ولاميه جهة كلمتني اول م سجلت بالمعهد 🦦
وانا دائما في كل امور حياتي اقول الخيرة فيما اختاره الله الانسان بطبعة عجول وم يحب الانتظار بينما رب العالمين كاتب له ارزاق الدنيا بس يبي عبده يحمده ويشكره

صح اني مو فاهمه الحكمه ورا اني بيوم وليله جتني ١٠ وظايف بيوم واحد ولكن اخترت الي ربي كتبه لي وجابه لنصيبي ف لعله خير لي

واسئل الله ان يوفقكم ويكتب لكم الخير

اسعوا ترا م خاب من سعى انا سنه كاملة بدون لاوظيفه ولاهم يحزنون عاطله صح العطاله وناسه واول ٦ شهور راحه من الجامعه والاختبارت والتعب وصدقوني كل واحد بالجامعه الان عارفه شعور يبي يتخرج ويفتك بس اصبر علي اول ٦ شهور بعدها تطفش


الروتين المتكرر ممل جداً بس انا الحمدلله ماستغليتها قاعده فاضيه لاوالله خذيت شهادات وطورت نفسي وسويت سيفي وضبطت حساباتي في لينكدان ورحت سويت دورات ولقاءات وساعدت اكثر من ١٠٠ شخص يفتح حساب في لينكدان ف الحمدلله سويت انجازات بالسنه هذا لكن ابن ادم م يعجبه شي وده نهايه سعيّه انجاز لذالك اسعوا

بعد ماتخرج من المعهد تحسبوني بوقف ؟ برضو لا لو ادرس تخصص جديد ماعندي مشكله انا ماحب اقعد 😂
لذالك بمشيئه الله لاتخرجنا انا متاكده بحصل وظايف لكن للان بخاطري تمهير لذالك بدورلي تمهير

هذا كانت الخطة الي كتبتها قبل سنة تقريبا بعد تخرجي والحمدلله انجزت كثير منها ومستمرين باذن الله

طبعا انا اقول للي يفكر مثلي انه م يتوظف بمجال غير مجاله تراك مخطي

لان م تدري رزقك وينه صح انك درست وتعبت على تخصصك لكن لو مالقيت فرضا وظيفه بتخصصك بتقعد؟ طبعا لا اسعى لو باي مجال بالعكس تتعلم وتتطور وتاخذ خبرات سعيك هذا م راح يروح عبث ومحد ترا بدا من المليون كلنا رح نبدا من الصفر وبنوصل المليون

انت ابدا باي وظيفه وبعدين رح تحصل نفسك وصلت للوظيفه الي تبيها

ف انا كان منظوري خاطئ وتعلمت والي يخطي يتعلم ف نصيحه عشان محد يخطي مثلي لاجاك وظيفه بغير مجالك وتخصصك اقبل فيها وتوظف فيها

وبس والله اتمنى اني وفقت في نقل تجربتي واكيد اذا صار في اي شي جديد بخبركم باذن الله ولاتنسونا من دعواتكم❤️

الجوف حاليا عاصمة الطاقة المتجددة وغرفة الجوف مجهزين النسخة الثانية من ملتقى الطاقة المتجددة ٢٠٢٦ ف الي حاب يسجل هذا الباركود

" قد كان حُلمًا لا نظنُّ دنوّهُ
‏لكنَّ فضل الله كان عظيمًا "
‏الحمدلله الذي ما ابتدأ دربٌ، ولا انقضى جهدٌ، ولا تمّ سعيٌ إلا بفضله وكرمه ❣️❣️

صباح الخير وصباح العودة قادمون وبقوة لتفعيل أنشطة وفعاليات القناة 🤌🏻❤️❤️❤️

بيكون فيه مواضيع جداً جميلة وتقنية ونشر للوظائف ونصايح لحديثين التخرج

+ اي احد عنده استفسار حسابي موجود في وصف القناة

وظيفة شاغرة – أخصائي رقابة ميدانية

شركة شبه حكومية

مناطق العمل:
1- منطقة الرياض ومحافظاتها
2- منطقة القصيم ومحافظاتها
3- منطقة الشرقية ومحافظاتها
4- منطقة الجوف ومحافظاتها
5- منطقة تبوك ومحافظاتها
6- منطقة حائل ومحافظاتها



المؤهل:
دبلوم في:
• حماية البيئة
• كيمياء
• أحياء
• علوم مياه
•مختبرات كيميائية
•انتاج كيميائي



الشروط:
• خبرة في الكشف عن مصادر المياه
• معرفة باختبارات وتحاليل جودة المياه

المهام:
• زيارات ميدانية
• فحص وتحليل عينات المياه
• إعداد تقارير رقابية

التقديم:
https://docs.google.com/forms/d/e/1FAIpQLSd1Qj44jmJTInddo0wvwRQSB_n5dg8-yxUA1Y2TMR5mEUkgpA/viewform?usp=header

التخصصات الصحية ماعندي خلفيه هل تتابعوني ولكن في وظائف كثيرة في جدارات سوا للاسنان او للصيدلة او التمريض او المختبرات

كذلك المعلمين

+ فيه معلومه اكتشفتها موخراً الوظايف الاونلاين في منصة جدارات لها خوارزميه معينة حتى لو كتبت مثلا وظائف عن بعد او اونلاين م راح تطلع لك ف وش تسوي ابحث بالمسمى ؟ مثل خدمة العملاء- مدخل بيانات وكثير مسميات هذي باي مدينة من مدن المملكة تقدر تشتغل فيها وانت ببيتك + وحتى لو عندك وظيفه حضوري المهم الاثنين م يتعدون نسبه معينة من راتبك يعني لو جمعت الاثنين كلهم م يتعدون فرضا ٦ الاف