يهود😤
◇فقال لهم الثاني:
خلاص تقتلوا بأيديكم نساءكم وأبناءكم وتخرجوا على محمد مرة واحدة وتحاربوه وتقاتلوه، فلو انتصرتم انتصرتم ولو قُتلتم مفيش حاجة نخاف ولا نحزن عليها نسيبها ورانا👌
فقالوا له: وإيه ذنب المساكين دول نقتلهم😳
لا طبعا مش هنقدر نعمل كده، هات الاقتراح الثالث🤔
◇فقال لهم الثالث :
النهاردة يوم السبت والمسلمين مطمئنين إننا لن نهجم عليهم يوم السبت، فاحنا هنفتح الحصون ونخرج نقاتلهم كلهم بغتة فميلحقوش يجمعوا نفسهم فنقتلهم👌

☆كان من شريعة اليهود إنهم لا يقاتلوا يوم السبت وكان معروف عنهم كده.

فقالوا له عايزنا نقاتل يوم السبت ونعتدي وربنا يمسخنا قردة وخنازير😱
لأ طبعا مش هنقدر نعمل كده😤

فغضب منهم كعب أسد وقال لهم : والله ما في منكم راجل حازم، مش عارفين تاخدوا أي قرار😡

فكده مبقاش قصادهم غير حل واحد وهو إنهم يستسلموا لرسول الله ﷺ وينزلوا على حكمه، لكن قبل ما يعلنوا الاستسلام قالوا خلينا نستشير أبا لُبابة،
أبو لبابة كان من الصحابة من قبيلة الأوس، وكان من حلفائهم من أيام الجاهلية، يعني في عهود بينهم إنهم يدافعوا عن بعض،
فأرسلوا لرسول الله ﷺ: أرسل لنا أبا لبابة نستشيره في أمرنا👌
فأرسل لهم رسول الله ﷺ أبا لبابة، وأول ما دخل عليهم أبو لبابة الصبيان والنساء راحوا ناحيته وقعدوا يبكوا قصاده،
يعني عاملين له جو نفسي إن أنت النجدة الوحيدة قصادنا،
فقلبه رق لهم وصعبوا عليه،
والرجال رحبوا به وقالوا له: يا أبا لبابة! نحن مواليك دون الناس كلهم😥
فقام كعب بن أسد وقال:
انت عارف احنا عملنا إيه معاك ومع قومك يوم الحدائق ويوم بُعاث وكل حرب كنتم فيها، وعملنا معاكم الواجب،
-بيذكره بأيام الجاهلية-
وانت شايف الحصار اشتد علينا إزاي، ومحمد مش راضي يمشي غير لما نستسلم له وننزل على حكمه،
هو بس لو مشي احنا هنسيب المدينة ونروح الشام أو نروح خيبر ومش هنشارك أي حد تاني في الهجوم عليه، فإيه رأيك نعمل إيه😥
طبعا أبو لبابة في شدة التأثر، الناس دي من خمس سنين بس كانوا حبايبه وبيدخل بيوتهم وفي علاقة ود بينه وبينهم، فدلوقتي بقوا في موقف صعب زي ده،
ومع ذلك قال لهم أبو لبابة: رسول الله ﷺ مش هيسيبكم، فانزلوا على حكمه👌
هو لأنه صحابي مؤمن مش ممكن أبدا هيقترح عليهم بشيء مخالف لكلام رسول الله ﷺ،
ولا هيطلب منهم طلب غير إللي طلبه رسول الله ﷺ مهما كان متأثر بالموقف،
لكنه وهو بيقول لهم انزلوا على حكمه أمسك رقبته أو أشار إلى رقبته، يعني بيقول لهم إن حكم رسول الله ﷺ فيكم هيكون الذبح، القتل يعني،

☆طب وهو عرف منين إن حكم رسول الله ﷺ هيكون الذبح ورسول الله ﷺ مقلش أي حاجة للصحابة🤔

الفعل إللي بنو قريظة فعلوه من الغدر والخيانة وتعريض المسلمين كلهم للقتل والذبح كان من نتيجته الطبيعية البديهية إنهم يُقتلوا،
زي كده لما واحد يعمل خطأ متعمد بيبقى متوقع إن حد هيعاتبه أو يعاقبه بسبب الخطأ ده،
فكان واضح جدا إن النتيجة الطبيعية للغدر ده هو القتل،
وهنا ابو لبابة عرف إنه وقع في الذنب🙊
أفشى سر رسول الله ﷺ😶
وبدأ يؤنب نفسه على ما فعله مع أنه لم يره أحد من الصحابة، ورسول الله ﷺ لا يعلم الغيب،
فندم أبو لبابة واسترجع، فقال له كعب: مالك يا أبا لبابة🤔
فقال: خنتُ الله ورسوله😔
فنـزل من عندهم ولحيته مبتلة بالدموع من لحظتها، والمسلمين مستنيينه يرجع لهم، ومشي من طريق تاني من وراء الحصن ،مقدرش يواجه النبي ﷺ،
ورجع للمسجد وربط نفسه في عامود من عواميد المسجد،
وصل الخبر لرسول الله ﷺ فقال :
دعوه حتى يُحدث الله فيه ما يشاء؛ لأنه هو الذي ربط نفسه👌
يعني لو كان جاءني لاستغفرت له، فمادام لم يأتني وذهب، فدعوه فأنزل الله فيه:
"وَلَوْ أَنَّهُمْ إِذْ ظَلَمُوا أَنْفُسَهُمْ جَاءُوكَ فَاسْتَغْفَرُوا اللَّهَ وَاسْتَغْفَرَ لَهُمُ الرَّسُولُ لَوَجَدُوا اللَّهَ تَوَّاباً رَحِيماً"

بنو قريظة عرفوا خلاص إن القتل مستنيهم، هم عارفين إن الجريمة إللي عملوها كبيرة جدا وعارفين إنهم كانوا خنجر مسموم في ظهر رسول الله ﷺ والصحابة،
لكن هم مرعوبين من رسول الله ﷺ ومفيش حل تاني قصادهم فنزلوا على حكم رسول الله ﷺ👌

فاكرين بني قينقاع لما قتلوا المسلم ورسول الله ﷺ حاصرهم وكان حكمه فيهم القتل، لكن عبد الله بن أبي بن سلول جاءه واستنقذهم منه، وقال له أحسن لحلفائي،
عبد الله بن أبي بن سلول كان من الخزرج، فالأوس هنا افتكروا الموقف ده وهم حلفاء لبني قريظة،
فقالوا خلاص احنا كمان نستشفع عند رسول الله ﷺ ويطلق لنا بني قريظة زي ما حصل مع الخزرج،
فراحوا لرسول الله ﷺ وقالوا له :
يا رسول الله! أحسن إلى حلفائنا كما أحسنت إلى حلفاء إخواننا الخزرج😅

طبعا الموقف خطير، وأي قرار غير مدروس ممكن يعمل فتنة بين المسلمين😶
رسول الله ﷺ قال لهم بحكمته:
ترضوا إن إللي يحكم فيهم واحد منكم انتم؟
فقالوا : من يا رسول الله🤔
قال : يحكم فيهم سعد بن معاذ👌
فقالوا: سعد! رضينا طبعا، ده هو سيدنا ومصلحتنا من مصلحته👌
في الوقت ده كان سعد بن معاذ رضي ال

له عنه كان في خيمة كان رسول الله ﷺ أمر إنها تتعمل له وتكون قريبة منه عشان يقدر يزوره كل شوية لأنه كان مريض بسبب السهم إللي أُصيب به في الخندق والدم مكنش بيقف فكوَى رسول الله ﷺ الجرح، فورم الجرح فكواه مرة ثانية كنوع من العلاج، فكان يُطبب رضي الله عنه في الخيمة،
فأرسلوا في طلبه فجاء راكب على حمار، فكان كل إللي يقابله من قومه الاوس يقولوا له:
يا سعد أحسن إلى حلفائنا، رسول الله ﷺ حكّمك انت فأحسن فيهم😥
فكان سعد يقول : قد آن لسعد ألاّ تاخذه في الله لومةَ لائم👌
يعني أنا كل همي إني أُرضي الله رب العالمين وميهمش أي حاجة تانية، فلما قومه سمعوه بيقول كده عرفوا إنه هيحكم في بني قريظة حكم شديد🙊
وصل سعد لمكان رسول الله ﷺ وكان الصحابة معاه فقال لهم: قوموا إلى سيدكم!
فقام الصحابة لسعد بن معاذ رضي الله عنه وأنزلوه من فوق الحمار، وقالوا:
يا سعد! إن هؤلاء القوم قد نزلوا على حكمك.
فقال سعد: وحكمي هيتنفذ عليهم؟ قالوا: نعم👌
قال: وعلى المسلمين؟ قالوا: نعم،
قال: وعلى مَن ها هنا؟ وأعرض بوجهه رضي الله عنه ، وأشار ناحية رسول الله ﷺ،
هو بيتأدب مع رسول الله ﷺ فمش عايز يقول وحكمي نافذ على رسول الله ﷺ،
فقال له ﷺ : نعم، وعَلَيّ! يعني حكمك هينفذ عليّ
قال سعد:
فإني أحكم فيهم أن يُقتل الرجال وتُسبى النساء والذرية وتُقسّم الأموال🤚😤
فقال له رسول الله ﷺ : الله أكبر !لقد حكمتَ فيهم بحكم الله من فوق سبع سماوات👌
فحفر رسول الله ﷺ الخنادق في سوق المدينة وجعل الصحابة يأتون بالرجال البالغين مجموعة مجموعة يقتلهم في الخنادق،
واليهود قاعدين مش عارفين إيه إللي بيحصل، سألوا سيدهم كعب بن أسد، يا ترى محمد هيعمل فينا إيه😥
فقال لهم كعب: أفِي كل موطنٍ لا تعقلون😑
يعني هو انتم معندكوش عقل خالص تفكروا به،
انتم مش شايفين إنهم بياخدوا مجموعة مجموعة ومحدش منهم بيرجع، واضح إننا هنتقتل كلنا😒
فكان رسول الله ﷺ يقتل كل من أَنبت الشعر على العانة، يعني كل مَن بلغ، وده دليل إن البلوغ بيكون بإنبات الشعر الخشن على العانة،
وواحد من الصحابة كان من سَبْي بني قريظة وهو صغير بيقول إنهم كشفوا عن عانته فوجوده لم ينبت الشعر فتركوه ولم يقتلوه،

