المعهد فيه مميزات كثيرة ويحاولون قد م يقدرون يخدمون الطلاب والطالبات لكن فيه اخطاء حصلت ماودي اذكرها كلها وطبيعي كاي منشئة جديدة يحصل فيها اخطاء ويحصل فيها مشاكل ولكن نتمنى يعدلونها وهم شغالين عليها حالياً


فيه مشاكل مثل طرق التواصل معهم شوي صعبه الغالب محد يرد علينا اذا فيه شي او استفسار وكذا مره بلغناهم نحتاج نتواصل معكم اذا جيناهم حضوري م يقصرون بس م ودنا كل مره نجي حضوري نبي اونلاين يردون علينا


+ الى الان لايوجد منصه مثل بلاك بورد نشوف فيها درجاتنا والمواد الي خذيناها ويوم كلمناهم قالوا نشتغل عليها ف بنشوف

+ الى الان مكافأتنا مو منتظمه بسبب الشركات صار تأخير كبير وممكن شهر تنزلك مكافأه ٣ شهور لا ممكن لاننا اول دفعة ف الاخطاء كثيرة لكن مجملاً المعهد جميل ورائع وحسن اسلوبهم معنا وتعاونهم يخلينا نغض البصر عن المشاكل الي حاصلة

+ الاسبوع هذا كانت عندنا دورة مع أ بهاء السليمان بواقع ٢٠ ساعة تدريبية عن الذكاء الاصطناعي الدورة كانت ممتعة لانها تقنيه وهذا مجالي وتخصصي ف استمتعت فيها وكذلك فيها شهادة رح تنزلنا قريبا الدورة هذي كانت اونلاين ٤ ايام تكلم فيها عن الذكاء الاصطناعي والاستراتجيات المهمة فيه واهم الادوات والامن السيبراني ومخاطر الامن السيبراني وكيف نحمي نفسنا من الاختراق والهكرز وكثير مواضيع


حاليا من دخولنا للمعهد صار معنا ٣ شهادات وكل شهادة لها ساعات تدريبيه تخدمنا في السيفي

كذلك احنا الان لاتخرجنا رح يكون معنا دبلومين
دبلوم عام من المؤسسة العامة للتدريب التقني والمهني ودبلوم باسماء تخصصاتنا

المعهد متعاون ومتعاقد مع هذي الشركات وشركات اخرى تخدمنا بعد التخرج

بخصوص التقويم الدراسي نفس تقويم الجامعات والمدارس فيه اجازة للعيدين وفيه اجازة رمضان ونهايه السنه وفيه اجازات اضطرارية

واما الغياب لاوالله مشددين عليه وكل غياب بخصم الا اذا كان بعذر ويعاملونك كانك موظف عندنا بصمة وعندنا خصومات

هذا التقويم الدراسي

طيب الان نجي لاهم شي وتقريبا تكلمت عن كل شي


١- تعريف عن المعهد وكيفية تسجيلنا
٢- دراسة المعهد والمواد والتخصصات
٣- سنوات الدراسة سنتين ونص
٤- المكأفأة والمميزات
٥- العيوب والمشاكل
٦- التقويم الدراسي و الشركات
٧- الدورات
٨- بتكلم الحين عن التسجيل في المعهد وطرق التواصل معهم


هل التسجيل فاتح حاليا سابقا على الي سمعت ان المفروص يفتح بين الترمين ولكن مافتح قالوا نعلن بحسابتنا في تويتر لذالك بنشرلكم حساباتهم وطرق التواصل وكلموهم شوفوا متى يفتح للي حاب يسجل

هذا رقمهم

وهذا حسابهم في تويتر وباقي المنصات موجوده ايضا وموقعهم الرسمي

طيب انا ي هديل كان هدفي اني ماراح ادخل مجال مو مجال تخصصي انا تخصصي نظم معلومات النيه اتوظف في مجالي او احد مجالات الحاسب الالي ولكن الخيرة فيما اختاره الله بحكم ان منطقة الجوف لاتدعم المجال التقني بكثره مع الاسف اضطرينا نتوظف في مجالات خارج مجالاتنا


