#Қуръонга_кўра_дуо
МУСО АЛАЙҲИС САЛОМНИНГ ДУОСИ

أَنتَ وَلِيُّنَا فَٱغۡفِرۡ لَنَا وَٱرۡحَمۡنَاۖ وَأَنتَ خَيۡرُ ٱلۡغَٰفِرِين

“Анта валийюнаа фағфир ланаа варҳамнаа ва анта хойрул ғоофирийн”

“Сен валиййимизсан, бас, бизни мағфират қил ва раҳм эт. Сенинг Ўзинг мағфират қилувчиларнинг энг яхшисисан”
(Аъроф сураси 155 – оят).

http://T.me/qalb_sozim

АМАЛЛАРИМ ТЎХТАБ ҚОЛАЁТГАНИГА ЙИҒЛАЯПМАН

Абдуллоҳ ибн Наср айтади: «Ибн Дорисий касал бўлиб қолди. Уни кўргани борсак, олдида Яҳё ибн Умар, Ҳамдис Қаттон, Жабала ва Саҳнуннинг катта шогирдлари ҳам бор экан. Улар Ибн Дорисийнинг бош тарафида ўтиришар, у эса қиблага қараб сажда қилар, кўзларидан тинмай ёш оқарди. Яҳё ибн Умар унга: «Аллоҳ сени ислоҳ қилсин, нима учун йиғлаяпсан?» деди. У: «Аллоҳга қасамки, ўлимдан қўрқиб йиғлаётганим йўқ. Ўлим шубҳасиз ичиладиган қадаҳ, Аллоҳ азза ва жаллага қайтишдир. Мен ҳам карамли ва раҳим Аллоҳга қайтаман. Мен ўлгандан кейин Қуръон тиловат қилиш, кечаси намоз ўқиш, таҳажжуд ўқиш, кундузи рўза тутиш роҳатларидан маҳрум бўлаётганимга, амалларим тўхтаб қолаётганига йиғлаяпман», деди. Кейин дўстларига баъзи нарсаларни васият қилди. Бир оздан сўнг калимаи шаҳодатни айтиб, жон таслим қилди.

"Солиҳлар гулшани" китобидан.

http://T.me/qalb_sozim

ЁСИН СУРАСИ ФАЗИЛАТИ
Ёсин сураси фазилатлари тўғрисида кўп ҳадиси шарифлар ривоят қилинган. Уларда айтилишича, кимда-ким бу сурани ихлос билан ўқиса, ҳожати раво бўлади, хавф-хатарда бўлса хотиржамлик топади, камбағал бўлса бойликка эришади, маҳбус бўлса озодликка чиқади, қарздор бўлса қарзини осон узади .
📌 Расулуллоҳ соллаллоҳу алайҳи ва саллам шундай деганлар: “Ёсин Қуръоннинг қалбидир. Ким уни Аллоҳ (розилиги)ни, охират кунини истаб тиловат қилса, гуноҳлари кечирилади. Уни ўликларингизга ўқинглар”.
📌 Яҳё ибн Абу Касир айтади: “Ким тонг отганда Ёсин сурасини ўқиса, кечгача хурсандчиликда бўлади. Ким уни кеч кирганда ўқиса, тонг отгунча хурсандчиликда бўлади. Буни тажрибада синаган одам бизга хабар қилишича, Ёсин сураси Қуръоннинг қалбидир”.

ЁСИН СУРАСИ ҚУЙИДАГИ ФАЗИЛАТЛАРГА ЭГА:
☘️ Ёсин – Қуръоннинг қалби;
☘️ Ёсин сураси ўқилса, руҳнинг танадан чиқиши осонлашади;
☘️ Ёсинни ўқиган кишига Қуръонни ўн марта хатм қилиш савоби берилади;
☘️ Ёсинни ихлос билан ўқиган банда гуноҳлари кечирилади;
☘️ Тонгда ёки кеч кирганда Ёсин сурасини тиловат қилган одамнинг мушкуллари осон бўлади, ҳожатлари раво этилади.

