☄️ការបង្កើតតំណភ្ជាប់ (Link Building) គឺជាដំណើរការនៃការទទួលបាន backlinks យ៉ាងសកម្ម នេះជាចំណុចពិសេសដែលទាមទារការអនុវត្តច្រើន ដែលទាមទារការសាកល្បង និងមានកំហុសមួយចំនួនកើតឡើងជារឿងធម្មតានៃដំណើរការ SEO នេះ។

📍Internal Links: នេះជាតំណភ្ជាប់រវាងគេហទំព័រនៅលើដែន(domain)ដូចគ្នា ពីផេកមួយទៅផេកមួយទៀតដើម្បីជួយអ្នករុករកងាយស្រួលស្វែងរកនៅលើគេហទំព័រ។

📍External Links: ជាការភ្ជាប់រវាងតំណភ្ជាប់របស់យើងទៅគេហទំព័រនៅលើដែន(domain)ផ្សេងទៀត ហើយមានគោលបំណងផ្សេងៗទៅតាមអ្នកដាក់។

📍Outgoing Links: ជាតំណភ្ជាប់ដែលត្រូវចេញ(ដែលត្រូវបានគេប្រើប្រាស់នៅកន្លែងណាមួយ)

📍Backlinks ឬ Inbound Links: និយាយអោយស្រួលយល់គឺជា Links នៅលើគេហទំព័រផ្សេង ដែលត្រូវបានគេចុចពីគេហទំព័រនោះ ត្រឡប់ទៅកាន់ទំព័រណាមួយនៅលើគេហទំព័ររបស់យើង។ ដែលសំដៅដល់ចរាចរគេហទំព័រផ្សេងទៀត (website traffic) ដែលចូលមកគេហទំព័ររបស់យើង។

☄️វាសំខាន់អត់សម្រាប់ SEO?
គុណភាព និងបរិមាណនៃ backlinks អាចជួយឱ្យមានចំណាត់ថ្នាក់ខ្ពស់នៅក្នុងម៉ាស៊ីនស្វែងរកដូចជា Google និង Bing នេះក៏ព្រោះតែពួកគេចាត់ទុកថា Backlink ជាសូចនាករដែលអ្នកប្រើប្រាស់ចូលចិត្តគេហទំព័ររបស់អ្នក។ ការអនុវត្ត គ្រប់គ្រង និងវិភាគដំណើរការនៃ backlinks គឺជាទិដ្ឋភាពសំខាន់នៃការបង្កើនប្រសិទ្ធភាពនៃម៉ាស៊ីនស្វែងរកនិងជាយុទ្ធសាស្រ្ត #SEO ផងដែរ មិនតែប៉ុណ្ណោះ Links ដែលមាននៅក្នុងផេកគឺសុទ្ធតែដើម្បីផ្តល់គំនិតឬមតិបន្ថែមដល់អ្នកអាន វាជាគន្លឹះសម្រាប់អោយ ម៉ាស៊ីនស្វែងរករបស់ GOOGLE ទទួលស្គាល់ថា backlinks មានទិសដៅត្រឹមត្រូវ និងជាជំនួយដល់ URL ផងដែរ ហើយនេះក៏ជាមូលហេតុដែល backlinks ចង្អុលថាគេហទំព័ររបស់អ្នកទៅម៉ាស៊ីនស្វែងរកថា មាតិកា(Content) របស់អ្នកមានតម្លៃ។
យ៉ាងណាមិញ ការភ្ជាប់ទៅកាន់គេហទំព័រផ្សេងទៀត គឺជាផ្នែកមួយដ៏សំខាន់នៃការធ្វើអោយគេហទំព័រនោះកា់តែមានន័យ។ ប្រសិនបើអ្នកមិនមានសកម្មភាពណាមួយដែលអាចជំរុញ backlinks ទេ អ្នកកំពុងមានឱកាសតិចតួចបំផុតក្នុងការកែលម្អចំណាត់ថ្នាក់នៅលើស្វែងរករបស់អ្នក។

✌️ជាការពិតណាស់ #backlinks គឺជាកត្តាដែលធ្វើអោយមានចំណាត់ថ្នាក់(#Rank) ដ៏មានឥទ្ធិពលបំផុត ពួកគេដើរតួនាទីយ៉ាងធំក្នុងភាពជោគជ័យ ឬបរាជ័យនៃគេហទំព័រនីមួយៗ នៅពេលនិយាយអំពីចរាចរណ៍ស្វែងរកសរីរាង្គ(organic search traffic)។

ហើយនេះជាអ្វីដែលខ្ញុំធ្លាប់បានសិក្សារ និងបានធ្វើវាពីមុនមក ដើម្បីទទួលបាន Backlinks:
📍បង្កើតវត្តមានប្រព័ន្ធផ្សព្វផ្សាយសង្គម(Social Media Presence) - បង្កើតគណនីបណ្តាញសង្គមដូចជា Facebook, IG, LinkedIn…អ្នកអាចបំពេញព័ត៌មានពាក់ព័ន្ធនៅក្នុងគណនីទាំងនោះ ផ្នែកនៃព័ត៌មាននោះត្រូវតែមានតំណភ្ជាប់គេហទំព័ររបស់អ្នក។

📍ការផ្សព្វផ្សាយទៅកាន់បណ្តាញពត៌មានក្នុងស្រុក (News-Media) - បានតំណភ្ជាប់តាមរយៈការផ្សព្វផ្សាយទៅលើបណ្តាញសារពត៌មានឌីជីថលដូចជាក្រុមហ៊ុន កាសែត ទស្សនាវដ្ដី…។

📍ការចូលរួមក្នុងក្រុមសហគមន៏ (Group) - តំណភ្ជាប់ទទួលបានដូចជា Facebook group, web forum…។

📍ស្វែងរកការទាក់ទង(Mention&Citations) ដែលមិនបានតភ្ជាប់ - នៅពេលដែលអ្នករកឃើញការស្វែងរកដែលបាននិយាយពាក់ពន្ធ តែមិនមានតំណភ្ជាប់ទៅគេហទំព័ររបស់អ្នក វាជារឿងសាមញ្ញក្នុងការផ្ញើសារទំនាក់ទំនងទៅកាន់ម្ចាស់គេហទំព័រ ហើយសុំអោយពួកគេបន្ថែមតំណភ្ជាប់របស់អ្នក។

បើខ្ចិលអានដាក់ Google translate ទៅ😂 ហើយបើដាក់ហើយ មិនយល់មករកអេដមីនមកចាំ Voice អានអោយស្តាប់ xD 🤣