☆ركزوا عشان احنا كنا عارفين إن البنت بتبلغ بالحيض والولد بالاحتلام، لكن علامات البلوغ هي :
إما《 الاحتلام》 أو 《نبات الشعر الخشن حول العانة》، أو 《بلوغ خمس عشرة سنة》، أو 《الحيض》 بالنسبة للأنثى،
فإذا حصل للولد أو للبنت أي علامة واحدة من علامات البلوغ بقى واجب الإتيان بجميع الواجبات واجتناب جميع المحرمات،
خلاص بقى في صحيفة حسنات وصحيفة سيئات،
يعني يا جماعة لو البنت ظهر عندها شعر العانة الخشن حتى لو عمرها تسع سنين أو عشرة ولسه الحيض مجاش يبقى البنت بلغت وبقى حكمها زي حكم المرأة الكبيرة،
تجب عليها الصلاة والصيام والحجاب ومتسلمش على رجال وتجب عليها كل أفعال الإسلام،
فخدوا بالكم وعلموا بناتكم وفهموهم 👌
وطبعا الكلام للولد هو كمان، مادام أنبت الشعر الخشن حول العانة يبقى خلاص بقى بالغ ومينفعش يدخل على النساء ولا يقعد معاهم وتجب عليه واجبات الإسلام ونواهيه،
ابدأوا في تعليم عيالكم من وهم صغيرين شرائع الإسلام عشان على ما ييجي سن البلوغ يبقوا مستعدين👌

قُتل من اليهود أربعمائة رجل وفي رواية كانوا سبعمائة
وقُتل معهم حُيي بن أخطب إللي جمع الأحزاب وأقنع بني قريظة بنقض العهد،
وكان وعد كعب بن أسد وقال له: لو رجعت غطفان وقريش فسأدخل معكم في الحصن، ومش هسيبك، ودخل فعلا معاهم الحصن ولما قُدِّم للقتل قال لرسول الله ﷺ وهو في حالة القتل:
والله ما لُمت نفسي في معاداتك، ولكن من يُغالب الله يُغلب👌
يعني هو عارف إنه بيحارب رب العالمين وبيعترف بكده،طيب مش يسلم بقى ويرجع بعد ما شاف الآيات البينات على صدق رسول الله ﷺ،
لأ، الكِبر عماه عن اتباع الحق زي ما عمى إبليس قبل كده، وزي ما عمى قوم نوح،
وزي ما عمى غيرهم وغيرهم على مر التاريخ، وأهه بيدفع ثمن كبره وقُتل على الكفر وهو خالد مخلد في نار جهنم ،يعني لا كسب دنيا ولا كسب آخرة😓

كان في واحد اسمه عمرو من بني قريظة لم يُقتل لأنه كان مسافر وخارج الحصن وقت الغدر،
فكان واضح جدا إن القتل مكنش انتقاما من اليهود وخلاص،
القتل كان بسبب الغدر ونقض العهد أما إللي لم يغدر لم يُقتل،
وطبعا محدش يفكر إن كان في تجاوز في قتل بني قريظة، أو إنهم اتظلموا أو ...أو...😅
انتم متخيلين إنه لولا رحمة ربنا كان إللي هيبقى قاعدين بيقتلوا دلوقتي هم الصحابة ورسول الله ﷺ😶
بنو قريظة كانوا هيعملوا كده في المسلمين،
ومكنش هيبقى الرجال فقط ده كانوا هيقتلوا حتى الأطفال والنساء،
يا جماعة، شريعة الإسلام هي الشريعة الوحيدة إللي بتنهى عن قتل النساء والأطفال والشيوخ والرهبان وتنهى عن قطع الشجر وحرق البيوت وعن التمثيل بجثث القتلى،
أنا مليش دعوة باللي بعض المنتسبين للإسلام بيعملوه باسم الإسلام دول ربنا هيحاسبهم،
لكن تعالوا شوفوا غير المسلمين بيعملوا إيه لما يتمكنو

ا من المسلمين، قتل واغتصاب وتعذيب وحرق وتمثيل بالجثث،
ومش هقول لكم اقرأوا التاريخ عشان تعرفوا،
لكن شوفوا في واقعنا المعاصر إللي على غير ملة الإسلام بيعملوا إيه في المسلمين،
شوفوا اليهود نفسهم بيعملوا إيه دلوقتي مش في المسلمين البالغين، شوفوهم بيعملوا إيه في الأطفال، وما محمد الدّرة وإيمان حجو وغيرهم وغيرهم عنا ببعيد،
فيهود بني قريظة كانوا هيذبحوا كل أهل المدينة، فالجزاء من جنس العمل،
" وَلا يَحِيقُ الْمَكْرُ السَّيِّئُ إِلَّا بِأَهْلِهِ "
وهم لو كان عندهم ذرة ندم، كانوا على الأقل تظاهروا بالإسلام لما كعب بن أسد عرض عليهم عشان يحفظوا دماءهم وأموالهم ونساءهم، لكن دول فضلوا لحد آخر لحظة معاندين مستكبرين،
ولو تركهم رسول الله ﷺ لعادوا مرة ثانية وثالثة لحرب المسلمين وقتالهم👌

يا ترى إيه إللي حصل لسعد بن معاذ بعد كده، وإيه إللي حصل لأبي لبابة، ده إللي هنعرفه الجزء الجاي إن شاء الله 😊



#Eman_Shalapy

رابط القناة الشامل لقصص الأنبياء و السيرة النبوية
https://t.me/joinchat/AAAAAEhulzm7RmVxsli1pQ

#قصص_الأنبياء(٢)
#السيرة_النبوية
#الحلقة_الخامسة_والتسعون
#أحداث_السنة_الخامسة_من_الهجرة
#واهتز_لموته_عرش_الرحمن
#ضمة_القبر

اتكلمنا المرة إللي فاتت عن حكم سعد بن معاذ في بني قريظة وإللي وافق فيه حكم الله تعالى، بعد مقتل بني قريظة وعودة المسلمين إلى المدينة بكم يوم استجاب الله لدعوة سعد بن معاذ،
سعد كان دعا إن ربنا لا يقبض روحه لو كان لسه في قتال تاني لرسول الله ﷺ ضد قريش،
لكن لو مفيش قتال تاني يجعل موته بسبب جرحه فيكون في منازل الشهداء ولكن بعد ما يرتاح إنه انتقم من بني قريظة إللي خانوا العهد،
انفجر جرحه والجرح قعد ينزف لحد ما مات سعد بن معاذ شهيدا رضي الله عنه،
جاء جبريل عليه السلام لرسول الله ﷺ بعد موت سعد وقال له :
من هذا العبد الصالح الذي مات ؛ فُتحت له أبواب السماء ، وتحرك له العرش ؟
فخرج رسول الله ﷺ عشان يشوف مين إللي مات فعرف إنه سعد بن معاذ، ووصل لبيته لقى أمه بتبكيه فقال رسول الله ﷺ: كلُّ نائحةٍ تكذبُ إلا أمَّ سعد👌
يعني كل امرأة لما يموت لها ميت وتقعد تتكلم عنه بتقول كلام غير صحيح يعني بتقعد توصفه بصفات كويسة مكنتش فيه بسبب تأثرها بموته، إلا أم سعد فكل صفة بتذكرها عن سعد بن معاذ صفة حقيقية فيه،
خرج به رسول الله ﷺ مع الصحابه يحملوه، فلقى الصحابة إن جنازته خفيفة مع إن سعد كان رجل طويل وضخم،
وحتى المنافقين قالوا باستهزاء: ما أخف جنازته😏
عشان يعني حكم في بني قريظة بالذبح فده بقى عقابه،
فقال لهم رسول الله ﷺ : حملته معكم الملائكة، ونزل يُشيعه سبعون ألف مَلك منزلوش إلى الأرض قبل كده، واهتز لموته عرش الرحمن 👌
أخذوا سعد بن معاذ رضي الله عنه للبقيع عشان يدفنوه، وبعد ما دفنوه قال رسول الله ﷺ:
إن للقبر ضغطة يعني ضمة إذا نجا منها أحد كان نجا منها سعد بن معاذ👌

◇عندنا هنا نقطتين محتاجين توضيح، الأولى يعني إيه اهتز عرش الرحمن لموت سعد بن معاذ ، والثانية موضوع ضمة القبر،

☆النقطة الأولى: اهتزاز العرش :
العرش اهتز فرحا وشوقا للقاء سعد بن معاذ، فالعرش خَلق من خلق الله لو عايز يهتز هيهتز بمشيئة الله،
وربنا جعل فيه شعور لحب سعد ، زي ما جعل في جبل أُحد شعور الحب لرسول الله ﷺ، وقال عنه رسول الله ﷺ: أُحدٌ جبل يحبنا ونحبه،
وكمان زي ما ربنا جعل الجبال تسبح مع داوود زي ما شرحنا في قصص الأنبياءقبل كده، وده كان أحد أقوال العلماء،
القول الثاني : إن الاهتزاز كان من فرح الله نفسه ومحبته لقدوم روح سعد رضي الله عنه،
وفي الحديث أن مَن أحبّ لقاء الله أحبّ الله لقائه.

☆النقطة الثانية : ضمة القبر:
كل بشر هيدخل القبر سواء كبير أو صغير مسلم أو كافر صالح أو فاسق فالقبر هيضمه ضمة،
وهي أول حاجة بتحصل للميت في قبره حتى قبل سؤال الملكين، لكن الضمة دي بتختلف من شخص للتاني وللعلماء فيها قولين:
◇الأول :
لو كان الميت مؤمن صالح فالقبر يضمه ويشتد عليه لكن الضمة دي لا تطول، بتخلص بسرعة ولايطول عليه العذاب وهي من كفارات الذنوب،
أما الكافر والفاسق فالضمة بتكون شديدة جدا عليه وبيبقى وقتها أطول بحسب ذنوبه ومعاصيه،
وسبب الضغط ده إنه مفيش أي إنسان إلا وعمل ذنب فهتحصل له الضغطة جزاء للذنب ثم تدركه رحمة الله.

