АССАЛОМУ АЛАЙКУМ.
Роббимиз сиз билан ушбу кунда ғойибона бўлса-да, иймонлашишни насиб этибди , хаммамизга Аллоҳнинг раҳмати ва ҳидояти давомли бўлсин.
Аллоҳ барчамизга яхши фазилатларни ато этсин, кибр ҳаво, хасад, риё ва ёмон гумондан асрасин, гуноҳларимизни мағфират ва барчамизни гўзал хулқлилардан қилсин.
Холис Ўзи учун қилаётган ибодат-у, ҳайрли амалларимизни даргохида мақбул айласин, дуоларимизни ижобат қилсин.
Аллоҳ бу кунни ҳайрли ва барокатли қилсин.
Ўзининг ҳузуридаги даражангизни яна бир поғона кўтарилишига сабаб бўлувчи амаллар ва гўзал фазилатларга эришишингизни насиб қилсин Ин ша Аллоҳ !
Юртимиз тинч, хонадонларимиз обод, дастурхонларимиз тўкин бўлсин. Аллоҳ барчамизни тоатида жамласин.



@qalb_sozim

БИРОВНИКИДА ЁТИБ ҚОЛИШ

744. Миқдом Абу Карийма омийдан ривоят қилинади:
«Набий соллаллоҳу алайҳи васаллам:
«Бир кеча меҳмон қилиш ҳар бир мусулмонга вожиб ҳақдир. Бас, кимнинг ҳовлисида биров тонг оттирса, ўша унинг зиммасидаги қарздир. Истаса, талаб қилади. Хоҳласа, тарк қилади», дедилар».

Шарҳ: Яъни мезбон учун ўз меҳмонини бир кеча зиёфат қилиб, ётоқ жой билан таъминлаш вожибдир.
Меҳмон ётиб қолган бўлса, унинг мезбонда ҳаққи бўлади. У истаса, ҳаққини худди қарзни талаб қилган каби талаб қилиб олиши мумкин. Талаб қилмаса ҳам, ўзининг иши. Баъзи уламолар: «Бу ҳукмга аввал амал қилинган ва у амалдан қолган», дейишган.

♻️ ДЎСТЛАРИНГИЗГА ҲАМ УЛАШИНГ!!!

