لى حصول المهدي على الهداية والتوفيق من الله عز وجل👌
◇شكل المهدي:
قال عنه رسول الله ﷺ:
" المَهْديُّ منِّي، أجلى الجبهةِ، أقنى الأنفِ"
أجلى الجبهة يعني جبهته كبيرة وشعر رأس مُنحسر، يعني زي ما بنقول أقرع من مقدمة رأسه😅
وأقنى الأنف معناها:
أنفه طويلة وأرنبة أنفه صغيرة ..نهاية أنفه يعني، وفي وسط الأنف حَدب يعني في ارتفاع عند قصبة الأنف بدون ما يكون شكلها قبيح، وهي نفس أنف رسول الله ﷺ.
◇مدة حكمه:
يحكم في الأرض سبع سنين أو ثمانية، يسقيه الله الغيث، يعني المطر النافع إللي يخرج بسببه النبات، والأرض هتخرج نباتها وتكثر الماشية وتعظم الأمة في عهده،
ويكثر المال لدرجة إنه لما ييجي يعطي واحد المال يُحثِيه حَثْيا، يعني يكبش بإيده ويعطيه،
فهو مش هيعد المال ويعطيه للناس لكن هيكبش المال بإيده🤲 ويعطيه للناس،
المكان إللي هيخرج منه المهدي غير معروف، وفي حديث بيقول إنه هيخرج من الشرق من ناحية خُراسان، لكن الحديث ده اختلف عليه العلماء في علماء قالوا إنه حديث حسن وعلماء تانيين ضعّفوه ومنهم الشيخ الألباني،
فمفيش حديث ثابت بيأكد على مكان خروج المهدي،

☆ملحوظة : في أحاديث غير صريحة العلماء استنبطوا منها إن الكلام فيها عن المهدي،
زي الحديث إللي عائشة رضي الله عنها قالته عن رسول الله ﷺ:
" قالت: "عبث رسول الله ﷺ في منامه -يعني اضطرب جسمه وهو نائم-
فقلنا: يا رسول الله، صنعت شيئًا في منامك لم تكن تفعله؟ فقال: العجب إن ناسًا من أمتي يؤُمُّون بالبيت برجل من قريش قد لجأ بالبيت حتى إذا كانوا بالبيداء خُسف بهم
فقلنا: يا رسول الله، إن الطريق قد يجمع الناس؟
قال:نعم فيهم المسُتَبصر، والمجبور، وابن السبيل، يهلكون مهلكًا واحدًا، ويَصدرون مصادر شتى، يبعثهم الله على نياتهم"
والحديث معناه إن في واحد هيهرب ويحتمي بالبيت، لكن في جيش هييجي عشان يغزو مكة ويقاتل الرجل ده،
فلما يكونوا في وسط الطريق بين مكة والمدينة يخسف الله بهم جميعا،
فالصحابة قالوا إن الطريق بيجمع الناس،يعني الطريق فيه جيش وفيه إللي خارج للحج أو العمرة وفيه المسافر،
فكده في ناس هيخسف وهم مش تبع الجيش🤔
فرسول الله ﷺ وضح لهم إن فيهم المُسْتَبصر يعني:
المُستبين العالم العامد بالقضية وأنه ذاهب لغزو مكة،
وفيهم المجبور :يعني إللي خارج وهو مُكره،
وفيهم ابن السبيل يعني إللي ماشي معهم في الطريق وليس منهم فرأى جيش فمشى جنبه،
فدول كلهم ربنا يخسف بهم الأرض ويوم القيامة يبعثوا على نياتهم كل واحد كانت نيته إيه،
فالعلماء قالوا إن العائذ إللي لجأ بالبيت ده هو المهدي،
والسبب في إنه هرب للكعبة إن الناس كانوا عايزين يبايعوه على الخلافة لكن هو كان رافض،
ودي علامة صلاحه لأن خائف من مسؤولية حمل الأمانة،
فحاول إنه يبعد عنها ويزهد فيها لعل ربنا يعينه عليها لو الناس صمموا على مبايعته،
لأن رسول الله ﷺ قال إن الإمارة حسرة وندامة، فلو حد سأل الإمارة وأخذها بيُوكل إليها وربنا لا يعينه عليها،
أما إللي بيعطى الإمارة من غير ما يسألها ده ربنا بيعينه ويوفقه ويسدده ويرشده،
فالمهدي كان يرجو إن السداد والتوفيق من الله عز وجل،

♡وهنا في فائدة مهمة وهي البعد عن أهل الظلم والمعاصي وإنه ميكنش معاهم في اجتماع ولا في مكان ولا حتى لو مجرد مصاحبة في الطريق، لأن لو عقاب ربنا نزل عليهم هيلحقه معهم،
ومثال على كده الأفراح المختلطة والحفلات إللي فيها أغاني ورقص ومعاصي ومنكرات،
وأنا مش عارفة انتم شوفتم الفيديو بتاع حفلة الفرقة الموسيقية إللي ابتلعها الموج وكان فيها مسلمين وكان فيها أطفال،
فالأصل إننا نبعد عن أهل المعاصي والظلمة عشان لا يلحقنا العقاب معهم سواء في الدنيا أو في الآخرة.

قلنا إن المهدي هيحكم سبع سنين أو ثمانية، خلال السبع سنين دول هتحصل أحداث عظيمة،
من الأحداث دي علامة من علامات الساعة الصغرى وهي: 71◇الملاحم،
والملاحم هي القتال بين المسلمين والروم من جهة وبين المسلمين واليهود ومعهم الدجال من جهة تانية،
والقتال بين المسلمين والروم له مقدمة،
فاكرين لما قلنا في الحديث :
" أُعدُدْ ستًّا بين يدي الساعةِ :
مَوتي ؛
ثم فتحُ بيتِ المقدسِ ،
ثم مُوتانِ يأخذ فيكم كقُعاصِ الغنمِ ،
ثم استفاضةُ المالِ حتى يُعطَى الرجلُ مائةَ دينارٍ ، فيظلُ ساخطًا ،
ثم فتنةٌ لا يبقى بيتٌ من العربِ إلا دخلَتْه ،

《ثم هُدنةٌ تكون بينكم وبين بني الأصفرِ ، فيغْدرون ، فيأتونكم تحت ثمانينَ غايةً ، تحت كلِّ غايةٍ اثنا عشرَ ألفًا》

احنا اتكلمنا عنهم كلهم ما عدا علامة الهدنة،
وهي دي بداية الملحمة الكبرى، هيحصل بين المسلمين بين الروم إللي هم النصارى هُدنة أو صلح،
والنصارى من بداية الإسلام وهم بيحاربوا المسلمين على مر العصور من أول عهد رسول الله ﷺ في معركة مؤتة إللي هنتكلم عنها في السيرة لما ييجي وقتها إن شاء الله،
مرورا بالحملات الصليبية وتحالف النصارى مع التتار لحد اعتداء الروم النصارى على المسلمين في عصرنا الحديث سواء في العراق أو أفغانستان أو غيرها من البلدان،
فبعد

الصراع الطويل ده هيحصل هدنة وصلح يأمن فيها المسلمين على أنفسهم ويأمن فيها الروم على أنفسهم،
وهيبقى في عدو مشترك للروم و المسلمين،
فالروم والمسلمين هيتحدوا مع بعض ويعملوا جيش يقاتلوا العدو ده، هل العدو المشترك ده هم التّرك ولاّ الصين ولاّ الهند ولاّ غيرهم الله أعلم🤷‍♂️
المهم إن المسلمين والنصارى هينتصروا على العدو ده وهيغنموا كمان وهيرجعوا سالمين يعني مش هيبقى في قتلى منهم كثير،
وبعدين يرجعوا لحد ما ينزلوا منطقة اسمها مَرج ذي تُلول،
والمرج معناه أرض واسعة فيها نباتات كثيرة ترعى فيها الدواب،
والتلول معناها: كل ما اجتمع من الأرض من رمل أو تراب،
والمكان ده قريب من الحدود السورية التركية في زماننا دلوقتي،
لما الجيش ينزل المكان ده واحد من النصارى هيرفع الصليب ويقول : غلب الصليب، يعني الصليب انتصر،
فهنا واحد من المسلمين هيغضب ويقوم يأخذ منه الصليب ويكسره ويقول المسلم: بل الله غلب😤
فيغدر الروم ويجتمعوا على المسلم فيقتلوه، فهنا يثور المسلمون ويأخذوا سلاحهم ويقاتلوا الكفار،
لكن الله سبحانه وتعالى يشاء إن المجموعة دي وهي طليعة المسلمين إنهم يُقتلوا كلهم ويكرمهم الله بالشهادة ، ويقول الروم لقائدهم : كفيناك حد العرب وبأسهم!
يعني خلاص قضينا على العرب، والعرب في الوقت ده هيكون عددهم قليل، لكن المسلمين بصفة عامة عددهم كبير،
النصارى هيبدأوا يجمعوا جيش لاكتساح المسلمين والقضاء عليهم،
ويأتوا للمسلمين تحت ثمانين غايو أو راية، كل راية تحتها اثنا عشر ألف مقاتل، يعني جيش الروم هيبقى عدده 960 ألف، يعني قريب من المليون مقاتل من الرومان،
والجيش ده هينزل في منطقة اسمها مَرْج دابق، وهي منطقة قريبة من حلب،
فهيخرج من مدينة حلب أو مدينة دمشق للجيش الروماني جيش من خيار أهل الأرض في الزمن ده،
فإذا تصافّ الجيشان، يعني وقفوا قصاد بعض قالت الروم:
" خلّوا بيننا وبين الذين سُبوا -أو سَبوا- منا، نقاتلهم"
يعني جيش المسلمين هيكون فيه روم أسلموا، وانضموا لجيش المسلمين،
فالروم النصارى بيقولوا للمسلمين احنا عايزين نقاتل أبناء جلدتنا مش عايزين نقاتل غيرهم،
فالمسلمين هيقولوا لهم:
" لا والله لا نُخلي بينكم وبين إخواننا"
يعني صحيح إن أصلهم منكم، وأصلهم من الروم لكن لما أسلموا خلاص بقوا إخواننا ولا يمكن نتخلى عنهم، لا يمكن نتركهم ولا نسلمهم إليكم، فيبدأ القتال بين الروم والمسلمين.

