#naqıl


⚡️ El aǵasız bolmaydı,
Suw saǵasız bolmaydı.

⚡️ Ǵayratlı er qamal buzadı,
Qamaldı da hámel buzadı.

⚡️ El qurımay, ot qurımas.

⚡️ Jawlıq jamılǵannıń bári qatın emes,
Bórik kiygenniń bári batır emes.

⚡️ Tawǵa súyengen er tawday jawdı jıǵadı.


📚@qaraqalpaq_tilim_qalqanim
📚 @qara_qalpaq_tili
📚 @ana_tilim_qalqanim

#naqıl

📖 Watan, el súyiwge baylanıslı qaraqalpaq xalıq naqıl-maqalları


✨ Watan kúnnen sulıw,
Altınnan qımbat.

🔆 Watansız adam,
Baxıtsız búlbil.

✨ Jawǵa janıńdı berseń de,
Sırıńdı berme!
Ádiwli watannan gúderiń úzbe!

🔆 Xalıq – kúshtiń tiykarı,
Opasızda watan joq.

✨ Xalıq bir tislemnen berse toydırar,
Bir mushtan ursa, óltirer.

🔆 Ayrılǵan el azadı,
Birikken el ozadı.

✨ Er jigittiń júregi,
Arıslanǵa teń keler.

🔆 Er jigitlikke miyasar,
Turaqlılıq, ziyreklik.

✨ Qaraqalpaq baydıń balası edik,
Teńlikke kónsek te, kemlikke kónbeymiz.



═══════❁✿❁═══════
Kanallarımızǵa mirat etemiz👇

📚 @qaraqalpaq_tilim_qalqanim
📚 @qara_qalpaq_tili
📚 @ana_tilim_qalqanim

#Naqıl

Watan, tuwǵan jer, el-xalıq haqqında naqıl - maqallar

⚡️Erden aspaq bolsa da,
Elden aspaq joq.

⚡️Elestirmek elshiden,
Jawlastırmaq jawshıdan.

⚡️Elli jerde óris bar,
Tawlı jerde bóri bar.

⚡️Eldiń qádirin patsha bilmes,
Jurttan-jurtqa aspaǵansha,
Jaqsı yardıń qádirin bilmes,
Bir jamanǵa túspegenshe.

⚡️Jurt jutasa - joqshılıq,
Jurt bayısa - toqshılıq.

⚡️Jer emgen - el el boladı,
Jer qádirin bilmegen eldiń,
Ómirinshe ırısqalı kem boladı.

⚡️Edil ǵarǵası eline ketti,
Jayıq ǵarǵası jayına ketti.

⚡️Elge panasız bolsa saydan bez,
Námárt bolsa biyden bez.


📚@qaraqalpaq_tilim_qalqanim
📚 @qara_qalpaq_tili
📚 @ana_tilim_qalqanim

#naqıl-maqallar

Arbanıń astında júrip, iyt arbanı ózim tartıp keldim deydi.

Bul naqıl gey bir adamlardıń hesh úlesi bolmasa da pitken iske ózin basshı kórsetip, maqtanıwına bola aytılǵan (296-bet)
Nızanov M. Qaraqalpaqlar. Nókis: "Bilim" baspası
═══════❁✿❁═══════
Kanallarımızǵa mirat etemiz👇

📚 @qaraqalpaq_tilim_qalqanim
📚 @qara_qalpaq_tili
📚 @ana_tilim_qalqanim

#Naqıl_maqallardıń_mánileri

Ulıń jaqsı bolǵansha, keliniń musılman bolsın.

Qartayǵan kempir-ǵarrılardıń kútimi kelinlerdiń moynına qaladı. Sonday da ulıń miyirman bolǵanınıń paydası joq, sebebi ol kóbinese jumısta boladı. Ol joqta kelininen jábir kórgen kempir-ǵarrı urıs bolmasın dep kelininiń qılıǵın jasıradı. Sonıń ushın keliniń jaqsı bolsın degen gáp bul.


