Тупизм! Ўзилар билан ўзилар келишволилар. АКТ вазирлигидагилар боши билан урушиб қолганми? “Бағдодда ҳаммаёқ тинч” деб чиқиш нимаси энди…

Қўша-қўша City қургунча ҳаво тозалаш мосламаларини тузатганингларда, экологиямиз шунча қурилишдан чиқадиган чанг босимига бардош бера оладими ё йўқми, шуни ўйлаганларингда эди, бу кунлар йўқ эди.

Британияда бўлган ана шундай қум бўрони ҳақида ўз вақтида хабар берилмагани учун Бош вазир Черчил эътирозлар қуршовида қолган. Бу воқеа вақти келиб унинг истеъфо беришига ҳам сабаб бўлган.

Ҳозир давр ва технология бошқа. Хабар беришнинг ўзи камлик қилади. Йиллар давомида қўл қовуштириб ўтириб, City қургунча экологияни ўнглаш керак эди. Хўш, энди қай бирингиз истеъфо берасиз?

Hilton’нинг юқори қаватидан туриб чангга ботган Тошкентни томоша қилиш бошқача бўлса керак а? Айтганча, тепадан чангга ботган ҳокимият кўриняптими?

Обломуродов, қаердасиз? Сиз экологияни асрашга қадам ташлашингиз учун Президент бўлишингиз шартмасдир?! Ё албатта мансаб керакми? Нимага жимсиз? Ё кейинги сайловгача бирор жойга учиб кетдингизми?

Президент Матбуот хизматига қойил қолмадим. Интернетдан олинган расмга ўзининг логотипини босиб, “Маники” деб чиқарибди.

Бугун Туркий тилли давлатлар ҳамкорлик кенгаши 8-саммити Истанбулдаги Демократия ва эркинлик оролида бўлди. Президент Матбуот хизмати хабарларга илова қилган суратлар орасида шу расм ҳам бор. Лекин бу расм Ўзбекистон Президенти Матбуот хизматиники эмас ва у бугун туширилмаган. Камида бир ярим йил аввалги расм. (!)

Суратга эътибор берсангиз оролда қурилиш кетаётгани, ҳали дарахтлар ва чим экиб бўлинмаганини кўриш мумкин. Қолаверса, кўрга ҳассадек бўлиб кранлар ҳам турибди.

Кўз қаерда? Ўғирлаганга яраша ишонарли ўғирланглар.

Неужели борган жойиларни ҳозирги ва икки йил олдинги аҳволини суратга қараб фарқлай олмасанглар…

Вот это позор! Шоппинг қилгани бордиларми Туркияга?!

Каналга аъзо бўлиш👇🏻
👉🏻 @qamariddin_shayxov

Сиз ёлғиз эмассиз...

Думалаб тушдим. Қозоғистон Республикаси Президенти Матбуот хизмати ҳам кеча Туркий тилли давлатлар ҳамкорлик ташкилоти лидерлар саммити ўтказилган Истанбулдаги оролдан 2 йил аввалги суратни берибди.

Эътибор қаратсангиз, оролда ҳамон қурилиш давом этаётгани, кранлар ишлаётгани, ҳамма жой чанг-тўзонлигини кўриш мумкин.

Неужели Матбуот хизматидагилар шуни кўрмайди?

Келишиб олганмисизлар)))😂

Лекин булар инсоф қилиб логотип қўймабди.

Каналга аъзо бўлиш👇🏻
👉🏻 @qamariddin_shayxov

Мана Президент Матбуот хизмати наглым образом ўзлаштирган расмнинг асл варианти. Сурат муаллифи CNN. Аслида бу расм видеодан олинган стоп-кадр.

Бизда муаллифлик ҳуқуқи ээээнг юқоридан бузилади.

Эҳҳҳҳ василииииий.

Каналга аъзо бўлиш👇🏻
👉🏻 @qamariddin_shayxov

Собиқ Соғлиқни сақлаш вазири Абдуҳаким Хожибоев соҳадан четлатилди, Касаба уюшмаларига ўтди. Афсус!

Зайниддин Низомхўжаев ҳам Марказий сайлов комиссияда ишлаяпти. У ҳам соҳасидан йироқда.

Эшитишимга қараганда, улар энг оғир операцияларни ўтказиш бўйича Ўзбекистондаги энг нодир жарроҳлар саналади. Шундай жарроҳлар бугун тизимдан йироқда, кабинетга қамалиб, қоғозларга ботиб ўтиргандан операция столи устида тургани кўпроқ фойда эмасми?

Эшитишимча, улар ўтказадиган операцияни ўрганиш учун 16 йил вақт керак экан. Бугун уларнинг изидан борган шифокорлар ёки шогирд жарроҳлар борми? Ахир иккисини ҳам боғлаб бермаган-ку.

