الحمدلله رب العالمين ،اللهم لم شملهم واجبر مصابهم وقر أعينهم بما يسرهم في حياتهم
اللهم احفظهم وسددهم وأسعدهم🤍

الجمعة مع الشيخ وليد السعيدان🩶

الأثر على العلاقات

العلاقات تنقسم إلى ثلاثة:
العلاقات العامة : مثل سوبر ماركت، حلاق،.....إلخ.
العلاقات المتوسطة: الجيران والأصدقاء.

والعلاقات العميقة: وهي العلاقات اللي بتصادفك بشكل يومي ،اهلك ، أصدقاء مقربين...

العلاقات العامة

قائمة على الإحترام ولا يلزم الحب فيها...
يعني أنا مو ضروري حب واحد طالع جنبي بالباص ولا ضروري حب شوفير السرفيس...

الآثار المترتبة عليها عدم اخذ الحق والشعور بالغبن والسكوت عنه ، يعني واحد وقف تكسي وفي جنبه عالم ، فصله السعر كان تقيل عليه بس طلع وهو غاصص كرمال نظرات الناس ، وعفكرة هاد مو بخيل هو متعود يطلع بسعر وكان لازم يحكي للشوفير أنو أنا بطلع بالسعر الفلاني....

أو بعض الأخوات مثلا بتكون مع زميلتها بالمعهد أيضا ، وبكون في فرق بالميزانية🌚، ممكن يدخلو على مكتبة واللي ميزانيتها أعلى تشتري اغراض كتير ، والتانية تاخد اغراض متلها ويمكن ما يضل بجبيبها ليرة بس لحتى ما تنحرج وبداعي البريستيج ، وهيك لا بتكون فرحت بالأغراض يلي جابتهم وصار عندها هم من وين تكمل مصروفها، والفقر مو عيب عفكرة كل واحد بيشتري على قدرته ومقياس التفاضل بين الناس التقوى وليس المال...

﴿ رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ ﴾

العلاقات المتوسطة

بالنسبة للقعدات و التسلاية بتكون على الشكل الآتي

أ ، ب ، ج ، د

أ يتمسخر على ب ، ج ، د

ب يتمسخر على ج، د

ج يتمسخر على د

و د ما بيتنمر عحدا هاد أضعف شخصية على طول أخدينه محتوى، ما عنده توكيد ذات،

أنا لا أعراض مزح الأصدقاء ، ولكن إن كان يؤذيك من الداخل فهذا لم يعد مزاحا ، إنما اصبح سخرية وانتقاصا منك، وبدل أن تصبح جلسة للترويح عن النفْس أصبحت جلسة لضيق النفَس...

العلاقات العميقة

أولاً اللي ما عنده توكيد ذات ما عنده إظهار الحب سواء للأولاد أو للأب او للأم او للإخوة او للأصدقاء، والحب بالقلب كالعطر في الزجاجة ماله قيمة إذا ما انتشر ،

جاء رجل إلى النبي ﷺ فقال له يا رسول الله إني أحب فلان ، فقال : هل أخبرته؟ قال: لا
فقال النبي ﷺ: قم فأخبره...

ايمت آخر مرة قلت لأمك بحبك؟

أحد الأمور التي تمرض العلاقة أيضا التغافل ، يعني مثلا
في زوج بيكره صوت القرط( إصدار صوت أثناء الأكل)
فقرر يبطل ياكل مع زوجته ويتأخر بالشغل وياكل برا ويرجع عالبيت كرمال ما ياكل معها ، وهي لسا ناطرته،، لا ما باكل الا معك🙂
صار يصوم ،تصوم معه.. المهم بعد عدة محاولات ليبطل ياكل معها ، بلشت المرة تحس عليه انو عم يتجنب ، فشو خطر ببالها؟ متزوج عليها، عملتله مشكلة ، وهو يحلف وما تصدقه والك فترة هيك وحاسة عليك، بالأخير قلا أنت صوت أكلك مزعج ، كأنو طعنها براسها، انو كل هالحركات كرمال هيك؟ وحردت المرة وراحت عند أهلا وكان لو متشجع شوي وحاكي شوفي بقلبه كانت صارت مشكلة صغيرة وانحلت...

باختصار هاد التغافل خصوصا عند الشغلات المزعجة بشدة ما لازم يكون لأنو رح يفاقم المشكلة، تصرف أخوك إذا عم يزعجك كتير احكي احسن ما يتحول لكره لأنو هو ما بيعرف بالغيب ليعرف شو عم تحس، مو بس أخوك أي حدا بيعنيك احكي كلشي ولا تخلي بقلبك...