◇القول الثاني :
إن القبر يضم المؤمن الصالح ولكنها ضمة رفق وحنان مفيهاش أي ألم أو أذى،
أما المسلم العاصي إللي مات من غير توبة أو الكافر فبتشتد عليه الضمة وتكون ضمة فيها سخط بحسب كثرة ذنوبهم وسوء أعمالهم،
زي الأم إللي ابنها بيكون غايب عنها ورجع وهي راضية عنه فتضمه بقوة لكن بحب ورفق، بعكس الأم إللي بتكون ساخطة على ابنها فبتضمه بقوة وغضب،

والراجح هو القول الأول لأن ظاهر السنة بيدل على كده، وإن مفيش حد من المؤمنين هينجو من الضمة دي، وهي لها ألم لكن ألمها يتفاوت بين الناس كل واحد بحسب عمله وحاله،
وشيخ الإسلام ابن تيمية رحمه الله قال إن إللي بيحصل في القبر من ضمة القبر والفتنة بسؤال الملكين والخوف من الأمور إللي بتكفر الذنوب،
فنسأل الله تعالى أن يهون علينا ضغطة القبر 😓

طبعا الكلام هنا عن ضمة القبر هيوصلنا لسؤالين مهمين 👌
هل ضمة القبر تشمل الأنبياء، وهل الأطفال الغير بالغين تشملهم ضمة القبر وسؤال الملكين ولا لأ🤔

☆أولا: هل ضمة القبر تشمل الأنبياء🤔
مفيش أي نص ثابت من القرآن أو السنة يدل على إن الأنبياء بيحصل لهم ضمة القبر للأنبياء أو لأ،
لكن كثير من العلماء على حسب اجتهادهم بيقولوا الأنبياء مش بيحصل لهم ضمة القبر لأن ضمة القبر بتتفاوت شدتها على الميت بحسب ذنوبه،
والأنبياء معصومين من كبائر الذنوب ومعصومين من الإقرار على الصغائر زي ما شفنا في قصة يونس وآدم عليهما السلام فالبالتالي ملهمش ذنوب فلا يحصل لهم ضمة القبر ولا حتى سؤال الملكين.

☆ثانيا : هل الأطفال غير البالغين تشملهم ضمة القبر🤔
الأطفال كمان تشملهم ضمة القبر، والدليل في قول رسول الله ﷺ عن صبي صغير مات:
"لَوْ أَفْلَتَ أَحَدٌ مِنْ ضَمَّةِ القَبْرِ لأَفْلَتَ هَذَا الصَبِيُّ"
لكن زي ما قلنا الضغطة ب

تكون سريعة على المؤمن أو إللي معندوش ذنوب زي الأطفال كده،

◇أما بالنسبة لسؤال الملكين للأطفال، ففي علماء قالوا:
إنهم بيتسألوا وإن ربنا سبحانه يُكمِّل لهم عقولَهم ويُلهمهم الجواب عن إللي بيتسألوا عنه وتبقى منزلتهم على حسب جوابهم،
وده قول شيخ الإسلام ابن تيمية وأنا شخصيا مقتنعة بالرأي ده أكثر 😁

◇فريق تاني من العلماء قالوا:
السؤال بيكون للي يعرف الرسول ومَن أرسله
فيُسأَل هل آمن بالرسول وأطاعَه ولاّ لأ؟
لكن الطفلُ إللي مش بيعرف يميّز أزاي هيتسأل : ما كنتَ تقولُ في هذا الرجلِ الذي بُعِثَ فيكم 🤷‍♂️
ولو ربنا كمّل له عقله في القبر فمش هيتسأل عن حاجة معرفهاش ولا له أي علم بها وبالتالي مفيش فائدة من السؤال 👌

والكلام عن سؤال الملكين هيدخلنا لسؤال تاني😅
سؤال الملكين خاص بأمتنا احنا بس، أمة الإسلام يعني، ولا عام لجميع الأمم🤔

أنا هقول لكم القول الراجح في الموضوع وإللي بيدل عليه ظاهر آيات القرآن والأحاديث النبوية ،
ولو عايزين تعرفوا باقي الأقوال هتلاقوا الرابط في التعليقات👇
القول الراجح إن سؤال الملكين عام لأمة الإسلام وكل الأمم السابقة،
كل أمة مع النبي بتاعها، فيتسألوا من ربك، وما دينك ، وما تقول في هذا الرجل الذي بُعث فيكم،
فالمؤمنين المُصَدقين في كل أمة هيجاوبوا الإجابة الصحيحة، أما الكفرة والفجرة فمش هيجاوبوا ويُعذبوا في قبورهم لحد يوم القيامة وعذاب الآخرة أشد👌

☆طيب وأهل الفترة إللي موصلهمش أي رسالة ولا يعرفوا أي دين وربنا هيمتحنهم يوم القيامة، دول نظامهم إيه في القبر🤔
باختصار : أهل العلم قالوا إنهم هيتسألوا في القبر وهتكون إجابتهم على حسب مآلهم يوم القيامة، يعني إللي ربنا هيختبره يوم القيامة بعنق النار زي ما شرحنا في الجزء السادس ويسمع كلام ربنا هو ده إللي هيجاوب على الملكين في القبر،
أما إللي هيعصي الله في امتحان يوم القيامة فمش هيعرف يجاوب على سؤال الملكين في القبر،

♡كل الكلام إللي قلته ده 👆هو اختصار لكلام كتير وأدلة كثيرة، هتلاقوا في التعليقات👇 الروابط إللي فيها التفصيل مع الأدلة والأقوال المختلفة للي عايز يتأكد من كلامي أو يعرف أكثر😊

نرجع لرسول الله ﷺ والصحابة بعد موت سعد بن معاذ، تأثر رسول الله ﷺ والصحابة لموت سيد الأوس سعد، هم عاشوا معاه ست سنين فقط بعد إسلامه لكن الست سنين دول كانت كلها مواقف مُشرفة في نصرة الإسلام،
من أول يوم إسلامه ووقوفه قصاد قومه كلهم ودعوتهم جميعا للإسلام وأسلموا كلهم ساعتها بإسلام سعد،
وحتى آخر موقف في حياته وهو حكمه على بني قريظة بحكم الله،
العبرة مش الإنسان عاش كم سنة، العبرة الإنسان كان تأثيره إيه في السنين إللي عاشها،
شوفوا احنا مسلمين بقالنا أد إيه، هل عملنا شيء لما نموت
السماء والأرض هتبكي لفقدنا،
أيوة السماء والأرض تبكي لموت الصالحين ولا تتأسف على موت الكافرين والطغاة،
" فَمَا بَكَتْ عَلَيْهِمُ السَّمَاء وَالْأَرْضُ وَمَا كَانُوا مُنظَرِينَ" ،
الأرض تتأسف لفقد المؤمن إللي كان بيمشي عليها، كان
يصلي عليها، ويذهب للدعوة إلى الله فوقها، ويمشي ليصل رحمه، ويغيث الملهوف، ويعمل المعروف، ويزيل المنكر، وغيرها من الطاعات،
خليكم فاكرين: العبرة مش في عمر الإنسان أد إيه على أد ما العبرة في هو قدّم إيه في عمره ده 👌

في الوقت ده كان أبو لبابة رابط نفسه في سارية المسجد عمود يعني من عواميد المسجد، وكان لا يأكل ولا يشرب، كان يقوم بس للصلاة ويرجع تاني يربط نفسه وقال: أنا هفضل كده لحد ما أموت أموت أو يتوب الله عليّ😔
فاستمر كده حوالي سبعة أيام، لدرجة إن محدش بقى يسمع له صوت من التعب الشديد إللي وصل له،
ورسول الله ﷺ يعدي عليه الصبح وبالليل ويبص عليه مش في إيده يعمل له حاجة😞
في ليلة من الليالي في وقت السحر كان رسول الله ﷺ عند أم سلمة فسمعته يضحك، فسألته : بتضحك على إيه يا رسول الله = أضحك الله سنك = ؟
فقال رسول الله ﷺ:
لقد تاب الله على أبي لبابة👌
فقالت له: أروح ابشره يا رسول الله؟
فقال لها : لو انتي عايزة روحي بشريه!
فوقفت على باب حجرتها وكان الباب بيتفتح على المسجد على طول، فقالت : يا أبا لبابة! أبشر لقد تاب الله عليك👌
فالناس إللي كانوا في المسجد ثاروا عشان يفكوه ويُطلِقوه،
فقال : لا والله حتى يكون رسول الله ﷺ هو إللي يُطلقني بيده🤚
فخرج بعدها رسول الله ﷺ لصلاة الصبح فأطلقه،
ربنا تاب عليه لأنه كان صادق في التوبة، كان فعلا ندمان، هو كان يقدر يخبي إللي عمله ما فعله عن رسول الله ﷺ، ومكنش حد هيعرف وكان هيقول لليهود محدش فيكم يجيب سيرة إني قلت لكم حاجة،
زي ما ناس كتير بتعمل دلوقتي، يعملوا الغلط ويبقوا حريصين إن محدش من البشر يعرف حاجة ويستمروا في الغلط، لكن ناسيين إن في حد بيراقبهم وبيراقب أفعالهم كلها،
وهو ده إللي فهمه أبو لبابة، مهما خبى ومهما دارى فهو عارف كويس إنه ميقدرش يخبي أي حاجة عن ربنا إللي يعلم السر وأخفى،
هو أه وقع في الذنب لكنه أتبع الذنب ده بتوبة صادقة، وكانت النتيجة إن ربنا