http://T.me/qalb_sozim

РЎЗАНИНГ МАНФААТЛАРИ

Рўзадор савоб умидида очликка сабр қилиб қалби соф бўлиб бораётган, чанқоқ ва ташналик қийинчиликларига чидаб севинч кўз ёшларига муваффақ қилинаётган кишидир.
Рўзадор тутаётган рўзаси туфайли Аллоҳ таолонинг энг севикли бандалари қаторидан жой олаётган кишидир.
Шу сабабли ўтган барча улуғ инсонлар Рамазонни яхши ишларга мусобақалашиш фурсати деб билишган ва у келганда хурсандчилик кўз ёшларини тўкишган ва ундан айрилганда маҳзун бўлишган. Рамазон ана шундай солиҳ бандаларни тарбиялайдиган ой бўлиб, унинг тарбияланувчилари кўплаб манфаатларга эга бўладилар:
— Рўза энг кўп савоб бериладиган амалдир. Чунки ҳар бир қилинган солиҳ амалга ўшанча ё ўн баробардан то етти юз баробаргача савоб берилиши ваъда қилинган. Аммо рўзага бериладиган савоб миқдорини Аллоҳдан бошқа ҳеч ким билмайди;
— Рўза туфайли рўзадор танасидаги таом ва қон йўллари тораяди. Бу йўллар эса шайтон юрадиган йўллар бўлгани сабабли рўзадор шайтон йўлларини торайтирган бўлади;
— Рўза рўзадордан шаҳват ва шаҳвоний ўй-хаёлларни кетказиб унинг руҳиятини тиниқлаштиради;
— Рўза рўзадорга оч-наҳор юрган қанчадан-қанча эҳтиёжманд мусулмон қардошларининг ҳолатини ҳис қилдиради ва уларга ёрдам қўлини чўзишга ундайди;
— Рўза нафсни тарбиялаш, қалбни поклаш ва барча аъзоларни гуноҳлардан тийишни ўргатадиган илм боғидир;
— Рамазон мусулмонларнинг ўзаро бирдамликларини ифодаловчи ойдир. Бу ойда улар баравар оғиз ёпадилар, баравар оғиз очадилар, ораларидаги дўстлик ва меҳр-мурувват ришталари ҳар қачонгидан ҳам кўпроқ намоён бўлади;
— Рўза рўзадорларнинг гуноҳлари кечирилишига сабаб бўлади. Чунки ҳадиси шарифда “Модомики, гуноҳи кабиралардан сақланилган бўлса, Рамазон (ўзидан олдинги) Рамазонгача бўлган гуноҳларга каффорот бўлади”, дейилган;
— Маълумки, гуноҳлар мусулмон киши учун худди заҳар баданга шикаст етказганидек зарарлидир. Заҳарланган танага заҳарни кетказувчи восита қанчалик муҳим бўлса, мусулмон киши учун ҳам Рамазон рўзаси шунчалик муҳимдир;
— Рўза рўзадорларнинг саломатликлари тикланишига сабаб бўлади. Чунки бу ойда ошқозон дам олади, қонлар тиниқлашади, нафс покланиб, хулқлар гўзаллашади;
— Рўза мухлис рўзадор ва Аллоҳ таоло ўртасидаги сирдир. Чунки банданинг рўза тутаётгани намоз, закот ва ҳаж сингари бошқа амаллардан фарқли ўлароқ Аллоҳ таолодан бошқага ошкор намоён бўлиб турмайди.

"Динимиз аҳкомлари" китобидан.
♻️ ДЎСТЛАРИНГИЗГА ҲАМ УЛАШИНГ!!!

http://T.me/qalb_sozim

КЎЗИНГНИ ЮМ ВА ЎЙЛА!

Кўзингни юм ва бу дунёнинг фонийлигини ўйла! Дунё кимга қолди? Неча-неча султонлар, олимлар, ҳатто пайғамбарлар ҳам дунёга келдилар-у, оқибат яна охиратга кетдилар. Сен ҳам бир кун келиб кетасан. Сен ҳам марҳумлар каби қора тупроққа айланасан. Жон бераётганингни кўз олдингга келтир, вафот этганингдан кейин ювиб тараб, кафанга ўрашларини ўйла, жанозангни ўқилишинию қора тупроққа кўмилишингни ўйла! Ер остига, яъни қабрга амалларингдан бошқа бирор-нарса олиб кетолмаслигингни, Мункар ва Накир сени сўроққа тутишларини, қабр баъзилар учун жаҳаннам қаърига, баъзилар учун жаннат боғчасига айланганини, кейин қиёматни, қабрдан қайта тирилишингни ўйла! Маҳшар майдонида инсонлар титраб-қақшаб навбат кутаётганларини, эллик минг йил тик туриб, қуёшнинг жазирама ҳарорати остида қаро терга ботиб турганликларини ўйла! Кейин Аллоҳ таоло азамати ва жалоли ила Маҳкамаи Кубросини қуриб бандаларини ҳисоб-китоб қилишини ўйла! Сен ҳам ўша ҳисоб-китоб қилинганлар орасида дунёда қилган ишларинг учун жавоб берасан! Амал дафтаринг очилади. Савоблар, гуноҳлар — бари тарозуга қўйилади: ғийбатлар, туҳматлар, ёлғону найранглар бир томонда; тоату ибодатлар, ниёзу тазаррулар, эҳсон ва эзгу амаллар бир томонда. «Ўша кун ҳамма бир-биридан қочади: ака-укадан, отасидан, хотин эридан қочади. Ҳамманинг иши бошидан ошиб-тошади». (Абаса — 34-37).
Нима учун қочади? Ҳаққини талаб қилиб қолади, деб қочади, унга зулм қилгандир, ҳақсизлик қилиб қўйгандир?! Ана шу ҳаққини сўрайди, дея қўрқувдан қочади. Ушбу ҳисоб-китоб майдони бўлмиш Маҳкамаи Куброни унутма! Ўша кун инсонлар икки тоифага бўлинади: юзидан нур порлаб турган жаннат аҳли севинчидан сирот узра жаннатга учиб ўтади ва абадий саодатга эришади. Кўз кўрмаган, қулоқ эшитмаган, хаёлга келмаган чексиз неъматларга эришганларини ўйла! Ўша ондаги севинч-сурурни чин кўнгилдан ҳис этишга ҳаракат қил! Аҳли жаҳаннамнинг аламли аҳволини ҳам унутма! Азоб фаришталари инсоннинг сочу оёқларидан тортиб дўзахга улоқтиришларини, абадий оловда ёнаётганларни, терилар шилинганини, қатрондек қорайиб кетганини, аммо шунда ҳам одамнинг ўлмаганини, яна қайтадан унга янги тери кийдирилишини ўйла! Ўлсалар қутулган бўлардилар бу азоб-уқубатдан, аммо ўлим қайда, боз устига азоб енгилламайди, балки янада шиддатланаверади. Ана шунда: «Парвардигоро, бизни бу ердан чиқар, дунёга қайтар, ўзимизни тузатамиз, яхши ишлар қиламиз. Агар ундай қилмасак зулм қилгувчилардан бўламиз! Нима қилсанг ўзинг биласан», дейдилар. Шунда Аллоҳ: «Жиминг, сўзламанг», деб уларни бошқа гапиролмайдиган ҳолга келтиради. Ана шу ҳолатни ўйла!