📌 Ибн Аббос розияллоҳу анҳудан ривоят қилинишича, Набий соллаллоҳу алайҳи ва саллам: “Ёсин сураси умматимдан ҳар бир инсон қалбида бўлишини хоҳлардим”, деганлар .
Шунинг учун ҳар бир мўмин-мусулмон банда Ёсин сурасини ўқиб-ўрганса, ёд олса, Расулуллоҳ соллаллоҳу алайҳи ва саллам тавсияларига мувофиқ иш бўлади.

http://T.me/qalb_sozim

☝️БEЛНИ МАҲКАМ БОҒЛАШ ВАҚТИ КEЛДИ!

Оиша розияллоҳу анҳо айтади: «Набий соллаллоҳу алайҳи васаллам қачон Рамазоннинг охирги ўн кунлиги кирса, белни маҳкам боғлаб, кечаларини ибодат билан ўтказар ва аҳлларини ҳам уйғотар эдилар». (Бухорий ривояти).

Ойша (розияллоҳу анҳо)дан ривоят қилинади: «Расулуллоҳ (соллаллоҳу алайҳи ва саллам) Рамазоннинг охирги ўн кунлигида эътикоф ўтирар ва:

تَحَرَّوْا لَيْلَةَ الْقَدْرِ فِي الْعَشْرِ الأَوَاخِرِ مِنْ رَمَضَانَ

«Лайлатул қадрни Рамазоннинг охирги ўнлигидан изланглар» дер эдилар»
(Муттафақун алайҳ)

🤲Аллоҳим барчаларимизга ушбу кунлар фазилати ва савобидан баҳраманд бўлишни ва Қадр кечасини топмоқликни насиб эт!

http://T.me/qalb_sozim

Эй Раббим Албатта Сен, афв қилгувчисан каримсан ва афв қилишни яхши кўрасан. Мени афв эт!🤲

Оиша розияллоҳу анҳо: «Эй Расулуллоҳ (соллаллоҳу алайҳи васаллам), агар Лайлатул қадр, яъни қадр кечаси эканини билсам, нима деб айтаман», деб сўрадилар, шунда Расулуллоҳ соллаллоҳу алайҳи васаллам:

اللهُمَّ إِنَّكَ عَفُوٌّ كَرِيمٌ تُحِبُّ العَفْوَ فَاعْفُ عَنِّي

«Аллоҳумма иннака ъафуввун, туҳиббул ъафва фаъфу ъанний», деб айт», дедилар.
(Маъноси: Эй Раббим Албатта Сен, афв қилгувчисан каримсан ва афв қилишни яхши кўрасан. Мени афв эт.)

http://T.me/qalb_sozim

🔹Намозни адо этганингиздан сўнг, Аллоҳни турган, ўтирган ва ёнбошлаган ҳолингизда эсланг. Хотиржам бўлганингизда намозни тўлиқ адо этинг. Албатта, намоз мўминларга вақтида
фарз қилингандир.(Нисо сураси; 103-оят)
---------
Тафсир👇🏼👇🏼👇🏼

Ҳар вақтда ҳам, ҳар намоздан кейин ҳам Аллоҳни зикр этиш тарғиб қилинади. Аммо бу одати каримада бу иш айниқса хавф намозидан кейин Зарур экани таъкидланмоқда.

🔸“Намозни адо этганингиздан сўнг, Аллоҳни турган, ўтирган ва ёнбошлаган ҳолингизда эсланг”

Ўтирганда ҳам, турганда ҳам, ёнбошлаганда ҳам, яъни ҳамма ҳолатларда Аллоҳ таолони зикр қилиб, Ундан душман билан бўладиган жангда ғалаба – нусрат сўралади.

Уруш тугаб, хавф-хатар кетиб:
Хотиржам бўлганингизда намозни тўлиқ адо этинг. Чунки хавф намозини ўқишнинг ҳожати қолмади.

📚 "Тафсири Ҳилол" китобидан

http://T.me/qalb_sozim

РАМАЗОНДА ЎЗГАРИШ БОРМИ БИЗДА?

