🐓🥚Хәерле көн, дуслар. Яндыра, шулай бит. Атна азагына эсселек кимергә тиеш. Хәер, җәй шундый булырга тиеш тә. Кайбер якларда инде печән өстенә дә чыктылар. Һәм... тавык-чебешләр дә өлгерде. Күпләр аларны йолкып, туңдыргычка тутыра.

Соңгы елларда зуррак чебешләр сатып алабыз, мәшәкате азрак. Ә менә Казанда яшәүче журналист Лилия Гәрәева чебиләрне инкубаторда үзе чыгара. Бу шөгыле турында ул бик яратып сөйли:
-Чебиләрне башта бер атна Казандагы квартирабызда тотам. Аннан авылга кайтарам. Моны үземнең ике атналык җәйге ялыма туры китерәм. Кечкенә вакытта аларга гел күз-колак кирәк, үзләрен генә калдырып китеп булмый. Ике атна яшь бала караган кебек итеп авылда карыйм. Алар аннан безнең ярдәмсез генә диярлек үсә, чөнки безгә Казанга китәргә кирәк. Ирем ясаган бункерлы җимлеккә 3 капчык азык сыя. Суны махсус поилкадан эчәләр. Дөрес, су белән проблема бар: 75 литрлы мичкәдәге су 3 кенә көнгә җитә. Рәхмәт яусын туган апайга, суны ул килеп өстәп китә. 45-50 көннән чебиләр үсеп җитлегә.

Журнал «Татарстан»

🌧️Хәерле ял көннәре булсын, дуслар!

Бүген кемдер бакчада эшли, кемдер су буенда кызынадыр. Ләкин күпләребез өй җыештыру, кер юу белән мәшгуль, чөнки иртәгә барлык мөселманнарның изге бәйрәме – Корбан гаете. Ә бу бәйрәмне чистарынып каршылыйбыз...
Кичә, аның алдагы көнендә дә Россия Гадәттән тыш хәлләр министрлыгының Татарстан буенча Баш идарәсе республикада көчле яңгырлар булачак дип хәбәр итте. Секундына 20-23 метрга кадәр кыска вакытлы көчәючән җил белән боз явуы һәм яшен булуы мөмкин дип тә кисәтте. Синоптиклар ялгышмады: Яшел Үзәннең күп кенә бистә, авылларында көчле яңгырлар, боз яуды.
-Көндезге өчләр тирәсендә без яшәгән Ореховка бистәсендә бик көчле җил чыкты, кайбер кешеләрнең түбәләрен алып аткан,- диде биредә яшәүче Ләйлә Рәхмәтуллина. – Күрше Тура бистәсе, Салават күперендә дә көчле яңгырлар яуган, ә Иннополиста давыл тагын да көчлерәк булган, боз яуган.

Журнал «Татарстан»

Село Барда Пермского края принимает XIV Всероссийский сельский Сабантуй–2024. Народный праздник прошел в Бардымском округе, который в этом году отмечает свое 100-летие. Установлены рекорды России по приготовлению традиционного татарского блюда «Азу по-татарски»: более 3000 порций, а в соревнованиях по поясной борьбе корэш было выполнено «наибольшее количество бросков». Праздник удался, прошел весело и на высоком уровне. Спасибо организаторам!

Милли бәйрәмебез Сабантуйны оештырган тырыш һәм кунакчыл Барда халкына бик зур рәхмәт! Киләчәктә дә матур һәм имин тормышлар телим!

Иртәгә, ягъни 16 июньдә республикабыз шәһәр һәм районнарында Корбан гаете уңаеннангомумшәһәр балалар һәм гаилә бәйрәмнәре узачак.
Мөхтәсибәтләр гадәттәгечә паркларда һәм мәчет янында бәйрәмнәр оештырачак. Кунаклар өчен сый-нигъмәт, төрле бәйгеләр, викториналар, милли уеннар каралган. Шулай ук мәдәни программа да булачак. Очсыз бәядән хәләл ризыклар сатыла торган сәүдә нокталары да эшлиячәк.
Төп чара – Кремль яр буенда традицион гаилә фестивале – “Корбан фест” узачак. Ул 17.00 башлана һәм 21.00 гә кадәр дәвам итәчәк. Фестиваль программасы ике өлешкә бүленгән: балалар сәхнәсе аерым булачак, ди оештыручылар. Гадәттәгечә, бәйрәмдә ярминкә дә эшлиячәк. Күңел ачу программасына балалар һәм өлкәннәр өчен мастер-класслар, шулай ук төрле ярышлар керә. Җиңүчеләргә 20 мең һәм 30 мең мумлык бүләк сертификатлары тапшырылачак.

Журнал «Татарстан»

🤲🏻Корбан гаетебез мөбәрәк булсын. Әйе, бүген мәчетләребездә бәйрәм намазы укылды, вәгазьләр сөйләнде. Һәм һәр өйдә таба исе чыкты.

Һәр төбәкнең үзенә генә хас ризыгы була. Яшел Үзәндә ул кабартма. Олы Ачасыр авылында яшәүче Кадрия Гарәфетдинова да якыннарын бик еш кабартма белән сыйлый.
-Кабартма камырының бөтен сере: сөтне җылытам, ә йомырканың агын салмыйм, камырны катыра ул, - диде Кадрия апа. – Аннан соң озак иттереп басам. Камыр кулга ябышмаслык булгач, җылы урынга кабартырга куям. Кабартмаларны ясагач та табада ун-унбиш минут тотам, аннан соң гына мичкә куям.
Мамык кебек йомшак, күпереп торган кабартмалардан без дә авыз иттек. Искиткеч тәмле!

Кадрия Гарәфетдиновадан кабартма рецепты:
1. Сөт – ярты литр
2. Йомырка – 3 данә
3. Шикәр комы – 100 гр
4. Сары май – 150 гр
5. Майонез – 1 аш кашыгы
6. Он – 4-5 стакан
7. Юеш чүпрә – 50 гр
8. Тоз – тәменчә

Журнал «Татарстан»