Каналга аъзо бўлиш👇🏻
👉🏻 @qamariddin_shayxov

Бугун Qalampir.uz жамоаси #ЯшилМакон лойиҳаси доирасида дарахт экиш ишларида қатнашди. Ўзимиз эккан дарахтларга белги қўйиб чиқдик.

Ўйлайманки, кун келиб бу жойларда ҳам ситй қурилиб, дарахтларимиз қирилиб кетмайди.

Каналга аъзо бўлиш👇🏻
👉🏻 @qamariddin_shayxov

Бегона эркак тугул, кучук билан ётмайдими?! Санларга нима?

Каналга аъзо бўлиш👇🏻
👉🏻 @qamariddin_shayxov

🆘— Ассалому алайкум! Ака, сиз Қамариддин бўласиз-а? Шу ерда ишлайсиз. Бир масала бор эди, кимга айтишни билмай юргандим, – деди ташқарида бир киши.
— Ассалому алайкум! Бемалол, ака!
— Кечки овқат вақтида оилам билан телевизор кўраман. Эркаклар кучини оширувчи, тез ҳомиладор қиладиган дорилар, интим маҳсулотлар ҳақида рекламалар бериляпти. 9 яшар қизимнинг олдида ҳижолат бўлиб кетаман. Бошқа каналга олсам бемаъни кино, ўзбекона канал "ўшанга"(канал номини айтгим келмади) олсам шу реклама берилади. Нима қилса бўлади, сиз уларга айта оласизми?

Ҳалиги одамга энди бу уларнинг реклама сиёсати, масалан QALAMPIR’га шундай реклама бериш мақсадида мурожаат қилишганида, пулини ҳам сўраб ўтирмай, “отказ” қилганман. Кўрсам айтиб қўярман, дедим.

Кечагина ТВлардаги мусордан мусор сериаллар ҳақида ёзмоқчи эдим, бугун қаршимдан бошқа бир масала чиқиб турибди.

Виждонингизга ҳавола! Биламан, ҳаммангиз ё очиқ, ё зимдан кузатасизлар, бу постни ўқийсизлар. Қайнағаси ёки қайнотаси билан дон олишиб юрган келинлар, танасини сотаётган аёллар ҳақидаги сериалларингиз ва жамият буни оддий қабул қилиши керак деган уринишларингиз жабрини чекмасдан ўлманг! Аллоҳ кифоя қилсин!

Замонамизда Ватан сарҳади деган тушунча анча кенгайди. Қуролланган аскар, мижжа қоқмай, баъзан соатлаб бир нуқтага тикилиб, қишин ёзин тик оёқда турган ҳарбий... Кўз ўнгимизга биринчи бўлиб келган тасвирлар бугун етарлимас. Уруш фақат қурол билан эмаслиги исботланди. Баъзан бир сўз дунё тинчлигига раҳна солишини, бир бетоқатнинг лофи хотиржамликни бузишини Лукашенко мисолида кўрдик.

Ватан сарҳади кенгайди. Энди унинг ахборий майдони, электрон сарҳади бор. Чизиғи йўқ. Делимитация қилинмаган.

Мен армияга бормаганман. Аммо ахборий уруш майдонида ҳали қуролсиз бўла туриб тажриба ўтаганман. Ўқ еганман, йиқилганман, янчиб кетишларига бир баҳя қолган пайтлар ҳам бор тарихимда. Бугун ҳам бу майдонда уруш давом этяпти. Тўхтовсиз! Мислсиз! Шафқатсиз! Таскинсиз ва чекинишсиз! Энг ёмони, бегона ўқ кўп. Ким отганини, кимга отганини билмайсиз. Тилим, доменим кимга мансублимга шоҳид.

Тушунинг! Мажбурсиз! Ҳар биримиз, ҳар бирингиз Ватанни у ё бу йўл билан ҳимоя қиляпсиз. Виждонингиз тозами? Ҳимоя қила оляпсизми? Ахборот урушидан, кибер хавфлардан?...

Қаерга қарама ҳамма шукр айтяпти. Саройлар, city’лар қурилишига сарфланган пул ва ақл Совет давридан қолган умумий тармоқдан ажралиб чиқишга етмаганига шукр қилишимиз керакми? Тушунмадим?! Биз кўкларга кўтарган мустақиллик электрдан мустақилликни ҳам ўз ичига олмаганига ачиндим.

Электрга шукр айтсак, нонга шукр айтсак, Москопга одам жўнатиб, мардикорлардан келаётган пулга тўй қилаётганимизга шукр айтсак… Эй воҳ, “свет” ўчса ҳам шукр айтсак. Нақадар сершукр одамлармиз.