تاب عليه،
بسبب الذنب ده تولّد في قلب أبي لبابة الخوف والحياء والمهابة والتعظيم لله سبحانه وتعالى ،
وعرف معاني وعبادات قلبية مكنش هيعرفها غير لما يمر بالموقف ده، فمش دايما وقوع الإنسان في الذنب بيبقى حاجة وحشة،
ساعات الإنسان بيقع في ذنب ويكون الذنب ده سبب في دخوله للجنة تخيلوا👌
يعني من حكمة ربنا في تقدير الذنب على العبد وإنه لا يعصمه منه إنه يُنسيه رؤية عمله في طاعة الله،
مش ساعات بتحصل معانا إننا نكون مطيعين جدا لربنا فترة وفجأة كده نقع في ذنب معين،
زي مثلا الواحد في رمضان بيبقى جايب آخره في العبادة وبكاء وخشوع وقراءة قرآن وفجأة بعد رمضان مش بس ييجيله فتور ده ممكن كمان يقع في معاصي مكنش ممكن يتخيلها،
وده لأن ربنا يريد إنه يعلم العبد انكسار القلب والخشية وينزع من قلبه الرياء والعجب والتكبر،
يعني ممكن الإنسان يشوف طاعته وإنه عمل حاجة كبيرة،
فربنا من رحمته يُقدر عليه الذنب عشان يحتقر عمله وميشفش قصاده غير ذنبه فقط ويخاف من ربنا ومن عقابه ويبقى دايما مكسوف من ربنا وإزاي هيقابله بالذنب ده،
ويفضل في الإنكسار والخشية دي ويفضل يعمل أعمال عشان يعوض الذنب ده،
وربنا بيقول في الحديث القدسي:
"وَعِزَّتِي لَا أَجْمَعُ لِعَبْدِي أَمْنَيْنِ وَلَا خَوْفَيْنِ :
إِنْ هُوَ أَمِنَنِي فِي الدُّنْيَا أَخَفْتُهُ يَوْمَ أَجْمَعُ فِيهِ عِبَادِي ، وَإِنْ هُوَ خَافَنِي فِي الدُّنْيَا أَمَّنْتُهُ يَوْمَ أَجْمَعُ فِيهِ عِبَادِي"
يعني إللي بيخاف من ربنا في الدنيا هيبقى آمن يوم القيامة، أما إللي بيعمل الذنوب وهو مش فارق معاه حاجة وعادي يا جماعة بقى ماهو ربنا غفور رحيم😒
ده إللي ربنا هيخوفه يوم القيامة فانتبهوا👌

فباختصار كده ربنا ممكن يقدر على العبد فعل الذنب عشان الخير إللي هيحصل للعبد بعد كده من توبة وخوف وانكسار وترك العجب والإقبال على الله ويكون كل ده سبب لدخوله الجنة،
وده إللي حصل مع أبي لبابة وبيحصل مع المؤمنين الأتقياء على مر الزمن 👌

دلوقتي زعيم الأوس سعد بن معاذ مات فلازم واحد تاني يمسك بداله، فأصبح زعيمهم بعد سعد هو أسيد بن حُضير، إللي كان سبب في إسلام سعد بن معاذ لو تفتكروا قصته😁
وسعد يبقى زوج عمته،
وكان أُسيد من العقلاء أصحاب الرأي، ومكانته بين الناس زي مكانة سعد بن معاذ كده، وكان له صوت جميل وهو يقرأ القرآن،
حتى إنه مرة كان بيقرأ القرآن بالليل في مِربده، حاجة زي الاسطبل كده كان فيها فرسه، وكان ابنه يحيى صغير قاعد جنب الفرس،
فكان بيقرأ القرآن فالفرس تحركت حركة شديدة فتوقف عن القراءة فسكنت الفرس،
فبدأ يقرأ مرة ثانية فالفرس اتحركت بشدة تاني، فخاف أحسن تدوس على ابنه يحيى فقام يشوف ليه الفرس بتتحرك كده ويطمن على ابنه،
فلقى فوق رأسه زي غمامة كده فيها زي أضواء ومصابيح، الغمامة دي فضلت ترتفع في السماء لحد ما اختفت،
الصبح راح أسيد بن حضير لرسول الله ﷺ وقال له :
امبارح وأنا بقرأ القرآن في مربدي يا رسول الله لقيت الفرس اتحركت حركة شديدة🤔
فقال له رسول الله ﷺ:
اقرأ ابن حُضير!
يعني رسول الله ﷺ بيشجعه على الاستمرار في القراءة وانه ميقطعهاش، لأن القراءة سبب لنزول الملائكة والبركة وذكر العبد عند الله تعالى،
فقال له أُسيد: فقرأت تاني فتحركت بشدة مرة تانية😮
فقال له رسول الله ﷺ:
اقرأ ابن حضير!
فقال له أسيد : مكملتش وقمت أشوف إيه إللي بيخلي الفرس تتحرك كده وخفت على يحيى من إنها تدوسه بحوافرها😓
فلما قمت شفت سحابة فيها مثل المصابيح مضيئة منيرة، وفضلت تطلع فوق في الجو لحد ماختفت تماما ومبقتش شايفها،
قال له رسول الله ﷺ:
دي الملائكة جاءت تستمع إليك، ولو استمريت في القراءة لحد الفجر كان الناس شافوهم على هيئتهم النورانية دي👌

غزوة الأحزاب خلصت وخلاص انتهينا من بني قريظة، لكن في واحد من اليهود إللي خرجوا مع حُيي بن أخطب عشان يجمعوا المشركين ضد رسول الله ﷺ في الأحزاب قدر يهرب ويروح القلعة بتاعته في خيبر،
وقلنا إنه كان فاحش الثراء وهو إللي كان بيصرف على خطة تجميع الأحزاب، هل يا ترى رسول الله ﷺ هيسيبه كده يكمل في عداوته ويستعمل أمواله ضد المسلمين ولا هيكون له تصرف تاني معاه🤔

ده إللي هنعرفه الجزء الجاي إن شاء الله 😊
☆احنا قلنا اسم الرجل اليهودي ده في الجزء التاسع والثمانون، مين يقدر يفتكر اسمه😁



#Eman_shalapy

رابط القناة الشامل لقصص الأنبياء و السيرة النبوية
https://t.me/joinchat/AAAAAEhulzm7RmVxsli1pQ

#قصص_الأنبياء(٢)
#السيرة_النبوية
#الحلقة_السادسة_والتسعون
#أحداث_السنة_الخامسة_من_الهجرة
#مقتل_أبو_رفع_اليهودي

شوفنا في الأجزاء الأخيرة إللي حصل مع الأحزاب ومع بني قريظة، وقَتل حُيي بن أخطب إللي كان حزب الأحزاب ضد رسول الله ﷺ،
مينفعش رسول الله ﷺ يسيب القبائل إللي اشتركت في الهجوم على المدينة كده من غير ما يكون له رد فعل عشان القبائل تعرف إن انتهاك حرمات الأمة الإسلامية مش هيعدي بدون عقاب👌
فبدأ رسول الله ﷺ يبعت السرايا المختلفة لتأديب القبائل دي عشان يعرفهم قوة المسلمين،
وكانت حملات عسكرية مكثفة بمعدل حملة عسكرية كل عشرين يوم تقريبا😮

☆ممكن حد يسأل ويقول مش المفروض المسلمين يريحوا شوية بعد التعب إللي شافوه في الكم شهر إللي فاتوا
أو على الأقل ميقلّبُوش الناس عليهم😑

شوفوا يا جماعة، الأمة التي لا تجاهد تُصاب بالذل👌
وده كلام رسول الله ﷺ، فضعف وذل المسلمين مش بس هيؤدي للتهديد المستمر على دولة الإسلام من أعدائها،
ده هيؤدي لفقد الثقة في الدين الإسلامي نفسه،
الناس هتقول:
لو كان الدين ده حق كان أصحابه كافحوا ودافعوا عنه😒
لو الدين ده عظيم كان فرض نفسه على الآخرين وانتشر😤

بسبب الوضع الصعب للمسلمين وتفريط أكثرهم في الدين، غير المسلمين هينفروا من الإسلام لعدم ثقتهم في المسلمين،
وده إللي رسول الله ﷺ طبعا مش عايزه يحصل،
هو عايز تكون صورة الأمة الإسلامية مَهِيبة وسط الجزيرة العربية ولها مكانتها الخاصة👌
وده إللي الصحابة نفسهم كانوا فاهمينه ومنهم الأنصار:
الأَوْس والخَزْرج،
احنا عارفين إن كان في حروب كثيرة بين الأَوْس والخزرج قبل الإسلام، أما بعد الإسلام فهم استغلوا الحمَيّة إللي كانت بينهم دي لنصرة الله ورسوله،
فكانوا دايما بيتفاخروا في مجالسهم بمميزاتهم وبمين له ميزة أكثر من التاني،
فكان الأَوس يقولون :
منّا غِسّيل الملائكة حنظلة بن الراهب، ومنّا من اهتز له عرش الرحمن يوم مات، سعد بن معاذ،
ومنا إللي الدبابير حمت جسده وهو عاصم بن ثابت ومنا من شهادته بشهادة رجلين وهو خُزيْمة بن ثابت😎
《هقول لكم قصته بعد شوية》

فكان الخزرج يردون عليهم ويقولوا:
احنا بقى منا أربعة لم يجمع القرآن أحد غيرهم:
زيد بن ثابت، وأبو زيد وأُبَيّ بن كعب ومعاذ بن جبل💁‍♂️
فكان ده حالهم على طول 😅
فلما الأوس تقربت إلى الله ورسوله بقتل كعب بن الأشرف لو تفتكروا قصته في الجزء الخامس والستين،
إللي رسول الله ﷺ قال عنه : من لكعب بن الأشرف فإنه آذى الله ورسوله فتطوع مجموعة من الأوس وقتلوه،
هنا الخزرج قالوا :
هم الأوس مفكرين إنهم هيسبقونا بالفضل😡
فقعدوا يشوفوا مين ألَدّ أعداء النبي ﷺ 🤔
فملقوش غير أبو رافع سلاّم بن أبِي الحُقَيق التاجر الشهير فاحش الثراء،
إللي كان من زعماء بني النّضير ومن أثرياء اليهود، وكان من الذين حزبوا الأحزاب ضد رسول الله ﷺ مع حُيي بن أخطب إللي قُتل مع يهود بني قريظة،
أبو رافع بعد نهاية الأحزاب رجع لقلعته إللي كانت على أطراف الحجاز داخل حصون خيبر،
والصحابة عارفين إن أذيته للمسلمين وعدائه للإسلام مش هيقف وهيشوف أي فرصة ويستغلها عشان يحارب الإسلام مرة ثانية😑
فراحت مجموعة من الخزرج لرسول الله ﷺ واستأذنوه إنهم يقتلوا أبو رافع اليهودي،
فأذن لهم رسول الله ﷺ وجعل قائد السرية دي عبد الله بن عَتِيك ،ووصّاهم رسول الله ﷺ وقال:
" لا تقتلوا وَليدًا ولا امرأة "
ودي كانت أول سرية بعد غزوة الأحزاب،
خرج عبد الله بن عَتيك مع ثلاثة أو أربعة من الصحابة وتوجهوا لقلعة أبو رافع،
وصلوا للقلعة بعد غروب الشمس وكان في الوقت ده عمال القلعة راجعين بسَرْحهم، يعني كانوا بيسرحوا بالمواشي طول اليوم فرجعوا بالمواشي للقلعة بعد غروب الشمس،

