(هدف) أعادوا فتح برنامج دعم الشهادات الاحترافية 👏🏻👏🏻
‏لو حصلت على أي شهادة من الشهادات المرفقة 106 شهادة مهنية احترافية في تخصصات ومجالات مختلفة فإن (هدف) يقوم بتعويضك عن رسوم الشهادة التي دفعتها مهما كان ثمنها.

‏هنا رابط التسجيل وطلب الدعم
‏⁦ hrdf.org.sa/Home⁩

طلاب السنوات الاولى الى ثالث سنة او التحضيري هذا الكلام موجة لكم 🫵🏻✨
كثير جتني استفسارات وش نسوي وانصحينا بتكلم لكم عن واقعي

انا دخلت تخصص ماحبه ولاني طايقته وكنت بحول ولكن قلت بشوف وش هو التخصص وصلت ثالث سنه بديت اتقبله لكن مش طموحي قلت خلص اجرب اعطيه فرصه لعل وعسى احبه طبعا درجاتي في السنين الاولى لااحكي لكم كيف سيئه م جبت الممتاز ابداً ليش لاني فيه مقوله تقول كل ماحبيت الشي رح تبدع فيه انا ماحبه ولااتقبله فقط كنت ابي اتخرج وطبعا كانت غلطه كبيره وفادحه مفروض من اول سنه ماحبيته حولت او جلست وحبيته مالكم بالطويله قلت خل اختار مجال جربت كل المجالات

تصميم وتطوير تطبيقات الايفون عجبني ولكن محتكر لاجهزة ابل ووقتها م كان عندي جهاز ابل اجلته لفتره

اخترت تصميم وتطوير تطبيقات الاندرويد حلو لكن حسيته ممل طفشت ووقفت

بديت بتطوير تطبيقات الويب عجبني خذيت مادة تطوير الويب وكملت ولكن ماحس تعلمت كل شي ف برجع له ربما بعدين

كل هذي المجالات مالها علاقه بتخصصي طبعا ولكني اجرب كلشي


مجالات النظم هي قواعد البيانات - تحليل البيانات - تحليل الانظمة - تحليل الاعمال - امن المعلومات - الحوسبة السحابية - لغات البرمجة


جربت تحليل الانظمة ووقعت بغرامه جدا جداً حبيت كيف احلل نظام كامل متكامل باستخدام الدايقرامات وللان عشقي ولكن المجال خلصته كامل مافي شي اتعلمه جديد ف

قلت ببدا بتحليل البيانات بما انه نوع من انواع التحليل وبتخصصي حبيته برضو وللان جالسه اشتغل على نفسي فيه
ولكن كل يوم ماكمل بس سويت جدول خطة عمل كاملة ابدا فيها


حاليا خذيت دوره من جامعتي في تصميم الواجهات وJavaFX ووقعت بغرامها جدا جداً وخلصتها

عرفت نفسي وش تحب حبيت ٣ مجالات وابدع فيها ودايم اقرا عنها نصحني دكتوري في الجامعه اشوف مجال اداره المشاريع ولكن قلت بعد ماخلص مجال تحليل البيانات كذلك لمن درست ماده امن المعلومات حبيت التشفير والخوارزميات بجرب باذن الله بعد ماخلص


التخصص الان واقعه بغرامه وسويت اول مبادره مع المنظمة السعودية الاولى لنظم المعلومات وانا اصغر وحده بينهم كلهم دكاتره حاصلين على شهادات الماستر والبكالوريس والدكتورات

خذيت شهادات احترافيه كثيره ولغات برمجة كثير وصلتني عروض وظايف وانا طالبة تدربت في مجال تخصص في الامانة بقسم تقنية المعلومات وجربت كل انواع الدايقرام

صدقوني اختيارات الله دائما افضل من اختياراتنا


تابع ..

الي حابه انصحه لكم او اقوله لاتستلمون حتى لو م عجبك تخصص اعطيه فرصه جرب وتعلم الحاسب هو الوحيد الي لو ماحبيت تخصصك المجالات تساعدك انك تحبه مثلا النظم فيه المجالات الي قلتها لكم لو م حبيت النظم اقدر اتوظف بمجال معين
انت لو م حبيت تخصصك العام تقدر تتوظف بالمجالات ف لاتضيع عمرك بالكلام وتحطم نفسك

اعرفوا مجالاتكم جربوا كل شي اعطوا كل مجال اقل شي شهرين لكل مجال لين تعرفون انتو وش تحبون

لاعرفتوا المجال الي تحبونه بيسهل لكم باقي امور التخصص

١- تاخذون شهادات احترافية بنفس المجال الي اخترتوه

٢- تاخذون دورات وهاكثونات بنفس المجال

٣- تسجلون في لينكدان وتبحثون عن وظايف بنفس المجال


٤- تتوظفون بوظائف بنفس المجال

ف اول خطوه تسويها كطالب سنه اولى الى التحضيري انك تختار مجالك او تخصصك الدقيق

لعلمكم درجاتي لمن حبيت التخصص كلها أ+ مشروع تخرجي رئيس قسمنا مدحه والدكتور المشررف كذلك اعجبه
كل شي انفتح بوجهي بفضل الله ثم اني حبيت التخصص وجاهدت وتعبت على نفسي

