لە سەرەتای مانگی ئەیلولی ئەم ساڵ، بەهۆی ئەو نزیکبوونەوە ستراتیژییەی لە نێوان چاینا و میصردا لە ڕووی وەبەرهێنانی ئابوورییەوە هەیە، سەرۆکی چاینا شین جینپینگ سەردانی میصری كرد. چاینا بەهۆی دەستی کاری هەرزان لە میصر پلانی ئەوەی هەیە بایی دەیان ملیارد دۆلار کارگەی پیشەسازیی لە میصر دابمەزرێنێت، چونکە میصریش کەوتۆته سەر ڕێڕەوە ئاوییەکانی وەک دەریای ناوەڕاست و دەریای سور و، شوێنێکی جوگرافیای گرینگی لە نێوان سێ کیشوەردا هەیە، چاینا دەیەوێت لەوێوە بەرهەمی پیشەسازیی خۆی بۆ وڵاتانی ئەوروپا و ئاسیا و ئەفریقا و ئەمریکا، بە تێچووی گواستنەوەی هەرزان، بنێرێت.!
ئەم نزیکبوونەوەیەی نێوان چاینا و میصر، ئەمریکا توڕە و نیگەڕان کردووە. پێدەچێت لە دژی ئەم نزیکبوونەوەیەش، ئەمریکا ئاگری فیتنە و جەنگێکیتر لە ڕۆژهەڵاتی ناوەڕاستدا، هەڵگیرسێنێت کە ئەویش جەنگی نێوان ئیسرائیل و میصرە. ئەوەی هەستی پێبکرێت زوو یان درەنگ ئەو جەنگەش هەڵدەگیرسێت، بۆ هەڵگیرساندنی ئەم جەنگەش ئەمریکا لەلای ئیسرائیلیەکان، میصری بە پێشێلکاریی ڕێککەوتنامەی کامب دیڤیدی ساڵی ۱۹۷٨ ی لەگەڵ ئیسرائیل تۆمەتباکردووە گوایە ژێر زەمینیی نیچمە دورگەی سینای کردووە به شوێنی دەیان بنکەی سەربازیی و صەدان جۆر چەکی پێشکەوتووی تیادا حەشارداوە.!
ڕێککەوتننامەی کامب دیڤیدی نێوان ئیسرائیل و میصر لەئەنجامی جەنگی نێوان ئەو دوو وڵاتە لە ساڵی ۱۹٦۷، بە ناوبژیوانی ئەمریکا بەسترا، لەم جەنگەدا ئیسرائیل نیمچە دورگەی سینای لە میصر داگیرکرد، بەپێی ڕێکەوتنامەکەش لە ساڵی ۱۹۷٨ ئیسرائیل لەبەرامبەر بەڵێنی میصر بۆ دانەنانی هیچ بنکە و بارەگایەکی سەربازیی لە نیمچە دورگەی سینا کە نزیکە لە ئیسرائیلەوە، لە سینا کشایەوە.
ولیەم جەمیس دورانت(١٨٨٥_۱۹٨۱) فەیلەسوف و بیرمەندی ئەمریکیی لە کتێبی (چیرۆکی شارستانییەت)دا دەڵێت" لە مێژوو ۳٥۰۰ ساڵی ڕابردوودا، مرۆڤایەتیی تەنها ۲٦٨ ساڵ لە ئاشتیی و ئارامیدا بووە، ئەوەیتر هەمووی لە جەنگ و شەڕدا ژیاوە" واتا مرۆڤایەتیی لە بەرامبەر هەر ساڵێکی ئاشتیی و ئارامیدا، چواردە ساڵ لە جەنگ و شەڕدا بووە.! بۆیە جەنگەکانی نێوان (ئەمریکا و ئێران) و (سعودیە و حوسییەکانی یەمەن) و ( حەماس و ئیسرائیل) و ( ڕووسیا و ئۆکرانیا)ش کۆتاییان بێت، جەنگیتر هەڵدەگیرسێن، ئاخر هەرگیز لەبەرژەوەندی ئەمریکادا نییە، دونیا بەگشتیی و ڕۆژهەڵاتیی ناوەڕاستیش بە تایبەتی، لە ئاشتی و ئارامیدا بژیین، چونکە بەشی زۆر گەشەی ئابووریی ئەمریکا، لەسەر بنەمای جەنگ و کاولکاریی و ماڵوێرانییە، نەک ئاشتیی و ئارامیی و بنیاتنان.