👉អ្នកទាំងអស់គ្នា…ដឹងទេហេតុអីបានខ្ញុំ ❤ SEO ហើយខ្ញុំចំណាយពេលធ្វើដោយមិនមានភាពធុញទ្រាន់?😅
ខ្ញុំពិតជារីករាយណាស់ដែលបានបញ្ចប់ការសិក្សាហើយធ្វើការងារទៅលើផ្នែកដែលពាក់ព័ន្ធជាមួយអ្វីដែលខ្ញុំចូលចិត្តធ្វើ ហើយមិនមានភាពធុញទ្រាន់ជាមួយវា​ តែក៏នៅមានមូលហេតុជាច្រើនទៀតដែលធ្វើអោយខ្ញុំចាប់អារម្មណ៏កាន់តែខ្លាំងនោះគឺ👇
🤫 SEO តែងតែផ្លាស់ប្តូរនិងមានរឿងថ្មីៗជារៀងរាល់ថ្ងៃបានកើតឡើង
🤫 SEO តែងតែជួយ Website ឱ្យនៅតែមានការចាប់អារម្មណ៍ និងភ្ញាក់ផ្អើល ដែលជាហេតុនៅតែទាក់ទាញចំណាប់អារម្មណ៏ខ្ញុំក្នុងការធ្វើ SEO បន្ថែមទៀត
🤫 វាជាមុខជំនាញមួយដែលមានការរួមបញ្ចូលគ្នារវាងការវិភាគ ចិត្តវិទ្យា ភាពច្នៃប្រឌិត និងជំនាញបច្ចេកវិទ្យា (ពេលខ្លះរៀងបែកឪថសតិចៗដែរ)😝
🤫 ខ្ញុំតែងតែមានការភ្ញាក់ផ្អើលដែលឃើញការងាររបស់ខ្ញុំ ទទួលបានផលក្នុងទម្រង់ជាលទ្ធផលនៅលើម៉ាសុីនស្វែងរក✅
🤫 មានមនុស្សល្បីៗមួយចំនួនដែលកំពុងធ្វើការលើ SEO នៅទូទាំងពិភពលោក
🤫 ការចង់ដឹងចង់ឃើញឥតឈប់ឈរនិងការប្រកួតប្រជែងស្ទើរតែរាល់ថ្ងៃនៅក្នុង SEO ដែលជួយជម្រុញអោយខ្ញុំកាន់ចាប់អារម្មណ៍។

មានអ្នកជុំវិញខ្លួនខ្ញុំជាច្រើន ពួកគាត់បានសួរមកខ្ញុំថា ខ្ញុំកំពុងធ្វើការលើផ្នែកអ្វីរាល់ថ្ងៃ? ខ្ញុំបានឆ្លើយថាធ្វើ SEO, ប៉ុន្តែសំណួរមិនទាន់ចប់ត្រឹមហ្នឹងទេបែរជាមានសំណួរកាន់តែច្រើនដែលបានឆ្លើយតបមកវិញ! SEO ហ្នឹងអីគេ? មានមុខដំណែងនឹងដែរ? ហើយគេធ្វើអីខ្លះ?…?
ខ្ញុំនេះបានបូរបាច់ រ៉ាយរ៉ាប់ពេញហ្នឹង ចង់ក្រោយខ្ញុំក៏បានប្រាប់គេថាធ្វើដូចអ្នកលក់អនឡាញទូទៅរាល់ថ្ងៃចឹង :))😅

ឥឡូវត្រលប់មកប្រធានបទយើងវិញ កាលពីប៉ុន្មានផុសមុនខ្ញុំបានផុសចែករំលែកទាក់ទងជាមួយការធ្វើ SEO ដូចជា Tools, Backlink... អីផ្សេងៗជាច្រើនទៀត ប៉ុន្តែសំណួរដែលខ្ញុំបានទទួលត្រលប់មកវិញនោះគឺស្រដៀងគ្នាតែម្តង តើអីទៅជាSEO? វាសំខាន់មិចទៅ?…

✌️តោះថ្ងៃនេះយើងមកបូរបាច់តាមបែបសរសេរវិញម្តងអំពីរឿងនេះ!

📍តើអីទៅជា SEO?

#SEO មកពីពាក្យពេញថា Search Engine Optimization - ការបង្កើនប្រសិទ្ធិភាពនៅលើម៉ាសុីនស្វែងរក។

SEO គឺជាយុទ្ធសាស្រ្តទីផ្សារឌីជីថលមួយ ដែលផ្តោតលើការបង្កើនប្រសិទ្ធភាពវត្តមានគេហទំព័រ(#Website)របស់អ្នកនៅលើម៉ាស៊ីនស្វែងរកដូចជា Google…។ គោលបំណងសំខាន់នៃ SEO គឺដើម្បីទទួលបានចំនួនអ្នកចូលមើលគោលដៅឬ និយាយម្យ៉ាងទៀតថា SEO គឺជាដំណើរការនៃការធ្វើឱ្យគេហទំព័ររបស់អ្នកទទួលបានភាពទាក់ទាញនៅលើម៉ាស៊ីនស្វែងរកដោយអ្នកប្រើប្រាស់ (#SEO_friendly)។

ប្រសិនបើគេហទំព័ររបស់អ្នកមិនបង្ហាញវត្តមាននៅលើលទ្ធផលរបស់ google ទេ ហេតុផលមួយក្នុងចំណោមហេតុផលជាច្រើន គឺដោយសារតែ SEO របស់អ្នកមិនត្រូវបានធ្វើឱ្យល្អប្រសើរគ្រប់គ្រាន់នៅឡើយ ។

📍តើ​វា​ដំណើរការ​យ៉ាង​ម៉េចទៅ? (ក្រាហ្វក្នុងរូប)

#ម៉ាស៊ីនស្វែងរក ផ្តល់លទ្ធផលស្វែងរកដែលពាក់ព័ន្ធតែអ្វីដែលអ្នកប្រើកំពុងស្វែងរកប៉ុណ្ណោះ ដែលនេះត្រូវបានធ្វើដោយ '#Crawling' តាមរយៈគេហទំព័រ ដើម្បីអោយយល់កាន់តែច្បាស់អំពីអ្វីដែលគេហទំព័រនោះកំពុងធ្វើ និងក៏ជួយឱ្យវាផ្តល់នូវលទ្ធផលដែលពាក់ព័ន្ធតាមដែលអាចធ្វើទៅបានចំពោះប្រធានបទ ឬពាក្យគន្លឹះមួយចំនួនផងដែរ។ លើសពីនេះទៅទៀត ម៉ាស៊ីនស្វែងរកប្រើ '#Spiders' ដើម្បីប្រមូលយកព័ត៌មានគ្រប់ប្រភេទទាំងអស់អំពីគេហទំព័ររបស់អ្នក រួមទាំងផេកផងដែរ។
នេះអនុញ្ញាតឱ្យពួកគេអាចកំណត់បានយ៉ាងងាយស្រួលថាតើត្រូវផ្តល់ឲ្យអ្នកប្រើប្រាស់ជាមួយទំព័រណាខ្លះដែលមាននៅលើគេហទំព័ររបស់អ្នក ដោយពួកគេពិនិត្យមើលលើល្បឿនទំព័រ(page speed) ចំណងជើង(title) សញ្ញាសង្គម(social signal) តំណភ្ជាប់ខាងក្នុង (internal link) តំណត្រឡប់(backlink)…។

