الحمدلله حمداً كثيرا طيبا مباركا فيه رسميا خلصت كل مشاريع التخرج وقفلت ملفاتها جداً فخوره بنفسي قدرت اني اقدم بين العدد الهائل من رؤساء الاقسام وعميد كلية علوم الحاسب والمعلومات وعميد تخصصي نظم المعلومات شعور الانجاز م ينوصففف تعبي كل هذي المدة والضغط الي عشته خلال هذي الاسابيع اليوم شفت نتائجه كلهم اثنوا على مشروعنا وحبوه ويكفيني فخر اني كنت مقدمة البوستر وكذلك تم ترشيحي من فريقي هذي الثقة الي عطوني ياها حملتني مسؤلية كبيرة اني اكون قد الثقة الحين اقدر اقول اني رسمياً تخرجت 😭❤️❤️❤️❤️❤️❤️🎓

I did it🥹🥹🥹🥹🥹❤️

اليوم من فرحتي احس اني سحابة
‏الحين وش يقنعني اني أمشي على الأرض 🥹🥹❤️



لااخفيكم اني بنص المعرض بكيت من قوه الضغط الي عشته هذي اتعب سنة لي تعبتني بكل مافيني اخذت من طاقتي حيل ويوم خلصت الشرح دموعي تسابقني 🤣 لكن يلا حمدلله انها دموع فرح وانجاز

رئيس قسم نظم المعلومات د هشام الاحم كنتن وستظلن منار الكلية 😞❤️❤️❤️❤️❤️❤️❤️❤️

الله يبارك فيكم جميعاً والعقبى لكم يارب كل شخص كتب لي دعوه ولك بالمثل يارب وسعيدة جداً انا اشارك معكم هذي التفاصيل صدقوني لاجيتوا بعدين تاخذون مشاريع التخرج رح تستفيدون ويكون عندكم خبره وسبق وشفتوا احنا وش سوينا عشان كذا اشارك معكم كل شي اول باول حاليا رح نرتاح اسبوعين من القناة او بالكثير اسبوع نهدي الوضع ونرجع لقناتنا بالثرايدات والمواضيع اللي تعجبكم والمعذرة منكم لو كثرت عليكم وازعجتكم بتخرجي لكن والله كثره التحطيم الي شعرت فيها خلال هذي السنة وين ماروح كلمه مانتي خريجه لازالت عالقة في ذهني عشان كذا الفرحة تدبلت واي شي يخص التخرج تحصلوني اصوره لاني مو مصدقه ان فعلا خلاص تخرجت 🤣❤️❤️❤️ ف شاكرة لكم جميعاً على صبركم وتحفيزكم ودعمكم ودعائكم لي واوعدكم ان الايام الجاية بتكون احلا احلا بمواضيع وثريدات ودورات بتفيدكم بأذن الله اشوفكم على خير ولاتنسوني من دعواتكم

احنا بحلم ولاعلم؟ سدايا والاكاديمية السعودية الرقمية باحثين عني بالاسم؟ يالله ماكرمك دعواتي قاعده اشوفها قدامي الحمدلله❤️❤️❤️❤️❤️

٢٥ ابريل كنت اقول يارب احد هذي الشركات تبحث عني
٣٠ مايو فوق الي طلبتهم جوني زياده🥹❤️❤️❤️ جهزوا نفسكم موضوعنا الجاي عن لينكدان

صباحكم خير انا سابقاً تكلمت عن لينكدان بالتفصيل الممل

- تعريف عنه
- كيف تسون حساباتكم في لينكد ان
- كيف تخلي حسابك متفاعل
-ثريدات تتكلم عن لينكدان
-دورات تسوي حسابات على لينكدان


اليوم بتكلم عن كيف تخلون الشركات تبحث عنكم سوا موظفين الشركه او hr
وبعض النصايح من خلال خبرتي البسيطه

اول شي لو تلاحظون حسابي لمن تدخلون عليه بمقدمة الحساب حطيت معلومات بسيطة عني زي اهتمامي ايش ؟ او التخصصات المهتمة فيها ايش

السبب ان مثلا الشركة عندها نقص بتخصص معين تدخل على حسابك يكون محور اهتمام انك متعلم نفس المجال


مثلا انا مهتمة بتحليل البيانات وسدايا شركة تخص البيانات والذكاء الاصطناعي الي بحثوا عني سوا كان موظفين بالشركه او hr يطلع وش منصبه واسمه وكل شي يخص بياناته وقيسوها على باقي الشركات



كذلك انت لمن تضيف الزملاء ضيف اشخاص مهتمين بالمجالات الي انت كاتب عنها او مهتم فيها هذا برضو يزيد تفاعلك واحتياجهم لك



كذلك تفاعل واكتب تعليقات وانشر بوستات التفاعل جداً مهم اعتبروه مثل حساباتكم التواصل الاجتماعي