في اللحظة دي عبد الله بن عتيك قال لأصحابه:
خليكم هنا متتحركوش، أنا هحاول أعمل اي خدعة وأدخل الحصن🤫

☆سبب ذهاب عبد الله بن عتيك بالذات ومش أي واحد تاني إنه كان له أم من الرضاع في خيبر وكان بيعرف يتكلم اليهودية،
فلو حصل وحد مسكه هيعرف يلاقي حجة ينجي بيها نفسه👌

ذهب عبد الله بن عتيك بالقرب من بوابة القلعة وتقنّع بثوبه، يعني غطى وشه ومبقاش باين غير عينه والدنيا خلاص كانت داخلة على الليل وجلس كأنه بيتبول بجانب البوابة،
فحارس البوابة لما شاف هيئته ظنه واحد من العمال إللي لسه جايين فقال له :
إنت ياللي هناك، لو كنت هتدخل فادخل دلوقتي عشان أنا عايز أقفل الباب😕
فراح عبد الله بن عَتِيك داخل للقلعة واستخبى في جنب،
فبعد ما حارس البوابة البوابة أغلق البوابة علّق المفاتيح على وَتد، خشبة كده بيتعلق عليها المفاتيح،
في الوقت ده كان عند أبو رافع جماعة سهرانين بياكلوا ويشربوا الخمر، ما هو زعيم الحصن بقى😅

بعد شوية لما الحركة هديت والضيوف إللي عند أبو رافع مشيوا ومبقاش في صوت مسموع، تسلّل عبد الله بن عَتيك وأخذ المفاتيح،
أغلق على البوّاب باب غرفته من الخارج، وأغلق كل الأبواب إللي كانت تقابله من الخارج،
عشان محدش يخرج من أي غرفة، أما الباب إللي كا

ن بيدخل منه فكان يغلقه على نفسه من الداخل عشان محدش يفتح عليه الباب ويدخل وراه،
أبو رافع بقى كان في عَلاَلِيَ له، يعني غرفة فخمة كده في دور عُلوي يُصعد له بسلم خشب،
فدخل عبد الله بن عتيك لغرفة أبي رافع لقى الدنيا ضلمة كُحل😶
ومش عارف هو فين بالضبط، ومش معاه حاجة يُضيء بيها الغرفة، يعمل إيه🤔
راح منادي عليه بصوت عالي🤭
يا أبا رافع🔉
فراح رادد عليه أبو رافع وقال له : مين🤨
عرف عبد الله بن عتيك مكان أبو رافع وتوجه ناحية صوته وضربه ضربة بالسيف لكنها كانت ضربة بسيطة لم تقتله وصرخ أبو رافع يستغيث بحد ينقذه،
عبد الله بن عتيك راح ماشي من عنده كأنه هرب، ورجع له تاني وغيّر صوته كأنه واحد من الخدم بتوعه جاي يساعده فقال عبد الله بن عتيك لأبي رافع:
مالك يا أبا رافع😲
فقال له أبو رافع:
لأمك الويْل😠 في واحد ضربني بالسيف😫
فراح عبد الله بن عتيك ضربه الضربة الثانية😅
لكن برده الضربة دي لم تقتله،
فمشي عبد الله بن عتيك مرة ثانية كأنه هرب ورجع له تاني
وغير صوته تاني كأنه واحد من الخدم بتوعه جاي يساعده😁
فقال عبد الله بن عتيك لأبي رافع:
مالك يا أبا رافع😱ذ
فلقاه مرمي على ظهره على الأرض، فأدخل عبد الله بن عتيك طرف سيفه في أسفل بطن أبي رافع وضغط على السيف لحد ما سمع صوت العظم، فعرف ساعتها إنه كده خلاص قتله واستيقظ أهل البيت🙊
خرج عبد الله من عنده بسرعة وقعد يفتح الأبواب باب باب لحد ما وصل للسلم الخارجي،
وكان مفكر إنه خلاص وصل للأرض، فبيحط رجله راح واقع على رجله فانخلعت ركبته وساقه اتكسرت 😶

☆ عبد الله بن عتيك مقلش : أنا يارب بعمل خدمة للدين تقوم تقدّر عليّ إن رجلي تتكسر، مش المفروض تحفظني بقى، مانا بعمل حاجة ترضيك أهه😞
بتحصل ولا لأ😓
لما واحد فينا بيعمل طاعة أو يتقرب إلى الله بأي عمل خير وربنا ابتلاه بعدها على طول بأي ابتلاء، ممكن ييجي في باله الكلام ده ولا لأ، حتى لو منطقش بيه👌
طيب عبد الله بن عتيك كان رد فعله إيه ساعتها، وخصوصا إن الموضوع مش سهل ده كسر رجل،
ده الواحد لما رجله بتتلوى بس شوية مش بيبقى قادر يتحرك😑
عبد الله بن عتيك بكل بساطة فك العمامة بتاعته وربط رجله بيها وانطلق لأصحابه يخبرهم باللي حصل، ولا اهتم أصلا بالموضوع🤷‍♂️
هو عارف إن طريق ربنا مش مفروش بالورود ولكنه مفروش بالابتلاءات، هو عارف إن الجنة لا يُلقّاها إلا الذين صبروا،
عشان كده كان كسر رجله بالنسبة له من جُملة الابتلاءات على الطريق 👌

وصل عبد الله بن عتيك للمكان إللي فيه أصحابه ولما وصل قال لهم:
يلا بسرعة امشوا من هنا، وروحوا بشروا رسول الله ﷺ فقد قتل الله أبا رافع، أنا هفضل قاعد هنا لحد ما اسمع الناعي ينعي أبا رافع!

☆عبد الله بن عتيك بيعلمنا معنى جميل جدا هنا😊
هو مين إللي خطط ومين إللي رتب ومين إللي دخل الحصن ومين إللي كان خايف يتمسك ومين عمل الحيلة عشان يقتل أبا رافع ومين إللي رجله اتكسرت،
مش عبد الله بن عتيك؟
لكنه هنا بينسب الفضل في كووول ده لله عز وجل،
فهو بيقول لنا إن الإنسان مش بشطارته يقدر يعمل أي إنجاز،
لولا توفيق ربنا للعبد مكنش قِدر يتحرك ولا يعمل أي خطوة،

إذا لم يَكُنْ عَوْنٌ من اللهِ للفَتَى فأوّلُ ما يَجْنِي عَليهِ اجْتِهادُه

انطلق الصحابة باتجاه المدينة وانتظر عبد الله بن عتيك يسمع الناعي،
أول ما صاح الديك طلع النّاعي على سور الحصن وقال:
أنعي لكم أبا رافع تاجر أهل الحجاز!
كده بقى إعلان رسمي بموت أبي رافع، فانطلق عبد الله بن عتيك خلف أصحابه ومكنش حاسس بأي ألم نهائي، ربنا رفع عنه الألم👌
وتخيلوا إنه كمان لِحق أصحابه إللي كانوا سبقوه في الطريق قبل ما يوصلوا لرسول الله ﷺ 😁
لما وصلوا لرسول الله ﷺ بشّروه بمقتل أبو رافع فحمد الله، وعرف رسول الله ﷺ إن رجل عبد الله بن عتيك اتكسرت فقال له : ابسط رجلك! يعني افرد رجلك،
فبسطها فمسح عليها رسول الله ﷺ فرجعت زي ماكانت وكأنها لم تُصب أبدًا 😮
ودي كانت من معجزات رسول الله ﷺ، كَسر زي ده ممكن يقعد على الأقل شهر في الجبس، لكن الله شفاه بمسحة واحدة من يد رسول الله ﷺ 😊

◇قَتل أبو رافع كان خطوة مهمة جدا لأن ده فيه رسالة تخويف لليهود،
فقتل واحد في مكانة أبو رافع وثراءه هيخلي أي حد يراجع نفسه قبل ما يفكر بس إنه يشجع الكفار أو يجمعهم أو حتى يموّلهم بالأموال لحرب المسلمين،
لأن اليهود أحرص الناس على حياة..أي حياة المهم إنه يعيش وخلاص، فدي رسالة واضحة لكل اليهود:
احنا وصلنا للقائد والزعيم بتاعكم في وسط حصونكم في غرفة نومه وقتلناه👌
فما بالكم باللي أقل منه ممكن نعمل فيه إيه😈
فده خلى اليهود مرعوبين من رسول الله ﷺ والمسلمين،
ولو لاحظتم رسول الله ﷺ كان دايما بيركز على قتل قادة الكفر وزعمائه...ليه🤔

لأن لما القائد إللي مجمع الناس ضد رسول الله ﷺ والمسلمين خلاص يموت هينتهي أمر الجيوش كلها وتنكسر شوكة الأعداء،
زي ما اتكلمنا قبل كده في الجزء الثالث والثمانون عن قصة اغتيال خالد بن سفيان الهذلي إللي كان بيجمع القبائل لحرب ر

