كلُّ تعلّقٍ بغير الله ذُل، ومن تعلّق بشيءٍ عذِّب به، و علامة الإفلاس الإفلاس الاستئناس بالناس ، وخيرٌ منهم قول جبريل عليه السلام للنبي ﷺ:

«يا محمَّدُ ، عِشْ ما شئتَ فإنَّك ميِّتٌ، وأحبِبْ من شئتَ فإنَّك مفارقُه، واعمَلْ ما شئتَ فإنَّك مجزِيٌّ به، ثمَّ قال : يا محمَّدُ ، شرفُ المؤمنِ قيامُه باللَّيلِ، وعِزُّه استغناؤُه عن النَّاسِ»

شرف المؤمن قيام الليل ، أي أن الله تعالى يزيد عبده المؤمن شرفا عندما يوفقه لقيام الليل وشكوى الهموم لله تعالى والدعاء والتضرع لله وحده.

ضمونا في دعائكم🩶

يقول النبي ﷺ:

«يا أيها الناس توبوا إلى الله فإني أتوب في اليوم إليه مائة مرة» رواه مسلم.

-

لما يناديك والدك للمساعدة أكتر من كل أخواتك هاد مو يعني أنه هو بحب يتعبك أكتر منهم أو أنو بحب رياحتهم وأنت لا، هاد بيعني أنو أنت أول حدا بيخطر عباله لما بيحتاج شي، أكتر حدا بياخد راحته معه وما بيحسب حساب كلمة أو نظره تكون كبيرة بحقه من ابنه يلي تعب عليه ورباه وكبره.

ولما والدتك بتطلب منك مساعدة فهاد يعني أنها بتلاقي المأمن عندك، أول ملجأ وأكتر حدا بترتاح تطلب منه بدون ما يجرحها أو يحرجها.

يا أخوان، حق الوالدين مو هين ، ومهما اختلفوا معك ومهما كترت المشاكل بالبيت وحتى لو خرب البيت الله يبعد عنكم الشر، بضلوا ألهم مقامهم الخاص فيهم ، العلاقة معهم مو وحدة بوحدة.

يقول الله تبارك و تعالى:

﴿وَإِن جَاهَدَاكَ عَلَىٰ أَن تُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا ۖ وَصَاحِبْهُمَا فِي الدُّنْيَا مَعْرُوفًا ۖ ﴾

إذا أمروك بالشرك يلي هو أعظم ذنب ، أنت ما زلت مطالب بالإحسان ألهم والصبر،
ولسا بتلاقي شباب قال شو ما عم يحكي مع أبوه حكا معه وزعجه أو ما عم يحكي مع أمه لأنو بهدلته، والأخت ما عم تحكي مع والدها لأنو ما جبلها شغلة عجبتها او بهدلها أو ما عم تحكي مع أمها لأنو مزاعلتها بالحكي، ناطرين يعتذروا منكم يعني؟

رضا الوالدين ومداراتهم من الأشياء الإجبارية بحياتك ويلي لازم تساير فيا،
كيف إذا كنت بمدرسة الأساتذة كلهم متحططين عليك وبتساير لأنو ما بتقدر تبطل بروح مستقبلك، كذلك معاملتهم ممكن تكون من البلاء، ومضطر تساير كرمال مستقبلك الأهم يلي هو آخرتك.
ما بتقدر تستبعد الرضا كرمال ترتاح ، هو شي لازم تصبر عليه كرمال ما تأثم.

والله المستعان🩶

عن أبي هريرة رضي الله عنه عن النبي ﷺ قال:

«ما يصيب المسلم من نصب ولا وصب ولا هم ولا حزن ولا أذى ولا غم، حتى الشوكة يشاكها إلا كفر الله بها من خطاياه» رواه البخاري

وعُدْتُ من المعاركِ لستُ أدري
عَلامَ أضعتُ عمري في النِّزالِ

كلُّ الحوادثِ مبداها من النَّظرِ
ومُعظَمُ النَّارِ مِنْ مُستَصْغرِ الشَّرَرِ

كْم نظرةٍ فعلتْ في قلبِ صاحبها
فِعْلَ السِّهامِ بلا قوسٍ ولا وتـرِ

والمرءُ ما دامَ ذا طرفٍ يقلِّبهُ
في أَعينِ الغيدِ موقوفٌ على الخَطرِ

يَسرُّ مُقلَتَهُ ما ضرَّ مُهجَـتَهُ
لا مرحباً بسرورِ عادَ بالضررِ

#فتنة_النساء

﴿ وَهُوَ الَّذِي يَتَوَفَّاكُم بِاللَّيْلِ وَيَعْلَمُ مَا جَرَحْتُم بِالنَّهَارِ ثُمَّ يَبْعَثُكُمْ فِيهِ لِيُقْضَىٰ أَجَلٌ مُّسَمًّى ۖ ثُمَّ إِلَيْهِ مَرْجِعُكُمْ ثُمَّ يُنَبِّئُكُم بِمَا كُنتُمْ تَعْمَلُونَ (60) وَهُوَ الْقَاهِرُ فَوْقَ عِبَادِهِ ۖ وَيُرْسِلُ عَلَيْكُمْ حَفَظَةً حَتَّىٰ إِذَا جَاءَ أَحَدَكُمُ الْمَوْتُ تَوَفَّتْهُ رُسُلُنَا وَهُمْ لَا يُفَرِّطُونَ (61) ﴾
[ سورة الأنعام ]