"Тасаввуф ва нафс тарбияси" китобидан.

♻️ДЎСТЛАРИНГИЗГА ҲАМ ЭСЛАТИНГ!
Аллоҳ рози бўлсин сиздан!

http://T.me/qalb_sozim

#Ҳикмат

🌙Рамазонда ютуққа эришганлар шундай кимсаларки, улар кундузи рўза, тунда сажда узра йиғлаган ва хушуъ қилган ҳолда бўладилар. Қуёш чиқишидан олдин ҳам қуёш ботганида ҳам тасбеҳ, таҳлил, зикр ва истиғфорга машғул бўладилар. Қўйингки, ҳар қандай яхшилик бўлса уни амалга оширадилар. Лекин шу билан бирга ўша амаллари қабул бўлмоқдами ёки йўқми, амаллари холис Аллоҳ учунми ёки йўқми, мана шу ҳолатдан хавф ражода бўладилар.

http://T.me/qalb_sozim

Бу Муборак ойда аллақачон рўзадорлигимиз сабабидан кунимизнинг аксарият қисмида ёмон одатларимиздан омондамиз. Келинг ушбу имкониятни қўлдан бой бермайлик ва рамазондан кейин ҳам бу одатларимизни тарк этишга ҳаракат қилайлик.

Муҳими, Аллоҳга умид ила кўпроқ дуо қилишимиз керак.

Зеро бу онлар - ғанимат онлар, кейинги рамазон чиптаси ҳеч кимга кафолатланмаган, жумладан сизга ҳам!

♻️Ва буни дўстарингизга, яқинларингизга, манфаат олиши мумкин бўлган ҳаммага улашинг.
«Эслатгин! Албатта эслатиш мўминларга манфаат берур». { Қуръон 51:55 }.

http://T.me/qalb_sozim

ХУРМОНИНГ ФОЙДАЛИ ХУСУСИЯТЛАРИ

✅Мия фаолияти учун фойдали. Сабаби, 2.2% оқсиллардан ташкил топган.

✅Юрак, жигар ва буюрак
фаолиятини яхшилайди.

✅ А, В1, В6, В9, Е, К сингари витаминлардан таркиб топган.

✅Кун бўйи ишламаган ошқозонни таом истеъмоли учун тайёрлайди.

