الاربع شهور الاخيرة سبتمبر اكتوبر نوفمبر ديسمبر لانها شهور نهاية السنة فاغلب عقود الموظفين تنتهي واغلب الشركات تحل العقود وتطلب موظفين وكثير شركات حكومية وخاصة بدت تعلن عن شواغر وظيفية ف شيكوا على الاعلانات بتويتر وموظفين موارد بشرية

https://t.me/ewdifh
هذي القناة تنزل بشكل يومي وظائف حكومية وغيرها وموثوقة

https://t.me/wadhefaplus

ايضا هذي القناة

كذلك من حسابات تويتر الي احبها عبدالمجيد ينزل بشكل دوري ويفتح سبيسات يومياً يرشح

ايضا ابو تركي كل مدن الممكلة ينزل لهم وظايف واغلب الشركات صارت تتعاون معه

كذلك ضيفنا السابق سعد الحربي ينزل بشكل دوري وظائف

كذلك منصة توطيني منصة خاصة للسعوديين وموثوقة تنزل يومياً وظائف

هذي القنوات والحسابات الي انا شخصياً اقدم فيها يومياً ولان كثير يرسل لي كيف ومن وين تقدمين على الوظايف

يومياً شيكوا على القنوات وحسابات تويتر

برضو الايام الجاية برسلكم اسماء تطبيقات اقدم فيها يومياً وموثقة

من ضمن التطبيقات الي تكلمت عنها وبنشرلكم اسمائهم قريباً

والله يوفقنا اجمعين يارب

وصدقوني الواحد اذا م تعب على نفسه الوظايف م راح تجيه

انا شهر ٦ رسمياً اخلص الجامعة كلها واستلم الوثيقة


ومع ذلك اسعى وابحث عن وظايف وتوظفت ووقعت عقود وقابلت مقابلات



وانا باقي م خلصت مع ذلك اقولكم ان فيه وظايف عادي عندهم انك باقي م تخرجت وعادي عندهم انك ماستلمت وثيقة



فيه شركات نظام عقود ٣ شهور بدون تأمينات وفيه شركات نظام بنود


يعني الموضوع يحتاج سعي منكم فقط

ومافي شي يجي بالسهل يلزمك صبر ويلزمك يقين بالله كثير شركات قابلت معهم وكل شي تمام وخلاص تكه واوقع العقد سبحان الله ربي م يشاء ان الامر يكمل لعله خيرة مع ذلك كملوا لاتخلون الاحباط يسيطر عليكم



ابواب الرزق مفتوحة وابواب السماء كثيرة وماعلى ربك عسير الي عليك تسعى وتدعي ورب العالمين يعطيك على قد سعيك واجتهادك



ونيتك هي سبب توفيقك بعد الله ان قلت والله مافي وظايف وتخصصي مو مطلوب وسوق العمل مليان والعطاله فل نصيبك رح يجيك


وان قلت ربي كاتب لي الخير ومتفائل بربك ان رزقك غير رزق غيرك صدقني ابواب السماء تفتح لك بغير جهد منك لانك تفائلك بربك اولاً ولان عندك يقين بالله ان مهما تأخرت الارزاق رزقك مكتوب لك

بخصوص المقابلات
على حسب المسمى الوظيفي الي تقدمون له يعني مثلاً انت قدمت على وظيفة خدمة عملاء ، وش تسوي


تروح تفتح قوقل او اي متصفح تكتب chatgpt تكتب مهام خدمة العملاء


يطلع لك مهامك تحفظها بعدين تكتب عطني اسئلة مقابلة ل خدمة عملاء يطلع لك كل الاسئلة المقترح ان يسئلها لك موظف hr


سويتها ٣ مرات بكل مره تضبط معي وكل الاسئله تجيني

برضو مثلا قدمت على مسمى علاقات عامة سوا مديرة او اخصائي

نفس الحكاية تعرف مهامك بعدين تطلبه يكتب لك اسئله


اي مسمى انت مقدم عليه برضو نفس الحكاية


سوا تقني ، اداري ، صحي ، هندسي ، قانوني العلم تطور حاليا م يحتاج تتعب نفسك كل شي الذكاء الاصطناعي يوفره لك

وبخصوص الخبرات اذا كانت اقل من شهرين لاتحطها بالسيفي ولاتذكرها حتى لان م يعتبرونها خبرة لك



الخبرات تكون من ٣ شهور وفوق


يعني انا الحين مديرة العلاقات العامة بتقريب صارلي ٨ شهور اقدر اني اكتبها بالسيفي لان تعتبر خبرة سنة الا شوي

واي خبرة تكتبها بالسيفي سبق ووضحت طريقة الكتابة


تكتب المسمى الوظيفي بعدين تاريخ البداية والنهاية بعدين المُهام الي انت سويتها

تقدرون حتى تاخذون المُهام من الذكاء الاصطناعي اذا م تعرفون مهام مسماكم الوظيفي لان كل المُهام لكل المسميات موحدة

والنوادي والهاكثونات والمجتمعات والله مهمة مهمة مهمة هي الي تطلع خبرتك
وان تجرب تشتغل بلجان ويوكلونك بمُهام

كل هذي الاشياء تعلمتها بنفسي لان صراحه مافي احد يشارك هذي المعلومات مع انها معلومات عادية وان قلتها تفيد غيرك وتكسب دعوات مافيها شي يتخبى لكن ماعرف ليش كثير يتحسسون لاقلتها


عموماً اي معلومة تعرفونها اكتبوها واي معلومة انا عرفتها بشاركها ✨


"وتذكروا خير الناس انفعهم للناس"

برضو من ضمن الحسابات الي معتمدتها سعيد ماقصر للامانة معي عدل على سيرتي وصحح لي كثير اشياء

وبرضو ينزل وظائف وتدريب تعاوني