📍ហើយនេះជាហេតុផលដែលអ្នកគួរតែចាប់ផ្តើមធ្វើ SEO:

✅ វិសាលភាពនៃការមើលឃើញ - SEO ផ្តល់ឱ្យគេហទំព័ររបស់អ្នកនូវវិសាលភាពនៃការមើលឃើញដើម្បីទាក់ទាញទស្សនិកជនគោលដៅរបស់អ្នក។
ចំណាត់ថ្នាក់របស់អ្នកកាន់តែខ្ពស់ ចរាចរ និងការចុចកាន់តែច្រើនដែលអ្នកទទួលបាន។
✅ ទំនុកចិត្ត និងភាពជឿជាក់ - អ្នកប្រើប្រាស់ជឿទុកចិត្តលើម៉ាស៊ីនស្វែងរក ដូច្នេះហើយការដាក់អោយមានចំណាត់ថ្នាក់ខ្ពស់អាចប្រាប់អ្នកប្រើប្រាស់ថាគេហទំព័ររបស់អ្នកគឺប្រភពដែលគួរឱ្យទុកចិត្ត។
✅ យល់ពីទស្សនិកជនរបស់អ្នក - SEO នឹងធ្វើឱ្យអ្នកយល់ពីតម្រូវការទស្សនិកជនរបស់អ្នក តាមរយៈការវិភាគ និងកែសម្រួលគេហទំព័ររបស់អ្នកដើម្បីបំពេញតម្រូវការរបស់ពួកគេ។
✅ បទពិសោធន៍នៃអ្នកប្រើប្រាស់ - គោលបំណងនៃ SEO គឺដើម្បីផ្តល់ឱ្យអ្នកប្រើប្រាស់នូវព័ត៌មានដែលពួកគេកំពុងតែស្វែងរកឲ្យកាន់តែងាយស្រួល និងចំណាយពេលស្វែងរកតិច។

SEO ជាដៃគូរល្អបំផុតជាមួយ Web Design!😉

✌️ក្នុងនាមជាអ្នកទីផ្សារវ័យក្មេងម្នាក់ ខ្ញុំហ៊ាននិយាយបានថា ការតាមដានពត៌មានដែលទាក់ទងនៅលើបច្ចេកវិទ្យា ក៏ដូចជាចំណេះដឹងដែលទាក់ទងគឺពិតជាសំខាន់ ពីព្រោះនៅក្នុងវិស័យនេះមានការប្រកួតប្រជែង ដោយមានរឿងថ្មីៗ ហើយក៏ត្រូវស្វែងរក គិតនៅមាតិកាផ្សេងដើម្បីដើរអោយទាន់សម័យកាលផងដែរ។ ក្នុងនោះដែរ ក្នុងនាមយើងជាអ្នកស្វែងរក យើងក៏ត្រូវស្វែងរកពត៌មានណាដែលផ្តល់នៅអ្វីដែលយើងចង់ដឹង ចង់ចេះ ហើយក៏អាចទុកចិត្តបាន។ ហើយខ្ញុំក៏ជាអ្នកស្វែងរកពត៌មានម្នាក់ដែរ ក្នុងគោលបំណងដើម្បីសិក្សាបន្ថែម ស្វែងរកអ្វីដែលថ្មីសម្រាប់ខ្ញុំ ស្វែងរកមាតិកា ព្រមទាំងពេលខ្លះកែច្នៃពត៌មានទាំងនោះមកជាគំនិតតែមួយ ហើយពេលខ្លះក៏ចម្លងមកទាំងអស់តែម្តង🤣
ឈប់បូរបាច់ក្នុងការបើកក្បាលទំព័រ យើងងាកមករកគោលបំណងយើងវិញ គឺខ្ញុំចង់ចែករំលែកវេបសាយដែលខ្ញុំធ្លាប់នឹងកំពុងមើល ដែលទាក់ទងទៅនឹង SEO, ការសរសេរ, tools, digital, marketing, technology…ចាប់តាំងពីខ្ញុំចាប់ផ្តើមនៅក្នុងវិស័យនេះ!
ហើយនេះជា ១៨វេបសាយ ដែលអ្នកគួរតែតាមដានក្នុងនាមជាអ្នកទីផ្សារ​ អ្នកសរសេរ/បង្កើតមាតិកា​​…អ្នកណាក៏មើលបានដែរអោយតែចង់មើល​ 😜
1- Neil Patel - សម្រាប់​​ SEO / ទីផ្សារឌីជីថល
https://neilpatel.com/blog/​ ​(ជាវេបសាយដែលខ្ញុំមើលច្រើនគេ)
2- Backlinko - សម្រាប់​​ SEO / ទីផ្សារឌីជីថល
https://backlinko.com/blog​​
3 - Moz - សម្រាប់ SEO និងទីផ្សារមាតិកា
https://moz.com/blog
4 - Semrush - សម្រាប់ SEO
https://www.semrush.com/news/
5 - Ahrefs - សម្រាប់ SEO
https://ahrefs.com/blog/
6 - Screaming Frog - សម្រាប់ SEO
https://www.screamingfrog.co.uk/blog/
7 - Jeff Bullas - ប្លុកសម្រាប់អ្នកទីផ្សារឌីជីថល
https://www.jeffbullas.com/
8- Smart Blogger - តិចនិចក្នុងការបង្កើត/ការសរសេរប្លុក
https://smartblogger.com/blog/​
(វេបសាយដំបូងដែលខ្ញុំចាប់ផ្តើមមើលនៅពេលខ្ញុំចាប់ផ្តើមសរសេរប្លុកseo)
9- Blogging Wizard - ជាមាតិការដែលល្អបំផុតសម្រាប់ប្លុក/ការសរសេរ
https://bloggingwizard.com/blog/
10- Adam Enfroy - សម្រាប់ប្លុក/ Affiliate Marketing
https://www.adamenfroy.com/blogging
11 - Niche Site Project - Affiliate Marketing & Niche Blogging
https://nichesiteproject.com/blog/
12- Content Marketing Institute - ទីផ្សារមាតិកា/ Content Marketing/ Blogs
https://contentmarketinginstitute.com/
13- Jeff Goins - សម្រាប់បង្កើតមាតិកា/ការសរសេរ/ Content Marketing/ Blogs
https://goinswriter.com/articles/
14- Elna Cain - សម្រាប់ការសរសេរមាតិកា/ Content Marketing/ Blogs
https://elnacain.com/blog/
15- Copyblogger Media - សម្រាប់ copywriting
https://copyblogger.com/blog/​​​​​​​
16- BloggerPassion - សម្រាប់ការសរសេរមាតិកា/ ​ Blogging & SEO
https://bloggerspassion.com/blog/​
17- Enchanting Marketing Limited - សម្រាប់ copywriting
https://www.enchantingmarketing.com/category/blog/​
18- Search Engine Journal - សម្រាប់ការធ្វើបច្ចុប្បន្នភាពសំខាន់ៗជាច្រើននៅក្នុងវិស័យឌីជីថល
https://www.searchenginejournal.com/category/news/​​
ត្រឹមមួយសប្តាហ៍អានតែមួយប្លុក យកទៅណាមិនអស់ ក៏ប្រសើរជាងមិនបានអានសោះដែរណា ចំណេញលើគោក បានទាំងជំនាញក្នុងការអាន ជំនាញអានភាសាអង់គ្លេស ជួយជម្រុញការគិត បង្កើតគំនិតថ្មីៗ😉 កុំអោយអេដមីនអន់ចិត្តពេក ខំដាក់ចិត្តចែករំលែកហើយអានតិចទៅណ៎ បើបានអានហើយកុំភ្លេចប្រាប់វិញផង ចូលចិត្តវេបសាយណាខ្លះ៕
***មើលរូបហើយកុំសើច អេដមីនមិនមែនអ្នកជំនាញផ្នែករចនាទេ🙂
#blog #digitallearning #learning #seo #contentmarketing