☆ملحوظة:
القتال هيكون بالسيوف والرماح والسهام، يعني في الوقت ده مش هيبقى في تكنولوجيا ولا أسلحة آلية،
هترجع البشرية للعصور القديمة، لكن هترجع إزاي الله أعلم🤷‍♂️
لكن متنسوش إن الزلازل هتبقى منتشرة جدا في كل أنحاء الأرض وكذلك البراكين، وأشد أعداء التكنولجيا والمباني الزلازل والبراكين،
المباني لن تستقيم وتفضل زي ما هي مع كثرة الزلازل، وفي مرة حصل إن بركان ثار في جزيرة أيسلندا فتعطل الطيران فيها شهر،
وفي حاجة اسمها الطيف الشمسي لو زاد ولو بنسبة بسيطة كل أجهزة السات لايت في الفضاء الخارجي هتتعطل،
وممكن تحصل حرب عالمية ثالثة وده احتمال وارد جدا،و أكيد الأسلحة في الحرب دي هتبقى الأسلحة المتطورة،
فتخيلوا لما تحصل الحرب بالأسلحة دي هتكون النتيجة إيه😅
ده غير إن كل حضارة لها نهاية،.
الفراعنة كان عندهم التحنيط مثلا ومع ذلك احنا منعرفش عنه حاجة، اندثر مع الفراعنة،
وكذلك عاد وثمود مفيش حاجة باقية من حضارتهم مع إن كان فيهم ناجين مسلمين،
لكن كل الحضارات السابقة اندثرت وانتهت، ففي زمن المهدي إللي هيكون فيه القتال بالسيوف هتكون فيه الحضارة بتاعتنا انتهت خلاص👌

إيه بقى نتيجة الحرب إللي كانت بين المسلمين وبين الروم🤔
ده إللي هنعرفه الجزء الجاي إن شاء الله يوم الإثنين القادم🙈
معذرة يا جماعة، عندي التهاب وورم في رسغ إيدي اليمين وباخد علاج ولازم أريح إيدي عشان أخفف الضغط على الأوتار شوية، فاسمحولي معلش❤

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊


#Eman_Shalapy

⭐ المصادر ⭐



https://islamqa.info/ar/answers/1252/هل-المهدي-حقيقة-ام-لا


https://islamqa.info/ar/answers/43840/حقيقة-المهدي-وترتيب-اشراط-الساعة


https://library.islamweb.net/ar/fatwa/19644/خبر-القحطانيوطريقة-حكمه


https://www.islamweb.net/ar/fatwa/174493/


https://www.islamweb.net/ar/fatwa/164881/


https://www.google.com/amp/s/islamqa.info/amp/ar/answers/230143


https://almunajjid.com/courses/lessons/346


https://www.google.com/url?sa=t&source=web&rct=j&url=https://almunajjid.com/courses/lessons/347&ved=2ahUKEwiGrP_ooLrkAhUCZlAKHS0VCyUQFjAAegQIAxAB&usg=AOvVaw2V3HMzkbrCzGUgzIV_Yi8X

رابط القناة الشامل لقصص الأنبياء و السيرة النبوية
https://t.me/joinchat/AAAAAEhulzm7RmVxsli1pQ

#قصص_الأنبياء(٢)
#السيرة_النبوية
#الحلقة_مائة_وواحد_وعشرون
#علامات_الساعة_الكبرى_الجزء_الثاني
#حقيقة_هَرْمَجدُّون_والملحمة_الكبرى
#المسيح_الدجال_الجزء_الأول

وقفنا المرة إللي فاتت عند القتال إللي حصل بين المسلمين والروم في أكبر معركة بين المسلمين والروم النصارى على مر التاريخ،
فالمعركة دي أول معركة يقابل فيها جيش من النصارى قريب من المليون،
وقائد المسلمين ساعتها على حسب شرح العلماء للأحاديث هو المهدي إللي اتكلمنا عنه المرة إللي فاتت،

☆ملحوظة:
الشيعة الرافضة عندهم مهدي اسمه محمد العسكري، بيقولوا إنه دخل في السرداب من زمان وعايش فيه بقاله سنين طويلة وهيخرج في آخر الزمان من مدينة سامراء وكلام كتير كده ده كله كذب وافتراء ملناش دعوة بيه🙄
عشان بس محدش يتلخبط بين المهدي الحقيقي إللي أخبر عنه رسول الله ﷺ في الأحاديث الصحيحة وبين المهدي المزعوم إللي الشيعة بيقولوا عليه👌

نرجع للمعركة،
أول ما يبدأ القتال هينهزم ثلث الجيش المسلم، قال عنهم رسول جالله ﷺ:
" فينهزم ثلث لا يتوب الله عليه أبداً"
الثلث إللي انهزم ده ثلث عاص عمل كبيرة من الكبائر وهي الفرار من الزحف، والثلث ده لن يقدر الله لهم توبة ولن يوفقهم للتوبة،
أما ثلث الجيش المسلم الثاني فيهقتلهم الروم ويموتوا شهداء في سبيل الله،
قال عنهم رسول الله ﷺ:
" ويُقتل ثلثهم، أفضل الشهداء عند الله"
يعني الثلث الثاني إللي هيُقتل ده هم أفضل الشهداء عند الله،
كده هيتبقى ثلث الجيش المسلم الأخير، والثلث ده هو إللي هينتصر ولن يُفتنوا في دينهم ولن يتركوا دينهم لحد ما يموتوا،
قال عنهم رسول الله ﷺ:
" ويَفتتح الثلث لا يُفتنون أبداً"
إيه بقى أحداث المعركة دي وإزاي هينتصر المسلمون على الروم🤔
مبدئيا مقر جيش المسلمين هيكون في مدينة اسمها الغوطة إلى جانب مدينة دمشق في مكان البساتين،
☆ومدينة الغوطة معروفة في سوريا في زماننا دلوقتي وحصل فيها مجازر على يد قوات بشار الأسد ربنا ينتقم منهم جميعا 😞
قال رسول الله ﷺ:
" إن فُسطاط المسلمين يوم الملحمة بالغوطة إلى جانب مدينة يُقال لها: دمشق من خير مدائن الشام"
أما مكان المعركة هيكون بقرب مدينة حلب في منطقة مرج دابق إللي قلنا عليها المرة إللي فاتت،
القتال هيبدأ بين الثلث الباقي من جيش المسلمين وبين جيش الروم، "فيشترط المسلمون شُرطة للموت لا ترجع إلا غالبة"
يعني مجموعة من المسلمين هيقولوا لبعض تعالوا نهجم على جيش الروم نقاتلهم فإما نرجع بعد ما نغلبهم يا إما نموت،
فيقتتل جيش المسلمين مع جيش الروم لحد ما ييجي الليل فيرجع كل جيش للمعسكر بتاعه من غير ما يكون في طرف منتصر،
وفي نفس الوقت شرطة الموت هتكون هجمت لكنها هتُقتل جميعا وتفنى في سبيل الله وميتبقاش منهم ولا واحد،
تاني يوم هيشترط المسلمون شرطة للموت مرة ثانية ويهجم الجيش المسلم على جيش الروم ومعاهم شرطة الموت فيقتتلون،
والنتيجة هتكون مقتل شرطة الموت كلها، وبرده هيرجع الجيشان عند الليل من غير ما يكون في طرف منتصر على الثاني😕
اليوم الثالث هيحصل نفس الموضوع، يشترط المسلمون شرطة للموت لا ترجع إلا غالبة، فيقتتلون لحد المساء فيرجع الجيشين كل واحد للمعسكر بتاعه من غير ما يكون في طرف غالب وتفنى شرطة الموت،
"فإذا كان يوم الرابع ، نهَد إليهم بقية أهل الإسلام فيجعل الله الدبرة عليهم، فيُقتلون مقتلةً لا يُرى مثلها، أو لم يُرَ مثلها حتى إن الطائر ليمر بجنباتهم، فما يَخلُفهم حتى يَخِر ميتاً"
يعني أخبار القتال بين جيش الروم وجيش المسلمين هتكون انتشرت في كل مكان،
ففي اليوم الرابع هيقوم بقية أهل الإسلام ويلتحقوا بالجيش المسلم لقتال جيش الروم،
وهتحصل مقتلة كبيرة جدا في جيش الروم النصارى لدرجة إن الجثث هتبقى مالية الأرض والجثث هتبقى منتنة،
وهتخلي الهواء في الجو مُنتن لدرجة إن لو طائر عدّى من المكان هيقع ميت من الرائحة المنتنة الموجودة بسبب فساد الهواء إللي فوق الجثث الميتة،
وبعد المعركة يبدأ الناس يشوفوا من الباقي من أهلهم فيلاقوا إن من عيلة واحدة كانوا مائة مش باقي منهم غير رجل واحد ، فهنا محدش هيفرح بغنيمة ولا هيبقى في قسمة للميراث،
ودي من علامات الساعة الصغرى قال رسول الله ﷺ:
" إن الساعة لا تقوم حتى لا يُقسم ميراث ولا يُفرح بغنيمة"

