فيه ايبادات كثيره ولابتوبات كثيرة مواصفاتها رهيبة لكن كشخص محب للبرمجة لازم تهتم بعدة مواصفات إساسية تمشي عليها
١- الرام
٢- المعالج
٣- السعة التخزينية
٤-السعر
اما بخصوص المواصفات الفرعية زي
١- نظام التشغيل
٢- الشركة
هذي تعتمد عليك انت وش تحب شركة ابل ولاهواوي ولا اتش بي وغيرها من الشركات
وحتى نظام التشغيل انت وش تحب ماك ولاويندوز ولالينكس وغيرها من الانظمة
فيه كثير لابتوبات وايبادات تماشي المواصفات الرئيسية والمواصفات الفرعية بحيث توفر عليكم سعر وجودة وتخدمك لسنوات

شاركونا تجربتكم في الايبادات والابتوبات تحت هذي الصورة عشان تفيدون بعضكم 🚀

تعرف مين اللي يقدر يصنع الفرق في عالم الألعاب؟ 🎮 اكيد أنت !
مع MISK Game Jam وعلى مدار ثلاث أيام تعيشون فيها تحديات رهيبة مع محترفي وصناع الألعاب الإلكترونية، وتحصلون على جوائز بقيمة 40000 ريال! 😍

سجل الآن! ولا تفوت الفرصة عليك

وزارة البيئة والمياة والزراعة تطلق اليوم ‎هاكاثون الزراعة في سباق تقني لمعالجة التحديات الزراعية.

سجّل الآن

قوقل أعلنت عن منهج تعليمي مجاني 100% لتطبيقات الذكاء الإصطناعي من البداية للنهاية

‏عباره عن ٩ دورات (كورسات)، فرصة عظيمه فعلا لتعلم الذكاء الاصطناعي التوليدي من خلال كورسات قوقل المعتمدة والمجانية:

https://dorarr.com/1247/

وزارة الاتصالات تقدم أكثر من (40) دورة مجانية (⁧ #عن_بعد⁩) متاح للجميع، مع (شهادة معتمدة) ودعم الحصول على (وظيفة) بالتعاون مع شركاؤها
‏(الأمن السيبراني، أمن المعلومات، تسويق إلكتروني، تحليل البيانات) وأخرى.

https://futureskills.mcit.gov.sa/ar/node/1553

نشرت لكم ٥ دورات ومعسكرات من جهات مختلفة مثل قوقل - وزارة الاتصالات وتقنية المعلومات - جامعات مثل جامعة تبوك -مؤسسة مسك الخاصة بسمو الامير محمد بن سلمان -وزارة البيئة والمياة والزراعة وكلها معتمدة ومن جهات حكومية م راح أكثر عليكم دورات باذن الله كل اسبوع رح أنزل ٥ دورات من كذا جهة عشان نعطي الشخص فرصه يرتب جدوله فالكم التوفيق 🙏🏻❤️

وزارة الاتصالات وتقنية المعلومات هي الوزارة المسؤولة عن جميع وسائل الاتصال في المملكة العربية السعودية وتتعاون مع بوابة مهارات المستقبل هدفهم بناء أساس رقمي متين يرقى لمستوى المعايير العالمية، يسهم في خلق العديد من الفرص الوظيفية في المجال التقني، ورفع الناتج الإجمالي المحلي، عاملين من أجل ذلك على تطوير خطط استراتيجية لمواكبه التطورات والتقنيات الحديثة على الصعيد الوطني والإقليمي والعالمي، وصقل المهارات الرقمية الحديثة لاقتصاد رقمي متقدم، إضافةً إلى توفير الدعم الفعّال للأنظمة والمنصات الحكومية
حاليا منزلين دورات كثير حلوه ومجالات مختلفة
١-تحليل البيانات
٢- الذكاء الاصطناعي
٣-الامن السبراني
٤-امن المعلومات
٥-علم البيانات
٦-تطوير المواقع وكثير من الدوات تصل الى ٤٠ دورة لاتفوتكم التجربة 🚀

هذي هي جميع الجهات الحكومية الي تخص التقنية وشهاداتها معتمدة ورح تفيدكم في الCV حاولوا تاخذون منها لو شهادة عالاقل

