طريقة التسجيل فيها :

تدخل إلى موقع المنصة الوطنية للعمل التطوعي أو تطبيقها.

تسجل حساب جديد باستخدام النفاذ الوطني الموحد

تعبّي بياناتك الشخصية والمهنية.

تبحث عن فرص تطوعية تناسبك وتقدم عليها

ليش هي مهمة وتخدمك بايش ؟

تساعدك أن تساهم في خدمة المجتمع بمهاراتك.

🌟 تعزز انتماءك للمجتمع وتطوير الذات.

🌟 تكون إضافة قوية لسيرتك الذاتية وتجربة
عملية معترف بها رسمياً.

🌟 تساهم في تحقيق أهداف التنمية الوطنية ضمن ⁠رؤية السعودية 2030.

طيب انا ي هديل ايش استفدت منها استفدت ساعات تطوعية كثيرة في مجالات متعددة سوا في التنظيم او في الادارة او في التقنية

كذلك اقدر اتواصل مع اصحاب الجهات واكون علاقات عامة كثيرة لان ارقام التواصل متوفرة ف العبوها بذكاء


مثلا بلدية دومة الجندل حاطين فرصة تطوعية وحاطين رقم موظف تقدرون تتواصلون معه وتشتغلون معهم اونلاين او حضوري بعدها تسئلونهم هل موجود عندهم وظائف شاغره ف انتم كذا ضمنتوا الوظيفة معهم


لان اغلب الجهات تكون رسمية ي ايميل ي رقم موحد لهم لكن الارقام الموجودة في المنصة هي ارقام موظفين هذي الشركة ف تقدرون توصلون حتى لمدير الموارد البشرية بكل سهولة


غير انها تفيدكم في العلاقة العامة مثلها مثل النوادي الجامعية الي سابقاً تكلمت عنها في ثريدات وايش الهدف منها لك كطالب او خريج او موظف


تقدر تشارك برضو شهاداتك في لينكدان وبكذا عززت تفاعلك بلينكدان وصار عندك ساعات تطوعية للناس الي مو عارفة كيف تجيب فرص تطوعية الموقع بيساعدكم وانتم ببيتكم

هذي فرصي التطوعية وكثير فرص لسى م ضفتها بلينكدان بضيفها الفترة الجاية

ترا تخدمكم مره خاصة اذا متقدمين على وظائف بنفس المجالات الي تطوعتوا فيها تعتبر خبرة بسيطة لكم

هذي النوادي الي كنت مشاركة فيها في الجامعه وخارج الجامعه وفادتني شخصياً ومهنيا وعرفتني على علاقات عامة كبيرة من مختلف انحاء المملكة مو شرط فقط الجوف

وهذا ثريد كامل عن النوادي وكيف تستغلونها وتستفيدون منها

وتجميع الساعات التطوعية اسهل شي شوفوا اخذت فقط تنظيم حصلت على ٤٠ ساعة تطوعية

ف خلوا طموحكم عالي اذا م قدرتوا تتميزون في دراستكم بدرجات عالية اقلها مهنياً تعلموا وتطورا وخلوا عندكم علاقات كثيرة وشهادات كثيرة وتطوعات كثيرة عشان بالوظيفه م يهمهم درجاتك الاكاديمية في الجامعة انت ماخذ ٥ ولا ماخذ ١ معك خبرة؟ تعال

تقدرون تختارون كل المناطق متوفرة سوا اونلاين او حضوري

ولكن دامكم بالجوف او من منطقة الجوف اثبتوا وجودكم واسمكم واختاروا منطقتنا

وبتحصلون كل الوزارات والجهات موجودة وموجود ارقام تواصل معهم

يعني لو انت طموحك تتوظف في شركة وزارة المياة والزراعة خذ معهم فرص تطوعية كثيرة مع الوقت انعرف اسمك وبعدها بفترة ضفهم في لينكدان وانعرف اسمك اكثر وبعد فترة قدم السيفي حقك لهم واتحداهم اذا رفضوك


لان انت اثبتت وجودك لهم وحفظوا اسمك وشافوك متفاعل معهم ف مافي سبب للرفض الا اذا كانت مو من نصيبك هذا عاد امر الله

حتى انتم تتدربون تدريب مجاني يعني الي تخصصه محاسبة وناسي تخصصه ياخذ تدريب مجاني مع اي جهة صح انت فقط تستفيد شهادة خبرة وهم رح يعتبرونك موظف ويلزمونك بمهُام ولكن بعدين رح تشكرني انك خذيت خبرات تطوع مجانية


لازم بدايه عملكم تتنازلون شوي عشان ينعرف اسمكم

كل التخصصات كذلك نفس الفكرة سوا صحي اوتقني او مالي او فني وش م كان تخصصك وم حصلت وظيفة وسويت كل شي ؟ اتجه للتطوع ولاتجلس فاضي كذا

لاحضوا اسماء مقدمين الفرص كلها وزارات او جهات حكومية وخاصة ف يمدي بسهولة تجيب وظيفه

وزاره الطاقة ناشرين عدة وظائف في جميع مناطق المملكة من ضمنهم سكاكا

المهندسين والي تخصصاتكم ميكانيكا قدموا

https://careers.moenergy.gov.sa/ar/saudi-arabia/jobs/%D9%85%D9%87%D9%86%D8%AF%D8%B3-%D8%A3%D9%88%D9%84-%D8%B5%D9%8A%D8%A7%D9%86%D8%A9-%D9%88%D8%AA%D8%B4%D8%BA%D9%8A%D9%84-%D8%A7%D9%84%D9%81%D8%B1%D9%88%D8%B9-%D8%B3%D9%83%D8%A7%D9%83%D8%A7-1100080693/

https://x.com/abdulmajeedful/status/2043739977712881957?s=46
الي تخصصاتهم ادارة اعمال - ماليه - تسويق - اي شي يخص الاداره بالجوف طالبين الشباب
اكتبوا في تغريده عبدالمجيد

البنات هذي وظيفه لكم في الجوف في مدارس المتقدمة وظائف اداريه وتعليمية

https://wadhefaplus.com/?p=37001