ولهون بتكون خلصت فقرة آثار ضعف توكيد الذات بعون الله وبيبقى عنا فقرة مهارات توكيد الذات لنتكلم عنها إن شاء الله 🤍

أمثال هؤلاء الخونة -الذين قتلوا صالح الجعفراوي وغيره من أبطال غزة الذين أعجزوا الاحتلال- كثير في عالمنا العربي والإسلامي، وهم امتداد للمنافقين الذين ذكرهم الله في كتابه، وهم لا يتورعون ولا طرفة عين عن قتل الصالحين والمصلحين إذا استطاعوا، وقد فعلوا ذلك في بلدان كثيرة كاليمن وليبيا وأفغانستان والعراق وغيرها، وأما في فلسطين -وخاصة خارج غزة- فأكثر من ذلك كله، لأن الصهاينة ربوهم على أعينهم بكل ما أوتوا من كيد ومكر ودهاء، ورعاهم العالم وسمنوهم كيداً في أبطال غزة، ولكن في المنطق السياسي العربي إياك أن تتكلم عن نفاقهم حتى لا تخل بالوحدة الفلسطينية والوطنية.

إن على الأمداد القادمة من المصلحين في الأمة أن يعلموا حقيقة المنافقين وألا يجاملوا فيهم وأن يسجلوا مواقفهم الحالية ويعززوا الوعي بصفاتهم وأحوالهم واتجاهاتهم وتياراتهم.

هذا وقت الولاء والبراء على معيار الإسلام ونصرته.

صدقت

توكيد الذات هي مهارة تُعلم متل أي مهارة تانية لهيك:
بتواجه صعوبات
بتحتاج بعض الضوابط و الأساليب

يلي رح تواجهه إذا بلشت تأكد ذاتك ، هو الكره، مو لازم تكسب الكل لحتى تكون منيح ، بالعكس ما بيكسب الكل إلا منافق،
فأنت كنت حاني ضهرك؛ لما رح تجلسه(تنهضه) العالم يلي كانت عليه رح توقع لهيك بدك تتقبل الكره من البعض...
واصلا يلي كان يحبك لأنك هين لين هو بحب صفتك ما بحبك...

أولا

الناس على 4 أنواع بالإنفعالات:

رح نحكي مثال لحتى توضح الفكرة
لنفرض شخص طلب عصير برتقال
وجبله الموظف عصير ليمون
(طبعا المثال بحال حزت بقلبه )

النوع الأول : القوي المصلح

بقله تعال أنا طالب برتقال، رجعه إذا في مجال لو سمحت، بيعتذر النادل و والله بيخصموها من راتبي ، هون بقله طيب المرة القادمة انتبه...
هاد النوع بكون عفا وأصلح ، ما سكت وبنفس الوقت عفا وهو الأفضل...

النوع التاني: الشرس العنيف

تعااال تعااال طرشان ما عم تسمع، مو طلبت برتقال شلون بتجيب ليمون ، وبيعمل مشكلة ، وبقوم بيمشي، وهاد النوع افضل من يلي رح أذكرهم هلق...

النوع التالت : اللطيف الضعيف

يلا مشيها ، بقلولو رفقاته انت طالب برتقال ، هو بقلن عادي كلو ماشي😊
وهو بكون من جوا مقهور بس ما عنده الجرأه يحكي هاد بكون عنده ضعف توكيد ذات

النوع الرابع : الجبان الكتوم

بياخد العصير ما بيحكي شي، بس ببلش يآذيهم بالخفي ، ممكن يجرح فرش الكرسي القاعد عليه، إذا في محارم يسحب كتير مشان يخسرهم، بعد ما يخلص يروح يفضحهم أما بوجهن كمان ما عنده جرأة يحكي وبالتالي ما عنده توكيد ذات.

طبعا نحن مثالنا مو مشان العصير بس لحتى نعرف الطريقة الصح للتعامل...

يمكن ابو الطريقة الأولى أحيانا يكون غلط إذا كان التعامل من الطرف التاني ناشف فالبتالي بتضطر تنتقل عالمود التاني🙂

غراس الجنة

روى الترمذي عن ابن مسعود رضي الله عنه،

عن النبي ﷺ أنه قال : لقيت إبراهيم ليلة

أسري بي فقال يا محمد: أقرئ أمتك مني

السلام وأخبرهم أن الجنة طيبة التربة عذبة

الماء، وأنها قيعان، وأن غراسها سبحان الله

والحمد لله ولا إله إلا الله والله أكبر...


ومن حديث جعفر بن سليمان الضبعي ، عن

ثابت ، عن أنس ...قال النبي ﷺ : يا أعرابي ،

إذا قلت سبحان الله ، قال الله : صدقت ، وإذا

قلت : الحمد لله ، قال الله : صدقت ، وإذا

قلت : لا إله إلا الله ، قال الله : صدقت ، وإذا

قلت : الله أكبر ، قال الله : صدقت ، فإذا

قلت : اللهم اغفر لي ، قال الله : فعلت ، فإذا

قلت : اللهم ارحمني ، قال الله : فعلت ، وإذا

قلت : اللهم ارزقني ، قال الله : قد فعلت .