Бу ойнинг учдан иккиси келиб кетди. Бизда бирор ўзгариш борми, қараб кўринг-чи ўзингизни! Яхши мусулмон ҳолига келганлигингизга доир бирор ишоратлар, аломатлар кўриняптими? Ахлоқингиз, ибодатингиз, зеҳниятингиз, кўнглингиз, ақлингизда буни бир синчиклаб кўринг! Учдан иккиси келиб кетди, қолгани ҳам ҳаводек ўтиб бормоқда.
Шунинг учун ҳам Пайғамбаримиз «Аллоҳ таоло рози бўладиган амалларни, хайрларни бажариш борасидаги қуллик вазифаларингизни чиройли қилиб бажариб, сиз ҳам ўз бурчларингизни адо этинг!» деганлар.
Ғафлатда қолиб кетманг!

Азиз ва муҳтарам биродарларим! Ҳар бир ибодат, Аллоҳ таолонинг ҳар бир амри, Исломнинг ҳар бир буйруқларида ҳикмат бор. Яъни ҳар бири ўз ўрнида, бирор сабаб билан инсонга фойда беради. Масалан, рўзанинг баданга, меъдага, руҳга, ақлга фойдаси бор, савоб жиҳатидан ҳам манфаати тегади. Рамазон ойининг муаззам фойдалари жудаям кўп.

"Рамазон ва тақво" рисоласидан.

http://T.me/qalb_sozim

#Қуръонга_кўра_дуо
ИБРОҲИМ АЛАЙҲИССАЛОМ ДУОСИ

رَبِّ ٱجۡعَلۡنِي مُقِيمَ ٱلصَّلَوٰةِ وَمِن ذُرِّيَّتِيۚ رَبَّنَا وَتَقَبَّلۡ دُعَآءِ (٤٠) رَبَّنَا ٱغۡفِرۡ لِي وَلِوَٰلِدَيَّ وَلِلۡمُؤۡمِنِينَ يَوۡمَ يَقُومُ ٱلۡحِسَابُ (٤١)

“Роббижъалний муқиймассолаати ва мин зуррийятий роббанаа ва тақоббал дуъаа, роббанағфир лий ва ливаалидайя ва лил му’минийна явма яқуумул ҳисааб”.
“Эй Роббим! Мени ва зурриётимни намозни тўкис адо этадиганлардан қилгин. Эй Роббимиз! Дуони қабул этгин”.
“Эй Роббимиз! Мени, ота-онамни ва мўъминларни ҳисоб қилинадиган куни мағфират айлагин”.
(Иброҳим сураси, 40 — 41–оят).

http://T.me/qalb_sozim

#ЭСЛАТМА

Рамазоннинг учинчи ўн кунлигида турибмиз.
Рамазоннинг учинчи ўн кунлиги оташи дўзахдан сақловчи кунлардир. Зеро охирги ўн кунлик ичида Аллоҳ таоло «Қадр кечаси»ни беркитди ва бандаларига мана шу кунда, яъни, бу кечадаги ибодатнинг савоби минг ой давомида қилинган ибодатдан афзал деб хабар берди. Бу кеча фазилатини Қуръони каримда қуйидаги мазмунда баён қилинганлигини кўрамиз. Қуръони каримни Биз Муҳаммад алайҳиссалом учун Рамазон ойининг «Лайлатул Қадр» кечасида Лавҳул маҳфуздан биринчи осмонга нозил қилдик. «Лайлатул Қадр кечасининг улуғлиги шу қадарки, у бошқа оддий ойларнинг мингтасидан ҳам афзалдир. Бу муборак кечада фаришталар билан бирга Жаброил алайҳиссалом, Парвардигорнинг изни билан ер юзига тушадилар ва келаси йилнинг шу кунигача бўладиган барча ишларни Аллоҳнинг иродасига мувофиқ равишда белгилайдилар. Бу кечанинг аввалидан то субҳ тонгига қадар инсоният учун хайрли тадбирлар кўрилиши билан бирга фаришталар барча аҳли имон бандаларига салом айтиб турурлар.