تخيل نفسك تعمل بشركة، ويصنفوك على أنك موظف ممتاز بل الأفضل، بس يحطولك مكتب لحالك وما بتشتغل شي، الرايح والجاي يمدحك بس ما بخلوك تقرب على أي شي.
هاد هو يا أخي للأسف حال المسلمين مع القرآن، هو شيء مقدس بالنسبة ألهم وبيعملوا حملات وبيغضبوا إذا حدا حرق المصحف(وهاد شي منيح ما عم ذمه) بس لما الأمر يتعلق بتطبيقه بأمور الحياة ، لا ، ممكن يخطر ببالهم أي نموذج لما يتعلق الأمر بالحياة العملية إلا القرآن، نسأل الله الهداية لهذه الأمة.

قدسوا القرآن كشيء لا كمنهج

والله المستعان🖤

من بريد القناة:
انطباع أحد الأخوات على النقاب😅

الحمدلله النقاب خطوة وقاية من الاختلاط والفتن وحتى ما حدا رح يفكر يحاكي منتقبة مغطاية مو مبين منها شي ولا معروف عنها شي رح يروحوا يدوروا على المتكشفة المتبرجة
وغالباً هالمنتقبة بنظرهم مخيفة ود١١ فخلص ببعدوا عنها وهاد المطلوب انو نخوف اي شخص بريدلنا سوء 😁
وبعدين يلي مترددة تاخد الخطوة إن شاء الله رح تلاقي راحة كبيرة وصدقاً النقاب حصن للبنت نفسها رح تستحي تعمل أي شي فيه معصية الأغاني تركتها لأنها ما بتتناسب مع حشمتي وتستري واستحيت على حالي وصرت أبحث عن تأسيس لديني وعقيدتي واقرأ واتعلم واحفظ أحاديث واشتغل على تجويدي بقراءة القرآن لأن مو معقول مسلمة متسترة من الخارج وفارغة الجوف لا تفقه شيء بدينها وتلاوتها للقرآن ضعيفة وتفعل المحرمات هذا تناقض
والتناقض يمكن أن يؤدي لخلل في الدين ولا سمح الله تترك الفتاة سبيل السعي للتستر لأنه لا يناسب جوفها ولا يناسب ما تفعله ويذهب كل شيء مثل السراب

#معا_لنشر_الحجاب_الشرعي

البودكاست الرابع يلي بشاركه للدكتور نايف بن نهار، حلقة مليئة بالفائدة موضوعها تدبر القرآن بعنوان كيف يفتح لنا القرآن أبوابه .

https://youtu.be/TGUsvlJIXXw?si=yOwykSN6z4DGU_Vi

البودكستات السابقة التي شاركتها للدكتور نايف:
https://t.me/programmingzh1/665

https://t.me/programmingzh1/884

https://t.me/programmingzh1/837

نفعنا الله وإياكم بها🩶

يا أخوان إذا في حدا بيعرف شيخ عنده علم بتفسير الرؤى يتواصل معي، احتاج تفسير رؤية

فإذا رزقك الله توبةً صادقة، تمنى الشيطان لو أنك لم تذنب لعظم ثواب توبتك.

نذكر بهذه القناة الرائعة لأعضائنا الأطباء ( بالغالب تنشر عن الأحكام الفقهية الطبية)

وهذه القناة للأخوات
(تهتم في شؤون الأسرة وتعلمك كيف تصبحين مربية للأجيال)

عبادة المجتمع

بتقول للشخص هاد الشيء مخالف للشريعة بقلك بس هيك متعودين، او هيك أهلي بدهم، أو محيطي هيك بيتطلب.

يا أخي الأعراس هذه بزغ واسراف ومخالفة للشرع والأغاني والعري اللي بصير فيها ما بجوز، بقلك بدك تحكي الناس علي ؟
او يا أختي لباسك هذا لا يجوز ، انت مقصرة ، بتقلك رفقاتي كلهم هيك بيلبسوا، او مجتمعي ما فيه حدا بيلبس لباس شرعي.
إذاً لماذا وُجِدَ الوحي في حياتك إذا كانت مرجعيتك المجتمع ؟!!
مع أننا لو نظرنا إلى قصص الأنبياء عليهم السلام، لوجدنا أن من المشاكل الأساسية للكافرين هي تقديمهم رأي المجتمع على الوحي، كما في قول الله تبارك وتعالى:

﴿وَإِذَا قِيلَ لَهُمْ تَعَالَوْا إِلَىٰ مَا أَنزَلَ اللَّهُ وَإِلَى الرَّسُولِ قَالُوا حَسْبُنَا مَا وَجَدْنَا عَلَيْهِ آبَاءَنَا ۚ أَوَلَوْ كَانَ آبَاؤُهُمْ لَا يَعْلَمُونَ شَيْئًا وَلَا يَهْتَدُونَ ﴾

وقوله تعالى:

﴿ وَإِذَا قِيلَ لَهُمُ اتَّبِعُوا مَا أَنزَلَ اللَّهُ قَالُوا بَلْ نَتَّبِعُ مَا وَجَدْنَا عَلَيْهِ آبَاءَنَا ۚ أَوَلَوْ كَانَ الشَّيْطَانُ يَدْعُوهُمْ إِلَىٰ عَذَابِ السَّعِيرِ﴾

والله المستعان 🩶