អ្នកទាំងអស់គ្នាប្រហែលជាមានអ្នកខ្លះពួកគាត់បានដឹងច្រើន ឬដឹងប្រហាក់ប្រហែលអេដមីនដែរទាក់ទងជាមួយការសរសេរប្លុក អោយបានត្រឹមត្រូវហើយទទួលបានអ្នកអានច្រើន។ ក្នុងនោះដែលដើម្បីទទួលបានចំនួនអ្នកចូលមើល ក៏មានការគួបផ្សំជាមួយចំនួនពាក្យនៃប្លុកនោះដែរ។ ក្នុងនាមខ្ញុំជាអ្នកទើបតែចាប់ផ្តើមក្នុងការសរសេរប្លុកម្នាក់ ខ្ញុំអាចនិយាយបានថា សំណួរ "តើការបង្ហោះប្លក់(blog post) គួរមានប៉ុន្មានពាក្យទើបល្អ?" បែបនេះជាសំណួរដែលពិបាកមួយសម្រាប់ខ្ញុំក៏ដូចជាអ្នកផ្សេងទៀត ពីព្រោះសំណួរនេះហាក់បីដូចជាវាមិនមានចម្លើយត្រឹមត្រូវតែមួយទេ វាមានចម្លើយច្រើនដែលត្រឹមត្រូវទៅតាមប្រភេទមាតិកា ក្នុងនោះផងដែរបើ "មានច្រើនជាង 300 ពាក្យ" "តិចជាង 1000 ពាក្យ" ឬ "យ៉ាងហោចណាស់ត្រឹម 2000 ពាក្យ"។

បើយោងតាមការសិក្សារស្វែករក និងបទពិសោធន៍បន្តិចបន្តួចរបស់ខ្ញុំ ខ្ញុំបានរកឃើញចម្លើយដ៏ល្អដែលអាចចែករំលែកទៅកាន់អ្នករាល់គ្នាបានថាគឺ៖

👉🏻 ការបង្ហោះប្លក់របស់អ្នកគួរតែមានប្រវែងដែលវាត្រូវការ និងសមស្រប ជាមួួយពាក្យគន្លឹះដើម្បីគ្របដណ្តប់ប្រធានបទបានល្អ និងក្បោះក្បាយ។

✨ ជាញឹកញាប់មានអ្នកសរសេរភាគច្រើនអាចសរសេរបានអត្ថបទមួយក្នុងប្រវែងពាក្យ 400 - 1000 (ខ្ញុំក៏ចឹងដែរមិនសូវបានលើសនឹងទេ🤣) សម្រាប់ប្រភេទ៖ ⁣

🟣 ពាក្យគន្លឹះតូចចង្អៀតខ្លាំងពេក
🟣 ប្រកាសណែនាំ ឬវីដេអូសង្ខេប⁣
🟣 សំណួរជាក់លាក់ដែលមិនត្រូវការបរិបទច្រើន
🟣 ប្រកាសពិពណ៌នាអំពីផលិតផលជាក់លាក់តែមួយ...

✨ ក្នុងនោះផងដែរខ្ញុំបានរកឃើញថាការបង្ហោះប្លុកនៅកន្លែងខ្លះមានប្រវែងរវាង 1200 - 2000 ពាក្យ ដែលវាគ្រប់គ្រាន់សម្រាប់គ្របដណ្តប់ពាក្យគន្លឹះដែលមានភាពទូលំទូលាយភាគច្រើន ក្នុងនោះក៏មាន៖ ⁣

🟣 អត្ថបទ "របៀបធ្វើ"
🟣ប្រធានបទអប់រំ (មិនចាំបាច់តែការអប់រំទេ ប្រធានបទណាក៏ដោយអោយតែអាចអប់រំអ្នកអានបាន)
🟣ការណែនាំផលិតផល ឬហាង
🟣 អត្ថបទវិចារណកថាភាគច្រើន (ពាក្យ​ប្រកប​ដោយ​ហេតុ​គួរ​ត្រិះរិះ, បរិយាយ​អំពី​ហេតុ​ការណ៍​ដែល​គួរ​ពិចារណា)

✨ ចំពោះប្រវែង 2500 - 4000 ពាក្យ(អេដមីនមិនដែលបានសរសេរដល់ទេ😆) ហាក់ដូចជាល្អបំផុតសម្រាប់៖ ⁣

🟣 ប្រធានបទអប់រំដ៏ទូលំទូលាយ ដែលជារឿយៗដើរតួជា "ស្នូល" នៃប្រធានបទមួយ ⁣
🟣 អត្ថបទវិចារណកថាមួយចំនួន ដូចជាតែងសេចក្តី ដំណើរករកើត...