سول الله ﷺ،
بمجرد اغتياله خلاص تفرق كل التجمعات إللي جمعها👌
فكده بقى واضح للكل إن الدولة الإسلامية إللي كانت مُحاصرة لسه من كم يوم مش دولة ضعيفة ولسه هتكبر وشوكتها هتقوى👌

☆قبل ما نكمل باقي الأحداث عايزين نعرف مين خُزَيمة بن ثابت إللي شهادته تساوي شهادة رجلين ده😁

خُزَيْمَة بن ثابت صحابي من الأنصار من إللي حضروا غزوة بدر، كان مرة في السوق فسمع واحد من الأعراب بيقول لرسول الله ﷺ : هات لي شهيد يشهد إني بعت لك الفرس😒
فخزيمة بن ثابت راح داخل في الحوار على طول كده بدون أي مقدمات وقال للأعرابي :
أنا أشهد إن رسول الله ﷺ اشترى منك الفرس🙋‍♂️
مع إن خزيمة مكنش يعرف حاجة خالص ولا إيه الحوار أصلا🤨
دلوقتي انتم مش فاهمين الحكاية إيه صح، ولا إيه موضوع الفرس ده🤷‍♂️
أهه ده بالضبط كان موقف خزيمة بن ثابت مكنش عارف حاجة خالص ومع ذلك شهد لصالح رسول الله ﷺ،
حتى رسول الله ﷺ استغرب وسأله : انت بتشهد بإيه وانت متعرفش الحوار؟!!
فرد عليه بكل بساطة ويقين:
َبتَصْدِيقِك يا رسول الله😊
يعني بيقول لرسول الله ﷺ أنا مصدقك في الوحي إللي بيجيلك مش هصدقك في موقف بيع وشراء👌
فشهادة خزيمة رضي الله عنه كانت مبنية على تصديق عام لرسول الله ﷺ وده أصل الإيمان برسول الله ﷺ،
فحتى لو مشافش إللي حصل مع رسول الله ﷺ فهو واثق من صدق رسول الله ﷺ،
فهنا رسول الله ﷺ جعل شهادة خزيمة بشهادة رجلين،
يعني ربنا بيقول لنا عن الشهود إنهم على الأقل يكونوا شاهدين،
"وَاسْتَشْهِدُوا شَهِيدَيْنِ مِنْ رِجَالِكُمْ"
فلو حد احتاج لشهادة شهود لو أخذ خزيمة فقط فهو بيكفي، ودي حاجة خاصة فقط بخزيمة بن ثابت رضي الله عنه👌

عايزين نعرف بقى إيه قصة رسول الله ﷺ مع الأعرابي😁
رسول الله ﷺ كان في السوق وشاف فرس عجبته مع واحد من الأعراب فاشتراها منه رسول الله ﷺ،
فقال له رسول الله ﷺ: تعال ورايا ومعاك الفرس عشان أعطيك ثمنها!
مشى رسول الله ﷺ وأسرع في المشي والأعرابي كان ماشي ببطئ فسبق رسول الله ﷺ الأعرابي،
فبعض الرجال شافوا الفرس مع الأعرابي فعجبتهم فقعدوا يُساوموه عشان يشتروها منه وهم ميعرفوش إن رسول الله ﷺ كان خلاص اشتراها،
فالأعرابي زي ما تقولوا طمع، لقى الطلب كتير على الفرس بتاعته فحب يستغل الموقف ويطلع بصفقة من الموضوع😅
فنادى على رسول الله ﷺ وقال له :
انت هتشتري الفرس ده ولاّ خلاص أبيعه 😒
فرسول الله ﷺ لما سمع نداء الأعرابي قال له:
هو مش انت خلاص بِعْتَ لِي الفرس؟!!
فالأعرابي قال له: لا والله، مبعتلكش حاجة😒
فرسول الله ﷺ قال له: لأ، انت بعتلي فرسك👌
فالأعرابي قال له:
هات لي شهيد يشهد إني بعت لك الفرس😒
وهنا تدخل خُزَيمة بن ثابت وشهد لرسول الله ﷺ زي ما قلنا من شوية 😁

☆ممكن حد يسأل، هو يعني الصحابة مش مصدقين برسول الله ﷺ، اشمعنى خزيمة بس هو إللي قال كده وباقي الصحابة فضلوا واقفين يتفرجوا🤨

هو الموضوع موضوع فِطْنة مش أكثر، يعني هو انتبه لمعنى غفل عنه باقي الصحابة، مش ساعات بنتحط في مواقف نتسأل سؤال مثلا، أو يحصل موقف منبقاش عارفين نتصرف إزاي فنلاقي حد اتصرف تصرف احنا عارفينه وكان ممكن نعمله بس مجاش على بالنا نعمله أو نرد بالرد بتاعه،
أهه ده إللي حصل بالضبط هنا، الصحابة اتصدموا من الموقف،
رسول الله ﷺ واقف قصاد أعرابي بيقول انت بعتني الفرس والأعرابي بيقول له لأ، فحصل لهم اندهاش ومبقوش عارفين يعملوا إيه،
فلما انتبه خُزيمة للموقف وردّ بفطنته بكلام إللي حواليه عارفينه لكن غفلوا عنها كان جزاؤه إن شهادته تكون بشهادة رجلين😁
مثال تاني للتوضيح :
مرة رسول الله ﷺ كان قاعد مع الصحابة فقال لهم إن في سبعين ألف من أمة الإسلام هيدخلوا الجنة بغير حساب ولا عذاب، فعلى طول انتبه عُكّاشة بن مِحْصن وقال لرسول الله ﷺ : ادعُ الله ان يجعلني منهم يا رسول الله 😍
فقال له رسول الله ﷺ: أنت منهم👌
فلما قام رجل تاني من الصحابة وقال لرسول الله ﷺ ادعُ الله أن يجعلني منهم، قال له رسول الله ﷺ:
سبقك بها عُكاشة👌
فالفطنة والانتباه كانوا سبب في فوز خُزيمة وعكاشة بمنزلة خاصة بهما محدش ينازعهم فيها😊

الأحداث الأخيرة إللي فاتت كنا بنتكلم فيها عن الحالة العسكرية الجهادية للدولة الإسلامية، في وسط الأحداث دي كان في أحداث تانية بتحصل من ناحية الحالة الاجتماعية،
والأحداث دي هيكون لها أثر كبير جدا في المدينة🙊

يا ترى إيه إللي حصل، ده إللي هنعرفه الجزء الجاي إن شاء الله 😁

#Eman_Shalapy

رابط القناة الشامل لقصص الأنبياء و السيرة النبوية
https://t.me/joinchat/AAAAAEhulzm7RmVxsli1pQ

#قصص_الأنبياء(٢)
#السيرة_النبوية
#الحلقة_السابعة_والتسعون
#أحداث_السنة_الخامسة_من_الهجرة
#إلغاء_التبني
#نزول_آية_الحجاب

قلنا المرة إللي فاتت إن كان في أحداث اجتماعية بتحصل في المدينة وهيكون لها آثار كبيرة،
من الأحداث دي إن بعد غزوة الأحزاب على طول نزلت آية تحريم التبني👌
"وَمَا جَعَلَ أَدْعِيَاءَكُمْ أَبْنَاءَكُمْ ذَلِكُمْ قَوْلُكُمْ بِأَفْوَاهِكُمْ وَاللَّهُ يَقُولُ الْحَقَّ وَهُوَ يَهْدِي السَّبِيلَ ادْعُوهُمْ لآبَائِهِمْ هُوَ أَقْسَطُ عِنْدَ اللَّهِ"
فرجع زيد بن محمد لاسمه القديم وبقى اسمه زيد بن حارثة،
لكن التبني وأحكامه مغروسة في نفوس العرب،
فكان لازم حدث كبير يلغي العادة دي من جذورها، فإيه إللي حصل بقى😁
احنا كنا قلنا إن رسول الله ﷺ زوّج زينب بنت عمته لزيد بن حارثة رضي الله عنه لما كنا بنتكلم عن أحداث السنة الرابعة من الهجرة في الجزء الثامن والثمانون،
وقلنا إنها مكنتش موافقة أصلا على الزواج من زيد بن حارثة وبعدين وافقت استجابة لأمر رسول الله ﷺ،
بعد الزواج حصل مشاكل بين زيد وزوجته زينب زي أي مشاكل بتحصل بين أي زوجين،

☆أحيانا المرأة تكون تقية وعندها دين وكذلك زوجها، لكن بتحصل بينهم مشاكل، مش عشان هم وحشين، هو بيبقى مثلا بسبب إن مفيش تكافؤ بين الاثنين سواء من الناحية الاجتماعية أو الناحية العقلية، أو غيرها من الأسباب،
فهم مش بيبقوا فاهمين بعض فبيحصل صِدام في الشخصيات، فمش دايما معنى إن في مشاكل بين الزوجين يبقى هم معندهمش دين أو شخصياتهم سيئة،
ممكن كل واحد فيهم على خلق ودين عالي جدا بس مش مناسبين لبعض،
زي زينب رضي الله عنها وزي زيد بن حارثة، كل واحد فيهم مكانته عالية جدا في الإسلام لكن هم مش مناسبين لبعض👌
لما حصلت مشاكل بين زيد رضي الله عنه وبين زينب رضي الله عنها راح زيد لرسول الله ﷺ يشتكي له منها
على أساس إنها بنت عمته وهو إللي مزوّجها له، وكان بيعرّض إنه يطلقها،
فكان رسول الله ﷺ يُصبّره ويهوّن عليه المشاكل ويقول له لا تفارق زوجتك واصبر عليها وكان يذكّره بتقوى الله في أموره بصفة عامة وفي زوجته بصفة خاصة،
لأن تقوى الله بتشجع الإنسان على الصبر وتحمل الأذى،
لكن رسول الله ﷺ وهو بينصح زيد كان مخبي حاجة في نفسه، ومش عايز حد يعرفها🤫
ربنا كان أوحى لرسول الله ﷺ إن زيد هيطلق زينب وإن هو هيتزجها من بعده بأمر من الله عز وجل👌

