Ferma konstruksiyasi nima?
⠀
⛓️ Odatda yoritish uskunalari, LED ekranlar va lazer nurlari soyasida qolib ketadigan ferma konstruksiyalari, aslida ushbu qurilmalarni tutib turuvchi asosiy tayanch vazifasini o‘taydi va butun sahna yoritish tizimining “suyak tuzilmasi”ni tashkil qiladi!

🔩 Ferma (Truss) — bu alyuminiydan yasalgan yengil, ammo juda mustahkam metall konstruksiya bo‘lib, u yoritish uskunalari, LED ekranlar, ovoz tizimlari, hatto dekorativ elementlarni joylashtirish va tutib turish uchun ishlatiladi.

Nega ferma konstruksiyalari zigzag (uchburchak) shaklda bo‘ladi? 🤔

🔺 1. Mustahkamlik va barqarorlik:
Uchburchak — geometriyada eng barqaror shakl hisoblanadi. Kvadrat yoki to‘rtburchak shakllar bosimda deformatsiyaga uchrashi mumkin bo‘lsa, uchburchakda bu holat bo‘lmaydi.

🏗 2. Yukni teng taqsimlash:
Uchburchak struktura yordamida og‘irlik fermaning barcha nuqtalari bo‘ylab bir tekis taqsimlanadi. Bu esa og‘ir yoritish uskunalarini xavfsiz osib qo‘yish imkonini beradi.

⚙️ 3. Og‘irlik va yengillik o‘rtasidagi muvozanat:
Zigzagli dizayn tufayli kam material bilan ko‘proq mustahkamlikka erishiladi. Bu degani — ferma yengil, ammo juda kuchli bo‘ladi.

🔧 4. Qulay yig‘ilish va modullik:
Zigzagli struktura turli uzunlik va shakllarda oson bog‘lanadi. Ferma qismlarini birlashtirish jarayonida egilish, qiyshayish holatlari kuzatilmaydi.

🏟️ Ferma konstruksiyasidan katta-yu kichik tadbirlarda, xususan, konsert, shou, televideniya, kinostudiya, ko‘rgazma, hatto stadion va arenalarda ham faol foydalaniladi!

🛠️ ProLight jamoasi ferma konstruksiyalaridan deyarli hamma loyihalarida foydalanib keladi. Yuqoridagi videolar orqali ushbu qurilmaning ishlatilish o‘rinlarini yanada yaxshiroq tasavvur qilishingiz mumkin.

📞 99-817-11-11
🌐 prolight.uz

@prolight_uz

Lady Gaga’ning Riodagi rekordi!

🇧🇷 2025-yilning 3-may sanasida Rio-de-Janeyro shtatining “Copacabana” plyajida Gaga o‘zining “Mayhem on the Beach” megakonserti bilan taxminan 2.5 million tomoshabin yig‘ib, “eng ko‘p tomoshabin to‘plagan ayol san’atkor” sifatida tarixga kirdi!

Sahna va texnologiyalar:

🔩 1 260 m² sahna + 60 metrlik LED ekran
🎵 Plyaj bo‘ylab 10 ta qo‘shimcha ekran
🔈 16 ta ovoz minorasi bilan to‘liq qamrov
🎭 Teatr uslubidagi sahna konsepti, aktyorlik, lazer va pirotexnika shoulari

🛠️ Sahna konstruksiyasi, ovoz minoralari va LED ekranlarning barchasi “Bonus Track” kompaniyasi ko‘magida tayyorlandi va boshqarildi!

👮‍♀️

Xavfsizlik:

5 000 dan ortiq

xodimlar jamoasi xavfsizlikni ta’minlashdi.

💰

Rio iqtisodiga ta’siri: taxminan 600 million real (≈ \

$106–109 million

)

✨ Konsert boshida Lady Gaga muxlislarga qarata: “Tonight, we’re making history” ya’ni “Bu kecha, biz birgalikda tarix yozamiz” dedi va so‘zini ustidan chiqdi!

Tarix bir kishi tomonidan yozilmaydi, tarix kuchli jamoa bilan birgalikda yoziladi. Tarixiy natijalarga erishish uchun haqiqiy professionallar jamoasini tanlash kerak! 😉

📞 99-817-11-11
🌐 prolight.uz

@prolight_uz

Tohir Sodiqov konsertidan fotohisobot!

⭐️ 1-iyun kuni Tohir Sodiqov (“Bolalar”) Humo Arenada o‘zining 35 yillik yubiley konsertini berdi. Tohir Sodiqov o‘zining ajoyib vokal mahorati va mana necha yillardirki tomoshabinlar tilidan tushmay kelayotgan yorqin xitlari bilan muxlislar yuragidan joy egallagan!

🤩 Rasmlar orqali konsertning yorqin va hissiyotlarga boy atmosferasini his qilishingiz mumkin. ProLight jamosi ushbu konsert uchun sahna yasadi, yoritish uskunalari o‘rnatdi, kinetik shar va lazer yordamida ko‘zni quvontiradigan manzarani hosil qildi!

Yaqin fursatlarda tadbirning eng qaynoq nuqtalaridan videolavhalarni ham qo‘yamiz… 🤗

📞 99-817-11-11
🌐 prolight.uz

@prolight_uz