أذا عندكم اي أسئله واستفسارات تفضلوا هُنا https://tellonym.me/hdeel33 ✨

بما أني فاضيه خلونا نتكلم عن كيف نرتب يومنا بتكلم عن تجربتي وكيف انظم يومي الى عدة أقسام :
١-وقت للاهل
٢- وقت للجامعة والمذاكرة
٣-وقت طلعات
٤-وقت النوم
٥- وقت للعبادة
ببداية دراستي بالتحضيري كان جداً متعب اني ارتب يومي لان اطلع من البيت ٦:٣٠ ص اروح مع سواقي ومع الزحمه وبعد المسافه م بين الجامعه وبيتي اوصل تقريبا ٨ ص على بدايه محاضرتي اخلص دوام ٣ العصر ارجع للبيت ٥ العصر ف جداً مهلك يمر اسبوع ماشوف اهلي يمر اسبوع ماطلع حتى المحاضرات تتراكم نومي يعتبر سيئ والصداع ماسكني ٢٤ ساعه لكن توصلت لحل جداً رائع
اول شي سلمكم الله فرضا اليوم السبت وبكرا عندي دوام أنام ١٠-١١ م بالكثير ١ أصحا ٥:٣٠ ص
أصلي الفجر أفطر أجلس مع اهلي شوي أتجهز لين تجي ٦:٣٠ ص اخذ قهوه واوصل قبل المحاضره بنص ساعه ٧:٣٠ ص او ٨:٠٠ ص اذا كان عندي وقت اراجع اي شي خذيته قبل لان بعض الدكتورات يسألون وكذا أخلص كل محاضراتي ٢ -٣ العصر اخذ بريك غداء واصلي الظهر وارجع عالبيت ٤:٣٠ م او ٥:٠٠ م لارجعت م افتح اي كتاب قدامي لاايباد لابتوب ولاحتى جوال لاني منهكه كل اليوم اشوف اهلي وبعدها انام ساعه ساعتين بالكثير الي تخليني اصحصح مؤقتاً يتبع …

نفرض أني نمت ٥:٠٠ م أصحا بالكثير ٩ بالليل أصلي باقي الصلوات وابدا اكتب بالملاحظات او اي دفتر او بالايباد كل المحاضرات الي خذيتها اليوم واراجعها حبه حبه وطبعا احدد لنفسي هدف م تجي الساعه ١٢ الا انا مخلصة جميع مهُامي سوا حل واجبات حل بروجكتات مراجعة شباتر
بالكثير اخذ ساعتين بعدها ابعد عن جو المذاكره واشغل نفسي باي شي او أنام
بكذا انا
١- جلست مع أهلي ✅
٢-ذاكرت كل المحاضرات الي علي ✅
٣-اذا كان فيه وقت اطلع أغير جو عن المذاكره واذا مافيه مو مشكله بالويكند ✅
٤-نومي يعتبر كويس لاني أنام بالليل ونوم الليل يعتبر جداً كويس للجسم وللعقل + لارجعت من الجامعة برضو أنام غفوه سريعه عشان ماصدع ✅
٥-ماخر الصلوات واكون حضرت كامل اليوم بكل تفاصيله ✅
طبعا النظام هذا يعتبر صعب بالبدايه وجداً مرهق بس تعودت عليه ورتب يومي وجدا سهل علي حياتي بالانجاز حرفيا م تمر ساعه من يومي الااكون عارفه وين استغلها

من واقع تجربه م رتب حياتي الا الكتابة والله غير يترتب يومكم وتحسون ان يومكم مبُارك وان الوقت بطيئ جداً انا طبعا صارلي ٣ سنين ونص أكتب كل شي بسويه بيومي المقصد مو أني انسى وش المهُام الي علي لا عشان اعطي كل حق ذي حقه أشوف وين المهم مره عن الي مهم بس اقدر اخلصه بيوم ثاني او بساعه ثانيه حتى بمذاكرتي لمن احس ان فيه شابتر اهم من شابتر اكتب اني بذاكر الشابتر هذا قبل هذا جربوها والله غير ترتاحون وتفرق معكم بالدرجات وبحياتكم وبتنظيم وقتكم وتعرفون كل دقيقه وين راحت من يومكم 👍🏻

ونصيحه النوم + الاكل + اذا الاثنين ذولي كانو مرتبين وماشين صح كل يومكم رح يمشي صح انا جدول اختباراتي الترم الي راح كان أنهيار ورح اوريكم كيف كان وربي أنهيار كل يوم اختبار ممدا اتنفس من واحد يجيني غيره ف م كنت انام ولاكنت اكل واواصل يومين يوم ونص اولاً صحتي خسرتها ثانياً اروح للاختبار م ختمت والله يمكن توفيق من ربي اني نجحت بهذي المواد ولامحد صاحي يسويها وكل درجاتي م كانت الي كنت اطمح لها نجحت بالمواد ولله الحمد بس م كان هدفي انجح وبس كنت ابي درجات على تعبي الي تعبته من يوم رتبت يومي واستغليت كل دقيقه صارت درجاتي توب والحياه توب والصحه توب