وهنا هتيجي المشكلة 😶
العرب في الوقت ده كانوا بيعتقدوا إن الابن بالتبني زيه زي الابن من الصُّلب بالضبط😕
يعني الابن من الصّلب يرث أبويه ويتحرم عليه محارمه، وزوجته لا يتزوجها أبوه،
فالابن بالتبني عندهم ياخد نفس الحكم ده، ودي قاعدة ثابتة عندهم وزيد بن حارثة كان بقاله حوالي عشرين سنة في التبني ويمكن أكثر،
فتخيلوا بقى إن في وجهة نظر الناس رسول الله ﷺ هيبقى تزوج طليقة ابنه ودي كانت حاجة كبيرة عند العرب 👌
أيوة نزلت الآية بتحريم التبني لكن لسه الناس مش مستوعبين الموضوع 🤷‍♂️
فالتطبيق العملي للحكم الشرعي يختلف في قوته وأثره عن الواقع النظري، ومن حكمة ربنا إنه لما يريد يغير قاعدة غلط راسخة في النفوس بيغيرها بحدث كبير جدا يزلزل المجتمع كله،
فلما ربنا أخبر رسول الله ﷺ إن هيتزوج زينب طليقة ابنه بالتبني كان الموضوع صعب على رسول الله ﷺ لأنه عرف إن الناس مش هتسكت وممكن ياخدوها سبب للطعن في الدين أو طعن في رسول الله ﷺ وهو ده إللي هيحصل فعلا😶

☆سؤال بقى، ليه رسول الله ﷺ كان بيقول لزيد بلاش يطلق زوجته مع إنه عارف إنه كده كده هيطلقها سواء عاجلا أو آجلا🤨
رسول الله ﷺ كان عايز يتأكد إذا كان زيد رضي الله عنه لسه قلبه متعلق بزوجته ولا لأ، فكان بيؤجل موضوع الطلاق لحد ما يبقى خلاص زيد فعلا مش عايز يكمّل ومتأكد من قراره ومفيش أي تردد من ناحيته وإنه فعلا مبقاش له أي رغبة فيها،
مش ساعات الإنسان في ساعة زعل كده بيبقى مش عايز حاجة معينة ولما الزعل بيروح بيبقى خلاص عادي،
أو مثلا الزوج يطلق زوجته في ساعة غضب أو يندم على الزواج أصلا، لكن لما يرُوق ونَفسه تهدأ يرجع في كلامه😁
فرسول الله ﷺ كان عايز زيد يجيب آخره وإنه ياخد قرار الطلاق من غير أي ندم ممكن يحصل بعدين،
عشان لما يشوف رسول الله ﷺ وهو متزوج من زينب رضي الله عنها ميبقاش في نفسه أي شيء👌
وده كان من مراعاة رسول الله ﷺ لمشاعر أصحابه 😊

☆بس إزاي ربنا يوحي لرسول الله ﷺ بموضوع زي ده ورسول الله ﷺ يخفيه عن الناس😳

هو الوحي ده مكنش وحي لازم يُخبر به الناس، ده كان معلومة غيْبِيّة خاصة برسول الله ﷺ ربنا عرّفه بها وإنها هتحصل وخلاص، وغير مأمور بتبليغها للناس،
يعني كان الموضوع راجع لرسول الله ﷺ يقول للناس ولاّ لأ،
فلأن الموضوع هيعمل قلق جامد رسول الله ﷺ أخفاه في نفسه لحد ما ييجي وقته،
ووقت ما ربنا يريد إن الناس تعرف، رسول الله ﷺ كان هيعرّفهم وده إللي حصل زي ما هنشوف👌

☆سؤال كمان، طيب لما ربنا كان يعلم إن زواج زيد من زينب مش هيستمر غير سنة واحدة وبعدين رسول الله ﷺ هيتزوجها، ما كان

رسول الله ﷺ تزوجها من الأول وخلاص 🤔
ماهو السبب الرئيسي أصلا لزواج رسول الله ﷺ من زينب رضي الله عنها إبطال عادة التبني بطريقة عملية،
يعني عشان الناس كلها تعرف إن الابن من التبني ملوش نفس أحكام الابن من الصُّلْب، فلو تزوجها رسول الله ﷺ من البداية قبل ما يتزوجها زيد، يبقى فين الحكمة من الزواج كده🙃
فكان لازم زيد يتزوجها الأول عشان الحكمة من الزواج تتم 👌
حصل الطلاق فعلا بين زيد وزينب رضي الله عنهما، وبعد انتهاء عدّتها خطبها رسول الله ﷺ،
وهنا المنافقين مسكتوش بقى، وحصل إللي كان رسول الله ﷺ خايف منه، المنافقين قعدوا يقولوا :
محمد بينهانا إننا نتزوج من حلائل أبنائنا، ثم يتزوج هو من حليلة ابنه😏
بيتكلموا عن الآية إللي في سورة النساء إللي بتقول إن زوجة الابن محرمة على الأب،
"حُرِّمَتْ عَلَيْكُمْ أُمَّهَاتُكُمْ وَبَنَاتُكُمْ وَأَخَوَاتُكُمْ وَعَمَّاتُكُمْ .....وَحَلَائِلُ أَبْنَائِكُمُ الَّذِينَ مِنْ أَصْلَابِكُمْ"
لكن في فرق كبير جدا، ربنا بيقول الذين من أصلابكم، وقال على غيرهم أدعيائكم،
فأنزل الله عز وجل :
"مَّا كَانَ مُحَمَّدٌ أَبَا أَحَدٍ مِّن رِّجَالِكُمْ وَلَٰكِن رَّسُولَ اللَّهِ وَخَاتَمَ النَّبِيِّينَ"
يعني محمد ﷺ مكنش أب لزيد على الحقيقة ولا هو أب لأي حد من الصحابة ولا كانت زينب زوجة ابنه، عشان تقولوا الكلام ده👌

☆بس انتم عارفين بقى الناس وكلامهم مبيصدقوا يمسكوا في حاجة ويتكلموا فيها🙄
فمحدش بيسلم من كلام الناس حتى رسول الله ﷺ 👌

نزلت الآيات بقى وضحت كل شيء وأخرست المنافقين والذين في قلوبهم مرض🤭
تعالوا كده نشوف الآيات وهي بتوصف الموقف إللي حصل بين رسول الله ﷺ وزيد بن حارثة رضي الله عنه
"وَإِذْ تَقُولُ لِلَّذِي أَنْعَمَ اللَّهُ عَلَيْهِ وَأَنْعَمْتَ عَلَيْهِ أَمْسِكْ عَلَيْكَ زَوْجَكَ وَاتَّقِ اللَّهَ،
وَتُخْفِي فِي نَفْسِكَ مَا اللَّهُ مُبْدِيهِ وَتَخْشَى النَّاسَ وَاللَّهُ أَحَقُّ أَن تَخْشَاهُ ۖ
فَلَمَّا قَضَىٰ زَيْدٌ مِّنْهَا وَطَرًا زَوَّجْنَاكَهَا لِكَيْ لَا يَكُونَ عَلَى الْمُؤْمِنِينَ حَرَجٌ فِي أَزْوَاجِ أَدْعِيَائِهِمْ إِذَا قَضَوْا مِنْهُنَّ وَطَرًا ۚ وَكَانَ أَمْرُ اللَّهِ مَفْعُولًا"

يعني ربنا بيقول لرسول الله ﷺ:
لما جاءك زيد الذي أنعم الله عليه بالإسلام وأنعمت عليه بالعتق يستشيرك في طلاق زوجته، قلت له لا تفارق زوجتك واصبر،
وتُخفي في نفسك أن الله أخبرك بأنه سيطلقها وتتزوجها أنت، لأنك خائف من كلام الناس إنهم يقولوا:
محمد قال لزيد طلقها عشان يتزوجها هو، وإن محمد تزوج طليقة ابنه،
لكن كان المفروض إن خوفك يكون من الله فقط، لأن خشية الله لا يأتي من ورائها إلا كل خير وهي مانعة لكل شر،
فلما خلاص زيد مبقاش عايزها ومبقاش في نفسه رغبة من ناحيتها أمرناك بالزواج منها،
والزواج ده لفائدة عظيمة وهي إن لما المؤمنين يشوفوك تزوجت من طليقة زيد إللي كان ينتسب إليك ميكونش في صدورهم حرج من الزواج من مطلقات أدعيائهم إللي هم أبناءهم من التبني👌

الآيات كان فيها عتاب واضح لرسول الله ﷺ:
يعني إيه الفائدة إنك تقول لزيد لا تطلقها مع إنك عرفت من الوحي إن الطلاق هيقع هيقع، فكان الأَوْلى أن تصمت وتسيبه يطلقها👌
عشان كده الآيات دي كانت شديدة جدا على نفسه ﷺ لدرجة إن السيدة عائشة قالت:
لو أن رسول الله ﷺ كان كاتما شيئا من الوحي لكتم هذه الآية:
"وَإِذْ تَقُولُ لِلَّذِي أَنْعَمَ اللَّهُ عَلَيْهِ وَأَنْعَمْتَ عَلَيْهِ أَمْسِكْ عَلَيْكَ زَوْجَكَ وَاتَّقِ اللَّهَ،
وَتُخْفِي فِي نَفْسِكَ مَا اللَّهُ مُبْدِيهِ وَتَخْشَى النَّاسَ وَاللَّهُ أَحَقُّ أَن تَخْشَاهُ"

فالذي تولى تزويج زينب من رسول الله ﷺ هو الله عز وجل، يعني رسول الله ﷺ تزوجها من غير شهود من البشر ولا وليّ ولا مهر ولا عقد،
حتى إنها كانت تفخر على نساء النبي ﷺ وتقول لهن:
" زوَّجكن أهاليكُنَّ، وزوَّجني اللهُ تعالى مِن فوقِ سبعِ سموات".

