Telegram botdan qanday daromad olish mumkin?

Bot yasash orqali daromadning asosiy 2 ta usuli mavjud:

1. Korxona uchun bot
2. Shaxsiy bot

Korxona uchun bot yasashda siz korxonaning beradigan shartlaridan kelib chiqib, bot yasaysiz va u tayyor bo'lganda uni korxonaga sotasiz. Bunda bot yaratish narxi minimum $150 dan boshlanadi. Murakkabligiga qarab, narx oshib boradi.

Shaxsiy bot orqali daromad olish esa reklamaga asoslangan bo'ladi. Ya'ni siz foydalanuvchilarga foydasi tegadigan bot yasaysiz va bot obunachilari ko'payadi. Keyin turli kanal, xizmat, tashkilotlarga reklama sotishingiz mumkin. Bunda obunachilar soniga qarab narx har xil bo'ladi. Masalan, bitta reklama narxini 50 000 dan ortiq obunachi uchun 300 000 - 400 000 so'mdan olishingiz mumkin. Kuniga o'rtacha 2 ta reklama olsangiz, $2400+ pul degani.

Sizga yuqoridagi ikkisidan qaysi biri ko'proq yoqdi, fikringiz biz uchun qiziq👇🏻

@programmer_uz

YouTube kanalimizdan 10 000 ta obunachi o'rin egalladi 🎉

Hali bag'rimiz keng, obuna bo'lmay qolganlar behijolat obuna bo'laveringlar😅

Kuzatib borayotgan barchaga minnatdorchilik bildiraman va yangi kontentlar yaratilishi davom etadi.

Programmer UZ - Kechagidanda yaxshiroq bo'ling!

Bobobek Turdiyev

YouTubeda 10K ga chiqqanimiz munosabati bilan barcha kurslarga -10% lik chegirma e'lon qilindi.

Ulgurib qoling😉

(Chegirma faqat bugunga amal qiladi)

Men qanday dasturchiman?

Dasturlashni men kasb sifatida ko'rishni "yig'ishtirganman". Men uni hayotimning bir qismiga aylantirganman. Boshqacha aytganda, dasturchi pul uchun qilishi kerak bo'lgan ishlarni, men hayotimdagi muammolarni hal etish uchun sarflayman.

Keling ochiqroq tushuntiraman. Menga oddiygina ma'lumotlarimni saqlab qo'yadigan dastur kerak deylik. To'g'ri, buning uchun yetarlicha dasturlar bor, hattoki mobil qurilmani o'zida ham kerakli dasturni topish mumkin. Lekin, men bunday vaziyatda (vaqtni inobatga olib), bu dasturni o'zim uchun o'zim ishlab chiqaman. Chunki, boshqa dasturlarda men istagan funksiya bo'lmasligi mumkin. Balki boshqa dastur juda zo'r, lekin men uning imkoniyatini 1% ini ham ishlatmasligim mumkin.

Bunday holatda o'zim uchun o'zim dastur yaratishim menga quyidagilarni beradi:

- Boshqa dasturlar qanday yaratilganini bilib olaman
- Juda ko'p yangi bilimlar o'rganaman
- Yangi g'oyalar keladi
- Ba'zi hollarda, bu dasturni kimdir buyurtma qilsa, uni sotishim mumkin. Yoki resursni o'zini monetizatsiya qilishim mumkin

Anchadan buyon post qilmadim, ko'pchilik sezdi, hattoki ba'zilar kanalni tark etib ketayapti. Men buni chuqur o'ylamayman va ich-ichimdan bilamanki, kanalda har qanday holda ham qoladigan kishilar ko'p narsaga erishishadi, chunki ular kanaldagi faollikni yo'qotishim ortida boshqa katta mehnat borligini va tez orada qilingan ishlarni boshqalarga o'rtoqlashishimni bilishadi va o'rganib olishadi. Qaror chiqarish hammaning o'ziga bog'liq.

Siz uchun muhim ikki sirni ochaman:

1. Men nimalar bilan band bo'lishim, odatda, instagram sahifamdan o'rin egallaydi. Shuning uchun, qilayotgan dasturlarim va ishlarim shaxsan qiziq bo'lsa, instagram profilimga ulanib qo'ying😉
2. Telegramda uzilish bo'lishiga sabab, yangi 2 project ishlab chiqdim. Tez orada bu haqida aytib o'taman. Kuzatib boring.