ចុះអ្នកអានវិញ មានប្រវត្តិសរសេរអ៊ួអាប់មិចដែរ សរសេរបានម៉ានពាក្យ ឬមានមតិកែលម្អអីអត់ ស្វាគមន៍ជានិច្ចឡា😉

#seotips #contentwriting #contentwritingtips #blogpost

ជាមួយនឹងការវិវត្តន៍នៅក្នុងវិស័យទីផ្សារឌីជីថលនាពេលបច្ចុប្បន្ននេះ​ ការសរសេរអត្ថបទពាណិជ្ជកម្ម(COPY WRITING) បានដើរតួយ៉ាងសំខាន់ដែលមិនអាចខ្វះបាន​​​នឹងកំពុងទទួលបានប្រជាប្រិយភាពពីមួយថ្ងៃទៅមួយថ្ងៃ។​ គោលបំណងនៃ​ COPY WRITING គឺដើម្បីជំរុញអតិថិជនគោលដៅរបស់អ្នកឱ្យមានសកម្មភាពណាមួយជាមួយអ្វីដែលបានផ្សព្វផ្សាយ។

📍ភាពខុសគ្នារវាង​ Content Writing & Copy Writing

🤞🏻ការសរសេរមាតិកា(Content Writing) - ត្រូវបានផ្តោតសំខាន់ក្នុងការនាំយកចំនួនអ្នកមើល​(traffic) និងរក្សាឬបង្កើនចំនួនអ្នកមើលនោះដោយគោលបំណងផ្តល់តម្លៃបន្ថែមទៅកាន់អ្នកអាន ពោលគឺដូចជាការផ្តល់ព័ត៌មាន ការអប់រំ ពេលខ្លះបែបកម្សាន្តជាដើម។

🤞🏻 ការសរសេរអត្ថបទពាណិជ្ជកម្ម​(COPY WRITING) - គឺបំប្លែងចំនួនអ្នកមើលនោះ​ទៅជាអតិថិជន។
"Copy Writing គឺជាហេតុផលដែលមនុស្សទិញផលិតផលឬសេវាកម្មរបស់អ្នក"

📍កន្លែងដែលអ្នកអាចមើលឃើញការសរសេរអត្ថបទពាណិជ្ជកម្ម
• នៅក្នុង​ Caption នៃ Facebook Ads
• នៅក្នុង Caption នៃ Google Ads
• នៅលើ landing page…

📍Copywriting​ ដែលមិនសូវមានភាពទាក់ទាញ៖
• នេះជាផលិតផលរបស់ខ្ញុំ
• នេះជាអ្វីដែលវាបានធ្វើ
• នេះជាចំណុចល្អរបស់វា…
📍Copywriting​ ដែលទាក់ទាញ៖
• នេះជាបញ្ហារបស់អ្នក
• នេះជាអត្ថប្រយោជន៍ដែលទទួលបានពីការដោះស្រាយបញ្ហានោះ
• នេះជាមូលហេតុដែលបានធ្វើអោយ...អ្នកមិនដំណើរការ​
• នេះគឺជាអ្វីដែលនឹងជួយអ្នកក្នុងការដោះស្រាយបញ្ហាទាំងនោះ…

📍យោងតាមហេតុផលខាងលើ​ នេះជាគន្លឹះបន្ថែមទៀតសម្រាប់អត្ថបទមួយនេះ
✌️ផ្លាស់​ប្តូរ​ Call-to-actions ទៅជា Call-to-values
✌️កុំប្រាប់គេពីអ្វីដែលគេត្រូវធ្វើ ប្រាប់ពួកគេពីអ្វីដែលពួកគេទទួលបាន។
ឧទាហរណ៍:
Get started 👉🏻 Create your website
Start free trial 👉🏻 Try it at no cost

ខ្ញុំមិនមែនជាអ្នកជំនាញប៉ុន្នានទេទៅលើការសរសេរ(ពីព្រោះចំណេះដឹងទាំងខ្មែរ​ ទាំងភាសា​​ អត់កើតទាំងពីរ😅)​ ប៉ុន្តែគ្រាន់តែខ្ញុំធ្លាប់បានធ្វើវាបានខ្លះៗដែលទាក់ទងទៅនឹងការសរសេរនេះដូចជា​ ការសរសេរ​នៅលើ Facebook & Google ads, Blogs, Website Content​ ជាពិសេស​ SEO Content (Meta Data).... ហើយអ្វីដែលខ្ញុំបានចែករំលែកខាងលើ វាបានជួយខ្ញុំក្នុងការសរសេររបស់ខ្ញុំខ្លះដែរ ដូច្នេះខ្ញុំសង្ឈឹមថា​អត្ថបទនេះក៏អាចជួយអ្នកអានទាំងអស់គ្នាបានខ្លះដូចគ្នា✌️
ពីខ្ញុំអេដមីនដ៏ស្រស់ស្អាត🤣

Join Group: https://www.facebook.com/groups/1050561172262569/
Telegram: https://t.me/pteahdigital

#copywriting #contentwriting #digitalmarketing #content #contentwriter #writing #seo

នៅក្នុងការដំណើរការ SEO អ្នកទាំងអស់គ្នាប្រហែលបានឃើញពាក្យថា crawling - indexing - ranking ជាញឹកញាប់ ហើយក៏ប្រហែលជាមានចម្ងល់ថា តើវាមានភាពខុសគ្នាដូចម្តេចទៅ?

ហើយនេះជាអ្វីដែលយើងលើកយកមកនិយាយក្នុងអត្ថបទនេះ សម្រាប់អ្នកដែលមិនទាន់ដឹងច្បាស់ថាអ្វីជាភាពខុសគ្នារវាង #crawling #indexing #ranking

📍Crawling - Crawlers បានរកឃើញតំណភ្ជាប់(Links) ហើយបានឆ្លងកាត់តំណភ្ជាប់ទាំងនោះ ដើម្បីធ្វើបច្ចុប្បន្នភាព(update) និងស្វែងរកមាតិកាថ្មីៗនៅទីនោះ។

📍Indexing - បន្ទាប់ពី crawlers រកឃើញមាតិកាហើយ គឺគេចាប់ផ្តើមពិនិត្យមើលវា ហើយបានរៀបវាតាមលំដាប់លំដោយ។

📍Ranking - នៅពេលដែលអ្វីៗគ្រប់យ៉ាងរួចរាល់ Google ពិនិត្យមើលព័ត៌មាននៅក្នុង index ហើយស្វែងរកការផ្គូផ្គងដ៏ល្អបំផុតសម្រាប់អ្នកប្រើប្រាស់នៅពេលពួកគេស្វែងរក។

នេះគ្រាន់តែជាអ្វីដែលខ្ញុំយល់និងបានស្វែងរក ​ខ្ញុំ​សង្ឃឹម​ថា​វា​គ្រប់​គ្រាន់ដែលអាចអោយអ្នកទាំងអស់គ្នាយល់បានដូចខ្ញុំដែរ ពីរបៀបដែលពួកវាខុសគ្នា។