فاكرين لما قلت لكم إن زينب رضي الله عنها كانت رفضت الزواج من زيد لأنه مولى يعني عبد سابق وهي كانت ذات شرف وحسب، يعني هي كانت من طبقة راقية وهو لأ،
والزواج إللي زي ده كان يُعتبر حاجة كده من الخيال بسبب العادات والتقاليد إللي كان عليها المجتمع العربي قبل الإسلام😅
فلما زينب بنت جحش أطاعت أمر رسول الله ﷺ وتنازلت عن نزعة الحَسَب والشرف ربنا عوضها هنا بشرف أعظم تتفاخر بيه بين نساء رسول الله ﷺ 😊
وهنا نقدر نقول بكل ثقة :
"من ترك شيئا لله عوضه الله خيرا منه" 👌

وتم الزواج بين زينب بنت جحش وبين رسول الله ﷺ، وكان عمره ﷺ ساعتها ثمانية وخمسون سنة، أما زينب فكان عمرها ثمانية وثلاثين عام، وكانت هي الزوجة الخامسة لرسول الله ﷺ،
يبقى زوجات رسول الله ﷺ إللي في عصمته الآن:
سوْدة بنت زمعة، وعائشة بنت أبي بكر، وحفصة بنت عمر، وأم سلَمة وزينب بنت جحش 😁

☆ملحوظة هاااااامة جدا👌
الكلام إللي أنا شرحته عن تفسير آية :
"وَتُخْفِي فِي نَفْسِكَ مَا اللَّهُ مُبْدِيهِ"
هو

ده القول الصحيح الوحيد👌
أي رواية تانية غير دي فهي رواية غير صحيحة إطلاقا🙅‍♂️❌
في روايات بتقول إن رسول الله ﷺ كان رايح يزور زيد بن حارثة لأنه كان مريض، فشاف زينب من وراء الستار فعجبه جمالها فحط وشه في الأرض وقال :
سبحان مقلب القلوب والأبصار، فزيد قال لرسول الله ﷺ أُطلقها يا رسول عشان تتزوجها،
فرسول الله ﷺ قال لزيد : لا، فنزلت الآية تقول : وتخفي في نفسك ما الله مبديه،
يعني انت أخفيت حبك لزينب ورغبتك فيها وقلت لزيد لا ميطلقهاش،
فغير إن الروايات دي👆 غير صحيحة أصلا فهي فيها طعن على رسول الله ﷺ وتقليل من شأنه،
ثم يعني بالعقل😑
دي بنت عمته يا جماعة، فمش دي أول مرة هيشوفها يعني فينبهر بجمالها، دي اتربت من صغرها قصاده وشافها وهي شابة وهو إللي خطبها لزيد، ومكنش في حجاب ولا حاجة لسه، فعلى أي أساس الروايات الباطلة دي أصلا🙄

في يوم زواج السيدة زينب، رسول الله ﷺ دعا الناس عشان ياكلوا، وليمة عرس يعني،
فأكل جماعة عنده في بيته ﷺ، وبعد ما أكلوا قعدوا يتحدثون، عارفين انتم بعد الأكل الناس بتحب تتكلم مع بعضها وخصوصا لو في يوم فرح😅
والسيدة زينب كانت موجودة في ركن الغرفة وكانت مدياهم ظهرها ووجهها للحائط،
انتظر رسول الله ﷺ إنهم يقوموا ويمشوا، لم يقوموا،
هو مش عايز يقول لهم يلا قوموا امشوا، لأن رسول الله ﷺ كان شديد الحياء،
فعشان يجيبها بطريقة كويسة من غير ما يحرجهم ﷺ تهيأ للقيام، يعني عمل حركات بحيث إللي حواليه يفهموا إنهم يقوموا، فمحدش قام،
فقام رسول الله ﷺ وقام معاه بعض الصحابة، واتبقى ثلاثة لسه قاعدين،
فخرج رسول الله ﷺ من الغرفة، ورجع تاني لقاهم لسه قاعدين وبعد شوية قاموا ومشيوا، فجاءه أنس بن مالك خادمه وقال له إن القوم خلاص مشيوا، فرجع رسول الله ﷺ لبيته ودخل،
فجاء أنس ليدخل البيت وراء رسول الله ﷺ كعادته فألقى الحجاب بينه وبين أنس، يعني حجب أنس إنه يدخل وراءه البيت وقال له :
أنزل الله عز وجل:
"يَا أَيُّهَا الَّذِينَ آمَنُوا لَا تَدْخُلُوا بُيُوتَ النَّبِيِّ إِلَّا أَن يُؤْذَنَ لَكُمْ إِلَىٰ طَعَامٍ غَيْرَ نَاظِرِينَ إِنَاهُ
وَلَٰكِنْ إِذَا دُعِيتُمْ فَادْخُلُوا فَإِذَا طَعِمْتُمْ فَانتَشِرُوا وَلَا مُسْتَأْنِسِينَ لِحَدِيثٍ ۚ
إِنَّ ذَٰلِكُمْ كَانَ يُؤْذِي النَّبِيَّ فَيَسْتَحْيِي مِنكُمْ ۖ وَاللَّهُ لَا يَسْتَحْيِي مِنَ الْحَقِّ ۚ
وَإِذَا سَأَلْتُمُوهُنَّ مَتَاعًا فَاسْأَلُوهُنَّ مِن وَرَاءِ حِجَابٍ ۚ ذَٰلِكُمْ أَطْهَرُ لِقُلُوبِكُمْ وَقُلُوبِهِنَّ ۚ
وَمَا كَانَ لَكُمْ أَن تُؤْذُوا رَسُولَ اللَّهِ وَلَا أَن تَنكِحُوا أَزْوَاجَهُ مِن بَعْدِهِ أَبَدًا ۚ إِنَّ ذَٰلِكُمْ كَانَ عِندَ اللَّهِ عَظِيمًا "

يعني ربنا بيقول للصحابة:
محدش يدخل أي بيت من بيوت النبي إلا لو رسول الله ﷺ نفسه أَذن لكم بالدخول ودعاكم للطعام، مش إنكم تتَحيّنون وقت الطعام وتأتوا لرسول الله ﷺ، يعني متجوش لرسول الله ﷺ وانتم عارفين إن ده وقت الأكل بتاعه،
ولو رسول الله ﷺ دعاكم إلى طعام ادخلوا كلوا وامشوا على طول متقعدوش تتكلموا بعد الأكل وتتسامروا،
لأن كل ده كان بيؤذي النبي والنبي كان بيستحيي منكم ومش بيرضى يقول لكم،
لكن الله لا يستحيي من الحق، يعني ربنا لن يترك تعليمكم وتأديبكم وبيان الحق حياءا منكم،
أما زوجات النبي ﷺ إذا كلمتوهم وطلبتم منهم حاجة كلموهم من وراء حجاب سواء الحجاب ده كان جدار أو أي شيء ساتر بينكم وبينهن، لأن ده أبعد عن الريبة والشك وأطهر للقلوب من أي خواطر سيئة فاسدة،
ومينفعش تؤذوا رسول الله ﷺ أبدا، لأن من يؤذي رسول ملعونين في الدنيا والآخرة ولهم عذاب أليم،
" وَالَّذِينَ يُؤْذُونَ رَسُولَ اللَّهِ لَهُمْ عَذَابٌ أَلِيمٌ "
"إِنَّ الَّذِينَ يُؤْذُونَ اللَّهَ وَرَسُولَهُ لَعَنَهُمُ اللَّهُ فِي الدُّنْيَا وَالْآخِرَةِ وَأَعَدَّ لَهُمْ عَذَابًا مُّهِينًا "

أما زوجات النبي فليس لكم أن تتزوجوهن أبدا، محرمات عليكم إلى الأبد سواء بعد موت رسول الله ﷺ أو إذا طلقهن رسول الله ﷺ،
لأن ده ذنب عظيم جدا لا يعرف مدى عقوبته إلا الله👌

وبكده اتفرض الحجاب على زوجات رسول الله ﷺ، ووصل الخبر لعمر بن الخطاب رضي الله عنه فاتبسط بفرض الحجاب على زوجاته ﷺ😅

ليه بقى😁
قبل نزول آية الحجاب كان عمر يقول لرسول الله ﷺ:
يا رسول الله! يدخل عليك البَرّ والفاجر، فلو إنك تأمر أمهات المؤمنين بالحجاب 😕
فكان نزول آية الحجاب بعد كلام عمر لرسول الله ﷺ وهي من موافقات عمر لرب العالمين،
يعني عمر بن الخطاب تكلم بشيء فيه مصلحة فأنزل الله بعدها ما يؤكد كلام عمر رضي الله عنه،

☆لكن السؤال هنا، هو رسول الله ﷺ مكنش عارف الكلام ده، أو هل مثلا عمر رضي الله عنه كان أغير على نساء رسول الله ﷺ منه ﷺ والعياذ بالله🤔

رسول الله ﷺ كان عارف كلام عمر وكان أغير الناس،
لكن رسول الله ﷺ ميقدرش يعمل أي حاجة إلا بوحي
لأنه لا ينطق عن الهوى، فهو كان سايب نسائه على ما جرت عليه عادة العرب إنهم بدون حجاب،
ولو هو حجب نسائه

الصحابة هيقلدوه، ويبقى هو كده فرض عليهم حاجة الشرع لسه مجاش بيها،
ورسول الله ﷺ كان حريص دائما إنه لا يشق على المسلمين بأي أمر مادام الشرع مجاش بيه،
وخصوصا إن رسول الله ﷺ قال:
" أعظَمُ المسلمينَ جُرمًا مَن سأَل عن شيء لم يُحرَّمْ على المسلمينَ، فحُرِّمَ عليهم من أجْلِ مسألتِه"
فالأصل في الأمور الإباحة مادام الشرع مقلش عكس كده👌
فمادام الوحي لم يأتِ بالحجاب فليه رسول الله ﷺ يلزم نسائه به💁‍♂️
فلما نزلت آية الحجاب خلاص ،كده بقى أمر واجب التنفيذ👌

◇هو الكلام كده معناه إن الحجاب خاص بزوجات رسول الله ﷺ فقط وباقي النساء لأ🤔

الموضوع ده محتاج تفصيل كبير، عشان كده هنأجل الإجابة عليه للمرة الجاية إن شاء الله😁


#Eman_Shalapy

رابط القناة الشامل لقصص الأنبياء و السيرة النبوية
https://t.me/joinchat/AAAAAEhulzm7RmVxsli1pQ