بۆ هەوادارانی ئەڵمانیا

چەند کەس ئەیناسێت؟

پلەی سەربازی چییە؟

سەرۆک هێشتا بازرگانە!

دۆناڵد ترەمپ، سەرۆکی ویلایەتە ئەمریکا بڵاوکردنەوەی دوو بۆنی نوێی بۆ پیاوان و ژنان ڕاگەیاند، "Victory 45-47"، ئەمەش ئاماژەیە بۆ هەردوو گەڕی سەرۆکایەتیکردنی ئەمەریکا.

📌 شووشەکان بە شێوەیەکی سەرنجڕاکێش دیزاین کراون، بە ئاڵتون تەواو کراون و لەسەر کاپەکە پەیکەرێکی بچووکی خودی ترەمپ ڕازاوەتەوە. نرخی هەر بوتڵێک ٢٤٩ دۆلارە، لەگەڵ داشکاندنی تا ١٥٠ دۆلار بۆ کڕینی سێ شووشە.

📌 ماڵپەڕی فەرمی بۆنی پیاوان بە بەهێز و درێژخایەن و لوکس وەسف دەکات، بۆنی خانمان تیشک دەخاتە سەر گەیاندنی متمانە و جوانی و هێزی ناوەوە.

📌 سەرەڕای ئەو بانگەشە بەهێزە، ماڵپەڕەکە ڕوونی دەکاتەوە کە بۆنەکان ڕاستەوخۆ لەلایەن ترەمپەوە بەرهەم نەهێنراون بەڵکو مۆڵەتیان لەژێر مارکەی ئەودا هەیە، جەخت لەوە دەکاتەوە کە بەرهەمی ناسیاسییە.

📌 خستنەبازاڕی ئەو بۆنە ڕەخنەی زۆری لێ گیرا، هەندێکیش نرخەکەی بە زیادەڕۆیی دەزانن. یەکێک لە پێداچوونەوەکان لەسەر فراگرێنتیکا بۆنەکەی بە "مامناوەند، بەڵام خراپ نییە" وەسف کردووە.

📌 بڵاوکردنەوەی نوێی بۆنەکانی ترامپ دوای ئەوە دێت کە بۆنەکانی پێشووی ترامپ وەک "ڤیکتۆری ٤٥" و "شەڕ، شەڕ، شەڕ" فرۆشراون و ئێستا لە سایتەکانی دووبارە فرۆشتنەوەی وەک ئیبەی نرخێکی زۆریان بۆ دێت.

📌 بۆنەکان تەنها بەشێکن لە ئیمپراتۆریەتی بازرگانی ترەمپ کە هاوکات دراوێکی دیجیتاڵی بە ناوی $TRUMP و کاتژمێری لوکس و کتێبێکی کۆمیک بە ناوی "رزگارکردنی ئەمریکا" لەخۆدەگرێت.

📌 لە ساڵی ٢٠٢٤دا ترەمپ نزیکەی ٣١٥ ملیۆن دۆلاری لە دراوە دیجیتاڵەکەی و ٥٧ ملیۆن دۆلار لە دراوەکانی دیکە و ٢.٨ ملیۆن دۆلاری لە کاتژمێر و ٣ ملیۆن دۆلار لە کتێب و ٥٠ ملیۆن دۆلاری لە هاوینەهەواری مار-ئە لاگۆ بەدەستهێناوە. سامانەکەی بە ٥.٢ ملیار دۆلار مەزەندە دەکرێت.

هاوکاری ئیسرائیل و عەرەبستان لە یەمەن سەرنجڕاکێشە:

ئەوەی کە تا ئێستا ڕوونە، BIBI و MBZ و MBS، لەسەر یەمەن ڕێککەوتنێکیان هەیە. ڕێککەوتنێک کە لە ئاراستەی ئەوەدایە لەیەکتر نەدەن و تەنانەت یارمەتی یەکتر تا خاڵێکی دیاریکراو بدەن.

ئیسرائیل و ئیمارات هاوکاریی عەرەبستانیان کرد بۆ ئەوەی بەشێک لە خاکی یەمەن لەژێر دەسەڵاتی حوسیەکان بێتە دەر، بەڵام هاوکارییەکانیان بە واتای ئەوە نییە تا کۆتایی پێکەوە «هاوپەیمان» بمێننەوە؛ سنوورێکی دیاریکراو هەیە بۆ هاوکاری و چوونەپێشەوەی هێزەکانی نزیک لە عەرەبستان. لەو سنوورە بترازێت، ڕەنگە تەنانەت بەریەکبکەون.