كده انتصر المسلمون على جيش الروم في معركة مرج دابق، بعدها هيتوجهوا لأقوى مدينة للنصارى قريبة من المكان إللي هم فيه وهي مدينة القسطنطينية👌

☆قبل ما نعرف إيه حكاية القسطنطينية في نقطة محتاجة توضيح، احنا كمسلمين في ديننا الإسلام معروف اسم المعركة إللي هتحصل بين المسلمين وبين جيش الروم النصارى في آخر الزمان باسم الملحمة الكبرى أو معركة 《مرج دابق》، أو 《الأعماق》
المعركة دي ماسمهاش:《هَرْمَجِدّون》😬
الكلمة دي ملهاش أي وجود في ديننا لا اسماً ، ولا وُقوعاً ، لا في أحاديث صحيحة ، ولا ضعيفة 🙅‍♂️❌
الكلمة دي أصلها كلمة عبرية ومعناها : تل مَجِدّو أو مجيدو، ومجدو دي مدينة في فلسطين،
فالكلمة دي موجودة عند اليهود في

التوراة المُحرفة والنصارى أخذوها منهم،
فأي معلومات عن معركة هرمجدون هي من كتب اليهود والنصارى ملناش دعوة بيهم لأن المعركة إللي في ديننا مختلفة تماما عن معركة هرمجدون دي،
فمينفعش حد ييجي يقول إن الملحمة الكبرى أو معركة مرج دابق هي نفسها هرمجدون بتاعة اليهود والنصارى أو يسميها بنفس الاسم👌
وخصوصا إن :
◇أولا:
الملحمة الكبرى وصفها ومكانها ثابت من رسول الله ﷺ الذي لا ينطق عن الهوى،
أما هرمجدون هو مجرد اسم للمكان إللي اليهود والنصارى بيدَّعو إن المعركة هتحصل فيه، ومحدش يعرف هل فعلا المعركة دي حقيقية وثابتة ولاّ لأ 🤷‍♂️

◇ثانيا:
الملحمة الكبرى هتكون بين المسلمين أتباع محمد ﷺ وبين النصارى الضالين وربنا هينصر المسلمين،
في حين يدَّعي أهل الكتاب إن الطرفين المقاتلين في معركة "هرمجدون" هما :
قوى الخير إللي بيمثلها النصارى🙄
وقوى الشر إللي بيمثلها المسلمين وكل من يُحَالفهم من الوثنيين، ولفظ الوثنيين عندهم يدخل فيه:
الصينيون ، والكوريون ، والفيتناميون ، واليابانيون،
وإللي التوراة بتسميهم : " يأجوج ومأجوج"
يعني حاجة مختلفة تماما عن الملحمة الكبرى إللي أخبر عنها رسول الله ﷺ، فنصدق مين بقى، رسول الله ﷺ الذي لا ينطق عن الهوى ولاّ كلام اليهود والنصارى🤷‍♂️
《الكلام بالتفصيل عن هرمجدون هتلاقوا الرابط في التعليقات من موقع الإسلام سؤال وجواب👇》

نرجع بقى لقصة فتح القسطنطينية، القسطنطينية كانت اسمها في القديم مدينة بيزنطة، ولما مَلَك قُسطنطين الأكبر مَلِك الروم بنى عليها سور وسماها قسطنطينية وخلاها عاصمة مُلكه،
وهي حاليا العاصمة التركية اسطنبول، ومدينة اسطنبول على شكل مثلث جزئين منها في البحر وجزء منها في البر،
رسول الله ﷺ بشر إن القسطنيطية هتُفتح قبل روما،
وفعلا تم فتح مدينة القسطنطينية على يد محمد الفاتح، لكن الفتح ده كان بالقتال واستخدام المدافع،
ومعنى كلمة فتح هي إن المدينة تكون تحت حكم المسلمين يحكموا فيها بشريعة الإسلام،
لكن دلوقتي القسطنيطنية أو اسطنبول حاليا دولة علمانية لا يُحكم فيها بشرع الله،
خرجت من أيدي المسلمين من ساعة ما أعلنت حكومتهم هناك أنها غير إسلامية وغير دينية وعاهدت الكفار أعداء الإسلام وحكمت أمتها بأحكام القوانين الوثنية الكافرة، وهييجي يوم ويستولي عليها النصارى وبعد معركة مرج دابق أو الملحمة الكبرى هيتوجه المسلمون لفتح القسطنيطنية مرة ثانية فتح إسلامي،
لكن المرة دي مش هيفتحوها بالقتال، هيفتحوها بالتكبير والتهليل،
يعني هيقعدوا يكبروا ويهللوا لحد ما تسقط المدينة وتكون في أيدي المسلمين ويحكموها بشرع الله،
أول ما يوصلوا هيقولوا لا إله إلا الله والله أكبر ويفضلوا يهللوا ويكبروا لحد ما هيستسلم أول جزء منها إللي على البحر،
ويهللوا يكبروا للمرة الثانية فيستسلم الجزء الثاني إللي في ناحية البحر،
ويهللوا ويكبروا للمرة الثالثة فيُفرج لهم فيدخلوا المدينة،
وهيكون في الجيش إللي هيفتح القسطنيطنية سبعون ألف من بني إسحاق، يعني سبعون ألف من الروم المسلمين،
قال رسول الله ﷺ:
سمعتم بمدينة جانب منها في البر وجانب منها في البحر؟ قالوا: نعم يا رسول الله،
قال: لا تقوم الساعة حتى يغزوها سبعون ألفاً من بني إسحاق، فإذا جاؤوها نزلوا فلم يقاتلوا بسلاح ولم يرموا بسهم،
قالوا: لا إله إلا الله والله أكبر فيسقط أحد جانبيها الذي في البحر، ثم يقولون الثانية: لا إله إلا الله والله أكبر، فيسقط جانبها الآخر،
ثم يقولوا الثالثة: لا إله إلا الله والله أكبر، فيفرج لهم، فيدخلوها فيغنموا"

☆ملحوظة😅
في ناس بتقول إن الفتح الثاني للقسطنيطنية ده حصل بعد فشل الانقلاب الأخير في تركيا لأن الناس خرجوا بيهللوا ويكبروا،
طبعا الكلام ده غلط، لأن فتح القسطنطينية هيكون بعد الملحمة الكبرى في آخر الزمان واحنا مش في آخر الزمان، ده غير إن تركيا لحد دلوقتي دولة علمانية لا تحكم بشرع الله، ففين بقى الفتح🤨
فمش أي حد يقول أي حاجة نصدقه وخصوصا إننا في زمن قلّ فيه العلم وكثُر فيه الجهل وكله بقى يتكلم،
فخدوا بالكم عشان متاخدوش معلومة غلط👌

المهم بقى بعد ما خلاص تم الفتح والمسلمين قاعدين بيقسموا الغنائم ومعلقين سيوفهم على أشجار الزيتون، فجأة سمعوا حد بيصرخ وبيقول:
"إن المسيح قد خَلفَكم في أهلِيكم "
يعني الحقوا المسيح الدجال خرج خلاص وهو دلوقتي في أهلكم وهيفتنهم، إللي صرخ ده كان الشيطان،صرخ في المسلمين صرخة كاذبة بخروج الدجال عشان يخوفهم ويفزعهم،
والدجال مكنش لسه خرج، فهيترك المسلمون الغنائم وكل شيء في أيديهم ويرجعوا لأهلهم عشان خايفين عليهم من فتنة الدجال لأنها أعظم فتنة هتمر على البشرية زي ما هنشوف،
فهيبعث قائد المسلمين ساعتها إللي هو المهدي عشرة فرسان يستطلعوا الأخبار ويتأكدوا من صحة خبر خروج الدجال،
والعشر فوارس دول هم خير فوارس الأرض ساعتها، زي ما قال عنهم رسول الله ﷺ:
" إِنِّي لَأَعْرِفُ أَسْمَاءَهُمْ وَأَسْمَاءَ آبَائِهِمْ وَأَلْوَانَ خُيُولِهِمْ هُمْ خَيْرُ فَوَارِسَ عَلَى

ظَهْرِ الْأَرْضِ يَوْمَئِذٍ أَوْ مِنْ خَيْرِ فَوَارِسَ عَلَى ظَهْرِ الْأَرْضِ يَوْمَئِذٍ"
فبعد ما الجيش يرجع للشام هيخرج الدجال فعلا ساعتها.