✅Чарчоқни чиқаради, кайфиятни кўтариб, жисмни тетиклаштиради.

http://T.me/qalb_sozim

ЗИЙНАТЛАНГАН ЖАННАТ

Абдуллоҳ ибн Аббосдан ривоят қилинади: у Расулуллоҳ соллаллоҳу алайҳи васалламнинг: “Жаннат ҳар йили Рамазон ойи киришида безак берилиб, зийнатлантирилади. Қачон Рамазон ойининг биринчи кечаси бўлганда, Аршнинг тагидан шамол эсади. Ўша (шамол) “Мусийро” (ҳаяжонга солувчи) деб номланади. У жаннатлардаги дарахтларининг баргларини ва эшик табақаларининг ҳалқаларини тебратиб ўтади. Ундан бир оҳанг эшитиладики, эшитувчилар ундан гўзалроғини эшитмаган бўладилар. Бундан оҳу кўз ҳурлар ўринларидан туриб кетадилар ва жаннатнинг энг юқорисига кўтарилиб: “Аллоҳ таолодан унаштиришни сўровчи борми, уни жуфтлаб қўяди”, – дея нидо қиладилар. Сўнгра оҳу кўз ҳурлар: “ Эй жаннат Ризвони, бу қандай кеча?”, – дейдилар. У талбия айтиб уларга жавоб беради. Сўнгра: “Бу Рамазон ойининг аввалги кечасидир, Муҳаммад соллаллоҳу алайҳи васалламнинг умматларидан бўлган рўзадорларга жаннат эшиклари очилди”, – дейди. Яна у зот дедилар: Аллоҳ азза ва жалла: “Эй Ризвон, жаннат эшикларини очгин, эй Молик, дўзах эшикларини бекитгин, эй Жаброил, ерга тушиб исёнкор шайтонларни боғла ва уларни темир бўйинбоғлар билан занжирлаб ташла, сўнгра уларни денгизларга улоқтирки, дўстим Муҳаммад умматининг рўзаларини бузмасинлар”, – дейди”, – деётганларини эшитган”. Байҳақий “Шуъабул иймон”да келтирган.

"Эътиқод дурдоналари" китобидан.

♻️ ДЎСТЛАРИНГИЗГА ҲАМ УЛАШИНГ!!!

http://T.me/qalb_sozim

9/9-хадис

* وروينا في "صحيحيهما" عن أبي هريرة رضي الله عنه أن رسول الله صلى الله عليه وسلم قال: " من قال: لا إله إلا الله وحده لا شريك له، له الملك، وله الحمد، وهو على كل شئ قدير في يوم مائة مرة كانت له عدل عشر رقاب، وكتبت له مائة حسنة، ومحيت عنه مائة سيئة، وكانت له حرزا من الشيطان يومه ذلك حتى يمسي، ولم يأت أحد بأفضل مما جاء به إلا رجل عمل أكثر منه" وقال: "ومن قال سبحان الله وبحمده في اليوم مائة مرة، حطت خطاياه وإن كانت مثل زبد البحر".
 
9/9. Абу Ҳурайра розияллоҳу анҳудан ривоят қилинади:

Расулуллоҳ соллаллоҳу алайҳи васаллам: «Ким:
 
لاَ إِلَهَ إِلاَّ اللهُ وَحْدَهُ لاَ شَرِيكَ لَهُ لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ
 
«Ла илаҳа иллаллоҳу ваҳдаҳу ла шарийка лаҳ, лаҳул мулку ва лаҳул ҳамду ва ҳува ъала кулли шай`ин қодийр»,

деб бир кунда юз марта айтса, ўнта қул озод қилган баробарида бўлибди. Унга юзта ҳасанот ёзилиб, юзта ёмонлиги ўчирилади, кеч киргунича шайтондан омонда бўлади. Унинг бу амалидан афзалроқ ишни ҳеч ким қила олмайди. Фақат шу калималарни кўпроқ айтган киши ўзиб кетиши мумкин», дедилар.

