كذلك منصة توطيني منصة خاصة للسعوديين وموثوقة تنزل يومياً وظائف

هذي القنوات والحسابات الي انا شخصياً اقدم فيها يومياً ولان كثير يرسل لي كيف ومن وين تقدمين على الوظايف

يومياً شيكوا على القنوات وحسابات تويتر

برضو الايام الجاية برسلكم اسماء تطبيقات اقدم فيها يومياً وموثقة

من ضمن التطبيقات الي تكلمت عنها وبنشرلكم اسمائهم قريباً

والله يوفقنا اجمعين يارب

وصدقوني الواحد اذا م تعب على نفسه الوظايف م راح تجيه

انا شهر ٦ رسمياً اخلص الجامعة كلها واستلم الوثيقة


ومع ذلك اسعى وابحث عن وظايف وتوظفت ووقعت عقود وقابلت مقابلات



وانا باقي م خلصت مع ذلك اقولكم ان فيه وظايف عادي عندهم انك باقي م تخرجت وعادي عندهم انك ماستلمت وثيقة



فيه شركات نظام عقود ٣ شهور بدون تأمينات وفيه شركات نظام بنود


يعني الموضوع يحتاج سعي منكم فقط

ومافي شي يجي بالسهل يلزمك صبر ويلزمك يقين بالله كثير شركات قابلت معهم وكل شي تمام وخلاص تكه واوقع العقد سبحان الله ربي م يشاء ان الامر يكمل لعله خيرة مع ذلك كملوا لاتخلون الاحباط يسيطر عليكم



ابواب الرزق مفتوحة وابواب السماء كثيرة وماعلى ربك عسير الي عليك تسعى وتدعي ورب العالمين يعطيك على قد سعيك واجتهادك



ونيتك هي سبب توفيقك بعد الله ان قلت والله مافي وظايف وتخصصي مو مطلوب وسوق العمل مليان والعطاله فل نصيبك رح يجيك


وان قلت ربي كاتب لي الخير ومتفائل بربك ان رزقك غير رزق غيرك صدقني ابواب السماء تفتح لك بغير جهد منك لانك تفائلك بربك اولاً ولان عندك يقين بالله ان مهما تأخرت الارزاق رزقك مكتوب لك

بخصوص المقابلات
على حسب المسمى الوظيفي الي تقدمون له يعني مثلاً انت قدمت على وظيفة خدمة عملاء ، وش تسوي


تروح تفتح قوقل او اي متصفح تكتب chatgpt تكتب مهام خدمة العملاء


يطلع لك مهامك تحفظها بعدين تكتب عطني اسئلة مقابلة ل خدمة عملاء يطلع لك كل الاسئلة المقترح ان يسئلها لك موظف hr


سويتها ٣ مرات بكل مره تضبط معي وكل الاسئله تجيني

برضو مثلا قدمت على مسمى علاقات عامة سوا مديرة او اخصائي

نفس الحكاية تعرف مهامك بعدين تطلبه يكتب لك اسئله


اي مسمى انت مقدم عليه برضو نفس الحكاية


سوا تقني ، اداري ، صحي ، هندسي ، قانوني العلم تطور حاليا م يحتاج تتعب نفسك كل شي الذكاء الاصطناعي يوفره لك

وبخصوص الخبرات اذا كانت اقل من شهرين لاتحطها بالسيفي ولاتذكرها حتى لان م يعتبرونها خبرة لك



الخبرات تكون من ٣ شهور وفوق


يعني انا الحين مديرة العلاقات العامة بتقريب صارلي ٨ شهور اقدر اني اكتبها بالسيفي لان تعتبر خبرة سنة الا شوي

واي خبرة تكتبها بالسيفي سبق ووضحت طريقة الكتابة


تكتب المسمى الوظيفي بعدين تاريخ البداية والنهاية بعدين المُهام الي انت سويتها

تقدرون حتى تاخذون المُهام من الذكاء الاصطناعي اذا م تعرفون مهام مسماكم الوظيفي لان كل المُهام لكل المسميات موحدة

والنوادي والهاكثونات والمجتمعات والله مهمة مهمة مهمة هي الي تطلع خبرتك
وان تجرب تشتغل بلجان ويوكلونك بمُهام

كل هذي الاشياء تعلمتها بنفسي لان صراحه مافي احد يشارك هذي المعلومات مع انها معلومات عادية وان قلتها تفيد غيرك وتكسب دعوات مافيها شي يتخبى لكن ماعرف ليش كثير يتحسسون لاقلتها


عموماً اي معلومة تعرفونها اكتبوها واي معلومة انا عرفتها بشاركها ✨


"وتذكروا خير الناس انفعهم للناس"

برضو من ضمن الحسابات الي معتمدتها سعيد ماقصر للامانة معي عدل على سيرتي وصحح لي كثير اشياء

وبرضو ينزل وظائف وتدريب تعاوني

منصات التوظيف الي تعلن بشكل دوري هم منصتين من وجه نظري والي انا دائما معتمدتهم تويتر + لينكدان


تويتر مليان حرفيا مليان موظفين موارد بشريه ضيفهم كلهم واي واحد ينزل وظيفة بمدينتك قدم

ولينكدان برضو مليان سوا تبي مدير الشركه براسه تتواصل معه او موظيفنه تبع الhr

وحتى تقدر تشوف مبنى الشركة وعلاقاتهم مع الموظفين وحسابات الموظفين ومعلومات عنها

بكذا انا ختمت سلسلة التوظيف والخريجين


تكلمنا عن لينكدان
تكلمنا عن السيرة الذاتية وكيف تسويها
تكلمنا عن التخصصات وشرح لهم
المسميات الوظيفية
المقابلات
منصات التوظيف
اختبارات الخريجين
المجالات الدقيقة والوظيفية


كل شي حرفيا تكلمت عنه بكل حب فقط بالبحث تبع القناة اكتبوا الاسم ويطلع لكم كل شي


اجلسوا عالقناة يوم كامل وكل المواضيع والله من صالحكم وتفيدكم وتخدمكم


واعتذر عن الاطالة وموفقين خير ❤️


لاتنسونا من دعواتكم

لعلها تفيدكم موقتاً لين نرتب ونضيف المواضيع الجديدة

للجدد هذا تعريف بسيط عني

٩-سفيرة فضاء اجاء لتقنية المعلومات
١٠-ممثلة منصة هاش بلس للتقنية