☆قبل ما نعرف مين هو الدجال في سؤال:
المفروض إن المهدي هيكون عارف أحاديث رسول الله ﷺ وإن الدجال لسه مخرجش ليه بقى هيرجعوا ويبعتوا العشرة فوارس عشان يتأكدوا🤔
من الممكن إن المهدي أو المسلمين إللي معاه موصلهمش الأحاديث إللي بتتكلم عن صرخة الشيطان،
أو ممكن إنه فعلا وصلته الأحاديث ولكنه نسيها وده وارد،
احنا نفسنا بنعرف أحاديث رسول الله ﷺ وبننساها،
ده غير كده إللي ربنا قدره لازم يحصل بأي طريقة،
يعني مادام ربنا قدّر إن الشيطان هيصيح في المسلمين وإنهم هينخدعوا بكده فأكيد هيحصل لا محالة👌

إيه بقى قصة المسيح الدجال ده😁
المسيح الدجال هو رجل من بني آدم ربنا هيعطيه معجزات عشان يفتن بها بني آدم أو خلينا نقول يختبر بها بني آدم،
وأعظم فتنة واختبار هيمر على بني آدم هي فتنة المسيح الدجال، حتى إن رسول الله ﷺ قال:
"ما بين خلق آدم إلى قيام الساعة أمر أكبر من الدجال"
وفي حديث تاني رسول الله ﷺ قال للصحابة إنه مش خايف عليهم غير من الدجال،
وقال لهم لو الدجال خرج ورسول الله ﷺ لسه موجود فهو إللي هيتولى إقامة الحجة على الدجال وإظهار باطله،
أما لو هو مش موجود فكل واحد مسؤول عن إقامة الحجة بنفسه، ودفع شر الدجال عن نفسه بنفسه، وربنا هيحفظ ويعين كل مسلم على الفتنة دي،
قال رسول الله ﷺ:
" غيرَ الدجال أخوَفني عليكم، إن يخرج وأنا فيكم فأنا حجِيجُه دونكم، وإن يخرج ولست فيكم، فامرؤٌ حجيج نفسه، والله خليفتي على كل مسلم"

وكلمة المسيح بتُطلق على الصدّيق وعلى الكذاب إللي بيضل الناس،
يعني المسيح عيسى ابن مريم الصدّيق ، مسيح الهدى ، يُبرِئ الأكمه والأبرص ، ويُحيِ الموتى بإذن الله،
أما المسيح الدجال هو الكذاب إللي بيضل الناس ، مسيح الضلالة يفتن الناس بالآيات والخوارق إللي ربنا أعطاها له، زي إنزال المطر وإحياء الأرض بالنبات وغيرهما من الخوارق زي ما هنشوف بعدين،
والمسيح الدجال سماه رسول مسيح لأن له عين ممسوحة،
قال رسول الله ﷺ : " الدَّجَّالُ مَمْسُوحُ الْعَيْنِ"

☆ملحوظة مهمة:
مفيش حاجة اسمها 《المسيخ》 الدجال، اللفظ الصحيح هو المسيح مش المسيخ، بعض الرواة عشان يعظموا عيسى عليه السلام ويفرقوا بينه وبين الدجال وضعوا النقطة على الحاء وقالوا إنه المسيخ،
مع إن رسول الله ﷺ وضح وقال :
"مسيحُ الضلالة"
قال الحافظ ابن حجر : "من قرأه بالخاء المعجمة فقد صَحّف" يعني إللي يقول المسيخ يبقى قرأ الكلمة على غير صحتها.
فمحدش يقول المسيخ الدجال، لكن نقول المسيح الدجال زي ما رسول الله ﷺ قال اسمه في الحديث👌

ومعنى كلمة الدجال هو المُمَوِّه الكذاب يعني إللي بيُكثِر من الكذب والتلبيس،
ولفظ 《الدجال》بقت عَلم على المسيح الأعور الكذاب، والدجال اتسمى كده لأنه يغطي على الناس كُفْرَه بكذبه وتمويهه وتلبيسه عليهم،
ولأن فتنة المسيح الدجال خطيرة وهي أعظم فتنة هتمر على البشرية فمفيش نبي من الأنبياء إلا وحذر قومه من الدجال،
قال رسول الله ﷺ:
"ما من نبي إلا أنذر قومه الدجال"
ولأن أمة الإسلام هي آخر الأمم وهي إللي هيظهر فيها الدجال ربنا وضح لنا صفاته إللي بتميزه عن غيره عن طريق رسول الله ﷺ عشان الناس تعرفه ويحذروا من شره ومحدش ينخدع ولا يُفتن به، وقال لنا إزاي نحمي نفسنا منه، فاللي هيتبعه بعد كل ده هيبقى جاهل سبقت عليه الشِّقوة👌
◇طيب إيه هي صفاته إللي رسول الله ﷺ قال عليها🤔
هو رجل شاب قصير وجهه أحمر ،أَفْحَج يعني يمشي مشية معيبة، وفيه عرج بسبب إن في تباعد ما بين ساقيه، عارفين إللي عنده تقوس في الساقين بيمشي إزاي، أهه تقريبا زي كده😅
شعره مُجعد كثيف، يعني زي ما بنقول شعره أَكرت وثقيل،
وأقرع من مقدمة الرأس وصدره عريض، وعينه اليمنى ممسوحة وهي مش غائرة داخلة لجوة كده لكنها منتفخة وبارزة كأنها عنبة طافية،
أما عينه اليسرى عليها ظَفرة غليظة يعني عليها جلدة غليظة تنبت عند حدقة العين يعني عينيه الاثنين معيبتان وفيهم عَور،
ومكتوب بين عينيه " ك ف ر " بالحروف المقطعة ، أو
"كافر" بدون تقطيع ، يقدر يقرأها كل مؤمن سواء بيعرف القراءة أو ميعرفش،
ولا يقرأها الكافر حتى لو كان بيعرف يقرأ، لأن ربنا يجعل المؤمن يرى بعين بصيرته، فيخلق الله للمؤمن الإدراك من غير ما يتعلم ، ودي حاجة طبيعية في الزمن ده لأنه زمن تنخرق فيه العادات،
ومن صفات الدجال إنه عقيم لا يُولد له، وهو ضخم وحجمه كبير،
والصفات دي موجودة كلها في الأحاديث الصحيحة لرسول الله ﷺ، من الأحاديث دي قال رسول الله ﷺ:
"إِنِّي قَدْ حَدَّثْتُكُمْ عَنْ الدَّجَّالِ حَتَّى خَشِيتُ أَنْ لا تَعْقِلُوا ، إِنَّ مَسِيحَ الدَّجَّالِ رَجُلٌ قَصِيرٌ أَفْحَجُ جَعْدٌ أَعْوَرُ مَطْمُوسُ الْعَيْنِ لَيْسَ بِنَاتِئَةٍ وَلا حَجْرَاءَ"
ده كان وصف الدجال، سؤال بقى هل المسيح الدجال موجود دلوقتي ولاّ لسه متولدش أصلا🤔

هنعرف الإجابة في الجزء الجا

ي إن شاء الله 😊

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊


#Eman_Shalapy

⭐ المصادر ⭐

https://islamqa.info/ar/answers/128682/وقفات-مع-كتاب-هرمجدون-وبيان-حقيقة-الملحمة-في-اخر-الزمان


https://majles.alukah.net/t63821/

https://www.islamweb.net/ar/fatwa/77218/المسيح-الدجال-بالحاء-المهملة

https://khaledabdelalim.com/home/play.php?catsmktba=6709

https://islamqa.info/ar/answers/8806/فتنة-المسيح-الدجالا

https://www.islamweb.net/ar/fatwa/317485/حول-الملحمة-الكبرى-وخروج-المهدي-وفتح-القسطنطينية

رابط القناة الشامل لقصص الأنبياء و السيرة النبوية
https://t.me/joinchat/AAAAAEhulzm7RmVxsli1pQ

#قصص_الأنبياء(٢)
#السيرة_النبوية
#الحلقة_مائة_واثنان_وعشرون
#علامات_الساعة_الكبرى_الجزء_الثالث
#المسيح_الدجال_الجزء_الثاني

اتكلمنا المرة إللي فاتت عن صفات المسيح الدجال ، ووقفنا عند سؤال مهم، وهو: هل المسيح الدجال موجود دلوقتي ولاّ لسه متولدش أصلا،
المسيح الدجال موجود من أيام رسول الله ﷺ في جزيرة في البحر مُقيد بالسلاسل في دِير منتظر إن ربنا يأذن له بالخروج،
◇والدير ده عبارة عن مكان للعبادة كان يتعبد فيه الرهبان وكلمة الدير معناها في اللغة الآرامية المزرعة أو بيت الفلاح، فممكن يكون الدير هنا مقصود به بيت أو مزرعة أو مكان العبادة.