══════❁✿❁══════

Kanallarımızǵa mirat etemiz🔻

📚 @qaraqalpaq_tilim_qalqanim
📚 @qara_qalpaq_tili
📚 @ana_tilim_qalqanim

#Naqıl_maqallardıń_mánileri

Shortanıń jaqsı bolsa, Xiywaģa barmas pa edi

Qaraqalpaqlar Xiywa xanına baģınıshlı bolģan zamanda qádirli nárseniń bári Xiywaģa aparılģan. Sonda, balıqlardıń jaqsısı aparılģanda eń pás balıq dep shortandı taslap ketedi eken. Bir ret bir adam maqtanıp:
- Biziń jaqta shortan degen balıq bar, tumawģa em boladı, - degende ekinshi bir adam oģan:
- SHortanıń jaqsı bolsa Xiywaģa barmas pa edi, - degen deydi.
Bul maqal bahasız nárseni jónsiz maqtaģan adamlarģa qaratılıp aytılģan.


══════❁✿❁══════

Kanallarımızǵa mirat etemiz🔻

📚 @qaraqalpaq_tilim_qalqanim
📚 @qara_qalpaq_tili
📚 @ana_tilim_qalqanim

#Naqıl_maqallardıń_mánileri

Qul qashsa Qońırattan tabıladı

Bul maqal qaraqalpaqlarda Xiywa xanına qaraslı bolģan dáwirde payda bolģan. Xiywa menen Qońırat araz bolıp turģan waqıtta Xiywadan sıtılıp qashqan qullar yáki jazalı bolģan adamlar Qońıratqa barıp, ózlerine baspana tapqan. Bul maqal izlegen adamın oylaģan jerden tawıp alģan jaģdaylarda aytıladı.


══════❁✿❁══════

Kanallarımızǵa mirát etemiz🔻

📚 @qaraqalpaq_tilim_qalqanim
📚 @qara_qalpaq_tili
📚 @ana_tilim_qalqanim

#Naqıl

Miynet haqqında naqıl-maqallar

⚡️Miynettiń kózin tapqan,
Baxıttıń ózin tabadı.

⚡️Jalqaw óz úyine ózi qonaq.

⚡️Erinshektiń eki dostı bar,
Biri uyqı, biri kúlki.

⚡️Aqılınıń kemligin,
Kúlki menen jetkerer.
Írısqalınıń kemligin,
Uyqı menen jetkerer.

⚡️Miynet penen ráhát,
Ekewi de barabar.

⚡️Jalqaw qarap otırıp sharshaydı,
Erinshek etigine súrinedi.

⚡️Qazıwdıń tebigin tewip turman,
Biraq reńgesi hayran etip tur.

⚡️Jol boyınıń jumısın,
Jolǵa shıqsań bilerseń.


📚@qaraqalpaq_tilim_qalqanim
📚 @qara_qalpaq_tili
📚 @ana_tilim_qalqanim

#Naqıl_maqallardıń_mánileri

Aspan bir jawsa, terek eki jawadı.

Tábiyatta jamǵır jawıp tınǵannan keyin terektiń japıraǵında irkilip qalǵan jawın tamshıları biraz waqıtqa deyin tamshılap turadı. Bul naqıl bolıp ótken kishkene bir qolaysız jaǵdaydı, ótip ketkennen keyin de dańǵara qılıp, ǵawasat taratıp júrgen adamǵa aytıladı.


══════❁✿❁══════
Kanallarımızǵa mirát etemiz🔻

📚 @qaraqalpaq_tilim_qalqanim
📚 @qara_qalpaq_tili
📚 @ana_tilim_qalqanim

#Naqıl

Balıqshılıq kásibi haqqında naqıl-maqallar

⚡️Shól jaǵalap qonbay,
Kól jaǵalap qon.

⚡️Tutıp alsań sazandı,
Toltırasań qazandı.

⚡️Balıǵı bolmaǵan kóli qurısın,
Kiyigi bolmaǵan shóli qurısın.

⚡️Eki kemeniń basın uslaǵan suwǵa ketedi.

⚡️Balıqtıń tirishiligi suw menen,
Baqanıń kúni kól menen.

