#diqqat_tanlov

📣“Konstitutsiya – erkin va farovon hayot garovi” mavzusida ilmiy maqolalar tanlovi e'lon qilinadi!

📝 Maqolaga qoʻyiladigan talablar:

1️⃣. Mavzuning mazmun-mohiyati toʻlaqonli ochib berilganligi;
2️⃣. Maqolalarning stilistik va grammatik jihatdan toʻgʻri yozilganligi;
3️⃣. Mavzuni yoritishda adabiyotlardan foydalanganlik darajasi;
4️⃣. Tahliliy yondashuvlar, mustaqil fikrlarning aniq bildirilganligi;
5️⃣. Mavzuni yoritishda oʻziga xos ijodkorlik xususiyatlari ifoda etilganligi;
6️⃣. Mavzuni yoritishda hayotiy misollardan keng foydalanilganligi;
7️⃣. Mavzuga oid dolzarb masalalar yuzasidan takliflar keltirilganligi.

🏆 Tanlov g'oliblari quyidagi miqdorda pul mukofotlari bilan rag'batlantiriladi:

🥇-o‘rin - 2 000 000 so‘m;
🥈-o‘rin - 1 500 000 so‘m;
🥉-o‘rin - 1 000 000 so‘m.

⏰ Maqolalar 2024-yilning 1-dekabr kuni soat 12:00 ga qadar qabul qilinadi.

📨Tanlov ishtirokchilarining maqolalari @Mr_shohfizik telegram manzili va
mr.shohfizik@gmail.com elektron pochtasi orqali qabul qilinadi.

Murojaat uchun telefon:
📞+99899 666 43 14

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#ректор_табриги

Ҳурматли тиббиёт ходимлари!

Мана бир неча йилдирки, ноябрь ойининг иккинчи якшанбаси мамлакатимизда "Тиббиёт ходимлари куни" сифатида нишонланади.

Шифокорлик касби – энг машаққатли ва шу билан бирга шарафли касблардан бири ҳисобланади. Чунки, маҳорат, малака, маъсулият инсонларнинг ҳаёти ва тақдирида муҳим ўрин эгаллайди.

Давлатимиз раҳбарининг 2020 йил 12 ноябрдаги ПФ-6110-сонли Фармони билан университетимизда 2021-2022-ўқув йилидан бошлаб Тиббиёт факультети ташкил этилди ва ҳозирда 778 нафар бўлғуси шифокорлар таҳсил олмоқда.

Ўқув дастурларидан келиб чиққан ҳолда қиймати салкам 4 млрд сўмлик дарслик, атлас, адабиётлар ва ўқув лаборатория жиҳозлари харид қилинди. Шунингдек, Қарши шаҳрида жойлашган 18 та тиббиёт муассасаларида талабалар  амалиёт ўтамоқда.

Бир сўз билан айтганда, келгусида вилоятимиз учун малакали шифокорлар етиштириш мақсадида мустаҳкам пойдевор қўйилди.

Сизларни касб байрамингиз – Тиббиёт ходимлари куни билан табриклаб, барчангизга сиҳат-саломатлик, шарафли ва масъулиятли фаолиятингизда улкан ютуқ ва омадлар, хонадонларингизга файзу барака тилайман.

Дилмурод Набиев
Қарши давлат университети ректори, профессор

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#xushxabar

⚡️Sifatli ta'lim: Endi universitet diplomi xalqaro darajada tan olinadi

Xabaringiz bor, 2024-yil sentyabr oyida ENQA – Oliy ta’lim sifatini ta’minlash bo‘yicha Yevropa assotsiatsiyasi a’zoligiga ega “IAAR” mustaqil akkreditatsiya va reyting agentligi tashqi ekspert komissiyasi Qarshi davlat universitetining ta’lim faoliyati sifati va samaradorligini jahon standartlari va mezonlariga muvofiqligini baholadi.

Baholash natijasiga ko‘ra, universitetning “60230100 - Filologiya va tillarni o‘qitish (ingliz tili)” bakalavr ta’lim dasturi 5 yil muddatga xalqaro akkreditatsiyadan muvaffaqiyatli o‘tdi.

Ta’kidlash joiz, xalqaro akkreditatsiyadan o‘tganlik to‘g‘risidagi guvohnoma ta’lim va xizmatlarning sifati, ularning xalqaro talablarga muvofiqligi kafolatlarini tasdiqlaydi va ushbu dastur bo‘yicha oliy ta’lim to‘g‘risidagi diplom butun dunyoda tan olinadi. Ma'lumot o‘rnida, kelgusida Qarshi davlat universitetining boshqa ta'lim yo‘nalishlarini ham xalqaro akkreditatsiyadan o‘tkazish rejalashtirilmoqda.

Ushbu muvaffaqiyat bilan universitet jamoasini tabriklaymiz!