في واحد من الصحابة اسمه تميم الدّارِي قابل المسيح الدجال وجاء حكى لرسول الله ﷺ إللي حصل معاه، وكان لقاء تميم الداري بالمسيح الدجال سبب في إسلام تميم،
واحنا منعرفش هل المسيح الدجال كان موجود من قبل بعثة رسول الله ﷺ ولاّ لأ، فممكن إنه كان موجود قبل زمن رسول الله ﷺ وممكن لأ،
ومش معنى إن الأنبياء كانوا بيحذروا منه يبقى هو كان موجود على عهدهم،
يعني مثلا في أنبياء بشروا برسول الله ﷺ ورسول الله ﷺ مكنش لسه موجود وكان بينهم وبينه زمن طويل،
فالمؤكد عندنا بالدليل إنه كان موجود في زمن رسول الله ﷺ ولسه عايش لحد دلوقتي بحول الله وقدرته، لكن قبل هل هو كان موجود قبل زمن رسول الله ﷺ، الله أعلم🤷‍♂️

خلونا نشوف بقى قصة تميم الداري مع الدجال،
عن فاطمة بنت قيس رضي الله عنها قالت :
سَمِعْتُ نِدَاءَ الْمُنَادِي ، مُنَادِى رَسُولِ اللَّهِ صلى الله عليه وسلم ، يُنَادِي ( الصَّلاَةَ جَامِعَةً ).
فَخَرَجْتُ إِلَى الْمَسْجِدِ فَصَلَّيْتُ مَعَ رَسُولِ اللَّهِ ﷺ ، فَكُنْتُ فِى صَفِّ النِّسَاءِ الَّتِى تَلِى ظُهُورَ الْقَوْمِ ، فَلَمَّا قَضَى رَسُولُ اللَّهِ صلى الله عليه وسلم صَلاَتَهُ جَلَسَ عَلَى الْمِنْبَرِ وَهُوَ يَضْحَكُ ، فَقَالَ لِيَلْزَمْ كُلُّ إِنْسَانٍ مُصَلاَّهُ، ثُمَّ قَالَ أَتَدْرُونَ لِمَ جَمَعْتُكُمْ ؟
قَالُوا : اللَّهُ وَرَسُولُهُ أَعْلَمُ .
قَالَ :
"إِنِّى وَاللَّهِ مَا جَمَعْتُكُمْ لِرَغْبَةٍ وَلاَ لِرَهْبَةٍ ، وَلَكِنْ جَمَعْتُكُمْ لأَنَّ تَمِيماً الدَّارِىَّ كَانَ رَجُلاً نَصْرَانِيًّا فَجَاءَ فَبَايَعَ وَأَسْلَمَ...."
يعني واحدة من الصحابيات اسمها فاطمة بنت قيس بتحكي إن في يوم من الأيام سمعت منادي رسول الله ﷺ ينادي في الناس: الصَّلاَةَ جَامِعَةً
فخرجت للمسجد وصلت مع رسول الله ﷺ، ولما رسول الله ﷺ خلص صلاته جلس على المنبر وهو يضحك وقال للناس:
كل واحد يخليه في مكانه، عارفين أنا جمعتكم ليه؟!
فقال الصحابة : الله ورسوله أعلم🤔
قال لهم رسول الله ﷺ إنه مجمعهمش عشان في غنائم يوزعها أو في حرب هيخرجوا فيها،
لكن جمعهم لأن واحد اسمه تميم الداري كان نصراني فجاء وأسلم وحكى له قصة حصلت معاه قبل ما ييجي ويُسلم،
" وَحَدَّثَنِى حَدِيثاً وَافَقَ الَّذِى كُنْتُ أُحَدِّثُكُمْ عَنْ مَسِيحِ الدَّجَّالِ...."
والقصة إللي حكاها تميم الداري النصراني كانت عن لقائه بالمسيح الدجال وأحداث القصة وافقت كلام رسول الله ﷺ إللي كان بيقوله للناس عن الدجال، فرسول الله ﷺ جمعهم عشان يحكي لهم القصة،

"حَدَّثَنِى أَنَّهُ رَكِبَ فِى سَفِينَةٍ بَحْرِيَّةٍ مَعَ ثَلاَثِينَ رَجُلاً مِنْ لَخْم وَجُذَامَ ، فَلَعِبَ بِهِمُ الْمَوْجُ شَهْراً فِى الْبَحْرِ ، ثُمَّ أَرْفَئُوا إلَى جَزِيرَةٍ فِى الْبَحْرِ حَتَّى مَغْرِبِ الشَّمْسِ ، فَجَلَسُوا فِى أَقْرُبِ السَّفِينَةِ فَدَخَلُوا الْجَزِيرَةَ...."
يعني تميم الداري خرج في سفر في البحر مع ثلاثين من أصحابه من قبيلة لخْم وجُذَام،
وهم راكبين في السفينة البحر هاج عليهم ولعب بهم الموج شهر كامل، وبعدين التجؤوا إلى جزيرة في البحر ونزلوا للجزيرة على قارب من قوارب السفينة الكبيرة ودخلوا الجزيرة،

فلما دخلوا الجزيرة قابلتهم دابة غليظة الشعر وكثيرة الشعر، لدرجة إنهم مش عارفين وجهها من ظهرها من كثرة الشعر،
" فَلَقِيَتْهُمْ دَابَّةٌ أَهْلَبُ كَثِيرُ الشَّعَرِ ، لاَ يَدْرُونَ مَا قُبُلُهُ مِنْ دُبُرِهِ مِنْ كَثْرَةِ الشَّعَرِ..."

فلما شافوها اتخضوا وخافوا وقالوا لها : إنتِ إيه😳
فقالت لهم : أنا الجسّاسَة!
فقالوا لها : وإيه الجساسة 🤨
فمجاوبتش على سؤالهم وقالت لهم:
شايفين الدِّير إللي هناك ده، روحوا هناك هتلاقوا فيه رجل في رجل مشتاق إنه يسمع عن أخباركم👌
فلما سمع تميم وأصحابه الجساسة بتقول لهم عن رجل خافوا منها من إنها تكون شيطانة،

"فَقَالُوا : وَيْلَكِ مَا أَنْتِ ؟ فَقَالَتْ : أَنَا الْجَسَّاسَةُ ، قَالُوا :
وَمَا الْجَسَّاسَةُ ؟ قَالَتْ : أَيُّهَا الْقَوْمُ ! انْطَلِقُوا إِلَى هَذَا الرَّجُلِ فِى الدَّيْرِ فَإِنَّهُ إِلَى خَبَرِكُمْ بِالأَشْوَاقِ،
قَالَ لَمَّا سَمَّتْ لَنَا رَجُلاً فَرِقْنَا مِنْهَا أَنْ تَكُونَ شَيْطَانَةً"

☆ملحوظة :
قيل إن الجسّاسة سُميت بالاسم ده لتجسُّسِها الأخبار للدجال، يعني كانت تعرف

الأخبار وتيجي تحكيها للدجال.
والجساسة غير دابة الأرض إللي هتخرج في آخر الزمان وهي من علامات الساعة الكبرى 👌

فمشيوا بسرعة لحد ما وصلوا الدير،
ولما دخلوا لقوا رجل ضخم جدا، أعظم إنسان شافوه، ومتكتف ومتربط بالسلاسل بشدة،
"قَالَ فَانْطَلَقْنَا سِرَاعاً حَتَّى دَخَلْنَا الدَّيْرَ ، فَإِذَا فِيهِ أَعْظَمُ إِنْسَانٍ رَأَيْنَاهُ قَطُّ خَلْقاً ، وَأَشَدُّهُ وِثَاقاً ، مَجْمُوعَةٌ يَدَاهُ إِلَى عُنُقِهِ ، مَا بَيْنَ رُكْبَتَيْهِ إِلَى كَعْبَيْهِ بِالْحَدِيدِ..."

فسألوه: إنت إيه😧
فقال لهم :أنا متربط في السلاسل مش هعرف أروح في حتة، فلو قلت لكم أنا إيه هتسبوني وتمشوا وأنا عايز أعرف منكم معلومات، فانتم الأول جاوبوني إنتم مين وأنا هجاوبكم على سؤالكم👌
"قُلْنَا : وَيْلَكَ مَا أَنْتَ ؟ قَالَ : قَدْ قَدَرْتُمْ عَلَى خَبَرِي ، فَأَخْبِرُونِي مَا أَنْتُمْ ؟
فقالوا له إنهم مجموعة من العرب ركبوا البحر والبحر هاج عليهم ولجأوا للجزيرة وقابلوا الجساسة وهي إللي أخبرتهم عن مكانه،
قَالُوا : نَحْنُ أُنَاسٌ مِنَ الْعَرَبِ ، رَكِبْنَا فِى سَفِينَةٍ بَحْرِيَّةٍ ، فَصَادَفْنَا الْبَحْرَ حِينَ اغْتَلَمَ ( أي هاج ) ،
فَلَعِبَ بِنَا الْمَوْجُ شَهْراً ، ثُمَّ أَرْفَأْنَا إِلَى جَزِيرَتِكَ هَذِهِ ، فَجَلَسْنَا فِى أَقْرُبِهَا ، فَدَخَلْنَا الْجَزِيرَةَ ، فَلَقِيَتْنَا دَابَّةٌ أَهْلَبُ كَثِيرُ الشَّعَرِ لاَ يُدْرَى مَا قُبُلُهُ مِنْ دُبُرِهِ مِنْ كَثْرَةِ الشَّعَرِ ، فَقُلْنَا : وَيْلَكِ مَا أَنْتِ ؟ فَقَالَتْ : أَنَا الْجَسَّاسَةُ
قُلْنَا : وَمَا الْجَسَّاسَةُ ؟
قَالَتِ : اعْمِدُوا إِلَى هَذَا الرَّجُلِ فِى الدَّيْرِ فَإِنَّهُ إِلَى خَبَرِكُمْ بِاْلأَشْوَاقِ . فَأَقْبَلْنَا إِلَيْكَ سِرَاعاً ، وَفَزِعْنَا مِنْهَا وَلَمْ نَأْمَنْ أَنْ تَكُونَ شَيْطَانَةً..."

فسألهم الرجل المربوط بالسلاسل عن نخل بَيْسَان،
فسألوه: عايز تعرف إيه بالضبط عن نخل بيسان🤔
فسألهم عن نخلها لسه بيطلع ثمر ولاّ لأ، فقالوا له إنه لسه بيطلع ثمر،
فقال لهم إن النخل ده هييجي عليه يوم ومش هيثمر،
☆بيسان مدينة في فلسطين.
"فَقَالَ : أَخْبِرُونِي عَنْ نَخْلِ بَيْسَانَ . قُلْنَا : عَنْ أَىِّ شَأْنِهَا تَسْتَخْبِرُ ؟ قَالَ : أَسْأَلُكُمْ عَنْ نَخْلِهَا هَلْ يُثْمِرُ ؟ قُلْنَا لَهُ : نَعَمْ . قَالَ : أَمَا إِنَّهُ يُوشِكُ أَنْ لاَ تُثْمِرَ..."

