احنا بحلم ولاعلم؟ سدايا والاكاديمية السعودية الرقمية باحثين عني بالاسم؟ يالله ماكرمك دعواتي قاعده اشوفها قدامي الحمدلله❤️❤️❤️❤️❤️

٢٥ ابريل كنت اقول يارب احد هذي الشركات تبحث عني
٣٠ مايو فوق الي طلبتهم جوني زياده🥹❤️❤️❤️ جهزوا نفسكم موضوعنا الجاي عن لينكدان

صباحكم خير انا سابقاً تكلمت عن لينكدان بالتفصيل الممل

- تعريف عنه
- كيف تسون حساباتكم في لينكد ان
- كيف تخلي حسابك متفاعل
-ثريدات تتكلم عن لينكدان
-دورات تسوي حسابات على لينكدان


اليوم بتكلم عن كيف تخلون الشركات تبحث عنكم سوا موظفين الشركه او hr
وبعض النصايح من خلال خبرتي البسيطه

اول شي لو تلاحظون حسابي لمن تدخلون عليه بمقدمة الحساب حطيت معلومات بسيطة عني زي اهتمامي ايش ؟ او التخصصات المهتمة فيها ايش

السبب ان مثلا الشركة عندها نقص بتخصص معين تدخل على حسابك يكون محور اهتمام انك متعلم نفس المجال


مثلا انا مهتمة بتحليل البيانات وسدايا شركة تخص البيانات والذكاء الاصطناعي الي بحثوا عني سوا كان موظفين بالشركه او hr يطلع وش منصبه واسمه وكل شي يخص بياناته وقيسوها على باقي الشركات



كذلك انت لمن تضيف الزملاء ضيف اشخاص مهتمين بالمجالات الي انت كاتب عنها او مهتم فيها هذا برضو يزيد تفاعلك واحتياجهم لك



كذلك تفاعل واكتب تعليقات وانشر بوستات التفاعل جداً مهم اعتبروه مثل حساباتكم التواصل الاجتماعي

هذا حسابي بلينكد ان بدايته اسمي
والاشياء المهتمة فيها
كذلك اللوقو جدا مهم تصممون لوقو رسمي

اذا انت ولد حط صورتك الرسمية سوا بالاحوال او بتخرجك او صورة رسمية حلوه لك

اذا انتي بنت محجبه كذلك حطي صورتك وتكون الخلفيه مو زحمه بسيطه

اما لو منقبه حطي لوقو رسمي او صورتك بنقاب كذلك كويس

هذا الي يميز لينكد ان عن غيره يطلع لك كل شخص بحث عنك باسمه ومنصبه والشركه الي اشتغل فيها وبالارقام وكم مره بحث عنك بالساعه والدقيقه


ف احنا كحاسب يميزنا كثر علاقات العمل والزملاء والزميلات بالجامعة مثلا انا طالبه اشتركت في هاكثون للحاسب الهاكثون هذا يجمع كل جامعات المملكه ف انا كذا كسبت علاقات من جامعة فيصل نوره وغيره اضيفهم بحساباتهم هم ايضا يضيفوني عندهم علاقات وناس ذا ت مناصب كذلك يضيفوني واضيفهم بكذا انا صرت اجتماعية وعندي علاقات مميزه

تعرفون بمقوله الصاحب ساحب؟ انا عكستها وخليتها الموظف ساحب بمعنى انا كموظف شفت حساب هذي البنت مميز كلمت الشركة عنها الشركه توظفها عندنا انت لمن تضيف واحد شخص واحد من هذي الشركه رح تلاحظ ان ٥-٦ اشخاص من نفس الشركة باحثين عنك دليل ايش ان فيه احد شاف حسابك وتكلم عنك

سبق ونشرت مجتمع يخص لينكدان تشاركون حساباتكم فيه المجتمع هذا برضو ساعدني ان حسابي ينتشر والمجتمع فيه موظفين hr واشخاص عندهم مناصب وشركات وناس عادية جميع الفئات الي انت متوقعها رح تحصلها

هنا لمن قلت سدايا بحثت عني بوريكم كم شخص متوظف من سدايا بحث عني بذاك اليوم

شخص واحد من الاكاديمية السعودية بحث عني

و٤ اشخاص من سدايا بحثوا عني

عشان كذا انت لو واحد يتابعك او يهتم لحسابك رح يسحب وراه ٥-٦-٧ ويطلع بالاسم من هذا الشخص وحسابه ومنصبه اذا حسابك موثق

كذلك انت لمن تكتب اهتمامي تحليل بيانات ولاتصميم واجهات ولااي تخصص ومجال انت مهتم فيه كفرد يطلع كم شخص وشركة بحثت عن هذا المسمى بحسابك عشان كذا مهم جداً تكتبون اهتمامكم مهم حيل

لمن تكتبون اهتماتكم لاتكتبونها بس عشان تمشون ورا سوق العمل
لا انت فعلا تكون عارف بهذا المجال وعندك شهادات فيه ولك خبره فيه بحال لو توظفت عندهم او سوو مقابله معك عندك معلومات مو بس حاطها اسم