انا سنة كاملة ابحث عن فرص تمهير في مجال تقنية المعلومات او it م حصلت ولافرصة حرفيا لايوجد كلمت كل الوزارات كلمت كل الهيئات كلمت كل الشركات الكل مكتفي

قل مو مشكله مانبي تمهير نبي وظايف مافيه مو مشكله نبي تدريب يهيئنا للتوظيف مافيه والعطاله شينه وانا ماحب اجلس ف دخلت المعهد

المعهد مميزاته حلوه وموعودين بمشيئه الله بوظايف بعد التخرج

الكلام وين ؟ اني يوم دخلت المعهد جتني وظايف بحدود الهبل في تخصصي 😂

وزاره التعليم فتحت ٦ وظائف تمهير في مجالي
امانة منطقة الجوف كذلك
المدارس كلموني مدرستين للحاسب
ولكن سبحان الله مشيئه الله فوق الجميع ولعلها خيرة والله لو اتكلم عن الوظايف الي جتني انها تحزززز بالخاطر وينكم سنه كامله😂
لكن ماعليه الوعد لاتخرجت من المعهد جايتكم

ولاميه جهة كلمتني اول م سجلت بالمعهد 🦦
وانا دائما في كل امور حياتي اقول الخيرة فيما اختاره الله الانسان بطبعة عجول وم يحب الانتظار بينما رب العالمين كاتب له ارزاق الدنيا بس يبي عبده يحمده ويشكره

صح اني مو فاهمه الحكمه ورا اني بيوم وليله جتني ١٠ وظايف بيوم واحد ولكن اخترت الي ربي كتبه لي وجابه لنصيبي ف لعله خير لي

واسئل الله ان يوفقكم ويكتب لكم الخير

اسعوا ترا م خاب من سعى انا سنه كاملة بدون لاوظيفه ولاهم يحزنون عاطله صح العطاله وناسه واول ٦ شهور راحه من الجامعه والاختبارت والتعب وصدقوني كل واحد بالجامعه الان عارفه شعور يبي يتخرج ويفتك بس اصبر علي اول ٦ شهور بعدها تطفش


الروتين المتكرر ممل جداً بس انا الحمدلله ماستغليتها قاعده فاضيه لاوالله خذيت شهادات وطورت نفسي وسويت سيفي وضبطت حساباتي في لينكدان ورحت سويت دورات ولقاءات وساعدت اكثر من ١٠٠ شخص يفتح حساب في لينكدان ف الحمدلله سويت انجازات بالسنه هذا لكن ابن ادم م يعجبه شي وده نهايه سعيّه انجاز لذالك اسعوا

بعد ماتخرج من المعهد تحسبوني بوقف ؟ برضو لا لو ادرس تخصص جديد ماعندي مشكله انا ماحب اقعد 😂
لذالك بمشيئه الله لاتخرجنا انا متاكده بحصل وظايف لكن للان بخاطري تمهير لذالك بدورلي تمهير

هذا كانت الخطة الي كتبتها قبل سنة تقريبا بعد تخرجي والحمدلله انجزت كثير منها ومستمرين باذن الله

طبعا انا اقول للي يفكر مثلي انه م يتوظف بمجال غير مجاله تراك مخطي

لان م تدري رزقك وينه صح انك درست وتعبت على تخصصك لكن لو مالقيت فرضا وظيفه بتخصصك بتقعد؟ طبعا لا اسعى لو باي مجال بالعكس تتعلم وتتطور وتاخذ خبرات سعيك هذا م راح يروح عبث ومحد ترا بدا من المليون كلنا رح نبدا من الصفر وبنوصل المليون

انت ابدا باي وظيفه وبعدين رح تحصل نفسك وصلت للوظيفه الي تبيها

ف انا كان منظوري خاطئ وتعلمت والي يخطي يتعلم ف نصيحه عشان محد يخطي مثلي لاجاك وظيفه بغير مجالك وتخصصك اقبل فيها وتوظف فيها

وبس والله اتمنى اني وفقت في نقل تجربتي واكيد اذا صار في اي شي جديد بخبركم باذن الله ولاتنسونا من دعواتكم❤️