جمعة مبُاركة علينا وعليكم يارب … حابه اتكلم عن موضوع بسيط وهو الرضاء بما كتبه الله سوا اكان خيراً ام شرا لانعلم خفايا الله بتكلم من واقع تجربه بخصوص الجامعه ويشهد الله كلامي مو ادعاء للمثاليه ولا ايجابيه مبالغة لمن كنت اذاكر قبل كنت اجتهد اجتهد لين اتعب تعب نفسي وتعب اعصاب وصحه وياخذ من وقتي كثير وبالنهايه الدرجات ماهي الي اطمح لها ولا على تعبي الي تعبته لكن رغم هذا والله صارت عاده جميله لمن اطلع من اختبار سيئ اول كلمه تجي فبالي الحمدلله على كل حال تدرون ان بعدها ربي يعوضني عوض مابعده عوض؟ ف لاتتعب صحتك ولاتتعب نفسك ولاتتعب اهلك لو مكتوب لك تنجح بهذي الماده صدقني بتنجح ولو كل اهل الارض ضدك لان الله عز وجل كتبه لك ولو اجتهدت وحفرت الارض بيدك وسويت كل شي عليك دام ربي م كتبه م راح تاخذه ربي كريم ورحيم م رفض لك شي الا فيه سبب سوا كان تكفير لذنب او لم يحن وقته او ربما يضرك او اي سبب مو شرط تعرفه حاليا لو ترضون بقضاء ربي صدقوني بترتاحون شعور الي اطلع من اختبار وانا متضايقه وكل الارض احسها علي مع ذلك ادري ربي هو كاتب لي الخيره صحيح ازعل ويمكن يومي كامل يتنكد لكن ثاني يوم والله ماذكر حتى ليش زعلت لان ربي عارف تعبي

لاتقارن تجربتك بتجارب غيرك صدقوني مرات ماودي انشر دوراتي او الجوائز الي احصل عليها تدرون ليش مابغا احد يحس انه ماينجز لان شعور ابدا مو حلو لمن تشوف كل الي حولك جالسين ينجزون ويبدعون وانت لمن تقارن نفسك تحس م سويت شي صدقوني حتنا تجيني فترات اشوف تويتر ناس مقسمه وقتها تبارك الله تشارك في مسابقات عالميه وهاكثونات عالميه ازعل على نفسي ليش طموحي مو زيهم بعدين اتذكر ان ظروفي ماهي مثل ظروفهم قدرتي ماهي مثل قدرتهم تفكيري ماهو مثلهم ليش الان صرنا نضغط على نفسنا ونستهلك طاقتنا عشان نكون بنظر نفسنا ان هذا مكاننا لا غلط كل شخص يسوي الشي الي هو مرتاح له هو حاس ان هذا مكانه كل شخص فينا له قصته وله نجاحه وطموحاته كلنا قاعدين نتعب ونتشغل ونجاهد نفسنا ونحرم نفسنا من الطلعات ومن كل شي عشان نوصل لهدف انا ماقولكم لاتحلمون ولاتتعبون عشان حلمكم لكن تذكرون ان لنفسك عليك حق لصحتك لاهلك لنفسيتك لايكون فكركم فقط دراسه وانجازات كل شي ربي كاتبه لك رح يجيك سوا اليوم او بكرا او بعد ميه سنه اسعوا وخلوا طموحكم دائما عالي وتذكروا ان ربي يشوف سعيكم ورح يعطيكم على قد تعبكم هو فقط مجرد وقت 💗

اصعب ثاني اختيار بعد تخصصك الجامعي 😞 طيب كلهم احبهم واحب اقرا عنهم واكتب ثريدات لهم كيف اختار مجال واحد اتعلمه تأسيس صحيح من A-Z
محتاره بمجال
١-الذكاء الاصطناعي
٢-تحليل البيانات
٣- علم البيانات
٤-تطوير مواقع الويب
٥-تطوير تطبيقات Ios-Android
٦- تعلم الالة
٧- تطوير الالعاب

مالهدف من النادي؟
تتمثل رؤية النادي في إعداد و تأهيل طلاب ذوي قدرات و مهارات عالية تمكنهم من أداء مهامهم بكفاءة في مجالات علوم الحاسب الآلي و تقنية المعلومات ومن ثم الوصول بهم لتحقيق النجاح الذاتي و التميز المهني

طريقة التسجيل فالنادي عندكم تطبيق هبژ مثال من الواقع هي منصة تجمع جميع النوادي في المملكة نوادي تقنية نوادي جرافيك نوادي تصوير ايضا نوادي من مختلف المجالات