Энергетика вазирлиги, Ҳукумат счетчикларни ўзгартириш ва шунга ўхшаган бошқа майда ва кўпроқ кимнингдир чўнтагига хизмат қилиши мумкин бўлган нарсалар ўрнига мана бундай глобал масалалар билан шуғулланиши керак эмасмиди? Нега ҳамон 70-йилдан қолган эски тармоқда ўтирибмиз? Нега электр энергиямиз мустақил эмас? Нега бутун республиканинг кнопкаси кимнингдир қўлида?

Хавфсиз пойтахт, вазиятлар маркази, кузатув камералари… Бир деганда ўчди. Ҳовуз қурмай сузишни ўргатишнинг оқибати шу бўлади.

Энг ёмони иқтисодиёт катта зарар кўрди. Нега? Бошқаларнинг хатоси учун қайсидир тадбиркор касодга учраши керак? Нега гўштлар дўконларда сасиб қолиши керак? Нега шам нархи ошиб, ажиаташ бошланиши керак? Нега нон корхоналарида дизель, сув захираси, генераторлар йўқ, Фавқулодда ҳолатларда нега нариги туманга нон қидириб чопиш керак? Шуларга шукр қилайми мен?

Ўйлайманки, Президент Шавкат Мирзиёев айбдорларни жойига ўтказади.

Эрталаб электр токи борасидаги мустақиллик ҳақида ёзгандим. Электр энергияси узилиши ва у ортидан бошлаб келган ичимлик суви, оқава ва газ муаммолари кўрсатиб турибдики, тизим тўла-тўкис ишдан чиққан. Вазият назорат остида деган баёнотлардан қанчалик чарчадингиз билмадим, аммо мен ишхонада жон сақлаяпман. Уйда “свет” бор. Лекин бир суткадан ошиқ вақт ўтди ҳамки, ҳамон сув йўқ. Энди газнинг ўчишини кутиб, хайрлашишга тайёрланиб ўтирибмиз.

Эрталаб Олмазор туманига сув етказилишига масъул идора “Мусаффо оби ҳаёт” МЧЖга мурожаат қилганимга ҳам нақ 9 соат бўлди. Ҳали ҳам сув йўқ! Ҳали ҳам “ишлаяпмиз” деган жавобни эшитяпман. Ҳатто, “Ишлаётганимизнинг расмини ташлаб берайликми?”, деб дўқ ҳам қилиб қўйишди. Мен бу расмни музейга осаманми, нима қиламан? Менга ишлаётганингизнинг ягона далили қақшаб ётган жўмрагим.

Вазият кўрсатяптики, энергетика ва коммунал хизмат кўрсатиш тизими ботиб кетган. “Свет” ортидан сув, сувга етолмай турганимизда газ. Бу масъул ташкилотлар фавқулодда ҳолатга умуман тайёрмаслигини кўрсатмоқда.

Кўринг! 🔴Кўпинча хорижий ОАВда ўзбекистонлик фуқаро фалон мамлакатда оғир жиноят содир этгани ҳақида хабар тарқалади. Ҳали суд қарори билан ўша фуқаронинг айби тасдиқланмай туриб ОАВ тарқатган хабар орқали ижтимоий тармоқда қоралов акцияси бошланади. Кейин ўша жиноятни бошқа одам содир этгани аниқланса-да ўзбекнинг номи ёмонотлиқ бўлиб қолаверади. Бу лойни от, ўзи қолмаса ҳам изи қолади дегандек.

✅Яна чет элдаги мигрантларимиз жиноят қурбони ҳам бўлмоқда. Кўпинча бу жиноятлар тафсилотлари очилмайди. Шунчаки бахтсиз ҳодиса ёки ўз жонига қасд қилиш деб, иш ёпти-ёпти қилинади. Масалан 2019 йилнинг сентябрь ойида Туркияда депутатнинг уйида вафот этган 23 яшар Нодира Қодированинг ўлими ҳамон сирлилигича қолмоқда.

‼️Ёки журналист @abdukarimmirzayev ўз вақтида Туркияада нега қамаб қўйилгани ҳам маълум эмас. Сабаблар очиқланмади, шунчаки чиқариб юборилди.

🆘Энг ёмони, туҳмат қурбони бўлаётган мигрантларимиз ҳам талайгина. Улар емаган сомсасига пул тўлаяпти. Нега? Чунки ўзга юртда ҳимоясиз.

❌Афсуски, мигрантларнинг ҳуқуқларини ҳимоя қилиш борасидаги бугунги вазият мени қониқтирмайди. Ҳуқуқ-тартибот идоралари хориждаги 2 млндан ошиқ мигрантларимиздан бирортаси жиноятчиликка аралашиб қолганда, иш холис ўрганилишини назорат қилиши, фуқаромизни ҳимояга олиши керак.