وسألهم عن بحيرة طَبَرية هل فيها ماء ولاّ لأ،
فقالوا له إن بحيرة طبرية مليانة بالماء فقال لهم إن الماء بتاع البحيرة هييجي في يوم ويخلص،
☆بحيرة طبرية موجودة في شمال فلسطين على الحدود السورية الفلسطينية.
" قَالَ : أَخْبِرُونِى عَنْ بُحَيْرَةِ الطَّبَرِيَّةِ ؟ قُلْنَا : عَنْ أَىِّ شَأْنِهَا تَسْتَخْبِرُ ؟ قَالَ : هَلْ فِيهَا مَاءٌ ؟ قَالُوا : هِىَ كَثِيرَةُ الْمَاءِ . قَالَ : أَمَا إِنَّ مَاءَهَا يُوشِكُ أَنْ يَذْهَبَ..."

◇في هنا ملاحظة مهمة جدا👌
بحيرة طبرية مش هتجف تماما غير لما يأجوج ومأجوج يخرجوا ويشربوها كلها، يعني بحيرة طبرية هتختفي بعد زمن المسيح الدجال مش قبله،
لكن المقصود إن بحيرة طبرية تكون قبل ظهور المسيح الدجال غزيرة الماء جداً وده إللي تميم الداري يقصده لما قال إنها كثيرة الماء، لكنها هتقل شوية شوية وقبل ظهور الدجال هيقل فيها الماء، ولكنه لا ينعدم تماما،
وإللي بيؤيد الكلام ده إن الماء على وجه العموم هيقل عند ظهور المسيح الدجال زي ما هنشوف،
ومش معنى إن منسوب بحيرة طبرية قل في زماننا دلوقتي يبقى المسيح الدجال هيخرج السنة الجاية مثلا😅
طبعا لأ، لأن بكل بساطة باقي العلامات الصغرى إللي تسبق الدجال لسه مظهرتش،
زي ظهور جبل الذهب وخروج المهدي وكمان فين المعاهدة بين الروم والمسلمين والملحمة الكبرى وفتح القسطنطينية🤷‍♂️
كل الحاجات دي محتاجة لها وقت مش هتحصل في سنة ولاّ اتنين مثلا، فمتقلقوش😅

نرجع للدجال ونشوف بقية أسألته،
سألهم عن عين زُغَرَ هل فيها ماء، فقالوا له إن العين دي مليانة مية وأهلها بيزرعوا منها.
☆عين زُغر موجودة جنوب بحيرة طبرية بالقرب من مدينة أريحا المحتلة من اليهود في الجانب القبلي من الشام
"قَالَ : أَخْبِرُونِى عَنْ عَيْنِ زُغَرَ ؟ قَالُوا : عَنْ أَىِّ شَأْنِهَا تَسْتَخْبِرُ ؟ قَالَ : هَلْ فِى الْعَيْنِ مَاءٌ ؟ وَهَلْ يَزْرَعُ أَهْلُهَا بِمَاءِ الْعَيْنِ ؟
قُلْنَا لَهُ : نَعَمْ ، هِىَ كَثِيرَةُ الْمَاءِ ، وَأَهْلُهَا يَزْرَعُونَ مِنْ مَائِهَا...."

وبعدها سألهم عن نبي الأميين إيه إللي حصل معاه، فقالوا له إنه خرج من مكة وذهب ليثرب وقعد هناك، ونبي الأميين هو محمد ﷺ،
فسألهم إذا كان العرب قاتلوه ولاّ لسه، فقالوا له إن العرب قاتلوه وانتصر عليهم والعرب أطاعوه بعدها،
فسألهم فعلا حصل كده، فأكدوا له فعلا الكلام، فقال لهم الأحسن لهم فعلا إنهم يطيعوه،
قَالَ : أَخْبِرُونِى عَنْ نَبِىِّ الأُمِّيِّينَ مَا فَعَلَ ؟ قَالُوا : قَدْ خَرَجَ مِنْ مَكَّةَ

وَنَزَلَ يَثْرِبَ،
قَالَ : أَقَاتَلَهُ الْعَرَبُ ؟ قُلْنَا : نَعَمْ . قَالَ : كَيْفَ صَنَعَ بِهِمْ ؟ فَأَخْبَرْنَاهُ أَنَّهُ قَدْ ظَهَرَ عَلَى مَنْ يَلِيهِ مِنَ الْعَرَبِ وَأَطَاعُوهُ ، قَالَ لَهُمْ : قَدْ كَانَ ذَلِكَ ؟ قُلْنَا نَعَمْ.
قَالَ : أَمَا إِنَّ ذَاكَ خَيْرٌ لَهُمْ أَنْ يُطِيعُوهُ..."

☆ملحوظة :
تميم الداري أسلم سنة تسعة للهجرة بعد فتح مكة واستقرار أمر الإسلام وطاعة العرب لرسول الله ﷺ،
واحنا لسه موصلناش في شرح السيرة للسنة التاسعة لكن بما إننا بنتكلم عن علامات الساعة فاحنا بنقول كل الأحاديث عن علامات الساعة من بداية بعثة رسول الله ﷺ لحد نهايتها👌

بدأ بقى الرجل يكلمهم عن نفسه فقال لهم :
أنا المسيح الدجال، وأنا قربت إني أخرج، ومفيش بلد إلا وهدخله في أربعين يوما إلا مكة وطيبة فهما محرمتان عليّ،
كل ما حاولت إني أدخل واحدة منهم استقبلني ملك بيده السيف بيصدني ويبعدني عنها،
وعلى كل طريق منها في ملائكة بيحرسوها،

"وَإِنِّى مُخْبِرُكُمْ عَنِّي ، إِنِّى أَنَا الْمَسِيحُ ، وَإِنِّى أُوشِكُ أَنْ يُؤْذَنَ لِى فِى الْخُرُوجِ ، فَأَخْرُجَ فَأَسِيرَ فِى الأَرْضِ فَلاَ أَدَعَ قَرْيَةً إِلاَّ هَبَطْتُهَا فِى أَرْبَعِينَ لَيْلَةً غَيْرَ مَكَّةَ وَطَيْبَةَ فَهُمَا مُحَرَّمَتَانِ عَلَيَّ كِلْتَاهُمَا ،
كُلَّمَا أَرَدْتُ أَنْ أَدْخُلَ وَاحِدَةً أَوْ وَاحِداً مِنْهُمَا اسْتَقْبَلَنِى مَلَكٌ بِيَدِهِ السَّيْفُ صَلْتاً يَصُدُّنِى عَنْهَا ، وَإِنَّ عَلَى كُلِّ نَقْبٍ مِنْهَا مَلاَئِكَةً يَحْرُسُونَهَا...."

فقال رسول الله ﷺ تعقيبا على قصة تميم إن طيبة هي المدينة ، وسأل الناس: مش أنا كنت قلت لكم الكلام ده قبل كده؟!! فالناس قالوا له نعم،
قَالَ رَسُولُ اللَّهِ ﷺ - وَطَعَنَ بِمِخْصَرَتِهِ فِى الْمِنْبَرِ يعني بيضرب بعصاه إللي بيتكئ عليها المنبر:
هَذِهِ طَيْبَةُ هَذِهِ طَيْبَةُ هَذِهِ طَيْبَةُ . يَعْنِى الْمَدِينَةَ أَلاَ هَلْ كُنْتُ حَدَّثْتُكُمْ ذَلِكَ ؟ . فَقَالَ النَّاسُ :نَعَمْ"
فقال لهم رسول الله ﷺ إنه عجبه إن كلام تميم وافق كلامه ﷺ عن مكة والمدينة وعن الدجال،
"فَإِنَّهُ أَعْجَبنِى حَدِيثُ تَمِيمٍ أَنَّهُ وَافَقَ الَّذِى كُنْتُ أُحَدِّثُكُمْ عَنْهُ وَعَنِ الْمَدِينَةِ وَمَكَّةَ..."
وده من تثبيت الله للناس، يعني واحد مكنش يعرف أي حاجة عن الدجال وجاء يقول نفس إللي كان رسول الله ﷺ بيقوله،
فأكيد الكلام ده كان له تأثير إيجابي في قلوب الصحابة،
زي كده إبراهيم عليه السلام لما طلب من ربنا إنه يريه كيف يحيي الموتى زيادة في تثبيت الإيمان في القلب👌

رسول الله ﷺ لما سمع قصة تميم الداري ظن إن الدجال موجود في جزيرة في بحر الشام، لأن تميم ركب في بحر الشام،
فقال للناس إن المسيح الدجال موجود في بحر الشام،
" أَلاَ إِنَّهُ فِى بَحْرِ الشَّامِ"
☆بحر الشام هو البحر الأبيض المتوسط في عصرنا دلوقتي.