Ва яна Расулуллоҳ: «Ким: «Субҳаналлоҳи ва биҳамдиҳи», деб бир кунда юз марта айтса, хатолари денгиз кўпигича бўлса ҳам, кечиб юборилади», дедилар.

✍ Имом Бухорий ва Муслим ривоятлари.📜

«Ал-Азкор» – дуо ва зикрлар китоби📚



@qalb_sozim

Ким гуноҳ ишни кам қилади

Сўради: Устоз, айтинг-чи, донишмандликнинг ибтидост нимаю интиҳоси нима?
Жавоб берди: сукут ва яна сукут...

Сўради: Хўш бу нени англатади?
Жавоб берди: Илк сукут – билмасликни англатса, охиридаги сукут эса, билмаганини билганидан кейинги сукутдир.

Сўради: Айтганингизни батафсилроқ баёт этсангиз?
Жавоб берди: гап шундаки, инсон аввалига билмагани учун сўзламайди, сўнг эса, кўп нарсалар моҳиятини тушунгани учун онгли равишда сукут сақлайди...

Сўради: Бундай ҳолатда донишмандликнинг ўртаси нима билан баҳоланади?
Жавоб берди: Кишининг ўз билганларини бошқаларга кўрсатишга интилиши ва буни амалда муваффақиятли уддалай олиши орқали...

***
Сўради: Фозил инсонларни қандай билиш мумкин?
Жавоб берди: Уларнинг диллари илму ҳикмат, тиллари ширин калом билан зийнатланган, хулқ-атвори гўзал одоб ва хушхулқлик билан безанган, бажарадиган амаллари эзгулик ва бунёдкорликка йўналтирилган бўлади...

***
Сўради: Вафоли ёр ким?
Жавоб берди: Ҳаёт йўлларида доимо ҳамнафас, ҳамдам бўлган сирли ва жозибали, жонкуяр ва содиқ дўст, қалбан яқин инсон.

***
Сўради: Ўзининг нафсига қул бўлган кишиларга таъриф берсангиз?
Жавоб берди: Бу тоифадагиларнинг минадиган улови – жоҳиллик, жилови – ғафлат, кўзлаган манзили – шармандалик эрур. Чунки, улар бу олам бойликларини фақат ўзига тегишли, деб билишади ва ҳар бир нарса моҳиятига шу нуқтаи назардан ёндашишади. Улар учун бу олам роҳат-фароғат, айшу ишрат имкони саналади...

***
Сўради: Қай тоифа инсонлар гуноҳ ишни кам қиладилар?
Жавоб берди: Гуноҳ ишни қилмасидан олдин унинг оқибати нималарга олиб келишини тушуниб етган ҳамда аввалги гуноҳлари учун тавбаси қабул қилинишига қаттиқ умидвор бўлганлардир.

“Фарзанднома” китобидан

http://T.me/qalb_sozim

Рўзангизни авайлаб асранг!

Тингланг мени азиз биродар,
Ҳар нарсанинг кушандаси бор.
Шубҳаларга йўл қўймай зинҳор,
Рўзангизни авайлаб асранг!

Ойлар шоҳи эрур Рамазон,
Нозил бўлган шу ойда Қуръон.
Ўттиз кунлик берилган имкон,
Рўзангизни авайлаб асранг!

Рўза тутмоқ осондир, аммо
Уни сақлаш катта муоммо.
Доим айтар бобо-ю момо,
Рўзангизни авайлаб асранг!

Ғийбат, тухмат, ёлғон сўзламанг,
Зулм билан фойда кўзламанг.
Гуноҳ қилиб савоб изламанг,
Рўзангизни авайлаб асранг!

Ҳимояланг жидду – жаҳд билан,
Уни безанг пок вужуд билан.
Кечалари таҳажжуд билан,
Рўзангизни авайлаб асранг!

Жаннатда бор Райён эшиги,
Ундан кирар рўзадор киши.
Йўлдан урмоқ шайтоннинг иши,
Рўзангизни авайлаб асранг!

