٤٣ د كانت اجمل الدقايق

ماحسيت انها مقابلة عمل كثر ماني مرتاحه وجالسة اسولف واكسب خبرة واخذ واعطي ويشرحون لي واشرح لهم


ماتوترت ابداً لاني ارتحت وسوا انقبلت مانقبلت انا راضيه لان عجبني الحوار

اتمنى كل موظفين موارد البشرية زي كذا الفئة هذي جداً رائعة تطلع خبراتك مواهبك ترتاح اكثر يهمني بيئة العمل اكثر من العمل والراتب نفسه تصدقون؟

ارجع اقول لينكدان اهم من اسمك


ضبطوا حساباتكم كل الشركات موجودة بلينكدان كل شي حرفيا حاليا هذا زمن لينكدان


اي شخص مو عارف يضبط حسابه يكتب بالتعليقات وانا بساعدة ولاابي منكم الا الدعوات

وشي ثاني مهم كونك طالب جامعي

النوادي مهمة والمعكسرات مهمة بعد توفيق الله ثم هم م جتني عروض وظيفية


والفضل بعد الله الى تقريب 🧡

م كذبت يوم قلت ان الوظايف بتقريب هي تجيك مو انت تركض لها

لهم فضل كبير علي كوني كسبت خبرة منهم وضفتها بالسيفي حقي وشافوها موظفين Hr وتوظفت بنفس المسمى الي اشتغلت وكسبت خبرة فيه بتقريب

اشتغلوا على نفسكم وسجلوا بالنوادي والمعسكرات والشركات اكسبوا خبرات


لازم تتعبون لازم تعيشون التجربة لازم انت تركض وتعرف بحالك للناس

الي م يتعب والله م راح تجيك الوظيفة على طبق من ذهب وتقولك يلا تعال

انت اسعى ورزقك يجيك


خوذوا شهادات احترافية
ادخلوا نوادي اشتغلوا فيها اكسبوا علاقات عامة تدربوا بشركات
كل هذي الاشياء اكتبوها بالسيفي حقكم ترا والله تفيد والله انها تفيد اتكلم من واقع تجربة

صدقوني انا انرفضت كثير
واتضايق انسان بطبعي بشر
لكن مانشر لان ماحب السلبية ماحب انشر طاقه غير عادتي

لكن والله انت لمن تفشل او ترسب او تحمل او تنرفض صدقني مو نهاية الحياة


استمر واسعى وحاول وادرس واتعب على نفسك بتحصل


اقدر اوريكم كم مره انرفضت وكم مره فشلت وكم مره حملت مواد لكن هل الدنيا انتهت؟ الحمدلله دام مؤمنين بقضاء الله وقدره وان ربي مختار الخير ف مافي شي يدعو للزعل ❤️

وقلتها كثير دائما يجوني ناس ليش حنا ننرفض من قالكم انا مانرفض انا يوميا اشعارات الرفض م تتركني😂

مثلي مثلكم والله واتحبط واستسلم واقول خلاص طفشت قرفت ثاني يوم اسعى واحمد الله


الحياه كذا يوم لك ويوم عليك اذا كل مره تفشل تبكي وخلاص الدنيا وقفت من الحين اقولك لاتنتظر وظيفة لان م راح تنجح

دائما ردد على لسانك انك رح تنجح انك رح تصير شي كبير والله ي جماعة اني مالي هدف اكذب عليكم لكنها صدق والله صدق

انا اضحك قبل واقول بصير كذا وكذا والله اصير والله بعد سنه سنتين اصير

قال تعالى: (انا عند ظن عبدي بي)..
‏ان ظننت به خير يكن، وان ظننت به شر يكن فاحسن الظن دائماً بالله


دائما خلوا الخير وحسن الظن بالله شي اساسي قدامك لو كل الظروف عكس كل الي تقوله قل لا بصير كذا


انا كل الظروف وكل شي قدامي كان يوحي لي ان م راح اتخرج م راح اتوظف م راح اكمل خلاص انتهى الشغف مع ذلك اقول لا ربي يبيني اكمل لان عندي طموح عندي حلم انا متاكده اني بصير شي كبير

والحمدلله قاعده اشوف اثر كلامي في حياتي مانت خاسر شي يالانسان لو قلتها م راح يضرك شي يعني قلها وانت تضحك بعد ورح تصير وتصيب بأذن الله

ونعم بالله الكلام هذا يكفي عن مية سطر اكتبه

لاتنسوني من دعواتكم ي رفاق والله يكتب الخير للجميع ويوفقكم

وشاكرة دعواتكم وكلامكم الله يعطيكم على قد نيتكم وحبكم الخير للغير ❤️

في السيفي حقي انا كتبت خبرتي بتقريب

كل نادي تشارك فيه اكتب المسمى حقه بالسيفي تعتبر خبره لك المهم تكون اكثر من ٣-٤ شهور الى سنة وفوق

وكل شي انت تكتبك تراك مسؤل عنه كل شي حرفيا انا كتبت سئلوني عنه جميع النقاط جميع الخبرات جميع الشهادات كل شي

بالقناة ان شاءالله اذا عدُنا بمشيئة الله رح تكون فيه سلسلة جديدة تخص النوادي والمعسكرات اي نادي يعلنون عن تسجيل عندهم رح انشره

وكلنا نسجل ورح ينكتب لك مسمى سوا لجنة معينة سوا معسكر معين


لاتستهينون بالنوادي والمعسكرات تراها تفيد بالذات احنا كوننا حاسب تفيد هي خبرتك

كل هذي النوادي الي شاركت فيها تراها فادتني سوا بوظيفة سوا بخبره سوا تعليم سوا علاقات عامة سوا مناصب سوا مدراء تعرفت على كل شي


والنوادي ترا تحسسك انك فعلا عندك مهمة انت ملزم تقدمها بشكل مرتب لانها تمثلك وتمثل شغلك

يعني ماشاءالله فيه نوادي تبارك الله كانك متوظف بينما هي تطوع منك ماتاخذ راتب ولاتاخذ شي

لكن تكسب خبرة

ممنونه لكم جميعاً الي بارك والي يدعي واللي فرحان لي الحمدلله الله يجعلنا عند حسن الظن يارب والعقبى لكم وبمناصب ترضيكم وترضي تعبكم مهما كانت فيه صعوبات وفيه تحديات رح يجي يوم وربي العالمين بيعوضكم شدوا حيلكم الله الله بدراستكم ومعدلاتكم


وبخصوص القناة راجعين وبقوة للدورات والمعسكرات والثريدات والمسابقات ولسى عندنا انجازات الهّمة الهّمة ✨



ولاتنسونا من دعواتكم ❤️

وترا م نسينا اجلت الموضوع عشان كنت حابة اجرب جو المقابلات

وجربت مقابلتين عمل وبذكر لكم السلبيات والايجابيات والموضوع كاملاً وهذا رح يكون ثريدنا القادم بأذن الله✔️

للامانة انا ماشوف نفسي مره بروفشنال بلينكدان لان تعلمت بنفسي تعليم ذاتي ولكن عندي خبرة كافية فيه واشوف حسابي دائما متفاعل ف احس اني ماشية يالطريق الصحيح


ف الي حاب اقيم حسابه واعطيه ملاحظات يرسلي رابط حسابه سوا تحت هذا البوست او بالخاص