IKEA

💥 ሰዎች የተሳተፏበትን፣ ያዘጋጁትን ወይም የገጣጠሙትን ነገር የበለጠ የሚወዱበት ፣ ምርጥ እንደሆነ የሚቆጥሩበት እና ዋጋ የሚሰጡበት ምክንያት IKEA effect (አይኪአ ኢፌክት) ይባላል።

ለምሳሌ: አንድ እናት ቤት ውስጥ ያዘጋጀችው ቅመማ ቅመም ወይም የምግብ ግብአት በፋብሪካ ከተቀነባበረውና ገበያ ላይ ካለው የሷ በጣም ጣፋጭ እና የተመጠነ እንደሆነ ታምናለች።

💥ወይም አንድ ሰው በጣም ጥሩ ባይሆን እንኳን እራሱ የሰራው ወይም ያደሰው ጠረቤዛ የተሻለ quality እንዳለው ያስባል።

💥 ህጻናትም ዝግጅቱ ላይ የተሳተፏበትን ምግብ በደስታ ይበላሉ።

💥 አንዳንድ አምራቾች IKEA effectን ለመፍጠር ደንበኛቸው እራሱ የሚገጣጥመውን ምርት ያመርታሉ፣ ሰዎች ፋብሪካቸውን እንዲጎበኙላቸው፣ አንዳንዴም ስራው ላይ እንዲሳተፏ ይጋብዛሉ።

💥 አይኪአ ኢፌክት, DIY (do-it-yourself) ስራዎች የሚወደዱበትም ምክንያት ነው።

💥 IKEA effect እንስሳትም ላይ ይሰራል። ለምሳሌ- አይጦች የነሱ ጥረት ያለበትን ምግብ መመገብ ይመርጣሉ።

💥 IKEA effect ከ ታዋቂው የ ሲውዲሽ ያልተገጣጠመ furniture አምራች የተወሰደ ስም ነው።

Sunday night syndrome

እሁድ ማታ ላይ ምነው አርብ ከእንደገና ቢመጣ ብሎ መመኘት ፣ ከቀጣይ ቀን ጀምሮ የስራ ሳምንት መሆኑን በማሰብ ጭንቀት፣ብስጭት፣ መነጫነጭ ፣ የተረበሸ እንቅልፍ የመሳሰሉ ነገሮች ከ "Sunday night syndrome" ጋር ይያያዛሉ

ምን ማድረግ ይሻላል?

💥 ከእረፍት ቀን በፊት ለቀጣዩ የስራ ሳምንት አቅዶ መጨረስ
(ለምሳሌ:  አርብ ከሰዓት ማቀድ)

💥 የእረፍት ቀኔ ላይ መስራት አለብኝ ወይስ የለብኝም የሚለውን መወሰን። መስራት ካለብን መቼ እንደሚሰራ ሰዓት መወሰን። ይሄንንም  ከእረፍት ቀን በፊት ባለው የመጨረሻ ቀን መወሰን ይመከራል።

💥 አስቸኳይ ካልሆነ በእረፍት ቀን ላይ የስራ ጉዳይ አለማስኬድ (ሰኞ እንዲ እንድታደርጊ/ግ ብሎ email አለመላክ/ አለመቀበል) ያጨናንቃልና

💥 ብዙ ነገር weekend ላይ ማድረግ እንደምንችል በማሰብ እቅዶችን አለማብዛት።

💥 ሌላ ቀን ላይ ከለመድነው pattern ብዙም ያልተለየ መንገድ weekend ላይም መጠቀም። ሌላ ጊዜ ጠዋት የምንነሳ ከሆነ እሁድም በተቻለ ያንኑ መድገም

💥 Mindfulness እና relaxation ዘዴዎችን ማዳበር

💥 የእረፍት ቀን ላይ የግል እና ከሌሎች ጋርም ጊዜ እንዲኖረን ማመቻቸት። ዘና የሚያደረጉ ነገሮች ማድረግ።

💥 Sunday night syndrome በጣም የሚረብሽ አይነት ከሆነ እርዳታ ማግኘት ይመከራል።

Gaslighting

💥 አንድ ሰው ሃሳቡ፣ ምላሹ፣ ስሜቱ እና ትውስታው ትክክል እንዳልሆነ እንዲያስብና የራሱን ጤነኛነት እስኪጠራጠር ድረስ ማድረስ ነው።

💥Gaslighters ከእውነታው በተቃራኒ እናንተ ትክክል እንዳልነበራቹ ያሳምኗችኋል።

💥Gaslighting በራስ መተማመንን፣ የመወሰን አቅምን የሚጎዳ manipulation ነው።

💥 በተደጋጋሚ ለ gaslighting መጋለጥ, በጊዜ ውስጥ እንደ brain fog ላሉ ለከፋ የስነልቦና ቀውስ አይነቶች ሊያጋልጥ ይችላል

💥 Gaslighting የሃሳብ ልዩነት አይደለም። Intentional distortion መፍጠር ነው።

Don't buy their lie with inaccurate self-doubt

AP~AV conflict እና displacement behavior

አንድ የምንመርጠው ነገር desirable እና undesirable ውጤት ሲኖረው Approach-Avoidance conflict ይፈጠራል።

💥 ከሌሎቹ conflict አይነቶች የበለጠ ጫና አለው። positive ጎኑ ሲስበን፣ negative ጎኑ እንድንርቅ ያደርገናል።

ለምሳሌ: ልጅቷ ጠረቤዛው ላይ የሚቀርበውን ጣፋጭ ምግብ መቅመስ ትፈልጋለች እንደገና ያቀደችውን ጤናማ አመጋገብ መተግበርም ትፈልጋለች።