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#табрик

✅11 ноябрь - Ўзбекистон касаба уюшмалари куни

Қарши давлат университети жамоаси 11 ноябрь - Ўзбекистон касаба уюшмалари куни байрами муносабати билан соҳа вакилларини самимий муборакбод этади.

Маълумот учун, «Ўзбекистон касаба уюшмалари кунини белгилаш тўғрисида»ги қонунга кўра, 11 ноябрь - Ўзбекистон касаба уюшмалари куни этиб белгиланган.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸  Instagram

#ma’rifat_ulashib_loyihasi_mehmoni

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#tanlov

➡️ Ilmiy faoliyatga oid davlat maqsadli dasturi doirasida bajarilgan Qoraqalpogʻiston Respublikasi hududida olib borilishi belgilangan vazifalarni bajarilishida ilmiy yechimlarni ishlab chiqishga qaratilgan amaliy tadqiqotlar tanlovi e’lon qilinmoqda.

✅ Mazkur tanlovning fan yoʻnalishlari va amaliy loyiha mavzulari:

1️⃣Veterinariya va chorvachilik fanlari
➡️Fitoterapiya veterinariya-yirik shoxli hayvonlarda tugʻruqdan keyingi endometritlarni davolash va oldini olishda iqtisodiy samaradorligi yuqori boʻlgan mahalliy dori vositalarini yaratish;
➡️Orolboʻyi hududlarida asalari boqishning oʻziga xos yangi texnologiyasini ishlab chiqish;
➡️Orolboʻyi hududida saksovullar orasida mahalliy yantoq turlarini koʻpaytirish texnologiyasini ishlab chiqish;
➡️Orolboʻyi hududlarida chorva uchun ozuqabop ekinlarni yetishtirish va mahsulot ishlab chiqarish boʻyicha namunaviy texnologik xaritalarni ishlab chiqish;
➡️Orolboʻyi hududida baliqchilik sohasida baliq yetishtirishning ilmiy asoslangan usullari va intensiv texnologiyalarni ishlab chiqish.

2️⃣Qishloq xoʻjaligi va atrof-muhitni muhofaza qilish fanlari
➡️Orol dengizining qurigan tubida tabiiy iqlim, va tuproq sharoitining oʻzgarishiga moslashini hisobga olgan holda shoʻrga chidamli boʻlgan ekinlarni yetishtirish agrotexnologiyasini ishlab chiqish;
➡️Janubiy Orolboʻyi tabiiy va ekologik sharoitlarini hisobga olgan holda noanʼanaviy qishloq xoʻjaligi ekinlarini yetishtirish texnologiyasini ishlab chiqish;
➡️Qoraqalpogʻistonning shoʻrlangan tuproqlari sharoitida paxta va gʻalla ekinlarini har xil organik (baktomin, plantastim, sporagin, fosfomaks, green fulvika, eko root) ozuqalarni qoʻllagan holda yuqori hosil olish agrotexnologiyasini ishlab chiqish;
➡️Masofadan turib Orolboʻyi zonalarining tuproq xususiyatlarini aniqlash uchun kosmik tasvirlarni spektral tahlil qilish;
➡️Qoraqalpogʻiston Respublikasida qishloq xoʻjaligi yerlari degradatsiyasining oldini olish, yuqori mahsuldorlik salohiyatiga erishish, tuproq unumdorligini tiklash texnologiyasini ishlab chiqish;
➡️Orolning qurigan tubida mahalliy tuproq-iqlim sharoitlariga mos qashqarbeda, oq joʻxori, xashaki lavlagi, javdar kabi chorva uchun ozuqabop ekinlar navlarini yetishtirish agrotexnologiyasini ishlab chiqish;
➡️Kuzgi bugʻdoyning yangi navlarini Qoraqalpogʻiston Respublikasida turli tuproq iqlim sharoitida yetishtirishning resurstejamkor texnologiyalarini ishlab chiqish;
➡️Yumshoq bugʻdoyning markerlarga asoslangan seleksiya texnologiyasi asosida Qoraqalpogʻiston
Respublikasi tuproq-iqlim sharoitiga mos shoʻrga va qurgʻoqchilikka chidamli, yuqori hosildor yangi navini yaratish.

3️⃣Filologiya va ijtimoiy fanlar
➡️Qoraqalpoq zamonaviy ijrochilik sanʼati va folklori namunalari jamlangan elektron platforma yaratish.

▶️ Tanlovga taqdim etiladigan ilmiy loyihalar loyiha.ilmiy.uz manzili orqali 2024-yilning 10-dekabrga qadar faqat elektron shaklda qabul qilinadi.

➡️Tanlov shartlari.

Batafsil ma'lumot
https://innovation.gov.uz/contest/post-1784

Murojaat uchun: Ramazon Nurmamatov
📞 +99897 744 03 92

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram