حسابي مو كامل

للان م ضفت مشاريع التخرج
للان م ضفت اختبارات اللغة الانجليزية ستيب وايلتس وغيره

للان م حطيت كل دوراتي وشهاداتي
للان م حطيت الوثيقة


للان م ضفت تطوع


لكن بنفس الوقت حسابي فعال وماشي لان م حطيت هذي الاشياء وسكتت لا اعوض النقص باني انشر موضوع انشر فائده انشر معلومات انشر دورة انشر اي شي

مشاهدات حسابي تعتبر لاباس لكن شي احسن من لاشي


اتعبوا على نفسكم محد رح يتعب عليك كثر نفسك حتى لو دفعت لاحد يسوي لك حسابك اذا انت م تعرف كيف تخلي حسابك فعال م راح تستفيد

شوفوا هنا ٢٢ شخص يعملون بنفس الشركة ليش ؟ لان ضفت كل موظفين هذي الشركة

م تدري يمكن واحد منهم حب حسابك وتكلم عنه لموظف موارد بشريه

الموضوع سهل ترا

المنشور الي انشره باليوم الواحد ٥١٣ شخص شافه بيوم

وهو ترا شوفوا الي انشره اشياء تافه

ي مدح لي ناس تدعي لي ي شهاداتي ي دوراتي ي اتكلم عن اي موضوع تقني


يعني ماعرف ليش مستصعبين لينكدان لذي الدرجة والله سهل بس يبي له واحد فاضي

هذا حسابي اطلعوا عليه سو نفسه تماما نسخ لصق اللهم اسمك وبياناتك

يعني م يحتاج تعب والله سهل


وماني من الناس الي تاخذ مبالغ عشان اقول والله عطني مبلغ فلاني واعلمك كيف تستخدم لينكدان

انا ابي الفايده لي ولكم لاني تعلمت بنفسي محد علمني ولااحد جاني وقال سوي سوي انا تعبت وانتو اتعبوا

وكثير والله كثير ناس تطلب مبالغ صح رزقهم لكن يوم تفهم الموضوع يطلع م يستاهل كل هذا المبلغ

شي بسيط يحتاج له واحددد فاضييي ماعنده هموم ويروق عليه

واليوتيوب مليان والله ادخلوا وشوفوا بنفسكم

هذي كل النصايح الي انا اسويها تماما يشهد الله اقولها بكل حب وكل فائده لان مابخسر شي لو قلت لكم بالنهايه بحصل دعوات وبتوفق بحياتي ماني خسرانه ابدا هذا رزق فلان وهذا رزقي


لكن والله ف سوق العمل محد رح يركض لمستقبلك كثرك افهمها محد رح يتعب لك غير نفسك انت اتعب رح تحصل م راح تتعب م راح تحصل

والي م ضفتها اقولها لكم بصريح العباره م عرفت كيف عادي اتعلم مثلي مثلك محد يولد بالدنيا هذي معلم وعارف كل شي لازم تتعب

لا ببحث مثل الشاطره واتعلم واجي اعلمكم 😂

وشي ثاني قارنوا بالحسابات انا مثلا كيف اعرف حسابي كويس ولا

ادخل حساب ناس متابعينها ٥-٦ الاف واشوف كيف مرتب حسابه كيف اللغة والكلام معه كيف حاط السيڤي واقلده

انت سو كذا ممكن حسابي م يعجبك ترتيبي له ابحث عن شخص يعجبك ترتيبه

شوفوا هنا هو قلدني وانا قلدت غيره الموضوع سهل ي اخوان

وبس والله تكلمت عن كل شي اعرفه يخص هذا البرنامج وفالكم التوفيق يارب والوظايف السنعة 🙏🏻

شعور الايمان بالقضاء والقدر مريح ي جماعة يشهد الله ليله ١٦ زعلانه ليله ١٧ ربي عوضني الحمدلله على كل شي ربي عادل جداً وعارف قد ايش انت تتعب حتى لو تأخرت امانيك رح يرضيك والله ماذكر بيوم زعلت الاوجاني العوض اللهم لك الحمد حتى ترضى ولك الحمد بعد الرضى

فعلاً ربي اقرب لنا من حبل الوريد مرات اتضايق بيني وبين نفسي ماشكيت لمخلوق احصل ربي يرضيني فوق الي ابيه

حقيقي الحمدلله انا راضيه بكل شي مكتوب لي سوا كان خير ولاشر متاكده ربي كاتب لي الخير حتى لو زعلت


اتمنى تجربون هذا الشعور انكم فعلاً بوقت المصايب ترضون وتحمدون الله والله شي جميل الثقة بالله شي ماقدر اوصف لكم انه مريح بشكل انام وانا زعلانه متاكده مثل اسمي ان بكرا ربي يرضيني وفعلاً يرضيني