ارسلت لكم عدة دورات من منصات متعددة وجامعات سعودية بالتوفيق لكم وبأذن الله الجاي افضل 👍🏻❤️

تدرون اني احسد الان كل طالب ثانوي ؟ على التطور الحاصل بالتعليم متخيلين ان الان هم قادرين يحددون مستقبلهم من الان عكسنا الي قرينا عن كل التخصصات وصلينا استخاره وكتبنا ١٥ رغبه وحالتنا حاله هم وتوتر وهم ماشاءالله من الثانوي
الان قادرين يخلصون اختياراتهم الان أصبح فيه ٥ مسارات جديدة
١- مسار كلية الهندسة وعلوم الحاسب
٢ مسار ادارة اعمال
٣- مسار الصحة العامة
٤- المسار العام
٥- المسار الشرعي
صحيح بيكون ضغط عليهم تجربه جديده لان شفت كذا شخص متحلطم حتى اخواني ماودهم لكن والله الفايده كبيره جداً تدخلون الان الجامعه عارفين كل تخصص يتكلم عن ايش يعني الي تحبونه ادخلوه هذا شرح كل المسارات https://youtu.be/UFbXWy2dyJI?feature=shared

ولمجالنا الحاسب اخ ي كتبهم حلوه بشكل يدرسون علم البيانات والذكاء الاصنطاعي وهندسة البرمجيات والخوارزميات بالتفصيل الممل احنا متى درسنا هذي الاشياء ؟ وتعمقنا بتخصصاتنا من ثالث سنه خطوه مره كبيره من وزاره التعليم ليت سوها على وقتنا كان الان احنا م نتعلم تعليم ذاتي ولاجالسه اكتب لكم المجالات ونسوي ثريدات عنها🤣 كان الكل متعلم بس معليه للان في مجال نعدل غلطتهم

بدايه تطور الحاسب بالمدارس كان
حاسب الي وجلسنا سنين ندرس هذي الماده وخلاص طفشنا منها مو قاعدين يطورونها بعدين طلعت مادة تقنيه رقميه نفس الحاسب ١ بس اعمق شوي
الان طلعت كتب الهندسة + علم البيانات + الذكاء الاصناعي + انترنت الاشياء+هندسة برمجيات +البحث ومصادر المعلومات +تصميم هندسي+علوم الارض والفضاء +امن سيبراني ولهم مشاريع تخرج ادري بتنصدمون من الي بقوله لكن والله اتمنى ارجع عشان بس هذي المواد 🥲

مواد المسار العام هو مسار مشترك للجميع لكل المواد نفس السنة المشتركة

مسار الهندسة وعلوم الحاسب مثل م شرحتها فوق جدا رهيبه

مسار الصحة والحياة حتى الي بيدخلون صحي من الان جالسين يهيئونكم له
تتعلمون الاسعافات الاوليه من بدري تتعلمون أعضاء الجسم والتشريح من بدري نظام جسم الانسان كاملاً شي يحمسس جدا وفرحت لكم مره

مسار ادارة الاعمال تتعلمون فيه كيف تسوقون والمواد المالية والمحاسبيه والاقتصاد ومقدمة عن التجارة والاعمال

مسار الشرعي يشمل القانون والشريعه والمحاماه شوفوا تبارك الله وين وصل تطورنا في التعليم قاعدين يتعقمون في القانون من اول يوم يعلمونهم مبادئ القانون وتطبيقاتها واصول الشريعه والفقه واللغه الانجليزية

النظام هذا بدأ تطبيقه من العام الدراسي الماضي على مرحلة الثانوية العامة والذي يبدأ بالسنة الأولى المشتركة ثم التخصص في السنوات الثانية والثالثة صراحه اشكرهم من كل قلبي على انهم سهلوا على الطلاب الارهاق الي عشناه والهم والتوتر والضغط النفسي كله دفعات ٢٠٢٤-٢٠٢٥ م راح يجربونه بأذن الله رح يبدون دراسه صح حتى اللغه الانجليزيه الي احنا اكلناها ودرسونا من سادس هم الان من اول ابتدائي يعلمونهم لغة صدق ماشاءالله احسدهم بتطلع دفعات مثقفه ودفعات فاهمه ودفعات رح تشارك بمعارض ايسف ورح تشرف الوطن باذن الله 💚💚💚