasaedmaqtobah

🌲قصائد حسينية مكتوبة ومقروءة من قبل الرواديد🌲
📜 اسم القصيدة زمزم عيني
✒️ الشاعر حسين ابو دموع
🔷 الرادود ملا ميثم السماوي

https://youtu.be/9b8_SED1ts8

من ودعتك.. تاه الراي
بَعدك ما جه.. ابالي الماي
بُعدك ماذيني .. يا زمزم عيني
بعدك ما جه ابالي الماي / 2
🔷🔷🔷🔷🔷🔷🔷🔷🔷
خوية بيك اشجم جرح كلسا تلجمه عثرتي ..شحسب يا جرح
متني وحبالي ابايديه جماله جرح عبايتي ..شوطال الصبح
الشمس شامت اتدلي بيه الناس
وكبعتي ام ليل هسة لون الياس
خاجيتك جم يوسف جاك
ياشمس المكاسر بفياي
وين مخليني .. يا زمزم عيني
بعدك ما جه ابالي الماي / 2
🔷🔷🔷🔷🔷🔷🔷🔷🔷
رويحتي انحاطت حزن سبي اوهظم حرك العبي ..اخ من اليسر
وانته بالصفنه تجي تشابه مشدة معصبي ..قرآن الستر
اسمك الهيبه بيه يعيروني
قلت ما طايح وتارس اعيوني
اكرب من جفني اعله العين
ماي عيوني حسرة البين
ذكرك عاميني .. يا زمزم عيني
بعدك ما جه ابالي الماي / 2
🔷🔷🔷🔷🔷🔷🔷🔷🔷
انته يا اول ورد جذرك رمح ناثرعطر..وابعطرك فحت
وينه صوتك كلمن بعذره دسمعني عذر.. مو بسمك صحت
طيحة الكلفين لليضد فرحة
وطينة اجدامك تنّگل سبحه
صحت امشي اولا اريد النوك
اخت الشارب ذاك الفوگ
بس لا ناسيني .. يا زمزم عيني
بعدك ما جه ابالي الماي / 2
🔷🔷🔷🔷🔷🔷🔷🔷🔷
انته يا عرس الهوه شو حاضر وغايب دمع .. حيل استعجلت
خوية تدري الروح أي خيط يعيشه بس طفك شمع .. تضوي وما حرت
احجي وي راسك وادري بيه يسمع
سهم طافي العين وكصتك تدمع
اختك ويحاجيني يزيد
وانته كبالي موش بعيد
صحتك حاجيني .. يا زمزم عيني
بعدك ما جه ابالي الماي / 2
🔷🔷🔷🔷🔷🔷🔷🔷🔷
شما ادور عالشمس الگه انته راسك عالشمس .. واتفيي بضوه
خوية بعدك عدنه صارت أزمة بالناس التحس.. واشويه الهوه
گلبي يم ريجك انزل وجيبه
صحتك وطلعت بالرمح شيبه
شابت بيدي اخيوط احطال
شتصور حال الدلال
رمحك سابيني .. يا زمزم عيني
بعدك ما جه ابالي الماي / 2

#تمت_الكتابة_بقلم_خادمة_العترة_ام_محمود_الشمري
https://t.me/qasaedmaqtobah

🌲 قصائد حسينية مكتوبة ومقروءة من قبل الرواديد🌲

📜القصيدة : تعنه لعمته
✒️الشاعر : مسلم المانعي
🔶الرادود عمار الكناني

https://youtu.be/7QJPvQ1OZto


تعنه لعمته .. تلفله عمامته
يصيح ابهمته.. يعمه ادللي
🔶🔶🔶🔶🔶🔶🔶
يعمه شوفي اثيابي عليه
اذا عندج عطر خليه اليه
وبعد ساعة تشمني امي الزجيه

واريدن من تشم تشمني وتبتسم
وبعد ساعة الحلم.. حقيقه يصير الي
🔶🔶🔶🔶🔶🔶🔶
عليمن دمعتج ياعمه تجري
اريد بايدج تمشطيلي شعري
اريد بايدج تشديلي ضهري

انه بصدري غضب .. ابن ليث العرب
وذا عندج طلب .. عليه ادللي
🔶🔶🔶🔶🔶🔶🔶
اطرن بالعساكر كلي همه
انه العباس عمي انطاني عزمه
شفت لمن غضب بعيونه دمه

يرجف المارجف .. انه كلبي هتف
ابوي البنجف .. علي حيدر علي
🔶🔶🔶🔶🔶🔶🔶
اهاب شلون من هاي الصوارم
اذا ربوني اهلي عله الملاحم
انه رجّال والعب بالجماجم

ادوس عله الوثن .. انه اربات الحسن
انه بعيني اجت .. مواقف كل هلي
🔶🔶🔶🔶🔶🔶🔶
انا كلمة علي اشگد رددتها
لأن ضرباته عيني شاهدتها
شفتها عند ابوي وقلدتها

اقلد والدي .. واضحي لسيدي
يعمه شاهدي .. وعليه سجلي
🔶🔶🔶🔶🔶🔶🔶
يساوي الجيش عندي شسع نعلي
لأن عباس عمي عفيه گلي
يعمه شاهدي وبالخيمه ظلي

اموت بزفتي.. وبسمتي بشفتي
شهيتي ولهفتي .. اطيحن واعتلي

#تمت_الكتابة_بقلم_خادمة_العترة_ام_محمود_الشمري
https://t.me/qasaedmaqtobah