ወይም

ሰውዬው ግብዣ ላይ ሰው ማናገር ፈልጓል ፣ እንዲሁም ለመቅረብ እርግጠኛ መሆን አልቻለም ወይም nervous ሆኗል።

💥 እንዲ አይነት ሁኔታ ውስጥ ሲገባ በተደጋጋሚ ፊቱን፣ ጸጉሩን መዳበስ ወይም ማንኛውንም grooming action ሳያስበው ሊያሳይ ይችላል። any such gesture, non-verbal behavior

Displacement behavior ይባላል

💥 ከ Approach-Avoidance conflict ጋር የሚመጣ displacement behavior በሰዎችም በእንስሳትም ላይ ሊታይ ይችላል

Bloom's Taxonomy-

💥 የማሰብ ክህሎት ደረጃዎችን ያሳያል። ይሄ taxonomy ከዝቅተኛ እስከ ከፍተኛ የ cognitive skill levels በደረጃ ያሳያል።

የመጀመሪያውና ዝቅተኛው Remember/ ማስታወስ ነው። ለምሳሌ:- የውሃ ኬሚካል formula ምንድነው? ወይም የ USA ዋና ከተማ ማስታወስ

2ኛው Understand — የአንድን ነገር ሃሳቡን ወይም ትርጉሙን መረዳት፣ በአጭሩ ማጠቃለልን ይጨምራል። ለምሳሌ:- የውሃ ኡደትን በተገነዘብነው መንገድ በራሳችን ቃላት መግለጽ

3ኛው Apply — እውቀታችንን መተግበር ወይም ለአዲስ context ማዋል። ለምሳሌ:- ሼፍ ኬክ ለመጋገር የሚጠቀማቸውን ግብአት በ fraction ሊገልጽ ይችላል ወይም google map ተጠቅመን የመድረሻ መንገዳችንን እንለያለን

4ኛው Analyze — concepts/ሃሳቦችን መፈታታት፣ መመደብ (categorize)፣ ማቀናጀት። በመሃላቸው ያለውን ልዩነትን ተመሳሳይነትን መለየት። ለምሳሌ:- የ ምርምራችንን purpose መለየት እና የምንጠቀመውን methodology ማየት examine ማድረግ ወይም 2 ቲዎሪዎችን ማነጻጸር

5ኛው Evaluate — መገምገም። ለምሳሌ:- የ 1 theory limitation እንዲሁም ጥቅሙን መመዘን ወይም ወይም ሳይኮቴራፒ ይሰራል ብለህ ታስባለህ/ሽ?

6ኛው Create — አዲስ ሃሳብ፣ መፍትሄ እና ግኝት ማምጣት። ለምሳሌ:- አዲስ የምግብ recipe መፍጠር፣ ቤት የሚያጸዳ ሮቦት መስራት፣ ስለተደሰትንበት ነገር ግጥም መጻፍ ሊሆን ይችላል

Bloom's Taxonomy የታወቀና የሚተገበር practice ነው።

💥 እናም ስናጠና ወይም ስናነብ ማስታወስ ብቻ ሳይሆን- ከዛ ባለፈ በተለያየ ደረጃ ከ አንድ concept ጋር deal ማድረግ እንደሚቻል መዘንጋት የለብንም።

Rehearsal ~ አንድን መረጃ የመከለስ፣ የመደጋገም የ cognitive ሂደት ነው። 2 አይነት rehearsals እንይ

💥 Maintenance Rehearsal ~ ዝም ብሎ መረጃውን ያለ ሌላ cognitive processing በመደጋገም ብቻ ሚሞሪ ውስጥ ማስቀመጥ ነው።

ለምሳሌ:- የሳይኮሎጂን definition ዝም ብሎ መደጋገም በቃላችን ማስታወስ መቻል። ወይም ትራንስፖርት ላይ እየተጓዝን poster ላይ የተጻፈን ስልክ ቁጥር ወደ ስልካችን save እስክናደርግ እንደጋግመዋለን።💥 Maintenance Rehearsal ብዙ ጊዜ ለአጭር ጊዜ መረጃውን እንድንይዝ/ እንድናስተውስ ነው የሚረዳን።


💥 Elaborative Rehearsal~  አዲሱን መረጃ ከዚ በፊት ከምናቀው መረጃ፣ ዕውቀት፣ ምሳሌ ወይም የግል ልምዳችን ጋር በማስተሳሰር / connect በማድረግ ሚምሪያችን ውስጥ ስናስቀምጠው ነው።

ለምሳሌ:- አዲስ ቃል ስናጠና ከዚ በፊት ከምናቀው ቃል ጋር ወይም እንድናስታውሰው ከሚረዳን ከሌላ experience ጋር associate ማድረግ። ወይም Basic የሚባሉትን 3ቱን የሚሞሪ ኘሮሰሶች ለመረዳት Microsoft word ላይ መረጃ የምናስቀምጥበትን ሂደት እንደምሳሌ መጠቀም።

💥 Elaborative rehearsal አዲሱን መረጃ ወይም concept በጥልቀት እንድንረዳውና ለረዥም ጊዜ ሚሞሪያችን ውስጥ እንዲቀመጥ ይረዳናል።

💥 ሁለቱም የራሳቸው ጥቅምና ሚና ስላላቸው ጥናታችን ውስጥ ሁለቱንም እንደ አስፈላጊነታቸው አጣምረን መጠቀም የመማር ሂደታችንን ውጤታማ ያደርገዋል።