وبعدين رسول الله ﷺ قال لأ، ده في بحر اليمن على اعتبار إن بحر الشام بيتصل ببحر متصل ببحر اليمن،
☆بحر اليمن إللي هو بحر العرب
والعرب زمان مكنوش بيسافروا غير في بحر الشام أو بحر اليمن،
" أَوْ بَحْرِ الْيَمَنِ"
وكل ده اجتهاد شخصي من رسول الله ﷺ على حسب المعطيات إللي قصاده عشان كده حصل تردد في اجتهاده قال في الأول بحر الشام وبعدين قال بحر اليمن،
واحنا عارفين إن الأنبياء ممكن يقعوا في السهو والشك والخطأ لكن الوحي لا يُقرهم على كده ويأتي بتصحيح الخطأ ،
فهنا الوحي جاء وصحح لرسول الله ﷺ المعلومة وقال إن المسيح الدجال لا موجود في بحر الشام ولا في بحر اليمن لكنه موجود في ناحية المشرق ناحية خراسان فقال رسول الله ﷺ إنه هيخرج من المشرق وأشار بإيده ناحية المشرق،
" لَا بَلْ مِنْ قِبَلِ الْمَشْرِقِ وَأَوْمَأَ بِيَدِهِ إِلَى الْمَشْرِقِ"
وخراسان ده إقليم فيه كذا مدينة،
وطبعا الكلام ده بيرد على الناس إللي بتقول إن المسيح الدجال موجود في مثلث برمودا إللي محدش يقدر يدخله لأن مثلث برمودا من جهة الغرب من المحيط الأطلسي🤷‍♂️
والمسيح الدجال موجود ناحية المشرق في إقليم خراسان زي ما رسول الله ﷺ قال👌

☆ممكن حد يسأل سؤال ويقول إن الأقمار الصناعية ما تركت مكان في الأرض إلا ومسحته بالأجهزة المعقدة والدقيقة جداً،
فليه العلماء ماكتشفوش مكانه🤔

نرد على السؤال ده بعكس السؤال،
هل فعلاً الحضارة الغربية بأجهزتها الحديثة المتطورة دلوقتي كشفت على كل شيء ؟
كشفت على كل شبر في الأرض؟
هو مش لسه في أماكن على الأرض لم تدخلها قدم إنسان؟
هو مش في مغارات وكهوف محدش يعرف فيها إيه؟
مش في أشياء في قاع المحيطات محدش يعرف إيه هي لحد دلوقتي؟
طيب خلونا نفترض جدلا إن الأجهزة جابت كل مكان على الكرة الأرضية، هو مش ممكن ربنا يُعمي أبصار الناس عن مكان الدجال لأنه لا يريد لهم إنهم يعرفوا مكانه،
كم مرة حاجة تضيع مننا وتبقى قصاد أعيننا ومنشوفهاش،
فما بالكم بألله لما يريد إننا منعرفش حاجة عن مكان المسيح الدج

ال لأن وقته لسه مجاش👌

◇يبقى باختصار كده نفهم من قصة تميم الداري إن المسيح الدجال موجود من زمن رسول الله ﷺ ومقيد بالسلاسل في دِير بجزيرة من جُزر البحر ومكان الجزيرة في جهة المشرق بالقرب من إقليم خراسان،
والدجال هيخرج من هناك والدجال مش موجود في مثلث برمودا، واحنا منعرفش مين إللي قيده بالسلاسل كده، في علماء قالوا إن الملائكة هي إللي قيدته بس مفيش دليل من كلام رسول الله ﷺ على القول ده،
لكن المؤكد إن الدجال مقيد بالسلاسل وده إللي يهمنا👌

وكمان تقييد المسيح الدجال بالسلاسل في الجزيرة من الدلائل إنه مكنش هو ابن صياد،

☆وده مين ابن صياد ده كمان🤨
شوفوا، لا تُذكر قصة الدجال إلا ويَذكر العلماء معاها قصة ابن صياد لأنها فعلا قصة عجيبة وكلها ألغاز😅
عشان كده حصل اختلاف بين العلماء في ابن صياد هل هو المسيح الدجال ولاّ لأ،
ولأن قصة ابن صياد فيها كلام كتير، فهنخليها للمرة الجاية إن شاء الله 😁

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊


#Eman_Shalapy

⭐ المصادر ⭐

https://www.google.com/amp/s/islamqa.info/amp/ar/answers/220323

https://www.google.com/amp/s/islamqa.info/amp/ar/answers/82643

https://islamqa.info/ar/answers/171/الدجال-والدابة-وياجوج-وماجوج

http://www.islamtoday.net/fatawa/quesshow-60-225527.htm

https://www.islamweb.net/ar/fatwa/30481/

رابط القناة الشامل لقصص الأنبياء و السيرة النبوية
https://t.me/joinchat/AAAAAEhulzm7RmVxsli1pQ

#قصص_الأنبياء(٢)
#السيرة_النبوية
#الحلقة_مائة_وثلاث_وعشرون
#علامات_الساعة_الكبرى_الجزء_الرابع
#المسيح_الدجال_الجزء_الثالث
#ابن_صيّاد

وقفنا المرة إللي فاتت عند ابن صياد واختلاف العلماء فيه هل هو الدجال ولاّ لأ،
خلونا نشوف قصة ابن صياد وانتم احكموا بنفسكم إذا كان العلماء لهم حق في الاختلاف ده ولاّ لأ😁
ابن صياد اسمه : صافي بن صياد أو صائد،
وقيل عبد الله بن صياد أو صائد، وكان ابن صياد من يهود المدينة،
وكان دجّالاً وبيتكهن للناس، فكانت تكهناته دي أحيانا بتكون صادقة وأحيانا كاذبة، فانتشر خبره بين الناس، وطلعت إشاعة إن هو الدجال،
فرسول الله ﷺ كان عايز يطّلع على أمره ويتبين حاله ويعلم حقيقته، ويُظهر إبطال حاله للصحابة ، وإنه كاهن ساحر يأتيه الشيطان فيُلقي على لسانه ما يلقيه الشياطين إلى الكهنة،
وخصوصا إن مكنش نزل لرسول الله ﷺ وحي في ابن صياد هل فعلا هو الدجال زي ما الناس بتقول ولاّ لأ،
فكان رسول الله ﷺ بيذهب لابن صياد ويسأله أسئلة يختبره بيها، وساعات كان يتخفى لابن صياد ويحاول يسمع من كلامه من غير ما ياخد باله،
يعني مثلا في يوم من الأيام خرج رسول الله ﷺ مع عمر بن الخطاب ومعاه كم واحد من أصحابه متجهين ناحية ابن صياد،
فكان ابن صياد قاعد بيلعب مع الصبيان وكان ساعتها قَارَب الحُلُم يعني قرب من البلوغ يعني عمره اثنا عشر سنة تقريبا،
ولما قرب رسول الله ﷺ من ابن صياد محسش بيه ابن صياد ولا أخد باله إن رسول الله ﷺ قرب منه لحد ما رسول الله ﷺ ضرب بيده، يعني خبط بإيده👏
فابن صياد التفت وشاف رسول الله ﷺ، فقال له رسول الله ﷺ:
" أَتَشْهَدُ أَنِّي رَسُولُ اللَّهِ؟!!"
فنظر ابن صياد لرسول الله ﷺ وقال:
" أَشْهَدُ أَنَّكَ رَسُولُ الأُمِّيِّينَ"

☆ودي أول نقطة تلخبط، لأن الدجال إللي كان مقيد بالسلاسل سأل تميم الداري ما فعل نبي الأميين😕

وراح ابن صياد سأل رسول الله ﷺ:
أتشهد أني رسول الله؟
فتركه رسول الله ﷺ وقال :
" آمَنْتُ بِاللَّهِ وَبِرُسُلِهِ"
يعني ابن صياد بيدعي النبوة أمام رسول الله ﷺ، ورسول الله ﷺ تركه معملهوش حاجة عشان عايز يستغله ويسمع كلامه من غير ما ابن صياد يحس بكده،
وبعدين سأله رسول الله ﷺ :
انت بتشوف إيه؟! أو إيه إللي بيجيلك؟
يعني مش انت رسول ايه بقى الوحي اللي بيجيلك،
فقال ابن صياد: يأتيني صادق وكاذب!
فقال له رسول الله ﷺ: انت اختلط عليك الأمر 👌
وبعدين قال له رسول الله ﷺ:
"إِنِّي قَدْ خَبَأْتُ لَكَ خَبِيئًا"
يعني أنا خبأت لك حاجة، تقدر تعرف إيه هي، وكان رسول الله ﷺ خبأ في نفسه 《الدخان》 من قوله تعالى:
" فَارْتَقِبْ يَوْمَ تَأْتِي السَّمَاء بِدُخَانٍ مُّبِينٍ"
فقال ابن صياد:
"هُوَ الدُّخُّ"
يعني يقصد الدخان، ولكنه قطمها على طريقة الكهان، فعرف رسول الله ﷺ مادته وأنها شيطانية، فقال له رسول الله ﷺ:
" اخْسَأْ فَلَنْ تَعْدُوَ قَدْرَكَ"
يعني لا تتعدى حدودك انت وأمثالك من الكهان إللي مش بيحفظوا من جمل الشياطين الكثيرة كلمة واحدة،
يعني رسول الله ﷺ بيوضح الفرق بينه وبين ابن صياد وبيقول له انت مش رسول ولا حاجة،
انت اخرك تعرف كلمة ولا اتنين من كلام الشياطين، أما الأنبياء والرسل فإن الله تعالى يوحي إليهم من علم الغيب ما يوحي، فيكون الوحي واضح مفهوم كامل،
فهنا عمر بن الخطاب قال لرسول الله ﷺ:
"دَعْنِي يَا رَسُولَ اللَّهِ أَضْرِبْ عُنُقَهُ"
يعني خليني أقتله ونخلص، فقال له رسول الله ﷺ:
" إِنْ يَكُنْهُ فَلَنْ تُسَلَّطَ عَلَيْهِ وَإِنْ لَمْ يَكُنْهُ فَلا خَيْرَ لَكَ فِي قَتْلِهِ"
يعني لو هو الدجال مش هتقدر تقتله، ولو مش الدجال فمفيش فايدة من قتله،
ورسول الله ﷺ لم يقتل ابن صياد مع إنه ادعى النبوة لأن ساعتها ابن صياد كان لسه صغير مبلغش الحُلم حتى، يعني كان عمره حوالي اثنا عشر سنة زي ما قلنا من شوية،

