ميزة جديدة قادمة لليوتيوب

زر اسمه Play something
او " شغل اي شي "

فكرته ان لو ما تعرف شنو تشوف ، اضغط الزر هذا و يوتيوب راح يشغل لك فيديو حسب اهتماماتك

واتساب تعمل اخيييراً على طريقة للتواصل مع الدعم الفني ( البشري ) عن طريق الشات
من خلال واتساب ويب

الميزة قيد التطوير حالياً ومتوقع نشوفها بداية 2025

لو مهتم بالفضاء والتلسكوبات

في شركة اسمها Unistellar
عندها تلسكوبات ذكية تسهل عليك تعقب النجوم و السديم وغيرها من الاجرام الفضائية
مع امكانية تصويرها بشكل تلقائي وسهل
والتحكم من تطبيق للجوال

منتجاتهم متوفرة في امازون + موقعهم

يُقال ان ايفون SE الجديد راح يكون اسمه ايفون 16E

المفروض نشوفه في مارس القادم
و هذا تصميمه حسب التسريبات 👀

روبوت Looi
روبوت ذكي يستخدم جوالك ك شاشة و عيون الروبوت

فيه حساسات بحيث يفهم اللي حوله
يفهم كلامك و يرد عليك
وفيه ChatGPT مدمج
يثبت جوالك بشكل مغناطيسي و سهل
يعتبر اضافة حلوة للمكتب و استخدامه كأنك حولت جوالك ل روبوت 😂
سعره 190 دولار

خبر 🌍

الذكاء الاصطناعي Grok راح يتوفر قريباً بشكل مدمج في سيارات تيسلا
تقدر تكلمه وتسأله اي شي و يرد عليك

شركة اتاري بالتعاون مع My Arcade اعلنت عن جهاز الالعاب المتنقل

GameStation Go

فيه 200 لعبة مدمجة من أشهر العاب اتاري و ادوات تحكم سهلة ومبتكرة
يتوفر للبيع هالسنة

شركة SanDisk اعلنت عن SSD صغير مع ماج سيف

فكرته انك تقدر توصله بسهولة مع الايفون من مدخل التايب سي
و يثبت ورا الايفون مع الماج سيف
تقدر تستخدمه لتصوير و تخزين فيديوات ProRes مباشرة من الايفون

سرعته 1 قيقابايت في الثانية

سعر 1 تيرا = 110 دولار
سعر 2 تيرا = 170 دولار

لابتوب لينوفو ThinkBook Plus Gen 6
الجهاز شاشته 14 انش بالوضع الطبيعي
ولما تحتاج مساحة اكبر ، تتحول ل 16.7 انش

الشاشة المستخدمة من سامسونج
تقنية OLED
وهو أول جهاز يتوفر للبيع مع شاشة نفس هذي

يتوفر للبيع منتصف هالسنة

انستغرام اعلنت عن اتاحة نشر Reels مدتها تصل الى 3 دقايق

ميزة بسيطة لكن مفيدة قادمة لنظام ويندوز 11

وهي عرض نسبة البطارية جنب علامة البطارية
بدون الحاجة للضغط عليها

بالاضافة لتغيير شكل البطارية لتوضيح وضع توفير الطاقة + الشحن

مدير بنك Goldman Sachs يقول ان الذكاء الاصطناعي صار قادر على انجاز 95% من ملفات طرح الشركات في البورصة

الشي اللي ياخذ بالعادة اسبوعين عمل و فريق من 6 اشخاص

تسريبات 👀

تصميم تطبيق الكاميرا في تحديث iOS 19 هالسنة راح يكون مختلف تماماً

مع تصميم مستوحى من نظام VisionOS في نظارة ابل الذكية Vision برو

فريق TikTok اعلن ان التطبيق سيعود للعمل في امريكا و المتجر الامريكي
بعد " تفاهم مع الرئيس ترامب "

لو رجع Vine
هل راح تكون مهتم باستخدامه ؟ 👀

احتمال يرجع فعلاً