Бу кунларни ғанимат билиб, ҳар бир дақиқаларимиздан унумли фойдаланиб қолайлик!

http://T.me/qalb_sozim

ЗИКРНИНГ ФОЙДА ВА ФАЗИЛАТИ:

1. Зикр шайтонни қувади ва савалайди.
2. Зикр Аллоҳ таолони рози қилади.
3. Зикр ғам андуҳларни кетказади.
4. Зикр шодлик ва сурурни жалб қилади.
5. Зикр қалб ва баданни қувватлантиради.
6. Зикр қалб ва юзни мунаввар қилади.
7. Зикр ризқни жалб қилади.
8. Зикр зокирга маҳуббат, ҳаловат ва гўзаллик тақдим этади.
9. У. Аллоҳ таолони муҳаббатини ҳосил қилдиради.
10. Зикр Аллоҳ таолога қурбат пайдо қилади. Банда қанча кўп зикр қилса, Аллоҳга шунча яқин бўлади.
11. Зикр зокирага ўзини кузатиб боришни ўргатади. Бу билан у эҳсон эшигидан киради ва Аллоҳ таолога у зотни кўриб тургандек ибодат қилади.
12. У зокирга Аллоҳ таолога қайтишни ўргатади.
13. Зикр зокирга маърифат эшигини кенг очади.
14. Зикр туфайли, Аллоҳ зокирни зикр қиладиган бўлади.
15. У туфайли қалб тирик бўлади.
16. У қалб ва руҳга қувват бағишлайди.
17. Зикр қалбнинг зангини кетказиб уни жилолайди.
18. У хатоларини кетказиб ювади.
19. У банда билан робби орасидаги жудоликни кетказади.
20. Зикр Аллоҳ таолонинг азобидан қутқаради.
21. Зикр сакийна ва раҳматнинг тушишига сабабдир.
22. Зикр мажлислари, фаришталар мажлисларидир.
23. У зокирни ҳам унинг ҳамсуҳбатини ҳам саодатманд қилади.
24. Зикр бандани қиёмат кунининг ҳасратидан эмин қилади.
25. У зикрга Аллоҳ таолонинг сўровларига берадиган нарсалардан кўра афзалроғини берадиган нарсалардан кўра афзалроғини беришга сабаб бўлади.
26. Зикр энг осон, афзал ва улуғ ибодатдир.
27. У жаннат экинидир.
28. Зикр учун ваъда қилинган неъмат ва фазллар бошқа амалларга ваъда қилинмаган.
29. Рабб табарака ва таолони давомли зикр қилиш банданинг икки дунёдаги бахтлилигига сабаб бўладиган унутилишидан холос қилади.
30. Зикр зокир учун бу дунёда ва қабрида нур бўлади.
31. У қалбни ғафлат уйқусидан уйғотади.
32. Зикр дарахти маърифат меваларини беради.
33. Зокир ўзи зикр қилаётган Зотга яқин бўлади. Бу яқинлик муҳаббат, нусрат, тавфиқ ва дўстлик ила пайдо бўлади.
34. Зикр қул озод қилиши ва нафақалар беришга тенгдир.
35. У шукрнинг бошидир. Ким Аллоҳ таолони зикр қилмаса унга шукр қилмаган бўлади.
36. Қалбда бир қасоват бўлиб, уни Аллоҳ таолонинг зикридан бошқа нарса кетказа олмайди.
37. Зикр неъматларни жалб қилади ва бало-офатларни даф қилади.
38. У, зокирга Аллоҳ таолонинг ва фаришталарнинг саловатини жалб қилади.
39. Аллоҳ таоло зокирлар ила фаришталарига мақтанади.
40. Бардавом зикр қилувчи банда жаннатга кулган ҳолида киради.
41. Аллоҳ таолони зикр қилиш У зотнинг ибодатини қилишга энг катта ёрдамдир.
42. Зикр зокирга қувват ва ҳаракатчанлик пайдо бўлишига сабаб бўлади.
43. Жаннат ҳовлилари зикр ила бино қилинади. Зокир зикрдан тўхтаса, фаришталар ҳам ҳовли бино қилишдан тўхтайди.
44. Фаришталар зокир учун истиғфор айтадилар.
45. Тоғу тошлар Аллоҳ таолони зикр қилувчилар билан фахрланади.
46. Аллоҳ таолони кўп зикр қилиш мунофиқликдан омондир.
47. Амаллар ичида зикрнинг ўзига хос лаззати бор. Шунинг учун ҳам, зикр мажлислари “жаннат боғлари” деб номланади.
48. Йўлда. Уйда ва сафарда зикрни бардавом қилиш банданинг қиёмат кунидаги гувоҳларининг кўпайишига сабаб бўлади.
49. Зикр чеҳрага бу дунёда гўзалликни ва охиратда нурни ато қилади.
50. У, банданинг Робби томонидан тасдиқ қилишига сабаб бўлади.
51. Зикрни бардавом қилиш нафл ишлар ўрнига ўтади.
52. Банда кенгчилик вақтида Аллоҳ таолони зикр қилса, Аллоҳ таоло уни торчилик вақтида зикр қилади.
53. Зикр қалбнинг шифоси ва давосидир...

