#stajirovka #jarayon

Ayni kunlarda Qarshi davlat universiteti professor-o‘qituvchilari G’.Nabiyev, Sh.Muxitdinov, Sh.Sattorov hamda R.Vayskulov Turkiya davlatining Chanoqqal’a 18-mart universitetida stajirovka o‘tashmoqda. Stajirovkaning dastlabki kunida Qarshi davlat universiteti o‘qituvchilarini Turizm fakulteti dekani Mustafo Boz qabul qildi.

Muloqot davomida Qarshi davlat universiteti bilan tuzilgan memorandumga binoan, ilmiy izlanishlar hamda akademik faoliyatga oid ilmiy tajriba hamda ma'lumotlar almashinuvi, hamkorlikda ilmiy-tadqiqot loyihalarini amalga oshirish, ikki oliy ta’lim muassasasi professor-o’qituvchilarining kelishgan holda darsliklar, o‘quv qo‘llanma va ilmiy maqolalarini nashr etish, xalqaro konferensiya, ilmiy-metodik seminarlar tashkil etish borasida o’zaro kelishuvlar olib borildi. Universitetda turizm sohasida tahsil olayotgan talabalarning ma’ruza hamda amaliy mashg’ulotlarining o’tilish jarayoni yaqindan tanishib chiqildi.

Stajirovka davomida tajriba almashilib, mazkur universitetda tahsil olayotgan talabalarga O’zbekistonda turizm sohasi hamda uni rivojlantirish bo’yicha amalga oshirilayotgan ishlar bo’yicha dars mashg‘ulotlari o‘tildi. Stajirovka davom etmoqda.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

⚡️Ona tili – millatning ruhidir!

Til - davlat timsoli, mulki. Tilni asrash, rivojlantirish - millatning yuksalishi demak. O‘zbekiston Respublikasi Konstitutsiyasida davlat tilining maqomi huquqiy jihatdan mustahkamlab qo‘yilgan. Shu tariqa o‘zbek tili mustaqil davlatimizning Bayrog‘i, Gerbi, Madhiyasi qatorida turadigan, qonun yo‘li bilan himoya qilinadigan muqaddas davlat ramziga aylandi.

Ayni kunlarda Qarshi davlat universitetida 21-oktyabr — O‘zbek tiliga davlat tili maqomi berilgan kun munosabati bilan ma’naviy-ma’rifiy tadbirlar tashkil etilmoqda. Jumladan, Filologiya fakulteti va 1-, 10-sonli talabalar turar joylarida o'tkazilgan tadbirlarda o‘zbek tilining keng imkoniyatlari va jozibasini ko‘rsatadigan she'rlar, badiiy chiqishlar va raqslar, turli qiziqarli viktorinalar, tilimiz ravnaqi yo‘lida hissa qo‘shgan ajdodlarimiz siymosi talabalar tomonidan mohirona yoritildi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#anjumanda_ishtirok

18-19-oktyabr kunlari Tarix fakulteti Falsafa va sotsiologiya kafedrasi professor-o’qituvchilari Termiz davlat pedagogika institutida tashkil etilgan “Erkin va farovon, qudratli yangi O‘zbekistonni barpo qilishning ijtimoiy, siyosiy va falsafiy muammolari” mavzusidagi respublika ilmiy-amaliy anjumanida ishtirok etdilar.

Anjumanda kafedra professor-o’qituvchilari - dotsentlar A.Do’lanov, T.Qurbonov, Z. Boymurodov va PhD A.Qurbonov "Yangi O‘zbekistonda “Uchinchi Renessans” poydevorini yaratishning falsafiy muammolari" mavzusida ma’ruzalar qildilar.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

#milliy_liboslar_namoyishi

Universitet tuzilmasidagi Qatag‘on qurbonlari xotirasi muzeyida San'atshunoslik fakulteti Rangtasvir va amaliy san'at kafedrasi tashabbusi bilan “Nafosat: milliy va zamonaviy liboslar namoyishi" mavzusida tadbir tashkil etildi. Unda dizayn: libos va gazlamalar yo'nalishi 2-kurs 023-56-guruh talaba qizlari tomonidan milliy liboslar namoyish qilindi.

Ushbu tadbir talaba qizlarning kiyinish madaniyatini yuksaltirish, bejirim va nafis milliy liboslarni keng targ‘ib etish, o‘zligimiz va qadriyatlarimizga mos kiyimlarning betakror dizaynini qayta tiklash hamda zamonaviylikni uyg‘unlashtirishga xizmat qilishga qaratilganligi bilan ahamiyatli bo‘ldi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram