#asr_ayoli_festivali

Joriy yilning 12-13 may kunlari Samarqand shahrida "Ilmli ayol jamiyat ko‘zgusi" shiori ostida “XXI asr ayoli” xotin-qizlar festivali oʻtkazildi. Festivalda oliy ta’lim muassasalarining Xotin-qizlar maslahat kengashi raislari, olima ayollar qatnashdi.

Oliy ta’lim, fan va innovatsiyalar vazirligi va Oila va xotin-qizlar qo‘mitasi hamkorligida tashkil etilgan anjumanda yurtimizda xotin-qizlarning ta’lim olishi uchun yaratilgan imkoniyatlar haqida so‘z yuritilib, bir guruh olimalarga faxriy yorliq topshirildi.

Festivalda Qarshi davlat universiteti Xotin-qizlar maslahat kengashi raisi G.Ravshanova ham ishtirok etdi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#15may_xalqaro_oila_kuni

Xalqimiz azaldan oilani muqaddas, muborak dargoh sifatida e’zozlagan, bu qo‘rg‘onga zavol yetmasligi uchun bor mahoratini ishga solgan. Zero, oilani boshqarish farzandlarni xalqqa, vatanga munosib avlod qilib yetishtirish mas’uliyatli vazifadir. Dunyo bo‘ylab 15-may — Xalqaro oila kuni sifatida keng nishonlanadi. Bu kunning tarixiga nazar soladigan bo‘lsak, BMT Bosh assambleyasining 1993-yil 20-sentabrdagi yalpi yig‘ilishida 15-may kuni Xalqaro oila kuni deb belgilangan. Sana munosabati bilan Filologiya, Matematika va kompyuter ilmlari hamda Xalqaro ta’lim dasturlari fakultetlarida Xotin-qizlar masalalari bo‘yicha dekan maslahatchilari tashabbusi bilan bir qator ma’naviy-ma’rifiy tadbirlar, davra suhbatlari o‘tkazildi.

Tadbirlarda Qarshi shahar Markaziy poliklinika oila shifokori N.Tosheva, Oila va nikoh bo`limi shifokori Y.Jo’rayeva, Filologiya fakulteti Yoshlar bilan ishlash bo‘yicha dekan o‘rinbosari Sh.Akramov, Xotin-qizlar masalalari bo‘yicha dekan maslahatchisi R.Saydullayeva, Xalqaro ta’lim dasturlari fakulteti dekani N.Azizova, Xotin-qizlar masalalari bo‘yicha dekan maslahatchisi S.Kenjayeva, Masofaviy ta’lim kafedrasi mudiri G.Erkayeva, Pedagogika kafedrasi dotsenti N.Ochilova hamda Matematika va kompyuter ilmlari fakulteti dekani N.Eshqorayeva, Yoshlar bilan ishlash bo‘yicha dekan o‘rinbosari A.Jo‘rayev, fakultet tyutori Sh.Suyunova “Oila – jamiyat tayanchi” “Oila – muqaddas dargoh” kabi mavzularda ma’ruzalar qilishdi. Oila jamiyatning asosiy elementi sifatida insoniy qadriyatlar, madaniyat va avlodlarning tarixiy davomiyligi, barqarorlik hamda rivojlanish omili bo‘lib kelganligi qayd etildi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#ekoturizm

Yakkabog‘ tumani tog‘ yon-bag‘rida joylashgan Tatar qishlog‘i o‘zining betakror tabiati, musaffo havosi, sharqiroq sharsharalari, huzurbaxsh iqlimi bilan kishini maftun etadi. Tibbiyot fakulteti talabalarining dars mashg‘ulotlaridan bo‘sh vaqtlarini maroqli tashkil etish, ularni tabiat ajoyibotlari va tog‘li hududlarimizda uchraydigan shifobaxsh, noyob o‘simliklar bilan yaqindan tanishtirish maqsadida Tatar qishlog‘iga sayohat uyushtirildi.

Sayohat davomida talabalar ravoch, na’matak, achchiq bodom, qirqbo‘g‘im kabi tibbiyotda ma’lum kasallikni davolash hamda shu kasalliklarni oldini olish uchun ishlatiladigan dorivor o‘simliklar haqida ko‘plab ma’lumotlarga ega bo‘ldilar. Ayniqsa, tabiatning buyuk mo‘jizasi, baland tog‘lar, tik qoyalar bag‘ridan o‘ynoqlab tushayotgan suv jozibasi sayohatchilarga unutilmas zavq-shavq ulashdi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#malakaviy_amaliyot

Matematika va kompyuter ilmlari fakulteti Algoritmlar va dasturlash texnologiyalari kafedrasi Matematika va informatika yo`nalishi talabalari hamda Qarshi shahar 29-maktabning iqtidorli o`quvchilari bilan maktabning kompyuter xonasida navbatdagi malakaviy amaliyot mashg`uloti o`tkazildi. Mashg`ulotda Algoritmlar va dasturlash texnologiyalari kafedrasi dotsent vazifasini bajaruvchisi B.Daminova, o’qituvchi I.Bozorova, 29-maktabning Informatika va axborot texnologiyalari fani o`qituvchisi Z.Eshonqulova, 020-126, 020-187-guruh talabalari va maktabning iqtidorli o`quvchilari ishtirok etdi.

Tadbirda B.Daminova va I.Bozorova maktab va oliy ta`lim muassasasi o`rtasida tuzilgan hamkorlik shartnomasi asosida OTM professor-o`qituvchilari va maktab ma`muriyati bilan birgalikda ochiq ma`ruzalar, seminar-treninglar, master-klasslar tashkil etish, zamonaviy dasturlarda amaliy ishlash ko’nikmalarini yanada oshirish yo’llarini tushuntirib, amalda qollanilishini ko`rsatib berishdi.

Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

⚡️Oila - haqiqiy baxt va halovat qo‘rg‘onidir

15-may – ajdodlarimiz qadri va kelajak avlodlarimiz tarbiyasi asosi bo‘lgan hamda sinovlar, mashaqqat, yaxshilik, ezgulik va quvonchlarga to‘la bo‘lgan xalqaro OILA kuni. Xabar berilganidek, universitetda ushbu sanaga oid tadbirlar keng ko‘lamda nishonlandi. Jumladan, Talabalarni turar-joy bilan ta’minlash ishlarini muvofiqlashtiruvchi bo‘lim tomonidan yotoqxonalarda, shuningdek, Geografiya va agronomiya, Tibbiyot, Ingliz filologiyasi, Roman-german filologiyasi va Fizika fakultetlarida bo‘lib o‘tgan tadbirlar “Oila – muqaddas qo‘rg‘on” mavzusiga bag‘ishlandi.

Oila har bir jamiyatning boshlang‘ich bo‘g‘ini hisoblanadi. Oila mustahkam, tinch, halol va pok bo‘lsa, jamiyat ham osoyishta, mustahkam, farovon bo‘ladi. Ma’ruzalarda mamlakatimizda oilaning jamiyatdagi o‘rnini yanada mustahkamlash, uni huquqiy, ijtimoiy-iqtisodiy va ma’naviy jihatdan qo‘llab-quvvatlash, oila qurayotgan yoshlarning sog‘lom turmush tarzi, farzandlar tarbiyasi borasidagi bilimi va ko‘nikmalarini oshirishga alohida e’tibor qaratilayotgani ta’kidlandi. Shuningdek, mavzuga oid ijtimoiy videoroliklar namoyish etildi. Tanlovlar o‘tkazilib, tadbirlarda faol talabalarga tashakkurnoma, esdalik sovg‘alari topshirildi.

Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram