دورة الخوارزميات وهيكلة البيانات بالعربية وبأبسط شكل ممكن ,,, لطلبة الجامعات وللمهتمين بالمجال https://www.youtube.com/playlist?list=PLqOPARBxb6fRa7C3jE0yllxiPzZDjPGJD

ما هي العراقيل التي تعرضت لها اثناء تعلمك للبرمجة ؟

مجموعتكم الجديدة لنشر كل ما يتعلق بدراسة تخصص اعلام آلي 👨‍💻

https://www.facebook.com/groups/863433287858066/?ref=share

الخوارزميات_algorithms
على ما أظن مكنش انسان يقرا في هذ المقال مسمعش بيهم ممكن تكونو تصادفتو بهذ المصطلح مربوط بكش كلمة كيما البحث او اليوتيوب ممكن انستقرام أو حتى فيسبوك
دونك التعريف الاولي هو انو الخوارزمية مهيش غول😒 و مهيش حاجة صعيبة و مهيش لغة برمجة ايضا😅 و الاحسن وصفها بأنها اللبنة الاساسية لي راح تبني انسان ناجح في مجال التكنولوجيا انعم ايه بالمعنى الحرفي و المجازي🤗
الوغ بكل بساطة هي مجموعة من الخطوات المتسلسلة و المرتبة منطقيا لحل مشكل معين (خصك تركز على كلمة مرتبة منطقيا و على حل مشكل ) و تصلح تاني نسميها طريقة تخمام
هاه ساهل تعريف ياك💁🏻‍♀️ اتشو نزيد نسهلها.. هل علابالك🤣-راحت العربية في ذاك شي- بصح هل راك عارف بلي رانا نخدمو بالخوارزميات و راها داخلة في أصغر تفاصيل حياتنا بلا منفيقو 🙄 انعم اييه نعطيك مثال واقعي: انت بغيت تروح المسجد
نورمالمو راك ديجا عرفت الطريق اللي راح تروح عليها ايوا ذرك انا نقلك دلني من البلاصة لي راك فيها للمسجد تقولي مثلا امشي طول اول دورة على لاڨوش خمسين ميطرة تلقايه تاراا 🎉خدمنا خوارزمية ✅
درنا خطوات متسلسلة و مرتبة منطقيا لانو مثلا متصلحش نبدل في ترتيب الخطوات مثلا نعكس اول خطوة مع آخر وحدة و منبعد نستنا نلقا روحي قدام المسجد😅
ذرك نجو للاهداف و الفوائد لي تجنيها من تعلمها و عندنا جانبين :
على صعيد الـ carrer بتاعك قالوهاش المصاروة و على صعيد الشخصي و الثقافي:
1-انك تدخل عالم البرمجة من واسع ابوابو لانو مكنش مجال في الانفورماتيك من تعلم كش لغة برمجة الى web développement الى تطوير تطبيقات الهاتف📱 او desktop 🖥️ و راني حرفياً نقصد لا يوجد مجال متحتاجش فيه الخوارزميات او على الأقل مكنش لي مش داخلة فيه
2-ممكن تكون طالب في كش تخصص علمي وين ولاو يدرجو الانفورماتيك عامة كمقياس اساسي أو حتى ثانوي فراح تستفاد في مسيرتك الدراسية
3-بخلاف انو رانا في عصر زايد و يطور وين بييكري الامية كانت لي ميعرفش يكتب و مبعد طورت للي ميعرفش يخدم بلميكرو ذرك تولي لي ميعرفش اساسيات البرمجة ديراكت😅 قادر اولادك يسقسوك على لي بوكل و نتا متعرفش تجاوبهم ..سما وجد روحك من ذرك
4 و اهم نقطة و الله علابالك بلي الخوارزميات تأثر بشكل أساسي على حياتك لانك تولي تعرف تحلل و تخمم و بالتالي ترتب افكارك خصوصا و حياتك عموما و سقسي اي واحد من المجال صح يقلك 💁🏻‍♀️
بزايد لليوم المرة الجاية ان شاء الله نحط الفرق بين لغة البرمجة و الخوارزميات
ادعمو المنشور و بارطاجيوه و جام به تزهالكم الايام ❤️
رابط المقال الثاني
https://m.facebook.com/groups/2460514737340248/permalink/4179199228805115/
#senni_selsabil
#algorithme #الخوارزميات
#1001_info
#1001_help

فيديو رائع قام بنشره احد الاعضاء على المجموعة :

https://www.facebook.com/groups/2460514737340248/permalink/4203825279675843/