"Нақшбандия: вазифалар, зикрлар" китобидан.

http://T.me/qalb_sozim

Вақтни бўш ўтқазиш ўлимдан ҳам қаттиқдир. Чунки вақтни бўш ўтқазиш, сени Аллоҳдан ва охиратдан узиб қўяди. Ўлим эса сени фақатгина дунёдан ва дунё аҳлидан узиб қўяди.

АЛЛОҲ УЧУН ТЎКИЛГАН КЎЗ ЁШИ

Абдуллоҳ ибн Умар ва ибн Ос шундай дер эдилар:
— Аллоҳдан қўрқиб тўккан бир томчи кўз ёшим минг динор садақа берганимдан хайрлироқдир.
Авн ибн Абдуллоҳ эса шундай дерди:
— Эшитишимча, кишининг Аллоҳ қўрқувидан оқизган кўз ёшлари вужудининг қай ерига теккан бўлса, Аллоҳ ўша ерларини жаҳаннам учун ҳаром қилади.
"Абу Ҳомид Ғаззолий, Мукошафат-ул қулуб".

Ҳавони паст этар ашкинг нужуми -
Кавокибдур шайотиннинг ружуми.
Чунки кўз ёшингнинг юддузлари нафс тилакларини паст қилади.
Кўкдаги юлдузлар шайтонларни ер юзига индиргани каби, Аллоҳдан қўрқиб йиғлагувчининг кўз ёшлари шайтоний нафсни хароб қилади.
Сўфи Оллоёр "рисолаи азиза".

Мўмин яхшилик қилади ва яна йиғлайди, мунофиқ эса ёмонлик қилади ва кулади.

ДЎЗАХ АҲЛИНИНГ КЎЗ ЁШИ
Анас розияллоҳу анҳудан ривоят қилинади: Расулуллоҳ соллаллоҳу алайҳи васаллам: "Қиёмат куни жаҳаннам аҳлига шундай бир йиғи бериладики, кўз ёшлари тугагунча йиғлайдилар, ундан сўнг кўз ёши ўрнига қон йиғлайдилар. Қон юзларида ёрилган бир жойга, чуқурликка ўхшаб кўринади. Шундай бир жойки, у ерда бир кема қолдирилса, сузадиган даражада бўлади. Уларга йиғлаб-сиқтамоқ, оҳ-воҳ қилмоқ учун рухсат берилган муддат ичида йиғлаб-сиқтайдилар. Бунда улар учун бир енгил тортиш бор. Лекин бир оздан сўнг йиғлаб-сиқташ ҳам манъ этилади" дедилар.