هەڵسوکەوتێکی بەتەواوی ڕیالیستی لە نێوان ئەم دەوڵەتانەدا دەبینین، کە هیچکامیان خۆیان پابەند بە هاوکاریی یەکتر تا کۆتایی نابینن. وەک چۆن دوژمنایەتی تا سەر نییە، هاوپەیمانیش تا سەر نییە.

کارناسانی یەمەنی باس لەوە دەکەن کە هێزەکانی نزیک لە ئیمارات و عەرەبستان، لە کاتی ئۆپەراسیۆنەکەدا وەک جاران لەیەکتریان نەداوە، واتە جۆرێک لە ڕێککەوتنی تاکتیکی لەنێوانیاندا هەیە بۆ ئامانجێکی تایبەت. بەڵام پێناچێت ئیسرائیل و ئیمارات تا کۆتایی یارمەتیدەری عەرەبستان بن، چونکە بەرەپێشچوونەکانی عەرەبستان لە یەمەن دەتوانێت لە داهاتوودا ببێتە کێشە بۆ ئیسرائیل و ئیمارات. واتە سنوورێکی دیاریکراو بۆ هەر سێ یاریکەرە سەرەکییەکە هەیە لەسەر زەمین!

گریمانەی ئەوەی کە تورکیا و عەرەبستان بیانەوێت بەشێک لە هێزە سوننەکانی سووریا بگوازنەوە بۆ یەمەن زۆر لەسەرە، بەتایبەت ئەو گرووپانەی کە خەڵکی ئاسیای نێوەڕاستن و بە پارە شەڕ بۆ وڵاتان دەکەن. ئیسرائیل ئەمەی تا ئاستێک بەدڵە، چونکە ئەو گرووپانە لە سنوورەکانی ئیسرائیل دوور دەکەونەوە و شەڕی هێزێک دەکەن کە ئیسرائیل بە دوژمنی خۆیانی دەزانێت!

ڕووداوەکانی یەمەن کاریگەریی دەبێت لەسەر ڕووداوەکانی لیبیا، بەتایبەت دوای ئەوەی کە ئاشکرا کرا سەدام حەفتەر، کوڕی خەلیفە حەفتەر، لە کۆبوونەوەی سەرکردەی وڵاتانی عەرەبی و نەتەنیاهۆ بووە.

زانیاری یاسایی لەسەر نرخی دۆلار بەرامبەر دینار

•ئەوەی نرخی دۆلار بەرامبەر دینار لەعێراقدا دیاری دەكات، بانكی ناوەندیە نەوەك پەرلەمان، لە ئێستادا لە زۆرێك لە میدیاكانەوە دەبینین كە دەڵێن پەرلەمانی عێراق نرخی دینار بە ١٥٠٠ دینار بەرامبەر دۆلارێك جێگیردەكات، ئەمەش شتێكی هەڵەیە و لە دەسەڵاتی دەستووری پەرلەماندا نیە ئەم كارەبكات.

•دەبێت چاوەكان لەسەر بانكی ناوەندی بن بۆ نرخی دینار پاشان یاسای بودجەی ٢٠٢٧ی عێراق، چونكە عادەتەن لە یاسای بودجە داهاتی فرۆشتنی نەوت بە دۆلار لەسەر نرخی فەرمی بانكی ناوەندی جێگیردەكرێت.

•بۆ ئەوەی بزانی چۆن دینار دێتە گیرفانی تۆ ئەمە بخوێنەرەوە:

عێراق نەوت بە دۆلار ئەفرۆشێ، كاتێك ئەم دۆلارە دێتە عێراق، دەچێتە سەر حسابی وەزارەتی دارایی، وەزارەت بۆ ئەوەی مووچە دابەش بكات پێویستی بە دینارە، بۆیە دەینێرێ بۆ بانكی ناوەندی ئەویش بۆی دەگۆڕێتەوە، بەمەش دۆلار چووە ناو یەدەگی بانكی مەركەزی، دیناریش دێتە ناو بازاڕ.

تەبعەن لە عێراقدا بە پێی یاسا و دەستوور شتی وا نییە پەڕلەمان بڕیاری بەرزکردنەوەی نرخی دۆلار و شکاندنی دینار بکات ! یاسا و قانوون لە عێراقدا تەنها چەند نوسراوی سەر کاغەزێکەو هیچی تر !