بعد كده رسول الله ﷺ ومعاه أبي بن كعب راحوا لمنطقة النخل إللي فيها ابن صياد زي بستان كده أو مزرعة، ورسول الله ﷺ قعد يمشي براحة بين النخل والشجر عشان يراقب ابن صياد من غير ما ياخد باله لعله يعرف عنه حاجة،
فشافه رسول الله ﷺ وهو نايم على رداء بتاعه وعمال يتمتم بكلمات كده بصوت واطي بكلام مش مفهوم،
فرسول الله ﷺ عمال يقرب منه وبيحاول يسمع بيقول إيه،
وإيه الكلام الغير مفهوم إللي بيقوله ده،
فأم صياد خرجت من البيت إللي في المزرعة وشافت رسول الله ﷺ وهو بيتخفى لابنها وبيتسمع له فنادت على ابنها وقالت:
يا صافِ محمد وراك👌
فثار ابن صياد وغضب وقام من مكانه، فقال رسول الله ﷺ:
"لَوْ تَرَكَتْهُ بَيَّنَ"
يعني لو أمه مكنتش اتكلمت وكنت سمعت الكلام إللي عمال يقوله كنت عرفت إذا كان هو الدجال ولاّ لأ،
فرسول الله ﷺ فضل متحير في أمره ومعرفش إذا كان ابن صياد هو الدجال فعلا ولاّ لأ وانتشر الموضوع بين الناس إن رسول الله ﷺ بيشك في ابن صياد إن هو الدجال،
وكان عمر يحلف بالله إن ابن صياد هو الدجال أمام رسول الله ﷺ ورسول الله ﷺ مش بيعترض عليه لأن رسول الله ﷺ كان متوقف فيه وميعرفش إذا كان

فعلا هو الدجال ولاّ لأ،
فكان غالب عليهم الظن ان ابن صياد هو فعلا الدجال عشان كده عمر رضي الله عنه كان بيحلف ورسول الله ﷺ مكنش بيعترض،
وقصة ابن صياد مع رسول الله ﷺ كانت في السنين الأولى بعد الهجرة يعني قبل قصة تميم الداري إللي قلنا عنها المرة إللي فاتت،
فلما جاء تميم الداري وحكى قصته لرسول الله ﷺ نقدر نقول إن قصة ابن صياد بقت خلاص منسوخة،
وإن ابن صياد مجرد واحد من الكُهان الدجالين وليس هو الدجال الأكبر إللي هيخرج آخر الزمان،
لكن المشكلة بقى في إللي حصل بعد كده وخلّى العلماء يختلفوا،
بعد موت رسول الله ﷺ حصلت حادثتين مع ابن صياد حيرت العلماء:
◇الحادثة الأولى :
ابن صياد أسلم وبقى غني عنده أموال كثيرة وكثرت ذريته،
واحنا قلنا إن الدجال عقيم لا يُولد له،
في مرة ابن صياد كان ماشي في طريق من طُرق المدينة الضيقة فقابله عبد الله بن عمر بن الخطاب وكان مع عبد الله مجموعة من أصحابه،
فلقاه بقى أعور، وعينه عاملة زي العنبة الطافية😳
فاستغرب عبد الله بن عمر وقال لابن صياد:
إمتى حصل لعينك إللي أنا شايفه ده😧
فقال له ابن صياد: معرفش😕
فقال له ابن عمر: متعرفش؟!! وهي في رأسك؟!!🤨
يعني عينك في راسك ومش عارف امتى بقيت أعور😅
فابن صياد قال لعبد الله بن عمر:
لو أراد الله جعل عيني في عصاك 🤷‍♂️
فهنا عبد الله بن عمر غضب منه جدا وراح ماسك العصاية بتاعته ونزل ضرب على ابن صياد لحد ما كسر العصايا بتاعته على ابن صياد،
فغضب ابن صياد غضب شديد وانتفخ، أه انتفخ🙊
وقعد ينتفخ لحد ما ملأ السكة الضيقة إللي كانوا واقفين فيها زي ما بنشوف في أفلام الكارتون كده😅
والناس إللي واقفة كلهم بقى مصدومين من منظر ابن صياد😳
والعجيب كمان إن عبد الله بن عمر بيقول والله ما حسيت إني ضربته ولا فاكر أصلا إني ضربته، وأصحابي إللي كانوا معايا هم إللي بيقولوا إني ضربته،
وراح بعدها لأخته حفصة بن عمر زوجة رسول الله ﷺ وحكى لها إللي حصل،
فقالت له حفصة: انت مالك ومال ابن صياد بتغضبه ليه، انت مش عارف إن الدجال هيخرج بسبب غضبة يغضبها👌

◇الحادثة الثانية:
ابن صياد كان بيسمع كلام الناس فيه وإن هو الدجال فكان بيتأذى من كلامهم وكان دايما يدافع عن نفسه بأنه مش هو الدجال،
خرج ابن صياد مرة للحج مع الناس، وكان من ضمن الناس واحد من الصحابة من الأنصار اسمه أبو سعيد الخدري،
ففي الطريق قعدوا يريحوا والناس اتفرقت كل واحد راح مكان واتبقى أبو سعيد مع ابن صياد،
فهنا أبو سعيد الخدري رضي الله عنه خاف من ابن صياد من كتر الكلام إللي بيتقال عليه😅
لأ وابن صياد جاب متاعه أغراضه وحاجته يعني ووضعها مع متاع أبو سعيد، يعني احنا قاعدين مع بعض مش هسيبك😁
فأبو سعيد قال له :
الجو حر فلو إنك وضعت أغراضك تحت الشجرة إللي هناك دي يكون أحسن،
ففعلا ابن صياد أخذ أغراضه ووضعها تحت الشجرة، وبعدها كان في غنم فراح ابن صياد حلب من الغنم وجاء لأبو سعيد باللبن يشربه، فقال لأبي سعيد: اشرب،
لكن أبو سعيد مش عايز منه حاجة أصلا هو نِفسه يبعد عنه وده لازق فيه🤦‍♂️
فقال له أبو سعيد:
الحر شديد واللبن حار😅
بيعتذر بلطف يعني عشان ميجرحوش ويقول له أنا مش عايز منك حاجة،
فقال ابن صياد لأبي سعيد:
أبا سعيد! لقد همَمْت أن آخذ حبلاً فأعلقه بشجرة ثم أختنق مما يقول لي الناس😑
يعني من كتر الكلام أللي الناس بتقوله عنه فكر إنه ينتحر ويخلص من الهم ده كله،
وبدأ بقى يدافع عن نفسه ويتلطف في الكلام مع أبو سعيد عشان يثبت له براءته، قال :
يا أبا سعيد! من خَفِيَ عليه حديث رسول الله ﷺ ما خفي عليكم معشر الأنصار!
يعني لو الناس معرفتش أحاديث رسول الله ﷺ الأنصار أكيد عارفين كلامه ﷺ، ومش انت من أعلم الناس بحديث رسول الله ﷺ،
طيب هو مش رسول الله ﷺ قال عن الدجال إنه كافر؟!
طيب أنا مسلم🤷‍♂️
مش رسول الله ﷺ قال عنه : هو عقيم لا يُولد له، طيب أنا تركت ابني في المدينة،
مش رسول الله ﷺ قال: لا يدخل المدينة ولا مكة، طيب أنا جاي من المدينة ورايح مكة أهه😕
فزي ما تقولوا كده ابن صياد صعب على أبو سعيد الخدري ولقى إن كلام ابن صياد فعلا منطقي جدا، وقال أبو سعيد في نفسه:
حتى كدت أن أعذره، يعني فعلا حسيته مظلوم، وإن مش هو الدجال،
وراح ابن صياد مكمل كلامه:
أما والله إني لأعرفه وأعرف مولده وأين هو الآن😤
يعني أنا أعرف الدجال وأعرف أبوه وأمه وأعرف هو فين دلوقتي،
فأبو سعيد اتصدم وقال له: تباً لك سائر اليوم، أيُسُّرك أنك ذاك الرجل؟
يعني تحب إنك تكون انت الدجال، فابن صياد إللي عمال يدافع عن نفسه وكان عايز ينتحر بسبب كلام الناس قال:
لو عُرِض عليَّ ما كرهت🤷‍♂️
يعني لو اتعرض عليه إنه يكون الدجال مش هيعترض وهيوافق عادي جدا🤦‍♂️
وحتى موته، محدش يعرف هو مات إزاي ولا هو فين أصلا، حصلت حادثة اسمها يوم الحَرّة حصل فيها قتال بين أهل المدينة وجيش يزيد بن معاوية،
وفي اليوم ده فقدوا ابن صياد لا لقوه هو شخصيا ولا لقوا جثته وده من الأمور إللي زودت الشك عند الناس،
وقالوا إن هو المسيح الدجال، لكن