ابيات ابوذية متنوعة..
رائد الاسدي

لخيتة حسين گام النظر يم عون
اريدنچ يزيـنب كـــــون يم عون
كاتلني الـــسهم طلعيه يم عون
كَطع نفسي ولا ظل حيل بية
-------------------------
عبـينه وحدة وحدة شد دينة
اجاني بدين يطلب شد دينة
جاب حــــــبال توجع شد دينة
اصيحن آخ ويجرون بية
____
يجــــر بيـــدة اليتيمة وانه اجرها
بدموعي العين غركَت وانه اجرها
كـــــل طــكَة اليـطكَني وانه اجرها
وخله ابكل كتر نيشان بية
____
سلب وسياط روحي لا تلفها
يحادي احبال بيــــدي لا تلفها
رد رايــــــــة كفــــيلي لا تلفها
الضعن بحماي لتظني سبية
---------------------------
جروحة هواي ياهو منة گلبة
اگلبة وخاف طايح منة گلبة
يطيح اللحم بيدي منة گلبة
انطحن جسمة بخيول الاعوجية
===================
يدي وما هدالة ير حميدة
يريتة بهاي مسلم ير حميدة
شلون الشمر بيدة ير حميدة
وتصيح احاه بوية الحكَ علية
===================
اليتم صار بزغر سني علامة
وتلوم الوادم لنوحي علامة
اخبروا اللايم اعلية علامة
هذا النوح والونة الشجية
=================

ثكَيلة انتي اعلى اخوها ماتكَلچ
وما تسمعين زيــــــنب ماتكَلچ
ولج ياخيل بـــــــــسج ماتكَلچ
طحنتي اللحم وعظامة ســـــوية
-------****------------
اذا رايح ماترجـــــــع سالم النة
العمر بيدك يخويـــــة سلة منة
على اظعون الجفوني سلم النة
وكَلهم بالغرب بت الزچــــــــــية
-------------------------------
اريد ابني يـــوادم وان جـفة وراح
مثل ماي وتبــــدة وان جفة وراح
اهو يمي وانوحن وان جفة وراح
فلا ابطل دمـــــــــع حد المنـــــــية
------------------------------
___
الـــــمفاركَ حبيـــبه شلون وياه
سهر يكَظي الليالي وآه وياه
غــــيابك يبـــو صالح نار وياه
بكَلب كلمن يتانيك اعله جية
____
اكـو ثـــــــار بركَبــــــتك آن ما آن
الطفل وتشــــــيلة بيدك آن ما آن
شوكت نسمع حظورك آن ما آن
نسمع بيك نفزعلك سوية
__
اجة العباس صاحوا طب طبلهه
يدكَ بالكـــوفة شارد طب طبلهه
نـــزل راكَ الــشريعة طب طبلهه
تطكَ بسنونها وترعش خطية
_
سيفة من الركَب لايچل ويمال
عكَرها بحـــملتة الخيول ويمال
يترسه الجود كَوة بماي ويمال
ولا توكَف ابوجهة جيوش امية
__
اطلعت زينب اوادي الطف لها ماي
لعد كافلها واطلبه لها ماي
يخوية غيرتي صعدت لهاماي
لجيب النهر وجروفة سوية
*
زعل عباس من زينب شكتلة
سهام العتـــــب دلالة شكتلة
حمل والسيف بيمينة شكتلة
وكسر روسها فرسان امية
---------------------------------
_
رغم ما گلبه قطعة من يمر صار
حسين وتحت امرة من يمر صار
شتضن عباس بالطف من يمر صار
گلب بيه السما فوكَ الوطية
--------------------------------------
حــسين بيوم ماعـــــندة نصر بيه
بروحة وكلشي مايمــــلك نصر بيه
الدم اعلى السيوف اعلن نصر بيه
وحفظ دمة الرسالة الاحمدية
--------------------
الف وكســــور ان مرت وان إِن
مصابك دمعة بعيوني وان إِن
كل عاشر يجي علينة وان آن
اشوف الدم ذبح سيف الدعية
____
بجفاك النوم ماشــــافت جفنها
عيوني وتدري بطيوفك جفنها
يم كَبرك تمد روحــــــي جفنها
تعال بطيف جيب الموت الية
==============

رائد الاسدي