الحمدلله خلصنا من هم البروجكتات والشروحات مادري ملاحظين مثلي الدكاتره والدكتورات صايرين يطالبون بشرح البرزنتيشن والبروجكت ؟ هذا خامس مشروع اسويه كلهم طالبين نشرح سوا خوارزميات او دايقرامات او مواضيع عامة لكن هانت الاسبوع الجاي كله بيكون بريك 🥳🥳❤️❤️❤️ونسترجع الطاقه قبل الفاينل شدوا حيلكم خلصنا الترم باذن الله م باقي شي لاتخلون تعب ترم كامل يروح بخلال اسبوع فقط لانكم تعبتوا من الدراسه هي كلها فترة ونخلص

الي مسوي جدولي للفاينل شكله يحسبني نيوتن ولا افلاطون مايمدي الواحد يتنفس يوم بريك يوم جلد الحسنه الوحيدة كثر الله خيره مخليها متاخر الوقت ولاكان انجلطت 😃💔👎🏻👎🏻👎🏻👎🏻👎🏻.

شعور جميل كل يوم نكبر سوا أكثر ونتعلم من بعض اكثر اكبر خطوة سويتها ولاندمت عليها وفادتني ذي القناة لاني انا استفدت منها كثير من مواضيع من هاكثونات من دورات من محتوى فالحمدلله الهدف منها مو عدد مشاهدات ولاعدد اضافات الهدف عندي كثره استفادتكم منها كسبتوا مني معلومه موضوع شي م تعرفونه بالتقنيه ذي اكبر نجاح لي من عدد معين شكراً لكم جميعاً ان شاءالله أني أكون قد الثقة ❤️.

* والجديدين شيكوا عالمثبتة فيه كثير مواضيع تقنيه تكلمنا عنها بتفيدكم

ي سبحانك ي ربي كريم معطاء حنون الحمدلله دائما وابدا بدون ادنى جهد مني جالسة اصفي الايميلات الي عندي كثرها سبب لي أزمة وتعرفون فتره فاينل كل شي يصير بنظركم هذا وقته من ضمن الايميلات الي صفيتها لفتني هذا الايميل عرض ترشيحي وظيفي من شركه Stc كان واصلني بتاريخ ٣٠ سبتمبر يعني قبل ٤ شهور عشان كذا مهم جداً ي أخوان تنتبهون لايميلاتكم بكل وقت وكل زمان وتخصصون ايميل واحد لتقديم الوظائف ويكون ايميل رسمي باسمك الكامل باذن الله بس نخلص فاينل بتكلم عن موضوع الايميلات وكيف ان لازم تكون رسمية وتمثلك واما بخصوص رزقك رح يجيك بالوقت المناسب واكبر مثال ذا الايميل الي من ٤ شهور موجود ولاشفته الا اليوم بتاريخ ٢٠ ديسمبر بنهايه السنة 🫣❤️

صباحكم خير وأنجازات ❤️✨
نسبة التصويت فازت بها الشهادات الاحترافية لاي مجال وبما أني ادرس حاليا مجال تحليل البيانات من كورسيرا ومعتمدة من قوقل هذي ٨ شهادات احترافية عشان تكون محلل بيانات ناجح وتتعلم المجال هذا من الصفر الى الاحترافية وبأذن الله الايام الجاية بيكون اختيار المجالات من نصيبكم