1️⃣1️⃣1️⃣

⚡️“Manguberdi vorislari” sport musobaqasi o‘tkazildi

🏃🏻🏃🏻🏃🏻Bugun Qarshi davlat universitetida talaba-yoshlarni harbiy-vatanparvarlik va ma’naviy-axloqiy qadriyatlarimiz, tarixiy-ma’naviy merosimizga hurmat ruhida tarbiyalashdek ezgu g‘oyani o‘zida ifoda etgan “Manguberdi vorislari” sport musobaqasi o‘tkazildi.

🎗Tadbir avvalida Yoshlar masalalari va ma’naviy-ma’rifiy ishlar bo‘yicha birinchi prorektor O‘.Abdullayev, rektor maslahatchisi A.Jo‘rayev musobaqaning maqsad va vazifalari haqida batafsil to‘xtaldi. Musobaqa qatnashchilari 3 ta shart doirasida o‘z kuch va imkoniyatlarini sinovdan o‘tkazdi.
Murosasiz bellashuvlardan so'ng quyidagi natijalar qayd etildi:

1️⃣ - Sport fakulteti talabasi Shahobiddin Jo'rayev;
2️⃣ - Sport fakulteti talabasi Sanjar Shukurov;
3️⃣ - Iqtisodiyot fakulteti talabasi Murodjon Ro'ziboyev.

🏅G‘oliblar va sovrindorlar tegishli ravishda bir million, yetti yuz va besh yuz ming so‘m miqdoridagi pul mukofotlari bilan taqdirlanadi.

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram

⚡️Қарши давлат университети Лочин футбол клуби парвозга шай

Жорий йил 11 апрель куни Давлатимиз раҳбари раислигида “Ёшлар сиёсати соҳасидаги ишлар натижадорлигини ошириш мақсадида” ўтказилган видеоселектор йиғилишида мутасаддилар зиммасига аниқ вазифалар юклатилган эди. Хусусан, йиғилишда олийгоҳ ректорлари футбол, волейбол, баскетбол, шахмат, стол тенниси каби спорт турлари бўйича ўз клубларини ташкил этиши ва бу клублар талабалар спорт лигаларига бирлашиб, доимий турнирлар ўтказиб бориши қайд этилган эди.

Қарши давлат университети Лочин футбол клуби ташкил этилганига унча кўп вақт бўлмади. Аммо жамоанинг қўлга киритган ютуқлари ҳавас қиларли даражада. Жумладан, ўтган 2022 йилда “Вилоят кубоги”, “Вилоят ҳокими кубоги” ва “Вилоят 2-лига баҳслари”да чемпионлик қўлга киритилди. Ўз тарихида илк бора пляж футболи бўйича Ўзбекистон чемпионатидаги иштирок ва қўлга киритилган бронза медали совринлар коллекциясини тўлдирди. Бугун жамоа янги мавсум учун катта иштиёқ билан тайёргарлик кўрмоқда.

Давлатимиз раҳбарининг видеоселектор йиғилишида талабалар футбол клуби ривожи учун берган имкониятлари жамоага янги куч, ўзгача мотивация бағишлади. Аҳамиятлиси, машғулотларда Насаф ФК бош мураббийи, университетимиз фахрий профессори Рўзиқул Бердиев қимматли тажрибалари билан ўртоқлашиб, маҳорат дарсларини олиб бормоқда. Насаф клубининг асосий таркиб ўйинчилари билан елкама-елка машғулот олиб бораётган ёш футболчиларимиз катта футбол сир-асрорларини қунт билан ўзлаштирмоқда.

Университет бош майдонининг трибунаси жамоа машғулотларини кузатиш учун келган мухлислар билан гавжум. Футбол клубининг моддий-техник базаси тубдан яхшиланди. Жамоа 10 майдан вилоят 2-лига мусобақаларида иштирокини бошлайди. Бир сўз билан айтганда, Лочин футбол клуби янги мавсум учун шиддатли парвозга ҳозирланмоқда. Омад сизга йигитлар! Биз сиз билан фахрланамиз!

👉@rektor_qarshidu

#LIVE

⚡️Talabalar sport va san’at festivali

Talaba-yoshlarning darsdan bo‘sh vaqtini mazmunli o‘tkazish, ularga xushkayfiyat bag‘ishlash maqsadida ayni damda Qarshi davlat universitetida “Talabalar sport va san’at festivali” yoshlar sayli tarzida bo‘lib o‘tmoqda. Sportning futbol, voleybol, shaxmat, shashka, armrestling turlari va “Zakovat” intellektual o‘yini, havaskor gitarachilar, “Nigohlarda ko’rkam liboslar” mavzusida milliy va zamonaviy liboslardan iborat ijodiy ishlar tanlovlari kabi tadbirlar yuzlab yoshlarni jamladi. Yakunda g‘olib va sovrindorlar pul mukofotlari bilan rag‘batlantiriladi. Festival tafsilotlari biroz keyinroq...

🌐 Ijtimoiy tarmoqlardagi sahifalarimiz

✅ Telegram             🌍 qarshidu.uz
💬 Facebook            📸 Instagram