"Абу Ҳомид Ғаззолий, Мукошафат-ул қулуб".

http://T.me/qalb_sozim

☪️📌« АСТАҒФИРУЛЛОҲ»

🤲 Ҳар бир қилган гуноҳим учун буюк Аллоҳга истиғфор айтаман.
📿«Астағфируллоҳ»

🤲 Ҳар бир тарк қилган фарзим учун буюк Аллоҳга истиғфор айтаман.
📿«Астағфируллоҳ»

🤲 Ҳар бир инсонга қилган зулмим учун буюк Аллоҳга истиғфор айтаман.
📿«Астағфируллоҳ»

🤲 Ҳар бир солиҳ инсонга қилган жафоларим учун буюк Аллоҳга истиғфор айтаман.
📿«Астағфируллоҳ»

🤲 Кечиктирган ҳар бир яхшилигим учун буюк Аллоҳга истиғфор айтаман.
📿«Астағфируллоҳ»

🤲 Золимга дўст бўлганим учун буюк Аллоҳга истиғфор айтаман.
📿«Астағфируллоҳ»

🤲 Насиҳатчини менсимаганим учун буюк Аллоҳга истиғфор айтаман.
📿«Астағфируллоҳ»

🤲 Мақталган кишини малол кўрганим учун буюк Аллоҳга истиғфор айтаман.
📿«Астағфируллоҳ»

🤲 Гапирган ҳар бир ёмон сўзим учун буюк Аллоҳга истиғфор айтаман.
📿«Астағфируллоҳ»

🤲 Ҳақни зое қилганим учун буюк Аллоҳга истиғфор айтаман.
📿«Астағфируллоҳ»

🤲 Ботилга эргашганим учун буюк Аллоҳга истиғфор айтаман.
📿«Астағфируллоҳ»

🤲 Беҳуда ўтказилган вақтим учун буюк Аллоҳга истиғфор айтаман.
📿«Астағфируллоҳ»

🤲 Виждонни ҳалок қилганим учун буюк Аллоҳга истиғфор айтаман.
📿«Астағфируллоҳ»

🤲 Фош қилган ҳар бир сирим учун буюк Аллоҳга истиғфор айтаман.
📿 «Астағфируллоҳ»

🤲 Ишончли кишини алдаганим учун буюк Аллоҳга истиғфор айтаман.
📿«Астағфируллоҳ»

🤲 Хилоф қилган ҳар бир ваъдам учун буюк Аллоҳга истиғфор айтаман.
📿«Астағфируллоҳ»

ДЎСТЛАРИНГИЗГА ҲАМ ЭСЛАТИНГ!↙️
♻️ Аллоҳ учун сизга илиндим!

http://T.me/qalb_sozim

​​АЛҲАМДУЛИЛЛАҲ ибораси ҳақида нималарни биласиз?

🌸 АЛҲАМДУЛИЛЛАҲ бу Аллоҳнинг энг суйган калимасидир.

🌸 АЛҲАМДУЛИЛЛАҲ бу Аллоҳни мақташлик улуғлашлик учун энг мукаммал бўлган калимадир.

🌸 АЛҲАМДУЛИЛЛАҲ бу Одам алайҳиссалом айтган илк сўздир.

🌸 АЛҲАМДУЛИЛЛАҲ бу Қуръондаги биринчи калимадир.

🌸 АЛҲАМДУЛИЛЛАҲ бу энг афзал дуо ва зикрдир.

🌸 АЛҲАМДУЛИЛЛАҲ бу Қиёмат кунидаги энг афзал одамлар айтадиган сўздир.

🌸 АЛҲАМДУЛИЛЛАҲ бу Жаннатнинг кўчатидир.

🌸 АЛҲАМДУЛИЛЛАҲ бу Хурсандчиликда ҳам, хафачиликда ҳам – ҳар бир ҳолатда айтиладиган жумладир.

☝️ Буни ўқишлик нематини бергани учун яна бир марта АЛҲАМДУЛИЛЛАҲ денг.