បើអ្នកទាំងអស់គ្នាដឹងថា វាមានរបៀបខុសគ្នាផ្សេងទៀតប្រាប់អេដមីនវិញផងណា😉

#technicalseo #google “#seocambodia

មានគ្នាយើងបានសួរមកកាន់អេដមីនថា តើគួរចាប់ផ្តើមជាមួយ SEO ត្រូវការដឹងអីខ្លះទៅ?
ដូច្នេះខ្ញុំបានរកគន្លឹះខ្លះៗ សម្រាប់អ្នកចាប់ផ្តើមដំបូង ពីព្រោះនេះក៏ជាអ្វីដែលបានចាប់ផ្តើមជាមួយជំនាញមួយនេះដែរ ដើម្បីអោយមានចំណាប់ថ្នាក់ល្អ!
តោះ​មកមើល​អ្វី​ដែល​ធ្វើ​មានបម្រែបម្រួល និង​អ្វី​ដែល​អ្នក​គួរ​កំណត់​អាទិភាពធ្វើមុនសម្រាប់ការចាប់ផ្តើមដំបូងរបស់អ្នក!
📍រចនាសម្ព័ន្ធនៃគេហទំព័រ (Site Structure)
រចនាសម្ព័ន្ធគេហទំព័រមានសារៈសំខាន់ខ្លាំងណាស់សម្រាប់ការបង្កើតឋានានុក្រមនៃព័ត៌មាន វាបង្ហាញ Google និងអ្នកប្រើប្រាស់ពីទំព័រណាដែលសំខាន់ និងពីអ្វីដែលគេហទំព័ររបស់អ្នកធ្វើ។ វាជាការប្រសើរណាស់ នៅពេលរចនាសម្ព័ន្ធគេហទំព័រមានភាពល្អប្រសើរ ធ្វើអោយវេបសាយមានភាពរីកចម្រើន និងបទពិសោធន៍អ្នកប្រើប្រាស់ដ៏ល្អ។
👉🏻រចនាសម្ព័នគេហទំព័រល្អអនុញ្ញាតឱ្យមានការតភ្ជាប់លីងខាងក្នុង(Internal Links)ដ៏អស្ចារ្យ។
📍រចនាសម្ព័ន្ធទំព័រ (Page Structure)
រចនាសម្ព័ន្ធទំព័រមិនចាំបាច់ស្មុគស្មាញទេ ត្រូវប្រាកដថាពាក្យគន្លឹះគោលដៅសំខាន់របស់អ្នកស្ថិតនៅក្នុង H1 របស់អ្នក ហើយបន្ទាប់មកបញ្ចូលពាក្យគន្លឹះដែលពាក់ព័ន្ធនៅក្នុង H2, H3, H4 ជាដើម រួចគិតអំពីអ្នកប្រើប្រាស់ តើខ្លឹមសាររបស់អ្នកមាន​​ logical ទេ? ប្រសិនបើ​គេ​ស្កែន​មើល តើ​គេអាច​រក​ឃើញ​អ្វី​ដែល​គេ​កំពុង​ស្វែងរក​បានទេ?
👉🏻សូមចងចាំថា អ្នកប្រើប្រាស់តែងតែមិនចង់អានអត្ថបទទាំងមូលនោះទេ ពួកគេចង់ស្វែងរកអ្វីដែលពួកគេកំពុងស្វែងរក ហើយចាកចេញ!
📍មាតិកា (Content)
បង្កើតតែមាតិកាដែលបំពេញតែគោលបំណងអ្នកស្វែងរកប៉ុណ្ណោះ! កុំបំពេញគេហទំព័ររបស់អ្នកជាមួយនឹងមាតិកាដែលមិនចាំបាច់។ ត្រូវប្រាកដថាមាតិការបស់អ្នកបម្រើគោលបំណងរបស់អ្នកស្វែងរកបានត្រឹមត្រូវ។ គិតតាមទស្សនៈរបស់ Google ប្រសិនបើវារុករកទៅលើគេហទំព័ររបស់អ្នក តើរាល់មាតិកាបន្ថែមតម្លៃដល់អ្នកប្រើប្រាស់ទេ? រក្សាគុណភាពទាំងមូលនៃគេហទំព័ររបស់អ្នកឱ្យខ្ពស់ និងពាក់ព័ន្ធទៅនឹងទីផ្សារដែលពាក្យពាក់ព័ន្ធរបស់អ្នក។
📍តំណភ្ជាប់ត្រលប់ (Backlinks)
បង្កើត backlinks រៀងរាល់ខែហើយកុំឈប់! គោលបំណងនោះគឺសម្រាប់រក្សាចំនួនពិតប្រាកដនៃ backlinks ក្នុងមួយខែហើយរក្សាស្ថេរភាពរបស់វានោះ ហើយជាពិសេស បង្កើតជាយុទ្ធសាស្រ្តសម្រាប់ backlinks ទៅកាន់ទំព័រណាដែលអ្នកចង់បង្កើន។
👉🏻ផ្តោតលើគុណភាពលើសពីបរិមាណ - quality over quantity
👉🏻សូមចងចាំថា backlink ពិបាកជាងគេនោះគឺដើម្បីទទួលបាន backlink ដែលមានគុណភាពល្អ!
📍មាតិកាប្លុក (Blog content)
គោលបំណងមួយចំនួនសម្រាប់មាតិកាប្លុកនោះគឺ
👉🏻នៅពេលបង្កើត backlinks សម្រាប់គេហទំព័រ ជាទូទៅគេចូលចិត្តភ្ជាប់វាទៅមាតិកាដែលមានគុណភាពល្អដែលមិនមែនជាការលក់ ដូចជាភ្ជាប់ជាមួយប្លក់ផុសមួយជាដើម។
👉🏻បង្កើតមាតិកាប្លក់ដើម្បីជាយុទ្ធសាស្ត្រក្នុងការបង្កើនប្រសិទ្ធភាពសម្រាប់ពាក្យគន្លឹះដែលអ្នកចង់ដាក់ចំណាត់ថ្នាក់(Ranking)។
👉🏻វាបង្កើតការជឿទុកចិត្ត ប្រសិទ្ធភាព និងបង្ហាញភាពជាអ្នកជំនាញ ដោយបង្ហាញដល់អ្នកប្រើប្រាស់ ថាអ្នកស្គាល់ទីផ្សារដែលពាក់ព័ន្ធរបស់អ្នកបានច្បាស់។
📍កុំជាប់ក្នុងរឿងតូចៗ (Don’t get caught up in the petty stuff)
SEO គឺមានភាពស្មុគស្មាញដូចដែលអ្នកបានដឹង អ្នក​អាច​ចំណាយ​ពេល​ច្រើន​ម៉ោង ថ្ងៃ សប្តាហ៍ ឬ​ច្រើន​ខែ ឬរហូតដល់ឆ្នាំ ដូច្នេះមិនត្រូវ​បារម្ភ​ពេកទេពី​រឿង​ដែល​ធ្វើ​ឱ្យ​មាន​ភាព​ខុស​គ្នា​តិចតួច​។ វាមិនមែនមានន័យថាអ្នកមិនគួរខ្វល់ពីអ្វីផ្សេងទៀតនោះទេ ប៉ុន្តែកុំផ្តល់អាទិភាពដល់វាមុន លុះត្រាតែវាបង្កបញ្ហាធំនៅលើគេហទំព័ររបស់អ្នកហើយបន្ទាប់មកចាប់ផ្តើមគិតអំពីរឿងតូចតាចដែលអាចផ្តល់ឱ្យអ្នកនូវលើសពីដៃគូប្រកួតប្រជែងរបស់អ្នក។
📍ត្រៀមចិត្ត វាត្រូវការពេលវេលា 🤣
មានអ្វីបន្ថែមទៀតអត់? ចែករំលែកនៅក្នុងផុសនេះជាមួយគ្នាមក!
Join FB Group: https://www.facebook.com/groups/1050561172262569/
Telegram: https://t.me/pteahdigital
#seo #seostart #seokh #pteahdigital #ផ្ទះឌីជីថល

