التدريب الميداني
له ملفين اساسيات
الاول التقرير الاسبوعي لمهامك وش سويت week report نازل لنا باسم wr هذا انتم تعبونه ومهم يكون الختم موجود او توقيع المشرف عليك
والملف الثاني كشف الحضور والانصراف
ذولا الاثنين كل اسبوع نرسلهم لمده ٨ اسابيع احنا ارسلنا مثل م قلت فقط ٧ أسابيع والي بدوا من اول يوم اسبوع المعايدات ذولا كملوا ٨ أسابيع وبرضو مهم يكون الختم موجود او توقيع المشرف عليك
بعد م تخلصون كل الثمان اسابيع يبقى تقرير نهائي هذا يعبيه المشرف عليك هو وش لاحظ عليك بتدريبك انجازات صعوبات والدرجة كم من ١٠٠٪؜

بعطيكم نصيحة بخصوص المهُام قبل م تتدربون بجهات حكومية او خاصة او شركات او وزارات حاولوا انكم تطبقون على برامج مايكروسوفت وتثبتون برامج الاوفيس حاولوا تصصممون بالورد والبوربوينت والاكسل لان بعض المعاملات كلها تكون عن طريقهم ايضا اعرفوا كيف تسون ايميلات وكيف تستغلون ايميلكم الجامعي في بعض التطبيقات يعني بعض صديقاتي م حددوا لهم مُهام قالوا لهم انتم من خلال دراستكم وش سويتوا وتعلمتوا طبقوه عندنا ف ماشاءالله بعضهم بدعوا في ماده تصميم وتحليل النظم الي ياخذونها البرمجيات والنظم صمموا دايقرام لكل الموظفين الموجودين بقسم تقنية المعلومات هذا يعتبر انجاز لك فيه اشياء اساسيه معروف اي قطاع عمل لازم يشتغل عليها زي ربط الطابعات اعرفوا كيف تربطون طابعات الشركة في اجهزة الموظفين وكثير اشياء مره سهله حتى لو م تعرفون رح تتعلمون من اليوتيوب قوقل من مشرفكم مو عيب ابدا انكم تسألونهم لو م عرفتوا هم وظيفتهم يعلمونك من الصفر عشان تتهيئ لـ الوظائف وحتى لو م تدربتوا مسبقاً هم رح يدربونكم من اسم المقرر التدريب الميداني وظيفته انه يساعدك ويعلمك كل الاساسيات الي تطلبها اي شركة

هذي بعض المُهام الي طلبت منا في تدريبنا مثل :
١-ربط الطابعات في أجهزة الموظفين
٢-تصميم اي نوع دايقرام لقسم تقنية المعلومات في الشركة

أتمنى اني وفقت بشرح تجربتي بشكل كامل وأتمنى لكم جميعاً التوفيق 💗.

كيف اول أسبوع معكم ؟ طبعاً انا تقيمي له -١ ماشاءالله جدولي يفوز باخس جدول بتاريخ مسيرتي كلها مخليني اداوم لين ٨ الليل لهدرجه تحبوني؟ 🧐لكن معليه رغم الظروف صامدين الله يسرها يارب علينا وعليكم ويجعله ترم خفيف لطيف

ماهو ال UX؟
‏UX هو اختصار للUser Experience والتي تعني تجربة المستخدم
‏تصميم تجربة المستخدم هي ببساطة تصميم المراحل التي يمر بها المستخدم مع الأخذ برغباته واحتياجاته،إذ أن التحدي الرئيسي هو معرفة توقعات المستخدم وإيجاد حلول فعالة لمشكلاته,بحيث يكون التطبيق سهل الاستخدام

وما هو ال UI ؟
‏UI هي اختصار لل User Interface والتي تعني واجهة المستخدم
‏واجهة المستخدم ببساطة هي  كل ما يتعلق بتصميم واجهة التطبيق أو الموقع, من ألوان وأشكال وخطوط وصور وأيقونات من شأنها مساعدة المستخدم على تصفح الموقع أو التطبيق بكل سهولة بحيث تكون الواجهات جميلة وجذابة