كل شي يخص حسابك كم شخص دخله كم شخص بحث عنك كم شخص شاف ملفك الشخصي او منشوراتك او المتابعين يطلع لكم نسب زي كذا

اما بخصوص كيف تضيفون وترتبون حسابكم انا مو بروفشنال كل يوم اتعلم شي جديد بحسابي واعدلة ولكن من اهم واكثر الاشياء الي استفدت منها ادخل على حسابات الناس واشوف كيف ترتيبهم لحسابهم

زي مثلا السيفي وين حطوه
زي اهتمامهم ايش
زي الشهادات والخبرات وين حطوها
كل شي حرفيا اقارن بينه وبين حسابي واتعلم اذا انت ماتعلمت كفرد محد رح يعلمك صدقوني ان يكثر الي مستغلين ان الناس م تعرف لينكدان يبيك تدفع ٥٠٠ -٦٠٠ ريال يضبط حسابك بينما الموضوع تافه تدخل يوتيوب وتتعلم كيف ترتب حسابك

انا حرفيا كلمت اكثر من ٤-٥ اشخاص كلمهم مستغلين الوضع ويبغونا ندفع مبالغ عن ترتيب الحساب تعلمت والله ذاتي انا كنت مأجله الموضوع٥ شهور احسبه صعب طلع حرفيا الموضوع سهل جداً والله ماخذ مني يمكن ساعتين كحد اقصى اني افهم لينكدان ايش هو

لاتخلون احد يستغلكم الموضوع م يحتاج تدفعون ابداً اكثر من ٣٠-٦٠ ريال اما ادفع ٥٠٠-٦٠٠ ليه على ترتيب حساب؟
اذا تبغون شي اسئلوا هنا وبنساعد بعض او اسئلوا بالمجتمع تبع لينكدان

يشهد الله مو جالسه اقطع بارزاق احد لكن الوضع لايحتمل خاصه اني فاهمه واعرف كيف الموضوع بسيط

اذا احد حط سعر معقول الله يوفقه يارب ويرزقه لكن تحط لي ٦٠٠-٧٠٠ على حساب وبالنهايه ترتيبه ايش انك تسالني وش اهتمامي وتسالني انا وش خبراتي يعني بالنهايه رح ترجع لي ف ليش انا ماعتمد على نفسي واسويه انك م تعرف ابدا مو عيب محد انولد يعرف كل شي انا ماعرف لكن تعلمت

انا للان حسابي مو كامل والله حيل ينقصه اشياء


لو تلاحظون ماعندي سيرة ذاتيه ليش ؟ السبب م استلمت الوثيقه للان

كذلك اختبارات العامة تبع الانقليزي ستيب - ايلتس- توفل ماحطيتها لاني ماختبرت

كذلك الشهادات والخبرات مو كل شهاداتي حطيتها

كذلك مشروع تخرجي م حطيته للان

والتطوع الي تطوعت فيه برضو م حطيته

يعني حسابي ٨٠-٧٥ ٪؜ لاباس فيه كسبت متابعين وكسبت علاقات اجتماعية وكسبت تفاعل لكن ترا كل يوم اتعلم شي جديد مثلي مثلكم

كذلك ترتيب الحساب سهل جداً هو يكتب لك وش الاشياء الي تضيفها عليك بس تضيف

الاشياء الاساسية

زي التعليم الجامعة - تخصصك- متى بديت - متى تخرجت

خدمات وفترة توقف عن العمل هذي لو كنت موظف تعبيها لكن الاغلب طلاب وطالبات

مهارات تنقسم الى نوعين مهارات شخصية انت كفرد وش يميزك عن غيرك مثلا عندي مهارة العمل الجماعي عندي مهارة ادارة الوقت او مهارات عامة زي انا حاسب تخصصي به لغات برمجية SQL-html-php-python-

عناصر مميزة زي السيرة الذاتية
ترخيصات وشهادات دوراتك وشهاداتك الي خذيتها
مشروعات زي مشروع التخرج
دورات دراسية دورات خذيتها وانت تدرس بمعنى من جامعتك
توصيات مثلا انا اشتغلت تدريب بامانة الجوف وابي يكتبون عني توصية اني كنت مثلا طالبة مجتهدة ومتلزمة هم يصادقون التوصية هذي وياكدون عليها لمثلا الشركات عشان يشوفون ان كلامي صحيح

اضافيه زي
خبرات تطوعية انت وين تطوعت
منشورات زي مثلا تشارك منشورات مثل تويتر انت وش سويت اليوم انت قاعد تدرس دورة جديده انت عندك اجتماع هاكثون مشروع شي انجزته
تكريمات وجوائز من الجامعه
نتائج الاختبارات المقصود فيها نتائج اختبارات اللغة الانقليزيه ستيب- ايلتس- توفل - اختبارات الرخصة المهية العامة والخاصة - اختبارات المعلمين وغيره
اللغات انت كم نسبه تعلمك للغه هذي
منظمات مثلا انت موظف بشركة معينة او شركات سابقة حطها