តើយុទ្ធសាស្រ្តមួយណាល្អជាងរវាង ចំនួនអ្នកទស្សនាដែលបានមកដោយអស់ប្រាក់ និងមិនអស់ប្រាក់? (Paid and Organic traffic)

***រ៉ាយរ៉ាប់
Organic traffic - យុទ្ធសាស្រ្តក្នុងការទទួលបានចំនួនអ្នកចូលមើលវេបសាយដោយមិនអស់ប្រាក់ (ដូចជាការធ្វើ seo, blogs, share content to social media…)
Paid traffic - យុទ្ធសាស្រ្តក្នុងការទទួលបានចំនួនអ្នកមើលវេបសាយដោយអស់ប្រាក់ ( PPC: ads…)

ចម្លើយគឺ…

ល្អទាំងពីរ!

📍Organic traffic ទទួលបានចំនួនអ្នកមើលមែន តែមិនសូវទទួលបានអ្នកទស្សនាដូចទៅតាមការកំណត់គោលដៅទុក និងជាក់លាក់ដូច paid traffic នោះទេ ហើយវាក៏ចំណាយពេលច្រើនគួរសមដែរ ប៉ុន្តែវានឹងធ្វើឱ្យអ្នកចំណាយតិច។

📍Paid traffic ទទួលបានចំនួនអ្នកមើលដែលត្រូវតាមការកំណត់គោលដៅ និងជាក់លាក់ជាង ហើយត្រឹមរយៈពេលខ្លី ប៉ុន្តែវានឹងធ្វើឱ្យអ្នកចំណាយប្រាក់កាន់តែច្រើន។

ចម្លើយដែលអ្នកចង់ដឹងគឺ៖ តើមួយណាដែលអ្នកត្រូវការច្រើនជាង?
👉🏻ប្រសិនបើអ្នកទើបតែចាប់ផ្តើម ហើយមិនទាន់មានកញ្ចប់ថវិកាសម្រាប់ paid traffic នៅឡើយ ដូច្នេះសូមចាប់ផ្តើមជាមួយ organic traffic សិនទៅ
👉🏻ប្រសិនបើអ្នកមានកញ្ចប់ថវិកាដែលមានទំហំសមរម្យសម្រាប់យុទ្ធសាស្រ្តនេះរួចហើយ! ហើយត្រូវការទាក់ទងមនុស្សឱ្យបានច្រើនតាមដែលអាចធ្វើបាន សូមបន្តចាប់ផ្តើជាមួយ paid traffic។

Join FB Group: https://www.facebook.com/groups/1050561172262569/

#seo #organictraffic #paidtraffic

តើ .com, .com.kh, .io, .org,…(#domain extension) ប្រភេទមួយណាដែលអ្នកត្រូវការ ហើយតើវាប៉ះពាល់ដល់ SEO ដែរឬទេ? ដូច្នេះ តើវាពិតជា បញ្ហាមួយ ជាមួយអាស័យដ្ឋានវេបសាយ(#domainname) របស់អ្នកដែលបានប្រើមែនទេ?

ប្រសិនបើអ្នកកំពុងចាប់ផ្តើមគេហទំព័រថ្មី ឬពង្រីកអាជីវកម្មរបស់អ្នកទៅកាន់ទីតាំងថ្មីជាដើម អ្នកត្រូវដឹងពីចំណុចទាំងនេះព្រោះវាជារឿងសំខាន់ដែលត្រូវពិចារណាជាមួយ domain extension៖

- តើអាជីវកម្មរបស់អ្នកមានប្រតិបត្តិការសម្រាប់ប្រទេសណា?
- តើ domain extension ដែលអ្នកកំពុងមើលជាញឹកញាប់មានជាប់ទាក់ទងជាមួយគេហទំព័រ spam ដែរឬទេ?
- តើ domain extension ដែលអ្នកចង់បាននៅតែពាក់ព័ន្ធក្នុងឆ្នាំ 2023 ដែរឬទេ?
- តើអ្នកធ្វើអាជីវកម្មក្នុងវិស័យអ្វី?
- តើអ្នកជាអាជីវកម្មប្រភេទណា? (ដូចជាប្រាក់ចំណេញ មិនរកប្រាក់ចំណេញ សប្បុរសធម៌ ជាដើម)
- តើអ្វីទៅជាគោលដៅអនាគតរបស់អ្នកសម្រាប់គេហទំព័រ និងអាជីវកម្មរបស់អ្នក?…

📍អ្នកអាចប្រើ domain extension ណាមួយដែលអ្នកចង់បាន! វាល្អស្ទើរតែគ្រប់ប្រភេទទាំងអស់ ប៉ុន្តែលើកលែង .gov លុះត្រាតែអ្នកជាអង្គភាពរបស់រដ្ឋាភិបាល ក្រៅពីនោះប្រសិនបើវាទំនេរដែលអ្នកអាចទិញ ទិញមកប្រើវាបាន:

.com គឺពិតជាស្តង់ដារដែលពេញនិយម ប្រភេទនេះត្រូវបានប្រើជាចម្បងដោយក្រុមហ៊ុនធំៗ និងអាជីវកម្មដែលមានសាខាក្រៅប្រទេសដែលមានច្រើនជាងមួយ

.com.kh គឺសម្រាប់ក្នុងប្រទេសកម្ពុជា ដែលគោលដៅអតិថិជនជាចម្បងទៅក្នុងប្រទេស ដែលប្រភេទនេះគឺសម្រាប់អាជីវកម្មដែលមានមូលដ្ឋាននៅប្រទេសកម្ពុជាតែម្តង។ ប្រទេសនីមួយៗនឹងមាន domain extension របស់ពួកគេ ឧទាហរណ៍ ប្រទេសអូស្ត្រាលីគឺ .com.au, ...

.org ជាទូទៅត្រូវបានប្រើប្រាស់សម្រាប់តែអង្គការមិនរកប្រាក់ចំណេញ ឬអង្គការសប្បុរសធម៌ប៉ុណ្ណោះ! អ្នកណាក៏អាចប្រើ .org បានដែរប៉ុន្តែបើតាមការស្វែងរករបស់ខ្ញុំ ខ្ញុំមិនគិតថាវាជា domain extension ដ៏ល្អសម្រាប់អាជីវកម្មទូទៅនោះទេ។

.io គឺជា domain extension ថ្មីដែលមានប្រជាប្រិយភាពខ្លាំងជាមួយក្រុមហ៊ុនដែលបង្កើតថ្មី ក្រុមហ៊ុនបច្ចេកវិទ្យា និងក្រុមហ៊ុន SAAS (ដែលផ្តល់ Software ជាសេវាកម្ម) ទោះជាយ៉ាងនេះក្តី ប្រសិនបើអ្នកគិតថាវាសមនឹងម៉ាករបស់អ្នក ប្រើវាទៅ!