⚡️Jar qulasa jayın óledi.

⚡️Kemeshi xan boldı,
Biz nóker boldıq,
Taǵdir solay boldı,
Biz suw tóger boldıq.

⚡️Kúnde ushan keme qayda.

⚡️Kemeniń tetigi keyninde.

⚡️Kóldiń atın balıq shıǵaradı,
Balıqtıń atın xalıq shıǵaradı.

⚡️Súmbile tússe suw suwır,
Kóldegi balıq qurır.


📚@qaraqalpaq_tilim_qalqanim
📚 @qara_qalpaq_tili
📚 @ana_tilim_qalqanim

#Naqıl

Naqıl-maqallardıń juwap-aytıs hám oyın dálkek túrleri


⚡️Essiz ǵana biydaydı,
Taqan qılmay nan qıldı.

⚡️Ǵarǵa ǵarqıldap ǵaz bolmas,
Kempir sıńqıldap qız bolmas.

⚡️Ǵarrı túye baqırawıq,
Ǵarrı qoraz shaqırawıq.

⚡️Arbanıń jaman jeri,
Joldıń jaman jerine keledi.

⚡️Murnımnıń pushıǵınan xabarım joq,
Sáńkiyip sala berippen.

⚡️Bir jilli menen bir saw qosılsa,
Jaǵalasqan jawday boladı.
Eki jilli qosılsa,
Aǵayinli sawday boladı.

⚡️Bir awız áńgimeniń,
Eki awız liykini boladı.

⚡️Kóldiń qutı ketse,
Ush jıl burın qutanı ketedi.



📚@qaraqalpaq_tilim_qalqanim
📚 @qara_qalpaq_tili
📚 @ana_tilim_qalqanim

#naqıl - maqallar

📌 At júyrigi túlki súymes,
Awırıw adam kúlki súymes.

📌 Azģana kúyikti as basadı.

📌 Awırsa kim azbaydı,
Jarlı bolsa kim tozbaydı.

📌 As adamnıń arqawı.

📌 Awırıw batpanlap kiredi,
Mısqallap shıģadı.

📌 Joyılıp tabılģan mal olja,
Awırıp jazılģan jan olja.

📌 Janı ashımastıń qasında
basıń awırmasın.

📌 Táwekel qıl da tas jut,
Ájel jetpey ólmeyseń.



═══════❁✿❁═══════
Kanallarımızģa mirat etemiz!👇

📚 @qaraqalpaq_tilim_qalqanim
📚 @qara_qalpaq_tili
📚 @ana_tilim_qalqanim

#Naqıl

Aqıl-násiyat xarakterindegi naqıl-maqallar


⚡️Aqıl boy menen ólshenbeydi.

⚡️Aqıl bazarda satılmaydı.

⚡️Ashıw - aqıl bolmaydı,
Aqıl azıq boladı.

⚡️Aqılı joq adamǵa,
Adırayǵan kóz berer,
Dawısı joq adamǵa,
Sıldırlaǵan sóz berer.

⚡️Jamanǵa sóz aytsań,
Aqıl tappay jol aytadı.

⚡️Aqıl jastan shıǵadı,
Hasıl tastan shıǵadı,
Júyrik tay ǵunannan shıǵadı.

⚡️Aqıllıda ashıw bolmas.

⚡️Aqılsız qonaq - úy iyesine mirát etedi.


📚@qaraqalpaq_tilim_qalqanim
📚 @qara_qalpaq_tili
📚 @ana_tilim_qalqanim

#naqıl

📌Bir sanı menen keletuǵın naqıl-maqallar

📎Erte turǵan jigittiń ırısı artıq,
Erte turǵan qatınnıń bir isi artıq.

📎Bir jıl tut ekken kisi,
Júz jıl gáwhar teredi.

📎Bir bálesi bolmasa,
Shúdigarda balıq ne jesin.

📎Bir túp sheńgeldi,
Mıń jıl qoralasań da baǵ bolmas.

📎Bir qolda eki ǵarbızdı tutıp bolmas.