قال : فعقد الأعرابي على سبع في يده ، ثم ولى ...

متى أؤكد ذاتي ومتى أتغافل

في علاقاتك العامة تتغافل عندما تكون قادر على محاسبة المخطئ وليس عندما تكون في موقف ضعف ، إذا وجدت موقفك يمنعك من تأكيد ذاتك والمطالبة بحقك ويخنقك لمكانة الذي تحادثه سواء كانت حقيقية او وهمية ؛ هنا عليك أن تبرز نفسك وتترك هذه العادة السيئة ،
فكما قال النبي ﷺ العفو عند المقدرة ، أي عندما تعفو لا يضر ذلك من نفسيتك أو يكسر شخصيتك...
وعندما يكون في عفوك إصلاح تطبيقا
لقول الله تعالى فمن عفى وأصلح فأجره على الله....

أيضا أتغافل إذا كان الشيء قد مضى يعني مثلا رفيقي اشترا موبايل سعره مو عقد المواصفات خلص اشتراه هو حق علي أنصحه بس بس خلص الله يرزقه ما عاد ينفع يرجعه، لو كان رايح يشتريه بقله...

وانا طبعا لما بذكرلكم أمثلة هي مجرد نظرية بتقدروا تاخدوا منها تصرفات لمواقف مشابهة بالحياة وليس بالضرورة الموقف نفسه...

عندما لا يمكن تغيير الشيء أيضا أتغافل متل مثال الزوجة يلي بتاكل وبتطالع صوت عادة يمكن تغييرها ، بس كيف؟
دائم نستخدم التدريج بالانفعال يعني مرة بنتقد يلي بياكلوا هيك او بقلا انو رفيقي هيك بياكل ما مشي الحال بنتقل عالدج🙂

نصائح لتوكيد ذاتك

صادق كلمة لا، فمن قال نعم لإهداف الآخرين قال لا لأهدافه، دائما لما الأمر لا تريده، انطق ب لا عود نفسك..

الأمر الثاني : ليست مشكلتي أن يحزن غيري عندما أطلب حقي...

الأمر الثالث : خليك متدرج دائما مو ضروري فورا تفعل وضع قوي الشخصية، درج يعني أساء لك قله لبقا تعيدها ، أساء لك قله حذرتك، أساء لك تصرف معه...

أيضا خلي شخصيتك مثل السيف بس لا تنسى الغمد يعني مو الكل ينسحب بوجهه سيف وخاصة أصحاب الفضل🩶

وإلى هنا نختم سلسلة توكيد الذات آسف أطلت عليكم ولكن الظروف لا تسمح دائما للكتابة...
طبعا النفس البشرية معقدة ويصعب تقييدها بقواعد معينة ولكن لعل ما قدمته يكون قواعد استرشادية للتصرف....
ولندعوا بالخير لياسر الحزيمي هذا الرجل الفاضل الذي اقتبست معظم افكار السلسلة منه...
مستمرٌ معكم إن شاء الله وفي حال كان لديكم أسئلة لا تترددوا في مراسلتي 👇🏻

بوت التواصل @Zakariya_Ha165BOT

بوت الصراحة ( تواصل بدون ظهور اسمك)

https://t.me/B9Bot?start=5616464128
وفقنا الله وإياكم إلى ما يحب ويرضى
والسلام عليكم 🩶

قُلْ مَتَاعُ الدُّنْيَا قَلِيلٌ وَالْآخِرَةُ خَيْرٌ لِّمَنِ اتَّقَىٰ وَلَا تُظْلَمُونَ فَتِيلًا

قال علي رضي الله عنه :

" لا يَترُكُ الناسُ شيئاً من دِينهم إرادة استصلاح دنياهم إلاّ فتحَ اللهُ عليهم ما هو أضرُّ عليهم منه، وما هو أشرُّ عليهم منه "

الزهد لابن المبارك (٤٦٨)

يا شباب الأمة وأمدادها وأبطالها من الأجيال الصاعدة التي نرجو أن تقر عين الأمة بإذن الله تعالى:

إن الأعداء يراهنون على نسيانكم، وعلى غفلتكم، وعلى قوة آلتهم الإعلامية والعسكرية من جهة، وعلى المنافقين من أتباعهم من جهة أخرى.
إنهم يراهنون على أنكم ستعيشون في همومكم الشخصية وأن يكون أعلى أماني الواحد منكم شهادته الدراسية ومعيشته وأن يشقى ليأكل ويعيش فقط.
أما هم فيعملون بالليل والنهار لمزيد من الهيمنة والعربدة ومحاربة الإسلام والعاملين له من أبنائه البررة.
وهيهات هيهات أن يكون أبناء الإسلام كذلك، فالله الله يا شباب الجيل ذكورا وإناثا، فأنتم الأمل القادم وأنتم القلعة الحصينة بإذن الله؛ فلا تضيعوا أنفسكم.