.net ស្របតាមការស្វែងរករបស់ខ្ញុំវាស្រដៀងគ្នា .com ដែរ ប៉ុន្តែប្រហែលជាអ្នកអាចគិតថាវាហួសសម័យបន្តិច(ខ្ញុំក៏គិតដូច្នេះដែរ) ដូច្នេះបើអាចអ្នកប្រើ .com ទៅ

.biz នៅក្នុងការស្វែងរកករបស់ខ្ញុំ គេថាវាសម្រាប់ spammers និងគេហទំព័រដែលមានគុណភាពទាប… លុះត្រាតែអ្នកជា spammer ក្នុងករណីនេះវាល្អសម្រាប់អ្នក! (នេះគ្រាន់តែជាអ្វីដែលខ្ញុំរកឃើញ ក៏ជាការគិតរបស់ខ្ញុំដូចគ្នា)

.agency ឬ .yourbusinesstype សម្រាប់ភ្នាក់ងារអាជីវកម្ម វាកំពុងពេញនិយម និងតែងតែត្រូវបានគេពិចារណាជាជម្រើស។

.kh ឬ .location ផ្សេងទៀតគឺជាជម្រើសដ៏ល្អ ប្រសិនបើអ្នកផ្តល់នៅតំបន់ជាក់លាក់មួយ domain extension អាចជួយអ្នកក្នុងការបង្កើនអត្រានៃការចុច(click-through rates)

✨ត្រលប់មកប្រធានបទយើងវិញ តើវាប៉ះពាល់ដល់ #SEO ទេ?
ពិតប្រាកដណាស់ domain extension អាចជួយឱ្យ Google យល់ច្បាស់អំពីគោលដៅអាជីវកម្មដូចជា who, what and where​ ជាដើម។

❕ចេញពីសាច់រឿងខាងលើបន្តិច កាលពីមុនខ្ញុំបានធ្វើ SEO លើវេបសាយមួយហើយបានទទួល ranking ក្នុងផេកទីមួយរបស់ Google ជាមួយនឹង keywords ដែលមានការប្រកួតប្រជែងខ្ពស់មួយ ហើយខ្ញុំបានបង្ហោះវានៅលើប្រព័ន្ធសង្គមរបស់ខ្ញុំ នៅក្នុងពេលហ្នឹងដែលមានរៀមច្បងម្នាក់គាត់បានខំមិនថា ខ្ញុំទទួលបាន Ranked ក៏ព្រោះខ្ញុំបានប្រើប្រាស់វេបសាយដែលមាន domain .com.kh ដែលជាហេតុធ្វើអោយមាន organic traffic។ ខ្ញុំមានការអន់ចិត្តបន្តិចដែរ ដោយការខំប្រឹងរបស់ខ្ញុំតែបែរទៅជាក៏ព្រោះ domain តែមួយមុខទៅវិញ! ហើយខ្ញុំបានសិក្សាស្វែងរក ថាតើវាបណ្តាលមកទាំងស្រុងឬមួយយ៉ាងណា?
ឆ្លើយតបទៅហ្នឹងសំណួរនេះ ខ្ញុំបានរកឃើញចម្លើយថា វាជាការពិតដែលខ្ញុំទទួលបាន rank ក៏ព្រោះ domain នេះជាហេតុផលមួយ តែបន្ថែមជាមួយហេតុផងជាច្រើនទៀតដូចជា Content, keywords, technical, strategies ជាច្រើនទៀត ដែលជាហេតុបណ្តាលអោយមាន rankings! ដូច្នេះទើបខ្ញុំលើកយកអត្ថបទនេះមករ៉ាយរ៉ាប់ ចែករំលែកជាមួយអ្នកទាំងគ្នានៅទីនេះ!

អត្ថបទនេះរឿងច្រើនបន្តិច តែមិនថ្វីទេណ៎! មកពីអេដមីនចូលចិត្តសរសេរបែបវែងៗ ចឹងអ្នកតាមដានប្រហែលត្រូវអានវែងៗដែរហើយ😆

ក្នុងនាមជាអ្នក #ទីផ្សារឌីជីថល ឬ #SEO អ្នកអាចប្រហែលមានវិធីជាច្រើនដើម្បីពន្យល់ពីរបៀបដែលទីផ្សារអនឡាញដំណើរការ។ ក្នុងនោះដែរ ខ្ញុំបានឃើញរៀមច្បងជាច្រើនគាត់បានប្រៀបធៀប SEO ជាមួយដើមឈើ #bonsai ។

✨វិធីសាមញ្ញដែលគេប្រើប្រាស់ដើម្បីពន្យល់ពី SEO នោះគឺដើម Bonsai 🌳
(ខ្ញុំមិនដែលបានស្គាល់ដើមនេះទេ គ្រាន់តែឃើញគេប្រៀបធៀបជាច្រើនជាមួយដើមម្យ៉ាងនេះ ដូច្នេះហើយទើបខ្ញុំលើកយកវាមកដូចគ្នា ដើម្បីចែករំលែកអោយគ្នាយើងឆាប់យល់ពី SEO នេះ)។

🌳 Technical SEO មាននិន្នាការបង្កើតមូលដ្ឋានគ្រឹះ និងឫសគល់នៃការចាប់ផ្តើម SEO ដ៏ល្អ ឧទាហរណ៏: តើគេហទំព័រអាចស្វែងរកឃើញទេ? តើវាលឿនគ្រប់គ្រាន់ទេ?...

🌳បន្ទាប់មកមាតិកាក្លាយទៅជាដើម និងបែកមែកសាខា ដោយផ្លាស់ទីគេហទំព័ររបស់អ្នកឱ្យកាន់តែជិតដល់អ្នកស្វែងរករបស់អ្នក (Content)

🌳ការ​កាត់​តម្រឹម និង​ថែរក្សារូបរាងដើមឈើ ​គឺ​ជា​ការ​បង្កើន​ប្រសិទ្ធភាព​របស់​អ្នក (Optimization)

🌳ហើយចុងក្រោយ ទឹកគឺជាតំណភ្ជាប់ខាងក្រៅ ដើម្បីអោយវារស់រានបានល្អ (Backlinks)

នេះគឺជាវិធីសាមញ្ញមួយដែលធ្វើអោយខ្ញុំយល់ពី SEO កាលពីខ្ញុំទើបតែចាប់ផ្តើមស្វែងយល់ដំបូង ហើយខ្ញុំសង្ឃឹមថា អាចជួយអ្នកទាំងគ្នាបានដូចគ្នា😉

#seo #searchenginemarketing