P.S Instagram sahifamda internet orqali daromad topish borasida ma'lumotlar berishni boshladim. Siz eng kuchlisi bo'lishingiz uchun kerakli narsalarni imkon qadar yoritaman. Faollikni yo'qotmang. Men siz bilan, sizni sahifamda kutaman.

Statistika ma'lumotlariga qaraganda, dunyo bo'yicha 78.9% dan ortiq web-saytlar php asosida yaratilgan. 455 milliondan ortiq web-saytlar Wordpress asosida ishlaydi. Bu dunyo bo'yicha web-saytlarning 59.4% ini tashkil etadi.

"Php bo'lmaydi va u eskirgan til" degan tushuncha php yaratilganidan buyon mavjud.

Python yaxshi, yoki node js deb atrofingizdagilar ko'p aytishi mumkin. Haqiqatda ba'zi bir imkoniyat doirasida ular ustunlik qilsa-da, ular web-saytning server-side tomonlama faoliyatini php texnologiyalaridan o'tib ketganicha yo'q.

Wordpress texnologiyasi har bir bloggerman degan kishi uchun jahon miqyosida ishlatilib, rivojlanishda davom etayapti.

Laravel yoki Yii kabi frameworklar tobora rivojlanayapti.

Bular barchasi php asosida ishlaydi.

P.S: Telegramda bot yaratish kursimiz ham php tili asosida bot yaratishni o'rgatishga mo'ljallangan. Bu degani o'rganishingiz tez va oson bo'ladi :)

@programmer_uz

Wordpress bepul, ochiq ma'lumotlarga asoslangan CMS - Content Management System - Kontentlarni boshqaruv tizimi hisoblanadi.

Php va MySQL asosida ishlaydi (MariaDB`ni ham qo'llab quvvatlaydi). Tizim asosida yordamchi qo'shimchalar (pluginlar) mavjud bo'lib, web-saytda ma'lum bir imkoniyatni yaratib beradi.

Bugungi kunda Wordpress dunyo bo'ylab 60% ga yaqin websitelarda mavjud. Uning eng mashhur vositalaridan biri WooCommerce 1 million eng top tijorat saytlarining 22%ini tashkil etadi.

O'zbekistonda mashhur daryo.uz sayti Wordpress asosida ishlaydi.

Ma'lumot o'rnida aytishim mumkinki, shaxsan men ham o'zimning saytimning dastlabki versiyasini WordPressda ishga tushirganman.
(programmer.uz 2017-yil)

@programmer_uz

Telegram bot yasaydiganlar kimlar?

Front-end developer, Back-end developer, Web Developer, Web Designer, Database Developer... kòrinishda dasturchilarni davom ettirsak bòladi. Lekin ulardan aynan kimlar telegram bot yarata oladi.

Keling, òzi bot nimaligiga dasturchi kòzi bilan qaraymiz.

Foydalanuvchi telegramdan foydalanayapti. Telegramni katta supermarket deb olaylik. Bu yerda bir nechta savdo dòkonlari mavjud. Bu dòkonlarni telegramdagi botlar deb qabul qiling. Dòkonda òtirgan sotuvchini dasturchi deb qarang.

Sotuvchi nimani sotayotgan bòlsa, dòkonda mahsulotni qanday joylagan bòlsa, siz undan kelib chiqib, ehtiyojga qarab foydalanasiz.
Mos ravishda daturchi qanday bot yasagan bòlsa, uning buyruqlariga amal qilib undan foydalanasiz.

Eng qiziq joyi shundaki, sotuvchi mahsulotlarini supermarketdan tashqari boshqa yerda sotishi mumkin.
Dasturchi ham botda yasagan imkoniyatlarini boshqa kòrinishda - web-sayt yoki dastur holatida yasashi mumkin.

Davomi pastda👇👇👇

@programmer_uz

Bundan kelib chiqadiki, bot shunchaki bir xona, uni ishlata olish dasturchi va uning logikasiga boģliq. Ya'ni bot bu alohida til, yoki texnologiya emas. Uni sòrovlar orqali shakllantirish mumkin.

Sòrovlarni boshqaruvini Back-End dasturchilar amalga oshirishadi.

Xulosa shundaki, kòpchilik mendan sòraydi: kursingiz orqali obmen bot, yoki yuqori darajadagi bot yasay olamanmi?

Javob bunday: agar siz back-endda bu ishni bajara olsangiz, yarata olasiz.