🇺🇿Ўзбекистонликлар билан боғлиқ жиноятлар ҳақида билиб-билмай тарқатилаётган хабарлар улар рост ё ёлғон бўлишидан қатъи назар мигрантларимизнинг иш ҳақи нархининг тушиши, ўзбекистонлик ишчиларга ишончсизликнинг ортиши ва уларга жиноятчидек қарашнинг кучайишига олиб келмоқда.

Бизда кўпинча гап бошқа, амал бошқа. Кеча Президент жон куйдириб, талабаларни ишли қилиш, уларнинг ишлашига шароит яратиш ҳақида гапирди. Ректорларни бунга масъул қилди. Асли ректор бунгача ўзи етиштираётган кадрларнинг меҳнат бозорида муносиб ўринга эга бўлишига масъуллигини билмасмиди? Билмайди! Битирса бўлди. Диплом қилса бўлди?

Бизда аксарият ҳолларда гап бошқа, амал бошқа.

Юқоридаги суратда Жаҳон тиллари университетидаги 4-курснинг дарс жадвали. Вот это тупизм! Талаба куни билан банд, "ни туда ни сюда!" На ишлашни билади, на ўқишни. Айниқса, турмушга чиққан талабалар куннинг биринчи ярмида университетга бориб, иккинчи ярмида уйга келиб, яна онлайн ўқишга мажбур. Что за тупизм, ўртоқлар?

Булар дарс жадвалини эплаб олмаяпти, ишга жойлашни қандай эплайди? Бу кетишда кечаси 2:00 да дарс қўйилса ҳам ажаблайман.

Жаноб Азизов (ректор), қаерга қараяпсиз?

ЎзДЖТУ ректори жаноб Азизовдан элчилар алоқага чиқди, ўзлари эп кўрмаганлар чоғи.

Масала шуки, жаноб ректор бояги гибрид дарс жадвали хусусида гаплашиш учун мени ҳузурларига чақирибдилар. Ўха!

Ўтган йили, Президент талабаларни ишга жойлаш масаласида йиғилиш ўтказишидан анча-а-а аввал айнан ЎзДЖТУ билан ҳамкорликни йўлга қўйиш, талабаларни ишга жалб қилиш ва уларга муносиб ҳақ тўлаш таклифи бўйича ректорнинг қабулхонасига қўнғироқ қилиб, улар билан учрашишни сўрагандим. Жавоб бўлмади, яна қўнғироқ қилдим. Кейинроқ котиба жавоб қўнғироғи билан ректорнинг ҳозир вақти йўқлигини ва гапим бўлса, етказиб қўйишини айтди. Мана, эътибор. Ҳозир билсам, у киши бу воқеани эслай олмасмишлар. Эслашлари учун эътибор қилиниши керак-да.

Энди эса гибрид дарс жадвали бўйича менга қўнғироқ қилиб, университетдаги вазиятни тушунтириш билан овора бўлаётганлар бор. Хона етишмайди, талаба кўп, вақт кам… Тугамайди баҳоналар. Лекин ўша гибрид, сменаси аниқ бўлмаган, онлайн бўлиб онлайнмас, оффлайн бўлиб оффлайнмас дарс жадвали сабаб талабалар сарсон, саргардон. Таълим сифати ҳам шунга яраша. Кейин уларни ким ишга олади? Қачон олади? 4-курс талабаси айни амалиёт қилиб, бирор ишга илиниб олиши керак бўлган даврда палапартиш дарс жадвалининг азиятини чекади. Мен бунақа ходимни ишлатмасдим, ишлатмайман ҳам.

Ходимларимнинг кўп қисмини талабалар ташкил этади. Улар орасида ЎзДЖТУнинг бир нафар талабаси бор, холос. ЖОКУ молодец! Талабалари учун югуради, неча марта деканлари келишган. Ректор ҳам ўтган ой келиб талабалари ишлаётган шароит билан танишиб кетди. Ҳар ҳафта янги талабаларни юборишяпти.

ЎзДЖТУ ректори Азизов айтганимдек, ҳузурларига чақирдилар. Қалампирга келсинлар, кўрсинлар, талабалари қандай шароитда ишлаяпти, бугун меҳнат бозорига кимлар кераклигини… Эҳ…

Ахборот майдонидаги вазиятни кузата туриб бир нарсани айтаманки, “Время”даги кечаги плакат, урушни тўхтатинг ва сизни алдашяпти каби ҳайқириқларнинг олдини ололмаган, уруш тўғрилигига ҳеч бўлмаса ўзиникиларни ишонтира олмаган рус медиалари ва
Россиянинг энди Ўзбекистон ва бошқа мамлакатлар, улар тили билан айтганда, стратегик ҳамкорларидан ҳамфикрлик ва ахборотни босимлар остида “ихтиёрий” ўз фойдаларига хизмат қилишини кутиш аҳмоқлик бўлади.

Оға ўзини медиасига эгалик қилолмаганда, бошқаникини лупа тақиб пойласа ҳам фойдаси йўқ.