هذي تجربتي وكيف اخترت مجالي الدقيق بعد عده محاولات وتعب لاتستسلمون ليومكم ذا تراني اجرب واكتشف مجالات واشوف وش المناسب او الي احبه وابدع فيه

وهذي انا اليوم بحمدلله وتوفيقه ابدعت في التخصص واسمي انتشر بكل مكان بفضل الله صدقوني انا جربت مثلي مثلكم والبدايه دائما صعبه ولكن ثقوا باختيارات رب العالمين ❤️

وهذي مبادرتي الي سويتها مع فريقي وباذن الله الجايات افضل جالسين نشتغل اللايام هذي على رؤيه ترقبونا 🎉✨

شوفوا المثبته كل المشاركات والهاكثونات الي اشتركت فيها ثبتتها لكم شوفوا كلام المشرفين والدكاترة اتعبوا على نفسكم هذا عمر السعي لازم تسعى لنفسك لازم تكون طموح لنفسك عشان تفتخر انت بنفسك وترفع راس اهلك مهما كان تخصصك مهما كانت درجاتك مهما كنت مو حاب تكمل دراستك م فاتك شي لسى بدايتك هي من اليوم وكلامي هذا والله مو تحفيز مبالغ من واقع تجربة انا للان م تخرجت باقيلي ترم واتخرج وجتني الوظايف من كل مكان فالحمدلله الي يتعب رح يحصل وتذكروا ان ربي يقول انا عند ظن عبدي بي ان ظن خيراً فسيأتيه الخير وان ظن شرا فسيأتيه الشر تفائلو دوما انكم رح تنجحون ورح تبدعون وفالكم التوفيق يارب واي شخص يبي نصيحه يبي استشاره انا موجوده بكل وقت وباذن الله افيدكم ❤️

هذا اول عرض وصلني من شركة stc كنت في السنه الثالثة بدراستي ولو كنت مركزه عالايميلات ممكن توظفت ولكن انا متاكده انها خيره لي وربي كاتب الخير دائما

وهذي تجربتي مع المنظمة السعودية الاولى لنظم المعلومات ❤️✨

كل ثريد كتبته بالقناه كتبته من واقع حب وتجربه والله مابي منكم الا الدعاء وان الكل ينجح بمسيرته وحياته شدوا حيلكم باقي لكم فرص كثيره تجربونها 🔥

وعشان نختصر الوضع كاملاً ل اصحاب السنوات الاولى والتحضيري

١- حدد مجالك الدقيق
٢- حدد مجالك الدقيق
٣- حدد مجالك الدقيق

لاحددتوا مجالاتكم والله بيسهل عليكم كل شي وتقدرون تطورون من نفسكم بهذا المجال وعادي ترا انك تختار اكثر من مجال بالعكس انت فنان اذا عندك مجالات كثيره مبدع فيها ولكن يفضل بالوظيفه انك تتوظف بمجال واحد ماتقدر تتوظف بمجالين في نفس الوقت عشان كذا حاول تختار مجال واحد تجربه وتاخذ شهادات احترافية فيه وتاخذ دورات وهاكثونات وتشارك في مسابقات عالمية وتطور من نفسك فيه


اما بخصوص المجال انا مثل م قلت لكم

سو لسته للمجالات كاملة لين تخلصونها كامله يعني فرضاً انت باول ثاني ثالث سنه لايجي السنه الرابعه الا انت مختار

معك ٣ سنين تجرب كل المجالات كيف تجرب

تمسك كل مجال لمدة شهرين وممكن اكثر على حسب قدرتك لين تفهمه صح وتجرب مشاريع فيه اذا نجحت فيه حطه على جنب وجرب غيره لاتقول هذا هو مجالي لا جرب الكل حتى لو حصلت من البدايه جرب الكل والاهم الاستمراريه الاستمراريه الاستمراريه لاتبدا اليوم وبكرا توقف ولاتبدا شهر وشهر تسحب انت الان تحدد مصيرك ومستقبلك وخذ وقتك الكامل بتحديد المجال


وبخصوص الناس الي تخصصاتهم مش حاسب احنا نحسدكم ان ماعندكم مجالات او تفرعات لان من تبدون تكونون عارفين وش تخصصكم ووش الشهايد اما احنا فيه تخصص عام وفيه داخل العام مجال دقيق وفيه داخل الدقيق ادق وسرا الليل ولاسرينا ولكن الامور سهلات باذن الله شدوا حيلكم لاوصيكم🤣❤️

اتمنى اني وفيت وكفيت سوا لاصحاب السنوات الاولى او الخريجين انا جربت الاثنين وشاركت تجربتي في الاثنين لاتنسوني من دعواتكم وفالكم التوفيق وارجع اكرر اي شخص حاب يسالني حياكم بكل وقت القناة مفتوحة لكم ولاستفساراتكم والخاص كذلك @hdeel334 🙏🏻✨

للناس الجديدة في القناه نظام القناة كل اسبوع انزل تصويت تختارون موضوع الاسبوع ايش وهذي هي مواضيعنا واذا عندكم اشياء حابين نضيفها اقترحوها 👆🏻✔️