Back-end dasturlash bu alohida mavzu. Botga tegishli funksiyalardan foydalanish yana bir alohida mavzu.

Telegramda bot yaratish kursida bot funksiyalari bilan ishlash, supermarket misolida olsak, dòkonni yuritish òrgatilgan.

Bot òrtadagi vosita, back-end tomonlama ishlay olsangiz, har qanday turdagi botni yasay olasiz.

Umuman bilmasangiz, shuchaki kursda keltirilgan ma'lumotlarni takrorlash orqali kòp narsa òrganasiz va back-end dasturlashdan ham ma'lum bir ma'noda xabardor bölasiz.

@programmer_uz

Android ilovalarni ishlab chiqish butun dunyo va O'zbekiston miqyosida yuqori daromadli soha hisoblanib, nafaqat kompaniyalarda ishlashingiz, balki mustaqil loyihalaringizni yaratib daromad topishingizga ham imkoniyat beradi.

Programmer UZ loyihasida o'zbek tilidagi Android dasturlashga asoslangan videokursni taqdim etiladi.

🎞 Darslar soni: 144 ta

⏰ Davomiyligi: 52+ soat

Kurs davomida Java, MySQL, Rest API, Android, FireBase texnologiyalarini mustaqil ravishda, 0 dan professional darajagacha o'rganasiz.

📱Aloqa: @BobobekTurdiyev

Batafsil ma'lumot 👉 http://programmer.uz/course/android-dasturlash

Android dasturlash kursida nimalar o'rgatiladi:

Bu yerga kiring, jonli efirdamiz 👉🏻 https://youtu.be/u7P1ati8KhQ

@mijoz_fikri kanalida Programmer UZ haqida fikrlar joylanishi boshlandi. U orqali bizning loyihaga ishonch bildirayotganlar va natijalarimizni ko'rishingiz mumkin bo'ladi.

Sizning ham bildirmoqchi fikringiz bo'lsa, @procontactbot ga qoldirishingiz mumkin.

Butun sonlar qiymatini o'zgartirish (masala) :

Tillar: C, C++, C#, Java, JavaScript, Python, Rust, Go, x86 ASM, x86_64 ASM

X va Y qiymatini 3-o'zgaruvchi qabul qilmasdan turib o'zgartiring.

X = 15
Y = -8

Ya'ni, o'zgartirishdan keyin, X ning qiymati -8, Y ning qiymati 15 bo'lib qolsin.

Yuqoridagi tillardan istalgan birida masalani ishlab, kodini izohda qoldiring, boshqalar ham o'rganishsin😉⤵️

Arrayni tartiblash (masala) :

Tillar: C, C++, C#, Java, JavaScript, Python, PHP

[76, -2, 9, 14, -52, 0, 44, 12]

ko'rinishida array(massiv) berilgan. Tanlagan dasturlash tilingizdagi tayyor funksiyalardan foydalanmay turib, arrayni tartiblash algoritmini tuzing.

Yuqoridagi tillardan istalgan birida masalani ishlab, kodini izohda qoldiring, boshqalar ham o'rganishsin😉⤵️

Dasturlashni O'rganish Uchun Asosiy Bosqichlar:

1. Dasturlashni o'rganish uchun asosiy maqsadingizni belgilab oling.

Ya'ni, nega kompyuter dasturlashni o'rganmoqchisiz? Qaysi tizim uchun (Windows, MAC, Linux) dastur yaratmoqchisiz? Buni belgilash muhim. Sababi, siz boshqa dasturlash tilini tanlab, boshqa tizim uchun dastur yozaman desangiz adashasiz. Maqsadni aniq belgilang.

2. Dasturlash tilini tanlang.

Maqsadingizni belgilab olgandan so'ng, biror bir tilni tanlab, o'rganishni boshlang: C++, C#, Java, Python, Ruby...
Umuman olganda, qaysi tilni tanlash o'zingizga bog'liq, birini boshqasidan ustun bilib bo'lmaydi.
Ya'ni, pichoq, qilich, bolta barchasi kesuvchi anjomlar, lekin hammasining o'zining vazifasi bor. Shularni inobatga olib, qayerda ishlamoqchisiz va u yerda qaysi tilni so'rashayotganini izlab ko'rib, tilni tanlab, o'rganishga kirishing.

