لو لمْ يكُنْ فيها سِوَى أخلاقها،
‏لَعَشقْتُها وعشقتُها لمُجَرّدِ الأخْلاقِ..

‏لكنّمَا زادَ الإلهُ جَلالَهَا،
‏نوراً كنُورِ الشّمسِ في الآفاقِ..

‏فَعَلتْ على عَرْشِ النّسَاءِ لأنّها،
‏فاقَتْهُمُ حُسْناً على الإطلاقِ..


#ابراهيم_حمدان

اخذ چفي اخاف تريد مَشط
الگذلتك يلي خصرك روج ماي شَط
وعلي الفاگد ثنين اولاد ما شَاط
مثل ما لالله شاط جفاك بيه..

#كامل_النوفلي

حرت من ردتك اضمك كلت اضمك وين،
الوكت ايده طويله تبوكك وزحمه..
الفنك بعمري خفت لا يعديك..
خاف الحزن يعدي وانت تشتمه..


#سعد_محمد_الحسن

يمكن احنه ملتقين،
العلاقه ببالي اكبر..
يمكن انت الجنت احبه بعالم الذر..

اقتربلي شويه ممكن؟
من بعيد تبوك روحي..
ومن قريب تبوكني اكثر..

ليش من الكاك احس الكاع تصغر،
ليش من الكاك احس آمالي تكبر..
اني اجيتك شايل الدنيا على راسي..
وبعيني شفتك احلى منظر..

انت يمكن وصفت العراف اليه،
انت واحد بس احسك جاي تكثر..
ويمكن بتابوتي بس انت على بالي..
واندفن وبروحي تفتر..
ولو نكير يريد يسأل..
ينقهر ويسكته منكر..

ولخاطرك للجنه افوت،
"انت يمبيض حياتي ولونك اسمر"..

انت جذبك احلى من كلشي صدك،
انت تسوه الدنيا اذا مالك خلك..

والتوبه اذا زعلتك التوبه،
اخذلك هيج واحد عطرك بثوبه..
دور الدنيا كلها وين تلكه انسان،
من گبور ربعه لبيت محبوبه.


#علي_طالب

السيد اليمنه بي تنخيت،
وحلفته بأهل البيت والبيت..
بلوه على راسي موش حبيت..
صدام جنّي وطب للكويت..

عنيد وعانديت الريح والواي
بقى بچفي وبعدني بخير والواي
على الطافي يرش الماي والواي
حطب ذبله وزعم فزاع اليه

#سمير_صبيح

كون كل شارع اشوفچ
چا گضيت العمر امشي..!

وكون اگابل مره وجهچ
الا اعميهن اذا ينطبگ رمشي..

مو مجرد صدفه انتِ
ولا محطة ويمها اگعد واستراح

انتِ كلشي...

#جبار_رشيد

انت يا آخر بدايه،
كون حتى الموت موعد..
ثنينه نوقت عمرنه،
ونلتقي بنفس النهايه..



19/2
#المطوري

يم داركم،
صدفه واخذني الدرب من يم داركم..
والتمت بروحي المحنه..
واشتهيت اخباركم..
يوميه اغنيها وامر من بابكم..

يسمعني حتى الهوى،
ويميل وي ميلتي..
ما شايف هوى ويختنك..
من تختنك ريتي..


#علي_الياسري

ولو تمطر عليّ واني بجعب غار،
اسمع صوت زختك كلني ابتل..


#المطوري

كلهن وجع خلصن،
كمت اني اشك بالعمر سنينه منفوسه..
وايامه خلصت حرب..
كون اعرف السامري شيريد من موسى..

يا وكتي مو هالثخن،
مو كل شهر ينكضي وسويتلك هوسه..

ويا گلبي غرفة سجن،
طول عليها الفرج واحلام متروسه..
وماتصفى وي دنيتي..دارت ويانه عكس..
وتحمرت للنذل والباع ناموسه..

وماتصفى وي دنيتي،
مازال دوم الزمن هادود بسلاحه..
واحنه على نفس الدرب..
حتى القبلنه مشوا ماشافوا الراحه..
ماندري صوج البخت..
لو صوج ابونه الدنت نفسه على تفاحه..

وماخله بينه التعب،
جن طير نص الدرب..
ضيع طريق السفر ومصوب جناحه..

ومادام بيها صبر،
مسدود يعني الفرج مكسور مفتاحه.


#جبار_العبادي

يم بيتك شغل ماعندي والعباس،
تاخذني على بابك كوه رجليه..


#هاني_الكربلائي

سولف كول الك واهس تضل وياي،
واذا ما الك واهس كول لاتخجل..

مااقبل احبك وانت مامرتاح،
وماارتاح احبك وانت وماتقبل..


#جبار_رشيد

وما ايست ماتجي،
بس اني لازم اجي..
بحجة ارد دينك..

شديت عين الجرح،
جبته واجيت اعتذر..
يم باب سجينك..


#جبار_رشيد

شدزلك حتى تدري شكد احبك،
وگلبي من العشگ شنهي الجراله..

اذا هو العشگ بالگلب مطبوع،
دكلي شلون ادز گلبي برساله..

ردتك تمر خطار بالطيف اشوفك،
بلكي الله يهدي الطيف يمشي ويعوفك.


#محمد_الحسني

يلاكوني يمهم قبل لا يشتاكون،
جنت الضوه القبل الرعيد اليطلع..

وهسه من ادور على السوالف واشتاك،
افتح جروحي شويه خاطر اسمع..

ماعندي قدره اتحمل وجوه الناس،
بس مستعد لكلشي من اتودع..

مايرمش الجندي اليحس بالخذلان،
لو مو تحط كبال وجهه المدفع..


#وفاء_الخفاجي

اليحب من طرف واحد ما يكفي ليل،
رمشه بكل حلم من يخطف يشده..

العاشك يختنك لو طاري فركه يفوت،
الهوى المامر حبيبه بريته يرده..

وين يضم فشلته اليحب من بعيد،
الدمع عايف حجي وسوالف بخده..

يبس حضني اريد اتلاكه ويه الغيم،
البي حركت العاشك گلبه شيبرده..


#علي_رشم

انفطر گلبي ارد اجيك،
العزه خارج قوس..
نهر العزه بأول دمعه وشلته..

باجر الا أصفن الذله واتعناك،
واخليها تكلي شكد ذليل انت..

باجر راح اجي،
بس مااجي اني وياي..
اجي واحد ذليل وروحه كارهته..
اجي واحد مضيع بالسجن حرفين..
وتراب السجن طاح على سالفته..


#علي_نجم

تعال ومر عليه حتى لو رمضان،
اشوفك عيد قبل العيد وافطر..

حتى صيامي يفرق عن الاسلام،
حسب جيتك يجوز يطول اشهر..

تعال شبيك ادخلك جنة اشعار،
وافرك احلى فره ببين الاسطر..

ولك حتى السما من تحن عـ الكاع،
تضل تبجي ومطر عـالكاع تمطر..

تعال شعطلك ماجيتنه شبيك،
اني وبيتنه وشارعنه ننطر..

كلساع اطلع اسمع صوت عالباب،
ثاري الباب ضل بروحه يسطر.


#عبدالحسين_الحلفي