صباحكم خير بتكلم عن شي بسيط
بخصوص لينكد ان انا ترا حسابي اشوفه جداً عادي واقل من عادي وكثير حسابات ماشاءالله تبارك الله فن فن ولسى حاشتغل على حسابي كثير وجالسة اتعلم عليه ولكن الحمدلله كسبت خبرة اعتبر والموضوع طلع بسيط بسيط م يستاهل مني التأجيل الي صار وكلكم اغلبكم مأجلين الموضوع تحسبونه كبير ترا والله ماخذ مني الا ساعة ولو مرتبة شهاداتي قبل بوقت يمكن نص ساعة اقل شي لكن كنت ادورهم واحط وارتب وادور كلام
اعتبروه حساب انستا تحطون بوست وتبحثون عن كلام له ترا الموضوع جداً سهل ولكن له شروط معينة ف ان شاءالله الايام الجاية بعد م نخلص من موضوع الانجليزي واختباراته بتكلم اكثر عن لينكد ان من واقع تجربتي وكيف رتبت حسابي

زي هنا وصلني تعليق من دكتور وكان هذا تعليقه ترا والله مو قاعدة اسوي انجاز فقط اشارك يومياتي وادخلوا على حسابي وشوفوا يعني اشياء بسيطة مايبي له اي تعب او تكلفه مثل م تشارك انجازاتك على تويتر - تيك توك - سناب نزلها على لينكد أن ورح توصلك الوظائف بناء على نشاطك

الاهم كذلك انكم تتفاعلون سوا بالايكات
او باعادة نشر البوستات
او نشر بوست
او كتابة تعليقات ترا نظامة نفسه نفس تويتر بالتمام من ناحية التعليقات والنشر واعادة تغريد و.. الخ

هنا كذلك نشرت مجتمع كامل تشاركون فيه حساباتكم
مثلا خذيت شهادة جديدة انشرها عندهم
شاركت بهاكثون جديد انشرها عندهم
دخلت نادي جديد انشرها عندهم
وصلتني شهادة تقنية انشرها عندهم
خذيت دورة تعليمية انشرها عندهم
تطوعت بمكان عملي انشرها عندهم

الشركات هذي الي تبحث عني هي بناء على الاهتمامات الي انت اخترتها
يعني انا كهديل وش اهتمامي؟
تصميم واجهات الانترفيس + تحليل البيانات والانظمة ف لمن تجي شركة تبحث عني تبحث بالمسمى حقي م تبحث عني كاسم والله هديل الي بجامعة كذا تخصص كذا لا بالمسمى او الاهتمام الي انتو دخلتوه

كذلك روحوا لدكاترة قسمكم او دكتورات قسمكم واكتبوا الشهادات الي حصلتوا عليها هل هي مفيدة بسوق العمل او لا هل تخدمكم او لا زي هنا انا استشرت دكتوري ونصحني وقال ان كلها مفيدة وحلوة انت لازم تتعب على نفسك محد رح يقولك تعال اساعدك او اتعب عشان تنجح انت لازم تبادر

هذا كلام كذلك احدى الدكاترة عن شهاداتي :

خلوا الناس تعرفكم كيف ؟ من خلال انكم تدخلون هاكثونات او تدخلون نوادي او تنشرون حسابكم على لينكد ان بكل مكان الموضوع متعب شوي ورح ياخذ منك وقت وانت كل يوم تنشر حسابك ولكن النتيجه بتسرك :

الموضوع والله بسيط بشكل لكن حنا نحب نأجل انا صارلي ٥ شهور اسمع بلينكد ان ولكن مالي خلق افتح حساب فيه لين فعلا قلت خلص بجرب طلع تافه ي جماعة كاني فاتحة حساب تويتر وانزل يومياتي مو بصعوبة الوضع الي كنت اتخيلة كذلك انتو حددوا يوم ساعه معينه او نص ساعه وابدوا بحسابتكم حبه حبه واذا تبون مساعدة انا موجودة فقط ارسلوا وباذن الله بساعد الكل ❤️

تأملوا كم شخص شاف حسابي اليوم فقط
٤٠٠ الا شوي شخص
بدون تعب مني والله م سويت شي غير اني بالمجتمع نزلت رابط حسابي
والي شافوا المنشورات الي هي التغريدات خل نقول الف وعليها ف رجاء ابدوا حرفيا الموضوع سهل وبسيط

هذا حسابي للامانه اشوفة عادي وبسيط اساسا م تعبت عليه كان تجربة اني افتح بس لسى م حطيت التطوع الي تطوعت فيه لسى م حطيت السيفي حقي لسى فيه شهادات كثير م نزلتها لسى فيه مشروعي التخرج م حطيته والهاكثونات الي شاركت فيها م حطيتها

مع ذلك الحمدلله حسابي الي اشوفه بسيط جاب لي وظيفة ف ابدوا صدقوني اذا انت م تعبت على نفسك ولااشتغلت على نفسك الدنيا م راح تركض لك وتقول تعال دبرت لك وظيفة انت اذا م حطيت قيمة لنفسك مين رح يحطها لك؟
تتعب الحين ايه لكن ترتاح بعدين

وبس والله فالنا وفالكم التوفيق والوظايف السنعة وانا والله اساعد الكل باللي اقدر عليه سوا هنا بالقناة او بالخاص واذا م رديت فالمعذرة منكم ويشهد الله مابي اي شي الا الدعاء هذا الي يكفيني ويسرني ❤️✨

تخيلوا الغلط ايش ؟ اني بديت باحداثيات x قبلy وداني تركيا ويوم عكستها وصلت للمستشفى اللي ابيه الغلط ذا صدّع بي حرفياً 🤦🏻‍♀️😂