#chellenj

Ayni kunlarda universitet Korrupsiyaga qarshi kurashish “komplayens-nazorat” tizimini boshqarish bo‘limi tomonidan professor-o‘qituvchilar va talabalar o‘rtasida “Biz korrupsiyaga qarshimiz” mavzusida o‘ziga xos chellenj o‘tkazilmoqda.

Maqsad korrupsiyaning jinoyat ekanini va unga nisbatan toqatsiz bo‘lish g‘oyasini jamoa o‘rtasida keng targ‘ib qilishdir. Zero, davlatimiz rahbarining ta’biri bilan aytganda, korrupsiyaning har qanday ko‘rinishiga murosasiz bo‘lish – har birimizning kundalik hayot tarzimizga aylanishi shart.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

⚡️Til – millatning faxri, g‘ururi, ko‘zgusi

Til - inson qiyofasi va ichki go‘zalligini namoyon etadigan eng go‘zal tuyg‘udir. O‘z tiliga mehr-muhabbatli inson xalqini, Vatanini, milliy qadriyatlarini, madaniy merosini ham e’zozlaydi. Bejizga bundan besh asr ilgari Alisher Navoiy bobomiz "Tilga e’tiborsiz - elga e’tiborsiz" deya yozmagan.

Pedagogika fakultetida 21-oktyabr "O‘zbek tiliga davlat tili maqomi berilgan kun" munosabati bilan “Til – millatning faxri, g‘ururi, ko‘zgusi” mavzusida ma’naviy-ma’rifiy tadbir o‘tkazildi. Unda boshlang‘ich ta’lim yo‘nalishi talabalari, Yoshlar bilan ishlash bo‘limi tyutorlari ishtirok etdi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#anjumanda_ishtirok

Shu kunlarda O‘zbekiston Milliy universitetida Fransiya, Rossiya, Turkiya, Saudiya Arabistoni, Misr, Polsha, Yaponiya, Malayziya, Hindiston, Qozog‘iston, Qirg‘iziston kabi mamlakatlarning olimlari ishtirokida o‘tkazilayotgan “Amaliy matematika va axborot texnologiyalarining dolzarb muammolari – Al-Xorazmiy-2024” mavzusidagi IX xalqaro ilmiy-amaliy konferensiyasi bo‘lib o‘tmoqda.

Konferensiya davomida Muso al-Xorazmiy va Mirzo Ulug‘bekning boy merosini o‘rganish, targ‘ib qilish, matematika, amaliy matematika, sun’iy intellekt va neyron turlari, axborot xavfsizligi, kompyuter lingvistikasi hamda ta’lim sohalarida olib borilayotgan tadqiqot va ilmiy izlanishlar xususida so‘z yuritilmoqda.

Anjumanda Qarshi davlat universiteti professori A.Shukurov, dotsentlar O.Djabbarov, A.Norov o‘z ma’ruzalari bilan ishtirok etmoqda. Konferensiya davomida universitet o‘qituvchilari Yaponiyaning Nagoya universiteti professori Mitsuru Sugimoto hamda Fransiyaning CNRS tadqiqot instituti direktori Joseph Mariani bilan uchrashib, ta’lim muassasalari o‘rtasida hamkorlik aloqalarini o'rnatish borasida kelishuvlar olib bordi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#davra_suhbati

⚡️Ogohlik - davr talabi

22-oktyabr kuni 8-sonli talabalar turar joyida Tibbiyot va Kimyo-biologiya fakultetlari talaba-yoshlari ishtirokida “Ogohlik – davr talabi” mavzusida davra suhbati o‘tkazildi. Tadbirda Kimyo-biologiya fakulteti dekani L.Kamolov, universitet profilaktika inspektori D.Ro‘ziyevaning mavzu yuzasidan fikr-mulohazalari tinglandi.

Qayd etilganidek, bugungi kunda eng muhim vazifamiz o‘sib kelayotgan yosh avlodni diniy-milliy qadriyatlar asosida tarbiyalash, ular qalbida o‘z halqi, vataniga mehr- sadoqat tuyg‘usini kuchaytirish, ularni har xil buzg‘unchi kuchlarning axborot xurujlaridan ogoh etish va munosib himoya qilish har birimizning ustuvor vazifamizdir.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

🙂🙃😉😌😍

Qarshi davlat universiteti tuzilmasidagi Qatag‘on qurbonlari xotirasi muzeyiga Oliy harbiy aviatsiya bilim yurti kursantlari, Tibbiyot, Filologiya va Sport fakultetlari 1-bosqich talabalari, QarMII Geologiya va konchilik fakulteti 4-bosqich talabalari, 10329 Harbiy qism harbiylari, Qarshi tumani 4-maktab 6-sinf o’quvchilari, Qarshi shahar 3-13-maktablarning 6-sinf o‘quvchilari, Qarshi ixtisoslashgan sanat maktabi o’quvchilari, shuningdek, Rossiya, Italiya va Amerika davlatlaridan kelgan mehmonlar tashrif buyurdi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram