وارجع واقول الحاسب بشكل عام اخوان
مهما دخلت تخصص حاسب ماعجبك وظيفتك تتوظف بالي تبيه
المهم تكون دارس المجال وتعرفه وعندك شهادات فيه م يهمهم تخصصك بقد خبرتك ممكن اذا مره مره هم يبون تخصص نظم عشان تحليل ويكون درس هذي المواد بشكل ممتاز يطلبون بالاسم نبي واحد متخصص نظم لكن بكل المجالات بكل الدورات بكل التدريب المنتهي بالتوظيف وكل الوظايف يكتبون تخصص تقني او مايعادله او انه يسطر لك كل تخصصات الحاسب ف لاتشيل هم ان تخصصك مو عاجبك




الحاسب هم مستقبل ٢٠٣٠ وكل تخصصات الحاسب ومجالاته هم اساس الرؤية

وبس والله اعتقد وضحت كل شي من اول سنة الى اخر سنة الى بعد التخرج وش تسوي اذا عندكم استفسارات حياكم الله بجاوب عليها والله يوفقكم يارب وفالكم الوظايف الزينة 🙏🏻

هذي المنصات الي اخذ منها شهاداتي الاحترافية وكلها معتمدة

وهذي بعض المواقع المعتمدة

انا وحده كيف اعرف نفسي اذا انجزت او لا اكتب سويت خطة عمل من اول سنة الى رابع سنة الى بعد التخرج والحمدلله قربت اخلصها واغلبها انجزتها انتم سو كذا اكتبوا كل شي تبونه وتبون تسونه



وللعلم انا ماسوي هذي الاشياء عشان الوظيفه

الوظيفه ان جت الحمدلله رزق من ربي وجاني انا اسويها لاني انا ابي اتعلم احب اني اكون مواكبه لسوق العمل واعرف وش الجديد بالحاسب اذا خبراتي ساعدتني اتوظف شي حلو انا مو خسرانه واذا م توظفت برضو انا مو خسرانه تعلمت وكسبت خبرات وماشيت سوق العمل


والوظيفة رح تجي بمشيئة الله

اكتبوا خطتكم من الان

اذا انت بالسنوات الاولى اكتب وش تبغى مجال وش تبي دورات احترافية تاخذ فيها شهادات وش تبي خبرات وهاكثونات


اذا انت بالسنوات الاخيرة سو سي ڤي مناسب وجهز حسابك لينكدان ورتب وضعك للوظيفة


والي يقول طيب انا حاب افتح لينكدان من الان واسوي سيرة من الان طيب حلو شي كويس كلامي هذا من وجهة نظري مو شي الزامي انت مجبور تسويه


انا اشوف ان بدايه السنين الثلاث الاولى كطالب حاسب كتبت لك المهام الي انا سويتها عجبتك سوها م عجبتك حتى لو انت طالب سنة اول تبي تفتح لينكدان وتبي تسوي سيرة ذاتيه انت حر هذا رايك قد يكون صحيح وقد يكون خطاء

الاهم ان م تتخرج الا وانت مسوي كل شي كتبته عشان وقتها لاتزعل اذا م جتك وظيفة انت سعيت وسويت كل شي مطلوب منك واغلب الشروط الي طلبوها بالوظايف انت سويتها


والتوفيق والرزق من رب العالمين متى م جاك رزقك فهو مكتوب ومقدر لك سوا بكلامي او بدونه


والله يوفقكم يارب ولاتنسوني من دعواتكم ❤️

وخلف الكثير من النجاح
‏الكثير من الفشل والرفض أيضًا

لاحظت ان كثير طلاب يحسبوني دائما انقبل تراني زيكم انرفض كثير 😂

لكن الحمدلله كل شي خيره ننرفض نكمل ننقبل نكمل لاتجلسون تتحطمون من اول مره الفشل عمره م كان محطم بالعكس خله دافع لك انك تتحدا نفسك وتكمل