Боқоний дер, қилинг саховат,
Бўлса ҳамки бир бўлак новвот.
Тақво билан қаватма-қават,
Рўзангизни авайлаб асранг!



@qalb_sozim

РАМАЗОНДА КЎПРОҚ СОЛИҲ АМАЛЛАР ҚИЛИНГ!

Ҳадиси қудсийда шундай дейилади: Эртага рўзи маҳшарда Аллоҳ таоло бандасига шундай дер экан:
«Бандам! Мен касал бўлдим, мени зиёрат қилмадинг!»
«Субҳаналлоҳ! Эй Раббим, сен оламларнинг Раббисисан, қандай қилиб сен касал бўласан?
Бу нима дегани?»
«Фалончи қулим касал бўлганда уни зиёрат қилганингда эди, Мени зиёрат қилгандек савоб топар эдинг».
«Эй бандам! Мен оч қолдим, мени тўйдирмадинг!»
«Фасубҳаналлоҳ! Эй Раббим, сен оламларнинг Раббисисан, сен оч қолмайсан, сен бу сифатлардан поксан!»
Бу нима дегани?
«Фалончи қулим оч қолган эди. Сен уни тўйдирганингда мени тўйдирган бўлар эдинг» — деган ҳадиси шарифлар бор.
Аллоҳ таоло қулларининг бир-бирларига меҳру мурувватли, марҳаматли бўлишларини яхши кўради ва рози бўлади.

«Сизга зулм қилганни ҳеч кечирдингизми?»
Кечиримлилик инсонга жуда катта мукофотлар келтиради. Бу фазилат ҳам ояти каримада шундай мадҳ қилинмоқда:
«Ғазабларини ичларига ютадиган, одамларни (хато-камчиликларини) авф этадиган кишилардир».
Бу – тақво аҳлининг сифати.
Ҳозир биз рамазонда тақвони ўрганяпмиз, бир ойлик тақво курсида таълим оляпмиз.
«Тақволи кишилар бўлишингиз учун», деб буюрилмоқда.
Хўп, тақво аҳлининг сифати нималардан иборат экан?
«(У тақводор зотлар) яхши-ёмон кунларида инфоқ-эҳсон қиладиган, ғазабларини ичларига ютадиган, одамларнинг (хато-камчиликларини) авф этадиган кишилардир», жўмарддир – фақирлар учун омборининг, қопининг оғзини очади.

«Ғазаби келса, ўзига ҳоким бўлиб, ғазабини ютади. Инсонларни эса кечиради».
Мутасаввиф Юнус Эмро буни шеърий йўлда чиройли қилиб баён этган:

Яратилганни хуш кўр,
Яратувчи туфайли.

Инсонлар хом сут эмган, вафосиз, қусурли, яхшиликни унутувчи бўлсалар ҳам, уларни Аллоҳ учун яхши кўргин.
Нима ҳам қилардик бошқа?
Зулм қилганни кечирасан, шундагина жароҳатлар битади, жамоалар гўзаллашади, ёмонлар қилган ишларидан пушаймон бўлади. Ишлар шундагина тузалади. Акс ҳолда жамиятда ишнинг тўғри кетиши қийин...

"Рамазон ва тақво" рисоласидан.
♻️ ДЎСТЛАРИНГИЗГА ҲАМ УЛАШИНГ!!!

http://T.me/qalb_sozim

УЛКАН САВОБЛИ ИШ

«Расулуллоҳ соллаллоҳу алайҳи васаллам: «Ким рўзадорга ифторлик қилиб берса, унга унинг ажрича ажр бўлур. Рўзадорнинг ажридан ҳеч бир нарса кам бўлмас», дедилар».
Имом Термизий ривоят қилган.