👍 АЛҲАМДУЛИЛЛАҲ биз сизни Аллоҳни ўн марта зикр қилиб, мақташингизга, жаннатда ўнта дарахт ва бу калима учун вада қилинган савобларни қўлга киритишингизга сабабчи бўлдик. Сиз ҳам яқинларингизнинг ҳамд айтишига сабабчи бўлинг!

http://T.me/qalb_sozim

📖Умар розияллоҳу анҳудан ривоят қилинади:
«Набий соллаллоҳу алайҳи васаллам:
📌«Албатта, амаллар ниятларга боғлиқдир. Албатта, ҳар бир кишига ниятига яраша бўлади», дедилар».
Бешовларидан фақат Абу Довуд ривоят қилмаган.
------------
Чиндан ҳам Исломда ҳар бир нарсага ният шартдир. Шунинг учун кўпчилик фуқаҳолар: “Ҳар бир амалда ният фарз”, – деганлар.

Исломнинг буюк илоҳий неъматлиги шундан: банда ниятни яхшилаш билан ўз ҳожати учун қиладиган ҳар бир оддий ишни ҳам ибодат даражасига кўтара олади. Аммо бу улкан ҳақиқатни, қани эди, тўлалигича англаб етсак! Минг афсуски, ниятни тўғрилай олмаслигимиз туфайли ибодат учун қилган қанчадан-қанча амалларимиз қабул бўлмай қолади.

http://T.me/qalb_sozim

У қандай кеча?!

«Лайлатул Қадр минг ойдин яхшироқдир».{Қуръон 97:3} Агар бу ҳисоб-китоб қилиб кўрилса, тахминан, 83,3 йилга тўғри келади. Мана шу кечада қилинадиган ибодатлар, зикрлар, саловоту тасбеҳлар, дуолар ана шундай вақт кенглигини қамраб олади. Бу, шу муборак кечада қилинган ибодатлар шунча йил давомида бажарилган ибодат савобидан афзал, деганидир. Бундан ортиқ бу кечанинг яна қандай гўзал ва улуғвор фазилати бўлиши мумкин? Қолаверса, бу кеча омонлик ва барокот кечаси. Унда банданинг бир йиллик ҳисоб-китоби ер юзига туширилади. Бу кечада банда бедор бўлиб, Аллоҳга мухлис ҳолатида, яъни ихлос ила дуо қилса, гуноҳлари мағфирати, икки дунё саодати, ўзининг эҳтиёжлари ҳақида сўралса, ижобат бўлади.
Абу Ҳурайра (розияллоҳу анҳу)дан ривоят қилинади: «Пайғамбар (соллаллоҳу алайҳи ва саллам): «Ким Қадр кечасини имон ва ихлос билан (ибодатда) бедор ўтказса, унинг ўтган гуноҳлари кечирилади», дедилар.

http://T.me/qalb_sozim

НАМОЗНИ ВАҚТИ КИРИШИ БИЛАН ЎҚИШГА ОДАТЛАНИНГ

📖Жобир розияллоҳу анҳудан Набий соллаллоҳу алайҳи васалламнинг намозлари (вақти) ҳақида сўралди.

📌«Бас, у киши:
«У зот соллаллоҳу алайҳи васаллам Пешинни қуёш қиздирган пайтда, Асрни қуёш тирик турганида, Шомни қуёш ботганида, Хуфтонни одамлар кўп бўлса, эртароқ, оз бўлса, кечроқ, Бомдодни тонг қоронғисида ўқир эдилар», деди».

📝Бешовларидан фақат Термизий ривоят қилмаган.
-----------
Ушбу ҳадисдан олинадиган фойдалар:

✅1. Беш вақт намознинг вақтларини билиш лозимлиги.
✅2. Намозни вақти кириши билан ўқишга шошилиш кераклиги.
Бошқа ривоятларда Пешинни бир оз ҳаво совиганда, Бомдодни ёруғлик яхши тарқаганда ўқиш ҳам зикр этилган.
✅3. Жамоатни кўпайтиришни кутиб туриш жоизлиги.
✅4. Олим кишилардан савол сўраб туриш кераклиги.
✅5. Сўралган нарсанинг ўзига жавоб бериш жоизлиги.

♻️ Аллоҳ розилиги учун тарқатинг аввало амал билан!

http://T.me/qalb_sozim