ولامره شاركتكم كم مره انرفضت سوا ببرنامج او هاكثون او دورات لكن صدقوني ياكثرها

اقدر اوريكم الجانب اللي انا ابغاه محد كامل في ذا الدنيا كلنا نواجه صعوبات وتحديات وننرفض وننقبل

هذي هي الحياة يوم لك ويوم عليك ولو بوريكم كم مره انرفضت م راح تخلص اللستة 😂

لكن صدقوني رغم كل هذا متفائلة بربي ودائما اكرر دام مانقبلت فهو خير لي ❤️

وصلنا ٦٠٠ الحمدلله دائما وابدا هذا بتوفيق الله ثم دعمكم المتواصل

حبيت اعرفكم عن نفسي للجدد وان شاءالله نكبر اكثر واكثر ❤️🙏🏻

موضوع اليوم عن منصة طاقات 📍
جهزوا نفسكم للثريد 👀

البوابة الوطنية للعمل "طاقات"، إحدى مبادرات صندوق تنمية الموارد البشرية وبدعم من وزارة العمل والتنمية الاجتماعية ووزارة الخدمة المدنية، توفر منصة الكترونية شاملة لسوق العمل في المملكة العربية السعودية بالنظام العام والخاص ومزودي خدمات التوظيف، تجمع بين الباحثين عن العمل وأصحاب الأعمال وتتيح تقديم وتبادل خدمات التوظيف والتدريب بكفاءة وفعالية لزيادة استقرار وتطوير القوى العاملة في سوق العمل السعودي والمساهمة بعرض الفرص الوظيفية بشكل عادل للجميع

طاقات توفر الخدمات الإلكترونية بكل ما يخص التسجيل في البوابة.

•  تسجيل الباحثين عن عمل.
• تسجيل أصحاب العمل.
• تسجيل الجهات الحكومية
• التحقق من معلومات المسجلين الباحثين عن عمل مع مركز المعلومات الوطني
• التحقق من معلومات المسجلين كأصحاب عمل مع وزارة العمل والتنمية الاجتماعية.
•  الية التحقق برقم الجوال في الدخول على البوابة للباحث عن العمل وصاحب العمل.
• ارتباط مع أكثر من 60 جهة حكومية للتحقق من بيانات المسجلين.

منصة طاقات البوابة الوطنية للعمل توفر العديد من المميزات المهمة، منها:
1. تنوع الدورات تقدم مجموعة واسعة من الدورات التدريبية في مختلف المجالات مثل التقنية، الإدارة، التسويق، والتنمية البشرية.

2. جودة المحتوى تتميز المنصة بتقديم محتوى تعليمي عالي الجودة من خلال خبراء ومدربين متخصصين في مجالاتهم.

3. سهولة الوصول يمكن الوصول إلى المنصة بسهولة عبر الإنترنت، مما يتيح للمستخدمين الاستفادة من الدورات في أي وقت ومن أي مكان.

4. شهادات اعتماد بعد اجتياز الدورات بنجاح، يمكن للمستخدمين الحصول على شهادات اعتماد تعزز مهاراتهم وتساعدهم في تحسين فرص العمل.

شروط التسجيل في طاقات

•أن يكون المتقدم سعودي الجنسية.

•عمر المتقدم من 18 حتى 60 حسب التقويم الميلادي.

• ألا يكون المتقدم طالبا حسب بيانات وزارة التعليم.

• ألا يكون المتقدم موظف حكومي او صاحب عمل او متقاعد حكومي او خاص.
• ألا يكون تجاوز المتقدم مدة الدعم المسموحة وهي 24 شهر في البرنامج.

طبعاً جدارت وطاقات فقط ل المتخرجين لاتخرجت هي منصات بحث عن وظيفة تفيدك بأذن الله


وتكلمنا عن :
تعريف عام بالمنصة
شروط التسجيل بطاقات
خدمات طاقات
المميزات

بكذا خلص ثريدنا عن منصات التوظيف

تمكين
طاقات
جدارات

وباذن الله اني توفقت في طرحهم واذا عندكم معلومات زياده فيها فيدونا🙏🏻