كل ثريد كتبته بالقناه كتبته من واقع حب وتجربه والله مابي منكم الا الدعاء وان الكل ينجح بمسيرته وحياته شدوا حيلكم باقي لكم فرص كثيره تجربونها 🔥

وعشان نختصر الوضع كاملاً ل اصحاب السنوات الاولى والتحضيري

١- حدد مجالك الدقيق
٢- حدد مجالك الدقيق
٣- حدد مجالك الدقيق

لاحددتوا مجالاتكم والله بيسهل عليكم كل شي وتقدرون تطورون من نفسكم بهذا المجال وعادي ترا انك تختار اكثر من مجال بالعكس انت فنان اذا عندك مجالات كثيره مبدع فيها ولكن يفضل بالوظيفه انك تتوظف بمجال واحد ماتقدر تتوظف بمجالين في نفس الوقت عشان كذا حاول تختار مجال واحد تجربه وتاخذ شهادات احترافية فيه وتاخذ دورات وهاكثونات وتشارك في مسابقات عالمية وتطور من نفسك فيه


اما بخصوص المجال انا مثل م قلت لكم

سو لسته للمجالات كاملة لين تخلصونها كامله يعني فرضاً انت باول ثاني ثالث سنه لايجي السنه الرابعه الا انت مختار

معك ٣ سنين تجرب كل المجالات كيف تجرب

تمسك كل مجال لمدة شهرين وممكن اكثر على حسب قدرتك لين تفهمه صح وتجرب مشاريع فيه اذا نجحت فيه حطه على جنب وجرب غيره لاتقول هذا هو مجالي لا جرب الكل حتى لو حصلت من البدايه جرب الكل والاهم الاستمراريه الاستمراريه الاستمراريه لاتبدا اليوم وبكرا توقف ولاتبدا شهر وشهر تسحب انت الان تحدد مصيرك ومستقبلك وخذ وقتك الكامل بتحديد المجال


وبخصوص الناس الي تخصصاتهم مش حاسب احنا نحسدكم ان ماعندكم مجالات او تفرعات لان من تبدون تكونون عارفين وش تخصصكم ووش الشهايد اما احنا فيه تخصص عام وفيه داخل العام مجال دقيق وفيه داخل الدقيق ادق وسرا الليل ولاسرينا ولكن الامور سهلات باذن الله شدوا حيلكم لاوصيكم🤣❤️

اتمنى اني وفيت وكفيت سوا لاصحاب السنوات الاولى او الخريجين انا جربت الاثنين وشاركت تجربتي في الاثنين لاتنسوني من دعواتكم وفالكم التوفيق وارجع اكرر اي شخص حاب يسالني حياكم بكل وقت القناة مفتوحة لكم ولاستفساراتكم والخاص كذلك @hdeel334 🙏🏻✨

للناس الجديدة في القناه نظام القناة كل اسبوع انزل تصويت تختارون موضوع الاسبوع ايش وهذي هي مواضيعنا واذا عندكم اشياء حابين نضيفها اقترحوها 👆🏻✔️

التصويت بقفله باذن الله يوم السبت الجاي شدوا حيلكم 👆🏻❤️

فائده تفتحون حساباتكم على لينكد ان قبل تتخرجون ٥ شركات عالمية بحثت عن اسمي شخصياً 🥰

قبل اشهر كنت اقول ادعوا لي في امر كنت اريده بشده ولكن لم يكتب لي تدرون كان المفروض بنهايه الترم ذا اكون خريجه؟ ولكن بسبب مشكلة حصلت تأجل تخرجي وزدت ترم زياده انا متاكده ربي م اخرها الا فيه خيرة لي ف لاتزعلون على شي مانكتب لكم فرحه التخرج كنت انتظرها من بدايه السنه ولكن الحمدلله م حصلت ثقوا تمام الثقه ان ربي يختار لنا افضل الاختيارات وافضل الاقدار وان لو خيرنا على اقدرانا لاخترنا القدر الذي اختاره الله لنا صحيح زعلت لان بطبعي بشر ولكن يوم تذكرت ان كل شي ميسر لي بامر الله رضيت فالحمدلله على م كتبه الله ❤️

انجاز جديد 🎉