Изоҳ: Ушбу ҳадиси шарифда рўзадор кишига ифторлиги учун таом бериш улкан савобли иш экани таъкидланмоқда. Рўза тутган одамга қанча савоб берилса, унга ифторлик ҳозирлаб берган одамга ҳам шунча савоб берилиши баён қилинмоқда. Унга рўзадорнинг савобидан олиб берилмайди, балки ўзига алоҳида савоб берилади.
Лекин бу ўзи рўза тутмай, рўзадорга ифторлик қилиб берса, рўза тутган ўрнига ўтади, дегани эмас. Рўза тутиш ҳар бир инсон учун фарздир. Ҳар ким ўзига фарз қилинган рўзани ўзи тутиши керак. Бошқа ҳеч нарса бунинг ўрнини боса олмайди. Рўзадорга ифторлик бериш эса фақат хайр-эҳсон ҳисобланади. Бу ишни қилган одам шунга яраша савоб олади.


"Рамазон ҳикматлари" китобидан.

http://T.me/qalb_sozim

#Қуръонга_кўра_дуо
МУСО АЛАЙҲИС САЛОМНИНГ ДУОСИ

أَنتَ وَلِيُّنَا فَٱغۡفِرۡ لَنَا وَٱرۡحَمۡنَاۖ وَأَنتَ خَيۡرُ ٱلۡغَٰفِرِين

“Анта валийюнаа фағфир ланаа варҳамнаа ва анта хойрул ғоофирийн”

“Сен валиййимизсан, бас, бизни мағфират қил ва раҳм эт. Сенинг Ўзинг мағфират қилувчиларнинг энг яхшисисан”
(Аъроф сураси 155 – оят).

http://T.me/qalb_sozim

СЕВИМЛИ БЎЛИШНИ ХОҲЛАЙСИЗМИ? УНДА...

— Бошқаларни тинглашни ўрганинг, суҳбатдошингизнинг гапириш эркинлигини
чекламанг;
— Камтар бўлинг. Чунки камтарлик севимли бўлишнинг энг таъсирли йўлидир;
— Ҳадеб мақтов эшитиш истагингизни бир четга суриб, руҳлантиришни, бировларни мақташни ҳам ўрганинг, худбин бўлманг;
— Доим хушчақчақ ҳолда юриш қийин. Бу тушунарли. Лекин қўлингиздан келганича ғам-ташвишларингизни яшира билинг;
— Танқидни тўғри қабул қилишни ўрганинг;
— Очиқ юз, ширин сўз кўнгиллар калитидир;
— Ҳамиша аввал салом беринг, сўнг ҳол-аҳвол сўранг;
— Қариндош-уруғлар билан борди-келди қилинг, қўни-қўшни, таниш-билишлар билан яхши муносабатда бўлинг.

ҲИКМАТ
Ҳамма билан яхши муносабатда бўл, лекин барчага бирдек кўнгил қўяверма.


"Бахтли ҳаёт сари" китобидан.

http://T.me/qalb_sozim

Зайд ибн Собит розияллоҳу анҳу айтади:

«Расулуллоҳ соллаллоҳу алайҳи васалламнинг шундай деганларини эшитдим: «Ким дунё ғамида бўлса, Аллоҳ унинг хотиржамлигини пароканда қилади ва кўз ўнгига камбағалликни келтириб қўяди. Унга дунёда ўзига тақдир қилинганидан бошқаси келмайди.
Ким охират ғамида бўлса, Аллоҳ унинг хотирини жам ва қалбини беҳожат қилиб қўяди. У хоҳламаса ҳам, мол-дунё унга ўз-ўзидан келади».

(Ибн Можа ривоят қилган)

http://T.me/qalb_sozim

🌹 Ассаламу алайкум.
🌹 Аллоҳ таолонинг саломи
🌹 Пайғамбар ﷺнинг дуоси
🌹 Қуръоннинг нури
🌹 Рамазоннинг таровати кун давомида сиз билан бўлсин!

🌙 РАМАЗОННИНГ 16 - КУНИ

🌹МУБОРАК БЎЛСИН!🌹

🌹 ЎЗ ЯҚИНЛАРИНГИЗНИ
🌹 ТАБРИКЛАШНИ
🌹 УНУТМАНГ!!!

☝️ДЎСТЛАРИНГИЗГА ҲАМ ТАРҚАТИНГ!

http://T.me/qalb_sozim