3. Pul uchun o'rganmang.

Yo'nalishni ko'p pul berishi uchun o'rganayotgan bo'lsangiz, ko'pga bormaysiz. Ochig'i, dasturlash hammaga ham to'g'ri kelmaydi. Bu uzoq vaqt qattiq mehnat talab etadigan soha. Doim o'rganishda bo'lishingizni talab etadigan yo'nalish.

4. Dasturchilar ishlatadigan vositalardan foydalanishni o'rganing.

Github, Medium, StackOverflow kabi loyihalardan dasturchilar keng foydalanishadi va loyihalarini tuzishda yuzaga kelgan muammolarni osonlik bilan bartaraf etishadi. Ularni ishlatishni o'rganing.

5. Boshqa dasturchilar yozgan kodlarni kuzating.

Ishga kirganingizda, siz 0 dan loyiha yozibgina qolmay, boshqalarning kodidagi xatoliklarni bartaraf etishingizga ham to'g'ri keladi. Hamma bir xil ovqatni har xil tayyorlay olgani kabi, kod ham boshqa xil uslubda yozilgan bo'lishi mumkin. Shuni inobatga olgan holda, begona kodlarni ham kuzatib turing.

6. Hamjamiyat

Ijtimoiy tarmoqlar orqali o'rganayotgan dasturlash tilingizdagi hamjamiyat, guruhlarni izlab toping. U yerda o'rganuvchilar bir-birlariga yordam berishadi. Siz ham boshqalarning muammosiga yechim izlashga harakat qilib ko'ring.

7. Loyiha yaratish

Haqiqiy real loyiha yasashga urinib ko'ring. Loyihangiz minimal muammoga yechim bo'lsin. Qo'shimcha funksionalliklarni keyin qo'shsa bo'laveradi. Telegram ham boshida oddiy chat bo'lgan, bugun esa bir necha o'nlab yordam beradigan imkoniyatlari mavjud.

8. Yuqoridagi bosqichlardan o'tganingizdan keyin, katta dasturchilar bilan aloqani o'rnating.

Ularga yordamchi, shogird bo'lishingiz mumkin. Internship (stajirovka)ga kirib, dastlabki ishingizni boshlashingiz mumkin.

9. Intervyu oldi tayyorgarliklari

Bilimga ega bo'lganingizdan keyin, sizning kommunikatsiyangiz, shaxsiyatingiz, hujjatlar bilan ishlashingiz ishga kirishingizda muhim rol o'ynaydi. Shu tomonlama o'zingizni rivojlantiring - rezyume yasash, to'g'ri email yozishni o'rganing.

10. Ishga topshiring

Ishga kirayotganda siz korxonaga nima bera olishingiz va nega sizni tanlashlari kerakligi so'raladi. Shu asosiy savolga javob tayyorlang. Agar ilgari qayerdadir ishlagan bo'lsangiz, nega u yerdan chiqib, yangi ishga kelganingizni so'rashadi. Bu vaqtda, eski ish joyingiz va kollektivni aslo yomonlay ko'rmang, chunki siz yangi korxonadan ketganingizda, boshqa ish joyida ham ularni yomonlashingiz mumkin degan fikrda, sizni ishga qabul qilishmaydi.
Qabul qilishmasa, ruhiyatni tushirmang va boshqa korxonalarni ko'zdan kechiring.
Bilimingiz yetarli va bera oladigan qadriyatingiz yuqori bo'lsa, sizni albatta ishga olishadi.

@programmer_uz

Har kuni quyidagicha savollar olib turaman:

▪️Dasturlash o'zi nima?

▪️Dasturlashni o'rganmoqchiman, nimadan boshlayin?

▪️Dasturlashni o'rganish ketma-ketligi qanday?

▪️Qaysi yo'nalishni maslahat berasiz?

▪️Dasturlash va 3D max, qaysida ko'p pul topsa bo'ladi?

Haqiqatda ham, IT sohasida yo'nalish tanlashni aniq qilib tushuntirib beradigan manba bo'lmagani uchun ko'pchilik qiynalishadi.

Shu sababli, telegram tarmog'ida @kasbim_bot botini ishga tushurdim. U yerda IT borasida tushunchasi bo'lmagan kishi o'z yo'nalishini aniq qilib belgilab olishi mumkin.

Ushbu postni IT sohasida yo'nalish tanlashga qiynalayotgan do'stlaringizga yuboring, zero @kasbim_bot barchaga yordam beradi.

@programmer_uz