يالله !! احلا شي وصلني دعوه من بيت الله الحرام احب الناس اللطيفه اللي تذكر غيرها بكل وقت حتى لو مابينهم تواصل فقط لمجرد انكم درستوا مع بعض بفتره معينه ؟ عسى الله يتقبل منكم جميعاً ويوفقكم ويجبر بخواطركم كل دعواتكم والله قاعده توصلني ولكم بالمثل يارب 🥹💙💙

بخصوص الاسبوع الاخير مثل م قلت كان أخف اسبوع م عطونا مهام فقط نحل المشاكل التقنية او اذا احد يحتاج دعم فني نساعدة او اذا الموظف واجهته مشكلة يتواصل معنا لان م داومنا الا يومين الاحد والاثنين ودوامنا كان نفس دوام الجامعة من ٨ ص -٢ م يوميا او على حسب دوام موظفين الشركة وأنتهى تدريبنا وبخصوص التدريب كم عليه ساعه فقط ساعة واحدة ولاينفع تسجلون مع التدريب مواد رح يحذفونه لكم تلقائي تجربة جدا جميلة ولاتمنيت انها تنتهي تعرفنا على مدراء وموظفين مره كويسين ماقصروا معنا وغير كذا تهيئنا للوظائف ونظام الشركات ايضا كسبنا خبره في العمل
* للعلم المفروض نكمل ٨ أسابيع وليس ٧ ولكن اول اسبوع المعايدات لخبطتنا م بدينا والسبب الثاني ان الصيفي أنتهى ودوام الجامعة بدا ف م نقدر نداوم بالتدريب ونداوم بالجامعة فمددوا لنا الاسبوع الاخير السابع والجامعة ساعدتنا صار معنا أجازة بحال الدكاترة سجلوا غياب في الاسبوع هذا ينزل لنا بعذر نصيحتي لكل شخص حاب ياخذ التدريب سوا تخصصك حاسب او غير الحاسب اختاروا الجهة الصحيحة والافضل تكون حكومية لان ممكن بعض الجهات لو شافتك صادق بشغلك وطموح توظفك بعد م تخلص تدريب انا الجهة الي تدربت فيها م كانت طموحي الصدق كنت ابي سدايا ولا ارامكو ولاشركات كبيرة بحكم اني حاسب ولكن (الخيرة فيما اختاره الله ) تجربتي كويسة الحمدلله عيشوا تجربتكم بكامل تفاصليها هي فتره شهر بالكثير شهرين وتخلص هذي التجربة لكن صدق ممتعة 💗.