📎Bir kúnge ógiz ólmeydi,
Eki kúnge iyesi bermeydi.

📎Digirman gezeginen qalǵan,
Bir kún ash qaladı.

📎Altı kún atan bolǵansha,
Bir kún buwra bol.

📎Túyege naz qıl deseń,
Bir tanap jerdi oyran etedi.

📎Atıń arıq bolsa bir shap,
Otınıń az bolsa bir jaq.


══════❁✿❁══════
Kanallarımızǵa mirát etemiz🔻

📚 @qaraqalpaq_tilim_qalqanim
📚 @qara_qalpaq_tili
📚 @ana_tilim_qalqanim

#Naqıl - maqallar

📖📖📖📖📖

📌 Asqınlasań áwliyeni arala,
Qapa bolsań aģın suwdı
jaģala.

📌 joqqa júyrik jetpeydi.

📌 Uyqı menen óli teń.

📌 Shaqırmay barģan jerińnen,
Qaytıwıń kerek juwapsız.

📌 Jası kishi bolsa da,
Azamat bolsa aģa qıl.

📌 Aqılıń bolsa aqılģa er,
Aqılıń bolmasa naqılģa er.

═══════❁✿❁═══════
Kanallarımızǵa mirat etemiz👇

📚 @qaraqalpaq_tilim_qalqanim
📚 @qara_qalpaq_tili
📚 @ana_tilim_qalqanim

#naqıl

Doslıq haqqında naqıl-maqallar


1⃣ Dushpan kúldirip,
Dos jılatıp aytadı.

2⃣ Dostıńnan túye sora,
Uyalǵannan biye berer.

3⃣ Dos basqa,
Dushpan ayaqqa qaraydı.

4⃣ Alıstaǵı dushpannan,
Ańlıp júrgen dos jaman.

5⃣ Jaqsı dos, is túskende biliner.

6⃣ Sırın bilmegen adam menen dos bolma.

7⃣ Aqılsız dostan,
Aqıllı dushpan artıq.

8⃣ Jan dostıń janınan keshsede,
Mal dostıń malınan keshpes.

9⃣ Dostıń sırtınan ósek aytpa,
Bir kún qulaqqa shalınadı.

🔟 Dostı kóp penen sóyles,
Dostı joq penen sırlas.


═══════❁✿❁═══════
Kanallarımızǵa mirát etemiz👇

📚 @qaraqalpaq_tilim_qalqanim
📚 @qara_qalpaq_tili
📚 @ana_tilim_qalqanim

#naqıl

📌Taqan sózi menen qollanılatuǵın qaraqalpaq xalıq naqıl-maqallarına úlgiler

📎Hayalı joq kisige,
Soqır kempir ayday kóriner.
Sharshap kiyatırǵan kisige,
Tal tayaq tayday kóriner.
Ash bolıp kiyatırǵan kisige,
Qara taqan mayday kóriner.

📎Taqannıń túrli-túrli bılǵawı bar.

📎Essiz ǵana biydaydı,
Taqan qılmay nan qıldı.

📎Qara taqan jeyin degen asım ba edi?
Toqsan bes jas kóreyin degen jasım ba edi?

📎Bir jemese taqandı,
Xan jemeydi,
Xan qasında qarashı,
Ne demeydi.


══════❁✿❁══════
Kanallarımızǵa mirát etemiz🔻

📚 @qaraqalpaq_tilim_qalqanim
📚 @qara_qalpaq_tili
📚 @ana_tilim_qalqanim

#Naqıl_maqallardıń_mánileri

Aldım jaǵadan,
Urdım jambastı,
Qarasam, astında jatırman.

Bul naqıl qolınan kelmeytuǵın iske orınsız aralasa beretuǵın, yamasa shamasın bilmey ójetlikke zor beretuǵın adamlarǵa aytılǵan.


══════❁✿❁══════
Kanallarımızǵa aģza bolıń👇

📚 @qaraqalpaq_tilim_qalqanim
📚 @qara_qalpaq_tili
📚 @ana_tilim_qalqanim